ཟླ་འདིའི་ཚེས་ ༢༥ ཞིན་ཧྭ་གསར་ཁང་གིས་གནས་ཚུལ་སྤེལ་བ་ལྟར་ན། རྒྱ་ནག་གཞུང་གིས་འདས་ལོ་ནས་ད་བར་འབྲོག་པ་ཁྱོན་ ༥༠།༠༠༠ ལྷག་འབྲོག་ཁུལ་ནས་གྲོང་ཁྱེར་ནང་གནས་སྤོས་ཟིན་ཅིང། དེའང་དམིགས་ཡུལ་གཙོ་བོ་འབྲོག་ཁུལ་གྱི་ཁོར་ཡུག་སྲུང་སྐྱོབ་བྱ་རྒྱུ་དང། ལྷག་པར་གོ་ལའི་ཚ་དྲོད་ཀྱི་རྐྱེན་པས་བོད་ཀྱི་འཁྱགས་རོམ་རིམ་བཞིན་ཞུ་བཞིན་པ་དང་། རྨ་ཆུ་དང་། འབྲི་ཆུ། རྫ་ཆུ་གསུམ་གྱི་ཆུ་བོའི་འབབ་རྒྱུན་ཡང་ཉམས་རྒུད་འགྲོ་བཞིན་ཡོད་པར་བརྟེན། མ་འོངས་པར་རྒྱ་གར་གཙོས་པའི་ཉེ་འཁོར་གྱི་རྒྱལ་ཁབ་ནང་དུ་ཆུ་ལོག་གི་གནོད་སྐྱོན་དང། ཆུའི་དཀའ་ངལ་མི་འབྱུང་སླད། བདག་གཅེས་སྲུང་སྐྱོབ་བྱ་རྒྱུའི་ཆེད་དུ་ཡིན་འདུག་ཅིང། ད་བར་གྱི་གནས་སྤོས་ཟིན་པའི་འབྲོག་མི་རྣམས་ལ་རྒྱ་གཞུང་ནས་སློབ་ཁང་དང། ཁང་པ་གསར་རྒྱག་བྱས་པ་དང་ལྷན། ལག་ཤེས་ཀྱི་ཟབ་སྦྱོང་སྤྲད་དེ་མ་འོངས་པར་ཚོང་འབྲེལ་གྱི་ལམ་ནས་མི་ཚེ་བསྐྱལ་རྒྱུ་ཡོང་བར་འབད་རྩོན་བྱེད་ཀྱི་ཡོད་ཚུལ་བཀོད་ཡོད་འདུག
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
གུང་ཁྲན་ཏང་།
ངེད་ཕ་བུ་ཚོ།
གནའ་ནས་ད་བར།
ད་གུང་ཁྲང་ཏང་གིས་ང་འཆི་གི་འཇུག་རྒྱུ་མ་རེད། ཟོག་ཆོ་ལག་ནས་བླངས་དང་ན་ངེད་ཕ་བུ་ཚོས་ཅི་ཞིག་གིས་འཚོ་དགོས་ནི་རེད། ངེད་ཚང་གི་ཕ་རིང་བུ་རྒྱུད་ལ་གསོག་གསོག་པོ་ཁྱེར་སོང་ན། ད་ངེད་ཕ་བུ་ཚོར་རྩམ་སྐྱ་ར་འགམ་རྒྱུ་མེད་ནོ་འདི་རེད།
ད་ནང་སྔ་ནས་སྦྲ་རྒན་ནག་ལྡང་ལྟེབ་དང་ངེ་གྲོང་ཁྱེར་ཟེར་བའི་ཟ་ངེ་ཟིང་ངེ་ཞིག་ནང་དུ་འཁྲིད་འགྲོ་རྒྱུ་ཡིན་ས་རེད། ཨ་ཤུ་རེ་གོ། ངའི་བྱིས་པ་ཚོ་མ་གཏོགས། ང་ད་འཆི་མ་རན་སྐྱིད་ཀི་ཅང་མེད། ད་འདི་ཚང་གིས་གནའང་ནས་ད་བར་ལས་རྒྱུ་ཐམས་ཅད་པོ་ལས་ཡོད། ཨ་ཤུ་རེ་གོ
