ས་ཁར་བུད་ནས་ལོ་གཅིག་འཁོར་གྲབས་ཡོད།
ཁ་སང་ཕྲན་གྱི་ཟིན་བྲིས་ནང་སྐྱ་ཐིག་དོན་ཚན་༡༥་ ༼བོད་ཡིག རྒྱ་ཡིག དབྱིན་ཡིག ༽སྐོར་ལ་མི་འགྱང་བར་ཚོགས་འདུ་ཞིག་འཚོགས་རྒྱུའི་གསལ་བསྒྲགས་སྤེལ་བ་དེ་ལྟར་ཡང་།ཟིན་བྲིས་ནང་མུ་འགོད་བྱས་ན་མ་གཏོགས་སྡེབས་གཅིག་ལ་དོན་ཚན་༡༥་ཆ་ཚང་མི་ཤོང་ཁར།གཞན་དུས་བབ་དྲ་ཐོག་གི་བསལ་ཚུལ་ནང་སྤེལ་ན་ཁྱབ་ཆེ་ཙམ་འདུག་ལ།གཞན་ཡང་ད་བར་བོད་ཡིག་གི་བརྒྱུད་ལམ་ནས་སྐྱ་ཐིག་ཐད་བགྲོ་གླེང་བྱུང་བ་སྤྱི་དང་།ཡང་ཟིན་བྲིས་ནང་འཁྱུག་ཙམ་རིང་བསམ་འཆར་སླེབས་ཚུལ་ལ་གཞིགས་ན།ད་དུང་སྐྱ་ཐིག་རིང་གི་ཐད་གསལ་བསྒྲགས་ཙམ་ཞིག་གིས་གོ་བརྡ་འཕྲོད་བཟོ་མི་འདུག་ལ།དུས་བབ་རྩོམ་སྒྲིག་པས་ཀྱང་གནས་ཚུལ་འདི་རྩོམ་ཞིག་གི་ངོ་བོར་ཁྱེར་ནས་གྲ་རྒྱས་ཙམ་དང་། ཁ་གསལ་ཙམ་ངོ་སྤྲོད་བྱ་དགོས་པའི་བསམ་ཚུལ་བྱུང་བ་ལྟར།ངས་སླར་ཡང་གསལ་བསྒྲགས་དང་སྦྱངས་བཤད་མཉམ་པོར་ཡོད་པའི་རྩོམ་ཡིག་ཅིག་བྲིས་ནས་སྔོན་འགྲོའི་ཚུལ་དུ་སྤེལ་རྒྱུ་ཡིན།
༡ ཐོག་མའི་ཁ་ཕྱོགས་ས་དང་རྒྱབ་ལྗོངས།
སྔར་ལོ་བཙན་བྱོལ་བོད་མིའི་དམིགས་བསལ་ཚོགས་ཆེན་དང་པོ་ཚོགས་པ་དང་བསྟུན། བོད་ཀྱི་གཞོན་ནུ་ལྷན་ཚོགས་ནས་དེ་འབྲེལ་གྱི་བགྲོ་གླེང་ཚོགས་འདུ་ཞིག་ཚོགས་ཤིང༌། ཚོགས་ཐེངས་དེར་ཕྲན་ཆེད་ཞུས་དཔྱད་བརྗོད་པའི་གྲས་སུ་བཀོད་སྒྲིག་གནང་བ་ལྟར་ཚོགས་ཞུགས་བྱས་པ་ཡིན། སྐབས་དེར་ཚོགས་འདུ་སྟངས་འཛིན་པས་ཕྲན་ལ་བོད་རང་བཙན་སླར་གསོ་ཐུབ་པའི་གདེང་ཚོད་དང་སྤོབས་པ་ཅི་ཙམ་ཡོད་མིན་སྐོར་ཤོད་རོགས་ཞེས་བརྗོད་གཞི་ལྗིད་ཁོག་ཅན་ཞིག་སྟེང་འགེལ་གནང་བ་དང༌། ངས་ཀྱང་རང་བློས་ལྕོགས་ཚོད་ཀྱིས་བོད་རང་བཙན་གྱི་སྐྱ་ཐིག་དོན་ཚན་༡༥ཞེས་པ་ཞིག་ཚོགས་ཐོག་དེ་ནས་སྒྲོག་སྦྱངས་བྱས་ཁུལ་མ་ཟད།ཡིག་ཆ་དེའི་ཐད་ལོ་གཅིག་ནང་ཚུན་མི་དམངས་ཀྱི་བསམ་ཚུལ་བསྡུ་ལེན་བྱ་རྒྱུ་དང༌།ལོ་གཅིག་འཁོར་མཚམས་བསམ་ཤོག་གི་གྲུབ་དོན་བརྒྱུད་ལམ་ཁག་ལ་སྙན་སྒྲོག་བྱ་རྒྱུ་ཡིན་ཞེས་གསལ་བསྒྲགས་བྱས་ཤིང༌།དེ་འབྲེལ་ཡིག་ཆ་ཁག་འགྲེམས་ཤོག་བཟོས་ནས་མི་དམངས་ཁྲོད་དུ་བཀྲམས་པ་དང༌། དྲ་ཚིགས་ཁག་ཏུའང་བོད་རྒྱ་དབྱིན་གསུམ་ཐོག་འགྲེམས་སྤེལ་བྱས་ཡོད།ཡིན་ནའང་།ད་བར་མི་མང་རང་གི་བསམ་ཚུལ་བསྡུས་པ་ལས་བོད་གཞུང་དང་།སྐུ་སྒེར་ཡིག་ཚང་།རྒྱ་ནག་གཞུང་བཅས་གཞུང་འཛིན་རིམ་པར་ཕུལ་མེད།
མཁྱེན་གསལ་ལྟར།བཙན་བྱོལ་བོད་མིས་དམིགས་བསལ་ཚོགས་ཆེན་དང་པོ་ནི་༸གོང་ས་མཆོག་གི་བཀའ་བཀོད་ལྟར་ཚོགས་པ་ཞིག་ཡིན་ལ།ཧ་ལམ་ཁོང་གི་དགོངས་ཚུལ་ནི་ང་ཚོས་དུས་རབས་ཀྱི་འགྲོས་དང་མཐུན་པའི་འགྲོ་ལམ་གསར་བ་ཞིག་བཙལ་འདུན་ཡིན་ངེས་མོད།མཐར་བཀའ་སྤྱི་གཉིས་ཀྱི་སྟེང་སྐུལ་འོག་ཚོགས་ཞུགས་པ་མང་ཆེ་བས་ས་གནས་མང་ཚོགས་ཀྱི་བསམ་ཚུལ་ཁུར་ཡོང་བར་བཤད་ནས།རྒན་ཁོག་ཚོ་གཙོ་ཤུགས་སུ་གྱུར་བའི་མང་ཚོགས་ཀྱི་བསམ་ཚུལ་བསྡུས།དེ་བདེན་པའི་དབང་དུ་བྱས་ཀྱང་།མི་མང་དཀྱིས་མ་ཚོར་རྒྱལ་དོན་བྱ་བཞགས་ཐོག་འཛུགས་སྐྲུན་རང་བཞིན་གྱི་བསམ་ཚུལ་ཡོད་མེེད་བཤད་མ་དགོས་ཁར།ད་དུང་བོད་གཞུང་གིས་བོད་ནང་བསམ་ཚུལ་བསྡུས་པ་ཡིན་ལབ་ནས་འཁྲབ་སྟོན་བྱས་པ་དང་།གྲུབ་དོན་ང་ཚོ་དབང་བསྒྱུར་གྲལ་རིམ་གྱིས་གང་གནང་བ་འགྲིག་འདུག་ལ།མུ་མཐུད་ལམ་དབུ་མར་བསྐྱོད་རྒྱུར་རྦད་དེ་སེམས་བདེ་བོ་ཆགས་སོང་ཟེར།ང་རང་གིས་ཚོགས་ཆེན་དེར་མཇུག་འབྲས་མེད་པ་ཤེས་ནས་ཚོགས་ཞུགས་ཀྱི་ཆ་ཤས་བླངས་མེད་ལ། ཁོ་བོའི་ད་ལྟའང་སྐབས་དེའི་རང་གི་ཐག་གཅོད་ལ་འདོད་པ་ཚིམ་གྱིན་འདུག