རང་ཉིད་ལ་བལྟས་དུས་ཐང་རེ་ཆད།

སེམས་དང་བསམ་པ་ཟེར་ནས་བཅོས་རོགས་ཞུ།

ཁྱེད་ཀྱི་མི་གཤིས་དྲང་པོས་ཐོག་མར་བཀུག།
ཁྱེད་ཀྱི་ཨུ་ཚུགས་གཤིས་ཀས་བར་དུ་བཀུག།
ཁྱེད་ཀྱི་བག་ཡངས་བློ་ཡིས་མཐའ་མར་བཀུག།
ང་ནི་ཁྱེད་ཀྱི་མ་འབོད་མགྲོན་པོ་ཡིན།།

མཁས་ཉམས་རྫིག་ཉམས་སྟོན་པར་ང་མི་དགའ།།
ང་ཆེ་ང་བཙན་བྱ་བར་ང་མི་མགུ།།
མེད་པར་ཡོད་མདོག་སྟོན་པར་ང་མི་དགའ།།
ང་ནི་ཡིག་ནོར་བཅོས་པར་ཅིས་མི་དགའ།།

དྲ་གྲོགས་རྣམས་ཀྱི་ཚིག་སྦྱོར་རྩོམ་ལུགས་འདིས།།
ང་ཡང་སེམས་པའི་ཟས་ཀྱིས་ཚིམས་པར་བྱས།།
དེ་རིང་མིག་གིས་བཟུང་བའི་ཡིག་ནོར་ཁག།
མཐེབ་གཞོང་ཁྱར་ཁྱོར་བཀོལ་ཞིང་བཅོས་ཁུལ་བྱས།།

རྨེ་སྔགས་ཁ་ནས་ཤོར་བའི་བུ་ཆུང་ངར།།
སྨྲེ་ངག་ཁ་ནས་ཤོར་བའི་བུ་ཆུང་ངར།།

ཐིགས་པ་རེ་རེ་ཟེགས་པའི་ངང་ཚུལ་ལ།།
ཐིགས་པ་རེ་རེ་ཟགས་པའི་ངང་ཚུལ་ལ།།

བུ་ངའི་སེམས་སུ་གཏན་པོར་གཉར་ངེས་ཡིན།།
བུ་ངའི་སེམས་སུ་གཏན་པོར་ཉར་ངེས་ཡིན།།

རང་ཉིད་རང་ལ་འཁང་བ་མ་བྱེད་ཅིག།།
རང་གི་ཡིད་ལ་སྒོམ་ཚུལ་མི་འགྲུབ་པ།།
འཇིག་རྟེན་ཆོས་ཉིད་འདི་ནི་བཟློག་མེད་པས།།
འཇིག་རྟེན་ཆོས་བརྒྱད་ཡང་ཡང་སྒོམ་པར་མཛོད།།
རང་སྐྱོན་རང་གིས་མཐོང་བ་མཁས་པའི་གཤིས།།
གཞན་སྐྱོན་ཐབས་ཀྱིས་འདུལ་བ་དཔའ་བོའི་རྟགས།།
ཐབས་དང་ཤེས་རབ་འཁོར་ལོ་བསྐོར་བའི་བུ།།
འཇིག་རྟེན་འདི་ལ་གསུངས་ཡང་ད་དུང་སྒྲོགས།།

གྲོགས་པོ་ཤ་ཁྲག་ལགས། ངས་ཀྱང་ཁྱོད་ཀྱི་རྩོམ་ཡིག་བཀླགས་ཚར་སོང༌། ནམ་རྒྱུན་ཁྱེད་ཚང་ལ་ཡོང་སྐབས་བཤད་རྒྱུ་ཞིག་ཡོད་པ་བརྗེད་འགྲོ་ཡི་འདུག དེ་རིང་ངེས་པར་དུ་མ་བརྗེད་པ་བྱས་ནས་བཤད་རྒྱུ་ཞིག་ལ་རྩོམ་ཡིག་འདིའི་ཡིག་ནོར་དག་རྒན་བསེ་རུ་ལགས་ཀྱིས་བཅོས་འདུག་པ་དེ་ལས་མི་འདུག་མོད། ཡིན་ནའང་ཁྱེད་སུ་ཚང་ལ་སོང་ནའང་ང་ཡོང་ནས་འབུད་སོང་ཞེས་འབྲི་བཞིན་འདུག རྗེས་ཕྱོགས་སྐད་ཆ་དེ་བཤད་སྐབས་འབུད་སོང་ཞེས་པའི་སྐབས་ཀྱི་འབུད་དེའི་སྔོན་འཇུག་འ་དེ་གཡུགས་ཞོག ང་བུད་སོང་ཟེར་དགོས། ཨེ་གོ་ཐལ།

