ཟླ་འདིའི་ཚེས་ ༡༨ ཉིན་བཙན་བྱོལ་བོད་གཞུང་དྲྭ་རྒྱས་གནས་ཚུལ་སྤེལ་གསལ་ལྟར་ན། ལྷ་སའི་སྙེ་མོ་ས་ཁུལ་གྱི་གྲོང་བརྡལ་དོ་དམ་ལས་ཁུངས་ཀྱིས་འདས་ལོའི་ ༣།༡༤ དོན་རྐྱེན་ཁྲོད་དུ་རྐྱེན་ལམ་ཕྱིན་མཁན་ཁྲོད་ནས་ད་ཐེངས་མི་གསུམ་གྱི་ངོ་སྤྲོད་སྔོན་འདོན་བྱས་ཡོད་འདུག ཞིབ་ཕྲའི་གནས་ཚུལ་ལྟར་ན། ཉེ་ཆར་བཟའ་མི་གཉིས་ཀྱིས་ལས་བྱེད་པ་ཚོའི་གམ་དུ་རང་གི་བུ་ཕྲུག་འཚོལ་སླད་བཅར་འདྲི་བྱས་པ་ལས་ཤེས་རྟོགས་བྱུང་ཞིང། གྲོངས་མི་གསུམ་པོའི་མཚན་ནི་རྒྱལ་མཚན། རང་ལོ་ ༢༨ ཕ་ཡུལ་གཡག་སྡེ་གྲོང་གསེབ། ཕུན་ཚོགས་ཚེ་རིང། རང་ལོ་ ༢༠ དང་ཕ་ཡུལ་གཡག་སྡེ་ཀླུ་སྡེ། མི་འགྱུར། རང་ལོ་ ༢༠ དང་ཕ་ཡུལ་གཡག་སྡེ་ཁང་གསར་བཅས་གསུམ་ཡིན་འདུག་ཅིང་། ཁོང་གསུམ་པོས་ལྷ་སར་ལྟོ་གོས་དོན་དུ་ལས་དོན་ཆུང་ཚགས་རེ་བྱེད་བཞིན་ཡོད་འདུག དེ་བཞིན་རང་ལོ་ ༤༦ ལ་སོན་ཞིང་མིང་ལ་ཤེད་ཤེད་ཟེར་ཞིང་ཕ་ཡུལ་འབའ་ཐང་ས་ཁུལ་ནས་ཡིན་པ་ཞིག་ཨ་མ་དང་བཟའ་ཟླའི་ལྷན་དུ་ལྷ་སར་གནས་སྐོར་དུ་ཡོང་ཡོད་པ་དང། ཕྱི་ཟླ་ ༣ ཚེས་ ༡༤ ཡི་གྱེན་ལངས་ཁྲོད་དུ་མཉམ་ཞུགས་བྱས་ཏེ་རྭ་མོ་ཆེ་ནས་སྦྲགས་ཁང་དུ་བསྐྱོད་དུས་ལམ་བར་དུ་རྒྱ་མིས་མེ་མདའ་བརྒྱབས་ཏེ་བཀྲོངས་ཡོད་འདུག་ལ། ཁོ་བོའི་ཕུང་པོ་ནང་མིར་ཕྱིར་སློག་བྱས་ཡོད་མི་འདུག
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
ཆོས་ཀུན་མི་རྟག་སྒྱུ་མའི་རང་གཤིས་ཞེས།།
རིང་མོ་ཞིག་ནས་ཐོས་འཛིན་འཇེབས་མོད་ཀྱང་།།
བདེན་དོན་ཆེད་དུ་རང་སྲོག་འདོར་བ་ཡི།།
དཔའ་བོ་འདི་དག་གཤེགས་པར་ཕངས་སེམས་ལྕི།།
གངས་ཅན་ཞིང་གི་ཆོས་སྲིད་བྱ་བའི་གདུགས།།