ཡིན་ནའང་། དུས་ཟིང་འདི་འདྲ་ཞིག་གི་འོག་ནས་ངའི་སྐྱ་ཐིག་དོན་ཚན་བཅོ་ལྔ་བ་ས་ཁར་བུད་པ་དང་། རང་ཉིད་ཚོགས་ཆེན་སྟེང་མ་ཞུགས་ཀྱང་།སྐྱ་ཐིག་དོན་ཚན་བཅོ་ལྔའི་ཐོག་མའི་ཁ་གཏད་ས་ནི་ཚོགས་ཆེན་དེ་ཡིན་ལ།ཚོགས་ཐོག་དེ་ནས་གཞུང་དམངས་གཉིས་ཀྱི་འཐབ་རྩོད་ལངས་ཕྱོགས་བོད་རང་བཙན་སྒང་ཤར་བསྐྱོད་ཐུབ་ན་བསམ་སོང་།དེ་བས་ཚོགས་ཐོག་དེར་ངས་འགྲེམ་ཤོག་བཟོས་ནས་ཚོགས་ཞུགས་པ་ཡོང་ལ་བཀྲམས་ཡོད། འོན་ཀྱང་། སྐྱ་ཐིག་དོན་ཚན་བཅོ་ལྔའི་དམིགས་ཡུལ་དང་པོ་འདི་ལྟར་སྐྱོ་ངལ་གྱི་ཀློང་དུ་འཐིམ་སོང་།
༢། སྐབས་བབ་ཀྱིདགོས་དོན་གསལ་བསྒྲགས།
ད་ཆ་སྐྱ་ཐིག་བཏོན་ནས་ལོ་གཅིག་འཁོར་གྲབས་ཡོད་པས། སྐྱ་ཐིག་དེའི་ལོ་ངོ་གཅིག་རིང་གི་ཆར་རླུང་ཁྲོད་ཀྱི་ལས་དབང་ཕྱིར་མང་ཚོགས་ལ་སྙན་འབུལ་ཞུ་རྒྱུའི་དུས་མཚམས་ཟིན་ལ་ཉེ་ཡོད།ཕྲན་གྱིས་ལོ་ཁོར་མོ་གཅིག་ཟིན་གྲབས་ཡོད་པའི་ནང་རྒྱ་བོད་གཉིས་ཀྱི་ཤེས་ལྡན་མི་སྣའི་གཙོས། སྲིད་དོན་ཉམས་ཞིབ་པ་མང་པོ་ཞིག་ལ་སྐྱ་ཐིག་འདི་དང་འབྲེལ་བའི་བགྲོ་གླེང་བྱས་ཤིང་། གང་ལ་གང་འཚམ་གྱིས་རྒྱབ་སྐྱོར་བྱེད་མཁན་འདུག་ལ་སྐྱོན་བརྗོད་ཀྱང་དེ་བས་མང་།དེའི་ཕྱིར་མི་འགྱང་པར་དེ་འབྲེལ་གྱི་བགྲོ་གླེང་ཚོགས་འདུ་ཞིག་རྡ་སར་འཚོགས་གཏན་འཁེལ་སོང་ན། དྲ་གྲོགས་རྣམས་པས་ཟིན་བྲིས་དང༌། ཡང་ན་ཕྲན་གྱི་གློག་འཕྲིན་ ( shamatsock@yahoo.com ) ཐོག་སྐྱ་ཐིག་རང་གི་ཐད་དགོངས་ཚུལ་ལྷུག་སྩོལ་ཡོང་པའི་རེ་སྐུལ་ཞུས་པ་ཡིན། བགྲོ་གླེང་ཚོགས་འདུ་དེའི་ཐོག་རྣམ་པ་ཚོས་དགོངས་ཚུལ་ནི་སྐྱ་ཐིག་དོན་ཚན་༡༥པའི་ཤི་གསོན་གཏེང་ཐག་གཅོད་མཁན་གྱི་བཤེར་དཔོན་ཆགས་རྒྱུ་གཏན་འཁེལ་བ་རེད། གལ་སྲིད་ཚོགས་འདུ་དེ་བཞིན་རང་བཙན་སྐྱ་ཐིག་གི་འདས་སྐར་ཀྱི་གདུང་དབྱངས་སུ་གྱུར་བའི་དབང་དུ་བྱས་ཀྱང༌།དེ་ཙམ་གྱིས་བབ་བརླིང་བརྟན་གསུམ་གྱི་རང་བཞིན་ལྡན་པའི་བོད་རང་བཙན་འཐབ་རྩོད་ལ་སྐུལ་འདེད་མ་ཐུབ་ཀྱང་འགོག་རྐྱེན་མི་ཆགས་པ་ང་ལ་ཡིད་ཆེས་ཡོད།
༣། རེ་བ་དང་འབྱུང་འགྱུར།
ལོ་ངོ་འདི་དག་གི་རིང་ལ་བོད་མི་རིགས་ནི་ཁ་ཕྱོགས་མེད་པའི་བར་སྟོང་ཞིག་ན་ལྷག་འདུག དེ་ནི་སེམས་ནད་ཅན་འགའ་ཞིག་གི་མཐོང་སྣང་ཙམ་ག་ལ་ཡིན། ད་ཆ་འུ་ཚང་གིས་ཆབ་སྲིད་སྒང་ཁ་ཕྱོགས་བོར་སོང་པ་ཙམ་མ་ཡིན་པར།དཔེར་ན།ལོ་རྒྱུས་ཆ་ནས་འདས་དོན་མི་གཙོ་འབྱུང་འགྱུར་དགོས་ཟེར་བ་ལྟ་བུ། མི་རིགས་ཆ་ནས་ནང་པ་དར་ན་བོད་ཉམས་ཀྱང་མི་སྐྱོན་ཟེར་བ་ལྟ་བུ། འཐའ་རྩོད་ཆ་ནས་རྒྱ་ནག་ཡར་རྒྱས་འགྲོ་བཞིན་པའི་ན་ང་ཚོ་རྒྱ་མིས་ཆ་ཤས་ཆགས་ན་གཟི་བརྗིད་རེད་ཟེར་བ་ལྟ་བུ།རིག་གནས་ཆ་ནས་བོད་ཀྱི་གོན་པ་གྱོན་སྟངས་སོག་པོ་ནས་ཡོང་བ་དང་།ཞལ་ཟས་བཟོ་སྟངས་རྒྱ་ནག་ནས་ཡོང་བ།ཆོས་རྒྱ་གར་ནས་བླངས་བ་སོགས་མདོར་ན་ང་ཚོར་དངོས་གཏན་གྱི་ངོ་རྟགས་མེད་ཟེར་བ་ལྟ་བུ།མི་རིགས་འདི་བ་ཚང་གི་འདུ་ཤེས་འཛིན་སྟངས་ལ་བདག་གཞན་གཉིས་ཀྱིས་འདི་ལྟར་འགྲེལ་ལོག་རྒྱག་བཞིན་པའི་སྐབས་འདིར།ངས་བོད་རང་བཙན་གྱི་སྐྱ་ཐིག་དོན་ཚན་བཅོ་ལྔ་ཅན་པོ་འདི་དང་འབྲེལ། ང་ཚོར་འདུ་ཤེས་བསྐྱར་སྐྲུན་གྱི་བགྲོ་གླེང་ཞིག་ཐུབ་ན་བསམ་པ་ནི་སྤྱི་ཁོག་ཙམ་ཡིན་ལ།
