སྔ་མོ་རང་ལ་འདི་ལྟར་སེམས་གསོའི་སྡོམ་ཚིག་བཙལ།

སྡོད་གནས་ཁྱིམ་དང་དྲ་ཁང་ཐག་རིང་ཞིང་།།
ཙག་ཙིག་བྱ་བས་བྲེལ་ཟིང་ཆེ་གྱུར་བས།།
གཅེན་པོ་ནོངས་པའི་བཤགས་ཚིག་འགྱངས་གྱུར་པས།།
ཤ་ཁྲག་རུས་གསུམ་དགོངས་དྭངས་པར་འཚལ།།

སྐྱེ་ཐོབ་རིག་པའི་རྩལ་ཁ་མ་རྒྱས་ཤིང་།།
སྦྱངས་སྟོབས་རིག་པའི་ནོར་གྱིས་དབུལ་གྱུར་པས།།
རིགས་ལ་ཞེན་དུངས་ཆེ་བའི་གྲོགས་ཁྱེད་ནས།།
དུས་རྒྱུན་བཀའ་སློབ་བདུད་རྩིའི་རྒྱུན་བཟང་སྩོལ།།

ཁ་ཁར་སོང་བའི་ཕྱིར་ཉིན་དེ་ནས་བཟུང་།།
བ་ལི་རྐང་གཅིག་འབུལ་ཐབས་མ་བྱུང་ཡང་།།
སྐམ་ཤིང་རིད་པའི་ལུས་ཕུང་ཆལ་སྟོང་འདི།།
པོ་ཏི་གཅིག་གི་རིན་ཐང་ཡོད་མི་སྲིད།།

གཅེན་པོ་ཐོན་ནས་གསུང་ལན་གནང་བ་དེ།།
དུས་ཐོག་ལན་ཞིག་མ་འཕྲོད་གནོང་ན་ཡང་།།
རིགས་ཀྱི་དུངས་ཤ་ཟབ་མོའི་སྐད་ཆའི་གཏམ།།
ཡིད་ལ་བཞག་ཡོད་ཟེར་ནས་ཞུ་འདོད་ཡོད།།

ཀླགས་ཟིན། སྡོམ་ཚིག་འཁྱུག་འགྲོས་སྒྱུ་རྩལ་གྱི་རི་མོ་གསལ་བོ་འདུག

ཤ་ཁྲག་རུས་གསུམ་བརྟེན་འབྲེལ་ངང་ལས་བྱུང་།།
བསེ་རུའི་ར་ཅོའི་ངོ་བོ་སྙིང་པོ་སྟོང་།།
བདེན་མ་གྲུབ་པའི་སྣོད་བཅུད་འདི་ཉིད་ཀྱི།།
གསང་བ་ཟབ་མོ་རྟོགས་པའི་དངོས་གྲུབ་ཞུ།།

ཨ་ཅེ་ཆུ་སྐྱེས་སྒྲོལ་མ་ལགས། ཀློག་དུ་ཕེབས་པ་ཐུགས་རྗེ་ཆེ། རྗེས་ཕྱོགས་ཁོམ་ལོང་བྱུང་ན་བསམ་ཚུལ་རེ་ཡང་གསུང་རོགས་ཞུ།

བཀྲ་ཤིས་བདེ་ལེགས།
བཀླགས་ཟིན་ནས་ཡོད།

ཁྱེད་ཚང་ལ་བསྐོར་ཉུལ་བྱས་པའི་མ་ཚད་མཆན་པུ་གཉིས་ཀྱང་བཏབ་ཡོད་ལགས།

གཉན་མདང་ཕོ་ཉ་ལགས། ཁྱེད་རང་འདི་རུ་ཕེབས་པ་དང་བོ་ཡིན་ལ། ཉིད་རང་རྒྱུན་དུ་ཕེབས་པར་རེ་བ་ཡོད་ལ། ད་རེབ་འདི་རུ་ཕེབས་པ་སེམས་གཏིང་ནས་དགའ་ནི་ཡིན།

གནམ་ལྕགས་ལགས། འདི་རུ་་ཕེབས་ནས་བོད་ཡིག་མེད་པའི་ཡི་གེ་ཁ་ཤས་ཤིག་བཏགས་ནས་ཕེབས་ཟིན་འདུག གནས་ཚུལ་གསར་བ་འདྲ་གསུང་རྒྱུ་ཡོད་ནི་མིན་འགྲོ ནམ་རྒྱུན་སྐུ་ཉིད་ཀྱིས་འདི་འདྲ་ཞིག་འབྲི་བཞིན་མེད་པ་ཡིན་དུས། དེ་རིང་སྐུ་ཉིད་ལ་ག་རེ་བྱུང་སོང་ལགས།

