སྤྱི་འཐུས་བཅུ་གཉིས་གྲོས་ཚོགས་ནས་ཕྱིར་ཐོན་པ།

ཁྱེད་ཀྱི་མིང་དེ་ཅེ་ཧྥང་ཅིན་འདྲ་ཞིག་བཀླག་དགོས་པ་འདྲ། ཨེ་རེད། དེའི་སྟབས་ཀྱིས་མཆན་བུ་ཡང་དྲ་ངོས་སུ་མ་ཐོན་པ་ཡིན་རྒྱུ་རེད།་ཧ་ཧ་ཧ་ཧ།

བོད་སྤྱི་པའི་རྩ་དོན་ལས་སྤྱི་འཐུས་བསོད་ནམས་སྟོབས་རྒྱལ་རལ་བ་ཅན་གྱི་ཁེ་ཕན་ཆུང་ཙག་གཙོར་བཟུང་བྱེད་མཁན་གྱི་མདོ་སྟོད་སྤྱི་འཐུས་ཕལ་མོ་ཆེ་དང་ཆོལ་ཁོངས་མདོ་སྟོད་ནས་ཡིན་པའི་ཆོས་ལུགས་སྤྱི་འཐུས་ཕལ་མོ་ཆེ་འདི་དག་གི་བྱེད་བབ་ལ་བོད་རྒྱ་ཆེ་མི་མང་ནས་གཟིགས་དང་། ང་ཚོ་ད་དུང་འདི་ལྟར་མུ་མཐུད་འགྲོ་རྒྱུ་ཡིན་ནམ། འདི་ལྟར་ཕྱིན་ན་བོད་ལ་རེ་བ་འདྲ་གཟིགས་ཀྱི་འདུག་གམ།

རྩོམ་སྒྲིག་པ་མཆོག་གིས། གནས་ཚུལ་དུས་ཐོག་ཏུ་སྤེལ་བར་བཀའ་དྲིན་ཆེ།

བཀའ་ཤག་གིས་དེ་སྐོར་ལ་རོགས་པ་འདྲ་བྱེད་མི་འདུག་གམ།
ང་ཚོས་མང་ཚོགས་བསྡུས་ནས་གངས་སྐྱིད་ཡོང་ནས་སྐད་ཅིག་བརྒྱབ་ན་ཕན་ཐོགས་འདྲ་ཡོད་དམ།
སྤྱི་འཐུས་ཚོགས་གཙོ་གང་ཞིག་ལ་བུད་སོང་ཟིག

ང་ངོ་ཚ་ནས་འབར་ཐལ། མགྱོགས་པོར་ཆུ་ཁྱེར་ཤོག་དཱ་
ངོ་མ། ད་ང་ཚོས་དངོས་ཤུགས་བརྒྱུད་གསུམ་ནས་ཤུགས་མ་བརྒྱབ་པ་
ཡིན་ན་གནས་སྟངས་གང་དུ་སླེབས་ཡོད་པ་ཚང་མས་མཐོང་ནོ་འདི་རེད།
འདི་ནི་ང་ཚོའི་བསླབ་བྱ་ཞིག་གམ་ཉེན་བརྡ་ཞིག་ཀྱང་རེད།