མཐའ་དོན། བོད་མི་སྤྱི་བོ་གནམ་བསྟན་ཚང་མས་སེམས་བག་གི་མཐུག་ས་རུ་རང་བཙན་གྱི་སྐྱ་ཐིག་རེའམ། རྨི་ལམ་གྱི་དཀར་ངོགས་སུ་རེ་གཞག་ངོ་མ་རེ་ཡོད་པ་གོར་མ་ཆགས་ན། ངའི་སྐྱ་ཐིག་འདི་ཡིས་ཁྱེད་ཅག་གི་ཞེ་འདོད་ཀྱི་རྒྱུད་སྐུད་དེ་སྒུལ་ཐུབ་ན་བསམ་པ་དང༌། ཚང་མ་མཉམ་རུབ་ཀྱིས་འགྱེལ་ས་ནས་ལངས་ཐུབ་ན་བསམ་པ་ནི་སྐྱོ་ངལ་དང་གསོན་ཤུགས་མཉམ་དུ་ཁུར་བའི་ང་དང་ངེད་ཅག་གི་སྐྱ་ཐིག་འདིའི་དམིགས་ས་གཙོ་བོ་ཡིན། བོད་རྒྱལ་ལོ།།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
གཞན་གྲྭ་གཟུགས་ཅན་ཨ་འབྲུག་དཀོན་མཆོག་ཟེར་བའི་མི་ཐེབས་ཆག་འདིའི་ཀླུ་མཁར་བྱམས་ལ་མཐོང་ཆུང་དང་ངར་རྫིག་བཀོད་ཁུལ་བྱས་ཏེ་རང་ཉིད་རྣམ་དཔྱོད་ཡོད་མདོག་བསྟན་འདུག་ཀྱང་། ཀླུ་མཁར་བྱམས་དང་ཁྱེད་གཉིས་བསྡུར་ས་ཞིག་མི་རྙེད་པ་རང་ཚོའི་བརྩམས་ཆོས་དང་ཤུལ་ལམ་རང་ནས་རྟོགས་སླ། ཁྱེད་ཀྱིས་བརྩམས་ཆོས་དང་རང་གཟུགས་ཅི་ཞིག་བསྟན་ན་ཡང་ཡོད་ཚད་གད་སྙིགས་བཟོས་པ་ལས་གཞན་ཅི། དོན་མེད་ཁྱི་སྐད་ཟུག་གི་མ་འདུག་བཟང་།
རྣམ་དཔྱོད་ཅན་གྱི་ཀླུ། ལམ་ལ་ཆས་དང་ང་ཚོ་ཁྱེད་ཀྱི་གཞུག་ན་བརྟན་པོ་ཡོད།
ད་དུང་འཆི་བདག་ནག་པོ་ལགས་བཅས་དྲ་གྲོགས་འགའི་སྐྱ་ཐིག་དོན་ཚན་ ༡༥ པའི་མ་རྩོམ་མཐོང་མེད་ཚོད་འདུག སྐྱ་ཐིག་དོན་ཚན་༡༥ མ་ཡིག་དང་། རྒྱ་འགྱུར། དབྱིན་འགྱུར་ཚང་མ་གསལ་བསྒྲག་འདིའི་མགོ་སྟོད་དུ་ཁ་སྐོང་ནང་དྲ་འདྲེན་ Link བྱས་ཡོད་པས་དེ་ལ་གཟིགས་རོགས། མ་ཟད་འགྱུར་ལ་ཐུགས་གཟབ་གནོང་། མ་དག་ས་ཡོད་ན་དགོངས་ཚུལ་ལྷུགས་སྩོལ་ཡོང་བ་ཞུ། མ་རྩོམ་བོད་ཡིག་ཡིན་སྟབས་རྒྱ་འགྱུར་དང་། དབྱིན་འགྱུར་གང་རུང་ཁུངས་བོད་ཡིག་ལ་གཏུག་དགོས།
