མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

རྒྱ་ནག་གི་ཚང་འཛོམས་གྲོས་ཚོགས་སྟེང་ཐག་གཅོད་ཅི་ཞིག་བླངས་ཡོད་དམ།

བོད་ཀྱི་དུས་བབ།
༢༠༢༦/༡༡/༠༢
Share on FacebookShare on TwitterShare on EmailShare on Whatsapp

རྒྱ་ནག་གཞུང་ཕྱོགས་ནས་ཕྱི་ཟླ་ ༡༠ ཚེས་ ༢༦ ནས་ ༢༩ བར་འཚོགས་པའི་སྐབས་ལྔ་བའི་ཚང་འཛོམས་གྲོས་ཚོགས་སྟེང་གི་ཐག་གཅོད་གནད་བསྡུས་ཟེར་བ་ཡོངས་བསྒྲགས་བྱས་པར་གཞིགས་ན། ཡིག་ཐོག་ཏུ་བཀོད་མེད་པའི་སྒྲིག་ཁྲིམས་ལ་རྒོལ་རྡུང་ཚ་འདེད་བྱས་ཏེ། ཞི་ཅིན་ཕིན་གྱི་ལྐོག་ཟ་རུལ་སུངས་ཀྱི་ལས་འགུལ་དེ་དམར་ཤོག་ཚོགས་པའི་དཔོན་རིགས་ནང་ཁུལ་གྱི་དབང་ཆ་འཐབ་རྩོད་བྱེད་ཆེད་མིན་པར། དེ་ནི་ཁྲིམས་ལུགས་ཀྱིས་བསྐྱངས་ཤིང་ཕྱི་གསལ་ནང་གསལ་གྱིས་དམར་ཤོག་ཚོགས་པའི་ཕུགས་མདུན་དངོས་སྐྱོང་སྟངས་ཚད་ལྡན་ཞིག་ཡིན་པར་སྟོན་ཐབས་བྱས་འདུག

China’s Fifth Plenum: Anti-Corruption Drive or Consolidation of Xi Jinping’s Power?

ཡིག་ཐོག་ཏུ་བཀོད་མེད་པའི་སྒྲིག་ཁྲིམས་ཞེས་པ་དེའི་འོག་ནས་དབང་ཆ་ཡོད་མཁན་གྱི་དམར་ཤོག་ཚོགས་པའི་དཔོན་རིགས་ཚོར་གཞན་གྱི་ལས་ཀ་དང་ཞབས་ཞུ། གོ་གནས་མཐོ་རུ་གཏོང་བ། གན་རྒྱ། ས་ཆ་གླས་པ། ཡང་ན་སྤྱི་ཚོགས་ཀྱི་བདེ་འཇགས་ཐོབ་ཐང་དང་སློབ་འཇུག་སོགས་ཀྱི་ཆེད་དུ་ཁ་གསབ་ངེས་པར་དུ་སྤྲོད་དགོས་ཀྱི་ཡོད་པ་དང་། ཁ་གསབ་དེ་ནི་དངུལ་དངོས་དང་འཁྲིག་སྤྱོད་སོགས་རྣམ་པ་འདྲ་མིན་གྱི་ཐོག་ནས་ལེན་གྱི་ཡོད་ཅིང་། ཞི་ཅིན་ཕིན་གྱིས་ལྐོག་ཟ་རུལ་སུངས་ཀྱི་ལས་འགུལ་སྤེལ་ནས་ལོ་ངོ་ ༡༤ ཕྱིན་ཡོད་ཀྱང་། དམར་ཤོག་ཚོགས་པའི་དབང་ཡོད་དཔོན་རིགས་ཚོས་མི་མངོན་པའམ་ཡིག་ཐོག་ཏུ་བཀོད་མེད་པའི་ཁྲིམས་སྒྲིག་ཞེས་པར་ཁ་གཡར་ནས་ལྐོག་ཟ་རུལ་སུངས་མུ་མཐུད་བྱེད་བཞིན་པ་གསལ་བོ་མངོན་ཡོད།