འབྲོག་པ་ཚོ་གྲོང་ཁྱེར་ནང་གནས་སྤོས་བྱེད་བཅུག་པ་དེའི་སྣ་སྔ་མོའི་བོད་ཀྱི་ལུས་གསོལ་གོམ་གཞིས་དེའི་ཚོ་རྩ་ལྷག་གཏང་རྒྱུ་དང་བོད་མི་ཚང་མ་ལས་མེད་བཟོ་རྒྱུའི་ཆ་གཞིས་རེད་དྲན་གྱི་འདུག་
འབྲོག་པ་ཚོ་གྲོང་ཁྱེར་ནས་བྲན་གཡོག་གི་འཚོ་བ་རོལ་རྒྱུ་ལས་བྱ་བཞག་གཞན་གང་ཡང་རྒྱུ་མེད།རྒྱ་གདོན་འདི་ཚོ་ལ་ངོ་མས་ལས་རྒྱུ་འབྲས་ཟེར་བ་མི་འདུག
མཁྱེན་ལྡན་རྣམ་པ་ང་དེ་རིང་དྲ་གནས་འདིར་ཐེངས་དང་པོ་ཡིན་པས་ཐོག་མར་དྲ་གྲོགས་རྣམས་ལ་བཀྲ་ཤིས་བདེ་ལེགས་ཞུ།
འབྲོག་པ་གནས་སྤོ་བྱ་བའི་འཆར་གཞིའི་འདིའི་ཐད་དྲང་ཕྱོགས་ཀྱི་གནས་ཚུལ་ཕྲན་བུ་ཡོད་སྲིད་ཀྱང་། དེའི་ནང་རྒྱ་ནག་གཞུང་གིས་ས་གནས་དེ་དག་ཏུ་གཏེར་ཁ་བསྔོག་འདོན་བྱ་རྒྱུའི་ཆེད་འབྲོག་པ་ས་གནས་ནས་གནས་སྤོ་བྱ་བཅུག་གི་ཡོད་པ་དང༌། དེ་ཡང་དེ་སྔ་ཁམས་འཇོ་མདའ་ཁུལ་སོགས་སུ་ཐོག་མར་ལས་གཞི་དེ་ཚོའི་རིགས་ལག་བསྟར་བྱས་ཡོད་ཚོད་འདུག་པ་དང་། ལས་གཞི་དེ་ལག་བསྟར་བྱེད་པའི་ཐོག་མའི་བརྒྱུད་རིམ་ནང་ས་གནས་མང་ཚོགས་ལ་སྡོད་ཁང་གསར་རྒྱག་མཁོ་སྤྲོད་བྱེད་པ་དང་། གནས་སྐབས་འཚོ་བའི་རོགས་རམ་བྱས་ཡོད་པ་ལས་ཕུགས་འཕེར་བའི་ལས་གཞི་སྤེལ་མ་ཟད། ད་ཆ་དེ་སྔ་འབྲོག་པ་གནས་ཡུལ་གྱི་ས་གནས་དེ་དག་ཏུ་རྒྱ་གཞུང་ནས་གཏེར་ཁ་བཏོན་གྱི་ཡོད་པའི་གནས་ཚུལ་ཐོས་རྒྱུ་ཡོད་ལ། ཆབ་མདོ་ཁུལ་ལའང་དེ་ལྟར་བྱུང་ཡོད། དེ་བཞིན་ཨ་མདོ་མཚོ་སྔོན་ཁུལ་དུའང་གནས་ཚུལ་དེ་རིགས་མང་པོ་བྱུུང་བཞིན་ཡོད་པ་མ་ཟད། ལྷག་པར་ས་གནས་དེ་དག་ཏུ་གནས་སྤོ་བྱ་ཡུལ་གྱི་འབྲོག་པའི་ཁང་པ་དེ་དག་ཀྱང་འཕྲལ་སེལ་ཁོ་ན་ལས་ཁུངས་འཕེར་བའི་བརྟན་པོ་ཞིག་རྩ་བ་ནས་མེད་པ་རེད། ལྷག་པར་ཉེ་དུས་ལྷ་ས་གྲོང་ཁྱེར་ཁོངས་ཀྱི་མལ་གྲོ་གོང་དཀར་ཟེར་བའི་ཁོངས་སུའང་ས་གནས་ཀྱི་འབྲོག་པ་དང་ཞིང་པ་གནས་སྤོ་བྱ་རྒྱུའི་འཆར་གཞི་དེ་སྔ་ཡོད་པ་དེ་ད་ཆ་བཙན་ཤུགས་ཀྱི་ཐོག་ནས་ལག་བསྟར་བྱ་བཟོ་ཡོད་ཅིང༌། དེ་ནི་ས་གནས་དེ་ནས་གཏེར་ཁ་ལོ་མང་བཏོན་ཏེ་ད་ལྟ་ལས་གཞི་ཧ་ཅང་ཆེན་པོ་ཆགས་ཡོད་སྟབས་ས་གནས་མང་ཚོགས་ལ་འཐུང་ཆུ་དང་འབྲོག་པ་མང་ཚོགས་ཀྱི་ཕྱུག་རིགས་དུག་ཕོག་སྟེ་ཤི་འགྲོ་བའི་སྐྱོན་གནད་ལ་མི་མང་ནས་ངོ་རྒོལ་ བྱས་པ་སོགས་བྱུང་ཡོད་འདུག་ཅིང་། ས་གནས་དེའི་འབྲོག་པ་མང་ཚོགས་ཚོར་ས་གནས་དེ་ནས་སྤོས་ཏེ་ཞིང་པ་གནས་ཡུལ་གྱི་ཐང་སྡེར་སྐམ་པོ་དེ་དག་ཏུ་སྤོས་རྗེས་ཕྱུག་རིགས་བདག་སྐྱོང་གི་འབྲོག་པའི་འཚོ་ བ་དོར་ཏེ་གཏེར་ཁ་བསྔོག་འདོན་གྱི་ལས་གཞིའི་ནང་ལས་ཀར་ཞུགས་ཚེ་ཐོབ་ཆའི་ཐད་ལྡབ་འགྱུར་གྱི་ཁྱད་པར་ཐོན་ཏེ་ཕན་ཐོགས་ཆེན་པོ་ཡོད་པའི་ལོག་འགྲེལ་བྱ་བཞིན་པ་སོགས་ལས་འབྲོག་པ་གནས་སྤོ་བྱ་རྒྱུ་འདི་ནི་རྒྱ་ནག་གཞུང་ནས་དམིགས་ཡུལ་ཡོད་པའི་ཐོག་གཏེར་ཁ་བཏོན་རྒྱུའི་ལས་གཞིར་ཕན་པའི་ཆེད་དམིགས་པ་ཞིག་ཡིན་པ་ལས། བོད་རིགས་འབྲོག་པ་གནས་ཡུལ་དུ་ལོ་མང་འཚོ་སྡོད་བྱས་ཏེ་ད་ལྟ་ས་གཞིའི་འགྱུར་འགྲོས་ཀྱི་དཀའ་ངལ་ཡོང་གཞི་ཡོད་པ་ཟེར་བ་དེ་ནི་རྦད་དེ་རྫུན་གཏམ་རེད་ཅེས་ང་ཚོས་ཐག་གཅོད་ཆོག་གི་ཡོད། གལ་སྲིད་ས་གཞིའིའགྱུར་འགྲོས་ཀྱི་དཀའ་ངལ་ཡོད་ཚེ་ངེས་པར་དུ་རྒྱ་ནག་ནང་གི་གྲོང་གསེབ་ས་ཁུལ་གྱི་སྤྲང་པོ་དང་ལས་ཆེས་ཐབས་སྐྱོ་བའི་འཚོ་ཐབས་ཡར་རྒྱས་དང་། གྲོང་གསེབ་ཁུལ་གྱི་ཁོར་ཡུག་བདག་སྐྱོང་ཆེད་རྫས་འགྱུར་ལྡན་པའི་བཟོ་གྲྭ་ཁག་ཅིག་སྒོ་རྒྱབ་དགོས་ཤིང་། དེ་བས་ཀྱང་སི་ཁྲོན་དང་ཀོང་ཏུང་སོགས་རྒྱ་རིགས་སྤྲང་པོ་མང་བའི་སྤྱི་ཚོགས་ཀྱི་འཚོ་བར་བསྒྱུར་ བཅོས་བཏང་སྟ་ེཁོང་ཚོའི་སྡོད་ཁང་དང་འཚོ་བའི་མཐུན་རྐྱེན་སྐྲུན་ཏེ་ས་གཞིའི་འགྱུར་འགྲོས་ལ་གནོད་གཞིའི་དངོས་ཟོག་རྫུན་མ་བཟོ་བའི་ཐད་དམ་དྲག་བྱས་ཚེ་ཁ་ཡོད་ལག་ཡོད་ཐོག་ས་གཞིའི་འགྱུར་འགྲོས་ཀྱ6ི་ལས་གཞིར་ཕན་སྲིད་པ་ཞིག་རེད༎
ཨ་ཁ་ད་མ་འོངས་པར་བོད་ཀྱི་འབྲོག་པ་ཞེས་པ་ཞིག་མེད་པ་ཆགས་ཉེན་འདུག་ག