བོད་དང་ཞིན་ཅང་གི་ན་ཟུག རྩོམ་སྒྲིག་པས།

བདེ་བ་ཅན་གྱིས་བཤད་པ་བདེན་པ་རེད། གནད་དོན་གང་ལའང་ནུས་ཚོད་ཀྱིས་ཞིབ་འཇུག་བྱ་རྒྱུ་གལ་ཆེན་པོ་རེད། རྒྱ་ནག་གིས་རྒྱ་མི་རིགས་སྔུན་ལ་འདེད་པའི་བྱུས་དེ་ནི་སྔོན་མ་ཀོ་སོ་ཝོའི་དམག་འཁྲུག་སྐབས། ཨ་རིས་མེ་ཤུགས་འཕེར་མདེལ་ཞིག་གི་དམིགས་འབེན་ནོར་ཏེ་བྷེལ་གྷ་རི་ཡ་ནས་རྒྱ་ནག་གི་གཞུང་ཚབ་ཁང་ཞིག་གཏོར་བ་དེ་ནས་བཟུང་བྱུང་ཡོད། སྐབས་དེར་པེ་ཅིན་ནས་ཨ་རི་ལ་ངོ་རྒོལ་ཤུགས་ཆེར་བྱས་ཡོད་ལ། མཐའ་མར་ངོ་རྒོལ་དེའི་ངོ་བོ་གང་འདྲ་ཞིག་ལ་འགྱུར་བར་རྒྱ་གཞུང་ལ་གདེང་ཚོད་མེད་པར་གྱུར་ནས་ངོ་རྒོལ་མཚམས་འཇོག་ཏུ་བཅུག་ཡོད།

རྩོམ་སྒྲིག་པ་ལགས། གོང་དུ་སྤེལ་བ་ལྟར། རྒྱ་ནག་གཞུང་ཕྱོགས་ནས་གྲངས་ཉུང་མི་རིགས་ཀྱི་སྲིད་བྱུས་འཛིན་ཕྱོགས་ཐད་རྒྱ་ནག་གཞུང་གི་འབྲེལ་ཡོད་དབང་འཛིན་པ་ཚོས་སྲིད་བྱུས་མཁྲེགས་བཟུང་ཅན་དང་ནོར་འཁྲུལ་ཅན་གྱི་ལམ་དུ་ཕྱིན་ཡོད་པར་རྒྱ་ནག་གཞུང་ནས་སྔ་ལོའི་ཟླ་ ༤ པའི་ནང་ནས་ངོས་འཛིན་གསལ་པོ་ཐུབ་ཡོད། སྔ་་ལོར་ང་རང་ཚོའི་རྒྱལ་ས་ལྷ་སས་གཙོས་པའི་བོད་ས་ཁྱོན་ཡོངས་སུ་ཞི་བའི་གྱེན་ལངས་ཤུགས་ཆེ་བྱས་རྗེས་རྒྱ་ནག་གཞུང་གི་སྲིད་་བྱུས་འཛིན་ཕྱོགས་ཐད་རྒྱུན་གཏན་ནས་ནོར་འཁྲུལ་དང་ཕྱོགས་ལྷུང་གི་གནད་དོན་ཡོད་པར་བརྟེན་སྔ་་ལོ་རྒྱ་ནག་གི་ས་ཁུལ་མང་པོར་བོད་རིགས་སློབ་ཕྲུག་དང་ཚོང་པ་སོགས་ལ་མི་རིགས་དབྱེ་འབྱེད་ཀྱིས་མཐོང་ཆུང་དང་་ཁྱད་གསོད་བྱེད་པའི་རྣམ་པ་གསལ་པོ་བྱུང་ཡོད་པ་མ་ཟད། ལྷག་པར་དུ་གནམ་ཐང་དང་གླ་ཆེད་རླངས་འཁོར་བཏང་མཁན་སོགས་ནས་ཀྱང་བོད་མིར་སྡང་ཟུག་བྱས་པའི་ཧན་མི་རིགས་ཀྱི་མི་གཤིས་ངན་པ་བཏོན་ཏེ་གྲངས་ཉུང་མི་རིགས་དང་ལྷག་པར་ང་ཚོ་བོད་མིར་མཐོང་་ཆུང་དང་ཁྱད་གསོད་ཚད་ལས་འདས་པ་བྱུང་ཡོད་སྟབས། རྒྱ་ནག་གཞུང་ཕྱོགས་ནས་སྔ་ལོའི་ཟླ་ ༤ པའི་ཟླ་མཇུག་ཏུ་ཀྲུང་དབྱང་གི་ཡིག་ཆ་ཨང་ ༣༣ ཞེས་པ་དང་། དེ་དང་གཅིག་མཚུངས་བོད་རང་སྐྱོང་ལྗོངས་ཀྱི་ཡིག་ཆ་ཨང་ ༥༠ ཞེས་པ། དེ་བཞིན་ཤིན་ཅང་སོགས་རྒྱ་ནག་གི་ཞིང་ཆེན་གཞན་པའི་ནང་དུའང་ཡིག་ཆ་དེ་་ཚོར་སློབ་སྦྱོར་བྱ་བཅུག་ཡོད།ྲ ཡིག་ཆ་དེ་ཚོའི་ནང་དོན་གཙོ་བོ་ནི་་མི་རིགས་སྲིད་བྱུས་ལག་བསྟར་བྱེད་ཕྱོགས་ཐད་ནོར་འཁྲུལ་བྱུང་ཡོད་པའི་གནད་དོན་བཀོད་ཡོད་པ་མ་ཟད། ལྷག་པར་སྔ་ལོའི་ལྷ་སར་བྱུང་བའི་ཟླ་ ༣ པའི་དོན་རྐྱེན་རྗེས་གནམ་ཐང་དང་འགྲུལ་ཁང་སོགས་ནས་བོད་མིར་དབྱེ་འབྱེད་བྱེད་པའི་བྱ་ཐབས་ལག་བསྟར་བྱས་པའི་གནས་ཚུལ་བཀོད་ཡོད་པས་ང་ཚོས་ཡིག་ཆ་དེ་ཚོ་ངེས་པར་ཞིབ་འཇུག་དང་སློབ་སྦྱོང་བྱས་ཚེ་མི་རིགས་དབྱེ་འབྱེད་བྱས་ཏེ་ཧན་མི་རིགས་ནས་བོད་རིགས་གཙོས་པའི་མི་རིགས་གཞན་ལ་མཐོང་ཆུང་དང་ཁྱད་གསོད་འདྲ་མིན་བྱ་གི་ཡོད་པ་ཧ་ཅང་གསལ་པོ་རྟོགས་ཐུབ་ཀྱི་རེད་སྙམ།།