ཡིག་ཐོག་ཏུ་བཀོད་མེད་པའི་སྒྲིག་ཁྲིམས་ཞེས་པ་ནི་ཐེངས་འདིའི་ཚང་འཛོམས་གྲོས་ཚོགས་ཀྱི་གྲོས་ཆོད་གལ་ཆེ་ཤོས་སུ་རྩི་ཡི་འདུག་ལ། ཚང་འཛོམས་གྲོས་ཚོགས་མ་འཚོགས་གོང་ནས་གྲོས་ཆོད་དེའི་ཟིན་བྲིས་ལ་ཞི་ཅིན་ཕིན་གྱིས་དངོས་སུ་སྣེ་འཁྲིད་བྱས་ཡོད་པར་བཤད། རྒྱ་ནག་དམར་ཤོག་ཚོགས་པའི་དབུས་སློབ་གྲྭའི་འགན་འཛིན་གཞོན་པ་ཞེའེ་ཁྲང་ཐའོ་ཟེར་བས། དུས་ཡུན་གང་འཚམས་ཤིག་གི་རིང་ལ་ཏང་ནང་དང་ཕྱིའི་ཁྲོད་དུ་ཡིག་ཐོག་ཏུ་མ་བཀོད་པའི་སྒྲིག་ལམ་འགའ་ཞིག་གནས་ཡོད་པ་དང་། དེས་ཏང་གི་སྒྲིག་ལམ་དང་སྒྲིག་ཁྲིམས་ཀྱི་མཚན་གནས། དེ་བཞིན་ལག་བསྟར་གྱི་ནུས་པ་ཉམས་དམས་སུ་བཏང་ཡོད་པས་ལས་བྱེད་པ་དང་མང་ཚོགས་ཀྱི་ཁྲོད་དུ་ཚོར་སྣང་ཤུགས་ཆེན་པོ་བསླངས་ཡོད། ཅེས་བརྗོད་འདུག

རྒྱ་ནག་ལྷོ་རྒྱུད་ཞོགས་པའི་ཆ་འཕྲིན་གྱིས་སྤེལ་བའི་གནས་ཚུལ་ཚུལ་ལྟར་ན། ཡིག་ཐོག་ཏུ་མེད་པའི་ཁྲིམས་སྒྲིག་ཟེར་བ་ལག་བསྟར་འོག་ད་ནས་བཟུང་དམར་ཤོག་ཚོགས་པའི་དཔོན་རིགས་ཚོས་རང་ཉིད་ཀྱི་ལྷན་ཁང་ངམ་ལས་ཁུངས་ཀྱི་སྒྲིག་ཁྲིམས་ཙམ་མ་ཡིན་པར་ལས་དོན་ཅི་བསྒྲུབས་དང་དེ་དག་གི་ལས་བསྡོམས། ནང་དོན་སོགས་ལ་སྒྲིག་འགལ་གྱི་གནད་དོན་ཕྲན་བུ་ཙམ་ཡང་མེད་པར་ཕྱོགས་ཡོངས་ནས་འགན་ནན་མོ་འཁུར་དགོས་ཤིང་། ལྷག་པར་དུ་ད་ནས་བཟུང་དཔོན་རིགས་ཕན་ཚུན་དང་དཔོན་རིགས་དང་མི་མང་བར་སོགས་ཀྱི་ཐུག་འཕྲད་སྐབས་ལེགས་སྐྱེས་དང་ཅ་དངོས་ལེན་པར་ཞེད་སྣང་སྐྱེས་དགོས་པའི་གནས་བབ་ཅིག་བསྐྲུན་རྒྱུ་ཡིན་སྐོར་བརྗོད་འདུག

