གཙོ་ཆེ་ཤོས་ནོར་འཁྲུལ་བཟོ་མཁན་ལ་གསལ་བཤད་དང་སྒྲིག་ལམ་ཀུན་སྤྱོད་ཁྱེར་སྟངས་ངོ་སྤྲོད་ཡག་པོ་བྱ་རྒྱུ་དེ་གལ་ཆེན་པོ་རེད་ལ། ཉེས་རྡུང་གཏོང་བ་ལས་སློབ་གསོ་རྒྱག་པ་དང་གསལ་བཤད་བྱེད་པ་དེས་ཕ་རོལ་བོར་གོ་རྟོགས་སད་པ་དང་། སེམས་ངོར་ངེས་ཤེས་ཤིག་རྙེད་རྒྱུ་ཡོད་པ་རེད་ཅེས་སེར་བྱེས་དགེ་སྐོས་ལགས་ཀྱིས་གསུངས་ཡོད།
བོད་སྤྱི་ཚོགས་ཀྱི་གདོད་མའི་བསམ་བློ་དང་གོམས་སྲོལ་ཞིག་ལས་ཕ་མས་རང་གི་ཕྲུ་གུར་ཚབས་ཆེའི་ཉེས་རྡུང་གཏོང་བ་དང་། དགེ་རྒན་གྱིས་སློབ་ཕྲུག་ཚོར་ཉེས་རྡུང་གཏོང་བ། དགེ་སྐོས་དང་ཆབ་རིལ་སོགས་ཀྱིས་གྲྭ་པ་ཚོར་ཉེས་རྡུང་གཏོང་བ་སོགས་ལ་བཟང་ཕྱོགས་ལས་ངན་ཕྱོགས་སུ་ལྟ་མཁན་ཉུང་ལ། ལྷག་པར་དགོན་སྡེ་ཁག་ཏུ་དགེ་སྐོས་དང་ཆབ་རིལ། དེ་མིན་ལས་ཀྱི་སྣེ་མོ་བ་དག་གིས་གྲྭ་པ་ཚོར་ཉེས་རྡུང་གཏོང་སྐབས། རྟ་ལྕག་གཞུ་བ་དང་ཚབས་ཆེའི་ཉེས་རྡུང་བཏང་སྟེ་ལུས་ཧྲིལ་བོར་རྨས་ཁེངས་པར་བྱེད་པའི་སྲོལ་ངན་ཞིག་རྒྱུན་འབྱམས་སུ་སོང་ཡོད་ནའང་། ཉིན་འགའི་སྔོན་སེར་བྱེས་གྲྭ་ཚང་གི་དགེ་སྐོས་བཀྲ་ཤིས་ཚེ་ཐར་ལགས་ཀྱིས་གྲྭ་མང་ཚོགས་སར་དགེ་འདུན་པར་ཉེས་རྡུང་གཏོང་བའི་ལུགས་སྲོལ་འདི་ཡག་པོ་མི་འདུག་སྟབས། རྗེས་ཕྱོགས་ལས་སྣེ་ཚོས་སྒྲིག་འགལ་བྱུང་བའི་གྲྭ་པ་ཚོར་ཉེས་རྡུང་མི་གཏོང་བར། ཕྱག་འཚལ་འཇུག་པ་ལྟ་བུའི་ཉེས་ཆད་གཅོད་འོས་སྐོར་ལུང་དང་རིག་པའི་སྒྲུབ་བྱེད་དང་བཅས་གསུངས་ཡོད་ལ། རེ་སྐུལ་དེར་དགེ་འདུན་པ་མང་པོ་ཞིག་གིས་རྒྱབ་སྐྱོར་གྱི་རྣམ་པ་བསྟན་སོང་ལ། དེ་ནི་དགེ་སྐོས་བཀྲ་ཤིས་ཚེ་ཐར་ལགས་ཀྱི་རེ་འདུན་ཙམ་དུ་མ་ཟད། མཁྱེན་རྒྱ་ཡངས་པའི་བླ་མ་དགེ་བཤེས་དག་གི་ཐུགས་རེ་ཞིག་ཀྱང་ཡིན་ལ། འདུལ་བ་དང་བཅའ་ཁྲིམས་རང་གི་དགོངས་དོན་དང་མཐུན་པའི་འགྱུར་བ་ཞིག་ཀྱང་ཡིན།
གནད་དོན་འདིའི་ཐད་འདི་གའི་གསར་འགོད་པས་སེར་བྱེས་དགེ་སྐོས་བཀྲ་ཤིས་ཚེ་ཐར་ལགས་སུ་བཀའ་འདྲི་ཞུས་པར་ཁོང་གིས་གསུངས་དོན། སྤྱིར་བཏང་ཆོས་འདུལ་བའི་ཁྲིམས་ནང་དུ་དགེ་འདུན་པར་ཉེས་རྡུང་གཏོང་ཆོག་གི་མ་རེད་ལ། དུས་རྒྱུན་ངས་བསམ་བློའི་ནང་དགེ་འདུན་པར་ཉེས་རྡུང་གཏོང་བ་དེ་ཡག་པོར་མཐོང་གི་མེད་པ་མ་ཟད། ང་རང་དགེ་སྐོས་སུ་བསྡད་པ་ནས་བཟུང་ངས་སེམས་ནང་དགེ་འདུན་པར་ཉེས་རྡུང་མི་གཏོང་བའི་དམ་བཅའ་བཞག་ཡོད། སྔོན་ཆད་ང་བླ་མ་བརྒྱུད་པའི་དགེ་སྐོས་བྱས་སྐབས་ཀྱང་། དགེ་འདུན་པར་ཉེས་རྡུང་གཏན་ནས་བཏང་མེད། དེ་བཞིན་ངས་རང་གི་ལས་རོགས་ཆབ་རིལ་གཉིས་ལའང་དང་ཐོག་ནས་དགེ་འདུན་པར་ཉེས་རྡུང་གཏོང་མི་དགོས་པར། གལ་སྲིད་སྒྲིག་འགལ་ལྟ་བུ་བྱུང་ཚེ་དེ་མིན་གྱི་ཉེས་ཆད་ག་རེ་གཅོད་དགོས་བྱུང་ཡང་གཅོད་ཆོག་གི་རེད། ཅེས་ཐེངས་མང་བརྗོད་མྱོང་། ཞེས་ནན་ཏན་གྱིས་གསུངས་བྱུང་།
ཁོང་གིས་མུ་མཐུད་དུ་གསུངས་དོན། འདིའི་སྐོར་ལ་རྗེ་རིན་པོ་ཆེའི་བཅའ་ཁྲིམས་གཉིས་ཙམ་འདུག་ལ། དེའི་ནང་སྒྲིག་འགལ་གང་འདྲ་ཞིག་བྱུང་ནའང་ཕྱག་འཚལ་འཇུག་པའམ། ཡང་ན་ལྟུང་བཤགས་དང་འབྲེལ་ནས་ཕྱག་འཚལ་དུ་འཇུག་པ། ཕྱག་བདུན་དང་ཉེར་གཅིག བརྒྱ་འཚལ་བ་ལྟ་བུའི་ཉེས་ཆད་ལས་ཡོད་པ་མ་རེད། གཞན་ཡང་སྒྲིག་འགལ་གྱི་ཉེས་པ་ཚབས་ཆེན་པོ་ཡིན་ན་ཁ་ཐུག་ཏུ་ཕྱིར་འཕུད་གཏོང་བ་དང་། དེ་མིན་སྒྲིག་གཞི་གཞན་ལག་བསྟར་བྱེད་པ་ལས་ཉེས་རྡུང་གཏོང་དགོས་པ་མ་རེད། དེང་སྐབས་ངའི་ཚོར་སྣང་ལྟར་བྱས་ན། དགེ་འདུན་པར་ཉེས་རྡུང་བཏང་ན་ཕྱིའི་མཐོང་སྣང་ལ་ཡག་པོ་མི་འདུག་ལ། ལྷག་པར་ཕྱི་རྒྱལ་བ་ཚོས་པར་བརྒྱབས་པ་ལྟ་བུ་བྱུང་ན། གཏན་ནས་ཡག་པོ་ཞིག་ཏུ་མི་མཐོང་བ་མ་ཟད། དགོན་པ་གྲྭ་ཚང་ལ་མཚན་ཤས་ཡོང་ཉེན་ཆེ་བས་བསམ་བློ་གཏོང་དགོས་པ་ཆགས་འདུག གལ་ཆེ་ཤོས་ནོར་འཁྲུལ་བཟོ་མཁན་ལ་གསལ་བཤད་དང་སྒྲིག་ལམ་ཀུན་སྤྱོད་ཁྱེར་སྟངས་ངོ་སྤྲོད་ཡག་པོ་བྱ་རྒྱུ་དེ་རེད་ལ། ཉེས་རྡུང་གཏོང་བ་ལས་སློབ་གསོ་བརྒྱག་པ་དང་གསལ་བཤད་བྱེད་པ་དེས་ཕ་རོལ་བོར་ཡང་གོ་རྟོགས་སད་པ་དང་། སེམས་ངོར་ངེས་ཤེས་ཤིག་རྙེད་རྒྱུ་ཡོད་པ་རེད། སྔོན་མ་བོད་ནང་ལྟ་བུར་མཚོན་ནའང་ཉེས་རྡུང་གཏོང་བའི་ལུགས་སྲོལ་ཡོད་མོད། དེ་ནི་ལུགས་སྲོལ་ངན་པ་ཞིག་ལས་བཟང་བོ་གང་ཡང་མ་རེད་ཅེས་ངས་གྲྭ་མང་ལ་ཞུ་རྒྱུ་བྱུང་། ཞེས་གསུངས་སོང་།
ཡང་ཁོང་ལ་ཐེངས་འདིར་ཉིད་ཀྱིས་ཐོག་དང་བོར་དགེ་འདུན་པར་རྟ་ལྕག་གིས་ཉེས་རྡུང་གཏོང་བའི་སྒྲིག་ལམ་མེད་པར་བཟོས་པ་དེས་དགའ་ལྡན་དང་འབྲས་སྤུངས་ལྟ་བུའི་གྲྭ་ས་ཆེ་ཁག་གཙོས་པའི་དགོན་སྡེ་གཞན་དག་ལ་ཤུགས་རྐྱེན་ཐེབས་ཐུབ་པར་རེ་བ་རྒྱག་གིན་ཡོད་མེད་སྐོར་དྲིས་པར་ཁོང་གིས་གསུངས་དོན། ངས་ཏན་ཏན་བཟང་ཕྱོགས་ཀྱི་འགྱུར་བ་ཞིག་ཡོང་གི་རེད་བསམ་གྱིན་ཡོད། ལོ་འདིར་ངས་སེར་སྨད་ཀྱི་དགེ་སྐོས་ལགས་སུའང་དགེ་འདུན་པར་ཉེས་རྡུང་གཏོང་མ་དགོས་པ་བྱུང་ན་ཡག་ཤོས་རེད་ཅེས་ཞུ་རྒྱུ་བྱུང་ལ། ང་རང་ཉིད་ཀྱིས་སྒྲིག་འགལ་བྱུང་རིགས་ལ་ཕྱག་འཚལ་འཇུག་གི་ཡོད་ལ། ཕྱག་འཚལ་བ་དེ་ཡང་སྐར་ཆ་ཁ་ཤས་ཙམ་མིན་པར་ཆུ་ཚོད་ཕྱེད་ཀ་དང་། ཚབས་ཆེའི་སྒྲིག་འགལ་བྱུང་རིགས་ལ་ཉིན་བདུན་རིང་ཕྱག་འཚལ་འཇུག་པ་ལྟ་བུ་བྱེད་ཀྱིན་ཡོད་ཅེས་ཞུས་མྱོང་། འདི་ལྟར་འགྲེལ་བཤད་ཡག་པོ་བརྒྱབས་ན། ཕྲུ་གུ་ཆུང་ཆུང་ཡིན་ནའང་ཡག་པོ་ཉན་གི་རེད་བསམ་གི་འདུག་ལ། དེང་སྐབས་མིའི་ཤེས་ཡོན་གནས་ཚུལ་ཡར་རྒྱས་འགྲོ་བཞིན་ཡོད་པས་མ་འོངས་པར་རིམ་གྱིས་དགོན་སྡེ་ཁག་ཚང་མར་བཟང་ཕྱོགས་ཀྱི་འགྱུར་བ་ཞིག་འགྲོ་བར་ཡིད་ཆེས་བྱེད་ཀྱིན་ཡོད། ཅེས་གསུངས་བྱུང་།
