སྔར་ལོའི་བོད་ནང་གི་དོན་རྐྱེན་སྐོར་གྱི་དོན་དངོས་བརྗོད་མཁན། ༼ ཁྲག་ཡིག ༽ དཔེ་དེབ་ཀྱི་རྩོམ་པ་པོ་བོད་རིགས་ན་གཞོན་བཀྲ་ཤིས་སམ། སྨྱུག་མིང་ལ་ཐེའུ་རང་ལགས་རྒྱ་གཞུང་གིས་ཆབ་སྲིད་དོགས་གཞིའི་འོག ཉིན་འགའི་སྔོན་ལྐོག་ནས་འཛིན་བཟུང་བྱས་ཏེ་ད་ལྟ་གར་སོང་ཆ་མེད་ཆགས་ཡོད་འདུག
དེ་རིང་བོད་ནང་གི་དྲི་ཚིགས་ཁག་ཏུ་གནས་ཚུལ་ཐོན་པ་ལྟར་ན། ཕྱི་ཚེས་ ༢༦ ཉིན་བོད་རིགས་ན་གཞོན་རྩོམ་པ་པོ་རྩོམ་པ་པོ་བཀྲ་ཤིས་སམ། སྨྱུག་མིང་ལ་ཐེའུ་རང་ཞུ་བར་ཆབ་སྲིད་ཀྱི་དོགས་གཞིའི་འོག རྒྱ་གཞུང་འབྲེལ་ཡོད་ཚན་པས་ལྐོག་ནས་འཛིན་བཟུང་བཙན་ཁྲིད་བྱས་ཏེ། ད་ལྟ་གར་སོང་ཆ་མེད་ཆགས་ཡོད་འདུག ཁོང་གི་གྲོགས་པོ་ཚོས་བརྗོད་པ་ལྟར་ན། བཀྲ་ཤིས་ཀྱིས་ཉེ་ལམ་༼ ཁྲག་ཡིག ༽ཅེས་པའི་དེབ་ཅིག་བཏོན་ཡོད་པ་དང་། དེབ་དེའི་ནང་། ཁྲག་དྲི་བྲོ་བའི་དོན་རྐྱེན་དང་དེའི་ལྟག་རྒྱབ་ཀྱི་གསང་བ། ཞེས་པ་དང་། འུ་ཚོས་ཀྱང་རང་རང་ས་ནས་བསྒྲགས་གཏམ་སྤེལ་ཆོག ཞེས་པ། མྱ་ངན་དང་འགྱོད་བཤགས་སོགས་སྔར་ལོའི་བོད་ནང་གི་དོན་རྐྱེན་སྐབས་ཀྱི་དངོས་ཡོད་གནས་ཚུལ་ཁག་ཅིག་ཚོར་ཤུགས་ཆེན་པོས་བཀོད་ཡོད་སྟབས། རྒྱ་གཞུང་གིས་དཔེ་དེབ་དེ་ལ་ཆབ་སྲིད་གནད་དོན་ཆེན་པོ་ཡོད་པའི་དོགས་གཞིའི་འོག ཉེ་ལམ་ནུབ་བྱང་མི་རིགས་སློབ་གྲྭ་ཆེན་མོ་ནས་དེབ་དེ་ཕྱིར་བསྡུ་དང་བཀག་སྡོམ་བྱས་ཡོད་པ་མ་ཟད། འབྲེལ་ཡོད་ཚན་པས་རྩོམ་པ་པོར་ལྐོག་ནས་འདྲི་བརྩད་ཡང་ཡང་བྱས་ཤིང་། དུས་རྒྱུན་ཁོང་གི་འགྲོ་འདུག་སྤྱོད་གསུམ་ལའང་རྟོག་ཞིབ་ནན་ཏན་བྱས་ཡོད་འདུག བོད་ནང་གི་ཧི་གཟུགས་དྲ་བའི་སྟེང་གི་རྩོམ་པ་པོ་བཀྲ་ཤིས་ལགས་ཀྱི་ཟིན་བྲིས། ཐེའུ་རང་གི་བཙན་ས། ཞེས་པའི་སྟེང་ཟླ་འདིའི་ཕྱི་ཚེས་ ༡༤ ཉིན་ཁོང་གིས་ ( འདང་རྒྱག་རན་རེད། ) ཞེས་པའི་ཟིན་ཐོ་མཐའ་མ་དེ་སྤེལ་འདུག
