ཉིན་ཤས་གོང་སེར་བྱེས་ལྡན་མ་ཁང་ཚན་དུ་ཆོས་བརྒྱུད་ཁག་བཞིའི་གནད་ཡོད་མི་སྣ་ཁག་ཅིག་གདན་ཞུས་ཀྱིས། ཉིན་གཉིས་རིང་བགྲོ་གླེང་གནང་ཡོད། སྐབས་དེ་དང་བསྟུན་འདི་གའི་གསར་འགོད་པས་ཉེ་ཆར་གྲོས་ཚོགས་ཚོགས་དུས་བརྒྱད་པ་མཇུག་སྡོམ་གནང་མ་ཐུབ་པའི་ཁྲོད་ཆོས་བརྒྱུད་སྤྱི་འཐུས་ཚོས་དྲང་ཚུགས་མ་ཐུབ་པའི་རྐྱེན་ཡིན་རབས་དང་། ཐ་ན་མ་འོངས་པར་ཆོས་བརྒྱུད་སྤྱི་འཐུས་དགོས་མིན་ཐད་ལའང་སྤྱི་ཚོགས་ཁྲོད་གླེང་སློང་ཡོང་བཞིན་པར་བརྟེན། གནད་དོན་འདིའི་ཐད་དྲི་བ་རེ་ཟུང་ཕུལ་བ་ཡིན།
རྫོགས་ཆེན་མཁན་པོ་འཇམ་དཔལ་བསྟན་འཛིན་མཆོག་ལ་བོད་མི་མང་སྤྱི་འཐུས་གྲོས་ཚོགས་ཚོགས་དུས་བརྒྱད་པ་མཇུག་སྡོམ་རྒྱག་མ་ཐུབ་པའི་སྐོར་ལ་དགོངས་ཚུལ་ཅི་ཡོད་དང་། སྤྱི་ཚོགས་ནང་ཆོས་བརྒྱུད་ཁག་ནས་ཕེབས་པའི་སྤྱི་འཐུས་རྣམས་དགོས་མཁོ་མི་འདུག མིང་ཆོས་བརྒྱུད་ཁག་གི་མིང་ཁྱེར་ནས་སླེབས་ཀྱང་ཕར་སླེབས་སྐབས་ཆོལ་ཁའི་དབང་དུ་ཕྱོགས་འགྲོ་གིན་ཡོད་པས། དེའི་ཐད་དུ་དགོངས་ཚུལ་ཅི་ཡོད་ཅེས་དྲིས་པར་ཁོང་གིས་གསུངས་དོན། བོད་མི་མང་སྤྱི་འཐུས་གྲོས་ཚོགས་ཚོགས་དུས་བརྒྱད་པ་མཇུག་སྡོམ་རྒྱག་མ་ཐུབ་པ་ནི། སྤྱི་འཐུས་གྲོས་ཚོགས་ཀྱི་ཚོགས་གཙོའི་སྟངས་འཛིན་བྱེད་མ་ཐུབ་པར་ལན་པ་ཞིག་རེད་འདོད་ཡོད། སྤྱི་འཐུས་གྲོས་ཚོགས་ནང་སྤྱི་འཐུས་གཅིག་གཉིས་ཤིག་གིས་གནང་སྟངས་མ་འགྲིག་པ་བྱུང་སྐབས། སྤྱི་འཐུས་གྲོས་ཚོགས་ཀྱི་ཚོགས་གཙོ་ཁོང་རང་ཉིད་ནས་སྟངས་འཛིན་ཡག་པོ་ཞིག་བྱས་པ་ཡིན་ན། སྟངས་འཛིན་བྱེད་མ་ཐུབ་པ་དེ་འདྲ་ཡོད་རྒྱུ་མ་རེད་བསམ་གི་འདུག་ལ། ཐེངས་འདིར་ཚོགས་དུས་བརྒྱད་པ་མཇུག་སྡོམ་རྒྱག་མ་ཐུབ་པར་ཚོགས་འདུ་གྲོལ་དགོས་བྱུང་བའང་སྟངས་འཛིན་མ་ཐུབ་པ་དེ་ལན་པས་རེད་ཅེས་དང་། ཆོས་བརྒྱུད་ཁག་གི་སྤྱི་འཐུས་རྣམ་པ་ངེས་པར་དུ་དགོས་པ་ཞིག་རེད་ལ། མ་འོངས་པར་ཡང་མུ་མཐུད་དེ་རྒྱུན་སྐྱོང་དགོས་པ་ཞིག་རེད། ང་ཚོའི་ད་ལྟའི་ཆབ་སྲིད་ལངས་ཕྱོགས་དེ་ཆོས་སྲིད་ཟུང་འབྲེལ་ཞིག་ཡིན་སྟབས། ཆོས་ཕྱོགས་ནས་ཀྱང་ཤུགས་ཆེན་པོ་ཞིག་འགྲོ་དགོས་པ་རེད། ཡིན་ནའང་། ཐེངས་འདིའི་དཀའ་རྙོག་དང་། ཡང་ན་འབྱུང་འགྱུར་གྱི་གནས་སྟངས་གང་གི་ཆ་ནས་ཡིན་ནའང་། ཆོས་བརྒྱུད་ཁག་གི་སྤྱི་འཐུས་རྣམ་པའི་རང་ཚུགས་ཐུབ་པའི་སྒོ་ནས་ཕར་ཚུར་མི་ཕྱོགས་རྒྱུ་གལ་ཆེན་པོ་རེད་ལ། དེ་ལྟར་ཕྱོགས་ཚེ་ཉེན་ཁ་ཆེན་པོ་ཞིག་ཀྱང་རེད། ཅེས་གསུངས་ཡོད།
གོང་གི་དྲི་བ་དེ་གཉིས་ཀྱི་ལན་དུ་ས་སྐྱའི་དཔེ་ཁྲིད་རྒན་འཇམ་དབྱངས་མགོན་པོ་མཆོག་གིས་གསུངས་དོན། སྤྱིར་བཏང་ངས་ནམ་རྒྱུན་ནས་སྤྱི་འཐུས་གྲོས་ཚོགས་སྐོར་ལ་དེ་ཙམ་དོ་སྣང་བྱེད་ཀྱིན་མེད། ཡིན་ནའང་། ད་རེབ་གློ་བུར་དུ་སྤྱི་འཐུས་གྲོས་ཚོགས་ནང་རྩོད་ཉོག་བྱུང་བར། ངས་བསམ་ཚུལ་ལྟར་བྱས་ན་ང་ཚོ་ལ་རང་དབང་ཆ་ཚང་ཡོད་པ་ཞིག་མཚོན་ཐུབ་ཀྱི་འདུག རང་དབང་ཡོད་པའི་ཆ་ནས་བཤད་ན་ཞེ་དྲག་ཡག་པོ་རེད། སོ་སོར་རང་དབང་ཆ་ཚང་ཡོད་པ་དེ་བེད་སྤྱོད་བྱེད་ཐུབ་སའི་སྤྱི་ཚོགས་ཤིག་ཆགས་ཡོད་པའི་རྟགས་རེད། དེ་ལྟར་བེད་སྤྱོད་བཏང་བ་ཞིག་ཀྱང་རེད། འོན་ཀྱང་། སྤྱི་འཐུས་ཚོགས་གྲོས་ཚོགས་དུས་བརྒྱད་པ་མཇུག་སྡོམ་རྒྱག་མ་ཐུབ་པ་དེ་ནི་དོ་བདག་སོ་སོར་སྤྱི་མཐུན་གྱི་བསམ་བློ་ཡོད་མེད་ལ་རེག་ལས་པ་ཞིག་རེད། དེར་བརྟེན་བསྐྱར་དུ་གྲོས་ཚོགས་ནང་འཛོམས་ནས་མཇུག་སྡོམ་རྒྱག་རྒྱུ་དེ་ང་རང་གི་རེ་བ་ཆེ་ཤོས་དེ་ཡིན་ཞེས་དང་། ང་ཚོའི་གཞུང་ལ་ག་ཚོད་ཀྱིས་ཞབས་ཕྱི་བྱེད་མཁན་མང་བ་ཡོད་ན་དེ་ཙམ་གྱིས་དགེ་མཚན་ཆེ་བ་མ་གཏོགས་སྐྱོན་དུ་མཐོང་གི་མི་འདུག དཔེར་ན། ལས་དོན་ཞིག་གི་མགོ་རྩོམ་དུས་དེའི་ཐོག་ལ་ག་ཚོད་ཀྱིས་བསམ་ཚུལ་མང་བ་བཤད་མཁན་ཡོད་ན། དེའི་ཚོད་ཀྱིས་ལས་དོན་དེ་ཡག་པོ་ཡོང་གི་རེད་ལ། གྲུབ་འབྲས་ལྡན་པ་ཡོང་གི་རེད་བསམ་གི་འདུག དེར་བརྟེན་ཆོས་བརྒྱུད་ཁག་གི་སྤྱི་འཐུས་ཡོད་ན་བཟང་གི་རེད་ལ། མུ་མཐུད་དགོས་པའང་གལ་ཆེན་པོ་རེད་ཅེས་གསུངས།
དེ་བཞིན་བཀའ་བརྒྱུད་དཔེ་ཁྲིད་རྒན་ཡེ་ཤེས་རྒྱ་མཚོ་མཆོག་ནས་གསུངས་དོན། སྤྱི་འཐུས་གྲོས་ཚོགས་ཚོགས་དུས་བརྒྱད་པ་དེ་མཇུག་སྡོམ་རྒྱག་ཐུབ་ཡོད་པ་མ་རེད། ཡིན་ནའང་མུ་མཐུད་སྐྱུར་མ་བཞག་པར། སྤྱི་འཐུས་རྣམ་པ་སླར་ཡང་མཉམ་དུ་འཛོམས། ཕར་ཚུར་སྦྱངས་བཤད་གནང་། གང་དང་གང་འགྲིག་མེད་ན་དེ་ཐག་གཅོད་གཙང་མ་བྱས་ན་ཡག་གི་རེད། དེ་མིན་འདི་ལྟར་བཞག་ན་མི་མང་ནང་དུའང་དོགས་པ་དང་བསམ་ཚུལ་འདྲ་མིན་སྣ་ཚོགས་ཡོང་གི་རེད་ལ། ཞི་བདེ་ལྷིང་འཇགས་ཀྱང་ཡོང་གི་མ་རེད། ག་རེ་ཡིན་ནའང་མཉམ་དུ་འཛོམས་ནས་ཐག་གཅོད་དགོས་པ་རེད་ལ། དེ་ལྟར་གནང་ན་གྲུབ་འབྲས་ཤིག་ཀྱང་ཐོན་གི་རེད། ཅེས་དང་། ཆོས་རྒྱུད་ཁག་ནས་ཕེབས་པའི་སྤྱི་འཐུས་དེ་ཚོས་རང་འཁྲིའི་ལས་འགན་ལྟར་ཕྱག་ལས་ཚད་དང་ལྡན་པ་གནང་ཚེ། ཆོས་རྒྱུད་ཁག་གི་སྤྱི་འཐུས་ཡོད་ན་བཟང་གི་རེད་ལ། ཆོས་ལུགས་སོ་སོ་དང་ཆོལ་ཁའི་ཕྱོགས་སུ་མ་ཤོར་བར་བོད་མི་མང་གི་ཆེད་དུ་ཞབས་ཕྱི་གནང་ཚེ། ཆོས་རྒྱུད་ཁག་གི་སྤྱི་འཐུས་ཡོད་པའི་ཡོད་གོ་ཆོད་པ་རེད། ཅེས་གསུངས་ཡོད།
ཡང་། སེར་བྱེས་མཁན་པོ་བློ་བཟང་དཔལ་ལྡན་མཆོག་གིས་གསུངས་དོན། རྐུབ་སྟེགས་སྟེང་སྡོད་མཁན་དེ་ཚོས་རང་འཁྲིའི་ལས་ཀ་བྱེད་དུས་གཡས་འཁྱེར་གཡོན་འདེགས་བཟོས་ཏེ། རང་གི་རྐུབ་སྟེགས་ཀྱི་ལས་ཀ་བྱེད་མི་ཐུབ་དུས་འགྲེལ་བཤད་རྒྱག་དགོས་པ་རེད། སྤྱི་འཐུས་དེ་ཚོ་ཆོལ་ཁ་ནས་སླེབས་ནའང་འདྲ། ཆོས་བརྒྱུད་ཁག་ནས་སླེབས་ནའང་འདྲ། གང་ལྟར་མི་མང་གི་བསམ་ཚུལ་དངོས་དེ་སྤྱི་འཐུས་གྲོས་ཚོགས་ནང་སླེབས་ཐུབ་པ་དང་། སྤྱི་འཐུས་ནང་དུ་ཚད་དང་ལྡན་པའི་སྤྱི་འཐུས་སུ་ཡོད་ནའང་། དེར་རྒྱབ་སྐྱོར་བྱ་རྒྱུ་གལ་ཆེན་པོ་རེད། མ་འོངས་པར་ཆོས་བརྒྱུད་ཀྱི་སྤྱི་འཐུས་དགོས་དང་མི་དགོས་དེ་བཤད་མི་ཤེས་པ་ཞིག་རེད་ཅེས་གསུངས་བྱུང་།
དགྲ་འདུལ་ཁམས་རྫུན་ཆོལ་ལོག་གྲྭ་ལོག་ཞིག་ཡིན་པ་ཡོངས་གྲགས་རེད་དོ།
ད་ཡོད་པ་མ་རེད།ཁོང་ཚོས་ལྐུགས་རྟགས་བསྟན་ན་རེ།
རྡོ་རྗེ་དགྲ་འདུལ་ལགས། དངོས་ནས་ཁྱེད་ཀྱིས་སྤྱི་ཚོགས་དེ་ཙམ་དང་བསམ་བློ་དེ་ཙམ་ལས་གཏོང་བའི་ནུས་པ་མེད་པ་ཡིན་ན་ཀྱེད་ཡང་རང་རིགས་ཤིག་ཡིན་པའི་ཆ་ནས་ངས་ཁྱེད་རང་མིག་གིམ་བལྟས་བལྟས་སུ་གཡང་ལ་མཆོང་དུ་འཇུག་འདོད་མེད། དེའི་རྐྱེན་གྱིས་ངས་ཁྱེད་ལ་བསམ་ཚུལ་ཐེངས་འགར་བཤད་པ་ཡིན། འོན་ཀྱང་བསམ་བཞིན་དུ་ཁྱེད་ཀྱིས་སྤྱི་ཚོགས་དཀྲུགས་འདོད་ཡོད་ན་དེ་ཁྱེད་ཀྱིས་ལྟོས། ཁྱེད་ཀྱིས་ཁམས་པའི་ཞེན་ཁོག་འཛིན་གྱི་ཡོད་ཁུལ་རེད། ཁམས་པའི་ཞེན་ཁོག་ཕར་བཞག་ཞབས་འདྲེན་རྐྱང་རྐྱང་བྱེད་ཀྱི་འདུག