ང་དྲ་གྲོགས་ཉིད་ལ་རེ་བ་ཆེ་བའི་རྒྱུ་མཚན་གྱིས་ངལ་བར་མ་འཛེམས་པར་འདི་ལྟར་བཅོས་ལ་བྲེལ།

གོང་དུ་ཡིག་ནོར་རྣམས་ཟུར་འདོན་བྱས་ན་འདི་ལྟར།
མ་དག་པ། དག་པ།
ཆགས་པའི། ཆགས་པས།
སྲུ་ཞུ། སྲི་ཞུ།
སྐྱུག་མེར་བླངས། སྐྱུག་མེར་ལངས།
དགེ་སྡུག དགེ་སྡིག
གོམ། གོམས།
བྱིན། ཕྱིན།
མ་འཁྱོང་། མ་འཁྱོངས།
ལྟ་བའི། ལྟ་བུའི།
བྲན་དུ་འཚུད། བྲན་དུ་ཚུད།

གོང་རྣམས་ནི་རང་ཉིད་ཀྱིས་ཐད་ཀར་མཐོང་ཞིང་ཐད་དཀར་བཅོས་ཁུལ་བྱས་པས་བཅོས་ནོར་ཤོར་ཡོད་ན་དྲ་གྲོགས་ཚོས་སླར་ཡང་བཅོས་རོགས།།

རང་ཉིད་དམན་པར་ལྟ་བ་བོད་པའི་གཤིས།།
རང་གིས་རང་ཉིད་འཚོལ་བ་མཁས་པའི་གཤིས།།
རང་ལ་རང་གིས་གཅུན་པ་དགེ་རྒན་མཆོག།
ང་ཡི་དྲ་གྲོགས་ཐུགས་སེམས་མ་སྐྱོ་རོགས།།

རིན་ཆེན་དག་ཆའི་སྨན་གྱི་རིལ་བུ་འགའ།།
སྐུ་ཉིད་ཐུགས་གསོའི་སླད་དུ་འབུལ་ལགས་ན།།
མྱུར་བར་བཞེས་ཏེ་སེམས་ཁམས་རྨས་མ་དེ།།
དྲག་བསྐྱེད་མྱུར་བར་ཡོང་བའི་ཐབས་བསྟེན་ཅིག།

གཤམ་དུ་ཡིག་ནོར་གང་ངོས་བཟུང་ཐུབ་པ་རྣམས་བཅོས་ཡོད།

རུས་རྐང་ཁྲག་གསུམ་ཆགས་པའི་བཟི་ཉིན་ནས།།
རུས་རྐང་ཁྲག་གསུམ་ཆགས་པས་བཟི་ཉིན་ནས།།

རང་རིགས་སྲུ་ཞུ་སྒྲུབ་ལ་སྙིང་རུས་མེད།།
རང་རིགས་སྲི་ཞུ་སྒྲུབ་ལ་སྙིང་རུས་མེད།།

ང་ནི་ང་ཡིས་མཐོང་བཞིན་སྐྱུག་མེར་བླངས།།
ང་ནི་ང་ཡིས་མཐོང་བཞིན་སྐྱུག་མེར་ལངས།།

དགེ་སྡུག་ཁ་ལ་གོམ་ནས་ཡུན་རིང་བྱིན།།
དགེ་སྡིག་ཁ་ལ་གོམས་ནས་ཡུན་རིང་ཕྱིན།།

རྒྱུ་འབྲས་ལག་པས་མ་འཁྱོང་ཚེ་ཕྱེད་འདས།།
རྒྱུ་འབྲས་ལག་པས་མ་འཁྱོངས་ཚེ་ཕྱེད་འདས།།

དུག་དང་མཚོན་ཆ་ལྟ་བའི་སེམས་གཤིས་འདིས།།
དུག་དང་མཚོན་ཆ་ལྟ་བུའི་སེམས་གཤིས་འདིས།།

བྲན་ཏུ་འཚུད་ནས་སྒྱུ་མའི་གཡོག་ལ་རྒྱུགས།།
བྲན་ཏུ་ཚུད་ནས་སྒྱུ་མའི་གཡོག་ལ་རྒྱུགས།།

ཤ་ཁྲག་ལགས་སེམས་ཤུགས་ཆག་མི་ཉན་ཡ།

གྲོགས་པོ་རང་ཉིད་ཀྱི་འཇོན་ཐང་ལ་འཁང་ར་མ་བྱེད།
ཅི་བསམ་ཅི་འགྲུབ་སྔོན་མའི་ལས་དབང་ལ་ཐུག་འདུག
སེམས་མ་ཕམ ཡིད་མ་སྐྱོ ཤུགས་རྒྱགས་རོགས