རྒྱ་ནག་ལྷོ་རྒྱུད་ཞོགས་པའི་ཆ་འཕྲིན་གྱི་རྩོམ་སྒྲིག་པའི་གཏམ་ནང་།  རྒྱ་ནག་གཞུང་གིས་ནུབ་ཕྱོགས་ཀྱི་གསར་འགྱུར་བརྒྱུད་ལམ་ཁག་གིས་ཡུན་རིང་དམར་ཤོག་ཚོགས་པའི་ལྐོག་ཟ་རུལ་སུངས་ལ་རྒོལ་རྡུང་གི་ལས་འགུལ་དེ་ནི། དམར་ཤོག་ཚོགས་པའི་དཔོན་རིགས་ནང་ཁུལ་གྱི་དབང་ཆ་འཐབ་རྩོད་ཆེད་ཡིན་པའི་འགྲེལ་བརྗོད་བྱས་པ་ནི་ནོར་འཁྲུལ་ཡིན་པ་དང་། ལྐོག་ཟ་རུལ་སུངས་ཚར་གཅོད་ལས་འགུལ་ལ་རྒྱ་ནག་མི་མང་གི་རྒྱབ་སྐྱོར་ཚད་མཐོ་ཡོད་ཁར། ཨ་རིའི་ཧ་ཝར་ཌི་གཙུག་ལག་སློབ་ཆེན་གྱིས། ལྐོག་ཟ་རུལ་སུངས་ཚར་གཅོད་ཀྱི་ལས་འགུལ་སྤེལ་བ་ནས་རྒྱ་ནག་དམར་ཤོག་ཚོགས་པར་ཡིད་ཆེས་བློ་དཀར་བྱེད་མཁན་ཇེ་མང་དུ་ཕྱིན་ཡོད་ཚུལ་བརྗོད་ཡོད་སྐོར་བཀོད་འདུག

རྒྱ་ནག་གཞུང་འབྲེལ་གྱིས་བསྒྲགས་པའི་གནས་ཚུལ་ལྟར་ན། སྐབས་ལྔ་བའི་ཚང་འཛོམས་གྲོས་ཚོགས་མཇུག་བསྡུས་པ་དང་བསྟུན། རྒྱ་ནག་དབུས་དམག་སྲིད་ལྷན་ཁང་གི་མགོ་ཁྲིད་གཞོན་པ་ཀྲང་ཡུ་ཞ་དང་ཡུ་གུར་རང་སྐྱོང་ས་ཁུལ་གྱི་དམར་ཤོག་དྲུང་ཆེ་ཟུར་བ་མཱ་ཤིན་རོའུ།  དབུས་དམག་སྲིད་མཉམ་འབྲེལ་སློབ་སྟོན་ཁང་གི་འགན་འཛིན་ཟུར་བ་ལུའུ་ཀྲིན་ལི་(Liu Zhenli) སོགས་མཐོ་རིམ་དཔོན་རིགས་ ༣༣ ཕྱིར་ཕུད་པ་ཡོངས་བསྒྲགས་བྱས་འདུག

གསར་ལམ་ཁག་གི་གནས་ཚུལ་ལྟར་ན། མཐོ་རིམ་དཔོན་རིགས་ ༣༣ ཕྱིར་འབུད་བྱས་པའི་ཁྲོད་དཔོན་རིགས་ ༡༦ དབུས་དམག་སྲིད་ལྷན་ཁང་དང་འབྲེལ་ཞིང་མི་དམངས་བཅིང་གྲོལ་དམག་ཟེར་བའི་དམག་དཔོན་ཤ་སྟག་ཡིན་པས། ཐེངས་འདིའི་ཚང་འཛོམས་གྲོས་ཚོགས་ལས་ཞི་ཅིན་ཕིན་གྱིས་དམག་སྲིད་ཁྲོད་ཀྱི་ཁ་གཏད་དབང་ཤུགས་ཚར་གཅོད་བྱེད་བཞིན་པ་གསལ་བོར་མངོན་འདུག་ལ། ད་ཐེངས་ནི་དམར་ཤོག་ཚོགས་པའི་མཐོ་རིམ་དཔོན་རིགས་ལ་དྲག་གནོན་བྱས་པ་ཚབས་ཆེ་ཤོས་ཤིག་ལ་ངོས་འཛིན་བྱེད་བཞིན་འདུག

