བཀའ་ཁྲི་མཆོག་གིས་རྒྱ་ནག་གི་དམག་མི་ལ་དྭགས་སུ་འཛུལ་བའི་སྐོར་རྒྱ་གར་ལ་ཉེན་བརྡ་བཏང་དོན། རྒྱ་ནག་གིས་ཅི་བཤད་ལ་མི་ཉན་པར་ཅི་སྒྲུབ་ལ་ལྟོས་ཞེས་གསུངས་ཡོད་པ་རེད།
བཀའ་ཁྲི་ཟམ་གདོང་རིན་པོ་ཆེ་མཆོག་གིས་ཕྱི་ཚེས་ ༡༤ ཉིན་རྒྱ་གར་གྱི་ ANI གསར་ཁང་ལ་གསུངས་དོན། ཁྱེད་ཚོས་རྒྱ་ནག་གིས་ག་རེ་བཤད་ཀྱིན་པ་དེར་མི་ཉན་པར། རྒྱ་ནག་གིས་ག་རེ་སྒྲུབ་གིན་འདུག་དེ་ལ་ལྟ་རོགས། ས་མཚསམ་ཀྱི་སུམ་འཛུལ་དག་སྟེ། དེ་ཡང་བྱང་ཤར་ས་མཚམས་ཁོ་ན་མ་ཡིན་པར་ནུབ་ཕྱོགས་ཀྱི་མཐའ་མཚམས་དང་ལྷག་པར་དུ་ལ་དྭགས་ཀྱི་ཕྱོགས་རེད། ལ་དྭགས་ཀྱི་འབྲོག་པ་མང་པོ་ཞིག་ལ་བསུན་གཙེར་ཆེན་པོ་བྱུང་འདུག ཅེས་དང་། རྒྱ་ནག་གི་དམག་དེ་ཚོ་ཚུར་རྒྱང་ཐག་ངེས་ཅན་ཞིག་ལ་བསླེབས་པ་མ་ཟད། ཕ་བོང་དེ་དག་གི་སྟེང་དུ་ཚོན་ཁྲ་ཡང་བྱུག་འདུག འདི་ནི་ཁྱོན་ནས་ངོས་ལེན་བྱེད་ཐབས་མེད་པ་ཞིག་རེད་ཅེས་གསུངས་ཚུལ་ ANI གསར་ཁང་གིས་སྤེལ་ཡོད་པ་རེད།
གསར་ཁང་དེས་རིན་པོ་ཆེའི་དགོངས་ཚུལ་སྟེང་ལ་ལྟ་ཚུལ་སྤེལ་དོན། འདི་ནི་བཙན་བྱོལ་བོད་མིའི་དབུ་ཁྲིད་ཅིག་གིས་རྒྱ་དཀར་ནག་གཉིས་ཀྱི་འབྲེལ་བའི་ཐད་སྲིད་དོན་གྱི་བསྒྲགས་གཏམ་སྤེལ་བ་དཀོན་པོ་ཞིག་རེད་ཟེར།
སྤྱིར་ཁ་སངས་ན་གོ་བདེ། ནམ་ལངས་ན་འགྲོ་བདེ། ཞེས་ཟེར་སྲོལ་ཡོད་ཀྱང་སྐབས་བབ་ཀྱི་གནད་དོན་འགའ་ཤས་ཐོག ཕོ་རྒོད་པ་ལས་གཉིད་སྐྱིད་ན་དགའ། ཞེས་བཤད་སྲོལ་ཡོད།
སྟག་སེང་བར་ན་ལུག་གུ་ཉམས་ཆུང་ཞིག
རྒྱལ་བོའི་རྒྱལ་ས་མ་བདེ་ན་སྤྲང་བའི་ཉལ་ས་མི་བདེ་ཅི་མི་བདེན།
ཨ་རོགས་ཚོར། ད་ཅང་༼ཅི་ཡང་༽མི་བཤད།
རྒྱ་དཀར་ནག་གཉིས་ཀྱིས་བོད་ས་བརྩད་དེ་བསྡད་དུས། བོད་པ་འདི་ཚང་སྙིང་རེ་རྗེ།
མཁས་པའི་ཚིག་འདི་གནམ་ལྕགས་ཐོག རྒྱ་གར་གྱིས་ཡང་མིན་ན་ས་ཆ་དེ་དག་རྒྱ་ནག་ལ་རྩིས་སྤྲད་ན་མ་གཏོགས་དམག་འཐབ་ཐེངས་གཅིག་རྒྱག་དགོས་པ་དངོས་ཡོད་ཀྱི་ལུང་བསྟན་གནང་ཚར་ཡོད་པར་འདོད། རྒྱ་ནག་ལ་དགོས་པ་དེ་མིང་རེད་མ་གཏོགས་གདོང་ལྤགས་མ་རེད། སྐབས་དེར་སླེབས་ཚར་ན་ཕྱི་ནད་བྱེད་ཀྱི་མ་རེད། རྒྱ་གར་ལ་ལྟ།