གང་ལྟར་ཡང་། གྲྭ་པ་ཚོས་ནོར་འཁྲུལ་བཟོས་སྐབས་དགེ་སྐོས་སོགས་ཀྱིས་ཚབས་ཆེའི་ཉེས་རྡུང་གཏོང་བའི་སྲོལ་འདི་ཡག་པོ་མེད་སྐོར་གླེང་མཁན་སྔོན་མ་ལས་དེང་སྐབས་མང་དུ་ཕྱིན་ཡོད་ནའང་། མངོན་གསལ་དོད་པོས་ཁ་གཏད་དུ་ལངས་ཐུབ་མཁན་རེ་ཟུང་ལས་མེད་མོད། འདི་ལོའི་ཕྱི་ཟླ་ ༦ ཚེས་ ༧ ཉིན་ན་གཞོན་རྩོམ་པ་བོ་གྲྭ་བོན་རྒྱ་བསྟན་འཛིན་རབ་རྒྱས་ལགས་ཀྱིས་ ༼ སྐྱབས་ཡུལ་དགེ་འདུན་པར་རྟ་ལྕག་གིས་ཉེས་ཆད་གཅོད་བཞིན་པའི་ཐད་བཏོན་པའི་ཐོག་མའི་བསམ་འཆར། ༽ཞེས་པའི་སྙན་ཞུ། ནང་གསེས་དོན་ཚན་ ༧ ཅན་ཞིག་སྐུ་སྒེར་ཡིག་ཚང་དང་ཆོས་རིག་ལས་ཁུངས། གདན་ས་གསུམ་གྱི་གྲྭ་ཚང་དྲུག རྒྱུད་གྲྭ་སྟོད་སྨད་གཉིས་ཀྱི་མཁན་རིན་པོ་ཆེ་བཅས་ལ་ཕུལ་ཡོད། སྙན་ཞུ་དེའི་ནང་འདུལ་བ་དང་ལམ་རིམ་བློ་སྦྱོང་ན་མེད་ལ། གྲྭ་ཚང་རང་རང་གི་བཅའ་ཡིག་ཏུའང་མི་གསལ་བར་འཚེ་བ་མེད་པའི་ཀུན་སྤྱོད་དང་གཏན་འགལ་དུ་གྱུར་བའི་སྒྲིག་ལམ་སྣ་ཚོགས་ཤིག་གིས། དགེ་འདུན་པ་དག་ལ་རྟ་ལྕག་གིས་གཞུ་བ་ལྟ་བུའི་ཉེས་ཆད་གཅོད་པ་དེ་དུས་རབས་ཀྱི་འགྲོས་དང་བསྟུན་ཏེ། མགྱོགས་མྱུར་ངང་བསྒྱུར་བཅོས་གཏོང་དགོས་སྐོར་བཀོད་ཡོད་སྟབས། དགེ་སྐོས་བཀྲ་ཤིས་ཚེ་ཐར་ལགས་སུ་གོང་གི་སྙན་ཞུ་དེའི་སྐོར་ལ་གཟིགས་སྟངས་གང་འདྲ་ཡོད་མེད་བཀའ་འདྲི་ཞུས་པའི་ལན་དུ་ཁོང་གིས་གསུངས་དོན། དེ་ནི་ཧ་ཅང་གི་ཡག་པོ་ཞིག་རེད་དྲན་སོང་། དེ་ནི་སངས་རྒྱས་བསྟན་པ་སྤྱི་དང་ལྷག་པར་བོད་ཀྱི་དགོན་སྡེ་ཁག་ལ་དམིགས་ཏེ། ཀུན་སློང་ཡག་པོ་ཞིག་བཟུང་སྟེ་བྲིས་པ་རེད་དྲན་ཡོད་ལ། དེའི་སྐོར་མི་རིང་བར་སེར་བྱེས་གྲོས་ཚོགས་ནང་དུའང་བགྲོ་གླེང་ཡོང་བར་རེ་བ་བྱེད་ཀྱིན་ཡོད། གལ་སྲིད་བགྲོ་གླེང་བྱ་ཐུབ་པ་བྱུང་ན་མ་འོངས་པར་ཏན་ཏན་བཟང་ཕྱོགས་ཀྱི་འགྱུར་ལྡོག་ཅིག་འབྱུང་གི་རེད། ཅེས་རེ་འདུན་ཤུགས་དྲག་གི་ཉམས་སྣང་ཞིག་མངོན་བཞིན་གསུངས་སོང་།
གོང་གསལ་གྱི་གནས་ཚུལ་དེའི་ཡོང་རྐྱེན་ལྟ་བུར་ཟླ་འདིའི་ཚེས་ ༡༤ ཉིན་སེར་བྱེས་དཀོར་གཉེར་ཞིག་གིས་ཕ་ཡུལ་འབྲུག་ནས་ཡིན་པའི་གྲྭ་པ་ཞིག་ལ་ཉེས་རྡུང་ཤུགས་ཆེན་བཏང་བ་ལས་བྱུང་ཞིང་། འབྲུག་པའི་གྲྭ་པ་དེས་ནོར་འཁྲུལ་དམིགས་བསལ་བཟོས་མེད་ཀྱང་། དཀོར་གཉེར་ཀྱིས་ཁོང་ལ་ཉེས་རྡུང་བཏང་བ་ཅུང་ཚབས་ཆེན་ཆགས་ཡོད་སྟབས། འབྲུག་པའི་གྲྭ་བ་དེས་དགེ་སྐོས་ལ་སྙན་སེང་ཞུས་ཏེ། རྙོག་གླེང་དང་གསལ་བཤད་བསྐྱར་བཤད་ཡང་ཡང་ཞུ་དགོས་པ་ཞིག་ཏུ་གྱུར་ཞིང་། གནད་དོན་དེ་རྒྱུ་བྱས་ཏེ་དགེ་འདུན་པ་ཚོའི་ཁྲོད། སྲོལ་རྒྱུན་གྱི་འགྲོ་སྟངས་འཇིགས་སུ་རུང་བ་དེ་ལ་ལེགས་བཅོས་དང་། བསྐྱར་ཞིབ་ཀྱི་དགོས་འདུན་འདོན་མཁན་མང་དུ་འགྲོ་བཞིན་ཡོད་སྟབས་ཞིབ་འཇུག་གི་ཚུལ་གྱིས་བྲིས།
![Hungary's Laszlo Krasznahorkai poses for photographers in London [File: Matt Dunham/AP]](https://tibettimes.net/wp-content/uploads/2025/10/Screenshot-2025-10-10-at-2.23.17-PM-360x180.png)
ཐོག་ལྕེ་ཟེར་བ་གང་ལ་བ་དེར། ངས་ཁྱེད་ཚོ་ཁྱི་བཞིན་རྒྱུག་མཁན་རེད་ཟེར་དུས་ཁྱི་ཡིན་མ་དགོས་ན་གྲྭ་སའི་གྲྭ་བ་ཚོས་ཁྱེད་ཚོ་ལྟ་བུཁྱིམ་ཚང་ཞིག་གི་འགན་ཀྱང་ཁུར་མྱོང་མེད་ཀྱང་འགན་ཁུར་གླེང་པར་དགའ་བའི་མི་རེ་ཟུང་ལ་ལྟ་སྟངས་མ་ལེགས་ན་རྗེས་ལུས་དང་ཟོག་ཡིན་དགོས་པ་གང་ཡིན་ནམ།
ངས་ནི་རྟག་ཏུ་ཤཱ་ཀྱ་ཐུབ་པ་བཞིན་སྐད་ཆ་དྭངས་མོ་ཞིག་ཁུར་ནས་ཡོང་མོད་ཁྱེད་ཚོ་ནམ་ཡང་ སོར་མོ་ཕྲེང་བ་ཅན་བཞིན་ལྟ་ངན་གྱི་སོར་མོི་དགུ་སྟོང་དགུ་བཅུ་རྩ་དགུ་ལུས་སུ་བསྣབས་ཏེ་ཕེབས་པས་ཐབས་ཤེས་མི་འདུག
འཇམ་དབྱངས་གྲགས་པ་རྫུན་མ་ཁྱེད་ཀྱིས་ནང་དོན་མེད་པའི་ཉོག་བཤད་ལ་སུ་ཞིག་གིས་ཉན། ང་རང་ལྟ་མཆོག་འཛིན་ཅན་ཡིན་པ་དམུས་ལོང་ཁྱོད་ཀྱིས་མཐོང་བ་ལས་མཐོང་མཁན་མེད་པ་རེད་དམ། ངས་བྲག་གཡབ་འཇམ་གྲགས་དང་ཤ་ཀླན་འཇམ་གྲགས་སོགས་ཚང་མ་ཤེས་ཀྱི་ཡོད་དེ་དག་ནི་ཁྱོད་ལྟར་མི་ལ་དྲག་དོག་མེ་ལྟར་ཚ་བ་དེ་འདྲ་མ་རེད། ཚགས་པར་ཁང་ཞིག་གི་མི་ཞིག་རེད་ཟེར་ན་ལྟ་སྟངས་ཅུང་མི་ལེགས་པ་ཆགས་བསྡད་འདུག་ཅེས་སྐྱག་རྫུན་བཤད་པ་ལ་ཐོག་པ་མེད་པར་ལྟོས་དང་། རང་གི་གྲོད་ཁོག་སྐམ་པོ་དེའི་ནང་ན་ཅི་ཞིག་ཡོད་པ་བསྟན་ཚར་བ་རེད། ཤེས་ཡོན་པ་ཚོས་དུས་དེབ་དང་ཚགས་ཤོག་སོགས་སུ་རྩོམ་ཡིག་སྤེལ་བ་དང་། རྩོམ་སྒྲིག་པ་ཚོས་དུས་དེབ་དང་ཚགས་ཤོག་བཏོན་དུས་དམུས་ལོང་ཁྱོད་ཀྱིས་མི་རིགས་ལ་ཞབས་ཞུ་བྱེད་པ་ཕར་ཞོག གཞིས་གྲོང་དང་པོ་ཙམ་ལ་ཡང་སྐད་འབོད་ཐེངས་གཅིག་ལ་ཡང་འགྲོ་མ་མྱོང་བ་མ་ཟད། བོད་ཀྱི་རིགས་གཞུང་དང་ཆབ་སྲིད་ཀྱི་སྲོག་རྩ་འཛིན་མཁན་དུས་དེབ་དང་ཚགས་པར་རྩོམ་སྒྲིག་ཚོ་མིག་ནང་དུ་མ་རན་པ་ཁྱོད་ནི་ཤེས་ཡོན་པའི་སྡེ་དེ་ཚོ་ལ་མ་དགའ་བར་ཕྲག་དོག་གིས་ནམ་ནམ་ཞར་ཞར་ལ་སེམས་པ་མ་སྐྱིད་པར་སྨྱོན་པ་ཆགས་སོང་ན་འང་དེ་ཚོ་ལ་ངན་ཁག་དཀྲི་ས་མེད་ལ་རང་སྡུག་རང་གིས་ཉོས་ནི་རེད། དོན་མེད་ཕུང་དཀྲུག་པ་ཁྱོད་ངོ་མ་སྙིང་རེ་རྗེ། ཤ་སྐམ་ནས་རུས་མགོ་སྐྱི་མོས་བཏུམ་པ་དེ་ཡང་དོན་མེད་ཕྲག་དོག་གིས་རང་སེམས་ནག་པོ་དེ་ལ་རྒྱུན་དུ་གནོད་པས་ཡིན་པ་འདྲ།