ངས་ད་དུང་གསལ་བོ་བྱས་ནས་དྲན་བཞིན་པ་ཞིག་ལ། ལོ་སྔོན་མའི་མི་མང་སྒེར་ལངས་ཆེན་མོའི་སྐབས་མང་ཚོགས་ཀྱིས་སེམས་ཤུགས་ཡོད་རྒུ་བཏོན་ནས་ལྡིལི་གསར་རྙིང་གཉིས་སུ་བོད་མི་སྐྱ་སེར་སྟོང་ཕྲག་མང་པོ་ཞིག་འདུ་འཛོམས་བྱས་པ་དང་། དེ་བཞིན་བོད་ཀྱི་གཞོན་ནུ་ལྷན་ཚོགས་ཀྱིས་དབུ་ཁྲིད་ནས། འགྲོ་བ་མིའི་ཐོབ་ཐང་ཚོགས་པ་དང་། རྒྱ་ནག་གཞུང་ཚབ་ཁང་སོགས་སུ་སྐད་འབོད་སྣ་ཚོགས་དང་། བོད་དོན་དང་འབྲེལ་བའི་དགོས་འདུན་སྣ་ཚོགས་ཤིག་བཏོན་པ་དང་། དེ་བཞིན་རྒྱ་ནག་གཞུང་ཚབ་ཁང་དུ་སྐད་འབོད་བྱེད་མཁན་རྣམས་རྒྱ་གར་གྱིས་ཁྲིམས་ཁང་དུ་བཅུགས་རྗེས། བོད་ཀྱི་གཞོན་ནུ་ཚོགས་པ་ཁག་དང་། ལྷག་པར་དུ་ལྡིལི་ས་གནས་བོད་ཀྱི་གཞོན་ནུ་ཚོགས་པ་བཅས་ཀྱིས་ཐབས་ཤེས་སྣ་ཚོགས་ཀྱིས་ཁྲིམས་པ་རྣམས་ཕྱིར་འདོན་ཐབས་བྱས། ཉིན་དེ་དག་ནི་བོད་ནང་ལ་ཛ་དྲག་གི་གནས་སྟངས་བྱུང་ནས་ཉིན་དང་པོ་དང་གཉིས་པའི་བར་ཡིན། འོན་ཀྱང་སྐབས་དེར་བོད་གཞུང་གི་མི་སྣ་ཞིག་མཐོང་ཡུལ་དུ་མི་སྣང་ལ། བོད་མི་མང་སྤྱི་འཐུས་ཤིག་གིས་ཞལ་ངོ་ཙམ་ཡང་ཕྱེས་མ་སོང་། ཉིན་གསུམ་པ་དང་བཞི་བ་ནས་བཟུང་། སྤྱི་འཐུས་མགོ་བདེ་ཁག་གཅིག་གིས་བོད་གཞུང་མང་ཛ་དྲག་ཚོགས་པ་ཞེས་པ་ཞིག་ཟུར་དུ་བཙུགས་ནས། མི་མང་ལ་སྐེ་བཙུར་ག་འདྲའི་སྐྱིད་པོ་ཞིག་བཏང་སོང་། དེ་བས་ཀྱང་། སྤྱི་འཐུས་ཚང་མ་ལྡིལི་གསར་པར་ཉིན་གཅིག་ཟས་བཅད་ངོ་རྒོལ་དུ་ཕེབས་ནས། ཞལ་འདེབས་ཇི་འདྲ་ཞིག་ལྷོང་སོང་། སྤྱི་འཐུས་དག་གིས་ཞར་དང་ཞོར་ལ་ཟ་རྒྱག་གང་འདྲ་ཞིག་བརྒྱབས་སོང་། ཞལ་འདེངས་གང་ཞིག་རེགས་པ་དེ་དག་མི་མང་གི་མདུན་དུ་གསལ་བཤད་ཙམ་ཡང་མ་བྱས་མ་ཟད། མི་མང་གི་སེམས་ཤུགས་ཆགས་པའི་རྣམ་འགྱུར་གང་མང་ཞིག་བསྟན་ཡོད་པ་ནི་སྐབས་དེའི་མི་མང་ཡོངས་ཀྱིས་མཁྱེན་ངེས་ཡིན། ད་དུང་སྤྱི་འཐུས་སྤེན་པ་ཚེ་རིང་ཟེར་བ་དེས་མི་མང་སྒེར་ལངས་ལ་རིན་ཐང་སྤུ་ཙམ་ཡང་མ་སྤྲད་ཁར། བོད་ཀྱི་གཞོན་ནུ་ཚོགས་པས་གོ་བསྒྲིགས་བྱས་པའི་སྐད་འབོད་བྱེད་མཁན་རྣམས་ལ་རང་དབང་གི་སྐད་འབོད་བྱེད་པའི་ཐོབ་ཐང་ཡང་འཕྲོག་ཡོད། དེ་བས་ཀྱང་སྤྱི་འཐུས་ལྷན་ཚོགས་ཀྱིས་ལྷག་བསམ་ཡིན་ཁུལ་གྱིས། བོད་མི་སུ་ཞིག་གིས་རང་དགར་སྐད་འབོད་བྱས་པ་ཡིན་ན། དེ་རིགས་ནི་རྒྱ་ནག་གསང་ཉུལ་བ་ཡིན་ཚུལ་གྱིས། གསལ་ཁ་མེད་པའི་འཁྱར་གཏམ་མང་པོ་ཞིག་གིས། བོད་རིགས་གཞོན་སྐྱེས་གྲངས་མེད་ཅིག་གི་སེམས་ནང་ལ། ནམ་ཡང་བརྗེད་མི་ཐུབ་པའི་རྨ་ཁ་བཟོས་ཡོད། ད་དུང་སྤྱི་འཐུས་ཡེ་ཤེས་ཕུན་ཚོགས་ཟེར་བའི་གྲྭ་རྒན་ཞིག་གིས་སྤྱི་འཐུས་ཀྱི་མིང་ཁྱེར་ཏེ། མི་མང་ལ་ཚོགས་གཏམ་དང་། ཁ་མཚང་ངོ་མཚང་ཡང་གྲངས་མེད་ཅིག་བྱས་ཡོད། དགེ་འདུན་པ་གནས་སའི་དགོན་པ་སོགས་སུ་ཚོགས་གཏམ་གཏོང་ཆོག་སྲིད་ཀྱང་། ངེད་ཅག་ལ་མཚོན་ན་སྐབས་དེར་ཕ་མ་སྤུན་མཆེད་རྣམས་རྒྱ་དམར་གྱིས་དམར་གསོད་དང་། གཤད་རྡུང་། དོན་མེད་བཙོན་འཇུག་སོགས་བྱེད་བཞིན་པའི་སྒང་ཡིན་ལ། སེམས་ནང་གི་ན་ཚ་ནི་རི་བོ་ལས་ཀྱང་ལྗི། འོན་ཀྱང་། སྤྱི་འཐུས་རྣམས་ཀྱིས་ང་ཚོ་གཉོམ་ཆུང་དག་གི་སྟེང་ལ་རོ་ཐོག་རྟ་རྒྱུག་བྱས་པ་གྲངས་ལས་འདས། ད་དུང་བོད་ནང་ནི་བོད་མི་རྣམས་ཀྱིས་ཨོ་ལིམ་པིག་དཔལ་འབར་དེ་རྒྱ་གར་དུ་འཁྱེར་སྐབས་བོད་གཞུང་གིས་མི་རང་བའི་རྣམ་འགྱུར་སྟོན་པར་ཡིད་ཆེས་བྱས་ཀྱང་། བོད་གཞུང་སྤྱི་འཐུས་རྣམས་ཀྱིས་དེ་ལ་དགའ་བསུ་དང་བཀྲ་ཤིས་མཆོད་པ་འཁྲབ་ཡོད། ང་ཚོ་བོད་རིགས་གཉོམ་ཆུང་དག་གིས་ཉིན་དེ་དག་གི་རིང་ལ་མིག་ཆུ་རྒྱུན་མ་ཆད་པར་ངུ་ངག་བཏོན་ཞིང་། བོད་ནང་གི་ཕ་མ་སྤུན་མཆེད་དག་ལ་གདུང་སེམས་མཉམ་སྐྱེད་བྱས་མོད།
འོན་ཀྱང་། བོད་གཞུང་སྤྱི་འཐུས་རྣམས་ཀྱིས་ང་ཚོའི་རོ་ཐོག་ལ། བོད་གཞུང་ཟློས་གར་གདེན་དྲངས་ནས་བཀྲ་ཤིས་མཆོད་པ་འཁྲབ་ཡོད། འདི་ནི་གང་ཟག་སྒེར་གྱི་ངོས་ནས་བསམ་ན་ཡང་། ཆེས་བློ་ཡུལ་ལས་འདས་པའི་གནས་ཚུལ་ཞིག་ལ་ངོས་འཛིན་བྱེད་ཀྱིན་ཡོད། དྲ་གྲོགས་ཚོ། ངས་གནས་ཚུལ་དེ་དག་རེ་བཞིན་དྲན་ཚེ། ངས་རང་ཉིད་དང་འབྲེལ་བའི་གཉེན་ཉེ་མང་པོ་ཞིག་གིས་སྐབས་དེར་ཚེ་སྲོག་ཤོར་སོང་བར་ཕན་ཐོགས་གང་ཡང་བྱུང་མ་སོང་སྙམ་ནས། ཉིན་མཚན་མེད་པར་ངུ་བཞིན་ཡོད། གང་ལྟར་དེ་དག་ནི་འདས་ཟིན་པ་རེད། འོན་ཀྱང་དོན་ངོས་ཀྱི་ཆ་ནས་བཤད་ན།
མི་མང་སྤྱི་འཐུས་ཀྱིས་མི་མང་གི་བདེ་སྡུག་ལ་གདོང་སེམས་མཉམ་སྐྱེད་བྱེད་དགོས་པ་ལས། རང་ཉིད་ཀྱི་དབང་ཤུགས་ངོམས་ནས་མི་མང་གི་སེམས་ནང་ལ་རྨ་ཁ་དང་ཕོག་ཐུག་གཏང་ཤེས་པ་ཙམ་གྱིས་མི་མང་གི་རེ་འདུན་སྒྲུབ་པ་ཨེ་ཡིན་སྙམ། གང་ལྟར་བོད་པའི་སྤྱི་ཚོགས་ནང་ལ་རྒྱ་ནག་གི་གསང་ཉུལ་བ་ཡོད་ཟེར་མཁན་ཡང་སྤྱི་འཐུས་ཚོ་རང་རེད་ལ། རྒྱ་ནག་གི་མངོིན་འདོད་ལྟར་བོད་རིགས་ནང་ཁུལ་ལ་གཏོར་བརླག་དང་། མི་མང་ཚོགས་ཀྱི་སེམས་ནང་ལ་རྨ་ཁ་བཟོ་མཁན། དེ་བཞིན་བོད་རིགས་ནང་ཁུལ་ལ་ཕྱོགས་ཁག་དང་ཚོགས་པ་བཙུགས་ནས་དཀྲིག་ཤིང་བྱེད་མཁན་ཡང་སྤྱི་འཐུས་ཚོ་རང་རེད། སྤྱིར་མང་གཙོའི་ལྟ་བ་ཁུར་མཁན་གྱི་གཞུང་ཞིག་ཡིན་ན། མང་ཚོགས་དང་བསྟུན་དགོས་པ་ལས། མང་ཚོགས་ཀྱི་སེམས་ལ་ཆུ་འཁྱག་བླུགས་མཁན་ཞིག་ལས་མ་བྱུང་བ་ཡིན་ན། དེ་ནི་རྒྱ་དམར་སྲིད་གཞུང་གི་བྱེད་སྟངས་དང་གཅིག་མཚུངས་རེད། མཚམས་འདི་ནས་སྤྱི་འཐུས་རྣམས་པ་ཚོར་ཆེད་དུ་བཤད་རྒྱུར། ངེད་ཅག་ཉམ་ཐག་བོད་མི་ཡོངས་ཀྱི་སྤྱི་བོའི་གཙུག་རྒྱན་དམ་པ། འདི་ཕྱི་གཉིས་ཀའི་སྐྱབས་མགོན་༧གོང་ས་རྒྱལ་བ་རིན་པོ་ཆེ་མཆོག་གི་ཐུགས་དགོངས་མ་དཀྲིགས་རོགས་གྱིས་བཤད་རྒྱུ་དང་། གལ་སྲིད་བོད་མི་མང་གི་སྤྱི་འཐུས་བྱེད་པའི་འཇོན་ཐང་མེད་པ་ཡིན་ན། ང་ཚོ་མང་ཚོགས་ཀྱིས་རྩེད་ཆས་མི་བྱེད་པར། ལས་གནས་ནས་ཕྱིར་འབུད་བྱེད་རོགས། ང་ཚོ་མང་ཚོགས་ལ་གཏད་ནས་མི་དགོས་པའི་སྤྱི་འཐུས་ཁག་ནི།

