ཕྱི་ཚེས་ ༣ ཉིན་བྷི་བྷི་སི་ཡིས་གནས་ཚུལ་སྤེལ་བ་ལྟར་ན། ཞིན་ཅང་གི་ཝུ་རུ་མི་ཆི་རུ་ངོ་རྒོལ་གསར་པ་ཞིག་བྱུང་འདུག་ཟེར།
ཐེངས་འདིའི་ངོ་རྒོལ་ནི་ཡུ་གུར་མི་རིགས་ཀྱི་ངོ་རྒོལ་མིན་པར། རྒྱལ་ས་དེར་ཡོད་པའི་རྒྱ་རིགས་ཚོས་མངའ་སྡེ་གཞུང་དང་ཉེན་རྟོག་པར་ངོ་རྒོལ་བྱས་པར་བཤད་ལ། གནས་ཚུལ་མཁོ་སྤྲོད་པས་བྷི་བྷི་སི་ལ་བཤད་པ་ལྟར་ན། ཟླ་གཉིས་གོང་གི་ཞིན་ཅང་གི་ངོ་རྒོལ་རྗེས་ནས་བཟུང་ས་ཁུལ་དེར་བདེ་སྲུང་དམ་དྲག་ཤུགས་ཆེར་བྱེད་བཞིན་པ་དང་། མི་རྣམས་རྒྱལ་སའི་མི་དམངས་ཐང་ཆེན་དུ་འགྲོ་བར་ཡང་བཀག་འགོག་བྱེད་བཞིན་པར་བརྟེན་རྒྱ་རིགས་ཚོས་གཞུང་ལ་ངོ་རྒོལ་བྱས་པ་རེད་ཟེར།
གང་ན་གཉའ་གནོན་ཡོད་ན་དེ་ན་ངོ་རྒོལ་ཡོད་ཟེར་བ་ནི་སྤུན་ཟླ་ཀུན་གྱིས་ཤེས་གསལ་རེད་ལགས། འགྲོ་བ་མི་ཞིག་ཡིན་དུས་གཉའ་གནོན་ལ་རྟག་དུ་མགོ་བོ་བསྒུར་ནས་འདུག་རྒྱུ་དེ་ནི་ལས་སླ་བོ་ཞིག་ག་ལ་ཡིན། སྡུག་ལ་ཐུག་ན་རང་གི་སྲོག་ཡིན་ཡང་འགྲོ་སོང་གཏོང་དགོས་པའི་བློ་ཐག་ཆོད་ཀྱི་ཡོད་པ་རེད། ད་ནི་རྒྱའི་སྲིད་གཞུང་གིས་གཉའ་གནོན་དང་ཐུབ་ཚོད་ཀྱི་རིགས་འདི་དག་མཚམས་འཇོག་བྱས་ན་རེད།
ངོ་མ་དོན་དམ་སྐད་འབོད་ཐོན་ཡོང་གི་འདུག
འདི་ཚོས་གནད་དོན་རེ་སློང་ཐུབ་རྒྱུའི་རེ་བ་ཆེན་པོ་ཡོད།
འདི་འདྲའི་གོ་སྐབས་དང་བསྟུན་ནས་ཚང་མས་ཕྱ་གྲུ་མཉམ་འདེགས་ཀྱིས་ཕྱོགས་ཡོངས་ནས་སུན་བཙིར་ཞིག་བྱེད་ཐུབ་ན་ཅི་མ་རུང་ཨང་།
ཐེངས་སྔོན་མར་ཞིན་ཅང་མི་དམངས་ལངས་པ་དམངས་གཙོ་དང་འགྲོ་བ་མའི་ཐོབ་ཐང་གི་ཆེད་རེད། ད་ཐེངས་ཞིན་ཅང་ནང་རྒྱ་རོ་འདི་ཚོ་ལངས་པ་རང་ཉིད་གནས་སྡོད་བྱ་སའི་མི་མང་གིས་ཁོ་ཚོར་འཛིན་པའི་རྣམ་འགྱུར་གྱི་ཆེད་ལས་གཞན་ཅི་ཡང་མིན། དེ་མ་གཏོགས་པས་རྒྱ་མི་དེ་ཚོས་ཞིན་ཅང་མི་རིགས་ཀྱི་བདེ་སྡུག་མཉམ་འཁུར་བྱེད་པའི་ཆེད་དུ་མིན་པ་ཐག་གིས་ཆོད། དྲ་གྲོགས་ཚོ་དེ་འདྲ་བ་ཞིག་རེད་དམ།
