ང་ཚོའི་འགན་དབང་དང་བཀའ་ཁྲིའི་ཆ་རྐྱེན། དགེ་བཤེས་བསྟན་པ་བཀྲ་ཤིས།

ལྷག་བསམ་དང་རྣམ་དཔྱོད་གཅིག་ཏུ་འབྲེལ་བའི་དྲ་གྲོགས་ལྷན་རྒྱས་ལ།
ཕྲན་གྱིས་རྒྱ་ཆེའི་མང་ཚོགས་ལ་དཔྱད་ཞིབ་ཀྱི་ཚུལ་དུ། ང་ཚོའི་འགན་དབང་དང་བཀའ་ཁྲིའི་ཆ་རྐྱེན་ཞེས་ཆེད་རྩོམ་ཞིག་སྤེལ་བ་དེ་ལ། ནང་དོན་གཉིས་ཡོད། དང་པོ་ང་ཚོ་འོས་འདེམ་བྱེད་པོ་རྒྱ་ཆེའི་མང་ཚོགས་ཀྱི་ཕུག་རེ་དང་བསམ་གཞིགས་གང་འདྲ་ཞིག་གི་འོག་ནས་ཆ་ཤས་ཇི་ལྟར་ལེན་དགོས་མིན་དང། གཉིས་པ་འབྱུང་འགྱུར་གྱི་བོད་མི་རིགས་ཀྱི་གནད་དོན་དེ་ཅི་འདྲ་ཞིག་ཏུ་འགྱུར་མིན་ལ་བསམ་ཞིབ་ཀྱིས་བཀའ་ཁྲི་ལ་དམིགས་བསལ་གྱི་ཆ་རྐྱེན་དང་ཁྱད་དུ་འཕགས་པའི་ཁྱད་ཆོས་གང་ཞིག་དགོས་མིན་དེ་ཡིན་ཞིང།
དེའི་དམིགས་ཡུལ་ནི། ༧གོང་ས་མཆོག་གིས་དུས་རྒྱུན་དུ་རེ་བ་བཟང་ས་དང་གྲ་སྒྲིག་རྡུགས་ས་ནས་ཞེས་གསུང་པ་བཞིན་ང་ཚོས་རེ་བ་བཟང་ས་དང་ཆ་རྐྱེན་མཐོ་པོ། དམིགས་རྒྱང་རིང་པོ་འཛིན་དགོས་པ་གལ་ཆེན་པོར་མཐོང་སྟེ། རྒྱ་ཆེའི་མང་ཚོགས་སྤྱི་དང་།་ལྷག་དོན་ཤེས་ཡོན་ཡོད་མཁན་ཚོས་འགན་གང་འདྲ་ཞིག་བླངས་ནས་འོས་འདོན་གནང་དགོས་མིན་དང་། ༧གོང་ས་མཆོག་གི་དགུང་ལོ་མཐོ་རུ་ནས་མཐོ་རུ་ཕེབས་བཞིན་ཡོད་པའི་ཆ་ནས་འབྱུང་འགྱུར་གྱི་བཀའ་ཁྲི་དེ་ད་ལྟའི་བཀའ་ཁྲིའི་ལས་འགན་ལས་ལྷག་ཅིག་ཡོད་པ་དང་། ད་དུང་བོད་ཀྱི་གནས་སྟངས་ནི་འདི་ལས་ཛ་དྲག་ཏུ་འགྱུར་སྲིད་པ་སོགས་ལ་སྔོན་དཔགས་ཀྱིས་འབྱུང་འགྱུར་གྱི་བཀའ་ཁྲི་དེར་ལས་ཀ་གང་ཞིག་བྱེད་རྒྱུ་ཡོད་པ་དང་། བྱེད་དགོས་པ། བྱེད་ཐུབ་པ་སོགས་ལ་དཔྱད་ཞིབ་དང་། འདས་པའི་ལོ་རྒྱུས་ནང་གི་བྱུང་རིམ་ལ་བསྐྱར་ཞིབ་ཀྱིས་གང་ཞིག་བྱེད་འོས་པ་དང་གང་ཞིག་བྱེད་མི་འོས་བ་བཅས་ལ་ཐུགས་སྣང་ཡོང་ཆེད་ཡིན།
ཁང་གསར་རྡོ་རྗེ་དང་སྐུ་ཞབས་བཀྲ་ཤིས་བཅས་ལ་རིམ་པར་གསལ་བཤད་ཞུ་རྒྱུ་ཞིག་ལ། བཅའ་ཁྲིམས་དོན་ཚན་ཉེར་གཅིག་ནང་འཁོད་པའི་ཆ་རྐྱེན་དེ་དག་ནི་མ་མཐའ་དང་གཞི་རིམ་གྱི་འོས་ཆོས་ཙམ་རེད། ཆ་རྐྱེན་དེ་དག་གཅིག་བུས་འགྲིག་ན་བཀའ་ཁྲིའི་འོས་མ་རེག་པའི་དཀའ་ངལ་གང་ཡང་ཡོད་མི་སྲིད་དེ། བོད་མི་བརྒྱ་ཆ་ལྔ་བཅུ་ལ་ཆ་རྐྱེན་དེ་དག་ཚང་ཡོད་པས་སོ།། གོང་ཟུས་བཞིན་ང་ཚོས་སྤྱི་མཚུངས་ཀྱི་ཆ་རྐྱེན་ཙམ་མ་ཡིན་པར་རེ་བ་བཟང་ས་ལ་དམིགས་གལ་ཆེ།