ཁ་སང་འཇམ་གྲགས་ཟེར་མཁན་ཞིག་སྨྱོ་སྡང་གཟའ་སྡང་གིས་དུས་བབ་ཟིན་བྲིས་སུ་འོང་ནས་ཁོས་སུ་ཞིག་གིས་《དགེ་འདུན་དབྱེ་འབྱེད་ཀྱི་ལས་རྩོམ་བཞིན་ཡོད་》《ད་ནི་དགེ་འདུན་པ་ཚོའི་སྣང་ངོར་ཚགས་པར་ཁང་ཞིག་ནས་རེད་ཟེར་དུས་ཅུང་ལྟ་སྟངས་མི་ལེགས་པ་ཞིག་འཛིན་གྱིན་འདུག》ཅེས་ཚིག་ཐག་ཆོད་པོའི་བཤད་པ་ནི། བསམ་བློ་མ་བཏང་བ། འགན་ཁུར་མེད་པ། སྒྲོ་འདོགས་པ། ཕྱོགས་སུ་ལྷོང་བ་དག་ལས་གཞན་ཅི་ཡང་མ་རེད། ད་དུང་ཁོའི་སྐད་ཆ་དེས་གྲྭ་སའི་གྲྭ་བཙུན་རྣམས་ལ་ཚགས་པར་ནི་དམངས་གཙོའི་ཀ་བ་དང། དུས་རབས་ཀྱི་ཚབ་མཚོན་དུ་ལྟ་བའི་རྒྱུན་ཤེས་ཙམ་ཡང་མེད་པའི་བླུན་པོ་ཟོག་ལྟ་བུ་ཞིག་ཡིན་པར་སྐུལ་འདེབས་བྱས་འདུག ཁོ་འདྲ་བའི་དྲན་གཤིས་རང་ལུགས་པ་རེ་ཟུང་གིས་ཚགས་པར་ཁང་ནས་རེད་ཟེར་བར་ལྟ་སྟངས་མི་ཡག་པའི་རྒྱུ་མཚན་གྱིས་གྲྭ་སའི་དགེ་འདུན་པ་དག་གིས་ལྟ་སྟངས་མི་ཡག་ཅེས་རང་གི་སྡུག་རོགས་བཙལ་བ་ནི་ཅི་འདྲའི་གནས་ལུགས་དང་མི་མཐུན་པ་ཞིག་རེད་ཨང་། ད་ནི་འཛུབ་མོ་གར་བསྟན་ཤར་ཡིན་དགོས་པའི་འཇིགས་རུང་གི་ལུགས་སྲོལ་དེ་རིགས། དངོས་ཡོད་སྤྱི་ཚོགས་ཁྲོད་ནས་རྒྱང་ཕུད་དུ་བཏང་ཟིན་པ་ཤེས་པར་གྱིས་ཤིག ད་དུང་《ཁོང་ཚོ་ཁྱི་བཞིན་རྒྱུགས་མཁན་རེད》ཅེས་ཁྱོད་ཀྱིས་རེད་ལབ་པ་ཙམ་གྱིས་ཡིན་འགྲོ་བ་དང་ ཁྱོད་ཀྱི་མ་རེད་ལབ་པ་ཙམ་གྱིས་ཀྱང་མིན་འགྲོ་བ་ནི་གང་ཡང་མེད་པས་གནས་ལུགས་ལ་རྟག་ཏུ་གཟབ་པར་འཚལ། རྗེས་མ་གླེང་མོལ་བྱེད་པར་སྤྲོ་ན་སྐད་ཆ་དྭངས་མོ་རེ་སྣོམས་ནས་ཕེབས་རོགས།།
རང་ལྟ་མཆོག་འཛིན་གྱིས་དུས་འདའ་བའི་མཛོད་བུ་ལགས།སེ་ར་དགོན་དུ་ངས་ཤེས་པའི་འཇམ་དབྱངས་གྲགས་པ་ང་བརྩིས་པའི་གཉིས་ཡོད།གཅིག་ནི་ད་ལོ་ལྷ་རམས་རྒྱུགས་སྤྲོད་དུ་ཐེངས་དང་པོ་འགྲོ་མཁན་གྱི་འཛིན་གྲྭ་དེའམ་དེའི་གོང་འོག་གང་རུང་ཞིག་གི་སྐྱོར་དཔོན་རེད།ཁོང་རྒན་རྡོ་རྗེ་རིན་ཆེན་ཤག་ཚང་ནས་ཡིན་ལ་ཕ་ཡུལ་བྲག་ཡབ་དང་ཁང་ཚན་ཏྲེ་ཧོར་རེད།རྒྱུན་པར་བྱེས་སློབ་གྲྭ་དང་ཡིད་དགའ་ཆོས་གླིང་གཉིས་ཀྱི་བར་དུ་བཞུགས་ཀྱི་ཡོད།ཁོང་གི་གྲུབ་འབྲས་ནི་ཁྱེད་ཀྱིས་ཨང་རིམ་གསུམ་པ་དང་རྒྱུགས་མ་འཕྲོད་པའི་ཁོང་དུ་བཙལ་ན་རྙེད་མི་སྲིད།ཁྱེད་ཀྱིས་ཐེ་ཚོམ་མེད་པར་འཛིན་གྲྭ་ཡོངས་ཀྱི་མིང་ཡིག་དང་པོ་དེར་མཛུབ་མོ་ཀེར་ནས་འདི་ནི་འཇམ་དབྱངས་གྲགས་པའོ་ཞེས་གླེང་ན་ཁྱེད་འཆུག་མི་སྲིད་དེ་འཇམ་དབྱངས་གྲགས་པ་དེ་ལས་མར་བབས་མ་མྱོང་ལ་འབབ་མི་སྲིད་པས་སོ༎གཞན་དེ་ཁོ་བོ་ཡིན་ལ་སེར་བྱེས་འབྲིང་རིམ་སློབ་གྲྭ་དང་བོད་གཞུང་ཤེས་རིག་ལས་ཁུངས་ནས་ཤོག་བྱང་དང་ཤོག་དངུལ།སྣག་ཤོག་སོགས་ཐེ་བའི་བྱ་དགའ་ཅི་འདྲ་བླངས་མྱོང་མིན་ངས་བཤད་པའི་འོས་སུ་མ་མཆིས་པས་འབྲེལ་ཡོད་མི་སྣར་འདྲི་བར་འཚལ།རེད་ཡ་ཁྱེད་ཀྱིས་གླེང་བཞིན་པའི་འཇམ་དབྱངས་གྲགས་པ་དེ་རྒྱུགས་འཕྲོད་མེད་པ་ཞིག་ཡིན་ཀྱང་སྲིད་ལ་ཁྱེད་ཀྱིས་རང་བློས་བཏགས་པ་ཞིག་ཡིན་ཀྱང་ཆོག།མིན་པ་ནི་དེ་བྲག་ཡབ་འཇམ་དབྱངས་གྲགས་པ་མིན་པ་དེ་རེད་ལ་ཤ་ཀླན་འཇམ་དབྱངས་གྲགས་པའང་མིན་པ་དེ་རེད། ཨོ་ཡིག་ཚོགས་མང་སོང་བས་དགོངས་དག
ཨ་བུ་གངས་མིང་འཛིན་པ་ལགས།བསྟོད་བསྔགས་དང་སྤྲེལ་ལད་མེད་པར་དྲང་པོར་ཞུ་ན་ཁྱེད་ཀྱི་མཆན་དེ་ཡིག་ནོར་མང་དྲག་པས་ངས་ཡོད་ཚད་གོ་མི་ཐུབ་མོད།ཡིན་ཡང་ཟུར་ནས་བལྟས་ན་ལེབ་མཐོང་བའི་དཔེ་བཞིན་ཁྱེད་གོང་གི་མཆན་འདེབས་པ་ཡོངས་ཀྱི་ནང་ནས་བློ་རྒྱ་ཅུང་ཆེ་ཤོས་དེ་རེད་འདུག།ཁྱེད་ཀྱིས་ལྟ་བ་མི་མཐུན་པ་ཡོད་ཚད་ལ་རྗེས་ལུས་དང་ཀླད་རྙིང་།མཁྲེགས་འཛིན་པ་བཅས་ཀྱི་གོ་མིང་སྤྲོད་མི་འདུག།འབད་བརྩོན་བྱོས་དང་རེ་བ་འདུག
ཡར་བསྐྱེད་མེད་པའི་ཨ་མྱེ་ལགས། ཁྱེད་ངོ་མ་སྙིང་རྗེ་བ་ཞིག་རེད།ང་ལ་ཐད་ཀར་ལན་འདེབས་མི་ནུས་པར་གཡས་འཛུལ་གཡོན་འཛུལ་གྱིས་ཅི་ཞིག་བཤད་བསམ་པ་ཡིན།མིང་དབྱིན་ཡིག་གིོས་འབྲི་ཆོག་པའི་གནང་བ་དྲ་བ་དོ་དམ་པས་སྤྲོད་སོང་བས་ཁྱེད་ལ་བསམ་འཆར་ཡོད་རུང་བཤད་ས་ང་མ་རེད།ངས་དབྱིན་ཡིག་ཡག་པོ་མི་ཤེས་པ་བདེན་ལ་ཁྱེད་ཀྱིས་བོད་ཡིག་ཡག་པོ་མི་ཤེས་པའང་བདེན་པས་ངེད་གཉིས་ཀས་ངེས་ལེན་བྱས་ན་ཅི་འདྲའི་ཡག་ཨང༌།
འཇམ་དབྱངས་གྲགས་པ་ཟེར་བའི་དྲ་འབུ་དེ་ལོ་རེའི་གྲྭ་ཚང་གི་རྒྱུགས་སྤྲོད་ལ་རྒྱུགས་འཕྲོད་མེ་ད་པ་ངས་ཤེས་ཡོད། དེ་ཙམ་མ་ཟད་ཁོ་ད་དུང་དཔྱོད་ཤེས་ཟེར་བ་གང་ཡིན་མི་གོ་བའི་གཡག་ཅིག་རེད། ཁོ་ལྟ་བུ་ལ་གཡག་རྒྱག་དང་རྟ་ལྕག་དགོས་ནི་རེད། ཁོས་བཤད་པ་རང་དཔེ་གཞན་སྟོན་རེད། ཧོ་ཧོ་ཧོ་ཧོ་ཧོ་
བཇནཅཌབཇཧག
རྒྱ་ཆེའི་དྲ་གྲོགས་རྣམ་པ།
ལྷག་བསམ་གྱི་ཕྱུག་ཞིང་དྲང་བདེན་ལ་དགའ་བའི་དྲ་གྲོགས་འདི་དག་མཐོང་ཚེ་སེམས་ལ་བཅོས་མིན་གྱི་སྤྲོ་སྣང་ཞིག་དང་ལྷན་དུ་་རེ་བ་ཞིག་གིས་འཁྱུད་འོང་གི་
ངེད་བོད་པ་ཚང་་གཞོན་སྐྱེས་འདི་འདྲ་དག་གིས་བདག་སྐྱོང་བྱེད་པའི་ཉི་མ་ཞིག་འཆར་ཚེ་ངེད་ཚང་གི་ཁྱིམ་གཞི་འདི་ཡང་སྔར་ལས་མཛེས་སྡུག་ལྡན་པ་དང་འོད་སྟོང་འཕྲོ་བའི་ཁྱིམ་གཞི་ཞིག་ཏུ་འགྱུར་ངེས་རེད།
དེང་སྐབས་གཞོན་སྐྱེས་ཚོས་བསམ་ཚུལ་ཡག་པོ་གླེང་འདུག་་་་་་དཔྱད་ཞིབ་ནན་མོ་གནང་འདུག་་་ཡིན་ན་ཡང་ང་ཚོས་དྲ་ཐོག་ནས་གླེང་སློང་དང་འོ་དོད་སྒྲོགས་པ་ཙམ་གྱི་ཕན་གི་མ་རེད་བསམ་གི་་་་་་དོན་དམ་པའི་སེམས་ཁུར་དང་སྙིང་སྟོབས་ཡོད་ན་མཛད་གཙོ་རྣམ་པ་དང་ལས་གནས་རྣམས་ལ་སྙན་ཞུ་རྒྱག་དགོས་པ་རེད།་་་་དེ་ནས་གྲུབ་འབྲས་ཐོན་གི་རེད།
