པེ་ཅིན་གྱིས་ཐའེ་ཝན་གྱི་དབུ་ཁྲིད་ཚོར་༧གོང་ས་མཆོག་གི་མཛད་འཕྲིན་ཁག་ཅིག་ཕྱིར་འཐེན་བྱ་རྒྱུའི་དགོས་འའདུན་བཏོན་ཡོད་པ་རེད།
ཕྱི་ཚེས་ ༢ ཉིན་བཙན་བྱོལ་བོད་གཞུང་གིས་བཞུགས་སྒར་ངྷ་སར་བོད་ཀྱི་དམངས་གཙོའི་དུས་དྲན་ཐེངས་ ༤༩ པ་དེ་སྲུང་གཙི་བྱས་ཡོད་ལ། ཉིན་འདིར་༧གོང་ས་མཆོག་ཐའེ་ཝན་དུ་བཞུགས་ཡོད་ལ། ༧གོང་ས་མཆོག་གིས་ཆབ་སྲིད་ཀྱི་གསུང་བཤད་གནང་བར་དོགས་ནས་ཐའེ་ཝན་གྱི་དབུ་ཁྲིད་དག་གིས་༧གོང་ས་མཆོག་གི་མཛད་འཆར་ཁག་ཅིག་ཕྱིར་འཐེན་བྱེད་དུ་བཅུག་འདུག་ལ། དེའི་ཁྲོད་དུ། གསར་འགོད་འདུ་འཛོམས་ཀྱི་མཛད་རིམ་དང་། གསར་འགོད་པ་རྣམས་ལ་བཅར་འདྲི་དང་ལེན་བྱེད་དུ་མི་འཇུག་པ། དེ་བཞིན་༧གོང་ས་མཆོག་གིས་མི་གྲངས་ཁྲི་གཅིག་ ༡༠༠༠༠ ལྷག་ལ་གསུང་བཤད་གནང་རྒྱུའི་མཛད་རིམ་ཡོད་པ་དེ་དག་ཕྱིར་འཐེན་བྱ་དགོས་པའི་འབོད་སྐུལ་ཞུས་ཡོད་འདུག་ཅེས་བོད་མི་མང་སྤྱི་འཐུས་བསྟན་འཛིན་མཁས་གྲུབ་ལགས་ཀྱིས་རོའི་ཊར་གསར་ཁང་ལ་ཕྱི་ཚེས་ ༢ ཉིན་བཤད་ཡོད་པ་རེད།
བོད་མི་མང་སྤྱི་འཐུས་བསྟན་འཛིན་མཁས་གྲུབ་ལགས་ཀྱང་ཐའེ་པེ་རུ་བཞུགས་ཡོད་ལ། ཁོང་གིས་གསུངས་དོན། པེ་ཅིན་གྱི་དབུ་ཁྲིད་ཚོས་༧གོང་ས་མཆོག་གིས་གླིང་ཕྲན་འདིའི་ནང་དུ་གསུང་བཤད་གནང་བར་སེམས་ཁྲལ་བྱེད་ཀྱིན་ཡོད་ལ། ཐའེ་ཝན་གཞུང་གིས་ཀྱང་རང་ཚུགས་མ་བཟུང་བར་པེ་ཅིན་གྱི་སྐད་ཆར་ཉན་པ་རེད། འདི་ནི་གུང་ཁྲན་ཏང་གི་ཐའེ་ཝན་མ་རེད། འདི་ནི་དམངས་གཙོའི་ཐའེ་ཝན་རེད། ཡིན་ཡང་། ༧གོང་ས་མཆོག་གིས་མགྲོན་བདག་ཚང་ལ་དཀའ་ལས་གཏད་འདོད་ཡོད་པ་མ་རེད་ཅེས་གསུངས་ཡོད་པ་རེད།
