བཀའ་ཁྲི་མཆོག་གིས་རྒྱ་ནག་གི་རྒྱལ་བཙུགས་དུས་ཆེན་ཐེངས་ ༦༠ པའི་ཆེད་དུ་གསུང་འཕྲིན་བསྩལ་ཏེ། བོད་གཞུང་གི་དྲ་རྒྱའི་ནང་བཀོད་པ་འདིར་དྲངས་པ་ཡིན།
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
བཀའ་ཁྲིས་པེ་ཅིན་ལ་སྡིག་པ།
འབྲེལ་ཡོད་གསར་འགྱུར།
མཆན། 9
དཔྱད་མཆན་སྤེལ།
ཁོང་ལྟ་བུའི་བླ་རྒན་ཞིག་བརྗེས་མར་བཀའ་བློན་ལ་མི་ཕེབས་པར་ཤོག
དྭངས་གཙང་གི་ཆུ་བོ་ཆེན་པོ་དེ་དྭངས་ཤིང་རྙོག་པ་མེད་པ་གཅིག་ཏུ་གྱུར་ཚེ་ས་སྟེང་དུ་གནས་པའི་སྐྱེ་བོ་ཀུན་གྱི་ཡིད་རབ་ཏུ་དྭངས་བར་བྱེད་ཐུབ།
འོན་བཏང་ཆུ་བོ་ཆེན་པོ་དེ་ཧ་ཅང་གི་དྭངས་དྲགས་ན་དེའི་ནང་འཚོ་བའི་ཉ་མོ་རྣམས་འཁྱུག་མི་མི་བདེ་བ་ཞིག་ཡོང་རྒྱུ་ནི་མངོན་སུམ་ཡིན།
མ་སྡིག་རོགས། བཀའ་ཁྲི་ལགས། བཟང་ཕྱོགས་ཀྱི་ཁོར་ཡུག་བསྐྲུན་དགོས། རྒྱ་ནག་གི་རྒྱལ་དར་མེ་བསྲེགས་བཏང་བ་དང་འདྲ།
ཞི་བའི་ཁོར་ཡུག་རྫོགས་སོང་བ་ཡིན་ནམ། བཙན་བྱོལ་གཞུང་གི་ཁ་ཕྱོགས་གང་ལ་འཁོར་ཡོད་ཤེས་མཁན་ཡོད་དམ།
ད་ཅི་ཞིག་བརྗོད་ནའང་འཕྱིས་དྲགས་པ་མ་གཏོགས་སྔ་མི་འདུག དྭ་ཁག་པོ་རེད།
ཡག་པོ་གསུངས་འདུག དུས་དང་འཚམས་པ་རེད། ད་བཀའ་ཤག་ཀྱང་ཇེ་མཁྲེགས་ལ་སོང་བ་འདྲ།
ངས་འདི་བོད་གཞུང་གི་དྲ་རྒྱ་ནས་བླངས་པ་ཡིན།
བཀའ་ཁྲིའི་གསུང་འདི་འདྲ་ཞིག་རེད་འདུག
(རྒྱ་ནག་དམར་ཤོག་ཚོགས་པས་རྒྱ་ནག་གི་སྲིད་དབང་བཟུང་ནས་ལོ་དྲུག་ཅུ་འཁོར་བའི་དུས་སྟོན་དེ་ཕྱི་ལོ་ ༢༠༠༩ ཟླ་ ༡༠ ཚེས་ ༡ ཉིན་གྲ་རྒྱས་པོའི་ཐོག་ནས་བྱེད་ཀྱི་ཡོད་པ་རེད། དེ་དངོས་ཡོད་ཀྱི་གནས་ཚུལ་ཐོག་ནས་བལྟས་པ་ཡིན་ན་འགྲོ་བ་མིའི་རིགས་སྤྱི་ཡོངས་ཀྱི་ཧ་ཅང་བསོད་བདེ་དམན་པའི་གནས་སྟངས་ཤིག་རེད། རྒྱ་ནག་མི་མང་སྤྱི་མཐུན་རྒྱལ་ཁབ་ཀྱི་ཁྱབ་ཁོངས་སུ་གཏོགས་པའི་མི་རིགས་ལྔ་བཅུ་ང་དྲུག་ཡོངས་སུ་རྫོགས་པ་ལོ་དྲུག་ཅུའི་རིང་གཅིག་བསྡུས་དབང་འཛིན་རིང་ལུགས་པའི་སྲིད་དབང་སྒེར་གཅོད་འོག་ལ་འགྲོ་བ་མིའི་ཀུན་སྤྱོད་ཀྱི་ཐོབ་ཐང་དང༌། ཆོས་དད་རང་དབང༌། སྨྲ་བརྗོད་རང་དབང༌། མིའི་གཞི་རིམ་གྱི་ཐོབ་ཐང་གང་ཡང་མེད་པར་མནར་གཅོད་སྡུག་བསྔལ་ཚད་ལས་འདས་པ་ཞྀག་མྱོང་དགོས་རྒྱུའི་དུས་ཚོད་རིང་པོ་ཞིག་ཕྱིན་པ་རེད། ལོ་གྲངས་དྲུག་ཅུ་འདིའི་རིང་ལ་རྒྱ་ནག་མི་མང་སྤྱི་ཡོངས་ཀྱི་ཕྱོགས་ནས་ཕྱིར་ལྟས་ཤིག་སློག་པ་ཡིན་ན་ཐོག་མར་མང་གཙོའི་གསར་བརྗེ། དེའི་རྗེས་རིག་གནས་གསར་བརྗེ་ལ་སོགས་པའི་དཀའ་ངལ་ཚད་ལས་འདས་པ་ཞིག་མི་རིགས་ཡོངས་རྫོགས་ཀྱི་མྱངས་ཡོད། དེའི་རྗེས་ལ་ཡང་ཕྲན་བུའི་བརྟན་ལྷིང་བྱུང་བ་དང་ལྷག་པར་དུ་དཔལ་འབྱོར་གུ་ཡངས་ཀྱི་གནས་ཚུལ་བྱུང་བ་ནས་བཟུང་སྟེ་འཛམ་བུ་གླིང་གི་མི་གཞན་པ་ཚོས་རྒྱ་ནག་ནང་ལ་དཔལ་འབྱོར་གྱི་འཕེལ་རྒྱས་མགྱོགས་ཚད་ཆེན་པོ་ཞིག་ཐོག་ལ་འགྲོ་གི་ཡོད་པ་ཞིག་ལ་ངོས་འཛིན་བྱེད་ཀྱི་ཡོད་པ་རེད། འོན་ཀྱང་དངོས་དོན་དུས་རབས་ཉི་ཤུ་པའི་མཇུག་ལ་དཔལ་འབྱོར་གྱི་ཡར་རྒྱས་འཛམ་བུ་གླིང་ཡོངས་སུ་རྫོགས་པར་ཕྱིན་པ་རེད་མ་གཏོགས་རྒྱ་ནག་མི་མང་སྤྱི་མཐུན་རྒྱལ་ཁབ་གཅིག་པུར་ཕྱིན་པ་ཞིག་རྩ་བ་ནས་མ་རེད། རྒྱ་གར་དང༌། བལ་ཡུལ། འབྲུག་ཡུལ། མཱ་ཡ་མཱ་ལ་སོགས་པའི་ལྷོ་ཤར་ཨེ་ཤི་ཡའི་རྒྱལ་ཁབ་ཚང་མའི་ནང་དཔལ་འབྱོར་ཡར་རྒྱས་གོ་ལ་གཅིག་གྱུར་གྱི་རིང་ལུགས་འདིའི་འོག་སོང་ཡོད། ཡིན་ནའང་རྒྱ་ནག་ནང་དཔལ་འབྱོར་ཡར་རྒྱས་ཀྱི་མགྱོགས་ཚད་དེ་མཐོ་པོ་ཡོང་རྒྱུ་དེ་ནི་ལས་མིར་ཚད་ལས་འདས་པའི་བཤུ་གཞོག་བཏང༌། གླ་ཆ་ཆུང་ཆུང་དང༌། གླ་ཆ་མེད་པ། དེ་དང་དེ་བཞིན་གྱི་ཕྲུ་གུའི་ལས་མི། བཙོན་པ་ལས་མི་ལ་སོགས་པའི་དབང་གིས་གཅིག་བསྡུས་དབང་འཛིན་གྱི་བཙན་དབང་འོག་ནས་དཔལ་འབྱོར་གྱི་མཐུན་རྐྱེན་གཞན་ལས་ལྷག་པ་ལྟ་བུ་གཅིག་བྱུང་ཡོད་པ་རེད། ཡིན་ནའང་དེས་ཆ་མ་སྙོམས་པར་ས་ཁུལ་ནང་ནས་ཆ་མ་སྙོམས་པ། མི་འབོར་ནང་ནས་ཆ་མི་སྙོམས་པ་དེ་འདྲའི་གནས་ཚུལ་བྱུང་ཡོད་པ་རེད། དེ་དང་ཆབས་ཅིག་ཏུ་བོད་ཀྱི་མཚོན་པའི་གྲངས་ཉུང་མི་རིགས་གནས་ཡུལ་མང་པོ་ཞིག་གི་ནང་ནས་རང་བྱུང་ཐོན་སྐྱེད་དེ་དག་ཚད་མེད་བཤུ་གཞོག་བཏང་བའི་ཉེར་ལེན་ལ་བརྟེན་ནས་དཔལ་འབྱོར་མཐུན་རྐྱེན་ཡར་རྒྱས་བྱུང་བ་དེ་འདྲ་ཞིག་རེད། དེ་འདྲ་སོང་ཙང་ཁོ་རང་ཚོས་སྟོན་རྒྱུ་ཡོད་པའི་དཔལ་འབྱོར་ཡར་རྒྱས་དེས་འགྲོ་བ་མིའི་ཐོབ་ཐང་དང་འགྲོ་བ་མིའི་བདེ་དོན་ལ་བཤུ་གཞོག་གཉའ་གནོན་བྱས་པའི་ཐོག་ནས་བྱུང་བ་ཞིག་ཡིན་ཙང་དགེ་མཚན་ཆེ་བ་གང་ཡང་ཡོད་པ་མ་རེད། སྤྱི་བཏང་གཅིག་བསྡུས་དབང་འཛིན་རིང་ལུགས་དང༌། དམར་པོའི་རིང་ལུགས་དེ་འགྲོ་བ་མིའི་རང་གཤིས་དང་མི་མཐུན་པ་ཞིག་ཡིན་ཙང་རྒྱུན་རིང་པོ་གནས་ཐུབ་རྒྱུའི་རེ་བ་མེད་པ་ཞིག་རེད་དེ་རྒྱ་ནག་ནང་ལོ་དྲུག་ཅུ་ཐམ་པ་གནས་པ་དེ་ད་ལྟ་ངས་གོང་དུ་ཞུས་པ་ལྟར་འགྲོ་བ་མི་རིགས་སྤྱི་ཡོངས་ཀྱི་བསོད་བདེ་དམན་པ་དང་ལྷག་པར་དུ་རྒྱ་ནག་ནང་ལ་འགྲོ་བ་མིའི་ཐོབ་ཐང་བེད་སྤྱོད་བཏང་སྟེ་རང་རང་སོ་སོའི་རྣམ་དཔྱོད་དང་སྨྲ་བརྗོད་ཀྱི་རང་དབང་རྩ་བ་ནས་མེད་པ་དེའི་དབང་གི་གནས་ཐུབ་པ་ཞིག་བྱུང་བ་རེད་བསམ་གྱི་ཡོད། དེ་འདྲ་མ་ཡིན་པ་ཡིན་ན་དཔེར་ན། ཨུ་རུ་སུ་ལྟ་བུར་ཆ་མཚོན་པ་ཡིན་ན། སོ་ཝི་ཌི་ཡུ་ནན་དེ་ལས་སླ་པོའི་ཐོག་ནས་འཐོར་ཞིག་ཕྱིན་པ་རེད། དེ་བཞིན་རྒྱ་མི་དམར་པོའི་གཅིག་བསྡུས་རིང་ལུགས་དེ་སྔ་ཕྱི་མ་གཏོགས་འཐོར་ཞིག་འགྲོ་རྒྱུ་ཡིན་པ་བརྗོད་མི་དགོས་པ་རེད། རྒྱུན་གནས་མི་ཐུབ་པའི་ལམ་སྲོལ་ཞིག་ཡིན། ཡིན་ནའང་ལོ་དྲུག་ཅུ་བར་དུ་གནས་ཐུབ་པ་དེ་དངོས་ནས་འགྲོ་བ་མི་རིགས་སྤྱི་ཡོངས་ཀྱི་བསོད་བདེ་མེད་པ་དང་འབད་བརྩོན་ཉུང་དྲགས་པའི་གནས་བབ་ལ་བརྟེན་ནས་བྱུང་བ་རེད་བསམ་གྱི་འདུག ཡིན་ན་ཡང་མ་འོངས་པར་ད་ལྟ་ནང་བཞིན་གཅིག་བསྡུས་ཀྱིས་བཙན་དབང་དེ་རྒྱུན་རིང་པོ་ཞིག་གནས་ཐུབ་ཀྱི་མེད་པར་ང་ཚོས་ངོས་འཛིན་དང་ཡིད་ཆེས་གསལ་པོ་བྱེད་ཀྱི་ཡོད།།)
མཁས་དབང་ཁོང་ལྟ་བུའི་ཐེངས་རྗེས་མའི་བཀའ་ཁྲི་ཞིག་བྱུང་ན་