མི་ཁ་ཤས་ལ་གོ་བ་མེད་པ་འདྲ།
ཡིག་ནོར་འགའ་རེ་ཤོར་སོང་དགོངས་དག་ཞུ། ཡར་བཅུག་རྗེས་བཟོ་བཅོས་བྱེད་སྟངས་ཤེས་མ་སོང་།
བོད་ཡིག་དྲ་ཚིག་ནང་དབྱིན་གྱིས་མིང་འབྲི་མཁན་འཇམ་ལགས་ཁྱེད་དང་ངེད་གཉིས་ལ་བསམ་ཚིལ་མཐུན་སྣང་གཅིག་ཡོད་ན་ཐག་དེང་སང་རེ་ཟུང་གི་རང་ཉིད་ཀྱི་ལྟ་ཚུལ་དང་མི་མཐུན་ན་དེ་ལ་དོན་རྒྱལ་དང་རྒྱ་མའི་ཉུལ་མ་སོགས་སྐྱོན་འཛུགས་སྣ་ཚོགས་བྱེད་ངེས་རེད།དཔེར་ན་གཉིས་སྟོང་བདུན་ལོར་འཇང་དགུན་ཆོས་སྐབས་དོན་རྒྱལ་སྐོར་ལ་ལས་འགུལ་སྤེལ་སྐབས་འོ་མའི་རྒྱ་མཚོའི་ནང་ལ་ཁྲག་གི་ཐིགས་པ་རྒྱབ་སོང་ཟེར་བ་དང་ཆོ་ཁ་དཔྱེ་འབྱེད་སོགས་བྱེད་སོང་ཟེར་ད་དུང་དགེ་སྐུལ་བློ་བཟང་ཆོས་དར་རྒྱ་མའི་ཉུལ་མ་རེད་ཁོ་བ་སྐྱིད་སྡུག་གིགདོང་དགོས་སོགས་མང་བོ་བཤད་ནི་རེད།ངེད་གཉིས་མི་མཐུན་ས་ནི་ཁྱེད་ཀྱི་ཨུ་ཚུགས་ཀྱིས་སྐེ་བསིངས་ནས་དམང་གྱི་བདེ་སྡུག་ལ་བསམ་བློ་གཏོང་མཁན་དང་ཤེས་ཡོན་དངབསམ་བློའི་གོ་རྟོག་ཡོད་མཁན་འདི་དག་ལ་གཞི་མེད་སྐྱོན་འཛུགས་བྱེད་པ་འདི་སུ་ཞིག་གིས་སཀུལ་མ་བྱེས་བ་ཡིན།
དོན་འདི་ལ་ཕྱོགས་གཉིས་ནས་བལྟས་པ་ཡིན།
ཕྱོགས་དང་པོ་ནི།
ལེགས་པའི་ཕྱོགས་ནས་བལྟས་ན། བོད་ཀྱི་གྲྭ་བཙུན་ཚོ་ནི་྾྾྾྾྾྾ཚོ་དང་མི་འདྲ་བར་ནང་ཆོས་ཀྱི་ནང་བཅུད་རུས་པའི་གཏིང་ལ་ཐིམས་ཡོད་པ་མཐོང་གི་འདུག གང་ཡིན་ཟེར་ན། གནའ་སྔ་མོ་ཞིག་ནས་སྒྲིག་འགལ་ཕྲན་ཙམ་བྱུང་བ་ལའང་རྟ་ལྕག་གིས་བྲབ་རྐྱང་བྱེད་ཀྱིན་ཡོད་མོད་ཁ་ལན་ལག་ལན་བསློག་པ་ནི་ཧ་ཅང་དཀོན་པོ་རེད་ལ། བརྒྱ་ལ་ཁ་ལན་ལག་ལན་བྱེད་མཁན་རེ་རེ་ཙམ་བྱུང་ནའང་དེ་མ་ཐག་གནས་དབྱུང་གཏོང་རྐྱང་བྱེད་ཀྱིན་ཡོད། གནས་དབྱུང་བཏང་ནའང་འཁོན་ལན་སློག་པ་ནི་མི་སྲིད་པ་ཞིག་རེད། མ་ཟད་དེང་སང་ཕ་མ་ཚོས་རང་གི་བུ་མོར་མག་པ་ཞིག་དགོས་ཚེ་གྲྭ་ལོག་ཅིག་རེག་ན་ཡག་ཤོས་རེད། ཨ་རག་འཐུང་གི་མ་རེད། རྐུན་མ་རྐུ་གི་མ་རེད། མི་ལ་ཁྲེལ་མེད་དབང་ཡོད་བྱེད་ཀྱི་མ་རེད། ལྷག་པར་རང་གི་ཆུང་མར་ཉེས་རྡུང་གཏོང་གི་མ་རེད། རང་གི་ཆུང་མར་ལས་ཀ་གང་ཡང་ལས་རོགས་བྱེད་ཀྱི་རེད་ཅེས་ཟེར་གྱི་ཡོད་པ་དེ་ཡང་གྲྭ་བ་ངོ་མ་ཚོ་སྨྲོས་ཅི་དགོས། གྲྭ་ལོག་ཚོར་ཡང་འཚེ་མེད་ཞི་བའི་དྲི་བཟང་འགོས་ཡོད་པའི་རྟགས་མཚན་རེད། དེ་ལྟར་བལྟས་ན། ནང་ཆོས་ཀྱི་ཞག་རྩི་དེ་གྲྭ་སའི་གྲྭ་བ་ཚོར་ཡོད་དགོས་ཀྱི་རེད་ལ་ཡོད་ཀྱང་ཡོད་པ་རེད། དངོས་གནས་སྐྱབས་སུ་མཆི་ས་དགེ་འདུན་གྱི་ཟེར་བ་དེ་དེ་འདྲ་ཞིག་ཡིན་དགོས་ཀྱི་རེད།
ཕྱོགས་གཉིས་པ་ནས་བལྟས་ཚེ།
དེ་ནི་གྲྭ་སའི་གྲྭ་བ་ཚོས་ནང་ཆོས་ལ་གློ་སྙིང་བྲང་གསུམ་གཏད་དྲག་པའི་རྐྱེན་གྱིས་ཞར་ལ་ངན་པ་སྐོར་ཞིག་ལང་ཤོར་དུ་གྱུར་བའི་རྟགས་མཚན་རེད། གྲྭ་ས་ནི་བྱུང་དམུ་རྒོད་འདུལ་སྦྱོང་བྱེད་ས་ཞིག་མིན་པར་ངན་པ་ལང་ཤོར་དུ་གཏོང་ས་ཞིག་ཏུའང་གྱུར་བ་རེད། དེ་ཆོས་དང་འཇིག་རྟེན་གང་ཡང་མི་སློབ་ཅིང་། མི་ཤེས་མཁན་དཀོར་ཟན་ཉི་མ་གང་འཁྱོལ་བྱེད་མཁན་གསོ་སྐྱོང་བྱེད་ས་ཞིག་རེད། ངན་པ་ལང་ཤོར་དེ་དག་གིས་གནའ་སྔ་མོ་ནས་བཟོད་པའི་ཉི་མ་སེམས་ཁོང་ལ་ཤར་བསྡད་ཡོད་པའི་གྲྭ་རྐྱང་ཚོར་རྡེག་རྡུང་དང་། བཙན་པོ་དབང་ཡོད་བྱེད་རྐྱང་བྱེད་ཀྱིན་ཡོད་པ་རེད། ད་དུང་ངན་བྱས་ངོ་སོར་ཁྱེར་ཏེ། གཅིག་རྒྱབ་གཅིག་གིས་བསྐོར་ཏེ་ངན་པ་ལག་སྦྲེལ་གྱིས་དམྱལ་པར་འགྲོ་རྐྱང་བྱེད་ཀྱིན་ཡོད་པ་རེད། ཁོ་ཚོའི་ཕྱོགས་གཏོགས་པ་དེ་ཚོས་གྲྭ་རྒན་ལྕགས་ཀྱི་ཀླད་པ་ཅན་ཞིག་གིས་ཅི་ཟེར་ལ་ཚད་མར་བྱེད་རྒྱུ་མ་གཏོགས། ལས་རྒྱུ་འབྲས་དང་། བདེན་པ་བདེན་ཐུབ། དངོས་ཡོད་གནས་ཚུལ་ལ་གཏན་ནས་དཔྱོད་ཀྱི་མ་རེད། ཁོ་ཚོར་དཔྱོད་པའི་འདུ་ཤེས་ཀྱང་མེད་ཚོད་རེད། གང་ཡིན་ཟེར་ན། མིའི་རྣམ་དཔྱོད་ནི། རང་སྟོབས་ཀྱིས་བསམ་བློ་གཏོང་བ་དང་། མི་གཞན་གྱི་བསམ་འཆར་ལས་ལེགས་ཆ་ལེན་པ་ལ་རག་ལས་པའི་ཕྱིར་དང་། ཁོ་ཚོས་ཚེ་གང་བོར་བླ་རྒན་མུན་ནག་འཐིབས་ཡོད་པ་རེའི་གམ་ནས་མུན་ནག་གི་འཚོ་བ་བསྐྱལ་བ་ལས་ཕྱི་རོལ་གྱི་འཇིག་རྟེན་ལ་རྒྱུས་མངའ་མེད་ལ། རྒྱུས་མངའ་བྱེད་ཀྱང་ཆོག་གི་མེད་པའི་ཕྱིར་རོ།།
མཐའ་སྡོམ་ནི།
བྱེད་སྟངས་དེ་ངེས་པར་བཅོས་དགོས་པ་ཞིག་རེད། བྱེད་སྟངས་དེ་རྒྱ་ཁྱབ་ཏུ་ཕྱིན་ཏེ་རང་རེར་མི་དགའ་བའི་ཕྱི་རྒྱལ་བ་ཚོའི་ལག་ཏུ་དངོས་དཔང་ཚུད་ན་དེའི་མཇུག་འབྲས་ནི་འཇིགས་སུ་རུང་བ་ཞིག་རེད། ༧གོང་ས་མཆོག་གིས་སྐུ་ཚེ་གང་བོར་སྐུ་ངལ་ཚད་མེད་བསྐྱོན་ནས་ནང་བའི་ཆོས་འདིས་འཇིག་རྟེན་ལ་ཞི་བདེ་དང་། བདེ་སྐྱིད་སྐྲུན་ཐུབ། འདི་འཇིག་རྟེན་གྱི་དཀའ་ངལ་སེལ་བྱེད་བླ་ན་མེད་པ་ཞིག་ཡིན་ཞེས་མཚམས་སྦྱོར་གནང་བཞིན་པ་ལ་འགོག་རྐྱེན་བླ་ན་མེད་པ་བཟོ་ངེས་རེད། དེ་བས་འུ་བུ་ཅག་གིས་དཔུང་བསྒྲིལ་ཏེ། རང་སྐྱོན་རི་བོ་འདྲ་བ་དེ་དག་འགེབ་ཐབས་མི་བྱེད་པར་རྩ་མེད་གཙང་དག་བྱེད་དགོས།
ཚང་མའི་དྲང་བདེ་དང་ཤ་ཚ་ནས་བཤད་དགོས།
ཝ་ཡེjamyangdakpaཁྱོད་ཀྱི་མིང་དེ་འདིར་བེད་སྤྱོད་མེད་འདི་བོད་ཡིག་གི་ཕ་ས་ཕ་ཡུལ་རེད།ཁྱོད་ཚོ་ཁ་ཤས་ཀྱིས་རང་མིང་བོད་ཡིག་ཏུ་མི་འབྲི།དབྱིན་ཡིག་ཡང་ཡག་པོ་མི་ཤེས་ཁྱོད་ཁལས་སློབ་སྦྱོང་ཡག་ཏུ་སོང་འདུག་་་ཤད་མངཔོ་འདུག