གཞན་ཡང་གུས་པ་ལ་མཚོན་ན་སྨན་རྩིས་ཁང་གི་དབུ་འདིན་ཟུར་བ་ཚེ་རིང་བཀྲ་ཤིས་ཞེས་པ་གོ་ཐོས་ཙམ་ལས་འབྲེལ་འདྲེས་དང་འདྲེས་ཆ་གང་ཡང་མེད་པ་མ་ཟད། རྒྱང་མཐོང་ཙམ་ཡང་དེང་བར་བྱུང་མེད་པས་གུས་པས་ཆ་རྐྱེན་བཏོན་ཁལ་དང་ཨབ་ཕྲུག་ཚོས་འོས་གཞི་བཏོན་ཁལ་གྱིས་ཚེ་རིང་བཀྲ་ཤིས་བཀའ་ཁྲི་བཟོ་འདོད་རེད་ཅེས་པའི་ཐུགས་དོགས་དེ་འདྲ་མི་གནང་བ་ཞུ། གུས་པ་ནི་ཨབ་ཕྲུག་མང་པོས་འཐའ་བསྐོར་བྱས་པའི་ཨ་ཕོ་ཞིག་རྩ་ནས་མིན་ཞིང་། ལྷག་བསམ་རྣམ་དག་བྱེད་མཁན་གྱི་གྲྭ་རྐྱང་དཀྱུས་མ་ཞིག་ཡིན།
ཆ་རྐྱེན་དེ་དག་ཚང་བའི་འོས་མི་ཞིག་བཏོན་རོགས་ཞེས་རེ་སྐུལ་གནང་བར་ཐུགས་རྗེ་ཆེ།
གུས་པས་ད་ལྟའི་ཆར་བཀའ་ཁྲིའི་འོས་གཞི་འཚོལ་བཞིན་པའི་སྐབས་ཡིན། ནམ་ཞིག་འོས་གཞི་ཞིག་འདོན་ན་གུས་པའི་བཏོན་པའི་ཆ་རྐྱེན་དེ་དག་ཡོངས་སུ་མ་ཚང་ཡང་སུམ་ཆ་གཉིས་ཡན་ཚང་བ་ཞིག་འདོན་འཆར་ཡོད། དེ་ཡང་དཔེར་མཚོན་ཞིག་ཞུས་ན། ཕྱོགས་ཀུན་ལ་རྒྱང་གཟིགས་ཐུབ་མཁན་དང་དེ་མཚུངས་ཀྱིས་ལས་དོན་གང་ཡིན་སྒྲུབ་ཕོད་པ་འདས་པའི་མི་རབས་ནང་རྩིས་པ་ལུང་ཤེར་དང་༧པན་ཆེན་སྐུ་ཕྲེང་བཅུ་པ་སྟེ་༧སྐུ་གོང་མ་ལྟ་བུ། ད་ཡོད་མི་རབས་རྒན་པའི་ནང་༧སྐུའི་གཅེན་པོ་རྒྱལ་ལོ་དོན་འགྲུབ། མཁས་དབང་ཟམ་གདོང་རིན་པོ་ཆེ། ད་དུང་ འབའ་བ་ཕུན་ཚོགས་དབང་རྒྱལ་ལྟ་བུ། དེ་དག་གང་རུང་གི་ཡོན་ཏན་ལྡན་པའི་གཞོན་རབས་པ་ཞིག་རང་རེ་ཕྱི་སྡོད་བཙན་བྱོལ་ནང་དུ་འཁྲུངས་ཡོད་མེད་འཚོལ་བཞིན་ཡོད།
མཐའ་དོན་དྲ་གྲོགས་ཡོངས་ལ་སྙིང་ནས་རེ་བ་ཞུ་རྒྱུ་ཞིག་ལ། བོད་མི་རིགས་དང་བཅས་པ་ཆགས་འཇིགས་ཆ་མ་འཚལ་པའི་སྐབས་འདིར་ང་ཚོས་༧གོང་ས་མཆོག་གི་བཀའ་སློབ་ལམ་སྟོན་ཁག་ལ་ཆེད་སྦྱང་དང་། ལྷག་བསམ་རྣམ་དག་དང་། རང་ནུས་གང་ཡོད། རྣམ་དཔྱོད་རྩལ་འདོན་གྱིས་འབྱུང་འགྱུར་གྱི་བོད་མིའི་འདུན་ལམ་དང་ཕན་བདེར་གང་ལ་གང་དྲགས་ཀྱི་སྙིང་གཏམ་དང་བགྲོ་གླེང་བྱ་རྒྱུ་གཙོ་བོ་ཡིན་པ་ལས་རྣམ་དོག་གིས་བསྐྲུན་པའི་འཆར་སྣང་གློ་བུར་བའི་རྗེས་སུ་འབྲངས་ཏེ་ཁ་ངན་ཚིག་ངན་གྱི་ཤགས་འགྱེད་བྱེད་པའི་གོམས་གཤིས་དེ་རིགས་ཅིས་ཀྱང་མཚམས་འཇོག་གིས་བོད་མི་རིགས་ཀྱི་ཐུན་མིན་བཟང་སྤྱོད་ཕྱོགས་ཐམས་ཅད་ནས་མངོན་གྱུར་ཡོང་ཐབས་ལ་ཐུགས་སྣང་ཡོང་བ་ཞུ།