སྤྱིར་རྒྱ་ནག་གི་ཚང་འཛོམས་གྲོས་ཚོགས་སུ་གཏན་འཇགས་ཚོགས་མི་ ༢༠༥  དང་ཟུར་ཞུགས་ཚོགས་མི་ ༡༡༧ བཅས་ཁྱོན་ ༣༢༢ ཡོད་ཀྱང་། ད་ཐེངས་ཚོགས་ཞུགས་པ་ ༢༧༩ མ་གཏོགས་མེད་སྟབས།  འདི་ནི་ཞི་ཅིན་ཕིན་གྱི་ལོ་ངོ་ ༡༤ དུས་སྐབས་སུ་ཚང་འཛོམས་གྲོས་ཚོགས་ནང་མཉམ་ཞུགས་བྱེད་མཁན་ཆེས་ཉུང་ཤོས་སུ་གྱུར་ཡོད་པ་དང་། མཉམ་ཞུགས་བྱས་མེད་པའི་དཔོན་རིགས་མང་པོ་ཞིག་ལ་ཁྲིམས་ཐོག་ནས་དཀའ་ངལ་འཕྲད་མུས་ཡིན་ཞིང་།   ཐེངས་འདིའི་ཚང་འཛོམས་གྲོས་ཚོགས་སྟེང་གི་ཐག་གཅོད་དག་གིས་ལོ་རྗེས་མའི་ཏང་གི་ཚོགས་ཆེན་ཉེར་གཅིག་པའི་སྟེང་ཞི་ཅིན་ཕིན་གྱིས་སླར་ཡང་རྒྱ་ནག་གི་སྲིད་དབང་འཛིན་པར་གྲ་སྒྲིག་བྱེད་བཞིན་ཡོད་སྐོར་དབྱེ་ཞིབ་པ་ཚོས་ཁ་གཅིག་གྲགས་ཐོག་རྗོད་ཀྱིན་འདུག

གསར་འགོད་པ། སྐལ་བཟང་སྦྱིན་པ།

འབྲེལ་ཡོད་གསར་འགྱུར།

བསམ་ཚུལ།

བོད་ཀྱི་དགེ་རྒན་ཉིན་མོ་བསུ།

ཆུ་ཚོད་ ༨ སྔོན་ལ།
པར་དབང་།  Carlos Barria/Reuters
Mobile App

ཨ་རྒྱ་ར་གསུམ་གྱི་མགོ་ཁྲིད་ཐུག་འཕྲད་བྱས་ནས་བསྒྲགས་གཏམ་སྤེལ།

༢༠༢༦/༡༡/༢༠
མཆོག་སྤྲུལ་རྡོ་རྗེ་རིན་པོ་ཆེ་མཆོག བོད་ཀྱི་དུས་བབ་ཀྱི་པར།
Mobile App

མཆོག་སྤྲུལ་རྡོ་རྗེ་བརྟན་མཆོག་གི་གནས་སྟངས་ཁ་གསལ་བཟོ་དགོས་པའི་རེ་སྐུལ་ཞུས། 

༢༠༢༦/༡༡/༢༠
Ratopati གསར་ཁང་གི་པར།
Mobile App

ཨ་ནེ་ཆོས་དབྱིངས་སྒྲོལ་མས་ལུམ་བི་ནི་ཡར་རྒྱས་ཐེབས་རྩའི་ཚོགས་གཞོན་གྱི་ལས་འཁུར་མགོ་འཛུགས་བྱས།

༢༠༢༦/༡༡/༡༩
Mobile App

ནང་པ་ཞིག་བྱེད་པར་དམར་ཤོག་ཚོགས་པར་བློ་དཀར་བའི་དམ་བཅའ་འཇོག་དགོས་ཡོད་འདུག

༢༠༢༦/༡༡/༡༩
Front Slider

ཆིག་སྒྲིལ་མེ་ལྕེའི་སྐོར་བསྐྱོད་ལས་འགུལ་དབུ་འཛུགས་བྱས།

༢༠༢༦/༡༡/༡༩

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese