རྒྱ་གར་ཧི་མ་ཅལ་མངའ་སྡེ་ནང་ཡོད་པའི་སུ་ཇཱ་བོད་ཕྲུག་སློབ་གྲྭའི་དགེ་སློབ་ཡོངས་ནས་ཅི་ལྟར་གསོལ་བ་བཏབས་པ་ལྟར་༧དཔལ་རྒྱལ་བ་ཀརྨ་པ་ཨོ་རྒྱན་འཕྲིན་ལས་རྡོ་རྗེ་མཆོག་ཟླ་འདིའི་ཚེས་ ༡༧ ཉིན་རྒྱབ་སུ་ཇཱ་བོད་ཕྲུག་སློབ་གྲྭའི་ནང་ཆིབས་སྒྱུར་གནང་ཡོད་པ་དང་། ཞག་མ་གཉིས་རིང་ཞག་བཞུགས་ཀྱིས་ཉིན་གྲངས་གསུམ་རིང་ཆོས་ཕྱོགས་དང་འབྲེལ་བའི་མཛད་འཕྲིན་བསྐྱངས་ཡོད་པ་དང་། ཐེངས་འདི་ནི་༧དཔལ་རྒྱལ་བ་ཀརྨ་སྐུ་ཕྲེང་བཅུ་བདུན་པ་ཨོ་རྒྱན་འཕྲིན་ལས་རྡོ་རྗེ་མཆོག་སུ་ཇཱ་བོད་ཕྲུག་ཁྱིམ་སྡེར་ཕེབས་ཐེངས་གསུམ་པ་དེ་ཆགས་འདུག
ཕྱི་ཚེས་ ༡༨ ཉིན་སུ་ཇཱ་བོད་ཕྲུག་ཁྱིམ་སྡེའི་དགེ་སློབ་ཡོངས་དང་མི་དམངས་གཉིས་སྟོང་ལྷག་ལ་སྒྲོལ་དཀར་ཡིད་བཞིན་འཁོར་ལོའི་ཚེ་དབང་དང་འབྲེལ་བཀའ་སློབ་གཟབ་རྒྱས་གནང་དོན། སྤྱིར་འགྲོ་བ་མི་ཞིག་ཡིན་ན་འཛམ་གླིང་ལ་ཕན་པའི་མི་བྱེད་རྒྱུ་དང་དགོས་སུ་ང་ཚོ་བོད་རིགས་ཡིན་པའི་ཆ་ནས་ང་ཚོར་རང་གི་རྒྱལ་ཁབ་དང་མི་རིགས་ཀྱི་ཆེད་དུ་འགན་མང་བོ་ཞིག་ཡོད། ཁྱེད་རང་ཚོས་ཀྱང་འགན་དེ་རང་བཞིན་གྱིས་འཁུར་དགོས་པ་གལ་ཆེན་ཡིན། སློབ་ཕྲུག་མང་པོ་ཞིག་གིས་ལ་ལུང་མང་པོ་བརྒྱུད་ནས་འདིར་ཡོང་བ་རེད་མ་གཏོགས་གནམ་གྲུའི་ནང་ནས་འདིར་ལས་སླ་བོར་ཡོང་བ་དེ་འདྲ་མ་རེད། དེར་བརྟེན་སློབ་ཕྲུག་ཚོས་སློབ་སྦྱོང་གི་གོ་སྐབས་དཀོན་པོ་འདི་འཕྲོ་བརླག་ལ་མི་འགྲོ་བ་བྱ་དགོས་རྒྱུ་གལ་ཆེན་ཡིན་སྐོར་གསུངས་ཡོད་འདུག
ཕྱི་ཚེས་ ༡༨ ཉིན་རྒྱབ་སུ་ཇཱ་བོད་ཕྲུག་ཁྱིམ་སྡེའི་སློབ་ཕྲུག་ངོས་ནས་བཀའ་དྲིན་གཏང་རག་གི་ཚུལ་དུ་གཞས་བྲོ་འཁྲབ་ཡོད་པ་དང་། ཕྱི་ཚེས་ ༡༩ ཉིན་རེས་གཟའ་ཉི་མར་འཁེལ་ཡོད་ཀྱང་། འཛིན་རིམ་ཆ་ཚང་ཚོགས་ནས་༧དཔལ་རྒྱལ་བ་ཀརྨ་པ་ཨོ་རྒྱན་འཕྲིན་ལས་རྡོ་རྗེ་མཆོག་འཛིན་གྲྭའི་ནང་མཉམ་ཞུགས་ཀྱིས་གཟིགས་སྐོར་གནང་ནས་ཉིན་འདིའི་ཕྱི་དྲོའི་དུས་ཚོད་ ༤ ཙམ་ལ་ཕྱིར་བཞུགས་སྒར་རྒྱུད་སྟོད་གྲྭ་ཚང་དུ་ཕེབས་ཡོད་འདུག
དཔལ་༸ རྒྱལ་བ་ཀརྨ་པ་མཆོག་གིས་འཛམ་གླིང་དང་། བོད་ཀྱི་རྩ་དོན་ལ་ཕན་པའི་མི་ཞིག་བྱེད་དགོས་རྒྱུ་འི་དཀའ་སློབ་ཟབ་མོ་གནང་བ་དེ་རྩ་ཆེན་པོ་རེད། སུ་ཇ་བོད་ཁྱིམ་གྱིས་ཆེད་དུ་གོ་སྒྲིག་གནང་བ་དེ་དངོས་གནས་ཡག་པོ་རེད།
དེས་དགེ་སློབ་ཚོའི་གཤིས་སྤྱོད་ལ་ཕན་པའི་བྱ་གཞག་གལ་ཆེན་ཞིག་ཆགས་ཡོད། དྲ་གྲོགས་བློ་ལྡན་ལགས་དགོངས་པ་ཡག་པོ་ཞིག་བཞེས་དང་། ཚན་རིག་དང་ནང་ཆོས་གཉིས་ལ་དགེ་མཚན་གྱི་ཆ་པོ་ཞིག་མཆིས་ཡོད།
དངོས་གནས་་ཀརྨ་པས་གསུང་དེ་སེམས་ལ་ལྗིད་ཏིག་གེར་ལྷུང་སོང་།
ང་ཚོ་ལ་འགན་ཡོད་པ་རེད།
ང་ཚོ་མི་རིགས་གཞན་པ་དག་དང་གཏན་ནས་མི་འདྲ།
ང་ཚོར་རང་རང་ལ་བབ་པའི་འགན་ཆེ་མ་ཆཱུང་གསུམ་མང་བོ་ཞིག་ཡོད་པ་ཅིའི་མི་བདེན།
༧དཔལ་རྒྱལ་བ་ཀརྨ་པ་ཨོ་རྒྱན་འཕྲིན་ལས་རྡོ་རྗེ་མཆོག་སྐུ་ཚེ་ཡུན་དུ་གནས་ཤིང་མཛད་འཕྲིན་ཕྱོགས་བཅུར་རྒྱས་པའི་སྨོན་འདུན་ཞུ་རྒྱུ་དང་།
ལྷག་དོན་འཕགས་མཆོག་ཕྱག་ན་པདྨོའི་དགོངས་བཞེད་དང་མཐུན་པའི་མཛད་མཆོག་ནམ་ཡང་མི་བསྐྱུར་པའི་སྐྱབས་འཇུག་ཞུ་རྒྱུ་བཅས།