་

གུས་པར་བཀུར་བའི་དྲ་གྲོགས་ལྷན་རྒྱས་མཆོག སྤྱི་ཟུར་ཐུབ་བསྟན་བསམ་འཕེལ་ལགས་ནས་བཀའ་ཁྲིའི་ལྡིང་ཆ་ཞིག་བསྐྲུན་གནང་མཛད་ཀྱང་ད་བར་འོས་ཆོས་ཚང་བའི་སྐྱེ་བོ་སུ་ཞིག་འོས་ལངས་སུ་སླེབས་མེད་པའི་རྒྱུ་མཚན་གཙོ་བོ་དེ་གང་ལ་ཐུག་ཡོད་དམ།

དྲ་གྲོགས་ཚོས་དྲི་བ་འདིར་ལན་འདེབས་ཡོང་བའི་རེ་བསྐུལ་ཞུ། ཐུགས་རྗེ་ཆེ།།

ཚེ་རིང་བཀྲ་ཤིས་ལགས་དངོས་གནས་ལྷག་བསམ་ཤེས་འཇོན་འཛོམས་ཤིང་གོང་འོག་སུ་ཡོན་ཡང་ལེགས་བྱས་ལ་བསྔགས་བརྗོད་དང་། ཉེས་བྱས་ལ་འཐེར་འདོན་ཐུབ་མཁན་ཞིག་རེད།

དགེ་བཤེས་ལགས་དང་པོ་ཆང་ས་བརྒྱབ། དེ་ནས་རབ་ཏུ་བྱུང་། དགེ་བཤེས་བླངས་བ་དེ་ངས་བལྟས་ན་གོ་རིམ་འཆོལ་མི་འདུག

ཨོ་རེད་མི་འདི་ལ་རྗེསསུ་ཡི་རང་བྱ་འོས། ཆང་ས་རྒྱབ་ནས་རིགས་རྒྱུད་སྤེལ། གྲ་བ་བྱས་དགེ་སློང་སྒྲུབ་ནས་སངས་རྒྱས་ཀྱིས་བསྟན་པ་དངོས་འཇལ། གྲྭ་སར་འཛུལ་ནས་བོད་རྒྱུད་ནང་བསྟན་གྱི་བྲོ་བ་དངོས་མྱོང་། རྒྱ་གར་ལ་བྲོས་པས་མི་རིགས་ཤིག་གིས་ལང་ཕྱོགས་གསལ་སྟོན་བྱས།གཞོན་ནུར་འཇུལ་པས་རང་འཙན་འཐབ་རྩོད་བྱས།
དངོས་གནས་མི་བྱས་རྒྱུས་ཅན་རེད།

དགེ་བཤེས་བསྟན་པ་དང་ཚེ་རིང་བཀྲ་ཤིས་ངོ་མི་ཤེས་མཁན་གཅིག་གིས་ཁོང་གཉིས་རིག་འཚོ་མ་ཟཟིན་པ་རེེད་ལབ་ན་དེས་དམིགས་ཡུལ་ཕལ་ཆེར་དྲ་གྲོགས་རྣམས་སུན་པོ་བཟོ་རྒྱུ་ཙམ་ཡིན་རྒྱུ་རེད།

རྒྱ་གྲོ་བ་ལགས། དགོངས་པ་རྩ་བ་ནས་མ་ཚོམ། དོགས་པ་ཡོད་ན་སེལ་ན་དགའ་ཟེར་བ་ལྟར་ངས་རང་གི་བློ་དོགས་ཤིག་བཤད་པ་ཙམ་ལས། ཁོང་རིག་འཚོ་མ་ཟིན་པ་ཞིག་རེད་ཅེས་ཚིག་ཐག་བཅད་ནས་བཤད་མེད། དེ་གཅིག་ཡིན།
ཁྱེད་རང་གིས་༼སྤྱིར་རིག་འཚོ་མ་་ཟིན་པ་ཞེས་པ་དེ་ས་མཚམས་ཇི་ལྟ་བུར་འཇོག་གམ། ཁྱོད་དང་ང་ལྟ་བུའི་བློའི་སྤྱོད་ཡུལ་མ་ཡིན།༽ཞེས་གསུངས་འདུག ཁྱེད་དང་ངའི་སྤྱོད་ཡུལ་མིན་ན་ཁྱེད་རང་གིས་ཀྱང་གླེང་མ་ཡོང་། ངས་ཀྱང་ད་ཕྱིན་བཤད་མི་ཡོང་།

གསལ་པོ་བཟོ་དགོས་པ་ཞིག་ལ། ངས་དོགས་འཆར་ཙམ་བཏོན་པ་ལས་ཚིག་ཐག་བཅད་མེད་པ་དེ་ངེས་དགོས། ཁྱེད་རང་གིས་༼ཁྱེད་ནས་ངའི་བོད་ཀྱི་ཨོ་བྷ་མ་ལ་རིག་འཚོ་མ་ཟིན་བརྗོད་པར་ང་བློ་ཕམ་ཤིན་ཏུ་ཆེ།༽ཞེས་བཤད་འདུག དངོས་གནས་བློ་ཕམ་དགོས་པ་དེ་ང་རེད། གང་ཡིན་ཟེར་ན། ངས་གཏན་འཁེལ་གྱི་སྒོ་ནས་རིག་འཚོ་མ་ཟིན་པ་རེད་ཅེས་བརྗོད་མེད་བཞིན་དུ་ཁྱེད་རང་གིས་བརྗོད་འདུག་ཅེས་ཧམ་བཤད་བྱེད་ཀི་ཡོད་རེད།

བཀྲ་ཤིས་ལགས།་ཐོག་མར་བཀྲ་ཤིས་གཏམ་བཟང་ཞིག་ཡོད་པ་ནི་ཁང་གསར་བས་ཀྱང་ཀླད་པ་དང་དུས་ཚོད་ཅུང་ཙམ་ཁྱེད་ཀྱི་རེ་བ་འདིའི་ཐོག་་ལ་བཏང་ནས་ཉིན་གྲངས་དང་ཟླ་ངོ་དུ་སོང་གི་ཁ་གྲངས་ཁོང་གིས་ཞིབ་འཇུག་བྱས་ནས་ཁྱེད་ལ་གསུང་ན་མྱུར་དུ་གསལ་ཐུབ་པས་དེ་མི་བཟང་ངམ།

