༼ ཁྲག་ཡིག ༽ དཔེ་དེབ་ཀྱི་རྩོམ་པ་པོ་བོད་རིག་ན་གཞོན་བཀྲ་ཤིས་རབ་བརྟན་ནམ། སྨྱུག་མིང་ལ་ཐེའུ་རང་ཞུ་བ་ཁོང་ཟླ་འདིའི་ཕྱི་ཚེས་ ༢༥ ཉིན་རྒྱ་ནག་གི་བཙོན་འོག་ནས་གློད་གྲོལ་ཐོབ་སྟེ། ཕྱིར་ཕ་ཡུལ་དུ་ལོག་གིན་ཡོད་པའི་གནས་ཚུལ་ཐོན་འདུག
ཕྱི་ཚེས་ ༢༦ ཉིན་བོད་ནས་གློག་ཀླད་བརྒྱུད་གནས་ཚུལ་འབྱོར་བ་ལྟར་ན། ཕྱི་ཚེས་ ༢༥ ཉིན་བོད་རིགས་ན་གཞོན་རྩོམ་པ་པོ་ཐེའུ་རང་ལགས་གློད་གྲོལ་ཐོབ་སྟེ། ཕྱིར་ཕ་ཡུལ་དུ་ལོག་པའི་ལམ་བར་ནས་ཁོའི་གྲོགས་པོ་ཞིག་ལ་ཁ་པར་འབྱོར་ཡོད་པ་དང་། སྐབས་དེར་ཞིབ་ཕྲའི་གནས་ཚུལ་ཁ་བརྡ་བྱེད་ལུང་མ་བྱུང་ཡང་། ཁོ་རྒྱ་ནག་ཁྲིན་ཏུའུ་བཙོན་ཁང་ཞིག་ནས་གློད་གྲོལ་ཐོབ་སྟེ། ད་ལྟ་ཕྱིར་རང་ཁྱིམ་དུ་ལོག་གིན་ཡོད་ཚུལ་དང་། ཐེངས་འདིར་བཙོན་ཁང་ནས་མནར་གཅོད་དང་ཉེས་རྡུང་ཚབས་ཆེན་དེ་འདྲ་བཏང་མ་སོང་བའི་སྐོར་རགས་ཙམ་བརྗོད་ཡོད་འདུག
ན་གཞོན་རྩོམ་པ་པོ་བཀྲ་ཤིས་རབ་བརྟན་ནམ། སྨྱུག་མིང་ལ་ཐེའུ་རང་ལགས་ནི་ནུབ་བྱང་མི་རིགས་སློབ་གྲྭ་ཆེན་མོའི་སློབ་མ་ཡིན་ལ། ༼ ཁྲག་ཡིག ༽ དཔེ་དེབ་ཀྱི་རྩོམ་པ་པོ་དང་། ༢༠༠༨ ལོའི་ཤར་དུང་རི་དུས་དེབ་ཀྱི་རྩོམ་སྒྲིག་པའང་ཡིན། རྒྱ་གཞུང་གིས་ཁོང་གི་རྩོམ་ཡིག་ཁག་ཏུ་ཆབ་སྲིད་ཀྱི་གནད་དོན་ཡོད་པའི་དོགས་གཞིའི་འོག ཟླ་ ༧ ཚེས་ ༢༦ ཉིན་དབྱར་གནང་གི་གུང་གསེང་དང་བསྟུན་ཏེ། ཕ་ཡུལ་ཐང་སྐོར་ནས་ནས་འཛིན་བཟུང་གིས་གྲོང་ཁྱེར་ཁྲིན་ཏུའུ་བཙོན་ཁང་ཞིག་ཏུ་ཟླ་གཅིག་ལ་ཉེ་བའི་རིང་བཀག་སྐྱེལ་བྱས་ཡོད་པ་དང་། ཁོང་གི་ནང་མི་དང་གྲོགས་པོ་ཚོས་ཡུན་རིང་ཞིག་ལ་ཐེའུ་རང་གར་ཡོད་ཅི་བྱུང་གི་གནས་ཚུལ་ཤེས་རྟོགས་བྱུང་མེད་ནའང་། ཉིན་འགའི་སྔོན་གློ་བུར་དུ་ཉེན་རྟོག་པས་ཁོང་གི་ནང་ལ་ཁ་པར་འབྱོར་ཏེ། ནང་མི་ཚོ་ཁོང་ལ་ཐུག་འཕྲད་བྱེད་དུ་འཇུག་རྒྱུ་ཡིན་པའི་བརྡ་བཏང་ཡོད་འདུག