མཆན་ཡིག་འབྲུ་འགའ་འདེབས་སྐབས་ཡིག་ནོར་གྱིས་ས་གང་འགྲོ་བ་དེ་ཕལ་ཆེར་ང་ཚོའི་ཨ་མྱེས་ཧན་ལོག་ཚ་བའི་རྟགས་རེད།མ་སྐྱེས་པ་ཟེར་དུས་མ་ལས་མ་སྐྱེས་པ་གོ་དགོས་པ་དེའང་རྒད་པོ་ཧན་ལོག་ཁྱེད་ཀྱི་གོ་བ་ལེན་སྟངས་ཤིག་ཡིན་པ་འདྲ།རྣམས་གྲངས་ཞེས་པའི་རྣམས་དང༌།སློབ་སྦྱོངས་ཞེས་པའི་སྦྱོངས་སོགས་ཀྱི་སྦྱོར་ཚུལ་ཡང་ཤེས་མི་འདུག་པས་རྗེ་ས་པཎ་གྱི་གསུང་རིག་པ་ནངས་པར་འཆི་ཡང་བསླབ་ཅེས་པ་ཉམས་སུ་བླངས་ཏེ་ཨ་ལགས་ཤ་བསྟན་དར་ལྷ་རམས་པའི་ས་མཐའི་སྦྱོར་ཚུལ་ལ་ལན་གཅིག་འཇུག་པར་འཚལ།ཨ་མྱེས་ཞེས་འབྲི་དགོས་པ་ལས་ཨ་མྱེ་ཞེས་འབྲི་མི་རུང་སྟེ་གསར་མའི་ལགས་སུ་བྱས་ན་ཨ་མེས་ཡིན་པ་ལས་ཨ་མེ་མིན་པས་སོ།།ཕོ་བར་ཞེས་པ་དོན་མ་གོ
མ་ལས་མ་སྐྱེས་པའི་ཨ་མྱེ་ཞིག་གང་ན་ཡོད།་་་བྱིས་པ༼jamyangdakpa༽
ཁྱོད་རྩོམ་པའི་ཚེ་ན་ཤེས་བྱའི་རྣམས་གྲངས་དབེན།་་་ཕོ་བར་ཨ་མྱེ་ང་ཁྱོད་ལྟ་བུ་ཚོ་ལ་ལམ་སྟོན་སློབ་སྦྲྱོངས་སྤྲོད་དུ་འོང་པ་ཡིན།་་༼ཨ་མྱེས་༽མ་རེད་ཕ་མེས་ཡང་མེས་ཀྱི་ཨ་མྱེ་བློ་འདྲི་ས་དེ་ཡིན།་་
སུས་རྣར་འགྲོ་ཞེས་པ་སུའི་རྣར་འགྲོ་ཞེས་པར་བཅོས་རོགས།
རེད་ཡ་འུ་ཚོ་ལས་སྡུག་པ་སུ་ཞིག་ཡོད།ཁ་ཤས་ཀྱིས་རང་མིང་བོད་ཡིག་ཏུ་མི་འབྲི།ཁ་ཤས་ཀྱིས་རང་མིང་དྲ་ཐོག་ཏུའང་བཀོལ་མི་ཕོད།ཁ་ཤས་ཀྱིས་ནི་རང་གི་སྐད་ཡིག་དང་རིག་གཞུང་།ཡུལ་སྲོལ་བཅས་བསྐྱུར་ནས་རང་ཉིད་གསར་བ་གསར་བ་རྐྱང་དང་སྔོན་ཐོན་པར་རློམ༎
བོད་ཡིག་གིས་མཆན་བཏབ་པར་བོད་ཡིག་མི་ཤེས་ཟེར་ན་སུས་རྣར་འགྲོ། ཁྱེད་ཚོས་དབྱིན་ཡིག་མི་ཤེས་ན་jamyangdakpaཞེས་པའི་དོན་འཇམ་དབྱངས་གྲགས་པ་ཟེར་བ་རེད།
མ་སྐྱེས་པའི་ཨ་མྱེས་སམ་ཨ་མྱེ་ལགས།ལྐོག་ནས་དུག་མདའ་འཕེན་པ་ལས་གདོང་ལ་བུད་ནས་ཁ་གསལ་གཏིང་གསལ་བྱས་ན་ཅི་འདྲ་རེད།གོང་གི་ཁོ་བོའི་མཆན་དེ་དང་རི་སྤྱང་སྔོན་མོར་བཏབ་པའི་མཆན་དེས་ཁྱེད་ཚོར་མ་བདེ་བ་བྱུང་པ་འདྲ།
ཕོ་མོ་གང་ཡིན་མི་ཤེས་པའི་རྟོག་སད་པ་ཚྭ་ཁུ་ལགས།ང་ལ་ཁྱེད་ཀྱིས་གདེང་ཚད་བྱས་པ་མཐོ་དྲག་སོང༌།ང་ནི་མི་ལོ་དུ་མར་མི་གྲལ་ལ་མི་ཚུད་པའི་མི་ཞིག་ཡིན་པས་དེའི་ལབ་རྡོལ་ལ་རྒོལ་བའི་གཏམ་ཞིག་ཟིན་བྲིས་སུ་བཏབ་རིན་ཅི་ལ་ཡོད།ཁྱེད་ཀྱིས་གོང་དུ་སྐུ་ངལ་ལ་མ་འཛེམ་པ་མང་པོ་ཞིག་བྲིས་འདུག་པར་ཕྲན་ནས་བཀླགས་ཁུལ་བྱས་མོད།ཕྲན་རང་སྦྱོང་བ་ཞན་དྲག་པ་དང་ཉིད་ཀྱི་རྩོམ་ཁ་དམ་དྲག་པས་གསལ་བོ་ཞིག་གོ་མི་ཐུབ་མོད།མདོར་དྲིལ་ན་ཁྱེད་ཀྱིས་གུས་པའི་མཆན་འཁྱལ་དེར་ཡིག་ནོར་མང་བ་དང་སྡེབ་སྦྱོར་མི་མཛེས་པ།ད་དུང་ཁོ་བོའི་ཀླད་པ་རྗེས་ལུས་ཡིན་པར་གསུང་བཞིན་པར་འདྲ།ལོས་བདེན་ཁོ་བོ་ཅག་ཆུ་ཚད་དམན་པ་དང་མྱོང་བ་ཞན་པས་སྐྱོན་དེ་དག་ཡོད་ངེས།ཡིན་ཡང་ཉིད་ཀྱི་མཆན་དེའི་ཕྱེད་ཀ་ནི་ཁོ་བོའི་མཆན་འཁྱལ་དེ་རེད་འདུག་པས་རྒྱ་ལ་རྗེས་སུ་ཟིན་བྲིས་སུ་སྤེལ་རྒྱུ་རེད་ནའང་རྩོམ་སྤུས་དག་ཅིག་བྲིས་ནས་སྤེལ་རོགས་གནང༌།མཆན་དེ་སྤེལ་ན་ཁྱེད་ལ་གནོད་བསྐྱལ་རྒྱུ་མ་ཟད་དུས་བབ་ཚང་ལའང་མིང་ཆད་འབྱུང་ངེས།དེ་ཙམ་གྱིས་ཅི་ཚད་མཆན་འཁྱལ་དེའི་བདག་དབང་ཀྱང་ཁོ་བོར་ཡོད་པས་ཉིད་ངའི་རྩར་རྩོམ་སློང་དུ་འོང་དགོས་ཐུག་ངེས།གལ་སྲིད་ཁྱེད་ཀྱིས་རྩོམ་སྤུས་དག་ཅིག་བྲིས་ནས་སྤེལ་ན་འཁོལ་དུ་དབྱུང་དགོས་པའི་རིགས་མཆིས་ཚེ་ངའི་རྩ་ནས་ཆོག་མཆན་ཞུ་མི་དགོས་པར་ཁྱེད་ཀྱིས་དགྱེས་བཞེས་གནང་རོགས།ཡང་ཉིད་ཀྱིས་ལུང་ཚན་དང་ས་ཆ་གང་གི་མི་ཡིན་མིན་ཞིག་བཤད་འདུག་མོད་དེ་ནི་མི་དགོས་པའི་ལས་ཞིག་ལ་ཞུགས་པ་ཡིན་པས་སྐྱུར་བར་རིགས་ཏེ་མཁས་པས་འཆུག་ན་འདོམ་གང་ཡིན་པས་སོ༎ལར་ཁྱེད་ཅག་གིས་གཙུག་ཏུ་བཀུར་བཞིན་པའི་ནུབ་ཕྱོགས་པའི་མཁས་པ་ཞིག་གིས་ཀྱང་བྱུང་ན་བརྩམས་ཆོས་དང་རྩོམ་པ་པོ་གཉིས་ཐ་དད་དུ་ལྟ་ཐུབ་ན་རབ་ཡིན་གསུང་ཡོད་ཚད་འདུག། ཡིག་ཚོགས་མང་སོང་བས་དགོངས་དག
ད་ཡིན་ན་བུ་རྟགས་བཞག་འདུག་སེར་བྱེས་དགེ་བསྐོས་ལགས་ཀྱིས་སྲོལ་རྒྱུན་གྱི་ལྕགས་དབྱིག་བཙན་པོའི་ཁ་གཏད་དུ་འགྲེང་འདུག། ང་ལྟ་བུའི་གྲྭ་རྐྱང་གཉོམ་ཆུང་དག་གིས་བཀུར་འོས་བའི་དགེ་བསྐོས་ཞིག་སླེབས་སོང་ཧ་ཧ་དེ་རིང་ནས་བཟུང་རང་དབང་གི་འཁོར་ཡུག་ཅིག་ནས་བག་ཕེབས་ཀྱིས་འཛིན་སྐྱོར་སྦྱང་ལ་འབད་རྒྱུ་ལས་སུ་དང་གང་ལ་ཡང་ཞེ་སྣང་སྐྱེས་མི་དགོས་བའི་དུས་ཚིགས་ཅིག་ལོངས་སུ་སྤྱོད་ཐུབ་པའི་རེ་བ་ཡོད་གི
ཝ་ཡེ་jamyangdakpaཁྱོད་ད་དུང་གཉིད་ཁོས་འདོད་དམ་བློ་དྲང་མོ་བྱོས།་་སྐུ་ཕྱོགས་འདིའི་གནས་ཚུལ་གལ་ཆེན་འདི་ལ་རྒྱབ་སྐྱོར་མི་བྱེད་དོན་ཅི་ཡིན།་་་་ཁྱོད་ནོར་འདུག་ཁྱོད་ཀྱིས་གལ་སྲིད་ཁས་མི་ལེན་ན་ཁྱོད་ལ་ངས་སྐྱོན་ཐེར་འདོན་བྱེད་རྒྱུ་ཡིན
འདི་ངོ་མ་ཚབ་ཆེན་ཞིག་རེད།་་འདི་འདྲའི་འཚེ་་བའི་ལས་ཞིག་སྟོན་པ་ཐུགས་རྗེ་ཅན་གྱི་དགོངས་པ་གང་ནས་ཡིན་རྒྱ་གར་གྲུབ་ཆེན་ཚོས་རིགས་ལམ་ལས་རྙེད་པ་ཡང་མིན་ལ་བོད་ཀྱི་སྔོན་མཁས་གྲུབ་ཀྱིས་བཞེད་ཡང་མིན།་་་སྐུ་དྲག་གི་དྲི་ངན་དེས་བསླད་ཞུགས་པ་རེད།་་་དུས་ཚོད་འདི་འདྲ་ཞིག་ལ་ནད་ངན་ད་དུང་འདུག་་་་ཕྱོགས་རེས་ཀྱིས་མིག་མ་སྒྲུབ་པར་ཡང་དང་ཡང་དུ་དཔྱོད།
ཕྲན་ལ་ཟིན་བྲིས་ཤིག་མེད་པའི་གོང་གི་བསམ་ཚུལ་དེ་ཟིན་བྲིས་སུ་འགོད་མཁན་ཞིག་ཡོད་ན་འགོད་རོགས་ཞེས་རེ་སྐུལ་ཞུ།
