གསར་འགྱུར་འདི་རབ་འབྱོར་གྱིས་ཁ་བརྡ་དྲ་ཐོག་ཏུ་བཀོད་པ་ལས་བཤུས་ཏེ་འདིར་བཀོད་པ་ཡིན།
སྒྲུང་རྩོམ་རྩོམ་པ་པོ་གྲགས་ཅན་ཚེ་རིང་དོན་གྲུབ་གྱིས་༼རླུང་དམར་འུར་འུར།༽ཞེས་པའི་བརྩམས་སྒྲུང་གསར་པ་ཞིག་གཞུང་འབྲེལ་དཔེ་སྐྲུན་ཁང་མ་བརྒྱུད་ནས་དཔེ་སྐྲུན་བྱས་པ་དེ་ཁྲིམས་འགལ་གྱི་དཔེ་སྐྲུན་ཡིན་པར་བསྙད་དེ་རྩོམ་པ་པོ་ལ་ཉེས་ཆད་ཕོག་ཡོད་སྐད།
ཚེ་རིང་དོན་གྲུབ་ལགས་ལ་ཕོག་པའི་ཉེས་ཆད་ནི་རྩོམ་པ་པོ་ཁོང་རྨ་ལྷོ་སོག་རིག་རང་སྐྱོང་རྫོང་ཟེར་བའི་རྫོང་གི་ལོ་རྒྱུས་རྩོམ་སྒྲིག་ལས་ཁུངས་ཀྱི་འགན་འཛིན་ཡིན་པ་དེའི་གོ་གནས་ཕབ་པ་དང་། ད་ནས་བཟུང་རྩོམ་པ་པོ་ཁོང་རྫོང་དེའི་ཡིག་ཚགས་དང་ཁ་བཀར་དགོས་པ་དེ་གཉིས་ཡིན་པར་བཤད།
༼རླུང་དམར་འུར་འུར་༽གྱི་ནང་དུ་ནགས་ཚང་ཞི་ལུའི་སྐྱིད་སྡུག་དང་འདྲ་བར། ལོ་རབས་ལྔ་བཅུའི་ནང་ལ་རྨ་ལྷོ་སོག་རིགས་རང་སྐྱོང་རྫོང་ཡིན་ལས་ཆེ་བའི་ས་ཁུལ་ཞིག་ཏུ་རྒྱ་དམར་གྱི་དམག་དཔུང་དང་དབང་ཤུགས་སླེབས་ནས་ས་ཁུལ་དེ་དང་དེའི་བླ་སྤྲུལ་བྱེ་བྲག་པ་ཞིག་ལ་ཆགས་འཇིག་ཅི་བྱུང་དང་། བླ་སྤྲུལ་དེ་བཙོན་ཁང་དུ་སོང་ནས་ཀྱང་སྐབས་དེའི་རྒྱ་དམར་གྱི་བཙོན་ཁང་དང་དེའི་ལས་བྱེད་ཀྱི་གདུག་རྩུབ་དང་ཅོལ་ཆུང་གི་བྱེད་སྤྱོད་རྣམས་རི་མོའི་རྣམ་པར་བཀོད་ཐུབ་ཡོད། སྒྲུང་རྩོམ་དེ་ནགས་ཚང་ཞི་ལུའི་སྐྱིད་སྡུག་དང་མི་འདྲ་ས་ཞིག་ནི། དེའི་ནང་དུ་ལོ་རབས་ལྔ་བཅུའི་ནང་གི་བྱུང་བ་གཅིག་པོ་མ་ཡིན་པར། རིག་གནས་གསར་བརྗེ་ཆེན་པོ་དང་དེའི་རྗེས་སུ་ཆོས་དད་རང་དབང་སླར་གསོ་བྱུང་བའི་བར་དུ་བྲིས་ཡོད་་པ་དང་། བརྩམས་སྒྲུང་འདིའི་ནང་དུ་རྒྱ་ཕྱོགས་ཀྱི་གདུག་རྩུབ་ཀྱི་ངོ་བོ་གསལ་པོར་མངོན་ཡོད་པ་དང་མཚུངས་སུ་བོད་མིའི་ཅོལ་ཆུང་གི་གཤིས་ཀ་འགའ་རེ་ཡང་མངོན་ཡོད། བརྩམས་སྒྲུང་འདི་ལ་སྔ་དུམ་ཕྱི་དུམ་ཆ་གཉིས་ཡོད་པ་ནགས་ཚང་ཞི་ལུའི་སྐྱིད་སྡུག་པར་སྐྲུན་མ་བྱས་སྔོན་ལ་བརྩམས་ཚར་ཏེ། གཞུང་འབྲེལ་གྱི་དཔེ་སྐྲུན་ཁང་ཞིག་ནས་དཔེ་སྐྲུན་བྱེད་ཐུབ་རེས་དཔེ་སྐྲུན་ཁང་རེ་ཟུང་ལ་འབྲེལ་གཏུགས་བྱས་ན་ཡང་དཔེ་སྐྲུན་ཁང་དེ་དག་གིས་དཔེ་སྐྲུན་གྱི་ཁས་ལེན་བྱེད་ཐུབ་མི་འདུག