ཁོང་གིས་༼ ཁྲག་ཡིག ༽ དཔེ་དེབ་མཚམས་སྦྱོར་ཐུང་ངུ་ཞིག་སྤེལ་བའི་ནང་། དེབ་ཆུང་འདི་ལ་བསྡོམས་པའི་རྩོམ་ཡིག་ ༣༢ ཀྱིས་གྲུབ་ཡོད་ལ། དམྱལ་ཁམས་ཀྱི་ཟིན་ཐོ་དང་རྣམ་ཤེས་ཀྱི་དབྱངས། ང་ཡི་བོད།སེམས་ཀྱི་དམར་མཆོད། བདེན་པའི་གཏུག་བཤེར་སོགས་ཚན་པ་ལྔ་རུ་བགོས་ཡོད། ཚན་པ་སྔ་མ་བཞི་སྙན་ངག་ཡིན་ལ། རྗེས་མ་དེ་འབོལ་རྩོམ་ལྔ་ཡིས་གྲུབ་པར་བྱས་ཡོད། ཅེས་བཀོད་འདུག རྩོམ་པ་པོ་ཐེའུ་རང་ལགས་ཀྱིས་སྔོན་མ་ནས་བོད་ནང་གི་ཤར་དུང་རི་སོགས་དུས་དེབ་དང་ཚགས་པར་ཁག་ཏུ་རིན་ཐང་ཅན་གྱི་རྩོམ་ཡིག་མང་པོ་བཀོད་མྱོང་ཞིང་། ལྷག་པར་དུ་ ༼ ཁྲག་ཡིག ༽ ཅེས་པའི་དཔེ་དེབ་ནང་སྔར་ལོའི་བོད་ནང་གི་ཞི་བའི་གྱེན་ལངས་ཆེན་མོ། རྒྱ་དམར་གྱིས་རྐང་བཙུགས་ཏེ་དྲག་རྒོལ་གྱི་ངོ་བོར་བསྒྱུར་བའི་སྐོར་གསལ་རྗེན་དུ་བཀོད་དོན། ང་ཚོའི་ཞི་བའི་འོས་ལངས་ཆེན་མོ་སུ་ཞིག་གིས་འཆར་གཞི་དང་སྒྲིག་འཛུགས་ཡོད་པའི་སྒོ་ནས་རྡུང་གཅོག་འཕྲོག་བསྲེག་གི་ངོ་བོར་བསྒྱུར་སོང་བའི་བདེན་དབང་དང་པོ། ( སངྐ་པོར་གྱི་གསར་འགོད་པ་ཞིག་གིས་རྒྱལ་སྤྱིའི་གསར་འགྱུར་བརྒྱུད་ལམ་དུ་བསྒྲགས་པའི་གནས་ཚུལ ) དང་། བདེ་དཔང་གཉིས་པ། ( ལྷ་སར་སློབ་སྦྱོང་དུ་ཡོང་བའི་འབར་མའི་བུད་མེད་ཅིག་གིས་གྲི་རིང་བཟུང་བའི་བོད་ལ་གྱོན་མཁན་གྱི་དམག་མི་ཞིག་གིས་བོད་ལ་ཕུད་དེ་དམག་ལ་གྱོན་པ་དངོས་སུ་མཐོང་བ། ) བདེན་དཔང་གསུམ་པ། ( ཉིན་དེའི་བོད་མིའི་ཞི་རྒོལ་ཁྲོད་ཀྱི་དྲག་པོའི་བྱ་སྤྱོད་སྤེལ་མཁན་དག་ལྷ་སའི་ཡུལ་མི་ཚོས་སྔར་མཐོང་མྱོང་མི་འདུག་ལ། ལས་འགུལ་གྲུབ་རྗེས་ཀྱང་གར་སོང་ཆ་མེད་ཆགས་ཚུལ་ ) བདེན་དཔང་བཞི་བ། ( རྡུང་གཅོག་འཕྲོག་བསྲེག་གི་བྱ་འགུལ་ཡོད་ཚད་རྒྱ་ནག་གིས་རྒྱལ་སྤྱིའི་གསར་འགྱུར་བརྒྱུད་ལམ་ཁག་ཏུ་འཆར་གཞི་དང་སྒྲིག་འཛུག་ཡོད་པའི་སྒོ་ནས་སྤེལ་བ། ) བཅས་ཡིན། ཞེས་དོན་དངོས་ཁག་འཇིགས་ཞུམ་བྲལ་བའི་ངང་བཀོད་འདུག