༡ རྒྱ་བོད་བར་གྱི་གནས་སྟངས་མི་ཤེས་པར་གཡམ་བཤད་རྒྱག་མཁན་གྱི་དགེ་བཤེས་དག་དང་།
༢ བོད་མིའི་བདེ་སྡུག་ལ་མི་བསམ་པའི་འབྱོར་ལྡན་བླུན་པོ་དག་དང་།
༣ བོད་ཡིག་མི་ཤེས་བོད་སྐད་མི་བཤད་པའི་བུད་མེད་གཤང་ཚོང་མ་དག་དང་།
༤ རང་དོན་ཁོ་ནར་མིག་ནས་གཞན་དོན་ཅི་མི་སྙམ་དུ་འཇོག་མཁན་གྱི་བསམ་ངན་ཁོག་ནག་དག་དང་།
༥ ཆོལ་ཁ་དང་ཆོས་ལུགས་ཁོ་ནའི་ཕྱོགས་ཞེན་གྱིས་རྐུབ་སྟེགས་ལ་འཐམ་པའི་ཀླད་མེད་ལྐུགས་པ་དག་ནི།
སྤྱི་འཐུས་ཀྱི་མི་སྣའི་ཁུངས་ནས་གཏན་ནས་གཏན་དུ་ཕྱིར་འབུད་བྱེད་རོགས་ཞེས་ཡང་ཡང་སྐུལ་བཞིན་ཡོད།