ཁོ་པོའི་་སེམས་ཀྱི་ན་ཚ་ཕྱིར་མངོན་པ་འདི་ལྟར༼དགེ་འདུན་དབྱེ་འབྱེད་ཀྱི་ལས་རྩོམ་བཞིན་ཡོད་ལ་ཚགས་པར་དང་ཟིན་བྲིས་སོགས་སུ་རྩོམ་ཡིག་བྱུང་རྒྱལ་དུ་སྤེལ་དེ་ད་ནི་དགེ་འདུན་པ་ཚོའི་སྣང་ངོར་ཚགས་པར་ཁང་ཞིག་ནས་རེད་ཟེར་དུས་ཅུང་ལྟ་སྟངས་མི་ལེགས་པ་ཞིག་འཛིན་བསྡད་པ་ཆགས་འདུག།༽ཅེས་ཡིག་ནོར་གྲངས་མེད་ཅིག་དང་མཉམ་དུ་འབྲི་ཁུལ་བྱས་འདུག དུས་རབས་ཉེར་གཅིག་པའི་ནང་དུ་ཚགས་ཤོག་དང་དུས་དེབ་ལ་སྡིགས་མཁན་ཞིག་ཡོད་ན་དེ་ནི་རང་མཚང་ངོམ་པ་ལས་ཅི་ཡང་མ་མཆིས་སོ།
་གོང་དུ་གདོང་དམར་གྱི་བུ་དང་ཨ་རིག་དགེ་མཐོང་། ཤེལ་དཀར་བློ་བཟང་སོགས་མང་བོ་ཞིག་གིས་བསམ་ཚུལ་རྒྱས་པར་གསུངས་འདུག་མོད། དེའི་འོག་ཏུ་མི་ཤེས་པའི་མགོ་བོ་རྨོངས་ཤིང་ཕྱོགས་ཞེན་གྱིས་ལུས་པོ་བཟི་བའི་རང་གི་མིང་བོད་ཡིག་སྟེང་འབྲི་མི་ཤེས་མཁན་དཔེར་ན་མིང་དབྱིན་སྐད་དུ་jamyangdakpa ཟེར་བ་འདིས་ཚིག་གི་བདེ་སྦྱོར་མི་ལེགས་ཤིང་དོན་གྱི་བརྗོད་གནད་མ་གོ་བར་དོན་མེད་དུ་དགེ་འདུན་དབྱེ་འབྱེད་ལས་ལ་བརྩོན་གྱིན་འདུག་ཅེས་ཁ་ཕོ་ཆེན་པོ་སྒྲོག་ན་ཡང་དོན་གྱི་ཤད་ཅིག་གཅིག་ཀྱང་འཇོག་མི་ཤེས་པ་འདི་ཁྱེད་ཅག་བློ་གཟི་བོར་གནས་པ་དག་གིས་གཟིགས་དང་བཤམ་ནས་བཞག་འདུག གོང་དུ་བླུན་རྨོངས་པ་འདིའི་ཡིག་ནོར་མ་བཅོས་པར་ཀུག་རྟགས་བཞག་ནས་འདྲེན་རྒྱུ་ཡིན།
༼རེད་དེ་གང་དུ་བཞག་ཀྱང་མི་འཕྲོད་པའི་ཟུར་གསུམ་པ་སྐོར་ཞིག་གིས་རྟག་ཏུ་ལས་སྣེ་མོ་གང་ཞིག་གིས་མི་འགྲིག་ཚུལ་དང་མ་འཐུས་ཚུལ་བཤད་དེ་དགེ་འདུན་དབྱེ་འབྱེད་ཀྱི་ལས་རྩོམ་བཞིན་ཡོད་ལ་ཚགས་པར་དང་ཟིན་བྲིས་སོགས་སུ་རྩོམ་ཡིག་བྱུང་རྒྱལ་དུ་སྤེལ་དེ་ད་ནི་དགེ་འདུན་པ་ཚོའི་སྣང་ངོར་ཚགས་པར་ཁང་ཞིག་ནས་རེད་ཟེར་དུས་ཅུང་ལྟ་སྟངས་མི་ལེགས་པ་ཞིག་འཛིན་བསྡད་པ་ཆགས་འདུག།༽ཅེས་བྲིས་འདུག་ལ། ཁོ་པོའི་ཤད་འཇོག་མི་དགོས་ས་༼ འཛིན་བསྡད་པ་ཆགས་འདུག།༽ཅེས་པ་འདི་ལ་གཟིགས་དང་མཁྱེན་ངེས་ཡིན། འོན་ཀྱང་ཤད་འཇོག་དགོས་པ་དཔེར་ན་ ༼ རེད་དེ་གང་དུ་བཞག་ཀྱང་མི་འཕྲོད་པའི་ཟུར་གསུམ་པ་སྐོར་ཞིག་གིས་རྟག་ཏུ་ལས་སྣེ་མོ་གང་ཞིག་གིས་མི་འགྲིག་ཚུལ་དང་མ་འཐུས་ཚུལ་བཤད་དེ་དགེ་འདུན་དབྱེ་འབྱེད་ཀྱི་ལས་རྩོམ་བཞིན་ཡོད་ལ་ཚགས་པར་དང་ཟིན་བྲིས་སོགས་སུ་རྩོམ་ཡིག་བྱུང་རྒྱལ་དུ་སྤེལ་དེ་ད་ནི་དགེ་འདུན་པ་ཚོའི་སྣང་ངོར་ཚགས་པར་ཁང་ཞིག་ནས་རེད་ཟེར་དུས་ཅུང་ལྟ་སྟངས་མི་ལེགས་པ་ཞིག་འཛིན་བསྡད་པ་ཆགས་འདུག།ཡིན་ཡང་ཁོ་ཚོར་ཡང་ལྟ་བ་གསར་པ་ཞིག་དང་ལངས་ཕྱོགས་གསལ་བོ་ཞིག་ནི་མེད་པའི་ཚད་ན་འདུག་སྟེ་གཏམ་བཤད་ཚ་ཚ་འུར་འུར་སྤེལ་མཁན་ཞིག་བྱུང་ན་ཁྱི་བཞིན་དེའི་རྗེས་སུ་འབྲངས་འགྲོ་ལ་ཅུང་ཙམ་སོ་སོའི་ལྟ་བ་དང་མི་མཐུན་པ་ཞིག་བྱུང་ན་དོལ་ཚོགས་དང་རྒྱ་མིའི་གསང་ཉུལ་སོགས་བོད་ལ་ཤ་ཚ་བའི་མི་སུས་ཀྱང་མི་འདོད་པའི་རྒྱན་ཆ་གང་གཡོགས་ཐུབ་ཐུབ་བྱེད་ཆོག།༽ཅེས་པ་འདིས་ཁོ་རང་ས་ཕྱོགས་གང་ནས་ཡིན་གསལ་བར་བསྟན་འདུག དེའི་ཕྱིར་འདི་ཚོ་ད་དུང་ལོ་ངོ་གང་མང་ཞིག་ལ་མི་གྲལ་ལ་སླེབས་ཐུབ་ཀི་མ་རེད་ཅེས་ངས་ཁ་ཚོད་བཅད་ནས་བཤད་ཐུབ། རང་གི་བོད་ཡིག་ཙམ་ཡང་འབྲི་མི་ཤེས་ཤིང་སྤྱི་ཚོགས་ཀྱི་སྐྱོན་དག་ཀྱང་མིག་གིས་མི་རིག་པར་ཞར་ནས་བསྡད་པ་ཞིག་རེད། འདི་ཚོ་དྲ་ཐོག་ལ་ཡོང་དུས་དང་པོ་ནས་ས་ཕྱོགས་གང་ཡིན་དང་ལུང་ཚན་གང་ཡིན་ཧ་གོ་རུ་བཅུག་ཀྱིན་འདུག་ལགས་ན། རྩོམ་རིག་ལ་བྱང་ཆུབ་པ་དག་གིས་གུ་ཡངས་ཐེངས་ཤིག་གཏོང་རོགས། ད་དུང་མིག་ཞར་བཞིན་དུ་ཤེས་ཡོན་པའི་གྲལ་དུ་འཚང་ན་ཁྱེད་ཅག་གི་སྙུག་རྩེ་ནས་སྨད་དམྱལ་བར་གཡུགས་རྒྱུ་མཁྱེན་མཁྱེན།
རེད་དེ་གང་དུ་བཞག་ཀྱང་མི་འཕྲོད་པའི་ཟུར་གསུམ་པ་སྐོར་ཞིག་གིས་རྟག་ཏུ་ལས་སྣེ་མོ་གང་ཞིག་གིས་མི་འགྲིག་ཚུལ་དང་མ་འཐུས་ཚུལ་བཤད་དེ་དགེ་འདུན་དབྱེ་འབྱེད་ཀྱི་ལས་རྩོམ་བཞིན་ཡོད་ལ་ཚགས་པར་དང་ཟིན་བྲིས་སོགས་སུ་རྩོམ་ཡིག་བྱུང་རྒྱལ་དུ་སྤེལ་དེ་ད་ནི་དགེ་འདུན་པ་ཚོའི་སྣང་ངོར་ཚགས་པར་ཁང་ཞིག་ནས་རེད་ཟེར་དུས་ཅུང་ལྟ་སྟངས་མི་ལེགས་པ་ཞིག་འཛིན་བསྡད་པ་ཆགས་འདུག།ཡིན་ཡང་ཁོ་ཚོར་ཡང་ལྟ་བ་གསར་པ་ཞིག་དང་ལངས་ཕྱོགས་གསལ་བོ་ཞིག་ནི་མེད་པའི་ཚད་ན་འདུག་སྟེ་གཏམ་བཤད་ཚ་ཚ་འུར་འུར་སྤེལ་མཁན་ཞིག་བྱུང་ན་ཁྱི་བཞིན་དེའི་རྗེས་སུ་འབྲངས་འགྲོ་ལ་ཅུང་ཙམ་སོ་སོའི་ལྟ་བ་དང་མི་མཐུན་པ་ཞིག་བྱུང་ན་དོལ་ཚོགས་དང་རྒྱ་མིའི་གསང་ཉུལ་སོགས་བོད་ལ་ཤ་ཚ་བའི་མི་སུས་ཀྱང་མི་འདོད་པའི་རྒྱན་ཆ་གང་གཡོགས་ཐུབ་ཐུབ་བྱེད༎
མཆན་འདེབས་པ་དག་གིས་བསམ་བློ་བཏང་ནས་སྐད་ཆ་བཤད་དགོས་འདུག་མ་གཏོགས་ཁར་གང་བྱུང་ལྟ་བུ་བཤད་ན་ཕན་ལས་གནོད་ཆེ་ངེས་རེད། གོང་དུ་གཅིག་གིས་ཟབ་སྦྱོངས་སྤྲད་དགོས་འདུག་གསུངས་པ་ལྟར་རམ་ཡང་ན་གདན་ས་ཁག་གི་དགེ་སྐུལ་རྣམས་ལ་ལྷན་ཚོགས་ཤིག་བསྡུ་ཐུབ་ན་དགེ་མཚན་ཆེ་ས་རེད། དེ་འདྲ་ཞིག་ཚོགས་ཐུབ་ན་སེར་མོ་བའི་སྤྱི་འཐུས་དེ་དག་ཀྱང་གདན་འདྲེན་བྱས་ན་ཡག་པོ་རེད་སྙམ། དེ་ལས་ང་ཚོར་ཐོབ་འོས་པ་ཞིག་ལ་རེ་བ་ཡོད་ངེས།
རྒྱ་གར་གཞུང་ལ་ཁྲིམས་གཏུགས་དང་འཛམ་གླིང་ལ་མཉམ་བསྒྲགས་བྱེད་རྒྱུ་ལས་རང་འགུལ་ཅན་གཅིག་ཀྱང་ཡོད་པ་མ་རེད། ད་ཡིན་ན༼ཞི་བའི་ནང་ཆོས༽དེ་བཞིན༼དྲག་པོའི་ནང་ཆོས༽འགྱུར་བཞིན་པས། ནང་བ་ཡིན་ན་ཞི་བ་ཡིན་པའི་མ་ཁྱབ་པའི་ཁར། ཞབས་འདྲེན་ཁོ་ན་ཡིན་པ་གསལ་བོ་རེད།