རྩོམ་པ་པོ་ཐེའུ་རངལགས་གློད་གྲོལ་གཏོང་བར་དགའ་བསུ་ཞུ། བཀྲ་ཤེིས་བདེ་ལགས
དངོས་གནས་དགའ་འོས་པ་ཞིག་རེད།
ཕྱིར་འོང་ལ་རེ་བ་རྒྱག་གི་མེད། དངོས་གནས་ཡིན་ན་ཤི་གསོན་ངོ་ཐུག་པ་ལྟ་བུའི་དགའ་སྤྲོ་ཅི་ལ་མི་སྐྱེ།
ཐེའུ་རང་ལྟ་བུའི་མི་བུ་རྣམས་སྐུ་ཚེ་བརྟན་པར་ཤོག
གངས་ཅན་བོད་ཀྱི་ལས་དབང་ཞིག ཁྱི་སྤྱང་དམར་པོའི་བཙན་འོག་ནས། །བཟོད་ཐབས་མེད་བྲལ་བའི་སྡུག་བསྔལ་མནན། །ཉིན་སྐར་ལྟ་བུའི་བདེ་སྐྱིད་ཞིག །ཕྱོགས་ཙམ་ཐུབ་པས་ཐེའུ་རང་ལགས། །བཀྲ་ཤིས་ལོ་ལེགས་སྨིན་འདུན་ཞུ།།
ཡུམ་དུམ་པ་འདི་འདྲའི་གཏམ་བཟང་བོ་ཞིག་གོ་འཇོགས་ཡིད་ལ་ར་མ་ཤར།
ངས་ནི་རྒྱུན་དུ་ཐེའུ་རང་ལ་ཅི་ཞིག་བྱེད་ཀྱི་ཡོད་མིན་མ་གོ་ནས་ཡོད།
ཧ་ཅང་ཀློག་འདོད་ཆེ་བའི་ཁྲག་ཡིག་དེ་ཐབས་ལམ་ཇི་འདྲ་ཞིག་གི་སྟེང་ནས་ལག་ཏུ་འབྱོར་ཐབས་ཞིག་དྲ་གྲོགས་རྣམས་ཀྱིས་ཐུགས་རྗེ་གཟིགས།
ད་
རང་སྲོག་འབེན་ལ་འཛུགས་མཁན་རོང་རྒྱས་ཨ་གྲགས་སོགས་ལི་ཐང་གི་རྒྱལ་གཅེས་པ་ཚོ་ཡང་འདི་ལྟར་གློད་གྲོལ་ཡོང་ན་དགའ་བ་ལ། ཡིད་སྐྱོ་བ་ཞིག་ལ་ཁོང་ཚོའི་གནས་སྟངས་ཅི་ཡང་གོ་རྒྱུ་མི་འདུག།
གནས་ཚུལ་འདིས་དགའ་རུ་བཅུག་སོང་། བདེན་པ་བདེན་རྐྱང་ཡིན་པར་ཤོག གློད་གྲོལ་ལ་ཆ་རྐྱེན་གང་ཡང་མེད་པར་ཤོག
རྒྱ་གཞུང་གིས་རྒྱ་ནག་གི་འགྲོ་བ་མིའི་ཐོབ་ཐང་རྩོད་མཁན་གསུམ་ཉིན་ཤས་གོང་གློད་འདུག ད་ལྟ་བཀྲ་ཤིས་རབ་བརྟན་ལགས་ཀྱང་གློད་འདུག
དོན་གྲུབ་དབང་ཆེན་གྱི་ཁྲིམས་གཏུགས་ལའང་རེ་བ་སེན་མོ་འདྲ་ཞིག་ཡོང་གི་ཡོད་ས་རེད།
ཡིན་ཡང་། ལི་ཐང་གི་བཙོན་པ་དེ་དག་གི་གནས་སྟངས་གོ་རྒྱུ་མི་འདུག རོང་རྒྱས་ཨ་གྲགས་ཀྱང་གློད་དགོས་མོད་ཁོང་གི་སྐོར་ལ་གནས་ཚུལ་འདྲ་མི་འདུག
གངས་ཅན་ཞིང་གི་ཆོས་སྲིད་བྱ་བའི་གདུགས།།
འདེགས་པའི་སྲིད་ཞུར་གཏོགས་པའི་སྐྱེ་བོ་ཀུན།།
ལྷག་བསམ་རྣམ་དཔྱོད་དཔུང་པ་རབ་བརྟན་ཅིང་།།
