སློབ་ཕྲུག་ཚོར་ནང་ཆོས་ངོ་སྤྲོད།

འགྲོ་མགོན་ཆོས་རྒྱལ་འཕགས་པས་དགོས་དབང་གིས་ཆབ་སྲིད་རེ་ཞིག་ཟིན་རུང་ཆོས་དང་མི་མཐུན་པར་གཟིགས་ནས་དོར་བ་དེས་ཆོས་པ་ཆབ་སྲིད་ཀྱིས་གོས་ན་ཤིང་སྡོང་ཁོང་རུལ་དང་མཚུངས་པར་བསྟན། སྲོང་བཙན་སྒམ་པོའི་གདུང་བརྒྱུད་ཀྱིས་ཆབ་སྲིད་མ་ཟིན་ཤོར་བ་འདིས། ཆབ་སྲིད་པ་ཆོས་ཀྱིས་ཀྱིས་རླན་ན། ཤིང་རློན་ཕྲ་མོས་ཀ་བ་དང་གདུང་མ་བྱས་པ་དང་འདྲ་བ་བསྟན་ནོ། ལོ་རྒྱུས་ཀྱི་རྒྱབ་རྒྱང་ལ་བལྟས་ན་ཁྱེད་མིའུ་ཕྲུག་གཅིག་མི་འདྲ། མིའུ་ཆེན་པོ་ཞིག་འདྲ། ཐུགས་རྗེ་ཆེ།

ཆོས་པ་ཆབ་སྲིད་ཀྱིས་གོས་ན། ཤིང་གདོང་ཁོང་རུལ་བ་དང་འདྲ། ཆབ་སྲིད་པ་ཆོས་ཀྱིས་རླན་ན། ཤིང་རློན་ཕྲ་མོ་གདུང་མ་བྱས་པ་དང་འདྲ། གཉིས་ཀ་ཐོན་པའི་མི་ནི་༧གོང་ས་སྐྱབ་མགོན་ཆེན་པོ་ཁོ་ནར་ངེས།

སངས་རྒྱས་ཆོས་འཕེལ་ཟེར་བ་འདིས་བཤད་པ་ལྟར་༧་ས་སྐྱ་གོང་མ་མཆོག་ཆབ་སྲིད་ཀྱི་དྲི་མས་མ་གོས་པ་ཞིག་ཡིན་ཚེ་ང་ཚོ་བོད་པ་ཚང་ལ་ཕན་པ་མེད་ཀི། ད་ལྟའི་དུས་སུ་ང་ཚོརཆེས་དཀའ་ངལ་འཕྲད་པ་ནི་ཆབ་སྲིད་ཀྱི་གནད་དོན་རེད། དེ་ཡང་ཆོས་དང་རིག་གཞུང་དང་འབྲེལ་བའི་ཆབ་སྲིད་ཀྱི་ལངས་ཕྱོགས་ཡིན་སྟབས་བླ་ཆེན་དག་ལ་དམིགས་བསལ་གྱི་འགན་བབ་ལྡན་སྙམ། ངའི་སེམས་ནང་གི་༧ས་སྐྱ་གོང་མ་ནི་བོད་མི་རིགས་འདིའི་བསྟན་པ་ཆོས་སྲིད་ཟུང་གི་གནས་བབ་འགྱེལ་དུ་མི་བཅུག་པའི་ཀ་ཆེན་ཞིག་རེད་དྲན་གྱིན་ཡོད། དེས་ན་བུ་སངས་རྒྱས་ཆོས་འཕེལ། བསྟོད་པ་ཕལ་ཆེར་སྨད་པའི་རྒྱུ་རུ་འགྲོ།། ཞེས་པའི་ལེགས་བཤད་འདི་ཉིད་དྲན་པ་གྱིས་ཤིགས

བསྐལ་བ་བཟང་བོའི་དུས་ཀྱི་སློབ་བུ་ཟེར་ན་འདྲ། སྔོན་བསགས་ལས་སྔོན་གྱི་འཐུ་ཟེར་ན་ཆོག ས་སྐྱ་བདག་ཁྲི་ཚང་གི་བཀའ་ཆོས་དེ་དག་སེམས་རྒྱུད་དུ་བཞག་ནས་རང་རེ་གངས་ཅན་བོད་པ་ཚང་གི་སྐྱེ་ཆེན་དམ་པ་འདི་དག་གི་བཀའ་དྲིན་ལ་བསམ་ཤེས་རེ་བྱེད་ཐུབ་པ་ཡིན་ན་དངོས་ནས་བོད་མི་རིགས་ཀྱི་བུ་རབས་ཚ་བརྒྱུད་དག་ཡར་ཐོན་ཁྱད་པར་བ་ཞིག་ཡོང་ངེས་ཡིན།

དཔལ་ས་སྐྱ་གོང་མ་རིན་པོ་ཆེ་མཆོག་ནས་གསུངས་པ་ལྟར་ང་ཚོའི་གཞོན་སྐྱེས་ཚོས་ངེས་པར་དུ་ནང་ཆོས་ཀྱིས་གཙོས་པའི་གནའ་བོའི་ཤེས་རིགས་དག་ལ་སློབ་སྦྱོང་མང་ཙམ་བྱེད་ཐུབ་ན་དངོས་གནས་ཕན་ཐོགས་ཆེན་པོ་ཞིག་འབྱུང་བར་གདོན་མི་ཟ།
དེ་ཙམ་མ་ཟད་དེང་རབས་ཚན་རིག་གི་ཤེས་བྱར་ངེས་པར་དུའང་སློབ་གཉེར་དཔྱིས་ཕྱིན་པ་ཞིག་བྱེད་དགོས་པའི་དུས་ཚོད་གཅིག་རེད་འདུག

ང་ཚོའི་བླ་ཆེན་རྣམ་པ་ཚོས་མཛད་པ་འདི་ལྟར་སྐྱོང་གནང་ན་དངོས་གནས་དག་ེམཚན་འདུག རང་རིགས་ན་གཞོན་རྣམས་ལ་ནང་ཆོས་ངོ་སྤྲོད་བྱ་རྒྱུ་འདི་ད་ལྟ་དང་མ་འོངས་གང་དུ་བསམ་ཀྱང་ཧ་ཅང་གལ་ཆེན་པོ་འདུག དེ་མིན་ང་ཚོའི་རིག་གཞུང་ཡོད་ཚད་ཕྱི་མིར་བསླབ་པ་དང་སྤེལ་བ་ལས་ནང་ཁོངས་སུ་སྣང་ཆུང་དུ་སོང་ཚེ་ང་ཚོའི་མི་རབས་རྗེས་མ་ཚོ་ཕྱི་མིའི་ལག་འོག་ནས་རང་གི་རིག་གཞུང་སློབ་སྦྱོང་བྱ་དགོས་པའི་དུས་ལ་བབས་ཉེན་འདུག བླ་མ་སྐྱེས་ཆེན་ཁོང་ལྟ་བུར་༸གོང་ས་མཆོག་གི་གཡས་གཞོགས་གཡོན་འདེགས་གནང་སྟེ་གདན་ས་ཁག་གི་དགེ་བཤེས་ཁག་དང་བཅས་ཚང་མས་ང་ཚོའི་མ་འོངས་པའི་ན་གཞོན་ཚོར་འདི་ལྟར་སློབ་འཁྲིད་གནང་ཐུབ་ན་ཡག་པོ་འདུག་ལ། ད་དུང་རང་ཉིད་ཀྱི་བསམ་ཚུལ་དུ་སྦེང་ལོར་དང་། ལྡི་ལི། ཅན་རྡི་སྒར་སོགས་བོད་རིགས་མཐོ་སློབ་ཀྱི་སློབ་ཕྲུག་གནས་སྡོད་བྱ་ཡུལ་ཁག་ཏུ་ཉིན་གྲངས་གཉིས་ཙམ་ལས་མ་བྱུང་ཡང་ཟླ་བ་གཉིས་རེའི་མཚམས་འབྲེལ་ཡོད་ཁག་ཅིག་ནས་ཐུགས་འགན་བཞེས་ཏེ་ནང་ ཆོས་སློབ་འཁྲིད་ཀྱི་ལས་གཞི་ཞིག་སྤེལ་ཚེ་ཏན་ཏན་སློབ་གཉེར་བརྒྱབ་རིང་ཙམ་མ་ཡིན་པར་འཕྲལ་ཕུགས་གཉིས་ཀར་དགེ་ཕན་ཆེན་པོ་ཡོང་རྒྱུར་གདོན་མི་ཟ།