ཡང་བློ་ལྡན་ལའང་ཞུ་རྒྱུ་ཞིག་ལ། དེང་སྐབས་རྒྱ་རི་བློ་གྲས་འདིའི་སྐོར་ལ་གོ་རྒྱུ་མང་ཞིང་། གནད་དོན་འདི་དག་ཅེས་ཀྱང་གླེང་ནས་གསལ་བོ་བཟོ་དགོས་ན་མོད། ངས་སྐབས་ཐོག་༡༥སྐོར་གྱི་ཚོགས་འདིའི་སྒང་ལ་རྣམ་ཤེས་གཏད་བསྡད་ཡོད་
ཨ་ཚོགས་ཀླུ་མཁར་བྱམས་ཀྱིས་མི་དོན་གླེང་གིན་པའི་བྱ་གཞག་འདིའི་ཐད་ནམ་ཡང་རྒྱབ་སྐྱོར་ཡོད།་ད་ནི་འུ་ཚང་གི་བྱ་བཏང་སྲིད་དོན་པ་ཚོར་འདི་ལྟར་ཁ་གཏོད་དགོས་པའི་དུས་རེད། དེ་མིན་འུ་ཚང་འདི་ལྟར་ཁྲམ་པ་ཚོང་པ་ཁ་ཤས་ཀྱིདཔེར་ན་རྒྱ་རི་ལྟ་བུ་ལག་འོག་ནས་ཚར་རྒྱུ་རེད། མི་རིགས་འདི་སྙིང་ནས་སྐྱོབ་བསམ་མཁན་ཚོར་ཕེབས་ཤོག
ཁྱོད་ཀྱི་ཟིན་བྲིས་སྐྱ་ཐིག་༡༥མ་མཐོང་སྔན་ལ་ཁྱོད་ལ་དགག་བཞག་སྤོངས་གསུམ་གང་ཡང་བྱེད་གི་མིན།
གང་ཡིན་ཟར་ན་་་ཆབ་སྲིད་པ་ཞིག་དང་ཡང་ན་ཡོན་ཏན་པ་ཞིག་ཡིན་པའི་ཆ་ནས་ཁྱེད་ལ་ཡིད་ཆེ་བརྟན་པོ་ཡོད།
རྒྱུ་མཚན་མེད་པ་རང་བཤད་གྱི་མ་རེད།།
ཨ་ཁུ་ཀླུ་མཁར་བྱམས་ལགས་
མུ་འཐུད་ནས་བྲིས་དང་བལྟ་བཞིན་ཡོད་
མི་ཉག་སྐལ་བཟང་ལགས། ཁྱོད་ཀྱིས་ས་མཐའ་ནས་འདི་ལྟར་རང་གི་ཚེ་སྲོག་ལྟ་བུའི་བོད་ཡིག་འདི་བེད་སྤྱོད་རེ་གནང་སྟེ། དྲ་ཐོག་ཡང་ཡང་ཕེབས་པར་འཚམས་འདྲི་ཡོད། དུས་ཁོམ་རེ་ཡོད་ན་བསེ་རུའི་ཟིན་བྲིས་སུ་ཕེབས་དང་། ཁྱོད་ཀྱིས་བླངས་ཟིན་པའི་དབྱངས་ཤིག་གི་དབྱངས་འགྲོས་དང་བསྟུན་ཏེ་ངས་ཀྱང་གླུ་ཞིག་ལེན་ཆོག།
རྡ་རམ་ས་ལ་ནི་ང་ཚོའི་ཕ་ཡུལ་གཉིས་པ་ལྟ་བུ་དེ་རེད་ཅེས་ཐོས་མྱོང་། ཁྱེད་ཀྱིས་གསུངས་པ་ལྟར། མི་ཚོ་ཕ་ཡུལ་དང་ཁ་ཐག་ཇེ་རིང་དུ་སོང་སྟེ་ནུབ་ཕྱོགས་བདེ་བ་ཅན་ན་གཤར་སོང་ཡང་། ཁོང་ཚོས་ནུབ་ཕྱོགས་བདེ་བ་ཅན་ན་བདེ་བའི་རྒྱུ་དང་སྡུག་བསྔལ་གྱི་རྒྱུ་འཚོལ་བཞིན་པ་རེད་ད། ཁྱེད་རང་ལ་གོ་མཚོན་ནི་འདུག