ཕྱིས་སུ་མཚོ་སྔོན་བོད་ཡིག་གསར་འགྱུར་ཞེས་པའི་ཚགས་པར་གྱིས་དུམ་པ་ཞིག་མུ་འགོད་བྱས་ཚར་འདུག་པ་ཕལ་ཆེར་ཕྱི་དུམ་ཡིན་པ་འདྲ། ན་ནིང་ནས་རྒྱ་གཞུང་ནས་བོད་ཡིག་གི་དཔེ་སྐྲུན་དང་ལྷག་པར་དུ་སྒེར་གྱི་པར་སྐྲུན་གྱི་རིགས་ལ་དོ་དམ་ཇེ་བཙན་ལ་སོང་བར་བརྟེན་༼རླུང་དམར་འུར་འུར་༽ཡང་གཞུང་འབྲེལ་གྱི་དཔེ་སྐྲུན་ཁང་ཞིག་ནས་དཔེ་སྐྲུན་བྱེད་རྒྱུའི་རེ་བ་ཕལ་ཆེར་མེད་པ་ལྟ་བུར་གྱུར་ཏེ་སྒེར་ངོས་ནས་པར་སྐྲུན་བྱས་པ་རེད་ཟེར།
རྒྱ་གཞུང་ནས་རྩོམ་པ་པོ་འདི་ལ་ཉེས་ཆད་འབེབས་སྐབས། བརྩམས་སྒྲུང་འདི་དཔེ་སྐྲུན་བྱེད་སྟངས་ཀྱི་ཐད་ལ་མ་གཏོགས་ནང་དོན་གྱི་ཐད་ནས་སྐྱོན་འཛུགས་བྱས་མི་འདུག་ཟེར། རྒྱུས་ཡོད་པ་རྣམས་ཀྱི་བསམ་ཚོད་ལ། དཔེ་སྐྲུན་བྱེད་སྟངས་ཁ་གཡོར་ས་བྱེད་ཀྱི་ཡོད་པ་མ་གཏོགས་དོན་གྱིས་བརྩམས་སྒྲུང་དེའི་ནང་དོན་རྒྱ་གཞུང་གི་བློར་འབབ་ཀྱི་ཡོད་པ་མ་རེད། ཡིན་ན་ཡང་ནང་དོན་གྱི་ཐོག་ནས་སྐྱོན་འཛུགས་བྱས་ན་བརྩམས་སྒྲུང་དེ་ལ་མི་རྣམས་ཀྱི་དོ་སྣང་ཇེ་ཆེར་འགྲོ་བར་དོགས་པ་ཡིན་རྒྱུ་རེད་ཟེར།
རྩོམ་པ་པ་ཁོང་ལ་དེ་གཞན་གྱི་དཀའ་ངལ་འདྲ་མཐོང་གིན་ཡོད་དམ།
ནོར་བཅོས། དེ་གཉིས་དང་འབྲེལ་ཡོད་ན་ཕལ་ཆེར་དཔེ་བསྐྲུན་བྱ་ཐུབ་ཀྱི་ཡོད་མི་འདུག དང་པོ་དཔེ་ཆ་པར་དགོས་ན་གཞུང་འབྲེལ་གྱི་ཆོག་མཆན་དགོས་འདུག ཁག་ཅིག་གིས་དེ་མ་ཐོབ་ནས་པར་བསྐྲུན་བྱ་ཐུབ་ཡོད་མི་འདུག
ཉེ་འཆར་རྒྱ་ནག་ནས་ངོ་ཤེས་གཅིག་གིས་གསུངས་དོན། དེང་སང་དཔེ་ཆ་པར་སྐྲུན་བྱེད་སྐབས། དང་པོ་སྲིད་དོན་དང་འབྲེལ་བ་ཡོད་མེད། གཉྀས་པ་ནང་ཆོས་དང་འབྲེལ་བ་ཡོད་མེད་གཉིས་གཙོ་བོར་ཞིབ་བཤེར་བྱེད་བཞིན་ཡོད་འདུག་དེ་གཉིས་འབྲེལ་བ་ཡོད་ན་ཕལ་ཆེར་དཔེ་བསྐྲུན་བྱ་ཐུབ་ཀྱི་ཡོད་འདུག དང་པོ་དཔེ་ཆ་པར་དགོས་ན་གཞུང་འབྲེལ་གྱི་ཆོག་མཆན་དགོས་འདུག ཁག་གཅིག་ཅིག་གིས་དེ་ཐོབ་ནས་པར་བསྐྲུན་བྱ་ཐུབ་ཡོད་མི་འདུག
རྒྱ་ནག་གི་ད་ལྟའི་སྲིད་འཛིན་མངའ་ཁོངས་ནས་དཔེ་དེབ་ཅིག་དཔར་དགོས་ན་ཡིན་གཅིག་མིན་གཅིག་གཞུང་འབྲེལ་གྱི་དཔར་སྐྲུན་ཁང་ཞིག་བརྒྱུད་དགོས་དོན་ཡོད་དམ། ངའི་དྲན་ཚོད་ལ་རྒྱ་ནག་གིས་འདས་པའི་ལོ་ཤས་གོང་ནས་དཔེ་སྐྲུན་ཁང་ཕལ་ཆེ་བ་སྒེར་བདག་ལ་བསྒྱུར་ཡོད། ད་ལྟ་རྒྱ་ནག་གི་གསར་འགོད་བརྒྱུད་ལམ་ཕལ་ཆེ་བ་སྒེར་བདག་ལ་སྒྱུར་གིན་ཡོད་པའི་གནས་ཚུལ་བདུན་ཕྲག་འདིའི་ནང་དུ་གསར་འགྱུར་བརྒྱུད་ལམ་ལ་སྤེལ་ཡོད།
ཚང་མ་སྒེར་བདག་ཅན་དུ་སྒྱུར་བཞིན་པའི་སྐབས་སུ་ཚེ་རིང་དོན་གྲུབ་གཅིག་པོས་གཞུང་འབྲེལ་གྱི་དཔེ་སྐྲུན་ཁང་ཞིག་བརྒྱུད་དགོས་དོན་ཡོད་དམ།
བོད་རིགས་མི་དམངས་དང་རྒྱལ་སྤྱིའི་སྤྱི་ཚོགས་ཀྱིས་ངེས་པར་དུ་ཤེས་དགོས་པ་ནི་རྒྱ་ནག་གཞུང་གིས་ཇི་ལྟར་བོད་མི་རིགས་ལ་ཉེས་མེད་ནག་ཉེས་འགེལ་གྱིན་ཡོད་མེད་དེ་རེད། དེ་ཤེས་པའི་རྗེས་ནས་རྒྱ་ནག་ལ་བཙན་པོས་ཁ་རྡུང་དང་གཉོམ་པོས་འབོད་སྐུལ་ཞུ་རྒྱུ་དེ་རེད།
ཁོང་ལ་རྒྱབ་སྐྱོར་ཡོད་མེད་དང་ཁྱོད་ལ་སེམས་ཁྲལ་ཡོད་མེད་གཅིག་པུ་གླེང་ནས་ཡོང་རྒྱུ་ཅི་གང་ཡོད་པ་མ་རེད།
རླབས་ཆེན་རྩོམ་པ་པོ་ཁོང་ལ་ཉེས་ཆད་ཕོག་པར་མྱ་ངན་ཞུ།
ན་གཞོན་རྩོམ་པ་པོ་ཚེ་རིང་དོན་འགྲུབ་ལ་ནག་ཉེས་ཕོག་པ་ནི་ངོ་མ་ང་ཚོའི་བོད་པ་ཚང་གི་གྱོང་གུད་རེད། ཡིན་ནའང་ཁོང་གི་ས་སྒང་འདིར་ནམ་ཡང་བསུབ་མི་ཐུབ་པའི་ཞབས་རྗེས་ཆེན་པོ་ཞིག་པར་ཚར་བ་རེད། དེ་ང་ཚོ་ཚང་མས་སེམས་ལ་ཉར་རན་ཡོད་པ་ཞིག་རེད།
རྩོམ་པ་པོ་ཁོང་ལ་འོ་བརྒྱལ་འབྱུང་རྒྱུ་ནི་བརྗོད་མི་དགོས་ཀྱང་དོན་དམ་དུ་ཁོང་གིས་བྱས་རྫེས་དང་རྒྱལ་ཁ་བླངས་ཡོད།
ཨ་ཁ་ཁ་་་ད་རྒྱ་རྒན་འདི་ཚང་གིས་བོད་ནང་གི་བོད་རིགས་ཤེས་ཡོན་དག་གཅིག་རྗེས་གཉིས་མཐུད་དུ་བསྡུ་བསོག་རྒྱག་རྩིས་རེད་ལ།
ངོ་མ་ང་ཚོ་མི་རིགས་འདི་ལ་འདི་འདྲའི་མནར་གཅོད་ཅིག་གཏོང་དགོས་དོན་གང་ཡིན་ནམ།
ང་ཚོས་དགོད་མ་ནས་ད་བར་དུ་ལྷ་ཀླུ་གཉན་གསུམ་ལ་སྐྱབས་བཅོལ་ནས་བསྡད་པ་རེད་་་་འདི་ཚོ་ངོ་མའི་མེད་ཡིན་ནམ། དུས་ལ་མ་བབས་པ་ཡིན་ནམ།