ཁམས་པ་ཟེར་བ་དེ་ཁྱེད་རང་ལྟ་བུ་མཐོང་ཐོས་མེད་པ་དེ་འདྲ་ཞིག་གང་ནས་ཡིན།དེ་ལ་བྱས་རྗེས་བགྲང་གིས་མི་ལང་པ་ཡོད། འོན་ཀྱང་ཁྱེད་ཀྱི་བྱེད་བབ་ལ་བལྟས་ན་ཁྱེད་རང་ཁམས་རྫུན་ཞིག་ཡིན་པ་ཐག་གིས་ཆོད། དྲྭ་གྲོགས་ཚོ་ཁྱེད་ཚོས་གཟིགས་དང་ང་རང་ལ་ཁ་ཕོ་ཆེ་བར་མ་འདོད། ང་དང་ནམས་མཁའ་བསྟན་འཛིན་གཉིས་ཀྱིས་བསམ་ཚུལ་བཤད་པ་ནས་གང་ཞིག་ལ་ནོར་འཁྲུལ་དང་ཐལ་ཆ་ཆེ་བ་བྱུང་ཡོད་དམ།
དྲྭ་གྲོགས་ཚོ་ད་རེས་དུས་བབ་གསར་འགོད་པས་ནོར་མི་འདུག་བོད་པའི་གྲོང་གསེབ་ལངས་ཕྱོགས་དང་འཐེན་ཁྱེར་གང་ཡང་་མི་ཤེས་མཁན་མི་དྲང་མོ་དྲང་རྐྱང་དེ་ཚོ་ལ་སྐད་ཆ་དྲིས་པས་ཚང་མས་ས་རྟགས་བསྡུ་་རུབ་བྱེད་མཁན་ཚོས་ནོར་བ་རེད་ཅེས་ཤོད་ཀྱིན་འདུག ལྐོག་ལྐོག་སིད་སིད་ངང་ས་ཡིག་བསྡུ་རུབ་བྱེད་པ་ནི་ཚུལ་མཐུན་ཞིག་མ་རེད་ལ་ཁོང་ཚོས་གྲོས་ཚོགས་ཀྱི་ཁང་པའི་ནང་དུ་ས་རྟགས་བསྡུ་རུབ་བྱེད་པའི་སྤོབས་པ་མེད་པ ་རེད། ཁོང་ཚོས་ད་རེས་ཀྱི་གོ་སྐབས་འདི་བརྒྱུད་ནས་བོད་པ་ནང་ཁུལ་ལ་དཀྲུགས་ཤིང་
ཤིག་རྒྱག་དགོས་བསམ་མཁན་ཡང་མེད་པ་མ་རེད་ཅེས་བཤད་མཁན་མང་པོ་འདུག
བོད་ཀྱི་དུས་བབ་རྩོམ་སྒྲིག་ཁང་གིས་དྲང་པོ་མ་བྱས་པའི་བསམ་ཤོག་གི་གྲུབ་འབྲས།
ཉེ་ཆར་སྐབས་བཅུ་བཞི་པའི་སྤྱི་འཐུས་གྲོས་ཚོགས་ཐེངས་བརྒྱད་པ་མཇུག་བསྡོམས་མ་ཐུབ་པའི་སྐོར་ལ་དུས་བབ་དྲ་ཚིགས་ནང་སུའི་ནོར་མིན་གྱི་བསམ་ཤོག་ཅིག་བསྡུས་སོང་བའི་གྲུབ་འབྲས་ ༢༠༠༩།༩།༢༩ དགོང་དྲོ་ཆུ་ཚོད་ ༧།༥༠ ཐོག
《སྐབས་བརྒྱད་པའི་གྲོས་ཚོགས་ཀྱི་མཇུག་སྡོམ་ཡང་གནང་མ་ཐུབ་པར་དུས་ཚོད་ངེས་མེད་བར་ཚོགས་གསེང་མི་གཏོང་ཐབས་མེད་བྱུང་བ་འདི་ནི།
གྲོས་གཞི་འདོན་མཁན་ནོར་བ་རེད། (༥༡)
ས་རྟགས་འགོད་མཁན་ ༡༤ ནོར་བ་རེད། (༢༠༥)
ཕྱི་ལ་ཐོན་མཁན་ ༡༢ ནོར་བ་རེད། (༩༢)
ལམ་གྲོན་ཞུ་མཁན་ནོར་བ་རེད། (༤༠)
