བོད་ཀྱི་རྩོམ་པོ་ནག་པོ་སྐལ་བཟང་ལགས་ཀྱི་བརྩམས་སྒྲུང་དམྱལ་ཟངས་ནང་ན་ཀུ་རེ་མེད་ཅེས་པའི་སྒྲུང་དེབ་པར་སྐྲུན་འགྲེམས་སྤེལ་བྱས་་འདུག
ཕྱི་ཚེས་ ༡༨ ཉིན་བོད་ལྗོངས་ཆ་འཕྲིམ་དྲ་བས་གནས་ཚུལ་སྤེལ་བ་ལྟར་ན། བོད་ཀྱི་དྲག་རྩལ་སྒྲུང་རིང་ཀླུ་འབུམ་མི་རྒོད་ཀྱི་རྩོམ་པ་པོ་ནག་པོ་སྐལ་བཟང་ལགས་ཀྱིས་བརྩམས་པའི་སྒྲུང་གཏམ་རིང་མོ། དམྱལ་ཟངས་ནང་ན་ཀུ་རེ་མེད། ཅེས་པའི་དཔེ་དེབ་དེ་ཉེ་ཆར་མཚོ་སྔོན་མི་རིགས་དཔེ་སྐྲུན་ཁང་གིས་པར་སྐྲུན་འགྲེམས་སྤེལ་བྱས་ཡོད་ལ། ཁོང་གིས་འདས་པའི་དུས་སུ་བརྩམས་པའི་ཀླུ་འབུམ་མི་རྒོད་ཅེས་པའི་སྒྲུང་རིང་དེ་ ༡༩༩༡ ལོ་ནས་མཚོ་སྔོན་མང་ཚོགས་སྒྱུ་རྩལ་ཁང་གིས་མུ་འགོད་བྱས་ཤིང་། རྗེས་སུ་དཔེ་དེབ་ཀྱི་ལམ་ནས་པར་སྐྲུན་འགྲེམས་སྤེལ་བྱས་པར་རྒྱ་ཆེའི་ཀློག་པ་པོ་མང་པོས་དགའ་བསུ་ཆེན་པོ་ཐོབ་ཡོད་པ་དང་། དེང་རབས་བོད་ཀྱི་དྲག་རྩལ་གྱི་སྒྲུང་གཏམ་ལ་སྔར་མེད་ཀྱི་སྟོང་ཆ་སྐོང་བར་བྱས་ཡོད་པ་རེད།
ཀླུ་འབུམ་མི་རྒོད་ཅེས་པའི་སྒྲུང་རིང་དེ་ཉིད་བརྩམས་ཏེ་མི་ལོ་ ༡༨ འདས་པའི་དེ་རིང་ཁོང་གིས་བརྩམས་པའི་དམྱལ་ཟངས་ནང་ན་ཀུ་རེ་མེད་ཅེས་པའི་བརྩམས་ཆོས་དེ་ནི། ཁོང་གིས་བོད་ཡིག་གི་ལམ་ནས་བྲིས་པའི་སྒྲུང་རིང་ཉེན་རྟོག་པ་དང་ཇག་པའི་འཐབ་འཁྲུབ་གི་སྒྲུང་གཏམ་ཐོག་མ་ཆགས་ཡོད་ལ། བརྩམས་ཆོས་འདི་ཉིད་སྤྱི་ལོ་ ༢༠༠༣ ལོ་ནས་བཟུང་ཀན་སུའུ་ཞིང་ཆེན་གྱི་ཟླ་ཟེར་དུས་དེབ་སྟེང་མུ་འགོད་བྱས་ཚར་རྗེས། ཐེངས་འདིར་ཁོང་གིས་གོ་བདེ་ཞིང་མི་རིགས་རང་གི་སྐད་ཆའི་སྒྱུ་རྩལ་ཕུན་སུམ་ཚོགས་པའི་སྒྲུང་དེབ་དེ་རྒྱ་ཆེའི་ཀློག་པ་པོའི་སྤྱན་ལམ་དུ་ཕུལ་ཡོད་པ་རེད།
དགའ་བསུ་ཡོད།ཁོང་ལྟ་བུའི་རྩོམ་པ་པོ་ནི་འུ་ཚོར་ཤིན་ཏུ་མཁོ།
རེད། ཀླ་འབུམ་མི་རྒོད་ནང་ན་བོད་ཀྱི་ཐུན་མོངས་མ་ཡིན་པའི་དྲག་རྩལ་སྐོར་ཡང་ཡོད་པ་མིན་ནམ། ཁོང་ནི་དངོས་གནས་བོད་ཀྱི་སྒྲུང་ཁྱད་འཕགས་ཤིག་རེད། སྒྲུང་འདི་ང་ཚོར་ནམ་ཞིག་ལ་རགས་ཀི་ཡོད་ན།
སྒྲུང་རྩོམ་གསར་དུ་ཐོན་པར་འཚམས་འདྲི་ཞུ།
ཡང་ནོར་འདུག་གོ
བོད་ལྗོངས་ཆ་འཕྲིམ། བོད་ལྗོངས་ཆ་འཕྲིན།
འཐབ་འཁྲུབ་གི་ འཐབ་འཁྲུག་གི་
སྒྱུང་དེབ་དེ་དངོས་གནས་སྒྱུ་རྩལ་དང་ལྡན་པ་མ་ཟད་ཆབ་སྲིད་དང་ལྡན་པའི་ཡིད་ཆེས་ཡོད།སྒྲུང་དེབ་དེ་མཐོང་འདོདཆེན་པོ་སྐྱེས་སོང་།མགྱོགས་པོ་རགས་པའི་རེ་བ་ཡོད་རེད།