རྨ་ལྷོ་བོད་རིགས་རང་སྐྱོང་ཁུལ་རྐ་གསར་སྡེ་བར་ས་ཉིལ་གྱི་གོད་ཆག་བྱུང་སྟེ། མི་གཅིག་རྐྱེན་ལམ་དུ་ཕྱིན་ཡོད་པ་དང་མི་མང་པོ་ཞིག་ལ་རྨས་སྐྱོན་ཕོག་ཡོད་འདུག
ཕྱི་ཚེས་ ༢༣ ཉིན་འབྲེལ་ཡོད་མི་སྣ་ཞིག་གིས་འདི་གའི་གསར་ཁང་ལ་གནས་ཚུལ་མཁོ་སྤྲོད་གནང་བ་ལྟར་ན། ཟླ་འདིའི་ཚེས་ ༡༤ ཉིན་གྱི་དགོང་དྲོའི་ཆུ་ཚོད་ ༨ པ་ཡས་མས་སུ་མཚོ་སྔོན་ཞིང་ཆེན་རྨ་ལྷོ་བོད་རིགས་རང་སྐྱོང་ཁུལ་གྱི་ཉེ་འགྲམ་ན་ཡོད་པའི་རྐ་གསར་སྡེ་བའི་རྒྱབ་རི་རྟ་འགྱིང་ཞེས་པ་དེར་ཆར་བ་ཤུགས་ཆེན་བབ་པར་རྐྱེན་བྱས་ཏེ་ས་ཉིལ་གྱི་གོད་ཆག་བྱུང་ཡོད་འདུག་ལ། ས་ཉིལ་གྱི་གོད་ཆག་དེ་རྐ་གསར་དགོན་པ་དང་སྡེ་བའི་བར་དཀྱིལ་དུ་བྱུང་བར་བརྟེན་རྐ་གསར་དགོན་པའི་རང་ལོ་ ༢༣ ཡིན་པའི་གྲྭ་ནོར་བུ་རྐྱེན་ལམ་དུ་ཕྱིན་ཡོད་པ་དང་། དེར་ཡོད་གནས་སྡོད་བོད་མི་ཁ་ཤས་ལ་རྨས་སྐྱོན་ཕོག་ཡོད་འདུག དེ་བཞིན། གོད་ཆག་འདིས་དགོན་པའི་གྲྭ་ཤག་ ༡༠ ལྷག་ས་འོག་ཏུ་མནན་ཡོད་འདུག ད་ལྟའི་ཆར་རྐ་གསར་སྡེ་བའི་སྡེ་མི་ཡོངས་རང་སྡེ་ནས་འདུག་ཐབས་མེད་པར་གནས་སྤོར་གྱིས་སྡེ་བའི་ཉེ་འདབས་ཀྱི་ཐང་སྟོང་ཞིག་ཏུ་སྦྲ་གུར་ནང་གནས་སྡོད་བྱས་ཡོད་འདུག
དེ་བཞིན་འབྲེལ་ཡོད་མི་སྣས་བརྗོད་དོན། མཚོ་སྔོན་བོད་སྐད་རླུང་འཕྲིན་གྱིས་གནས་ཚུལ་བསྒྲགས་པ་ལྟར་ན། ཐེངས་འདིའི་གོད་ཆག་ཁྲོད་རྐ་གསར་སྡེ་བའི་ས་ཞིང་དང་ཁང་པ། ཤིང་སྡོང་སོགས་ས་འོག་ཏུ་མནན་ཡོད་པ་དེ་དག་ལ་རྒྱ་སྒོར་ས་ཡ་ ༡ ལྷག་གི་གྱོང་གུད་ཐེབས་ཡོད་ཚུལ་བརྗོད་ཀྱིན་ཡོད་ཀྱང་། འབྲེལ་ཡོད་མི་སྣས་ཐད་ཀར་ས་གནས་ས་ཐོག་ཏུ་འབྲེལ་བ་བྱས་ཏེ་ཤེས་རྟོགས་བྱུང་བ་ལྟར་ན། ཉེ་བའི་ཆ་ནས་བཟུང་རྨ་ལྷོ་ཁུལ་གྱི་རྒྱ་གཞུང་འབྲེལ་ཡོད་མི་01KV.jpg)
སྣས། དོན་རྐྱེན་འདི་ལ་རྐྱེན་བྱས་ཏེ་རྒྱ་ནག་ནང་ཁུལ་དང་བོད་ཁུལ་གྱི་ས་ཆ་གང་མང་ལ་ཞལ་འདེབས་སློང་གིན་ཡོད་འདུག་ལ། ཞལ་འདེབས་ཀྱི་མ་དངུལ་དེ་ད་ལྟའི་ཆར་ཡང་གནོད་འཚེ་ཐེབས་ཡུལ་གྱི་མི་མང་ལ་རག་གིན་མེད་པའི་གནས་སྟངས་ཆགས་ཡོད་པ་དང་། ས་གནས་མི་མང་གིས་དེ་ནི་རྒྱ་ནག་གཞུང་གི་གཡོ་ཇུས་ཤིག་ཡིན་པར་ངོས་འཛིན་བྱེད་ཀྱིན་འདུག ཅེས་བརྗོད་བྱུང་ལ། ད་ལྟའི་ཆར་སྡེ་མི་ཡོངས་ཀྱིས་འདི་ལོ་འདི་ལྟ་བུའི་རང་བྱུང་གི་གོད་ཆག་ཆེན་པོ་ཞིག་བྱུང་ཡོད་པ་དང་། ལོ་རྗེས་མར་ཡང་བསྐྱར་འདི་ལྟ་བུའི་གོད་ཆག་འབྱུང་སྲིད་སྟབས། དགོན་པ་དང་སྡེ་མི་ཡོངས་གྲོས་བསྡུར་བྱས་ཏེ། འདི་ལོ་ས་གཞན་ཞིག་ཏུ་གནས་སྤོར་བྱེད་མི་ཐུབ་ཀྱང་ལོ་རྗེས་མར་ས་གཞན་ཞིག་ཏུ་གནས་སྤོར་བྱ་དགོས་པའི་ཐད་ལ་གླེང་སློང་ཤུགས་ཆེར་བྱེད་ཀྱིན་འདུག་ལ། ད་ལྟའི་ཆར་སྡེ་མི་ཡོངས་ཅི་བྱ་གཏོལ་མེད་ཀྱི་གནས་སུ་ལྷག་འདུག ཅེས་བརྗོད་བྱུང་།