རྒྱུན་ལས་ནོར་བ་རེད། (༣༧)》 ཞེས་ཁྱོན་འོས་གྲངས་ ༤༢༥གསལ་ཡོད་རེད། དེ་དགོང་མོ་པར་བཤུས་བྱས་ནས་ཉར་བ་ཡིན།
ཡང་བོད་ཀྱི་དུས་བབ་ཚགས་ཤོག་སྤྱིའི་འདོན་ཐེངས་ ༤༦༢ ནང་༼བསམ་ཤོག༽ ཅེས་པའི་འོག
《བསྡོམས་པའི་འོས་ཤོག་འཕེན་མཁན་མི་གྲངས་ ༤༠༤ 》 ཞེས་དང་།
《སྐབས་བརྒྱད་པའི་གྲོས་ཚོགས་ཀྱི་མཇུག་སྡོམ་ཡང་གནང་མ་ཐུབ་པར་དུས་ཚོད་ངེས་མེད་བར་ཚོགས་གསེང་མི་གཏོང་ཐབས་མེད་བྱུང་བ་འདི་ནི།
རྒྱུན་ལས་ནོར་བ་རེད། ༨༌༧༦%
གྲོས་གཞི་འདོན་མཁན་ནོར་བ་རེད། ༡༠༌༨༢%
སྤྱི་འཐུས། ༢༩༌༥༧%
ཕྱི་ལ་ཐོན་མཁན་ ༡༢ ནོར་བ་རེད། ༢༠༌༤༠%
ས་རྟགས་འགོད་མཁན་ ༡༤ ནོར་བ་རེད། ༥༠༌༢༤% 》 ཞེས་བྲིས་འདུག ཚགས་ཤོག་ནང་དོན་དངོས་འོས་ཤོག་གི་གྲངས་ཚད་ཆ་ཚང་བཀོད་མི་འདུག་པས་འོས་ཤོག་བླུག་མཁན་རྣམས་ལ་མགོ་བསྐོར་བཏང་འདུག ཡང་དྲ་རྒྱར་གསལ་བའི་ལམ་གྲོན་ཞུ་མཁན་ཟེར་བ་དེ་ཚགས་ཤོག་ནང་བཀོད་མི་འདུག་ཅིང་གལ་སྲིད་སྤྱི་འཐུས་ཟེར་བ་དེ་ཡིན་ཚེ་ཕྱི་ལ་ཐོན་མཁན་ ༡༢ དང་གྲོས་གཞི་འདོན་མཁན་ལས་འོས་གྲངས་ཉུང་བ་དྲ་ངོས་སུ་ཁྲ་ལམ་མེར་གསལ་འདུག་ཀྱང་ཚགས་ཐོག་ཏུ་བརྒྱ་ཆ་མང་བ་བཟོས་འདུག ཉེ་ཆར་གྱི་གནས་ཚུལ་དེ་བྱུང་བ་ནས་བཟུང་དུས་བབ་རྩོམ་སྒྲིག་པ་དང། གསར་འགོད་བ། ཟིན་བྲིས་བ་ཕལ་ཆེར་བཅས་ཀྱིས་ཕྱོགས་གཅིག་ཁོ་ནའི་སྐོར་ལ་བྲིས་འདུག་པ་ལྟར་དེ་རིང་གི་གནས་ཚུལ་འདིས་ར་སྤྲོད་དང་དྲང་པོ་བྱས་མེད་པ་གསལ་མི་འདུག་གམ།
ཧ་ཧ་ཧ་ཧ་ཧ་ཧ་ཧ་ཧ་༌༌༌༌༌༌༌༌༌༌༌༌༌༌༌༌༌༌ཧཧཧཧ༌༌༌༌༌༌༌༌༌༌༌༌༌༌༌༌༌ཧཧཧ༌༌༌༌ཧཧཧ
ནམ་མཁའ་བསྟན་འཛིན་ལགས། ངས་ཞི་རྒོལ་ཁྲོད་དུ་གྲྭ་བཙུན་མང་བའི་རྒྱུ་མཚན་གྱིས་ཆོས་བརྒྱུད་སྤྱི་འཐུས་དགོས་ཟེར་གྱི་མེད། གྲྭ་པས་་བོད་དོན་དང་ཆབ་སྲིད་ཐོག་ཐེ་གཏོགས་མ་བྱས་ན་དེས་བོད་དོན་ལ་གནོད་ཀྱི་འདུག་ཟེར་གྱི་ཡོད། ཨ་ལ་ལས་གྲྭ་པས་