གནད་དོན་འདི་ལ་ལྟ་སྟངས་མི་འདྲ་བ་མང་པོ་ཡོད་ཀྱི་རེད། ལྟ་སྟངས་གཅིག་ནི་ཉིན་ཤས་གོང་ཞིན་ཅང་དུ་སྡོད་མཁན་བུ་མོ་ཞིག་གིས་ཡི་གེ་ཞིག་བྲིས་པའི་ནང་བསྟན་པ་ལྟར་རེད། ཁོ་མོ་ནི་རྒྱ་མི་དང་ཡུ་གུར་གཉིས་ཀྱི་གང་ཡང་མིན་པར་མི་རིགས་གཞན་པ་ཞིག་རེད། ཁོ་མོས་བཤད་དོན་ཡུ་གུར་གྱི་དོན་རྐྱེན་འདི་ནི་མི་རིགས་བར་གྱི་འགལ་བ་ལ་བརྟེན་ནས་བྱུང་བ་མ་རེད། འདི་ནི་རང་དབང་དང་དམངས་གཙོ་མེད་པའི་རྐྱེན་གྱིས་རེད་ཟེར། ཞིན་ཅང་དུ་ཡུ་གུར་བ་ཕུད་ད་དུང་གྲངས་ཉུང་མི་རིགས་ ༤༠ ལྷག་ཅིག་ཡོད། འདི་དག་ཐམས་དང་རང་དབང་དང་འདྲ་མཉམ་མིན་པའི་གནས་ཚུལ་རྒྱུན་དུ་འབྱུང་གི་ཡོད་ཟེར།

དྲ་བདག་ལུང་རིགས་ལགས།

ན་ནིང་བོད་ནང་དུ་བྱུང་བའི་དོན་རྐྱེན་ནི་༧གོང་ས་གདན་ཞུ་དང་བོད་རང་དབང་གི་ཆེད་དུ་རེད། རྒྱལ་ཁབ་ཅིག་གི་ཆབ་སྲིད་བདག་དབང་དང་འབྲེལ་བའི་གནད་དོན་ཅན་རེད། ད་ལོ་ཡུ་གུར་བའི་དོན་རྐྱེན་འདི་ཡུ་གུར་བ་མི་གཉིས་བསད་པ་ལ་རྐྱེན་བྱས་ཏེ་བྱུང་བ་རེད་འདུག་ན་ཤ་འཁོན་ཙམ་རེད། འདི་ཆབ་སྲིད་དང་འབྲེལ་བ་གཏན་ནས་མེད་པ་ཞིག་ཡིན་རྒྱུ་མ་རེད་པཱ།

བདེན ། སྔར་ལོ་བོད་ནང་གི་དོན་རྐྱེན་དེར་རྒྱ་ནག་གིས་བོད་རྒྱའི་དབར་མི་རིགས་ཀྱི་ཞེ་འཁོན་དུ་བསྒྱུར་ཅི་ཐབས་བྱས་པའི་བྱེད་ཐབས་འདི་ཡང་ད་ལྟ་ཡུ་གུར་མི་རིགས་ཀྱི་སྟེང་དུ་བེད་སྤྱོད་གཏོང་བཞིན་འདུག མ་འོངས་པའི་མཇུག་འབྲས་ཅི་ཞིག་འབྱུང་བར་རྒྱ་ནག་དམར་པོའི་གཞུང་འཛིན་རྣམས་ཀྱིས་མི་འགྱང་བར་ཤེས་ངེས་ཡིན། ངོ་མས་གདུག་རྩུབ་ཆེ་རྒྱུ་མང་དྲག་སོང་།