ད་ཁ་གདངས་ན་ཁོག་མཐོང་ཟེར་བ་ལྟར་ཏོག་ཙམ་མགོ་ཚོས་ཡོང་གི་འདུག

སྨན་རྩིས་ཁང་གི་དགེ་རྒན་བསྟན་པ་བཀྲ་ཤིས་ཀྱིས་འོས་ཆོས་ཤིག་སྔོན་ཚུད་ནས་བཟོ་ཁག་བྱས། དེ་ནས་ཨབ་ཕྲུག་ཚོས་སྨན་རྩིས་ཁང་གི་འགན་འཛིན་ཟུར་པ་ཚེ་རིང་བཀྲ་ཤིས་ཀྱི་མིང་བཏོན། དེ་བཀའ་ཁྲི་བཟོ་རྩིས་རེད། དེ་ཡང་རྒྱུས་ཡོད་པས་ཡོད་པ་ངོ་སྤྲད་པ་ཡིན་ན་མི་ཆོག་པ་མེད། ས་འོག་དར་འཐག་གིས་རང་གི་དགའ་ཉེ་ཡར་འཇོག་འདོད་ཡིན་ན་ནོར་བ་རེད།

ཁང་གསར་བ་འདི་དངོས་གནས་རང་ག་བ་ཞིག་མ་རེད། འདི་པས་བཀོད་པའི་མཆན་དང་སྤེལ་བའི་ཟིན་བྲིས་ཚང་མ་ཚིག་དོན་གཉིས་ཀ་ནས་ཟབ། འདི་ཁེ་ན་ཌ་ནས་ཡོང་བ་ཡིན་ཟེར་ན་ཡིད་ཆེས་དཀའ། ཡོང་བ་ཡིན་ན་དུས་བབ་དྲ་རྒྱའི་བསོད་ནམས་རེད། ཁང་གསར་བས་གནད་དོན་ཞིག་བཏོན་འདུག་པ་དེར་ཨ་ལལ་གྱིས་ལན་འདེབས་ཐུབ་ན་ལེགས།

ཨ་ལལ་འདི་བཤད་སྟངས་ལ་བལྟས་ན་ཁ་ཤོམ་ཆེན་པོ་ཞིག་ཡིན་པ་འདྲ། དགེ་བཤེས་བསྟན་པ་བཀྲིས་འདི་ཡང་རིག་འཚོ་ལ་མ་འཚོ་མཁན་ཞིག་མིན་ནམ་བསམ། བཅའ་ཁྲིམས་ནང་དུ་བཀའ་ཁྲིའི་འོས་ཆོས་ཡོད་བཞིན་དུ་གསར་པ་འདྲ་བཟོས་བསྡད་ནས་གང་ཡོང་། དེ་ལས་འོས་མི་ཞིག་སྟོན་རོགས། དེ་མིན་ན་ཞལ་བཙུམས།

གྲོགས་པོ་ཁང་གསར་རྡོ་རྗེ་ལགས།ཁྱེད་ཀྱི་མིང་དོན་དེ་དོན་སྟེང་ནས་ཁྱེད་ལ་ཚང་འདུག་་ཁང་གསར་ནང་གི་མི་གསར་ཞིག་ལ་མཐོང་ཐོས་དེ་ཙམ་ལས་ཅི་ཡོད།དོན་དངོས་སུ་ཁྱེད་ཀྱི་བཤད་བབ་ལ་བལྟས་ན་རིག་འཚོ་མ་ཟིན་པ་ཁྱེད་རང་ཡིན་པ་འདྲ།རིག་འཚོ་མ་ཟིན་པ་ཞིག་གིས་སྤཡི་དོན་ལ་བྱས་པ་དེ་ཙམ་འཇོག་ནུས་སམ།སྤྱི་དོན་གྱི་ཆེད་དུ་ཁོང་གིས་སྨེ་ངག་ཅུང་ཞིག་བཏོན་དང་བཞིན་རས་རྣམ་པ་ཅུང་ཟད་འགྱུར་བ་ལ་རིག་འཚོ་མ་ཟིན་པར་བརྩིས་ན་ཁྱེད་ཀྱིས་མི་ཚེའི་ནང་དུ་ད་བར་ངུ་དག་བྱས་པ་དེ་ཚོ་ནི་ཅི་ཞིག་ཡིན་བསམ་མམ།

