༧གོང་ས་མཆོག་དེ་རིང་ཐའེ་ཝན་དུ་འབྱོར་འདུག་ལ། ཐའེ་ཝན་མང་གཙོ་ཚོགས་པས་ཐེངས་འདིར་༧གོང་ས་མཆོག་ཐའེ་ཝན་ནང་ཕེབས་པ་དེ་རྒྱ་གཞུང་ལ་བཀག་འགོག་བྱེད་པའི་དབང་ཆ་མེད། ཅེས་བརྗོད་འདུག
བྷི་བྷི་གསར་ཁང་གིས་དེ་རིང་གནས་ཚུལ་སྤེལ་བ་ལྟར་ན། ཉེ་ཆར་ཐའེ་ཝན་དད་ལྡན་མང་ཚོགས་གཙོས། དམངས་གཙོ་ཚོགས་པ་དང་དྲག་རླུང་གནོད་འཚེ་ཐེབས་ཡུལ་མི་མང་གིས་རེ་སྐུལ་དང་གསོལ་འདེབས་ཞུས་ཡོད་པ་བཞིན། ༧གོང་ས་མཆོག་ལ་ཐའེ་ཝན་གཞུང་ངོས་ནས་ཆིབས་བསྒྱུར་གྱི་མཆོག་མཆན་གནང་ཡོད་པ་མ་ཟད། དེ་རིང་ཞོགས་པའི་ཆུ་ཚོད་ ༡༠ ཡས་མས་སུ་༧གོང་ས་མཆོག་ཐའེ་ཝན་ནང་ཞབས་སོར་བདེ་བར་འཁོད་ཡོད་པ་དང་། ཞབས་སོར་འཁོད་མ་ཐག་ཐའེ་ཝན་ལྷོ་ཕྱོགས་ཀྱི་གནོད་འཚེ་ཐེབས་ཡུལ་དུ་ཆིབས་བསྒྱུར་བསྐྱངས་ཏེ་དེར་ཡོད་ས་གནས་མི་མང་ལ་འཚམས་གཟིགས་གནང་ཡོད་པ་རེད། ཐའེ་ཝན་གཞུང་ནས་ཐེངས་འདིའི་༧གོང་ས་མཆོག་གི་ཆིབས་བསྒྱུར་མཛད་འཕྲིན་གྱི་བཀོད་སྒྲིག་ལྟར། སང་ཉིན་༧གོང་ས་མཆོག་གིས་དེར་ཡོད་གསར་འགོད་པ་རྣམས་ལ་གསར་འགོད་ལྷན་ཚོགས་ཤིག་སྐོང་འཆར་ཡོད་པ་དང་། གནངས་ཉིན་ནས་བཟུང་ཐའེ་ཝན་ལྷོ་ཕྱོགས་ཀྱི་གནོད་འཚེ་ཐེབས་ཡུལ་དུ་ཆིབས་བསྒྱུར་བསྐྱངས་ཏེ་དེར་ཡོད་གནོད་འཚེ་ཐེབས་ཡུལ་གྱི་མང་རྣམས་ལ་བསྔོ་སྨོན་གསོལ་འདེབས་ཞུ་རྒྱུ་ཡིན་འདུག ཡིན་ཡང་། རྒྱ་གཞུང་གིས་༧གོང་ས་མཆོག་གི་ཐེངས་འདིའི་ཆིབས་བསྒྱུར་ཐད་སྐྱོན་བརྗོད་ཤུགས་ཆེར་བྱས་ཡོད་པ་དང་། ཐེངས་འདིར་ཏཱ་ལའི་བླ་མ་གདན་ཞུ་གནང་མཁན་དེ་སྲིད་འཛིན་མཱ་ཡུན་ཇིག་གི་སྲིད་འཛིན་ཚོགས་པ་མིན་པར། ཐའེ་ཝན་ནང་གི་ཏཱ་ལའི་བླ་མ་དང་འབྲེལ་ཡོད་ཀྱི་མི་སྣ་དང་དམངས་གཙོ་ཚོགས་པའི་མི་སྣ་ཚོའི་བྱེད་སྤྱོད་ཡིན་ཚུལ་བརྗོད་ཡོད་པ་མ་ཟད། རྒྱ་ནག་ཆོས་ལུགས་ཚན་པའི་འགན་འཛིན་ཡོས་ཞོ་ཝིན་གྱིས། ཐའེ་ཝན་ནང་རང་བྱུང་གནོད་འཚེ་ཐེབས་པའི་དུས་སྐབས་འདིར་སྐྱོན་མེད་སྐྱོན་འཚོལ་བྱེད་པའི་དུས་ཤིག་མིན་པ་དང་། རང་བྱུང་གནོད་འཚེའི་གོད་ཆག་མཇུག་མ་སྒྲིལ་གོང་ཐའེ་ཝན་མི་མང་ལ་གནོད་འཚེ་འབྱུང་བའི་ཉེན་ཁ་ཡོད་པའི་བརྡ་སྤྲད་ཡོད་པ་རེད།