ཐའེ་ཝན་སྲིད་འཛིན་མ་ཡུན་ཇིག་གི་མགྲིན་ཚབ་པ་ ཊོ་ནེ་ཝང་གིས་བཤད་དོན། པེ་ཅིན་གྱིས་སྲིད་འཛིན་མ་ཡུན་ཇིག་ལ་༧གོང་ས་ཏཱ་ལའི་བླ་མ་མཆོག་གི་མཛད་འཕྲིན་ཁག་ལ་སྟངས་འཛིན་བྱ་དགོས་སྐོར་བཤད་ཡོད་པ་མ་རེད། ཏཱ་ལའི་བླ་མ་མཆོག་གི་མཛད་འཕྲིན་ཁག་ནི་ཁོང་གི་ཐུགས་འདོད་ལྟར་རེད། སྲིད་འཛིན་གྱི་ལས་ཁུངས་ཀྱིས་ཁོང་གི་ཐག་གཅོད་ཚང་མར་བརྩི་བཀུར་བྱེད་ངེས་ཡིན་ཅེས་བཤད་ཡོད་པ་རེད།
པེ་ཅིན་གྱིས་ཐེངས་འདིར་སྲིད་འཛིན་མ་ཡུན་ཇིག་ལ་དམིགས་བསལ་གྱི་སྐྱོན་བརྗོད་བྱས་མེད། ཡིན་ཡང་། ༧གོང་ས་མཆོག་ཐེངས་འདིར་ཐའེ་ཝན་དུ་ཕེབས་པར་བརྟེན་རྒྱ་ནག་དང་ཐའེ་ཝན་གཉིས་བར་གྱི་ལས་དོན་བའི་རིགས་ནར་འགྱངས་བྱས་ཡོད་པ་རེད།
པེ་ཅིན་དང་ཐའེ་ཝན་གཉིས་ཀྱིས་ལོ་འདིའི་ལོ་དཀྱིལ་ནས་བཟུང་མཉམ་ལས་མགོ་བཙུགས་ཏེ། འདས་པའི་ལོ་ ༦༠ རིང་གི་རྨ་ཁ་གསོ་ཐབས་བྱེད་ཀྱིན་ཡོད་པ་རེད། དེར་བརྟེན་འབྲེལ་ལམ་འདིར་དོ་ཕོག་ཆེན་པོ་མི་ཡོང་བའི་ཆེད་དུ་པེ་ཅིན་གྱིས་སྲིད་འཛིན་མ་ཡུན་ཇིག་ལ་སྐྱོན་བརྗོད་བྱེད་མ་ཐུབ་པར་ངོས་འཛིན་བྱེད་ཀྱིན་ཡོད་པ་རེད།
དེ་རིང་པེ་ཅིན་གྱི་གསར་འགོད་འདུ་འཛོམས་ཤིག་གི་སྟེང་དུ་བོད་རང་སྐྱོང་ལྗོངས་ཀྱི་སྲིད་སྐྱོང་བ་གཞོན་པ་པད་མ་འཕྲིན་ལས་ཀྱིས་བཤད་དོན། ཁོས་ད་དུང་མེས་རྒྱལ་ཁ་བྲལ་གྱི་ལས་འགུལ་མཚམས་འཇོག་གི་ཡོད་པ་མ་རེད། ཁོང་མི་ལོ་ ༥༠ ཡར་སྔོན་ནས་ཕྱི་ཕྱོགས་ལ་བྲོས་པ་རེད། དུས་དེ་ནས་བཟུང་ཁོས་མང་ཚོགས་དང་གསར་འགོད་བརྒྱུད་ལམ་ཁག་ལ་མགོ་སྐོར་བསླུ་བྲིད་བྱེད་པ་མཚམས་འཇོག་མྱོང་ཡོད་པ་མ་རེད་ཅེས་བརྗོད་འདུག
༧གོང་ས་མཆོག་གིས་ཐའེ་ཝན་ནས་གསུངས་དོན། ཁོང་གིས་ཐེངས་འདིར་ཐའེ་ཝན་ནང་གཟིགས་སྐོར་གནང་བ་དེས་པེ་ཅིན་དང་ཐའེ་པེ་ཡི་འབྲེལ་བར་དོ་ཕོག་བྱུང་ཡོད་མེད་དེ་འབྱུང་འགྱུར་ཟླ་བ་དྲུག་ནས་བཅུ་གཉིས་ཀྱི་རིང་ལ་གསལ་བོར་རྟོགས་ཐུབ་གི་རེད་ཅེས་གསུངས་འདུག
