སྤྱི་འཐུས་བཅུ་གཉིས་གྲོས་ཚོགས་ནས་ཕྱིར་ཐོན་པ།

རིག་པའི་རལ་གྲི། ཁྱེད་གཏན་ནས་གཏན་དུ་ནོར་སོང་ཐལ། ངས་ཁྱེད་ལ་བཤད། ཁྱེད་སྤྱི་འཐུས་ཤིག་མིན་ན་ཡང་། སྤྱི་འཐུས་ཤིག་གི་གླ་ཟན་ཞིག་རེད་པྰ།

ང་བདེན་པ། ང་དྲང་པོ། ང་ལ་ཆོལ་ཁ་དང་ཆོས་ལུགས་འཐེན་འཁྱེར་མེད། ང་ལ་སྤྱི་སེམས་དང་། ང་ལ་ལ་རྒྱ་ལྡན་ཞེས་ཇི་ཙམ་དབུ་བཙུགས་ཀྱིས་བསྒྲུབས་ཀྱང་། སྣ་འཐེན་ནས་ཁར་སླེབས་དཀའ་ལ། དོན་དངོས་ཐོག་ཁྱོད་ཚོ་མི་རེ་ངོ་རེས་སྐད་ཆ་བཤད་སྟངས་སོགས་ལ་ཡང་བསྐྱར་བརྙན་འཕྲིན་བརྒྱུད་ནས་ལྟོས་དང་། ཁྱོད་ཚོས་སེམས་གཏིང་གི་བསམ་དོན་དེ་དཔོག་ངེས་རེད།
དཔལ་ལྡན་ཟླ་བ་གྲགས་པས།
དང་པོར་ང་ཞེས་བདག་ལ་ཞེན་གྱུར་ཅིང་།
བདག་གི་འདི་ཞེས་དངོས་ལ་ཆཌ་བསྐྱེད་པ།
ཟོ་ཆུན་འཕྱན་ལྟར་རང་དབང་མེད་པ་ཡི།
འགྲོ་ལ་སྙིང་རྗེའི་གྱུར་གང་དེ་ལ་འདུད།
ཅེས་དང་། དཔལ་ལྡན་ཆོས་ཀྱི་གྲགས་པས་ཀྱང་།
བདག་ཡོད་ན་ནི་གཞན་དུ་ཤེས།
བདག་གཞན་ཆ་ལས་འཛིན་དང་སྡང་།
འདི་དག་དང་ནི་ཡོངས་འབྲེལ་ལས།
ཉེས་པ་ཐམས་བཅད་འབྱུང་བར་འགྱུར།
ཞེས་གསུངས་པའི་མཐུན་དཔེ་དམ་པར་སྣང་།

རང་ཉིད་ཀྱི་འདོད་འདུན་དེ་མ་གྲུབ་པར་རྩ་དོན་ལ་མ་བསམ་པར་ཕྱི་ལ་སོང་བའི་སྤྱི་འཐུས་ཚོ། ཁྱོད་ཚོས་སོ་སོ་ལ་ད་དུང་མདང་ངེས་ཀྱི་འཇོན་ཐང་ཞིག་མེད་པ་ཧ་གོ་དགོས།
ཁྱོད་ཅག་བློ་རྒྱ་དེ་ལས་མེད་ན་རྐུབ་སྐྱག་མཐོན་པོའི་སྟེང་སྡོད་ནས་ཅི་བྱེད།
ཁྱོད་ཚོས་འཇོན་ས་མ་རེད་ན་ཕྱི་ཤུད་བྱོས་དང་ཤེས་འཇོན་གཉིས་ཀྱིས་ཕྱུག་པའི་གཞོན་སྐྱེས་ཀྱི་རི་དཔུང་ཞིག་ཁྱོད་ཚོས་མི་ས་ན་འདུག
ངོ་མ་བཤད་ན་ཁྱོད་ཅག་གི་བྱེད་སྟངས་དེར་རྒྱ་ཆེ་མི་མང་སུ་གཅིག་གིས་མུས་མཐུན་བྱ་མི་སྲིད་དོ།།

གནད་དོན་འདི་ཡི་ཐོག་ནས་ང་ཚོས་བགྲོ་གླེང་དང་ཐེར་འདོན་བྱེད་དགོས་པ་གལ་ཆེན་ཞིག་རེད་འོན་ཏེ་གྲོས་ཚོགས་སུ་བྱུང་བའི་གནད་དོན་དེ་ཡང་རང་ལྟ་མཆོག་འཛིན་ཞིག་དང་ཞེན་ཁོག་ནག་པོ་ཞིག་གིས་མཇུག་འབྲས་ཡིན་པ་ནི་དགག་ཕྱོགས་སྒྲུབ་ཕྱོགས་གཉིས་ཀྱི་མི་སྣ་དག་གི་ཡོང་ཁུངས་ལས་ཀྱང་ཤེས་ནུས། གནད་དོན་ཆུང་ངུ་འདི་ཙམ་ལ་བརྟེན་ནས་ཁོ་ཚོས་རྙོག་གླེང་ཆེན་པོ་བཟོ་བར་དཔག་ཚེ་མ་འོངས་པ་གོ་སྐབས་ཤིག་རག་ན་ཆོལ་ཁ་དང་ཆོས་ལུགས་ཀྱི་མིང་ཁྱེར་བའི་རྩོད་གླེང་ཆེན་པོ་ཞིག་བྱེད་པར་ཐེ་ཚོམ་ཅི་ཡང་མེད། ངས་བཤད་པ་བདེན་དུ་མི་རློམ་ཚེ་ཨོ་རྒྱན་སྟོབས་རྒྱལ་གྱིས་ཁམས་པ་མི་མང་ཟེར་བ་དེ་ལས་སླ་བོ་ཡོད་མ་རེད་ད་་་ཟེར་བའི་ཚིག་འདི་ཀྱང་ཁོང་ཚོས་འཆར་གཞི་གང་ཡིན་ཤེས་ནུས། སྤྱིར་ཟིན་བྲིས་པ་ང་རང་ཁམས་པ་ཞིག་ཡིན་མོད་མདོ་སྟོད་ཀྱི་སྤྱི་འཐུས་དག་ལས་འབར་བ་སྐལ་བཟང་ཟེར་བ་དེ་དང་གསེར་རྟ་ཚུལ་ཁྲིམས་ཟེར་བ་གཉིས་ལས་གཞན་རྣམས་བླུན་པོ་ཆུ་སྣ་གར་ཁྲིད་མཁན་ཤ་སྟག་ཡིན་པ་ངོས་འཛིན་བྱེད་ཀྱིན་ཡོད། དེ་བརྟེན་ཁོ་ཚོས་བློ་ཕམ་བྱེད་དགོས་པའི་བྱ་བ་འདི་དག་ཀྱང་འབྱུང་འགྱུར་ཡང་མུ་མཐུད་རྒྱུ་རེད་སྙམ། དེ་བཞིན་མདོ་སྨད་ཀྱི་སྤྱི་འཐུས་དག་ལ་ཡང་རིགས་བསྒྲེ་ཆོགས། ཡ་མཚན་པ་ཞིག་ལ་ང་ཚོས་སྤྱི་འཐུས་འདེམས་ཕྱོགས་འདི་ཉིད་བསམ་བློ་ཡག་པོ་གཏང་ན་རྩོམ་པ་པོ་མཐུན་ཚོགས་ཤིག་འདེམས་པ་དང་ཧ་ཅང་མཚུངས་སྤྱི་ཚོགས་ནང་དུ་གོ་རྒྱུ་ཡོད་མེད་ཀྱི་རྩོམ་ཉོག་ཐ་ཐོར་འབྲི་མཁན་དག་ཆབ་སྲིད་ཀྱི་གོ་རྟོགས་དང་མང་ཚོགས་ཀྱི་སེམས་ཁུར་ཡོད་མེད་ལ་མ་བརྟེན་པར་འདེམས་ཀྱང་བྱེད་པ་ནི། བེར་འཇིགས་དང་ལྷ་མོ་སྐྱབས་གསེར་ཚུལ་དང་གསེར་ཚུལ་ཧོར་གཙང་དང་སྨོན་མཐར་སོགས་ཀྱིས་ཤེས་ནུས། གང་ལྟར་ངས་བཤད་འདོད་པ་ནི་རྙོག་གླེང་འདི་དག་མི་ཡོང་བའི་ཆེད་རྩ་བའི་བསྒྱུར་བཅོས་ཤིག་བྱེད་དགོས་པ་ནི་སྤྱི་འཐུས་འདེམས་སྟངས་དེ་ཡིན། རབ་ན་ཆོས་རྒྱུད་སྤྱི་འཐུས་དག་དགོས་གལ་མི་ཆེ་བའི་རང་བཞིན་དུ་སོང་ཁོང་ཅག་ལ་ཁ་བཏགས་རེ་དང་བཅས་བཀྲ་ཤིས་བདེ་ལེགས་ཞུས་ནས་གྲྭ་སར་ཁག་ཏུ་དགེ་རྒན་དང་དཀོར་གཉེར་སོགས་ཀྱི་ལས་ཀ་རེ་ཕུལ་ནས་ཕེབས་སྐྱེལ་སྟབས་བདེ་ཞིག་ཞུ་དགོས། དེ་བཞིན་ཆོལ་ཁའི་སྤྱི་འཐུས་དག་ཀྱང་ཧི་མ་བཅའ་དང་ལྷོ་ཕྱོགས་བལ་ཡུལ་འབྲུག་སོགས་ས་གནས་དེ་གའི་མི་མང་གིས་ས་གནས་སོ་སོར་ནས་འདེམས་ཚེ་རྙོག་གླེང་འདི་དག་ཡོང་གཞི་མེད། ཡིན་གཅིག་གཞིས་བྱེས་གཉིས་ཀྱི་ཚབ་མཚོན་ཡིན་ཟེར་ནས་ཆོལ་ཁ་ནས་འདེམས་དགོས་ན་མདོ་སྟོད་ནས་མི་བཅུ་དང་དེ་བཞིན་མདོ་སྨད་དབུས་གཙང་སོགས་ནས་མི་བཅུ་རེ་ལུང་ཁུལ་སོ་སོར་ལ་མ་བལྟོས་པར་བོད་རྒྱ་ཆེན་མི་མང་ཡོངས་ནས་འདེམས་དགོས། དེ་ལྟར་བྱས་ཚེ་སྤྱི་འཐུས་སྤུས་ཚད་ལ་ཡར་རྒྱས་འགྲོ་བར་ངས་ཁས་ལེན་ཞུ་ཆོག ད་དུང་ནན་གཏན་ཞུ་རྒྱུ་ཞིག་ལ་བསེ་རུ་དང་ཀླུ་སྨྱོན་མི་ནག་ཚང་གསུམ་ལས་གཞན་པའི་ཟིན་བྲིས་པ་རྣམས་ད་ནི་ཞེན་ཁོག་གི་ལམ་འགག་ཀྱག་ཀྱོག་དེ་དག་བསྐྱུར་ན་ལེགས། དེ་ལྟར་མིན་ན་་ཁྱེད་ཅག་ཡང་དཔང་སྒྲིག་པའི་རུ་དཔུང་ཞིག་ལ་ངོས་འཛིན་བྱེད་རྒྱུ་ལས་ཐབས་ཅི་ཡོད།

རྩོམ་སྒྲིག་པ་དང་མིའུ་ཕྲུག་སོགས་ཀྱིས་ཧོམ་རྒྱུགས་བྱེད་ཀིན་འདུག ཆོལ་གསུམ་སྤྱི་འཐུས་མི་དགོས་ཟེར་བ་ནི་རྒྱ་ནག་གིས་བོད་ཆེན་པོ་ཟེར་བ་མེད་ཟེར་བ་དང་འཇམ་ནོར་སོགས་ཀྱིས་རྒྱ་སྡེ་དང་བོད་སྡེ་། ཡང་ན་བོད་ཕྱི་མ་དང་བོད་ནང་མ།བོད་ནང་མ་རང་བཙན་གཙང་མ་ཡིན་པས་རང་བཙན་བྱེད་དགོས་ཟེར་བ་ལ་མཐུན་ཐབས་བྱེད་ཀིན་འདུག དེ་ན་ཁྱེད་ཚོ་རྒྱ་སྡེ་ཡི་ཁོངས་ཡིན་པས་རྩོམ་བྲིས་བྱེད་དགོས་དོན་མེད་ཀི

མཁས་བ་ཆིག་ན་འདོམ་གང་དང་བླུན་པོ་ཆིག་ན་མཐོ་གང་ཟེར་བ་ཅི་མ་བདེན། བཀུར་འོས་རྩོམ་སྒྲིག་པ་མཆོག་ཀྱང་སྤྱི་འཐུས་ཟེར་བ་འདི་ཆོལ་ཁའི་ཁོང་ནས་ཡོང་ན་འགྲིག་གིན་མེད་ཚུལ་གསུངས་སོང་། དེ་ན་དྲ་གྲོགས་མིའུ་ཕྲུག་ཟེར་བ་འདིས་བཤད་པ་བཞིན་གཞིས་ཆགས་ཁག་ནས་༼སྔོན་འཇུག་མ་ཅན་གྱི་སྤྱི་མཐུས་ཟེར་བ་ཞིག༽བོད་ས་མིག་གིས་མཐོང་མྱོང་མཁན། བོད་ཡིག་དག་མ་ཞིག་ཕར་ཟད། བོད་སྐད་གཙང་མ་ཞིག་ཀྱང་མི་ཤོད་པའི་མི་འགའ་འདེམས་དགོས་བ་ཨེ་རེད། འདི་ལྟ་བུ་ཞིག་གིས་གཞིས་ལུས་མི་དམངས་ངོ་འཚབས་བྱེད་ཐུབ་གི་རེད་དམ། ང་ཚོས་དཔེ་འདི་ཆེ་ས་ནས་ལྟོས་ན་ཨ་རིའི་གྲོས་ཚོགས་གོང་མའི་འཐུས་མི་ཡོང་སྟངས་དང་འདྲ་བོ་རེད། དེའི་དགོས་བ་རྒྱུ་མཚན་ཡང་ཨ་རིའི་ལྷོ་བྱང་གཉིས་ཀྱི་དམག་འཁྲུག་མཚམས་ཆད་རྗེས་རྒྱལ་ཁབ་དབུ་བརྙེས་ནའང་མངའ་སྡེ་ཕན་ཚུན་དང་ས་ཁུལ་བྱེ་བྲག་པར་༼སྐབས་དེར་མི་རིགས་དབྱེ་འབྱེད་ཀྱི་ལྟ་བ་ཤུགས་ཆེན་ཡོད་སྟབས་ས་ཁུལ་ལར་མི་རིགས་ནག་པོ་དང་ས་ཁུལ་ལ་ལར་ཨིན་ཌི་ཡ་ན་ལྟ་བུ་ཁེར་རྐྱང་མང་་པོ་ཡོད་སྟབས༽འཐེན་འཁྱེར་མི་ཡོང་ཆེད་མཐར་མངའ་སྡེ་སོ་སོ་ནས་གྲངས་ཚད་ཆ་སྙོམས་བྱས་ནས་ཡོང་བ་རེད། བཙན་བྱོལ་གཞུང་ལ་གྲོས་ཚོགས་གོང་འོག་གཉིས་ཡོད་པའི་ཉིན་མོ་ནས་གྲོས་ཚོགས་འོག་མའི་འཐུས་མི་དེ་ས་གནས་སོ་སོ་ནས་ཡོང་གི་རེད།

མིའུ་ཕྲུག་ལགས། སྔོན་མ་ས་སྐྱ་དང་བསོད་ནམས་སྟོབས་རྒྱལ་བར་གྱི་དཀྲུག་ཤིང་རྒྱག་མཁན་དེ་སྐབས་དེའི་ཚོགས་གཙོ་པདྨ་འབྱུང་རེད་མ་གཏོགས་བསོད་ནམས་སྟོབས་རྒྱལ་གྱིས་ནོར་འཁྲུལ་བྱས་བཞག་པ་དེ་འདྲ་ཡོད་མ་རེད། དེ་རིང་སྤྱི་འཐུས་ནང་རྙོག་དྲ་ཡོང་གཞིའི་སྐོར་འདི་པདྨ་འབྱུང་གནས་ཀྱིས་བྲིས་པ་ཞིག་ཡིན་ཐག་གཅོད་རེད། ཁོས་སྐད་ཆ་བཤད་སྟངས་དང་གྲོས་གཞིའི་ཡིག་ཆ་ནང་ཡོད་པ་གཉིས་ཁ་མཐུན་གྱི་འདུག་མཐོང་མ་སོང་ངམ།

ང་ཚོས་སྤྱི་མཐུས་འདེམས་ཕྱོགས་དང་བཀའ་ཁྲི་འདེམས་སྟངས་གང་ཐད་ནས་འོས་འཕེན་པ་དག་གིས་རང་གི་ལྟ་གྲུབ་ཀྱི་བསམ་ཚུལ་དང་ལྡན་པའི་ཐོག་འོས་འདེམས་བྱེད་རྒྱུ་དེ་ཆེས་ཉུང་བ་རེད། ཕྱོགས་ཞེན་གྱི་བསམ་བློ་དབང་བཙན་པའི་ཐོག་མི་དེ་ལ་ཆོལ་ཁ་དང་ཆོས་ལུགས་ཀྱི་ཞེན་ཁོག་ཡོད་མཁན་ཞིག་རྩ་བའི་ཆ་རྐྱེན་དུ་བརྩི་བ་ནི་དངོས་ཡོད་གནས་ཚུལ་རེད། རྒྱུ་མཚན་དེས་སྤྱི་མཐུས་དག་གིས་ཀྱང་ཆོལ་ཁ་དང་ཆོས་ལུགས་ཀྱི་ཞེན་ཁོག་དེ་རང་གི་ལས་དོན་དུ་བརྩིས་ཏེ་རྟག་ཏུ་དེ་ཁ་ལ་ཁྱེར་བཞིན་ཡོད། སུ་ཞིག་གིས་གིས་ལག་ཆ་རུ་གྱུར་པའི་བསོད་སྟོབས་འདིས་ཀྱང་རྟག་ཏུ་ཁམས་པ་དང་མདོ་སྟོད་ཞེས་མཆུ་རྩེར་ཁྱེར་ཏེ་རྙོག་གླེང་བཟོ་བཞིན་ཡོད་མོད་མདོ་སྟོད་མི་མང་གིས་དེ་ལེགས་ཆ་རུ་རློམས་ཏེ་རྟག་ཏུ་ཁོ་ལ་འོས་ཤོག་འཕེན་བཞིན་གདའ། ལོ་ཤས་སྔོན་དཔལ་ལྡན་ས་སྐྱའི་གྲྭ་ས་ཁ་ཤས་ནས་བསོད་སྟོབས་ལ་འོས་ཤོག་མི་འཕེན་པའི་རེེ་བསྐུལ་ཇི་ལྟར་བྱས་ཀྱང་དེ་ལས་ཟློག་ཐུབ་མེད། དེ་བཞིན་ཟིན་བྲིས་པ་དག་གིས་ཀྱང་འཕེལ་རྒྱས་ཚང་སྒྲོལ་མ་མཚོ་མོ་སོགས་སྐྱོན་མེད་དཀར་སར་སྒྲུབ་བཞིན་པ་འདི་ཉིད་ཀྱང་དོན་དུ་ཆོལ་ཁའི་ཞེན་ཁོག་ལས་མ་འདས་པ་ཞིག་མངོན་གསལ་རེད། ཞན་ཆ་འདི་དག་ཡོང་ཁུངས་གཙོ་བོ་ནི་གཞུང་གི་སྲིད་ཇུས་ཀྱི་ཁ་ཕྱོགས་ནོར་བའི་དབང་གིས་ཡིན་པ་ནི་ཟུར་བལྟས་ལེབ་མཐོང་རེད། གལ་སྲིད་ང་ཚོས་ཆོལ་ཁ་དང་ཆོས་ལུགས་ཞེས་པའི་ཐ་སྙད་རྫོབ་པོ་འདི་དག་བེད་སྤྱོད་མི་བྱེད་པར་རང་བཙན་དང་དབུ་མའི་ལམ་ཞེས་ཆབ་སྲིད་ཀྱི་ཕྱོགས་ཁག་གཉིས་སུ་ཕྱེས་ནས་གཞུང་འཛིན་བཀའ་ཤག་འདེམས་པ་དང་གཞིས་སྒར་ཆེ་ཁག་དག་ལས་དེར་གནས་མི་མང་གིས་སྤྱི་མཐུས་འདེམས་ཚེ་རྩོད་རྙོག་འདི་དག་མེད་པ་མ་ཟད་ལས་དོན་སྒྲུབ་ཕྱོགས་ལ་ཡང་ཉེར་མཁོའི་རང་བཞིན་གྱུར་བ་ནི་ལྟ་ཅི་སྨོས། འོན་ཀྱང་འདི་དག་གླེང་བའི་ཁོར་ཡུག་ཧ་ཅང་དོག་ཏེ་ལྷ་སྲིན་སྡེ་བརྒྱད་ཀྱི་རྭ་བ་ལས་བརྒལ་དགོས་པའི་ཕྱིར།

བློ་ལྡན་ལགས། ནོར་སྐྱོན་ཡོད་མཁན་གྱི་མི་ཚང་མ་དོལ་ཚོགས་དང་འབྲེལ་བ་ཡོད་ཚུལ་གང་ཡང་བཤད་ཀྱི་མེད། ཡིན་ནའང་བློ་དགའ་ཟེར་བ་དེས་སྔ་ཕྱི་བར་གསུམ་གྱི་ནོར་འཁྲུལ་ཚང་མ་འཇུ་ཆེན་ཇག་ཚོགས་གྱིས་བཟོས་པ་ཡིན་སྐོར་ཤ་སྟག་བཤད་བཞིན་འདུག་པས་རྔ་ལ་དཔག་པའི་འཆམ་ཞིག་འཁྲབ་པ་ཡིན།

སུང་དམར་ལགས། མི་ཞིག་གི་སྐྱོན་དང་ཉེས་པ་ཚང་མ་དོ་རྒྱལ་དང་འབྲེལ་བ་ཡོད་ནི་མ་རེད། རྒྱུ་མཚན་མེད་པའི་འཆལ་གཏམ་མ་བཤད་རོགས།

དངོས་གནས་བློ་ལྡན་གྱི་བཤད་པ་བདེན་ནི་རེད། དུས་བབ་ཚང་གི་རྒྱལ་བོས་བླུན་བཤད་རྒྱབ་ཀྱི་འདུག ཆོལ་ཁ་གསུམ་ནི་ནམ་ཡང་དོར་ཐབས་མེད་པའི་དམ་བཅའ་རེད་ལ། ཆོལ་གསུམ་སྤྱི་འཐུས་ཡོངས་སྟངས་དེ་ཧ་ཅང་རྩ་ཆེན་དོན་ཆེན་རེད།
ཨ་རོ།་་དུས་བབ་རྒལ་བོ་རྗེས་མར་དེ་འདྲའི་སྨྱོན་བཤད་མ་རྒྱབ་རོགས། དེ་ནི་རྒྱ་མའི་འདོད་དོན་རེད། ཧོལ་རྒྱུགས་དེ་ལྟར་མ་བྱེད་ཨང་།

ྋགོང་ས་ྋསྐྱབས་མགོན་ཆེན་པོ་མཆོག་ནས་རང་རེར་མང་གཙོ་གསོལ་སྩལ་གནང་བ་བཞིན་ང་ཚོས་ཡང་དག་པར་ལོངས་སུ་སྤྱོད་པར་བོད་མི་མང་ལ་ཡར་ཐོན་འཛམ་གླིང་རྒྱལ་ཁབ་ཀྱི་ཆབ་སྲིད་པ་དང་མང་ཚོགས་ལྟར་རྒྱལ་ཁབ་ལ་ཤ་ཞེན་དང་ཆབ་སྲིད་ཀྱི་གོ་རྟོགས་མེད་དུ་མི་རུང་བ་ཞིག་ཡིན། མང་ཚོགས་ལ་ཤེས་ཡོན་དང་སྤྱི་དོན་ལ་ལྷག་བསམ། ཆབ་སྲིད་ཀྱི་གོ་རྟོགས་མེད་པར་བླུན་པོ་ཆུ་སྣ་གར་ཁྲིད་དང་ལུང་ཚན་ཕྱོགས་ཞེན་རང་འདོད་མཁྲེགས་འཛིན་མཁན་པོ་དེ་འདྲ་ཡིན་ན་དེས་བདམས་པའི་སྤྱི་འཐུས་ནི་དེ་དང་འདྲ་བ་ཞིག་ལས་མ་འདས། དེས་ན་ང་ཚོས་རྒྱལ་བ་རིན་པོ་ཆེས་མང་གཙོའི་ས་བོན་གནང་བ་དེ་སར་བཏབ་ནས་ཆུ་ལུད་དགོས་ངེས་སྤྲད་ཅིང་ཕྱོགས་ཀུན་ནས་འགལ་རྐྱེན་ལས་བསྲུངས་ན་འབྲས་བུ་སྨིན་པའི་དུས་སུ་ཅི་དགར་ལོངས་སུ་སྤྱོད་ཐུབ་རྒྱུར་ཐེ་ཚོམ་ག་ལ་དགོས། དེ་མིན་བུ་མ་སྐྱེས་གོང་ནས་མིང་རྫིག་པོ་དེ་འདྲ་བཏགས་ནས་དམག་སར་བཏང་བ་དང་ཅིས་མི་མཚུངས། འདིའི་དཔེ་མཚོན་གསལ་པོ་ཞིག་ནི་ད་ལམ་སྤྱི་འཐུས་གྲོས་ཚོགས་སུ་བྱུང་བའི་གནས་ཚུལ་དགྲ་དགའ་གཉེན་སྡུག་བོད་མི་མང་གི་རེ་བ་ཆུ་ལ་བསྐྱུར་བ་འདི་རེད། ད་ལྟའི་བོད་མི་མང་སྤྱི་འཐུས་སོགས་ཚང་མ་དེ་འདྲ་ཡིན་པས་ག་ལ་ཁྱབ། དེ་འདྲ་རེད་ཞུ་གི་ཡང་མེད། འོན་ཀྱང་མི་ངན་གཅིག་གིས་ལུང་པའི་ཕུ་མདའ་དཀྲུགས། ཟས་ངན་གཅིག་གིས་ཁོག་པའི་སྟོད་སྨད་དཀྲུགས། ཟེར་བ་དང་། བསྟན་འཛིན་བརྒྱ་ཕྲག་ཡོད་ཀྱང་ཉུང་སྐྱོན་དང་། བསྟན་གཤེད་གཅིག་ཙམ་ཡོད་ཀྱང་མང་འགྲོ་བས་གསུངས་པ་ལྟར་ཡིན། སླར་བཀའ་བློན་ཁྲི་པས་གཙོས་པའི་མི་མང་གི་སྐུ་ཚབ་འདེམས་སྐབས་ཕྱོགས་ཞེན་གྱི་དབང་དུ་མ་སོང་པར་རང་རེ་ཡུལ་གྱར་དུ་གནས་པའི་དངོས་ཡོད་གནས་སྟངས་དང་མཐུན་པའི་སྒོ་ནས་སྤྱི་དོན་ཕྱར་གྲུ་མཉམ་འདེགས་བྱེད་མཁན་ལྷག་བསམ་ཅན་ཞེ་གཅིག་ཡོང་ཐབས་གནང་གལ་ཆེ་བ་ལགས་སོ།

ས་ཐག་ཧ་ཅང་རིང་བའི་ཕྱི་རྒྱལ་ནས་རྡ་ས་བར་དུ་ཡོང་བའི་དམིགས་ཡུལ་ནི་སྤྱི་འཐུས་གྲོས་ཚོགས་བདེ་ལེགས་ངང་གྲོལ་རྒྱུར་གཏོར་བཤིག་གཏོང་གི་ཡོང་བ་ཡིན་རྒྱུ་མ་རེད། སྤྱི་འཐུས་དེའི་ཀུན་སློང་ལ་སྐྱོན་ཡོད་པ་རེད་ཅེས་ཚིག་ཐག་གཅོད་དཀའ་ནའང་ཁོང་ནི་སྤྱི་འཐུས་གྲོས་ཚོགས་ནམ་ཚོགས་ཀྱང་འཆམ་མཐུན་ལ་གཏོར་བརླག་བྱེད་མཁན་གཏེ་བོ་གཅིག་པུ་དེ་རེད་ཅེས་ཁ་གསལ་བོར་བརྗོད་ཆོག་ལ་མ་ཟད་ཁོང་ནི་སོ་སོའི་སྣང་བ་འགྲོ་མ་འགྲོ་དང་སོ་སོར་ཁེ་ཕན་ཅི་ཙམ་ཡོད་མེད་གཙིགས་སུ་བཟུང་ནས་རྙོག་དྲ་སློང་མཁན་གྱི་བླུན་རྨོངས་པ་ཞིག་ལས་སྔ་ཕྱིའི་གནས་ཚུལ་གསལ་བོར་མཐོང་བའི་ཐོག་བསམ་ཚུལ་འདོན་མཁན་གྱི་རྣམ་དཔྱོད་ཅན་ཞིག་ཁྱོན་ནས་མིན་པ་ནི་སྒོ་ལྔ་ལ་ཕྱོགས་ཞེན་གྱི་དྲི་མས་བསླད་མེད་མཁན་གྱི་བོད་འབངས་རྣམས་ཀྱིས་ཀྱང་གསལ་གསལ་ཐང་ཐང་མཁྱེན་གྱི་ཡོད་ན།སྤྱིའབངས་རྣམས་ལས་ཁོ་ལ་རྒྱས་མངའ་ཆེ་བའི་སྤྱི་འཐུས་རྣམས་འགས་ཁོ་ལ་རྒྱབ་ཀྱིས་གྲོས་ཚོགས་ཀྱི་བདེ་ལེགས་ངང་གྲོལ་རྒྱུར་འགལ་རྐྱེན་བཟོས་ཡོད་པ་ནི་དངོས་གནས་ཧ་སང་བ་ཞིག་རེད།བོད་མི་ས་ཡ་དྲུག་གི་འབྱུང་འགྱུར་གྱི་བདེ་དོན་སོགས་གལ་ཆེན་རང་བཞིན་གྱི་ལས་དོན་ཐད་བགྲོ་གླིང་ཚོགས་བཞིན་པའི་སྐབས་འདིར་གླེང་རིན་མེད་པའི་སྒེར་དོན་གྱི་ལས་ཀ་ཆུང་ཚགས་ཞིག་གི་དབང་གིས་སྤྱི་དོན་འཐུས་ཤོར་དུ་བཏང་བའི་ཐད་ཁོ་ལ་དངུལ་སོགས་ཀྱི་ཉེས་ཆད་ནན་མོ་བཅད་ནས་མ་འོངས་པར་ཡང་འདི་འདྲའི་རིགས་མི་ཡོང་བའི་སྔོན་འགོག་བྱེད་རན་འདུག དེ་ལྟར་མ་བྱས་ངོ་ཚ་དང་མིའི་རྩ་བའི་ཀུན་སྤྱོད་ཀྱས་ཕངས་པའི་ཁོ་ལྟ་བུས་མ་འོངས་ནང་མི་ཆ་ཚང་རྡ་སར་ཁྲིད་ཡོང་ཁོང་ཚོའི་འགྲོ་སོང་ཡང་གཞུང་ནས་གཏོང་དགོས་ཀྱི་འདུག་པ་སོགས་ཀྱི་བསམ་ཚུལ་ཡང་འདོན་མི་ཟད་པ་མིན་ལ་ཕྱོགས་ཞེན་ར་བཟི་བའི་སྤྱི་དེ་ཚོ་ཡང་ཁོའི་རྒྱབ་ནས་ལངས་ཏེ་སྤྱོ་དོན་འཐུས་ཤོར་ལ་ཡང་གཏོང་མི་སྲིད་པ་མིན།

དེ་དངོས་གནས་རེད། ཆོས་ལུགས་དང་ཆོས་བརྒྱུད་ཀྱི་་སྤྱི་འཐུས་ཤིག་བོད་གངས་ཅན་ཀྱི་གྲོས་ཚོགས་སུ་འཚང་ན་དུས་རབས་ཀྱི་འགྲོས་དང་མཐུན་དཀའ་མོ་རེད་ལ། ཆོས་ལུགས་དང་ཆོས་བརྒྱུད་རང་གི་ངོ་བོ་དང་བསྒྲུབ་བྱ་ཐོག་ནས་ལྟོས་ན་དྲང་བོ་མ་ེརད།

ཐེངས་འདིར་མཆན་འདེབས་མཁན་ཚོས་མི་གཞི་ལ་དམའ་འབེབས་བྱེད་པ་སོགས་ཀྱི་འགན་འཁུར་མེད་པའི་དཀྲོགས་གཏམ་རིགས་སུ་ལའང་ཕན་པ་མེད་པར་འདོད།
བཙན་བྱོལ་བོད་ཀྱི་ཆབ་སྲིད་རྭ་བའི་ནང་ཡེ་ཤེས་སྤྱན་གྱིས་གཟིགས་ཐུབ་མཁན་ཞིག་ཡིན་ཚེ། ད་རེས་གྲོས་ཚོགས་ཀྱི་འདུ་རྭ་འདིར་ཡ་མཚན་དགོས་པ་གང་ཡང་མ་རེད། དེ་ནི་ནམ་རྒྱུན་བོད་པའི་སྤྱི་ཚོགས་ཀྱི་གྲུབ་གཟུགས་སུ་གནས་ཡོད། ལྷག་པར་རྒད་པོ་འཇུ་ཆེན་ལ་སྡིགཔའི་སྣང་ཚུལ་དེ་འོས་འཚམ་ཨེ་ཡིན་སྙམ།
ཁོང་ནི་བཙན་བྱོལ་བོད་ཀྱི་ཀ་བ་ཞིག་ཡིན་ངེས།

སྐད་ཆ་རྡོག་རྡོག་དེ་བཤད་ན། ཐེངས་འདིར་ཨུ་རྒྱན་སྟོབས་རྒྱལ་གྱིས་སྣེ་ཁྲིད་ཅིང་། བེ་རུ་འཇིགས་མེད་དབང་རྒྱལ་གྱིས་མཇུག་སྐྱོང་ནས་འོང་བའི་འཇུ་ཆེན་དཔུང་ཁག་གིས་ནོར་སོང་། དོན་དག་ཆུང་ཆུང་འདི་ཆེན་པོ་བཟོས་ནས་རང་ཉིད་སྲུང་སྐྱོབ་དང་གཞན་ལ་ནག་ཉེས་འགེལ་ཐབས་བྱས་པ་དང་། མཐར་ཨུ་ཐུག་ནས་གྲོས་ཚོགས་ནས་ཐོན་པ་རེད། འདི་ཕྱི་གསལ་ནང་གསལ་རེད། ཁོང་ཚོ་་་མི་རྒྱུ་དཔུང་གསུམ་པའི་སྐུ་དྲགས་མི་དྲགས་དག་གི་ནང་འཁྲུགས་དེ། བོད་ཆོལ་ཁ་གསུམ་གྱི་ནང་འཁྲུགས་ལ་བསྐོར་བ་རེད། དེ་ཚོ་ཐོན་འགྲོ་མཁན་དེ་ཚོ་རེད།
ད་ང་ཚོས་ཐོན་འགྲོ་མཁན་ཚོའི་ཚབ་ཏུ་འོས་ཤོག་འཕེན་དགོས་རེད།
རྔ་ལ་དཔག་པའི་འཆམ་བཟོ་དགོས་ལེ་རེད།

དྲྭ་གྲོགས་རྣམ་པས་ཀྱང་ཕྱོགས་ཞེན་འཐེན་ཁྱེར་མ་སོང་བའི་སྒོ་ནས་གསར་འགྱུར་དེ་ལེགས་པོ་ཞིག་ཀློག་ནས་མཆན་འདེབས་རྒྱུ་གནད་འགག་ཆེ་ཤོས་སུ་མཐོང་།
སྤྱི་མཐུས་ཞིག་གིས་གསལ་བཤད་བྱས་པ་འདི་དང་། ཟུར་ཉོན་པ་ཞིག་གི་སྐད་ཆ་དེ་དག་ལས་གཞིག་ན། ད་ལྟའི་ཆར་སྤྱི་མཐུས་ཕྱི་ལོག་དོན་མཁན་དང་། མིང་རྟགས་བཀོད་མཁན་གཉིས་ལ། འགལ་འཛོལ་གྱི་ནོར་འཁྲུལ་ཁྱད་པར་ལར་ནས་མི་འདུག གང་ལྟར། ད་ལྟའི་གནས་ཚུལ་ཆུང་ཆུང་ཞིག་གིས་རྐྱེན་པས་རང་རེའི་སྤྱི་མཐུས་དེ་རྣམས་ཀྱིས་ཀླད་རྙིང་མཁྲེགས་བཟུང་། ནང་ཁུལ་གྱི་ཕྱོགས་ཁག་ཕན་ཚུན་ཁ་གཏད་དོན་གནད་ཆུང་ཆུང་ཡན་དུ་ག་འདྲ་བྱས་ནས་བྱས་ནས་གཅོག་གིས་ཡོད་པའི་གསལ་བཤད་བྱས་འདུག་ལ། སྤྱི་མཐུས་གྲོས་ཚོགས་དེའི་ཚོགས་འདུའི་གནད་དོན་ག་འདྲ་ཞིག་གི་ཐོག་འགྲོ་བཞིན་ཡིན་པའི་གསལ་བཤད་ཀྱང་བྱས་འདུག

ཁ་ཤས་ཀྱིས་མང་གཙོའི་གཞུང་མང་པོའི་གྲོས་ཚོགས་སྐབས་ཕན་ཚུན་དབྱུག་པ་ཞུ་རེས་ཡན་བྱེད་ཀྱི་ཡོད་པས་འདི་ཆུང་ཆུང་རེད་ཟེར་གྱིན་འདུག་རུང་། གཞན་གྱི་གྲོས་ཚོགས་ལ་དེ་ལྟར་བྱེད་ཀྱི་ཡོད་ནའང་རེད། འདི་འདྲའི་རིགས་ཕྱིན་ཆོད་ལར་ནས་མི་ཡོངས་བ་ཞིག་ཡོང་བའི་ཐབས་ལམ་ད་ལྟ་ནས་འབད་དགོས་ཀྱི་མི་འདུག་པས།

ཁ་ཤས་ཀྱི་བོད་མི་མང་གི་སྤྱི་མཐུས་བྱེ་བྲག་བ་ཞིག་གི་མིང་ནས་འབོད་ཅིང་དེ་དག་གི་སྒེར་གྱི་ལས་དོན་སྒྲུབ་པའི་ཆེད་དུ་རྙོག་དྲ་འདི་བྱུང་བ་རེད་ཟེར་མཁན་རྣམས་ནི། སོ་སོའི་དམིགས་ཡུལ་དེ་སྒྲུབ་པའི་ཆེད་དུ་ད་ལྟའི་གོ་སྐབས་འདི་བཟུང་ནས་ཕྲག་དོག་གིས་འབོད་ཚིག་ཞིག་རེད་འདུག་པས་མཆན་འདེབས་པ་རྣམས་ཀྱིས་ཀྱང་རང་རེའི་སྤྱི་ཚཽགས་ནང་དུ་སྤྱི་མཐུས་གྲོས་ཚོགས་ནང་བཞིན་མི་ཡོང་བའི་མགན་ཁྱེར་དགོས་པ་ཞིག་རེད།

བོད་མི་མང་གི་སྤྱི་མཐུས་དེ་བོད་མི་མང་གིས་གདམ་པ་ཞིག་རེད། བོད་མི་མང་གི་སྤྱི་མཐུས་དེ་རྣམས་ཀྱིས་སོ་སོ་གདམ་མཁན་གྱི་ཚབ་གང་མཚམ་བྱེད་ཀྱིན་ཡོད་དུས། གལ་གནད་ཆུང་ཆུང་ཞིག་དེས་སྤྱི་མཐུས་ནང་ཁུལ་ཕན་ཚུན་འཁོན་འཛིན་དང་། མགྲན་བསྡུར་ཡོད་པས་རྐྱེན་བྱས་ནས་གྲོས་ཚོགས་འཚོགས་མ་ཐུབ་པའི་གནད་འགག་ཆེན་པོ་ཞིག་ཏུ་བཟོས་ཟིན་སྐབས་། མཆན་འདེབས་མཁན་རྣམས་ཀྱིས་སྤྱི་མཐུས་སྒེར་གྱི་མིང་ནས་འབོད་ཅིང་སོ་སོའི་ཁོང་དུ་ཉལ་ནས་ཡོད་པའི་ཕྱོགས་ཞེན་གྱིས་མཆན་གང་བྱུང་འདེབས་ནས་སྤྱི་ཚོགས་རྣམས་ཀྱི་ནང་དུ་དེ་ལས་ཀྱང་ཚབ་ཆེན་གནས་ཚུལ་དུ་བསྒྱུར་སྲིད་པས། དང་པོ་བསམ་གནོ་ཐོན། དེ་ནས་མཆན་ཐོབ་ཞུ་རྒྱུ་ཡིན།

གང་ལྟར་ས་རྟགས་འགོད་མཁན་མི་བཅུ་བཞི་པོ་དེས། རྒྱུན་ལས་ཀྱི་ཐག་བཅོད་ལ་མོས་མཐུན་མེད་ན། སྔོན་ནས་གསལ་བཤད་དགོས་རྒྱུ་གནད་འགག་ཆེན་པོ་རེད། སྤྱི་མཐུས་གྲོས་ཚོགས་སུ་ལོ་མང་དེ་ཙམ་འཚོགས་ཟིན་རུང་ད་དུང་གྲོས་གཞི་དེ་འདྲ་ལ་རྙོག་དྲ་འདི་འདྲ་ཡོང་བ་ཚོད་དཔག་ཐུབ་མེད་ན། བོད་མི་མང་གི་སྤྱི་མཐུས་ཀྱི་ཚབ་ཐུབ་པའི་ཤེས་འཇོན་མེད་པ་གསལ་པོ་རེད་ལ། གལ་སྲིས་ཤེས་བཞིན་དུ་ཆེད་དུ་གཉེར་ནས་རྐང་བཙུགས་བཟོས་ན་དེ་ལས་བློ་ཕམ་དགོས་པའི་གནས་ཚུལ་ཞིག་རེད།

ཡར་གཞེངས་ནས་འགྲོ་མཁན་རྣམས་ནི་ཕལ་ཆེར་སྤྱི་མཐུས་རྒྱུན་ལས་དེ་རྣམས་ཡིན་རྒྱུ་རེད་ལ། ཆབ་སྲིད་ཀྱི་གནད་དོན་དང་། བོད་སྤྱི་བའི་གནས་ཚུལ་ལས་ཀྱང་སོ་སོའི་ནང་ཁུལ་གྱི་རུ་ཁག་དེའི་འབྲེལ་བ་རྩར་ཆེན་བརྩིས་མཁན་ཞིག་ཡིན་པར་གདོན་མི་ཟ།

གང་ལྟར་ན་ཡང་འདི་ནི་མ་འོངས་པར་བོད་མི་མང་གི་སྤྱི་མཐུས་དེ། ད་ལྟའི་ཀླད་རྙིང་མཁྲེགས་བཟུང་ཅན་གྱི་སྤྱི་མཐུས་སུ་གང་ལ་མི་ཐོབ་པ་ཞིག་དང་། སྤྱི་མཐུས་དེ་མི་ག་འདྲ་ཞིག་རང་རེས་རག་ཐབས་བྱེད་དགོས་པའི་བསྐུལ་བརྡ་བླ་ན་མེད་པ་ཞིག་རེད།

ཚར་ཟིན་པ་དེ་ཚར་བ་རེད། ཡང་བསྐྱར་མང་པོ་བཤད་དྲགས་ན། མང་པོ་ཞིག་ཐག་པ་ཤོར་རྗེས་གད་སྙིགས་རྣམས་དྲུད་ཡོང་བར་ངེས་པས་གཟབ་འཚལ།།

དྲྭ་གྲོགས་ཚང་མར་ཞུ་རྒྱུར། ང་འདིར་ཡོང་བ་ཐེངས་དང་པོ་ཡིན་པའི་ཆ་ནས་རྣམ་པ་ཚོར་འཚམ་ཞུའི་ཚིག་བཟང་གི་རྟེན་འབྲེལ་མ་ཞུས་པའི་སྔ་རོལ་ནས་ཉོག་གཏམ་ཚིག་འགས་སྣེ་དྲངས་ཏེ་དུས་བབ་ཟིན་བྲིས་སུ་ཐོག་མར་ཞུགས་དགོས་གྱུར་པར་དགོངས་དག་ཞུ་རྒྱུ་ཡིན།

དགོངས་དག མཆན་འབྲི་བཞིན་པའི་སྐབས་མཛུབ་གནོན་ནོར་བས་ཤོར་སོང། བསྐྱར་དུ་འབྲི་རྒྱུར།

རྙོག་དྲ་འདིའི་ཕྱི་ནང་གསང་གསུམ།

ང་ཚོས་སྤྱི་འཐུས་རྣམས་ལ་གཤེ་གཤེ་རྐྱང་རྐྱང་བཏང་བས་ཕན་ཐོགས་ཅང་ཨེ་ཡོད། ལྷག་པར་ཆོས་བརྒྱུད་སྤྱི་འཐུས་ཞེས་གཤེ་གཤེ་བཏང་ན་ཆོས་བརྒྱུད་རྣམས་ལ་ཕོག་སྲིད། དེ་བས་ཆོས་བརྒྱུད་སྤྱི་འཐུས་བྱེ་བྲག་པའི་མིང་ནས་བཟུང་སྟེ་སྐྱོན་བརྗོད་བྱས་ན་བདེ་ལ། ཆོལ་ཁའི་སྤྱི་འཐུས་ལའང་དེ་བཞིན་རེད། གང་ཟག་བྱེ་བྲག་པའི་སྐྱོན་སྤྱི་ལ་འགེལ་མི་རུང། ང་ཚོས་བཤད་དགོས་པ་དང་ཤེས་དགོས་པ་མང་ནའང་ཐོག་མར་རྙོག་དྲ་འདིའི་གནད་དོན་ངོ་མ་དེ་ཤེས་དགོས། ད་ལྟ་ཕན་གྱི་འདིའི་སྐོར་གྱི་གནས་ཚུལ་ལ་བལྟས་ན་ཕྱི་ནང་གསང་བའི་ཆ་གསུམ་འདུག

༡༽ ཕྱི་ལྟར་ན། རྒྱ་བལ་འབྲུག་གསུམ་གང་རུང་དུ་གནས་སྡོད་སྤྱི་འཐུས་ཤིག་ཕྱི་རྒྱལ་དུ་གནས་སྤོས་ཚེ། ཚོགས་འདུར་ཕེབས་པ་སོགས་ཀྱི་འགྲོ་གྲོན་སྒེར་ངོས་ནས་གཏོང་དགོས་པའི་ལམ་ལུགས་ཡོད་མུས་ལྟར་དེ་དོན་གྲོས་ཆོད་བཞག་སྟེ་ཁྲིམས་སུ་བཅའ་ཐབས་བྱས་པ་ལམ་དུ་མ་སོང་བ་ཞིག་རེད།
༢༽ ནང་ལྟར་ན། ཉེ་ཆར་མདོ་སྟོད་སྤྱི་འཐུས་བསོད་ནམས་སྟོབས་རྒྱལ་ལ་གཞུང་གིས་འགྲོ་གྲོན་གཏོང་རྒྱུ་སྤྱི་འཐུས་རྒྱུན་ལས་ནས་ཐག་གཅོད་གནང་བ་དེ། རྒྱུན་ལས་ནང་ཆོལ་ཁུངས་མདོ་སྟོད་ཡིན་པ་མང་བས་ཕྱོགས་འཐེན་བྱས་པ་ཞིག་ཏུ་ངོས་འཛིན་བྱས་པ་དང། དེ་མི་འགྲིག་པར་བཤད་པའི་སྐབས་སུའང་སྤྱི་འཐུས་བཅུ་བཞིས་ས་ཡིག་བརྒྱབས་པ་ནི་དཔུང་བསྒྲིགས་པ་ཞིག་དང། ས་ཡིག་རྒྱག་མཁན་རྣམས་ཆོལ་ཁ་གཞན་གཉིས་ནས་ཡིན་པས་དེའང་ཕྱོགས་སྒྲིལ་བྱས་པ་ཞིག་ཏུ་ངོས་འཛིན་བྱས་པ་དང། སྐབས་དེར་རྒྱུན་ལས་ཚོས་གཙོས་སྤྱི་འཐུས་བཅུ་གཉིས་གྲོས་ཚོགས་ནས་ཕྱི་ལ་ཐོན་པ་ནི་ཁོང་ཚོའི་ཐག་གཅོད་དེ་ལ་འགྱུར་བ་མི་འགྲོ་བའི་ཆེད་དང། ཁོང་ཚོ་ལ་ཕམ་ཁ་མི་འབྱུང་བའི་ཆེད་ཡིན་འདུག
༣༽ གསང་བ་ལྟར་ན། རྒྱ་རི་སྒྲོལ་མས་སྤྱི་འཐུས་བསོད་ནམས་སྟོབས་རྒྱལ་མདོ་སྟོད་སྤྱི་འཐུས་ནས་འཕོ་འགྱུར་འགྲོ་ཐབས་ཀྱིས་དེའི་ཚབ་ཏུ་ཁོ་མོའི་གཉེན་ཚན་གྲའུ་ཚེ་བརྟན་ཞེས་པ་ཞིག་སླེབས་ཐབས་བྱས་པ་ཡིན་འདུག
ད་ལྟ་མིག་སྔའི་གནས་ཚུལ་ནས་བལྟས་ན་འདི་འདྲ་ཞིག་རེད། འདི་དག་དངོས་འབྲེལ་ཡིན་མིན་ང་ཚོས་མུ་མཐུད་ཞིབ་འཇུག་བྱེད་དགོས།

རྩོད་རྙོག་འདི་སྐབས་བཅུ་བཞི་པའི་གྲོས་ཚོགས་དབུ་ཚུགས་སྐབས་ཚོགས་གཙོ་གཉིས་ཀྱི་རྩོད་གླེང་དང་། ཕྱི་ལོ་ ༢༠༠༩ ཕྱི་ཟླ་ ༣ པའི་གྲོས་ཚོགས་བོད་རིགས་ཡོངས་ལ་མིང་དོན་མཚུངས་པའི་མི་རིགས་ས་ཁོངས་རང་སྐྱོང་ཡོང་ཐབས་ཀྱི་བསམ་འཆར་ལ་གསལ་བཤད་མ་བཞེས་པའི་བརྒྱུད་རིམ་སོགས་གཏིང་ཟབ་པའི་བོད་ཀྱི་རྩ་དོན་རྩོད་ལེན་གྱི་གནད་དོན་དང་འབྲེལ་འདུག་སྙམ། ཡང་ཁག་ཅིག་གིས་གོ་སྐབས་འདི་བཟུང་ནས་སྤྱི་འཐུས་ནང་ཁུལ་གྱི་ཕྱོགས་བྱས་ཏེ་གསར་འགྱུར་སྤེལ་བཞིན་འདུག འདི་ཚོ་གསར་འགོད་པའི་བཟང་སྤྱོད་དང་རྩ་འགལ་དུ་ཕྱིན་འདུག་སྙམ།

ཐེངས་འདིའི་གྲོས་འཆར་ལས་འཕྲོས་པའི་གྲོས་ཚོགས་ཚོགས་མ་ཐུབ་པ་རེད། ཡིན་ནའང་འདིའི་རྒྱབ་ཀྱི་འཐབ་རྩོད་དངོས་དེ་བསོད་ནམས་སྟོབས་རྒྱལ་གྱི་འགྲོ་གྲོན་དོན་ལ་ཡིན་དང་། ཡང་ན་དོན་གཞན་ཞིག་གི་ཆེད་ཡིན། འདི་ནི་སྐབས་བཅུ་བཞི་པའི་སྤྱི་འཐུས་ལས་དོན་དབུ་ཚུགས་པ་ནས་བཟུང་ད་བར་གྱི་ལས་དོན་བྱེད་ཕྱོགས་ཀྱི་ཐོག་ནས་ཡོང་བའི་དྲི་བ་རེད་ལ། དོན་དངོས་སུ་ང་ཚོ་རྣ་ཕྱོགས་གཅིག་ལ་མ་གཟེད་པར་ཉན་དགོས་པའི་གནད་དོན་རེད།

གཤམ་གྱི་མཆན་བུ་འདི་བོད་ཀྱི་བང་ཆེན་ལས་བཤུས།
ད་ཡིན་ན་རྡ་སར་འབར་རྫས་ཆེན་པོ་འགད་འདུག་ཟེར། འབར་རྫས་དེ་འདི་ཟླའི་སྤྱི་ཚེས་ 18་ཉིན་ཏག་ཏག་རེད། གོ་གསལ་ལྟར་ན་འབར་རྫས་དེ་དང་པོ་བཟོ་ས་བལ་ཡུལ་ཨ་ན་པི་ནའི་ཟ་ཁང་ནང་རེད་ཟེར། བཟོ་མཁན་ཡང་སྒྲོལ་མ་ཉེར་གཅིག་གི་གྲས་ལ་མི་ཐེ་བའི་སྒྲོལ་མ་གཉིས་རེད་ཟེར། སྒྲོལ་མ་གཅིག་ལ་རྒྱ་རི་སྒྲོལ་མ་ཟེར། གཅིག་ལ་སྒྲོལ་མ་མཚོ་མོ་ཟེར། འབར་རྫས་དེ་བཟོས་ཚར་བ་དང་བལ་ཡུལ་དོན་གཅོད་ཀྱི་མོ་ཊའི་ནང་ཁུར་ནས་བལ་ཡུལ་HOTEL TIBETI ནང་ཁུར་འདུག དེ་རིང་བར་གནམ་ཐོག་ནས་ལྡི་ལི་བརྒྱུད་རྡ་སར་འབྱོར་འདུག སྟབས་ཉེས་པ་ཞིག་ལ་འབར་རྫས་དེ་བཙན་བྱོལ་བོད་གཞུང་གི་དམངས་གཙོའི་ཀ་བ་གསུམ་ལས་གཅིག་སྟེ་བོད་ཀྱི་གྲོས་ཚོགས་ནང་གཡུགས་འདུག

ཀ་ཡེ་རྒྱུ་འབྲས་མེད་པའི་ལྕི་འཐུས་ཚོ།།
ཁ་བ་ཅན་གྱི་སྤྱི་དོན་མི་གླེང་ཞིང་།།
ག་ལེར་ཆུ་ཚོད་བསྐྱལ་བའི་ཉེས་ཚོ།།
ང་ལ་དབང་ཞིག་ཡོད་ཚེ་གསོད་ན་འདོད།།

ཅ་ཅོའི་ཚིག་རྙོག་མང་པོ་གླེང་མཁས་པའི།།
ཆ་ཡོད་སྤྱི་འཐུས་འདི་ཚོ་སྐྱུགས་རེ་བྲོ།།
ཇ་ཆང་ཐུགས་སྤྲོ་བསམ་ནས་ཡོང་བ་ལས།།
བོད་ཀྱི་སྤྱི་དོན་བསམ་མཁན་གཅིག་ཀྱང་མེད།།

ཏྰ་ལའི་བླ་མ་ཟེར་ནས་དད་ཁུལ་བྱེད།།
ཐ་ཤལ་རྒྱ་མི་ཟེར་ནས་སྡིག་ཁུལ་བྱེད།།
ད་དུང་ཁྲེལ་མེད་སྐྱལ་བཟན་འདི་འདྲ་ཚོ།།
ན་ནིང་དོ་ཚིགས་བོད་ཀྱི་དབུ་ཁྲིད་བྱེད།།

པ་ལགས་རྒྱ་ཡིས་བསད་པའི་ད་ཕྲུག་ཚོ།།
ཕ་རོལ་དགྲ་ལ་འཐབ་བཞིན་བོད་ན་ཡོད།།
བ་གླང་ལྟ་བུའི་སྐུ་ངོ་སྐྱག་བཟན་ཚོ།།
མ་རབས་ནང་འཁྲུགས་སློང་བཞིན་རྡ་སར་བཞུགས།།

ཙ་རི་ལྷ་ས་མདོ་སྟོད་མདོ་སྨད་སོགས།།
ཚ་གྲང་ན་ཟུག་བཟོད་པའི་བོད་རིགས་ཚོ།།
ཛ་དྲག་གོ་ལག་ཐོགས་པའི་རྒྱ་དམག་གིས།།
ཝ་མོ་བཞིན་དུ་གསོད་པ་མཐོང་ན་ཡང་།།

ཞ་ར་འོན་པ་ལྟ་བུའི་ལྐུག་ངོ་ཚོས།།
ཟ་མ་ཞིམ་པོ་ཟ་བཞིན་ལྷོད་ལྷོད་ངང་།།
འ་འ་འོ་འོ་ཟེར་ནས་བགད་མོ་ཤོར།།
ཡ་མཚན་འདི་འདྲ་བོད་ལ་དངོས་སུ་བྱུང་།།

ར་རྫི་ལུག་རྫི་ལྟ་བུའི་སྤྱི་འཐུས་ཚོ།།
ལ་རྒྱ་ཅན་གྱི་བོད་མི་ཉམས་ཆུང་ཚོས།།
ཤ་ཁྲག་བཏང་ནས་བོད་དོན་རྩོད་བཞིན་པ།།
ཟ་འདྲེ་ཁྱོད་ཚོས་རྣ་བས་མ་གོ་སམ།།

ཧ་ཅང་རྒྱུ་འབྲས་མེད་པའི་སྐུ་ངོ་ཚོ།།
ཨ་ཁ་ད་ལྟ་ཤི་ན་དགའ་བ་ལ།།

མི་ཉག་སྐལ་བཟང་ལགས་ནས་ཝ་ཟུར་འདོགས་ཤེས་ཀྱི་མེད་སྐོར་གསུངས་པར་གལ་ཏེ་ངེད་གཉིས་ཀྱི་མཛུན་སྣོན་འགྲོ་སྟངས་གཅིག་གྱུར་ཡིན་ན་ཁྱེད་ནས་ཐོག་མར་ shift བསྣན་དེ་ནས་མཛུབ་མཐེབ་ w བསྣན་ཚེ་ཁྱེད་ཀྱི་སྐུ་ངལ་ཕལ་ཆེར་སེལ་ཐུབ།

བྲག་འགོ་དཀོན་མཆོག་དར་རྒྱས་ལགས། ཉིད་ཀྱི་བསམ་ཚུལ་དག་ལ་རྒྱབ་སྐྱོར་ཡོད། ཡིན་ན་ཡང་ཁྱེད་རང་གིས་དག་ཆ་ནོར་བས་ངའི་མགོ་ན་གིན། དག་ཆར་ཐུགས་གནང་གནང་རོགས། མ་གཞི་ནས་ད་ཡིན་ན་བོད་པ་དང་བོད་ཡིག་གཉིས་དུས་མཉམ་དུ་ཡལ་འགྲོ་བར་ཆོས་ཉིད་ཡིན་ས་རེད། སྤྱི་འཐུས་མགོ་ལེབ་ཚོའི་བྱེད་སྟངས་ནས་ཧ་གོ་གིན། དཀོན་མཆོག་གསུམ། ངའི་སེམས་ལ་ན་ཟུག་དག་གིས་ང་སྨྱོན་པར་མི་འགྱུར་བར་ཤོག ད་དུང་ཆོལ་ཁ་ཆོས་ལུགས་ཀྱི་ཞེན་ཁོག་སྐམ་པོ་ཡོད་མཁན་དག་གིས་རྒྱབ་ཕྱོགས་ན་རྒྱ་མིའི་གཞུང་དང་། ཡང་ན་འཇིགས་སྐུལ་པ་ཁག་ཅིག་ཡོད་ཐག་ཆོད་རེད། ཁོང་ཚོར་འབར་རྫས་ཡོད་མེད་ལྟོས་ཤོག་ཨང།།