རྩོམ་སྒྲིག་པ་ལགས། དྲ་ངོས་གཙང་མ་ཡོང་སླད་མཆན་ཉིས་བརྩེགས་ཐེབས་ཡོད་པ་དེ་ཚོ་གསུབ་བཞག་ན་འགྲིག་གི་རེད་སྙམ། ངའི་རེ་ཞུ་འདིའང་གསུབ་ལ་ཐོངས།

གླེང་རན་དང་ལྗིད་ཁོག་མེད་པའི་དོན་དག་ཅིག་གིས་ད་མདོག་ངན་ཆ་ཚང་བསྟན་སོང་།ད་ཁོ་ཚོས་ངར་ངར་དང་རྫིག་རྫིག་བྱེད་ཀྱི་མི་འདུག ད་ཚར་སོང་།ད་ཚར་སོང་། ད་མི་འདི་ཚོ་མི་གྲལ་ནས་རང་ཉིད་ཀྱིས་རང་ཉིད་ཕུད་སོང་དཱ།ཁོ་ཚོས་ཁོང་ཁྲོའི་ངང་ནས་བསམ་བློ་ཐོང་མེད།ད་ཁོང་ཁྲོ་ཞི་ཚར་བས་འགྱོད་པ་སྐྱེས་ནས་བསྡད་ཡོད་ཐག་ཆོད།

གསར་འགོད་པ་ལགས།
ཁ་སང་གྲོས་ཚོགས་ནས་ཕྱིར་ཐོན་མཁན་དང་དེ་རིང་ཚོགས་ཞུགས་མ་གནང་བ་སྤྱི་འཐུས་སུ་སུ་ཡིན་པ་གསུང་རོགས་གནང་།འདི་ནི་གསར་འགྱུར་འདིའི་ཆ་མ་ཚང་བའི་ཁ་གསབ་ཀྱང་ཆགས་འདུག ངས་ཤེས་འདོད་པ་བཞིན་རྒྱ་ཆེའི་མི་དམངས་རྣམས་ལའང་ཐུགས་འདོད་ཡོད་ཤག་རེད།

རྩོམ་སྒྲིག་པ་ལགས། འཚོགས་ཁང་ནང་ལ་མི་ཡོང་བའི་སྤྱི་འཐུས་༡༢་དེ་ཚོ་སུ་སུ་རེད་དམ།

ད་འདུག་རིན་མ་རེད། འཚོགས་འདུ་མཇུག་བསྡུ་ཐུབ་ས་མ་རེད། རྡ་ས་ན་ཡོད་པའི་མི་དམངས་ཚོ་སོང་ནས་འཚོགས་ཁང་ན་བཞུགས་ཡོད་པའི་སྤྱི་འཐུས་ཚོར་རྒྱབ་སྐྱོར་ཆེད་སྐད་འབོད་བྱེད་རིན་རེད་ད།

ཧ་ཧ་ ཨ་མདོ་ཀླེན་ཁྱེད་ཚོས་མི་ཤེས། ཆོལ་ཁ་དང་ཆོས་རྒྱུད་ཀྱི་ས་མཚམས་མེད་ན་མི་ཚང་ཁ་ཤས་དང་ཕྱོགས་ཁག་ཁ་ཤས་ནས་སྤྱི་འཐུས་འཛིན་གི་རེད།

མ་གཞི་ནས་ཆོས་རྒྱུད་ཁག་གི་སྤྱི་འཐུས་ཟེར་བ་དེ་རྙོག་དྲའི་གཞི་ཆགས། གྲྭ་བ་དེ་ཚོས་མི་ལ་གཅེར་ལ་ཁད་པ་བྱེད་ཀྱིན་འདུག ད་དུང་ཆོལ་ཁའི་སྤྱི་འཐུས་ཀྱང་དགོས་ཀི་མི་འདུག་སྙམ། རྩོམ་སྒྲིག་པས་གསུངས་པ་དེ་ལ་དངོས་གནས་བསམ་བློ་གཏོང་རན་ལས། སྤྱི་འཐུས་ཚོས་འདི་འདྲ་གནང་བསྡད་ན་དངོས་བཟོད་མི་ནུས་པ་ཞིག་འདུག གོང་དུ་དྲ་གྲོགས་བློ་བཟང་ཟེར་བ་འདི་དངོས་གནས་གཞིས་བཞུགས་པ་ཞིག་ཡིན་ན་ནི། ད་ནི་ང་ཚོ་བཙན་བྱོལ་ནང་གི་ཆབ་སྲིད་གནང་སྟངས་སོགས་ལ་ཡིད་ཆད་བྱུང་འདུག་པ་འདི་རེད། ང་ཚོས་སྤྱི་འཐུས་ཟེར་བ་འདི་ཆོལ་ཁོངས་དང་ཆོས་རྒྱུད་སོགས་ནས་འདེམས་ལུགས་འདི་རྩ་མེད་གཏོང་དགོས་ལ། དེ་ནས་གྲོས་ཙོགས་གོང་འོག་གི་ལམ་སྲོལ་ཐོག་ལ་གོམ་པ་སྤོ་རྒྱུའི་གྲ་སྒྲིག་དགོས་པའི་སྐོར་ལ་བགྲོ་གླེང་དང་། རྩོམ་ཡིག་སྤེལ་རོགས།

ང་ཚོ་ནི་དམངས་གཙོ་ཡིན་ཞེས་དགྲ་ལ་ངོམ་རྒྱུ་གཉེན་འཆར་རྒྱུ་དེ་རེད་། དེ་ཡང་རྩ་བ་དམངས་གཙོའི་ཀ་བ་གསུམ་ཐུག་ཡོད། དེ་ནང་ནས་གྲོས་ཚོགས་འདི་ལ་ཐུག་ཡོད་ཁྱེད་རྣམས་ཀྱི་དགྲ་དགའ་གཉེན་སྡུག་གི་ལས་ཀ་དེ་དེའི་རིག་གཞིས་བྱེད་མི་དམངས་ཐུགས་ག་ཚད་ཕམ་གི་རེད༧གོང་ས་མཆོག་གི་འཛད་འཕྲིན་ནང་གི་གཙོ་བོ་བོད་མི་དམངས་ལ་དམངས་གཙོའི་གསོལ་རས་གནང་བ་དེ་རེད་དེ་ཁྱེད་རྣམས་ཀྱི་ནག་སུབ་དུ་དཏང་གི་ཡིན་ནམ་དངོས་གནས་མ་འོངས་པ་ན་སྤྱི་མཐུན་སྤུས་དག་དུ་གཏང་ཡག་ད་ལྟ་ནས་མི་དམངས་གི་ཐུགས་གསམ་གཞེས་རོག་གནང་ཐུགས་རྗེ་གཟིགས་

བྱེས་ཞུགས་སྤུན་ཟླ་ལགས། ང་ཚོས་ཁྱེད་ཚོར་རེ་བ་དང་ཡིད་ཆེས་བྱས་ཏེ་རྒྱ་རྒོད་དང་རང་བཙན་གྱི་ཆེད་རང་སྲོག་ལོངས་སྤྱོད་དང་བཅས་པ་བློས་བཏང་དང་གཏོང་བཞིན་པ་ཕལ་ཆེར་ནོར་གྱི་མེད་དམ་བསམ་པའི་དོག་པ་འདུག གང་ཡིན་ཞུས་ན་ཁྱོད་ཚོའི་གནང་སྟངས་ནི་ལོ་རེ་ནས་ལོ་རེ་སྡུག་ཏུ་འགྲོ་གི་འདུག བརྗོད་པར་དཀའ་བའི་བློ་ཕམ་ཡོད། གཞིས་སྡོད་བོད་རིགས་སྤུན་ཟླས།

ད་ནངས་གྲོས་ཚོགས་ཀྱི་སྐོར་ལ་ཟིན་བྲིས་རིང་པོ་ཞིག་བྲིས་ཡོད་པ་འདིར་མཆན་བུར་འདེབས་སྐབས་དྲ་ཐག་ལ་སྐྱོན་བྱུང་ནས་གང་ཞིག་ཏུ་ཡལ་སོང་བས་བསྐྱར་འབྲི་བྱ་རྒྱུར་སུན་སོང་། བོད་ནང་གི་ཧི་གཟུགས་ཟིན་བྲིས་ན་རྩོམ་ཡིག་གཞན་ཞིག་གི་མཆན་བུ་སྙིང་རྗེ་ཞིག་འདུག་པ་འདིར་འདྲེན་འདོད་ཀྱིས་བཤུ་འགོད་བྱས་ཡོད།

དུས་ད་ལྟ་ཁ་མིན་དོན་གཏམ་ཞིག་ཇི་ལྟར་ལབ་ན་ཁོར་ཡུག་འདིའི་རྣ་བར་འགྲོ་ནུས་སམ། ངས་བཤད་དཀའ་ཚོད་རེད་ཨང་། དེང་སྐབས་ཀྱི་མི་རེ་རེར་རང་ལ་དབང་བའི་རོ་ཀོག་སྐམ་པོ་ཞིག་ལས་མི་འདུག་སྟེ། འགྲན་རྩོད་ཀྱི་ཁྲོད་དུ་དངུལ་ལ་ཤོར་བའི་སེམས་པ་དམར་ཆུང་དེ་གནའ་ནས་བཟུང་གཞན་ལ་དབང་ཚར་འདུག་པས། ཁ་བཤད་སྟོང་པ་རེའི་འུར་སྒྲ་སྒྲོག་དགོས་ན་ང་ཡོད་ཁོ་ཡོད་ཀྱི་ལ་རྒྱའི་ཅོད་པན་དེ་མགོ་ལ་བཅིངས་མོད། ལག་ལེན་གསོན་པོ་རེའི་དཀའ་སྡུག་འདི་དག་ངས་བཤོལ་ཁོས་བཤོལ་གྱི་གཟུར་ལམ་རེ་འཚོལ་ནས་བཞུད་འགྲོ་དུས། དབུགས་ཀྱི་རྒྱུ་བ་ཇེ་བས་ཇེ་རིང་དུ་ཕྱིན་ངེས་པའི་མཆི་མ་དེ་ལས། ང་ལ་ཅི་ཡང་ལབ་རྒྱུ་མེད།

འོས་འཚམས་ཤིག་བྲིས་མི་འདུག་གམ།

ལར་ནས་སྦྱི་འཐུས་བསོད་ནམས་སྟོབས་རྒྱལ་ག་དུས་ཡིན་ན་གྲོས་ཚོག་ནང་ལ་སྙོག་དྲ་དང་སྒེར་གྱི་ཁོག་མཛིན་ལ་སྤྱི་དོན་གཉིས་གཉམ་སེས་བྱས་ནས་ཐེན་ཕྱིར་ཕྱོག་རེས་གྱི་རྒྱལ་བོ་རེད་ མ་འོངས་པ་ན་སྤྱི་འཐུན་དེའི་རིགས་མ་བླུག་བཟང་།

ཁ་སང་གི་རྩོད་གཞི་དེ་ལ་བསྟེན་ནས་དེ་རིང་ཡང་སྤྱི་འཐུས་ ༡༢ དེ་གྲོས་ཚོགས་སུ་མ་ཕེབས་སྟབས། སྤྱི་འཐུས་གྲོས་ཚོགས་ཚུགས་སྐབས་སྤྱི་འཐུས་ཀྱི་རྩ་འབོར་ལས་གསུམ་ཆ་གཉིས་ཚང་དགོས་པ་ལྟར། དེ་རིང་མ་ཚང་སྟབས་ཆུ་ཚོད་ ༡༡ དང་སྐར་མ་ ༡༥ ལྔའི་བར་གྲོས་ཚོགས་ཀྱི་བར་གསེང་ཡིན་པར་ཚོགས་གཙོས་བསྒྲགས་སོང་། དེ་རིང་ནི་གྲོས་ཚོགས་ཀྱི་ཉིན་མཐའ་མ་དེ་རེད།

གནད་དོན་འདི་ནི་སྤྱི་འཐུས་བསོད་ནམས་སྟོབས་རྒྱལ་གྱི་ནོར་བ་དང༌། རྒྱུན་ལས་ཀྱི་ཡང་ནོར་བ་རེད། ལྷག་པར་གྲོས་འཆར་འདོན་མཁན་གྱི་ནོར་མ་ཟད། ལམ་སྲོལ་མེད་པའི་འཐུས་མི་མང་པོས་ས་ཡིག་འཁོད་པའི་རྒྱབ་སྐྱོབ་བྱེད་མཁན་གྱི་ནོར་བ་རེད། ཚང་མས་ནོར་འཁྲུལ་རེད། ང་ཚོའི་གྲོས་ཚོགས་འདི་འདྲ་ཞིག་ཆགས་རེད་ལྟོས་དང༌། ད་རེ་བ་བྱེད་རན་གང་ཡང་མི་འདུག དེ་ནང་ལ་སྐད་ཆ་དྲང་གཏམ་བཤད་མཁན་སྤྱི་འཐུས་འགའ་ཤས་བྱུང་སོང༌། ཟླ་བ་ཕུན་སྐྱིད་དང༌། ཚུལ་ཁྲིམས་བསྟན་འཛིན། གསེར་རྟ་ཚུལ་ཁྲིམས། བསྟན་འཛིན་མཁོན་པོ། ཀརྨ་ཡི་ཤེས་བཅས་རེད། གཞན་བསམ་ཚུལ་བཤད་མཁན་ཚང་ཕྱོགས་ལྷུང་རེད་འདུག

ཁྲིམས་མི་བརྩི་བའི་ཁྲིམས་བཟོ་ལྷན་ཁང་ཞིག་གིས་ཅི་བྱེད། རྒྱ་དམར་གཞུང་ལའང་ཁྲིམས་ལུགས་སྒྲིག་གཞི་སྙིང་རྗེ་བོ་ཞིག་ཡོད་པ་མ་ཡིན་ནམ།༼སྤྱི་འཐུས་རྒྱུན་ལས་ལ་ཕུལ༽
རྒྱལ་ཁབ་མི་སེམས་པར་རྒྱུ་སྟོབས་སྤྱོད་པའི་ནག་ཚོགས་ཤིག་གིས་ཅི་བྱེད། དཔོན་ངན་ནག་ཚོགས་པ་རྒྱ་ནག་དམར་ཤོག་ལའང་ཤིན་ཏུ་མང་བ་མ་ཡིན་ནམ།༼རྒྱུ་ཆེན་སྟོབས་ཆེན་སྨྲ་བ་དག་ལ་ཕུལ༽
དམངས་ཀྱི་བདེ་སྡུག་མི་སེམས་རང་གི་ཁེ་ཕན་གཉེར་བའི་གཡེན་སྦྱོར་ཟིང་སློང་བ་ཞིག་གིས་ཅི་བྱེད། ཅང་ཙེ་མེན་ཡང་རང་དོན་ཁེ་གཉེར་ཅན་ཕུལ་དུ་བྱུང་བ་ཞིག་མ་ཡིན་ནམ།༼སྤྱི་འཐུས་རལ་བ་ཅན་ལ་ཕུལ༽
རྒྱལ་ཁབ་ཀྱི་ཕུགས་རྒྱང་མི་སེམས་ཕྱོགས་རིས་རྔ་དཔུང་གཟེངས་མཁན་གྱི་གྲོས་ཚོགས་ཅིག་གིས་ཅི་བྱེད། དམར་ཤོག་འཐུས་མི་ཚོགས་ཆེན་གྱིས་ཀྱང་ཕྱོགས་ལྷུང་ཤེད་འཁྱེར་གྱི་ལག་པ་གཅིག་དུས་རྒྱུན་མཐོན་པོར་བསྒྲེངས་ཡོད་པ་མ་ཡིན་ནམ།༼སྤྱི་འཐུས་གྲོས་ཚོགས་ལ་ཕུལ༽

སྤྱི་འཐུས་སྒྲོལ་མ་མཚོ་ལགས་ཀྱི་གྲོས་འཆར་འདི་དངོས་ཡོད་རེད། སྤྱི་འཐུས་རྒྱུན་ལས་ནས་གང་ཟག་ལ་ལྟོས་ཏེ་སྒྲིག་གཞི་ལ་འགྱུར་བ་བཏང་ན་དྲང་བདེན་མ་རེད། གཞུང་གི་སྒྲིག་གཞིའི་ནང་དུ་བྱང་ཨ་རིའི་འཐུས་མི་གཉིས་ཀ་དང་ཡོ་རོབ་སྤྱི་འཐུས་གཅིག་བུ་དེ་ལ་གནམ་གྲུ་དང་ལམ་ཁ་མགྲོན་གླ་སོགས་གཏོང་གི་ཡོད་པ་ལས་སྤྱི་འཐུས་གཞན་དག་རྒྱ་བལ་འབྲུག་གསུམ་དུ་ཡོད་པ་ཚོ་དང་པོ་སོ་སོ་སྤྱི་འཐུས་ལ་ལངས་སྐབས་སྡོད་གནས་དང་ཁ་བྱང་གང་ཞིག་ཡིན་ན་གྲོས་ཚོགས་འཚོགས་དུས་སྐབས་སྡོད་གནས་དེ་ནས་རྡ་རམ་ས་ལའི་བར་གྱི་ལམ་གྲོན་གཏོང་གི་ཡོད་པ་རེད། ཆོད་ཁོངས་དང་ཆོས་བརྒྱུད་ཁག་གི་སྤྱི་འཐུས་ཞིག་ཨ་རི་ལྟ་བུ་ཕྱིའི་རྒྱལ་ཁབ་ཅིག་ལ་གནས་སྤོས་བ་ཡིན་ན་སོ་སོ་སླར་ཡང་བྱང་ཨ་རིའི་སྤྱི་འཐུས་ལ་ལངས་ཐུབ་ན་གནས་ཚུལ་གཞན་རེད་མ་གཏོགས་སྤྱི་འཐུས་གྲོས་ཚོགས་ནས་དེ་ལ་འགྲོ་གྲོན་གཏོང་གི་ཡོད་པ་རེད། སྒྲིག་གཞིའི་ནང་དུ་ཧ་ཅང་ཁ་གསལ་པོ་རེད། འོན་ཀྱང་སྤྱི་འཐུས་རྒྱུན་ལས་སམ་ཁྲིམས་བཟོ་ལྷན་ཚོགས་ནས་མགོ་བྱས་ཏེ་ཁྲིམས་དང་སྒྲིག་གཞི་རྩིས་མེད་དུ་བཏང་ན་ང་ཚོའི་བཅའ་ཁྲིམས་ཟེར་བ་དེར་དགོས་བ་ཅི་ཞིག་འདུག

བློ་དགའ་ལགས། ཁྱོད་རང་གི་ག་རེ་བཤད་ཀྱི་ཡོད། གང་ཟག་སྒེར་ལ་དམིགས་ནས་གྲོས་འཆར་ཁུར་ཡོང་བ་དེ་ཡག་པོ་མ་རེད། ཁོ་ཚོ་དཔུང་བསྒྲིགས་ནས་ཡོང་བ་དེ་ཡག་པོ་མ་རེད།

རང་ངོས་ནས་རང་ཉིད་ཕྱིར་ཕུད་བྱས་པ་ཡི་སྤྱི་འཐུས་དེ་ཚོ་ལ་བཀྲ་ཤིས་བདེ་ལེགས་ཞུ་ཡ་ཡིན། ད་ཁྱོ་རས་རང་ལ་འཇོན་ཐང་མེད་པའི་ཧ་ཉིད་གོ་ནས་ཐོན་པ་རེད། གཏན་ནས་གཏན་དུ་ཕྱིར་ལོག་མ་འོང་རོགས། དམིགས་བསལ་གྱི་་་ཚོགས་གཙོ་ཟུར་པ་ར་བཟི་བ་དེ་དང་ཨུ་རྒྱན་སྟོབས་རྒྱལ་གཉིས། ད་བོད་མི་རིགས་འགྱེལ་བའི་སྒང་ལ་རྡོག་བརྫིས་མ་གནང་རོགས། སྐུ་མཁྱེན། གཟིམ་འཇགས་གནང་།

ད་རེས་སླར་ཡང་ཧོར་གཙང་འཇིགས་མེད་ལགས་ཀྱིས་བསམ་ཚུལ་ཞིག་དྲན་སོང་། ཕྱི་རྒྱལ་ལ་ཡོད་པའི་བོད་པ་གང་རུང་ཞིག་ལ་ཟླ་རེའི་དོ་ཕོག་ཨ་སྒོར་སྟོང་ཕྲག་ཅིག་ཡོད་པ་ཞིག་རྡ་སར་མགྲོན་དུ་འབོད་ནས་ཨ་སྒོར་ཉིས་བརྒྱའི་དོ་ཕོག་གིས་བཀའ་ཁྲིར་འགོད་ཀྱང་རུང་ཁག་པོ་རེད་ཅེས་པ་ནི་ཤིན་ཏུ་བདེན། ད་ནི་ཏག་ཏག་སྤྱི་འཐུས་ཚོས་བོད་དོན་མི་རྩོད་སྒོར་མོ་རྩོད་བའི་དུས་ལ་བབ་ཡོད་པ་འདྲ། ཨ་ཁཁཁཁཁ

སྦྱི་འཐུས་བསོད་ནམས་སྟོབས་རྒྱལ་ཡིན་ན་འདིས་རྐྱེན་པས་ག་དུས་ཡིན་ན་གླེང་རྙོག་རྐྱང་རྐྱང་ལས་གང་ཡང་མི་འདུག་ཨ་ཧ་བོ

ད་སྤྱི་འཐུས་རྣམས་པས་དགོངས་པ་ཟབ་ཙམ་བཞེས་རན་འདུག དེ་རིང་གི་གྲོས་ཚོགས་ནང་གི་ངོ་གདོང་དེ་ཚོར་བལྟ་གིན་བལྟ་གིན་བློ་འཚབ་སྐྱེ་བ་ཞིག་རེད། བླ་མས་མཁྱེན།