ཐེངས་འདིའི་ས་ཉིལ་གྱི་གོད་ཆག་བྱུང་སྟེ་ཉིན་གྲངས་ ༡༠ ཕྱིན་ཡོད་ཀྱང་། ད་ལྟའི་ཆར་ཡང་ཉིན་ལྟར་ས་ཉིལ་འབྱུང་བཞིན་ཡོད་འདུག་ལ། ཁོང་ཚོ་མ་མཐར་ཡང་ཟླ་གཉིས་ལྷག་གི་རིང་ལ་སྡེ་འདབས་ཀྱི་སྦྲ་གུར་ནས་འཚོ་བ་བསྐྱལ་དགོས་ཚུལ་བརྗོད་བྱུང།
![China's Vice Minister of Foreign Affairs Sun Weidong in Tokyo, Japan in 2023 [File: Issei Kato/Pool via Reuters]](https://tibettimes.net/wp-content/uploads/2026/04/Screen-Shot-2026-04-15-at-2.32.14-PM-360x180.png)
གདུང་སེམས་མཉམ་བསྐྱེད་ཞུ་བ་ལས་བྱ་ཐབས་གཞན་མི་བརྙེད།
འབྱུང་བ་འདི་དག་གིས་ཀྱང་བོད་ལ་ཐུབ་ཚོད་ཅིག་གཏོང་གི་འདུག་ནོ་ད་ཅི་རེད། རྒྱའི་བོད་ལ་སྡུག་པོ་བཏང་། ད་ཡང་འབྱུང་བའི་གནོད་ཚབ་མི་ཉུང་བ་ཞིག་བོད་ཁུལ་གང་སར་སླེབས་པ་འདི་ཅི་རེད།
དངོས་ནས་དུས་བབ་ཚང་གི་ཁྲིམས་དཔོན་བཟོད་རྒྱམ་ལགས་འདིས་གཅིག་ཀྱང་ཤོར་དུ་འཇུག་གི་མི་འདུག དངོས་ནས་ཧ་ལས་པ་ཞིག་རེད། མི་ཟེར་ན་འདི་འདྲ་ཞིག་དགོས་ཚོད་རེད།
སྒོར་མོ་སྟོང་གཅིག་དང་ཉིས་བརྒྱ་སྤྲད་པ་ཡིན་ལྟ་བུ་ཟེར་ན་ལས། ཉིས་བརྒྱ་དང་སྟོང་གཅིག་སྤྲད་པ་ཡིན་མི་ཟེར་བ་མ་མིན་ནམ།
འོ་ན་བྱེ་བ་དང་ས་ཡ་ད་དུང་བཅོས་མེད་པ་ཅི་རེད། ང་ནོར་སོང་བ་ཨེ་རེད།ཧ་ཧ་
ཨ་རོགས་བཟོད་པ། ཁྱོད་ང་ཚོ་དུས་བབ་ལ་མེད་དུ་མི་རུང་བའི་ཀློག་མཁན་གྱི་གྲས་སུ་གདམས་ཡོད་ལ། དུས་ནས་དུས་སུ་ནོར་འཁྲུལ་དང་སྐྱོོན་ཐེར་འདོན་བྱས་པར་དགའ་བསུ་ཞུ་བ་ཡིན། ཧ་ཧ་ཧ་་་་་་་་་་ཁྱེད་ཀྱི་དོ་སྣང་གནང་པར་བཀའ་དྲིན་ཆེ།
རྩོམ་སྒྲིག་པས་ད་གཞི་ནས་བཀོད་བྱུང་། ཐུགས་རྗེ་ཆེ་ཞུ། འོན་ཀྱང་རྩོམ་སྒྲིག་པ་ལགས། ངས་གསར་འགྱུར་ལས་གོ་ཐོས་ལྟར་ན་རྒྱ་སྒོར་བྱེ་བ་གསུམ་དང་ས་ཡ་གཅིག་ལྷག་གི་གྱོང་གུད་ཐེབས་སྐོར་བཤད་སོང་། ང་ཚོའི་རྩི་ཚུལ་ལའང་ས་ཡའི་རྗེས་སུ་བྱེ་བ་ཟེར་ལ། ས་ཡ་ལས་བྱེ་བ་ཟེར་བ་འདི་གྲངས་ཀ་མང་བ་རེད། དེ་བས་བྱེ་བ་གསུམ་དང་ས་ཡ་གཅིག་ལྷག་ཟེར་དགོས་པ་ཡིན་ཐག་ཆོད་ཡིན།