མི་རིགས་གཞན་གྱི་གང་བཤད་ཀྱང་བློ་ཕམ་དགོས་པ་་གང་ཡང་མེད་ཀྱང་རིགས་རུས་གཅིག་པའི་སྤུན་ཟླ་ཞིག་གི་དེ་ལྟ་བཤད་པ་ནི་དངོས་གནས་བློ་ཕམ་ཚད་མེད་བྱུང་ཡིན་ན་ཡང་དེ་ནི་སྐུ་ཉིད་ཀྱི་སེམས་སྟིང་གི་སྐད་ཆ་མིན་པའི་རེ་བ་བྱེད་ཀྱི་ཡོད། ཐེ་ཝཎ་གྱི་སྲིད་འཛིན་དེ་དངོས་གནས་རྒྱ་མི་རིགས་ཀྱི་གླད་རྙིང་ཁྲིད་འཛིན་བྱེད་མཁན་ཞིག་རེད་འདུག།
མི་ཡི་ལས་རྟེན་དུད་འགྲོའི་བྱ་སྤྱོད་ཅན།།
ཁྱི་ལྟོ་འགྲང་ཚད་རེག་པའི་པདྨ་ཁྱོད།།
ཨ་བ་གླང་མགོའི་གྲོང་ཁྱེར་མ་མཐོང་བར།།
རྒྱ་དཔོན་ཀྲང་གི་རྐུབ་དང་བྲལ་མེད་བྱོས།།
ལྟ་བ་སྲིད་ཀྱི་ལངས་ཕྱོགས་མ་མཐུན་ཡང་།།
དོན་གྱི་གནད་ལ་ཁེལ་བའི་ཉིན་མོ་དེར།།
རྒྱ་འདྲེ་ཆེ་ཆུང་གཉིས་ཀྱི་ཁོག་པ་ན།།
མི་རིགས་ཆེན་པོ་ཞིག་གི་བག་ཆགས་ཤིག།
ཐའེ་ཝན་གྱི་ས་གནས་ཚགས་པར་ཁང་ཞིག་གིས་ཐེངས་འདིར་༧གོང་ས་མཆོག་གླིང་ཕྲན་དེའི་ནང་ཕེབས་པའི་ཐད་བསམ་ཤོག་བསྡུས་པར། བརྒྱ་ཆ་ ༦༠ ཡིས་རྒྱབ་སྐྱོར་གནང་འདུག
ངའི་བསམ་ཚུལ་ཡིན་ན་ཐའེ་ཝན་མི་དམངས་ཀྱི་རྒྱབ་སྐྱོར་གྱི་ཚད་ད་དུང་ཤུགས་ཆུང་ཆུང་རེད་སྙམ།
བོད་རང་སྐྱོང་ལྗོངས་ཀྱི་སྲིད་སྐྱོང་བ་གཞོན་པ་པད་མ་འཕྲིན་ལས་ཟེར་བ་འདི་དམར་ཕྱོགས་རང་ལུགས་པའི་རྒྱུག་ཁྱི་དང་གཡམ་རྒྱུགས་བྱེད་མཁན་ཞིག་ཡིན་པ་གདོན་མི་ཟ
རྒྱའི་སྲིད་གཞུང་གིས་འདྲེ་ལག་འདི་དངོས་ནས་རིང་གི རིང་བ་ཙམ་མ་ཟད། ནུས་པ་ཡང་ཐོན་འདུག དམངས་གཙོའི་གཞུང་དུ་གྲགས་པའི་ཐེ་ཝན་འདི་ཚང་ལ་འདི་འདྲའི་སྟངས་འཛིན་ཞིག་ཐུབ་ཀྱི་ཡོད་པ་འདིས། ད་ནི་མི་རིང་བར་རྒྱའི་སྲིད་གཞུང་གི་མངའ་ཁུངས་དུ་འགྲོ་འདོད་ཡོད་པའི་དབུ་ཁྲིད་དག་ཡོད་པ་མཚོན་གྱི་ཡོད་པ་ལས། ཕན་ཚུན་གྱི་འབྲེལ་ལམ་གཅིག་བུར་བསམ་པ་ཞིག་གཏན་ནས་མ་རེད། ཕན་ཚུན་གྱི་འབྲེལ་ལམ་ནི་ཕྱོགས་གཉིས་ཀྱི་བསམ་དགོས་པ་ཞིག་ལས། ཐེ་ཝན་གཅིག་བུའི་འགན་ཐེགས་པ་ཞིག་གཏན་ནས་མ་ཡིན་ནོ།