ཚོགས་པ་ལྔའི་ཚོགས་གཙོ
འགྲོ་ན་འགྲོ། དགྲ་བོ་ཡོད་སར་འགྲོ། གཞུང་འབྲེལ་མིན་པའི་ཚོགས་པ་ལྔའི་ཚོགས་མི་ཚོ་དགྲ་བོ་ལ་སྐྲག་ན་སྡོད་དང་ཆོག ཁྱེད་རང་ཚོའི་ད་བར་དུ་མི་རིགས་ཀྱི་ངོ་བོ་གླེང་ནས་སྦྱིན་བདག་གི་ལག་ནས་ཐོབ་ཡོད་པའི་རོགས་དངུལ་ང་ཚོ་ལ་སྤྲོད་དང་། བོད་ས་ཡོངས་སུ་རྒྱ་མི་གཅིག་ཀྱང་སྡོད་མི་བཟོད་པ་ཞིག་བྱེད་ཁོ་ཐག་ཡིན། གངས་རིའི་ལྗོངས་ལ་རང་སྲོག་དོར་ཐུབ་པའི་དཔའ་བོ་དཔའ་མོ་མེད་པའི་སེམས་ཁྲལ་དགོས་ནི་མ་རེད། ཤི་ན་ཐམས་ཅད་མཉམ་དུ་ཤི།། མཉམ་དུ་ཤི་ན་དཔའ་བོ་ཡིན།། གསོན་ན་ཡོད་ཚད་མཉམ་དུ་གསོན།། མཉམ་དུ་གསོན་ན་གཟི་བརྗིད་ཡིན།། ཤི་མ་གསོན་གྱི་འཐབ་རྩོད་འདིར།། འཇིག་རྟེན་སྐྱེ་བོ་དགོདཔའི་རྒྱུ།།
འུ་ཚང་གི་ཟུངས་ཁྲག་དྲོན་མོ་ཨ་ཞང་ཚང་གི་མཆེ་བར་ན་འཛར་བའི་དོན་དངོས་ཀྱི་ཁྲག་ཡིག་དང་རང་ཉིད་ཀྱི་མགོ་བོ་མཐོན་པོ་སུ་དང་གང་གི་རྐང་འོག་ཏུ་འཇོག་འདོད་མེད་པའི་གངས་རིའི་དཔའ་རྒོད་ཐེའུ་རེང་གཉིས་ད་སྐབས་གང་ན་ཡོད་དམ་གང་དུ་བརླགས་སོང་ངམ ཐེའུ་རེང་ལགས་ཀྱི་སེམས་ཤུགས་ཆགས་མི་སྲིད་ལ་ཆགས་དགོས་དོན་ཡང་མེད་གི འུ་ཚང་གི་ཟུངས་ཁྲག་དྲོན་མོའི་བཞུར་རྒྱུན་གངས་རི་དང་བདེན་པ་ལ་ཐུག་ཡོད་པས་འུ་ཚང་ཤི་ན་གཟི་བརྗིད་ཀྱིས་ཤི་དགོས་ལ་གསོན་ན་བརྔམས་བརྗེད་ཀྱིས་འགྲེང་དགོས། གངས་རིའི་བུ་རྒོད་ཚོ་གཏུགས་གཤེར་ལ་འགྲོ་ཟུངས་ཁྲག་གི་གཏུགས་ཤེར་བྱེད་དུ་འགྲོ འགྲོ འགྲོ འགྲོ མྱུར་དུ་འགྲོ
སེམས་…………
སེམས་…………
གང་ལྟར་ཀྱང་མགོ་གསེར་སྐུའི་བཅག་དང་། རྡོ་སྐུའི་བཅག་དེ་བྱིན་རླབས་ཡོད་མེད་ཁྱད་པར་མེད། བོད་ལ་དུས་རབས་དང་མཐུན་པའི་འཇིག་སྐུལ་ཚོགས་པ་ཞིག་ཡོད་ན་གུང་ཁྲན་ཏང་རྩ་མེད་གཏོང་མ་ཐུབ་རུང་ལྟས་ངན་ཀླ་གློའི་རིགས་ལ་མི་སེལ་སྤེལ་ཡུལ་གྱི་གོ་སྐབས་ཞིག་ག་བ་ཡོད་ཀྱི་རེད། ཡིན་འང་བློ་འཕམ་པ་ཞིག་ལ་གཞོན་ནུ་ཚོགས་པ་སོགས་གཞུང་འབྲེལ་མིན་ཚོགས་པ་ཚོས་རྒྱལ་ཁབ་གཞན་གྱི་ཤིང་ནགས་གསེང་ནས་སྐད་འབོད་རེ་བྱས་པ་ལས་་་་་་་་་་
