དྲ་གྲོགས་རྣམ་པ་ང་འབུར་ཐོ་ཡིན། དེ་རིང་ངས་བཤད་འདོད་པ་ཞིག་ལ། བོད་རྒྱལ་ཁབ་ཆེན་པོ་རྩ་གཏོར་སོང་ནས་གྲངས་ཉུང་མི་རིགས་སུ་གྱུར་ཏེ། ད་ལྟ་འཛམ་གླིང་གང་སར་ཁ་ཐོར་ཏུ་གནས་པའི་སྐབས་འདིར། ང་ཚོས་སྟོབས་ཤུགས་གཅིག་ཏུ་སྤུངས་ནས་རྒྱལ་ཁབ་སླར་གསོ་བྱེད་རྒྱུ་ནི་ཧ་ཅང་གལ་ཆེ་བ་དེའི་ཕྱིར། ང་ཚོས་ཕྱོགས་ཞེན་གྱི་བག་ཆགས་རྙིང་རུལ་དེ་ཚོ་རྩ་མེད་བྱེད་དགོས་པ་ནི་ཁ་ཚ་དགོས་གཏུགས་ཤིག་རེད། ལྷག་པར་ཉེ་ཆར་སྤྱི་འཐུས་ནང་ནས་མཆེད་པའི་ནད་རྙིང་དེས་གཉིད་མ་ལྡབ་ལྡིབ་ཀྱི་མི་ཚོགས་གང་མང་ཞིག་ལ་མི་རིགས་འགེས་གཏོར་བྱེད་པའི་ཆམ་རིམ་གསར་བ་ཞིག་ལག་སྐྱེས་སུ་ཕུལ་མེད་པའི་ངེས་པ་ཅི་ཞིག་ཡོད། སྤྱིར་བོད་པའི་ཤེས་ཡོན་པ་ཞིག་ལ་མཚོན་ན་བོད་པ་ཚང་གི་མདུན་ལམ་དང་དངོས་སུ་འགལ་བའི་ནད་རྙིང་དེ་དག་ཐེར་འདོན་བྱས་ཏེ། འཇིག་རྟེན་གསར་བ་ཞིག་གི་རྣེ་ཁྲིད་བྱེད་རྒྱུ་ནི་སྐབས་བབས་ཀྱི་འོས་འགན་ཞིག་རེད་མོད། ཁག་ཅིག་གིས་དེ་ལས་ལོག་སྟེ་གདོང་འབག་སྙིང་རྗེ་བོ་ཞིག་མནབས་ནས་བོད་མི་རིགས་ཀྱི་གཅིག་སྒྲིལ་དང་། སྟོབས་ཤུགས་རྦད་དེ་ཉམས་པར་བྱེད་ཀྱིན་ཡོད་པ་ནི་ང་ཚོ་ཧ་ཅང་བློ་ཕམ་དགོས་པའི་གནས་ཚུལ་ཞིག་རེད། འོ་ན་ང་ཚོས་ཅི་ཞིག་བྱེད་དགོས་སམ་ཞེ་ན། ད་ནུས་བཟུང་གཟུ་བོར་གནས་པའི་ཤེས་ཡོན་པ་ཚོས་རང་རང་གི་གྲོགས་སུ་གྱུར་བའི་རྙིང་ཞེན་པ་དེ་ཚོར་ལམ་སྟོན་བྱེད་རྒྱུ་དང་། གལ་ཏེ་ཁྱོད་ཀྱིས་ཁོང་ཚོར་ལམ་སྟོན་བྱེད་མ་ནུས་ཀྱང་སྐུ་ཉིད་ཀྱིས་ནད་ཚ་དེའི་སྐྱོན་ཡོན་བརྟགས་ཏེ། དྲང་བདེན་གྱི་རྣེ་ཁྲིད་པ་རྣལ་མ་ཞིག་བྱེད་ཐུབ་ན། ད་གཟོད་ང་ཚོས་དོན་དམ་པའི་གཅིག་སྒྲིལ་གྱི་མི་རབས་གསར་བ་ཞིག་བསྐྲུན་ཐུབ་པའི་ཡིད་ཆས་ཡོད། མ་མཐའ་ཡང་༧རྒྱལ་བ་རིན་པོ་ཆེ་སྐུ་འཚོ་བཞུགས་འདིའི ་རིང་ལ་ཆེས་རྨོངས་མུན་ན་མགོ་བོ་འཁོར་བའི་རྗེས་ལུས་ཀྱི་བསམ་བློ་རྙིང་བ་དེ་ཚོ་མ་གླེང་ན་ཞེས་གཟུར་གནས་རྣམས་ཀྱིས་གསུང་ན་དགེ་མཚན་ཆེ་སྙམ། ང་ཚོའི་ནང་ན་རྫིག་ཉམས་ལྡན་པའི་ བརྡ་སྤྲོད་སྐམ་པོ་རེ་དང་། ཁ་གཡང་སྟོང་བ་རེས་བརྒྱན་པའི་ཕྱོགས་ལྷུང་འབར་རྫས་ཅན་དེ་ཚོ་རྐུབ་སྟེགས་ལས་ཕབ་འདོད་ན་མི་མང་གིས་དུས་རྟག་ཏུ་དགའ་ཉེའམ་ལུང་ཚན་ཞིག་ལ་མི་གཟིགས་པར་དྲང་བདེན་གྱིས་འོས་ཤོག་འཕེན་རྒྱུ་དང་། ང་ཚོ་ཕམ་པར་རྒྱག་མཁན་གྱི་ནད་རིགས་དེ་ཚོ་ངོས་ཟིན་རྗེས་རིང་གི་སྤུན་ལ་ཐུག་ཀྱང་བོད་མི་རིགས་ལས་རྩ་ཆེན་མི་འཛིན་རྒྱུ་དེ་གལ་གནད་ཅིག་རེད། ད་སྐབས་གུས་པར་ཟིན་མེད་པས་ཁྱེད་ཀྱི་ནང་དུ་སྤེལ་བ་ལགས་ན་དགོངས་འགལ་མེད་པར་མཁྱེན། །
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
ཨ་རིག་གླེན་རྒན་ལགས། ཐུགས་རྗེ་ཆེ་ལགས ད་ནི་བདག་གིས་དེའི་བསྐོར་ལ་ཡག་པོ་ཞིག་ཤེས་སོང་། གསལ་བཤད་གནང་བ་ལྟར་བདག་གིས་ཀྱང་དེའི་བསྐོར་ལ་གང་ཙམ་ཞིག་ཤེས་ཡོད་ལགས།
རང་ནི་ངོ་མ་དང་རུང་ནི་སྲིད་
ཞབས་ཀྱུ་དགོས་པར་འདོད
གཉན་པོ་ལགས། ནམ་རྒྱུན་བདག་གིས་རུང་མི་རུང་ལ་ཞབས་ཀྱུ་འབྲི་བཞིན་ཡོད་ཀྱང་། དེ་སྔོན་སྤུན་ཟླ་ཁ་ཤས་ཤིག་གི་བསམ་ཚུལ་དང་ལམ་སྟོན་འོག་ནས་ང་རང་གི་ཞབས་ཀྱུ་མེད་པ་བཟོས་པ་ཡིན་ལགས། དེས་ན་སྐུ་ཉིད་ལ་ཞབས་ཀྱུ་དགོས་མི་དགོས་ཐད་ཀྱི་བསམ་ཚུལ་གང་ཡོད་ལགས།
སྐད་བསྐུར་ཤི་སྐད་ཡིན་རང་བཤད་དགོས། སྐུར་མ་ལྷམ་ཚང་ཡིན་རང་འཁྱེར་དགོས།
གོང་གི་དེ་འདི་རུ་བཅོས་ཡོད།
སྐད་བསྐུར་ཤི་སྐད་ཡིན་རུང་བཤད་དགོས། སྐུར་མ་ལྷམ་ཚང་ཡིན་རུང་འཁྱེར་དགོས།
འབུར་ཐོ་ལགས། གོང་དུ་ངས་ཉིད་ལ་རེ་སྐུལ་ཞིག་ཞུས་པ་དེར་ཉིད་ཀྱིས་སེམས་སུ་གཉར་རོགས་ཞུ་ལགས།
ངས་དྲ་གྲོགས་ཁ་ཤས་ཀྱི་ཟིན་བྲིས་ནང་སྤེལ་ཡོད་ཀྱང་ཆ་ཚང་ལ་སྤེལ་ཐུབ་མེད་པར་མ་ཟད་དྲ་ཚིགས་ཀློག་མཁན་རྣམས་ཀྱིས་དེ་ཙམ་མི་མཐོང་བས་ཁྱོད་ཀྱིས་དགོངས་པ་ཆེ་བཞེས་གནང་འདུག་པར་སླར་ཡང་ཐུགས་རྗེ་ཆེ་ཞུ།
ཤ་ཁྲག་རུས་གསུམ་ལགས། ངའི་བསམ་ཚུལ་དེ་ཁྱོད་ཀྱིས་ཟིན་བྲིས་སུ་བཀོད་པར་སྙིང་ཐག་པ་ནས་དགའ་བསུ་ཞུ།
བཀླགས་ཡོད་ད
ཤ་ཁྲག་ལགས་ཀྱིས་རང་གི་ཟིན་བྲིས་སུ་བཞག་པར་དགའ་བསུ་ཞུ། ཡིན་ནའང་འབུར་ཐོས་གཞན་གྱི་ཟིན་བྲིས་ཚང་མའི་ནང་དུ་བཞག་འདུག མ་གཞི་འབུར་ཐོ་ལགས་ལ་ཟིན་བྲིས་ཤིག་དགོས་འདུག དེ་མ་རེད་དམ།
སྤུན་ཟླ་ཚོ། འདི་ནི་སྤུན་ཟླ་འབུར་ཐོ་ཁོང་གིས་སྐད་བསྐུར་ཞིག་ཡིན་སྟབས། བསམ་ཚུལ་འདྲ་ཞུ་རྒྱུ་ཡོད་ན་ཁོང་ལ་ཐད་ཀར་གསུང་རོགས་ཞུ། ཁོང་གིས་འདི་ནས་ལན་ཐད་ཀར་འདེབས་ངེས་རེད་ལགས།
སྤུན་ཟླ་འབུར་ཐོ་ལགས། བདག་གིས་ཉིད་ཀྱི་རེ་འདོད་སྐོང་ཡོད་ལགས། ཉིད་ཀྱིས་ཟིན་བྲིས་ཤིག་གཉར་ན་ཡག་པོ་འདུག་ལགས། གང་ཡིན་ཟེར་ན། རང་གི་རིགས་ལ་སྐད་ཆ་ཅི་ཡོད་དག་བཤད་སའི་གླིང་ཁ་ཞིག་ཉིད་རང་ལ་དགོས་མཁོ་འདུག་ལ། འབུར་ཐོའི་མིང་ཐོག་ནས་སྤུན་ཟླ་དག་ལ་ཐུག་འཕྲད་བྱས་པ་ཡིན་ན་དངོས་ནས་ཡག་པོ་མཐོང་གི་འདུག་ལགས།