འདེགས་པའི་སྲིད་ཞུར་གཏོགས་པའི་སྐྱེ་བོ་ཀུན།།
ལྷག་བསམ་རྣམ་དཔྱོད་དཔུང་པ་རབ་བརྟན་ཅིང་།།
སྐྱེ་ཀུན་ཕྱག་ན་པདྨོས་རྗེས་བཟུང་ཤོག།
བོད་མི་གསད་ན་ཁོང་ཚོས་ཉེས་པ་ཞིག་ལ་དྲངས་བཞིན་མེད་པར། རྒྱ་མི་རེ་གཉིས་ཤིག་ཞི་བའི་ངོ་རྒོལ་ཁྲོད་སྟབས་མ་ལེགས་པར་ཤི་སོང་བ་དག་ཉིན་མཚན་མེད་རབ་རླུང་འཕྲིན་ནང་དུ་བསྟན་ནས་མི་མང་ལ་བོད་མི་ནག་ཅན་མི་ཉུང་བ་ཞིག་གིས་ཁ་བྲལ་བའི་ལས་འགུལ་ཁྲོད་ཉེས་མེད་མི་མང་གསད་རབས་བཤད་པ་དེ་དག་ལ་ཉན་ན་དངོས་ནས་དམིགས་བསལ་གྱིས་ལྷ་ས་ཁུལ་གྱི་བོད་རིགས་དེ་དག་གིས་རང་གི་ཉེ་མི་དེ་དག་དོན་མེད་དུ་རྐྱེན་ལམ་དུ་སོང་བ་དེར་བདེན་དབུང་བྱེད་པ་ལ་དངོས་ནས་སེམས་ཤུགས་ཡོད་དགོས་པ་ཞིག་རེད་ལ། དེ་ལྟར་བྱེད་འོས་པ་ཞིག་ཀྱང་ཡིན། ཡ་ང་བའི་དོན་རྐྱེན་ཁྲོད་དུ་འདས་ཟིན་པའི་དབའ་བོ་དེ་དག་གི་མཛད་རྗེས་བསྐལ་བའི་བར་དུ་མི་ནུབ་པར་ཤོག
བསྟན་དང་བསྟན་འཛིན་ཆབ་སྲིད་རང་རིགས་སླད།། གཅེས་པའི་ལུས་སྲོག་ལོང་སྤྱོད་ཡོངས་བཏང་དེ།། བསྐལ་བ་བརྒྱ་ཕྲག་སྒྲུབ་པའི་སྐྱེ་བོ་རྣམས།། གྲུ་འཛིན་མགོན་དེས་ཐུགས་རྗེ་སྐྱོང་བར་མཛོད་ཅེས་༧གོང་ས་མཆོག་སྨོན་ལམ་བཏབ་པ་ལྟར། ཁོང་ཚོ་བོད་བསྟན་པ་ཆབ་སྲིད་ཀྱི་དོན་དུ་གྲོངས་མཁན་ཡིན་ཙང་། ངས་ཁོང་ཚོ་ལ་སྐྱེ་བ་ཡག་པོ་ཞིག་ཐོབ་པ་དང་སླར་ཡང་གང་ན་དྲང་བདེན་མེད་པ་དེ་ནས་སྐྱེ་བ་བླངས་དེ་བསྐལ་བའི་བར་དུ་དྲང་བདེན་གྱི་འཐབ་མོ་ཞིག་ཆགས་པར་སྨོན་ལམ་རྒྱག་གི་ཡིན།
དེ་དག་དཔེ་མཚོན་ཙམ་རེད། ད་དུང་གྲངས་ལས་འདས་ཞེས་ལབ་ནའང་ཐལ་ཆ་ཞིག་མཐོང་མ་སོང་།
ཚེ་འདས་ཀྱི་དཔའ་བོ་རྣམས་སྐྱེ་བ་ནས་ཚེ་རབས་ཐམས་ཅད་དུ་འཕགས་པ་སྤྱན་རས་གཟིགས་ཀྱི་རྗེ་བཟུང་ཤོགས།