མ་ཧྰ་གན་དེས་བྱམས་དང་སྙིང་རྗེས་ས་ཆེན་གོ་ལ་ཡང་ཡང་བསྒུལ།།
སུའུ་བྷ་ཅན་དྷར་བྷོ་ཡི་སྙིང་སྟོབས་ཨེ་ཤར་གླིང་གི་ཡུལ་ལ་ཁྱབས།།
གང་གིས་ཞི་བའི་དར་ཆ་བསྒྲེངས་ཤིང་སྐྲ་སེར་དཔོན་པོའི་སེམས་པ་ཞུམ།།
ཁོང་གིས་རྣོན་པོའི་མཚོན་ཆ་བཟུང་ནས་དབྱིན་དམག་སྡར་མའི་སྙིང་རྩ་བྲེགས།།
ངའི་སེམས་རྩ་སྡུག་གིས་གཟིར་ནས་ཀློག་གི་ཡོད། ངའི་མིག་མཐའ་མཆི་མས་བསྐོར་ནས་ཀློག་གི་ཡོད། རིགས་ཞེན་དང་ལ་རྒྱས་བཟི་བའི་བུ་རྒོད་ཚོ་འདི་ལྟར་བཞུད་དུས། ང་ཚོའི་སེམས་སྡུག་ཙམ་ལས་ཅི་ཞིག་འཇོན།
ཚང་མས་གདུང་སེམས་མཉམ་བསྐྱེད་ཡག་པོ་རེད་དེ། དེ་ལས་ཀྱང་གལ་ཆེ་བ་ནི་གོང་བཀོད་གསར་གནས་དབྱིན་བསྒྱུར་གྱིས་འཛམ་གླིང་ལ་སྤེལ་རྒྱུ་གལ་ཆེན་རེད།
ཨ་ཁུ་རྩོམ་པ་པོ་ཐེའུ་རེང་ལགས་གདུང་སེམས་གཉམ་སྐྱིད་ཡོད་།
རྩོམ་པ་པོ་ཐེའུ་རེང་གི་སྙིང་སྟོབས་དངལྷག་བསམ་དུས་ནམ་ཡང་མི་བརྗེད།
ཨ་ཁུ་རྩོམ་པ་པོ་ཐེའུ་རེང་ལགས་སེམས་ཤུགས་མ་ཆགས་བློ་མ་ཕམ་དཀོན་མཆོག་གིས་མགོན་སྐྱབས་གནང་གི་རེད།་ང་ཚོར་ཁྱེད་ཀྱིས་ཕྱོགས་ལ་སེམས་ཁུར་བྱེད་ཀྱི་ཡོད། ང་ཚོར་ཁྱེད་རང་ལ་ག་དུས་ཡིན་ན་རྒྱབ་སྐྱོར་ཡོད། ཁྱེད་ཀྱིས་སྙིང་སྟོབས་དང་ལྷག་བསམ་ལ་ཧ་ཅང་དགའ་ཞིང་ཧ་ཅང་དུངས། མྱུར་དུ་ཕེབས་པར་ཤོག
དགོངས་དག་ཞུ་ཆད་སོང་ཕྲག་་་་་་འོག་
ཡང་ཚར་སོང་བོད་མི་རིགས་འདིའི་ཆེའི་ཉམས་ཆུང་བའི་བླ་སྲོག་ཕག་ཏུ་འཁུར་མཁན་གྱི་གསེར་ནག་གི་བུ་ཆུང་ཞིག་དགྲ་བོའི་ལག་ཌྷོག་་ཏུ་ཤོར་སོང་ནི་རེད།་ཆེའི་སྙན་གྲགས་ཆེ་བའི་གླུ་བ་བདུད་བྷེ་ཡིས་ཨ་མའི་བུ་ང་ཚོ་འདུག་ཁོམ་མེད་ལ་འདུག་པའི་དུས་ཡང་མ་ཡིན་ཟེར་བ་ལྟར།་ང་ཚོ་ཆོ་ཁའི་འཐེན་ཁྱེར་དང་བླུན་རྨོང་རྗེས་ལུས་ཀྱི་བསམ་བློ་ཕར་བཞག་ནས་བཞུད་ཟིན་པའི་དཔའ་་བོ་དག་དང་ཆེའི་གདུག་རྩུབ་ཆེ་བའི་རྒྱ་དམར་གྱི་བཙོན་འོག་གི་སྤུན་ཟླ་ཚོའི་མངོན་འདོད་ཆེ་བའི་རེ་བ་བསྒྲུབ་ཕྱིར་རང་་རང་གི་ལས་ལ་བརྩོན་ནས་སེམས་ཤུག་སྐྱེདདགོས་ཨ་མའི་བུ་ཚོ་ཡར་ལངས་ཤོག།།
༼ དྲོད་ངག་སྒྲོན་ལགས་ཀྱིས་སྐུ་ཞབས་ཐེའུ་རང་ལ་ཕུལ་བའི་སྙན་ཚིག ༽
འདི་ལྟར་སེམས་ཀྱི་དམར་ས་ཡོད་པའི་མི་བུ་ཞིག་གློ་བུར་དུ་བོར་སོང་ན
འདི་ལྟར་དྲང་བདེན་དང་གནས་ལུགས་བརྗོད་མཁན་ཞིག་གློ་བུར་དུ་བོར་སོང་ན
འདི་ལྟར་མི་རིགས་ཀྱི་ཆེད་དུ་སྐད་ཆ་བཤད་མཁན་ཞིག་གློ་བུར་དུ་བོར་སོང་ན
འདི་ལྟར་རང་དབང་གི་གད་རྒྱངས་སྒྲོགས་མཁན་ཞིག་གློ་བུར་དུ་བོར་སོང་ན
ཁ་བ་གངས་ཅན་པའི་ལྗོངས་ཀྱི་ཡོན་ཏན་པའི་སྡེ
ང་ཚོ་འདི་ལྟར་ཁ་ཁུ་སིམ་པོར་འདུག་དགོས་སམ
འདི་ནི་ང་ཚོ་ལ་གཉའ་གནོན་དང་བཙན་འཛུལ་བྱས་པ་མ་ཡིན་ནམ
དོན་དངོས་སུ་ང་ཚོ་ལ་སྨྲ་བརྗོད་རང་དབང་ག་ཙམ་ཡོད
དོན་དངོས་སུ་་་་་་་་་
རང་རིགས་ཀྱི་ཆེད་དུ
དྲང་བདེན་གྱི་ཆེད་དུ
གནས་ལུགས་ཀྱི་ཆེད་དུ
རང་དབང་གི་ཆེད་དུ
སྐད་ཆ་བཤད་མཁན་ག་ཚོད་ཡོད
འདི་ལྟར་གནས་ལུགས་བརྗོད་མཁན་གྱི་མི་བུ་དཔྱོད་ལྡན་པ་ཚོ
གཅིག་ཅིག་ཉིས་ཉིས་ཀྱི་བོར་སོང་བ་ནི་ཆེས་ཡིད་ཕངས་པའི་གནད་དོན་ཞིག་རེད་ཨང
དོན་ངོ་མར་འགྲོ་བ་མིའི་ཐོབ་ཐང་ལ་བདག་པོ་རྒྱག་མཁན་ཞིག་ཡོད་དམ
ཁ་སང་་་་་་་་་་་་་་ཁྱེད་ཀྱི་སྙིང་སྟོབས་དང་སྤོབ་པགླེང་བཞིན
ཁ་སང་་་་་་ཁྱེད་ཀྱི་སྒལ་ཚིགས་དང་མྱི་གཞི་གླེང་བཞིན
ཁ་སང་་་་་ཁྱེད་ཀྱི་ཁྲག་ཡིག་དང་བྱས་རྗེས་གླེང་བཞིན
དོན་ངོ་མའི་ཁྱེད་རང་ཆང་ཕོར་ཁ་ན་འཚོལ་དུས
ཁྱེད་ཀྱི་གྲོགས་པོ་བཙོན་མ་དང་བོད་ཕྲུག་ད་དུང་དཔྱིད་མྱུག་དང་གཉན་སོགས་ཀྱིས
ཁྱེད་ལ་དམྱུལ་ཡུལ་ལྟ་བུའི་བཙོན་ཁང་ནང་ན་འཇིགས་སྐྲག་དང་སུན་སྣང་མེད་པའི་སྨོན་འདུན་རིང་མོ