ཡོན་ཏན་ལགས་སྐུ་ཉིད་ཀྱིས་བསམ་ཚུལ་གསུང་གནང་བ་དེར་བཀའ་དྲིན་ཆེ་ལགས། དངོས་ནས་བཤད་ན་འུ་ཅག་གིས་རྟེན་འབྱུང་གི་འཚོ་བ་དང་མ་འབྲེལ་བ་ཞིག་འགྲོ་བ་མི་སུ་ཡིན་ཡང་རོལ་ཐུབ་ཀྱི་མེད་པ་ཡིན་དུས། རྟེན་འབྱུང་ངོས་ཟིན་ཐོབ་མིན་དེ་ནི་གནད་དོན་གཞན་རེད་ལགས། དེའི་ཕྱིར་རྟེན་འབྱུང་ངོས་ཟིན་ཐོབ་མཁན་གྱི་མི་དག་གིས་འཚེ་བ་མེད་པའི་ལས་སུ་ཞུགས་རྒྱུར་འབད་བརྩོན་བྱེད་ངེས་ཡིན་ཟེར་ན་མ་ཆོག་པ་མེད་པར་འདོད། འདི་ནི་བདག་གི་བསམ་ཚུལ་ཞིག་ལས་ཡོངས་ཆབས་སུ་འགྲོ་མིན་མི་ཤེས་ལགས།

དྲ་གྲོགས་འདིའི་རྩོམ་རྩལ་དང་ནང་དོན་གང་གི་ཆ་ནས་་ཕུལ་དུ་བྱུང་བ་དངོས་ཡོད་རེད། གུས་པ་ཁོང་གི་དགོངས་ཚུལ་དང་ཅུང་མི་མཐུན་པ་ཞིག་ཡོད་པ་ནི། ང་ཚོ་ཡུལ་སངས་རྒྱས་ཀྱི་ཆོས་ལུགས་དར་སར་སྐྱེས་པ་ཡིན་པས། ཐོག་མར་རང་ཉིད་ཀྱི་འགྲོ་བ་སུ་ལ་གནོད་པ་མི་བྱེད་པར་སྨོན་ལམ་དང་ཉམས་ལེན་བྱ་བར་ཧ་ཅང་གལ་མོད། ཡིན་ནའང་རང་ངོས་ནས་ཀུན་སློང་ཡང་དག་རྒྱུན་སྐྱོང་གི་བརྒྱུད་རིམ་དུ་སྟབས་མི་ལེགས་པའི་བར་ཆད་སྣ་ཚོགས་ཡོད་པ་ཆོས་ཉིད་ཀྱིས། ངོ་ཚ་ཁྲེལ་མེད་ཀྱིས་ཡང་ཡང་ཚུར་རྒོལ་བའི་དགྲ་བོའི་རིགས་ལ་ཁོ་ཚོའི་གདུག་རྩུབ་ཀྱི་བྱ་སྤྱོད་དེ་ཕར་ལ་པེད་སྤྱོད་དགོས་པ་ཡང་གལ་ཆེ་བར་སྣང་། རྒྱུ་མཚན་ནི་ང་ཚོའི་ཁུང་གསེང་ན་ད་དུང་ཉོན་མོངས་ཀྱི་དཔུང་རོགས་ཡོད་པའི་འཇིག་རྟེན་པ་ཡིན་པས་ཆ་ནས།

གྲོགས་ཤ་ཁྲག་རུས་གསུམ་ལ་་་་་བརྟེན་འབྱུང་སྟོང་པའི་དོན་དུ་འགྲོ་བ་དང་སྟོང་པ་བརྟེན་འབྱུང་གི་དོན་མ་སོང་བར་བརྟེན་འབྱུང་གཞི་ལ་བཞག་པའི་འཚེ་མེད་སོགས་ཀྱིས་བསྒྲུབ་བྱའི་ལོན་པ་མི་སྲིད་ཅིང་། དེའི་ཕྱིར་འོ་ཅག་གིས་ཐོག་མར་བརྟེན་འབྱུང་ལ་ཐབས་ལ་འབད་དགོས་སོ།།