དེ་ལྟ་ནའང་། དམངས་གཙོ་ཚོགས་པ་གཙོས་པའི་ཐའེ་རྫོང་བདུན་གྱི་མི་མང་གིས་སྲིད་འཛིན་མཱ་ཡུན་ཇིག་གིས་༧གོང་ས་མཆོག་ལ་མཇལ་འཕྲད་བྱ་མིན་སོགས་ལ་མི་བལྟ་བར། ༧གོང་ས་མཆོག་ནི་འཛམ་གླིང་མི་མང་གི་གུས་བཀུར་བྱེད་བཞིན་པའི་དབུ་ཁྲིད་ཞིག་ཡིན་པ་དང་། ཁོང་ཉིད་ཐའེ་ཝན་གནོད་འཚེ་ཐེབས་ཡུལ་དུ་ཕེབས་པའི་ཐད་རྒྱ་ནག་གཞུང་ལ་བཀག་འགོག་གི་དབང་ཆ་ཅི་ཡང་མེད་ཚུལ་བརྗོད་ཡོད་པ་མ་ཟད། རྒྱ་ནག་ཆོས་ལུགས་ཀྱི་འགན་འཛིན་ཡོས་ཞོ་ཝིན་སོགས་ཐའེ་ཝན་མི་མང་གི་གུས་བརྩི་དང་མཐོང་ཆེན་བྱེད་བཞིན་པའི་དབུ་ཁྲིད་ལ་སྐྱོན་བརྗོད་དང་མཚན་སྨོད་བྱ་མཁན་ལ་དུས་ནམ་ཡང་ངོས་ལེན་མེད་ཅེས་བརྗོད་ཡོད་པ་མ་ཟད། ཐེངས་འདིའི་༧གོང་ས་མཆོག་གི་ཆིབས་བསྒྱུར་གྱི་མགོ་མཇུག་བར་གསུམ་ཀུན་ཏུ་སྲིད་འཛིན་མཱ་ཡུན་ཇིག་གི་སྲིད་གཞུང་གིས་གོ་སྒྲིག་དང་བརྩི་བཀུར་བྱ་དགོས་པའི་འབོད་སྐུལ་ཞུས་ཡོད་འདུག
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
དེརིང་ཁ་སང་ཐེ་ཝན་དེ་ནག་པོ་ཚོའི་པེ་ཅིང་དང་ཐན་ཅིང་སོགས་ལ་མཉམ་སྡེབ་ཀྱིས་གནམ་གཤིས་སྔོན་བརྡ་ཆགས་མེད་ཤོདབཞིན་པ་དང་། ཐེ་ཝན་གྱི་ལུས་རྩལ་པ་འགའ་འགའ་འང་ནག་པོའི་མིང་ནས་ཞུགས་དགོས་པའི་དུས་སྐབས་འདིར་ཐེ་ཝན་དུ་ཕེབས་ཐུབ་པ་ཧ་ཅང་ཡག་པོ་རེད། འོན་ཏེ་རྒྱལ་སྤྱིའི་གསརའགོད་གསར་བསྒྲགས་དེ་དེ་ལྟར་ཤོར་ཕྱིན་སོང་།
དཔུང་དང་དམག་ཚོགས་ཡང་མི་དགོས།།
མདའ་དང་མཚོན་ཆ་ཡང་མི་དགོས།།
ཡོངས་པའི་གོ་ལ་ཡི་ཟླུམ་པོ།།
ཞི་བདེ་ཁྱོད་ཉིས་ཀྱིས་བསྐྲུརསོང་།།
དཔུང་དང་དམག་ཚོགས་ཡང་མི་དགོས།།
མདའ་དང་མཚོན་ཆ་ཡང་མི་དགོས།།
ཡོངས་པའི་གོ་ལ་ཡི་ཟླུམ་པོ།།
ཞི་བདེ་ཁྱོད་ཉིས་ཀྱིས་བསྐྲུརསོང་།།
དངོས་གནས་དགའ་བ་འབུམ་གྱིས་མྱོསནས་ཡོད།
རྒྱ་ནག་གཞུང་གི་ཁོག་ན་ཁོང་ཁྲོའི་མེ་འབར་ཡང་སྡུག་གྱོང་ཡིན།
མདའ་མཚོན་གོ་ཆ་མ་བཟུང་བར། །
རང་ཉིད་གཅིག་པུས་བྱེ་བའི་བདུད། །