ཁ་བ་དཀར་པོས་ཅི་ཞིག་བཤད་ཀྱིན་འདུག དགེ་བསྐོས་བཙན་པོ་ཟེར་བའི་དེབ་ཅིག་སུ་གཅིག་གི་མིག་ལམ་དུ་མ་གྱུར་བ་ནུས་པ་ཐོན་པ་དེ་ཡ་མཚན་རེད། དེ་སྤྲུལ་སྐུའི་བྱིན་རླབས་ཤིག་ཡིན་རྒྱུ་རེད།
ས་གནས་རྒྱ་གར་ཉེན་རྟོག་པར་གཏུགས་ན་ཐབས་ལམ་ཡག་ཤོས་རེད། ང་ཚོ་བོད་ལ་ཕྱི་ནས་གཞན་གྱིས་བཅོས་སྒྱུར་བྱེད་དགོས་པ་ལས་ནང་ནས་རང་གི་སྒྱུར་མི་ཐུབ་པ་འདྲ།
གནས་ཚུལ་འདི་ཐོག་མར་སྒྲོག་མཁན་ང་རང་ཡིན་པས་ཆ་ནས་གླེང་སློང་དང་བསམ་ཚུལ་བརྗོད་མཁན་ཚོར་ཐུགས་རྗེ་ཆེ་ཞུ།
ང་ཚོས་འདི་ལྟར་བྱས་ན་ད་གཟོད་ཀླད་པ་རྙིང་བའི་མཁྲེགས་འཛིན་རང་ལུགས་མེད་པར་བཟོ་ཐུབ་རྒྱུ་རེད།
ད་དུང་དུས་བབ་ཚང་གིས་སེར་བྱེས་དགེ་བསྐོས་ལགས་སུ་བཅར་འདྲི་བྱས་བ་བརྒྱུད་གཅར་རྡུང་བྱས་པའི་གྲྭ་རྐྱང་དེའི་ཤ་གསོན་པོ་སྟེང་ཁྲག་དམར་པོའི་རྐང་རྗེས་ཕབས་པ་ཡོད་པ་འགྲེམས་སྟོན་བྱས་པ་འདིས་རྫུན་རྒྱབ་རྫུན་ལང་བྱེད་པ་རེ་ཟུང་ཡོད་པ་ཡང་མངོན་སུམ་ལ་བསྙོན་མི་ནུས་པའི་གནས་དམ་པ་དེར་བསྐྱལ་ཚར་བས་སྙིང་ཐག་པ་ནས་་ཐུགས་རྗེ་ཆེ་ཞུ།
ཚིག་ལྷག
དེ་ཡང་མ་གཏོགས་་
དེ་མ་གཏོགས་་་་
དགེ་མཐོང་ལགས་ཀྱི་སྐད་ཆ་དེའི་དོན་མ་སོང་། རབ་འབྱམས་པ་ཉི་མས་བྲིས་པའི་དགག་ལན་དང་པོ་དེ་ཡང་མ་གཏོགས་ངས་མཐོང་མ་སོང་། དང་པོའི་ནང་དུ་ཕལ་མོ་ཆེ་ཞིག་རང་སྣང་གང་དྲན་དང་གྲྭ་རྐྱང་ཚོ་ལ་སྙིང་རྗེ་མེད་པའི་གདུག་རྩུབ་ཀྱི་གཅར་རྡུང་དགོས་ལུགས་རྐྱང་རྐྱང་གིས་ཁེངས་འདུག་པས། ཁོང་གིས་ལོ་དེ་སྙེད་ཅིག་ལ་ནང་པའི་ཆོས་གཞུང་ལ་སྦྱངས་པའི་འབྲས་རྟགས་འདི་འདྲ་ལ་བསམས་ནས་བློ་ཕམ་ཏོག་ཙམ་བྱུང་། དེ་མ་གཏོགས་ཁོང་དང་ངེད་གཉིས་ཀྱི་བར་ནས་རྒྱལ་ཕམ་རྩོད་རྒྱུ་ཅང་མེད། གཉིས་ཀས་སྤྱི་དོན་ཞིག་གླེང་གི་ཡོད་ནི་རེད།
ཁ་བ་དཀར་པོ་ལགས་ཁྱེད་ཀྱིས་བསམ་ཚུལ་བྲིས་པ་འདི་མཐོང་དུས་ཁྱེད་འདི་ཡང་ཁོག་རྒྱ་ཅུང་ཆུང་བ་ལྟ་བུའི་ཚོར་སྣང་ཞིག་སྤྲད་སོང་། ཁྱེད་ཀྱི་རྩོད་ཟླ་དེའི་མིང་ལ་རབ་འབྱམས་པ་དགེ་འདུན་ཉི་མ་དང་ཁོང་ད་ལྟ་དགེ་བཤེས་མིན་པ་དང་ལྷག་པར་ད་ལོ་ནས་བཟུང་དགེ་ལུགས་རྒྱུགས་སྤྲོད་ལ་གསར་དུ་འགྲོོ་གི་ཡོད་མཁན་ཞིག་ཡིན་པ་ཐུགས་འཇགས་འཚལ།
དྲ་གྲོགས་ཚོ་དང་ཀློག་པ་པོ་ཚང་མ་ལ་ཞུ་རྒྱུ་ཞིག་ལ་དེང་སྐབས་དགོན་སྡེ་དང་གདན་ས་ཁག་གི་དགེ་འདུན་པ་དག་ལ་རྟ་ལྕག་གིས་གཞུ་བ་ལྟ་བུའི་ཉེས་ཆད་གཅོད་པ་དེ་དུས་རབས་ཀྱི་འགྲོས་དང་བསྟུན་ཏེ། ཅུང་ཙམ་མཚམས་འཇོག་བྱས་ཡོད་མོད། ཁ་སང་དེ་རིང་བརྡ་འཕྲིན་བརྒྱུད་ལམ་དུ་བོད་ཡིག་བཀོལ་སྤྱོད་ཤུགས་ཆེན་པོ་གཏོང་ཐུབ་པ་ལ་བརྟེན་ནས་གནས་ཚུལ་གང་ཡིན་ཡང་ལམ་སེང་དྲ་ཐོག་དང་ཚགས་ཤོག་སྟེང་སླེབས་ནས་མི་མང་གིས་ཧ་གོ་བ་རེད། དེ་རིང་གྲྭ་ཕྲུག་འདིའི་ལུས་ཐོག་གི་རྨ་ཤུལ་དེ་ཙམ་ཆེན་པོ་རེད་མི་འདུག ༡༩༩༣ ནས་༢༠༠༦ བར་དུ་དགེ་བསྐོས་དང་ཆབ་རིལ་དག་གིས་གཅར་རྡུང་ཁྱེད་ཅག་གིས་རིག་ན་ཧང་སང་ཞིང་ཧོར་འཐོར་བ་ཞིག་ཡིན། དེ་དུས་མི་མང་གི་གོ་རྟོགས་མ་ཟད་པ་དང་ལྷག་པར་དེང་སང་ལྟར་ལམ་སེང་དྲ་ཐོག་ཏུ་འགོད་ས་ཞིག་མི་རག འགོད་ཤེས་མཁན་གྱི་གྲྭ་བ་ཞིག་ཀྱང་དཀོན་པོ་རེད། ན་ནིང་དོ་ཚིགས་དུས་བབ་དང་ཁ་བརྡ་བོད་ཀྱི་བང་ཆེན་ལྟ་བུ་མང་བོ་ཞིག་དར་ཁྱབ་ཏུ་སོང་བ་ལ་བརྟེན་ནས་ལམ་སེང་གནས་ཚུལ་གང་བྱུང་ཀློག་པ་པོ་དག་གི་སྤྱན་ལམ་དུ་བསྟར་ཐུབ་ཀྱིན་ཡོད་རེད། འོན་ཀྱང་དེ་རིང་གི་གྲྭ་ཕྲུག་འདིའི་ལུས་སྟེང་གི་རྨ་ཤུལ་ཅུང་ཙུང་མིག་གིས་རིག་ན་མི་བཟོད་པ་ལྟ་བུ་ཡིན་ཡང་། སྔོན་མ་དག་གི་དགེ་བསྐོས་དང་ཆབ་རིལ་ལྟ་བུའི་གཅར་རྡུང་དེ་རིག་ན་དངོས་གནས་འདི་ཚོ་རྒྱ་དམར་པོ་ལས་ཀྱང་སྡུག་གི་བསམ་པ་ཞིག་དྲན་ངེས་ཡིན། ཡིན་ནའང་ལོ་རེ་ནས་ལོ་རེ་ཡག་རུ་འགྲོ་བཞིན་འདུག་ལ། ན་ནིང་ལས་ད་ལོའི་དགེ་བསྐོས་དང་ཆལ་རིལ་གྱིས་གཅར་རྡུང་བྱེད་ཀྱིན་མི་འདུག ད་ཕལ་ཆེར་རྩོམ་པ་པོ་བོན་རྒྱ་བསྟན་འཛིན་རབ་རྒྱས་དང་དགེ་བསྐོས་བཀྲ་ཤིས་ཚེ་ཐར་གཉིས་ཀྱི་བཀའ་དྲིན་ལས་མཚམས་གཅོད་ཐུབ་རྒྱུའི་རེ་བ་འདུག སེར་བྱེས་གྲོས་ཚོགས་ཀྱི་འཐུས་མི་དག་གིས་ཀྱང་ཐུགས་བསམ་ཡག་པོ་ཞིག་བཞེས་ནས་དགོན་པ་གྲྭ་ཚང་ལ་མཚན་སྨད་དུ་མི་འགྲོ་བ་ཞིག་བཟོ་རྒྱུ་ང་དང་ང་འདྲ་བའི་ཆོས་གྲོགས་དག་གིས་རེ་བ་ཉག་གཅིག་ཡིན།
དྲ་གྲོགས་ཚང་མས་ལུགས་སྲོལ་རྙིང་པ་མེད་པར་བཟོས་ཏེ་དུས་རབ་དང་མཐུན་པའི་བསྒྱུར་བཅོས་དགོས་སྐོར་གསུངས་པ་བདེན་པ་རེད། འོན་ཀྱང་ཚོགས་པ་ཆེན་པོ་ཞིག་གི་ནང་ཁམས་དང་མོས་པ་མི་འདྲ་བ་མང་དག་ཅིག་དང་། མི་རིགས་འདྲ་མིན། ཀུན་སྤྱོད་བཟང་ངན། དཔལ་འབྱོར་གྱི་གནས་ཚད། ལུས་ཀྱི་གནས་སྟངས་སོགས་མི་འདྲ་པ་དུ་མ་ཡོད་སྟབས་དེ་དང་མཐུན་པའི་སྒྲིག་ཁྲིམས་ས་བརྟན་ཡོང་བ་བྱེད་རྒྱུར་བསམ་ཚུལ་སྤེལ་གནང་ན་ག་འདྲ་འདུག
གོ་ཐོས་ལ་ཨ་མ་རྗེ་བཙུན་པདྨས་བོད་ཕྲུག་རྣམས་ལ་ཉེས་རྡུང་གཏང་མི་ཆོག་པའི་ཁྲིམས་ལུགས་བཟོས་པ་ནས་བཟུང་སློབ་གྲྭ་གཞན་དག་ལས་རྡ་སྟེང་བོད་ཁྱིམ་ཀུན་སྤྱོད་ཞན་པ་འདུག་ཅེས་སྤྱི་ཚོགས་ནང་ཁྱབ་འདུག གལ་ཏེ་སྔ་མོའི་ལུགས་སྲོལ་རྙིང་པ་དོར་དེང་དུས་ཀྱི་ལུགས་སྲོལ་གསར་པ་མ་རྙེད་ན་ཚོགས་པ་ཞིག་རྒྱུའི་ཉེན་ཁ་ཡང་འདུག་སྙམ།
བྱ་སྤྱོད་འདི་དག་མཐོང་དུས་ངའི་སྙིང་ལ་ན་ཟུག་ཇེ་ཆེ རེད།
དེ་བཞིན་བོད་ཀྱི་དུས་བབ་དང་ལྗང་རླུང་ཚགས་པར་སྟེང་དུ་ཐེངས་གཉིས་ལ་ངས་དགེ་བསྐོས་བཙན་པོ་ཚོར་བྲིས་པའི་རྩོམ་ཡིག་ལ་དགག་ལན་འབྲི་མཁན་རབ་འབྱམས་པ་ཉི་མ་ཟེར་བའི་དགེ་བཤེས་དབུ་མཁྲེགས་ཁོང་གི་སེམས་ཁོང་དུ་ཡང་རྟོགས་སད་ཀྱི་ཉི་མ་གསར་བ་ཞིག་འཆར་བའི་རེ་བ་ཡོད།