པོ་ཏ་ལའི་རྒྱབ་རོལ་ནས་བསྐུར་ཡོད
ཐེའུ་རེང་་་་་་་་་
དོན་ངོ་མར་འཇིག་རྟེན་ན་ལས་རྒྱུ་འབྲས་དང་ལས་རྒྱུ་འབྲས་ཀྱི་བདག་པོ་ལྟ་བུའི་ལྷ་སྲུང་ཞིག་ཡོད་ན
ཐེའུ་རེང་ལ་མགོན་སྐྱབས་དང་སྡོང་གྲོགས་མཛོད་ཅིག
ཨ་མའི་བུ་ཐེའུ་རེང་་་་་་
ཁྱེད་རང་སྔར་བཞིན་སྙིང་སྟོབས་དང་སྤོབ་པའི་ངང་ཆས་ཤོག
ཁྱེད་རང་སྔར་བཞིན་རྒྱལ་ཁ་དང་གཟི་བརྗིད་ངང་ཆས་ཤོག
ཐེའུ་རེང་་་་་་་་་་་་་་་་་་་་་་་་
ཐེའུ་རེང་་་་་་་་་་་་་་་་
ཐེའུ་རེང་་་་་་་
ཁྱེད་རང་གཏན་ནས་མི་བརྗེད།
ཐེའུ་རང་ལ་ཕུལ་བ།
བོད་ནས་ལྷམ་ཀོག་གིས།
མགོ་འདི་བྲག་ལ་གཏུགས་ནས་ལུས་འདི་བསྒུར་ནས་ཡོད།།
སེམས་འདིར་འཇིགས་སྐུལ་བྱས་ནས་དཔའ་འདི་ཞུམ་ནས་ཡོད།།
ལག་འདིར་ལྕག་གིས་བྲབས་ནས་བྲང་འདི་གཤོང་ནས་ཡོད།།
ཁ་འདིར་ལ་ཙི་བླུགས་ནས་ལྕེ་འདི་སྦྲིད་ནས་ཡོད།།
བྲག་ལ་ཨུ་ཁུང་བཏོད་པའི་གྲོགས་ཁྱེད་མཐོང་གིན་ཡོད།།
ས་ལ་སྤར་ཉོབ་བྱེད་པའི་གྲོགས་ཁྱེད་སེམས་ཀྱིན་ཡོད།།
གྲི་ལ་ཁུ་ཚུར་སྣོན་པའི་གྲོགས་ཁྱེད་གླེང་གིན་ཡོད།།
ལག་ལ་དཔའ་སྤོབས་བཏེགས་པའི་གྲོགས་ཁྱེད་འདྲི་གིན་ཡོད།།
སྤྱིར་ཡིན་ན་རྩོམ་པོ་ཚོའི་བདེ་སྡུག་གི་སྐོར་འདི་ལྟ་བུ་ནི་རྩོམ་པ་པོའི་མཐུན་ཚོགས་ཀྱིས་གཙོས་གླེང་ན་འོས་ཤིང་འཚམ་པ་ཞིག་རེད་པས། འོན་ཀྱང་འདི་ཚོས་ལྐོག་ནས་ཕྱི་སྐྱོད་ལག་འཁྱེར་ཚོང་སྒྱུར་བྱ་རྒྱུ་ལས་གཞན་ཅི་ཡང་མི་བྱེད་པ་ཅི་ཡིན་ནམ།
ཉི་མ་ཞིག་ལ་ཀྲང་ཆིན་ལིའི་བུ་མོ་ཡང་རང་ཕྱོགས་ཀྱི་མི་ཞིག་གིས་ཁ་རོག་གེར་མི་གཏའ་ལ་ཁྲིད་འགྲོ་སྲིད་ལ། སུ་ཞིག་གི་སྣུམ་འཁོར་འོད་ཡུག་མ་དེ་ཡང་ཐལ་དང་རྡུལ་དུ་གཏོང་སྲིད་པ་རེད། ཡིན་ཡང་། ངས་འདི་ནས་སྐུལ་སློང་བྱེད་ཀྱིན་མེད་ཨཱ།