མ་ལུས་ཕམ་མཛད་གཡུལ་གྱི་ལས། །
ཁྱེད་ལས་གཞན་པ་སུ་ཡིས་ཤེས། །
རྗེ་རིན་པོ་ཆེའི་གསུང་ཡིན།
ཉི་མའི་འོད་ཟེར་ལ་ཕྱོགས་ཞེན་མེད་ལ།
ཞི་བདེའི་དབྱངས་འབོད་ལ་འཐེན་འཁྱེར་ཡོད་མི་སྲིད།
ཐམས་ཅད་ཞི་བདེ་ལ་དུངས་བས།
ཞི་བདེ་ལ་དུངས་བའི་མང་ཚོགས་ནི་འབྱུང་འགྱུར་གྱི་བདག་པོ་ངོ་མ་ཡིན།
༧སྐྱབས་མགོན་ལགས།
ཉིད་ཀྱི་མཛད་འཕྲིན་དར་ཞིང་རྒྱས་པར་སྨོན།།
སྣོག་འཁྲུལ་རྫུན་གསུམ་གྱིས་དུས་ནམ་ཡང་རྒྱལ་ཁ་མི་ལོན།དེ་ཕྱིར།རྒྱ་ནག་གི་ངོ་གདོང་ལ་མ་བལྟས་པར་འཛམ་གླིང་གི་ནོར་བུའི་རིན་ཐང་ལ་གདེང་འཇོག་དང་དགའ་མགུ་བྱས་པར་ཐའེ་ཝན་མི་མང་གི་གཟི་བརྗིད་དང་རྒྱལ་ཁ་རེད།
རང་རེའི་བླ་མེད་ཀྱི་དབུ་ཁྲིད་སྐྱབས་མགོན་༧གོང་ས་མཆོག་ཐའེ་ཝན་དུ་ཆིབས་བསྒྱུར་བརྐྱངས་བ་སྙིང་ཁུང་ནས་འཚམས་འདྲི་བཀྲ་ཤིས་བདེ་ལེགས་ཞུ།
རྫས་ངན་སྣ་དགུའི་གྲུབ་པའི་མཚོན་ཆ་ཞིག་མི་དགོས།།
ཇུས་ངན་ཐབས་བརྒྱ་སྟོང་གི་བློ་ཕུགས་རང་མི་དགོས།།
དགའ་སྡུག་གཅིག་ཏུ་མཚུངས་བ་གྲངས་མེད་ཀྱི་སྨན་དུ།།
བྱམས་བརྩེའི་འོད་སྟོང་འཕྲོ་བའི་གུར་ཁང་འདིའི་ཆོག་གི
རྡུལ་ཕྲན་མཚོན་གྱི་གོ་མེད་ཅིང་། །
ཕ་རོལ་དམག་ཚོགས་ག་ལ་ཡོད།།
དེས་ན་ས་སྟེང་སྐྱེ་བོ་ཀུན།།
ཁྱེད་ཀྱིས་ཅིའི་ཕྱིར་དབང་བསྒྱུར་ཏམ།།
དམག་དང་མཚོན་གྱིས་ས་སྟེང་ཀུན།།
ཡོངས་རྫོགས་དབང་བསྒྱུར་ག་ལ་ནུས།།
ཁྱེད་ཀྱི་བྱམས་བརྩེའི་མཐུ་སྟོབས་ཀྱིས།།
འཛམ་གླིང་ཞི་བདེར་མངའ་དབང་བསྒྱུར།།
མཆན་འདེབས་པ་པོ་ཚོས་ཡིག་འབྲུ་རེ་རེ་འབྲི་དུས་ཀྱང་། དག་སྡེབ་ལ་དགོངས་པ་བཞེས་ཏེ་མཆན་འདེབས་རོགས།
འདི་ནི་ངའི་གཞེན་སྐུལ་ཡིན།
ཐོད་པ་དཀར་པོ་ལྷ་ཡི་ཚོགས་ར་ན།།
སྣ་སྣེ་ནག་པོ་འདྲེ་ཡི་བར་ཆད་མང་།།
གང་ལྟར་ལྷ་དང་འདྲེ་ཡི་དབྱེ་བ་དེ།།
མགོ་ནགས་མིག་གི་ནང་ན་གསལ་ལམ་མེ།།
རབ་མཛེས་གངས་རིའི་མདོག་ཅན་གདོང་ལྔ་པ། །རབ་མཛེས་གཡུ་ཡི་རལ་པ་ངོམ་བཞིན་དུ། །རབ་བཙན་ས་གནས་འདི་དང་མ་བྲལ་ན། །རབ་མང་རི་དྭགས་ཀུན་གྱི་གཙོ་བོར་འགྱུར། །