ད་ནི་ངའི་<<དགེ་བསྐོས་བཙན་པོ་>>ཞེས་པའི་དེབ་དེ་ལ་ནུས་པ་ཞིག་ཐོན་ཐུབ་རྒྱུ་ཡིན་པ་འདྲ།
བཙན་པོ་ལགས། ངས་ཁྱེད་ལ་སྔོན་མ་ཞིག་ཡང་བཤད་མྱོང་། སྔོན་མའི་བཙན་པོ་དེ་ཁྱེད་ཡིན་མིན་མི་ཤེས། གང་ལྟར་ངེད་གཉིས་ཀྱི་མིང་གཅིག་ཆགས་འདུག དྲ་ཚིགས་འདིའི་ནང་་་ དང་པོ་མིང་དེ་ངས་བེད་སྤྱོད་བྱས་པ་ཡིན། ཁྱོས་ནས་མིང་འདི་བེད་སྤྱོད་མི་བྱེད་བགྱི་མཁྱེེན།
དགོན་པའི་ནང་དགེ་བསྐོས་ཚོས་གཞུང་དོན་ཆེད་གྲྭ་ཕྲུག་ཚོར་རྟ་ལྕག་གཞུ་བའི་གོམས་སྲོལ་ངན་པ་འདི་མེད་པ་བྱེད་དགོས་པ་ཁ་གཅིག་གྲགས་རེད། འོན་ཀྱང་ལུགས་སྲོལ་འདི་ལ་ཁ་བརྡུང་དང་གཤེ་དམོད་དང་། ཡང་ན་དགེ་བསྐོས་ཚོར་སྤྱི་ཚོགས་ཐོག་མིང་འཆད་བཟོ་བ་ཁོ་ནར་བརྟེན་ནས་བསྒྱུར་བཅོས་གཏོང་རྒྱུའི་འབད་བརྩོན་མི་བྱེད་པར། ཐོག་མར་དགེ་བསྐོས་ཚོར་དགོན་པའི་སྒྲིག་གཙོ་ནུས་པ་དང་ལྡན་ཞིང་འཚེ་བ་དང་བྲལ་བ། ལྷག་པར་རྟ་ལྕག་མི་སྤྱོད་པར་དེང་རབས་དང་མཐུན་པའི་དགོན་པའི་སྒྲིག་གཙོ་འཛིན་སྐྱོང་བྱེད་སྟངས་ཀྱི་ཟབ་སྦྱོང་ཞིག་སྤྲོད་ཐུབ་ན་དཔེ་ཡག་པོ་ཡོང་གི་རེད། དེ་མིན་དགེ་བསྐོས་ཚོ་ལའང་སྤྱི་ཚོགས་ཆེན་པོ་ཞིག་འཛིན་སྐྱོང་བྱེད་སྟངས་ཀྱི་ཉམས་མྱོང་ཡོད་པ་མ་རེད། དེའི་ཕྱིར་དགེ་བསྐོས་ཚོས་སྤྱི་ཚོགས་ཆེན་པོ་དེ་ལྟ་བུ་ཞིག་འཛིན་སྐྱོང་བྱེད་མ་ཤེས་པ་རེད། དེའི་ཕྱིར་དགེ་བསྐོས་ཚོར་ཡང་ཁག་ཡང་ཡོད་པ་མ་རེད། དེའི་ཕྱིར་གོམས་སྲོལ་ངན་པ་འདི་ཁ་བརྡུང་ཁོ་ན་ལ་བརྟེན་ནས་བཅོས་བསྒྱུར་བྱེད་རྒྱུའི་འབད་བརྩོན་བྱས་ན་འགྲིག་གི་མ་རེད། འགྲོ་སོང་བཏང་ནས་དགེ་བསྐོས་ཚོར་སྤྱི་ཚོགས་ཆེན་པོ་ཞིག་འཛིན་སྐྱོང་དང་གོ་སྒྲིག་བྱེད་སྟངས་ཐོག་དེང་རབས་དང་མཐུན་པའི་ཟབ་སྦྱོང་སྤྲོད་ས་ཚད་ས་ཡག་པོ་ཞིག་ཚུགས་ཐུབ་ན་ནུས་པ་ཐོན་གི་རེད། མདོར་བསྡུས་ན་དགེ་བསྐོས་ཚོར་སྤྱི་ཚོགས་ཆེན་པོ་ཞིག་འཛིན་སྐྱོང་བྱེད་སྟངས་ཀྱི་སློབ་སྦྱོང་དང་ཉམས་མྱོང་སྤྲོད་མ་མྱོང་བས་ལན་པ་རེད།
བཙན་པོ་ལགས། མི་སེམས་ལ་འདྲེ་ཞུགས་ཟེར་ན་འདི་འདྲ་ལ་ཟེར་བཞིན་ཡོད་ཚོད་རེད། ལྟད་མོ་འདིའི་རིགས་ནི་སྔ་མོ་ནས་དྲ་ཐོག་དེ་རུ་ཡོད་པ་རེད། ཧ་ལས་རྒྱུ་གང་ཡང་ཡོད་པ་མ་རེད། མི་དེ་ཚོས་རིགས་ལ་ཁ་ཡ་བྱེད་པ་ལས་མ་བྱས་ན་ཡག་གི་རེད། རྡོ་སྟེང་དུ་ཆུ་བླུགས་ཀྱང་ཆུ་འཐིམ་མི་སྲིད་པ་ཉིད་ཀྱིས་ཀྱང་མཁྱེན་གསལ་རེད་ལགས།
ད་འདི་ཚོས་བྱེད་སྟངས་ལ་བསམ་བློ་བཏང་ནས་འོང་དུས། བོད་ཟེར་བ་ནི་ཁོང་ཚོ་ལ་མི་དགོས་པར་འདྲེ་གདོན་ཞིག་ལ་ཚེ་འདི་ཕྱི་ཚང་མ་བཅོལ་རྩིས་ཡོད་སྣང་སྟེར། གལ་སྲིད། བོད་ཀྱི་བདེན་དོན་ཆེད་དུ་ཕན་ངེས་ངེས་པ་ཞིག་ཡིན་ན། འདྲེ་དེ་ཕར་ཞོག སྲུང་མ་དམར་ནག་ཡིན་ཡང་ཕན་མི་ཐོག་ན་གཏོར་དགོས་ཀྱི་ཡོད་པ་རེད།
དགོན་པའི་ནང་དགེ་བསྐོས་ཚོས་གཞུང་དོན་ཆེད་གྲྭ་ཕྲུག་ཚོར་རྟ་ལྕག་གཞུ་བའི་གོམས་སྲོལ་ངན་པ་འདི་མེད་པ་བྱེད་དགོས་པ་ཁ་གཅིག་གྲགས་རེད། འོན་ཀྱང་ལུགས་སྲོལ་འདི་ཡང་ཁ་བརྡུང་དང་གཤེ་དམོད་དང་། ཡང་ན་དགེ་བསྐོས་ཚོར་སྤྱི་ཚོགས་ཐོག་མིང་འཆད་བཟོ་བ་ཁོ་ནར་བརྟེན་ནས་བསྒྱུར་བཅོས་གཏོང་རྒྱུའི་འབད་བརྩོན་མི་བྱེད་པར། ཐོག་མར་དགེ་བསྐོས་ཚོར་དགོན་པའི་སྒྲིག་གཙོ་ནུས་པ་དང་ལྡན་ཞིང་འཚེ་བ་དང་བྲལ་བ། ལྷག་པར་རྟ་ལྕག་མི་སྤྱོད་པར་དང་རབས་དང་མཐུན་པའི་དགོན་པའི་སྒྲིག་གཙོ་འཛིན་སྐྱོང་བྱེད་སྟངས་ཀྱི་ཟབ་སྦྱོང་ཞིག་སྤྲོད་ཐུབ་ན་དཔེ་ཡག་པོ་ཡོང་གི་རེད། དེ་མིན་དགེ་བསྐོས་ཚོ་ལའང་སྤྱི་ཚོགས་ཆེན་པོ་ཞིག་འཛིན་སྐྱོང་བྱེད་སྟངས་ཀྱི་ཉམས་མྱོང་ཡོད་པ་མ་རེད། དེའི་ཕྱིར་དགེ་བསྐོས་ཚོར་སྤྱི་ཚོགས་ཆེན་པོ་དེ་ལྟ་བུ་ཞིག་འཛིན་སྐྱོང་བྱེད་མ་ཤེས་རྒྱུ་ཁག་པོ་ཡིན་ངེས་རེད། དེའི་ཕྱིར་གོམས་སྲོལ་ངན་པ་ཁ་བརྡུང་ཁོ་ན་ལ་བརྟེན་ནས་བཅོས་བསྒྱུར་བྱེད་རྒྱུའི་འབད་བརྩོན་བྱེད་མི་རུང་བར། འགྲོ་བཏང་ནས་དགེ་བསྐོས་ཚོར་སྤྱི་ཚོགས་ཆེན་པོ་ཞིག་འཛིན་སྐྱོང་དང་གོ་སྒྲིག་བྱེད་སྟངས་ཐོག་དང་རབས་དང་མཐུན་པའི་ཟབ་སྦྱོང་ཞིག་ཚུགས་ཐུབ་ན་ཡག་པོ་ཡོད་པ་རེད། མདོར་བསྡུས་ན་དགོ་བསྐོས་ཚོར་སྤྱི་ཚོགས་ཆེན་པོ་ཞིག་འཛིན་སྐྱོང་བྱེད་སྟངས་ཀྱི་སློབ་སྦྱོང་དང་ཉམས་མྱོང་མེད་པས་ལན་པ་རེད།
དྲ་གྲོགས་རྣམས་པ་ལགས། གཤམ་གྱི་ཁ་བྱང་དག་ལ་གཟིགས་རོགས་གྱིས་དང་། ང་ཚོ་ལ་མཐོང་ཆུང་ག་འདྲ་ཞིག་བྱེད་ཀྱིན་འདུག ལྟད་མོ་དེ་ཚོ་མཐོང་ནས་ང་སྨྱོན་པ་འདྲ་ཞིག་ཆགས་སོང་། ངོ་མ་ཕྱི་རྒྱལ་དེ་དག་གིས་བོད་མི་རྣམས་རྩེ་ཆས་ཤིག་གི་འདུ་ཤས་ལས་བཟུང་མི་འདུག ཨ་ ཧ བོ་ ཤུ་རེ་གོ གདོན་འདྲེ་ཚོགས་པ་འདིས་ང་ཚོ་ལ་མཐོང་ཆུང་བྱེད་རྒྱུང་མང་དྲག་མེད་ན་ཉུང་གཏད་ནས་མེད།
http://www.youtube.com/watch?v=Tg8K7-UK5Kw
http://www.youtube.com/watch?v=E8PXbEzdBuk
http://www.youtube.com/watch?v=IYaDnbAQz2g
འདི་ནི་དངོས་ནས་བཟང་ཕྱོགས་ལ་འགྱུར་བ་འགྲོ་བཞིན་པའི་རྟགས་མཚན་ཞིག་རེད། ཉེས་བརྡུང་གི་ལས་ཀ་དེ་དག་དངོས་ནས་མཚམས་བཞག་ན་ཧ་ཅང་ཡག་པོ་འདུག་ལ། དེའི་ཚབ་དུ་ཉེས་ཆད་གཅོད་སྟངས་ཀྱང་གོང་ནས་གསུང་བ་ལྟར་བྱས་པ་ཡིན་ན་རང་གཞན་གཉིས་ཕན་ཟེར་བ་དེ་རེད་འདུག