རྒྱ་ལག་ལ་ཤོར་ཚར་དུས་ཕྱིར་ང་ཚོའི་ལག་ལ་རག་ཁག་པོ་ཡིན། བྱ་གླག་གིས་ལུ་གུ་འཁུར་འཁུར་བྱེད་ཀྱིན་འདུག རི་ཡུལ་གཉིས་ཀ་ནས་ཀི་ཧོ་ཇི་ལྟར་བཏབས་རུང་ཁ་ནས་ཕྱིར་མི་ལོན། ཁ་སང་དེ་རིང་དོན་གྲུབ་དབང་ཆེན་ཡང་རྒྱ་ནག་ལས་ལོན་གི་མེད།
ངའི་སེམས་གཟར་སོང་་་་ངའི་སྙིང་འཕར་བྱུང་་་་ངའི་འགྲིན་པ་མཆི་མས་བརྣངས་སོང་་་་་གཏམ་ངན་འདིས་ངའི་ཚེ་སྲོག་གི་ཕྱེད་ཀ་འཕྲོག་སོང་་་་་ཁོང་ནི་བོད་མི་རིགས་ཀྱི་དངོས་ཡོད་ཀྱི་བདེ་སྡུག་་་་་་་གཟིན་རྗེའི་གྲི་མདའ་ཁར་མཛད་མེད་དུ་སྒྲོགས་མཁན་ཞིག་ཡིན།་་་ཁོང་མེད་ན་གཞི་ལུས་ཀྱི་སྐད་ཆ་ལ་ངར་སྒྲ་མེད་་་་ཁོང་མེད་ན་བོད་ཀྱི་གཞཽན་སྐྱེས་ཚོའི་སྨྱུག་གུ་ལ་འོད་མདངས་མེད་་་་་་ང་ཚོས་རྟག་་ཏུ་ཁོང་གླེང་དགོས་ང་ཚོས་ཁོང་བཙལ་དགོས་
ཁྲག་ཡིག་རྩོམ་པ་པོ་ཁོང་གི་དེབ་དངོས་སུ་མཐོང་མ་བྱུང་ཡང་། ཟིན་བྲིས་དེ་དག་སྟེང་ནས་གནས་ཚུལ་དོན་རྟོགས་བྱུང་བར་ཁོང་ལ་གདུང་སེམས་མཉམ་སྐྱེད་ཡོད། ཡིན་ནའང་ང་ཚོས་བསམ་གཞིགས་གཟབ་ནན་གྱི་ཐོག་ནས་ཁོང་ དངོས་སུ་འཛིན་བཟུང་བྱས་ཡོད་མེད་ལ་ཞིབ་འཇུག་དོ་ནན་བྱ་དགོས་ཀྱི་འདུག ཉེ་སྔོན་རིན་བཟང་གི་མུ་འབྲེལ་ཟིན་ཐོ་འབྲི་མཁན་མཐོང་རྒྱུ་མེད་པ་ཆགས་སོང་ཞེས་ཟིན་ཐོ་ཁག་ཅིག་སྟེང་བཀོད་ཐོན་བྱུངསོང༌། འོན་ཏེ་དེ་མཇུག་བསྐྱེལ་མཁན་ཞིག་རྩ་བ་ནས་བྱུང་མ་སོང་།་ མི་ཞིག་གི་ལས་དོན་གཟེངས་སུ་ཐོན་པ་དང་གདེངས་འཇོག་ཡོང་ཐབས་སུ་ངེས་པར་ཁོང་གི་རྒྱབ་ལྗོངས་ལོ་རྒྱུས་རགས་ཙམ་ བཀོད་དགོས་ཀྱི་འདུག་ལ། དངོས་སུ་འཛིན་བཟུང་བྱས་ཡོད་མེད་དེ་དོན་དངོས་དང་བསྟུན་ནས་གསལ་པོ་བཤད་དགོས་ཀྱི་འདུག དེ་སྔ་ང་ཚོས་འཇམ་དབྱངས་སྐྱིད་སླར་ཡང་འཛིན་བཟུང་བྱས་སོང་ཞེས་གནས་ཚུལ་གཅིག་མཇུག་གཉིས་མཐུད་དུ་སྤེལ་བ་རེད། འོན་ཏེ་ཁོང་ནས་མུ་མཐུད་ཟིན་བྲིས་སྤེལ་ཏེ་ཁོང་སྐབས་དེར་དགུང་སེང་དུ་བསྐྱོད་ཡོད་པའི་གནས་ཚུལ་སྤེལ་སོང་ ། དེ་འདྲ་སོང་ཙང་ང་ཚོས་ཁོང་དངོས་སུ་འཛིན་བཟུང་བྱས་ཡོད་མེད་དེ་ཁ་གསལ་བཟོ་དགོས་ཀྱི་འདུག