སྐྱེ་ཀུན་ཕྱག་ན་པདྨོས་རྗེས་བཟུང་ཤོག།
དེ་རིང་ད་ངོ་མ་གཏམ་བཟང་གོ་སོང་། ངས་འདིའི་སྐོར་ལ་བསམ་བློ་ཡང་ཡང་བཏང་ནས་ཅང་མ་གོ་བསྡད་ཡོད། གསར་འགོད་པ་ལ་དམིགས་བསལ་ཐུགས་རྗེ་ཆེ།
ཨ་སྐྱིད་འདི་གཏམ་བཟང་འདི་འདྲ་གོ་དུས་ད། གྲོགས་ཁ་ཤས་ཤིག་བོས་ནས་དོ་དགོང་ད་སྐྱིད་སྐྱིད་ཡེ་དགོ་ཡ
འབྲོག་རུ་ཆོས་གྲགས་ལགས། དངོས་གནས་ཐེའུ་རང་ཀློད་པར་རྟེན་འབྲེལ་ཞུ་དགོས་པ་ཞིག་རེད།
ཐེའུ་རང་ལགས བཅིངས་གྲོལ་ཐོབ་པ་ལ་སྙིང་ཐག་པ་ནས་དགའ་བསུ་ཞུ
དོན་འགྲུབ་བཀྲ་ཤིས་ལགས། གསལ་བཤད་གནང་བར་ཐུགས་རྗེ་ཆེ།
ཐེའུ་རང་ཀློད་པར་རྟེན་འབྲེལ་ཞུ།
ད་དུང་ཁོངལྟ་བུ་མང་བོ་ཞིག་བཙོན་ཁང་ནང་ཡོད་པས་ང་ཚོས་རྒྱལ་སྤྱིའི་སྟེང་འབོད་སྐུལ་ཞུས་ན་ཏོག་ཙམ་ཕན་པ་ཡོད་པའི་སྐད་ཆ་གོ་རྒྱུ་འདུག
དེར་གསར་འགོད་འགན་འཛིན་རྣམ་པ་དང་། གསར་ཁང་དག་གིས་དགོངས་པ་ཟབ་མོ་གནང་རོགས་ཞེས་ཞུ་འདོད་བྱུང་།
ཁང་གསར་རྡོ་རྗེ་ལགས། གནས་ཚུལ་དེ་བདེན་པ་རེད། དེ་རིང་སྔ་དྲོ་རྒྱ་གར་ནང་ཡོད་པའི་འབྲེལ་ཡོད་ཅིག་གིས་ང་ལ་ཁ་པར་ཡོང་སྟེ། མདང་ནུབ་བོད་ནས་གློག་ཀླད་བརྒྱུད་དེ་གནས་ཚུལ་དེ་འབྱོར་སོང་ཟེར། བོད་ནས་གནས་ཚུལ་སྤྲོད་མཁན་དེ་ཐེའུ་རང་གི་གྲོགས་པོ་རེད་ལ། ཕྱི་ཚེས་ ༢༥ ཉིན་ཐེའུ་རང་བཙོན་གྲོལ་ཐོབ་སྟེ་ཕྱིར་ཕ་ཡུལ་དུ་ལོག་པའི་ལམ་བར་ནས་ཁོས་གྲོགས་པོར་ཁ་པར་བཏང་སྟེ། གོང་གི་སྐད་ཆ་དེ་དག་བཤད་ཡོད་འདུག
དངོས་གནས་གློད་ཡོད་མེད་ད་ལྟ་གཏན་གཏན་རང་མི་འདུག་ག གློག་ཀླད་བརྒྱུད་གནས་ཚུལ་འབྱོར་བ་ཙམ་ལ་ཡིད་ཆེས་མི་ཉན།
གློད་ཡོད་ན་དགའ་དགོས་པ་ཞིག་རེད།
འདི་ནི་དངོས་གནས་ཕྱི་ནང་མཉམ་རུབ་དྲིལ་བསྒྲགས་ལ་ཞུགས་པའི་རྒྱལ་ཁ་ཞིག་རེད་ལ། དགའ་འོས་པའི་དོན་དག་ཅིག་ཀྱང་རེད། དེ་བས། ཚང་མ་ལོས་དེང་ཕྱིན་འདིའི་སྒང་གི་ཉམས་མྱོང་ལེན་རྒྱུ་ཧ་ཅང་གི་གལ་ཆེན་རེད།