ཆབ་སྲིད་ལ་ཐེ་གཏོགས་མ་བྱས་ན་སྙམ་པའི་དགོངས་ཚུལ་བཏོན་པ་རེད།
ཆོས་བརྒྱུད་སྤྱི་འཐུས་མི་དགོས་ཟེར་བའི་རྒྱབ་ལྗོངས་ངས་ཤེས་ཀྱི་ཡོད། ཆོས་བརྒྱུས་སྤྱི་འཐུས་མང་ཆེ་བ་ཁམས་ནས་ཡོང་གི་ཡོད་ཙང་ཆོས་བརྒྱུད་སྤྱི་འཐུས་མེད་ན་བསམ་པའི་དགོངས་ཤོད་ཀྱི་ཡོད་པ་རེད། དེ་ཡང་རྐུབ་མེད་ཟ་ལེ་རྒྱལ་ཚང་གི་མི་རེ་ཟུང་མ་གཏོགས་
མི་ཚད་ལྡན་ཚོས་དེ་འདྲ་ཤོད་ཀྱི་མ་རེད།
དེང་སང་གི་གྲྭ་པ་ཟེར་འདི་ཚོས་ཅི་ཞིག་སྒོམ་གྱིན་ཡོད་ངས་མི་ཤེས་ལ་ཁོང་ཚོས་གསང་བ་མི་ཤེས། ཡིན་ན་ཡང་ཁོང་ཚོས་བོད་དོན་འཐབ་རྩོད་ལ་ཕན་ཐོགས་ཀྱི་འདུག་པ་ཐ་ན་
སྐད་འབོད་ཅིག་རྒྱག་དགོས་ན་ཡང་ཁོང་ཚོ་མེད་ན་དཀའ་ལས་འདུག ནམ་མཁའ་བསྟན་འཛིན་དང་ཨ་ལ་ལ་གཉིས་བོད་ཆེད་སྐད་འབོད་གྷ་ཚོད་སོང་ཡོད་བསམ་མནོ་རེ་ཐོང་དང་།
ཨ་ལ་ལར་གནས་ལུགས་འདུག ང་ཁྱོད་ཀྱི་བསམ་ཚུལ་འདིའི་ཕྱོགས་ནས་ཀ་ལངས་ལངས་ཡིན། ཞི་རྒོལ་བྱེད་མཁན་ཁྲོད་གྲ་བ་མང་་བ་རྒྱུ་མཚན་དུ་བྱས་ནས་ཆོས་བརྒྱུད་ཀྱི་སྤྱི་འཐུས་ཅིས་ཀྱང་དགོས་ཟེར་བ་ནི་ཅི་འདྲའི་དགོད་བྲོ་བ་ལ། དེ་ན་འབར་མའི་ནང་ཞི་རྒོལ་སྣེ་ཁྲིད་མཁན་རྟག་པར་གྲ་བ་ཚོ་རེད། ཁོ་ཚོར་གྲ་བའི་སྤྱི་འཐུས་འདུག་གམ། ང་ཚོས་འདིར་གླེང་བཞིན་པ་ནི་སྤྱི་ཚོགས་ཀྱི་དགོས་མཁོ་དང་མི་མཐུན་ཞིང་མཚམས་རེར་ཕན་ལས་གནོད་ཆེ་ན་བྱ་དངོས་ཅི་ཞིག་ཡིན་ཀྱང་རྗེས་སྤོར་དང་སྙུག་དོར་བཅུད་ལེན་བྱེད་པ་ལས། བསམ་བཞིན་དུ་རང་ཉིད་གཡང་ལ་ཟེགས་སུ་བཅུག་མི་འདོད་པ་དེ་ཡིན་མོད། སྤྱི་ཚོགས་ལ་ཕན་མི་ཐོགས་ཀྱང་རྐུབ་སྟེགས་སྟེང་སྲ་འཐས་སུ་འབྱར་འདུག་མཁན་ཞིག་དགོས་ན་རྒྱ་་ནག་གིས་ཁྱོད་ཚོར་རིན་ཏ་ཞེས་བོད་ཀྱི་ཨ་ལགས་ཚོར་མིང་སྙན་མོ་ཞིག་བཏགས་ཡོད་པ་མ་ཡིན་ནམ།