རྨོངས་པའི་དཔོན་པོ་ཐེ་ཝེན་མ་ཡིན་ཅའུ། །ངོ་བསྟོད་གཡོ་སྒྱུ་པེ་ཅིང་དྲ་བར་འཚུད། །རང་བྱུང་རྐྱེན་ངན་རྒྱ་ལ་ཐོག་བབས་དེ། །ངེད་ཅག་བོད་མི་ཚང་ལ་གྲོགས་སུ་ཤར། །
འཛམ་གླིང་ཞི་བདེ་སྟེར་བའི་ཉིན་བྱེད་ཀྱི་འོད་དཀར།།
དམར་ཤོག་འབྱུང་བྱའི་མིག་གི་དགའ་སྟོན་དེ་མིན་ཀྱང་།།
བདེ་ལྷོད་མཆམ་མཐུན་ལམ་བཞུགས་པད་དཀར་གྱི་རིགས་མཐུན།།
ཁྲི་འབུམ་མང་པོས་དགའ་བའི་གླུ་དབྱངས་ཞིག་ཕུལ་ལོ།།
༸གོང་ས་མཆོག་ལྷ་མིའི་རྣམ་འདྲེན་རྒྱ་ཡུལ་དུ་ཞབས་སོར་འཁོད་པ།་་འོད་ལྷམ་ལྷམ་འདི་ནས་བཟུང་ཤར་ཕྱོགས་སུ་ཞི་བདེའི་དུང་སྒྲ་གྲགས་རྒྱུ་རེད།
ཁྱེད་གསུང་རྡུལ་ཕྲན་རེ་རེས་ཀྱང་།།
འཛམ་གླིང་ས་ཆེན་གཉིད་ལས་བསླངས།།
ཁྱེད་ཀྱི་གསང་གསུམ་མཛད་འཕྲིན་ཀུན།།
ས་ཆེན་འདིས་ཀྱང་ཐེག་དཀར་གྱུར།།
སྐྱབས་སུ་མཆི་བཀའ་དྲིན་ཆེ་བའི་བླ་མའི་མཛད་འཕྲིན་འདིའི་རྒྱ་ནག་གི་ལོ་མང་རིང་དངུལ་གྱིས་འགྲོ་སོང་བཏང་བའི་དམིག་ཡུལ་མ་འགྲུབ་ནི་རེད་ད་འགྲིག་སོང་།
ཁྱེད་ནི་བླ་མ། ཁྱེད་ནི་ཡི་དམ། ཁྱེད་ནི་མཁའ་འགྲོ ཇི་སྲིད་བསྐལ་བ་མ་འཇིགས་པ་དེ་སྲིད་དུ། ཉམ་ཐག་སྐྱེ་འགྲོ་གང་ན་སུ་ཡོད་པ་དེ་དག་ལ་སྐྱོང་བར་སྨོན།
འཛམ་གྱི་བདེ་དཔོན་ཆེན་པོ་༧གོང་ས་རྒྱལ་བ་ཐམས་ཅད་མཆོག་ཐན་ཝན་དུ་ཕེབས་པ་ལ་མཚམས་འབྲེལ་བཀྲ་ཤིས་བདེ་ལེགས་ཞུ་
དིང་རི་མཚོ་སྒོ་བ་འཇམ་དཔལ་ནས
རྒྱལ་བ་མཆོག་ད་རིང་ཐན་ཝན་དུ་ཕེབས་ཐོབ་པ་དཔེ་ཡག་པོ་བྱུང་།།
ལྟས་ངན་དེ་ཚོས་འདི་འདྲ་བྲིས་འདུག
http://tb.chinatibetnews.com/xzpinglun/baozhipl/2009-08/30/content_294174.htm
http://tb.tibet.cn/news/xz_news/ttxw/200908/t20090828_498147.htm
སྐྱབས་སུ་མཆི། ད་ཡིན་ན་ཉི་ཤར་སྤར་མོས་མ་ཁེབ་པ་དང་རི་ཉིལ་བ་ཐག་པས་མ་དོམ་པའི་རྒྱ་ནག་གི་དབུ་འཛིན་ཚོས་ནམ་ཞིག་རྒྱ་ནག་མི་མང་གིས་འདི་ལྟར་ཏ་ལའི་བླ་མ་གདན་འདྲེན་ཞུ་དགོས་པའི་འབོད་སྐུལ་ཞུས་ན་ཅི་ལྟར་བྱ་སྙམ་པའི་སེམས་ཁྲལ་ཅིག་ཀྱང་རང་བཞིན་གྱིས་སྐྱེས་ཡོད་པ་གདོན་མི་ཟ།