དགེ་བཤེས་མཆོག་གི་དགོངས་པ་ཡང་དག་རེད། དངོས་གནས་ཡག་པོ་ཞེ་དྲག་རེད།

ཁང་གསར་རྡོ་རྗེ་ལགས། འོས་མི་མི་རག་པའི་སྒང་ལ་འོས་ཆོས་མང་པོ་ཞིག་གསུངས་བར་ཁྱེད་རང་ལ་བློ་ཚབས་ཆེན་པོ་ཞིག་འབྱུང་འདུག་པར་དེ་རི་བོང་གནམ་སྡིབས་ཀྱི་སྡུག་བསྔལ་ཡིན་པ་འདྲ། ངས་ནི་འོས་མི་མང་དག་ཞིག་རང་རེའི་སྤྱི་ཚོགས་ནང་དུ་བཞུགས་འདུག་ན་བློ་ཞུམས་དགོས་པ་དེ་འདྲ་རྩ་བ་ནས་གནང་དགོས་པ་མ་མཐོང། ཨོ་བྷ་མ་དང་ཁྱད་ཆོས་ཤིན་ཏུ་མཚུངས་པ་ང་ཚོའི་སྤྱི་ཚོགས་ནང་དུ་ཇི་མང་ཡོད་པ་ནས་གཅིག་མཚན་ནས་བོས་ན། ཁོང་གི་མཚན་ལ་ཚེ་རིང་བཀྲིས་ཞུ་བ་དང་དེང་སང་ཨ་རིར་ཨོ་བྷ་མར་གཞོགས་འདེགས་ཀྱི་ཚུལ་དུ་བྱ་བ་སྒྲུབ་མུས་ཡིན། ཁོང་ནི་དེ་སྔོན་བོད་གཞུང་དུ་ཕྱག་ལས་གནང་བ་དང་རྗེས་སུ་སྨན་རྩིས་ཁང་གི་དབུ་འཛིན་དུ་བསྐོ་བཞགས་བྱས་རྗེས་སྨན་རྩིས་ཀྱི་རིག་གཞུང་སྤྱི་དང་ལྷག་པར་དུ་མི་རྒྱུ་དངོས་གསུམ་གྱི་ཡར་རྒྱས་གནམ་ས་སླ་ལོག་ཏུ་འགྱུར་བ་ལྟ་བུའི་འཕོ་བསྒྱུར་བཏང་བ་ནི་སྨན་རྩིས་ཁང་གི་ལས་བསྡོམས་ལོ་རྒྱུས་ལས་ཤེས། ཁོང་ཉིད་ཨོ་བྷ་མ་དང་མི་འདྲ་བའི་ཁྱད་པར་གཅིག་རང་ཡོད་དེ། དེ་ནི་ཁོང་རང་གི་ཤ་མདོགས་དཀར་བ་དང་བོང་དབྱིབས་ཆུང་བ་དེ་རང་ཡིན། དེ་མིན་གྱི་ཁོང་གཉིས་ཀྱི་ཤེས་འཇོན་དང་ལོ་ན། ཁྱིམ་ཚངས་ཀྱི་ལོ་རྒྱུས་སོགས་མཚུངས་པར་མང་བར་ལགས་ན། ངས་ནི་བོད་པའི་ཨོ་བྷ་མ་ཁོང་ཉིད་ལ་བརྩི་བ་ལགས་ན་དེ་ལྟར་ཐུགས་ཞིབས་གནང་བར་བཞུ་རྒྱུ་དང། བཀའ་ཁྲིའི་འོས་ཆོས་སུ་འོས་པར་འདུག་པར་ལགས་ན་དེ་ལ་དགོངས་ཚུལ་ཅི་ཡོད།།

དགེ་བཤེས་ལགས་ཐུགས་རྗེ་ཆེ་ཞུ

གང་ཡང་གླེང་མཁན་མེད་པ་ལས་གླེང་མཁན་རེ་ཡོད་ན་ཡག་གི་རེད། འོན་ཀྱང་། གླེང་གཞི་དེ་ཡང་བསམ་བློ་ཞིབ་མོ་ཞིག་བཏང་ནས་གླེང་རྒྱུ་དང་དུས་རབས་ཀྱི་དགོས་འཁོ་དང་འཚམ་པའི་བཀའ་བློན་ཞིག་ངོ་སྤྲོད་གནང་རྒྱུ་ནི་ཁ་ཚ་དགོས་གཏུགས་ཀྱི་དོན་ཞིག་རེད་འདུག་སྙམ། དེ་མིན་འོས་གཞི་བཏོན་ནས་དུས་ཚོད་བསྐྱལ་བསྡད་པ་ཡིན་ན་དེ་ཙམ་ཞིག་མ་རེད་དམ། སྤུན་གྲོགས་བོད་པ་ཚོ།