གལ་སྲིད་ཁོང་འཛིན་བཟུང་བྱ་བའི་དུས་ཚོད་ཤེས་རྟོགས་ཡོང་གི་ཡོད་ཚེ་ས་གནས་དང་འཛིན་བཟུང་བྱ་མཁན་གང་ནས་ཡིན་པ་རོབ་ཙམ་ཤེས་ཡོད་ངེས་ཡིན་སྟབས་དེ་དག་ངེས་པར་བཀོད་དགོས་ཀྱི་འདུག དེ་མིན་རང་ཉིད་ཀྱི་མི་མཐོང་ཚེ་ལམ་སེང་འཛིན་བཟུང་བྱས་པར་རྩིས་ཏེ་བཀོད་རྐྱང་བྱས་ཚེ་དེ་ནི་གནས་ཚུལ་ཆ་ཚང་པོ་ཞིག་མཐོང་གི་མི་འདུག
ཨ་ཁ་ཁ་ཤ་ཁྲག་གཅིག་པའི་མིང་དོན་མཚུངས་པའི་གཞོན་སྐྱེས་རྩོམ་པ་པོ་ཞིག་འདི་ལྟར་འཇའ་ལྟར་ཡལ་དུས་འདི་ཡང་བོད་མི་རིགས་ཀྱི་གྱོང་གུད་ཅིག་རེད།
གསར་འགྱུར་ནང་གི་ཡིག་ནོར།
དྲི་ཚིགས། དྲ་ཚིགས།
བདེན་དབང་། བདེན་དཔང་།
བདེ་དཔང་། བདེན་དཔང་།
སྒྲིག་འཛུག སྒྲིག་འཛུགས།
ཧི་གཟིགས། ཧི་གཟུགས།
བཀྲ་ཤེས། བཀྲ་ཤིས།
གསལ་ཆ་ལན་གིན། གསལ་ཆ་ལེན་གྱིན།
འདི་རྣམས་ངས་མཐོང་བའི་ཡིག་ནོར་ཡིན།
གཤམ་དུ་བློ་བུར་ཞེས་པའི་ཐད། སྔར་གྱི་ཕྱག་དཔེ་རྙིང་པའི་རིགས་ཁག་ཅིག་གི་ནང་བློ་བུར་འདི་རང་འདུག་ཀྱང་།
དེང་དུས་ཡོངས་གྲགས་སུ་གློ་བུར་ཞེས་སྤྱོད་ཀྱིན་ཡོད། གོང་གི་དེ་དང་འདི་གཉིས་འབྲི་སྲོལ་མི་གཅིག་པ་ཙམ་མ་གཏོགས་དོན་གཅིག་རེད་འདུག་སྙམ།
ཡང་གཏམ་ངན་དེ་འདྲ་རེ་གོ་ཡི་འདུག་ཀ ད་ཡིན་ན་ཡང་དམྱལ་བའི་ལས་ཀ་ལས་ནོ་ཁོ་དག་ཡིན།་ ཡང་འདྲེའི་ལག་པ་བསྲིངས་ཚར་འདུག་ཨ། དཀོན་མཆོག་མཁྱེན། ན་གཞོན་དེ་ཚོའི་ངོ་མ་མྱང་གི་འདུག་ཡ།
ཁོང་ཉིད་ལ བཙན་པོའི བོད་པ་ཅེས བྱ་རྒྱུ།
བཤད་མཁན་དང་བསྡོད་མཁན་གང་ཡིན་ཡང་། བོད་ནང་ནས་ལས་སླ་བོ་ཞིག་འཇོག་གི་མེད་ཀྱང་། བྱེས་པ་དག་གིས་གང་ཞིག་བྱས་དེ་དེ་དག་གི་བདེ་སྡུག་ལ་ཁ་ཡ་ཡག་པོ་བྱེད་ཐུབ་མིན་ཐད་དུ་ལས་འགུལ་རྒྱུན་ཆད་མེད་པ་རེད་སྤེལ་མཁན་ནི་ཉིན་རེ་ཉིན་རེ་ཇེ་ཉུང་དུ་འགྲོ་བཞིན་ཡོད་པ་འདི་ནི་དེ་བས་ཀྱང་ཡིད་སྐྱོ་བ་ཞིག་མ་རེད་དམ།