གནས་ཚུལ་འདི་ཚོའི་ཕར་སྐུལ་ལྕག་བྱ་རྒྱུ་དེ་གཙོ་བོ་མ་ཡིན་པར་རང་རང་གི་ནུས་པའི་སྟེང་ནས་སྤྱི་དོན་ཐོག་ལས་དོན་ཆུང་ཚགས་རེ་ཚུན་ནས་བསྒྲུབ་ཐུབ་ན་ཡིད་དགའ་དགོས་པ་ཞིག་རེད།
དེང་སང་གི་སྤྱི་ཚོགས་འདིའི་གང་ཟག་མི་ཉུང་བ་ཞིག་གིས་མཛུབ་མོ་ཕར་འཛུགས་པ་ལས་ཚུར་འཛུགས་ཀྱིན་མི་འདུག་སྙམ་པའི་ཚོར་སྣང་ཡོང་གི་འདུག
དེ་དོན་དྲ་གྲོགས་ཚོས་རང་གི་རང་ལ་མཛུབ་མོ་ཞིག་བཙུགས་ནས་ད་བར་གྱི་མི་ཚེ་འདིར་ཕྱིར་འདང་ཞིག་རྒྱོབས་དང་།
ད་གཟོད་ང་ཚོས་སྐད་ཆ་གང་ཞིག་ཤོད་དགོས་མིན་རྟོགས་ངེས།།
དྲ་གྲོགས་ཚ་ཕྲུག་འདུན་མཚོ་ལགས། ཉིད་ཀྱི་སྐད་ཆ་སྣང་བ་འགྲོ་སོང་། ཁྱོད་ཀྱི་སྐད་ཆ་གོ་དུས་ཏན་ཏན་རང་གིས་རང་ལ་དྲི་བ་ཞིག་དྲིས་ན་འདོད་བྱུང་།
གྲོགས་པོ་ཁྱེད་ཀྱི་གསུང་པ་དེ་དངོས་གནས་བཟང་ཀྱང་རང་སྟིང་ནས་མགོ་རྩམ་དགོས་པ་ཧ་ཅང་གལ་ཆེ། དེང་གི་ཆ་བྱེས་སྡོད་བོད་མི་ཚང་མའི་བོད་གཞུང་དང་ཡང་ན་གཞུང་འབྲེལ་མ་ཡིན་པའི་ཚོགས་པ་ཁག་ལ་རེ་བ་རྐྱང་རྐྱང་རྒྱབ་ནས་སྡོས་ཡོད་པའི་ཚོར་སྣང་བྱུང་། སྐུ་ཉིད་ཀྱང་དེའི་ཁུངས་སུ་འདུས་ཡོད་པ་ན་ཡིན་ནམ། དེ་ལྟར་སེམས་དུས་སྐུ་ཉིད་ཀྱང་རྨི་ལམ་ལ་ཡིད་ཆེས་བྱས་ནས་སྡོད་ཡོད་པ་ཤེས་ནུས་སོ་།
གྲོགས་པོ་སྦྲ་དཔལ་ལྡན་ལགས་ང་ཚོ་ཚོགས་པ་ལྔ་བོའི་མི་རྒྱུ་གཉིས་་ཀྱི་བཀོད་འདོམས་གྱི་ཐོབ་ཐང་ཚ་ཚང་ང་ལ་རྩིས་སྤྲོད་ནམ་བྱེད་ན་དེ་དུས་ལངས་རྒྱུ་ཡིན། དེ་པར་དུ་རྨི་ལམ་ཞིང་ཁམས་འགྲིམ་ན་སྐྱིད་པོ་རེད་ཡ།
ཨོ་ཡང་ཤིན་ཅང་ལངས་ཀྱི་ཡོད་ས་རེད། འུ་ཚོ་ག་དུས་ལངས་རྒྱུ་ཡིན་ན། བོད་ནང་ནས་མུ་འཐད་ལངས་ཀྱི་འདུག་མོད། འི་ཚོ་བཙན་བྱོལ་བ་ཚང་མ་རྨི་ལམ་ལ་ཡིད་ཆེས་བྱས་བསྡད་ཡོད་ས་རེད། ཤིན་ཅང་གི་རྒྱ་མི་དེ་ཚོ་ལས་སླ་བོ་མི་འདུག་ཀ ངོ་མ་གཟི་བརྗིད་རེད་ཡ་