འོས་མི་མ་རག་པའི་སྒང་ལ་འོས་ཆོས་གསར་པ་མང་པོ་ཞིག་བསྣན་ཡོང་ན་ག་རེ་ཆགས་ས་རེད། ད་འོ་ན། སངས་རྒྱས་བཅོམ་ལྡན་འདས་ཀྱི་སྐུ་གསུང་ཐུགས་ཡོན་ཏན་འཕྲིན་ལས་བཅས་ཀྱི་ཆ་རྐྱེན་ཆ་ཚང་ཚང་བའི་ཐོག་ལ། ཨ་རིའི་སྲིད་འཛིན་ཨོ་བྷ་མའི་ཡོན་ཏན་དེ་དག་ཚང་དགོས་པ་ཞིག་གཏན་འབེབས་བྱས་ན་ཅི་འདྲ་འདུག ཨ་ཙི། ཀུ་རེ་ཡིན།

༡། ཁྱེད་རང་གིས་བཏོན་པའི་འོས་ཆོས་དེ་དག་ཚང་བའི་འོས་མི་སུ་སུ་འདུག

༢། བཙན་བྱོལ་བོད་མིའི་བཅའ་ཁྲིམས་ནང་བཀའ་ཁྲིའི་འོས་ཆོས་སུ་
བཙན་བྱོལ་བོད་མིའི་བཅའ་ཁྲིམས་ཀྱི་དོན་ཚན་ཉེར་གཅིག་པའི་ནང་། བཀའ་བློན་ཁྲི་པ་དང་བཀའ་བློན་གྱི་འོས་གཞིར་རུང་བའི་སྐྱེ་བོ་ནི།
ཀ བོད་ཀྱི་ཡུལ་མི་ཡིན་པ།
ཁ རང་ལོ་སོ་ལྔ་ཧྲིལ་པོ་ལོན་པ།
ག ཁྲིམས་ཁང་ངམ། སྨན་པ་ཚད་ལྡན་གྱིས་རིག་འཚོ་མ་ཟིན་པར་གསལ་བསྒྲགས་བྱས་པ་མ་ཡིན་པ།
ང། བུ་ལོན་སྒྲུབ་འཇལ་མ་ཐུབ་པ་མ་ཡིན་པ།
ཆ། སྤྱི་འཐུས་ལྷན་ཚོགས་ཀྱི་སྤྱི་འཐུས་རྩ་འབོར་སུམ་ཆ་གཉིས་ཡན་གྱིས་མོས་མཐུན་གྱིས་བཀའ་བློན་ཁྲི་པའམ་བཀའ་བློན་གྱི་འོས་གཞིར་མ་འོས་པར་ཐག་བཅད་པ་མ་ཡིན་པ།
ཇ། ཡུན་ཚད་གཉིས་བསྟུད་མར་བཀའ་བློན་ཁྲི་པའམ་བཀའ་བློན་གྱི་ལས་ཁུར་བྱེད་བཞིན་པ་མ་ཡིན་པ།
ཉ། བཅའ་ཁྲིམས་དོན་ཚན་ཉེར་དགུ་པའི་ནང་གསེས་ ༣ པའི་ཀ༽དང་ ༤ ལྟར་བཀའ་བློན་ཁྲི་པའམ་བཀའ་བློན་འཕོ་འགྱུར་བྱ་དགོས་བྱུང་བ་མ་ཡིན་པ།
ཏ། བོད་མིའི་ཁེ་ཕན་ལ་གནོད་གཞིའི་རྒྱལ་ཁབ་གཞན་གྱི་ལས་དོན་དང་། གོ་གནས། དངུལ་དངོས་ཀྱི་ཁེ་ཕན་ཡོད་རིགས་མ་ཡིན་པ་ཞེས་བཀོད་ཡོད།

འདི་དག་ཉུང་མཐར་ཚང་བའི་ཐོག་ནས་འོས་གཞི་ཁ་ཤས་བདམས། འོས་གཞིའི་ནང་ནས་རྩེ་ཕུད་དེ་བདམས་ན་ཅི་འདྲ་འདུག