ཨ་ལ་ལ་ཟེར་བ་དེའི་དམིགས་ཡུལ་ནི་རྒྱལ་དབང་དོན་གྱིས་བདག་པོ་མཆོག་གིས་བོད་ཀྱི་ཆབ་སྲིད་འགན་འཁུར་མི་ལེན་པར་གྲྭ་རྐྱང་དཀྱུས་མ་ཞིག་བྱས་ཏེ་གནས་དབེན་པ་
ཞིག་ནས་སྒོམ་སྒྲུབ་བྱས་ནས་བཞུགས་ན་བསམ་ཡོད་ཚོད་རེད། ད་རྒྱུ་མཚན་ཤོད་ཀྱི་རྒྱུ་
མ་རྙེད་ན་ཡང་ཚིག་ངན་དེ་ཚོ་མ་བརྗོད་ན་བོད་མི་ཞིག་ཡིན་པའི་ཆ་ནས་སོ་སོའི་མི་རིགས་ནང་ལ་ཡ་རབས་བཟང་སྤྱོད་ཀྱི་གོམ་གཤིས་ཤིག་ཡོད་པ་དེ་གཏོར་བརླག་མ་གཏོང་རོགས།
མི་སྨྲ་བའི་བརྟུལ་ཞུགས་འཛིན་དུ་བཅུག་པ་དེ་ལས་གོང་ན་མི་དགོས། གནད་འགག་དེ་ཚོར་རེ་རེ་བཞིན་སུས་ལེན་སྤྲད་འདུག་མཐོང་བཞིན་པ་འདི་ལས་གསལ་བཤད་མི་དགོས།
འོན་ཀྱང་ཀུན་དགའ་བདེ་ཆེན་ཟེར་བ་ཁྱོད་ནི་ཕྱོགས་ལྷུང་གདོན་གྱིས་མྱོས་ཟིན་པས་གསལ་པོ་མཐོང་མི་སྲིད།
མགོ་མཇུག་བར་གསུམ་ལ་ཞིབ་པར་བལྟས་པ་ཡིན། ཁང་རྡོའི་གོང་ལ་མི་འདུག ཁང་རྡོས་བསྟན་པ་ཡར་འཕེལ་ཚིག་དོན་རེ་རེ་ནས་བཀག་འདུག ཐ་མ་བསྟན་པ་ཡར་འཕེལ་འུ་ཐུག་སྟེ་ཚིག་ངན་བཤད་འགོ་བཙུགས་འདུག དེ་ལ་ཁང་རྡོ་ཁ་ཡ་བྱས་མི་འདུག
བསྟན་པ་ཡར་འཕེལ་ཁྱེད་རང་འཇོན་པོ་ཡོད་ན་ཁང་གསར་རྡོ་རྗེས་བཏོན་པའི་གནད་འགག་དེ་ཚོར་བསམ་གཞིགས་ཀྱིས་སོ་སོའི་ཟིན་བྲིས་ནང་བསམ་ཚུལ་ཞིག་སྤེལ་ན་ཡག་པོ་འདུག དེ་ནས་ང་ཚོ་ལྷོད་ལྷོད་བྱས་བགྲོ་གླེང་བྱས་ན་ཅི་འདྲ་འདུག
ཧཧ་ཁོ་བོས་བཤད་པ་དེ་གནད་ལ་ཁེལ་ཡོད་པ་འདྲ། སྐབས་དོན་དང་མ་འབྲེལ་བའི་སྡུག་སྐད་མང་པོ་ཞིག་ཤོར་འདུག