དཔའ་བརྟུལ་ནི་འདུག ཁྱོད་རང་གེ་སར་འཁྲབ་སའི་ས་ཆ་ནོར་མི་འདུག ང་རང་གེ་སར་འཁྲབ་དགོས་བསམས་ཏེ་ཆེན་པོ་ཧོར་ནས་མནའ་མ་ཞིག་བླངས་ཡོད་ཀྱང་གེ་སར་འཁྲབ་རྒྱུ་ཕར་ཞོག་གེ་སར་གྱི་འཁོར་གཡོག་ཅིག་ཀྱང་འཁྲབ་ཐུབ་ཀྱིན་མི་འདུག
ཨ་རོགས་མི་ཉག་བ། ང་ཚོས་བཙན་པོ་རིམ་བྱོན་གྱི་བང་སོ་སྔོན་ནས་བྲུས་ཏེ་བགོས་ཟིན་པ་མ་ཟད། ལྷ་སྒྲུང་ནང་གི་གེ་སར་རྒྱལ་པོའང་ད་དུང་གར་ཡོད་རྙེད་ཀྱི་མེད་ཁར། རྡ་ས་འདིར་གླིང་གི་དཔའ་བརྟུལ་ལ་ཁས་ཆེ་མཁན་ཚོའང་རིམ་བཞིན་ནུབ་ཕྱོགས་བདེ་བ་ཅན་ལ་གཤར་སོང་བར་བརྟེན། ད་ནི་ང་ལ་ས་ཁུག་གྱོག་འདི་ནས་གེ་སར་འཁྲབ་རྒྱུ་བྱུང་བ་རེད།
དགོངས་དག
ཡིག་ནོར་འགའ་བྱུང་འདུག
གཙོ་གཞི་རིམ་མང་ཚོགས་ནང་གོ་རྟོགས་གསལ་རྒྱུ་གལ་ཆེན་རེད།
ཨ་ཚོགས་ཚང་གི་སྐྱ་ཐིག་དེ་ད་སྐབས་མི་མང་ནང་གླེང་སློང་མང་ཙམ་བྱེད་ཀྱིན་འདུག ཡིན་ནའང་། མང་བོ་ཞིག་གིས་ཁོང་གི་བཤད་སྟངས་གསར་བ་འདི་ལ་རྒྱབ་སྐྱོར་བྱེད་ཀྱིན་འདུག
ཨ་རོ།
ཨ་ཚོགས་ལགས། རབས་ཡིན་ན་ཁྱེད་རང་གིས་མང་ཚོགས་ནང་ལ་འདིའི་སྐོར་ནས་གསལ་བཤད་གང་མང་མང་བྱ་རྒྱུ་གལ་ཆེན་རེད་བསམ་གི།
ཨ་རོགས་ཀླུ་མཁར་བྱམས་ལགས། གླུ་འདི་ལྟར་བླངས་ཏེ་བསུས་བར་ཐུགས་རྗེ་ཆེ། ད་ནི་ཁྱེད་རང་གེ་སར་རྒྱལ་པོ་ཕེབས་སམ་སྙམ་པའི་ཚོར་བ་ཞིག་ཀྱང་དུས་མཉམ་དུ་སྐྱེས་སོང་། ད་ཆར་ང་སོག་པོ་ན་བསྡད་མེད། ཡོ་རོབ་ལུང་པ་ཞིག་ན་ཡོ་རོབ་ཀྱི་འཚོ་བ་སྐྱེལ་འགོ་བརྩམས་ཡོད། དེའི་ཞོར་ལ་ཁྱོད་ཀྱི་སྐྱ་ཐིག་དོན་ཚན་༡༥ བློ་འཛིན་བྱེད་ཀྱིན་ཡོད།
ཨ་རོགས་ཀླུ་མཁར་བྱམས་ལགས། གླུ་འདི་ལྟར་བླངས་ཏེ་བསུས་བར་ཐུགས་རྗེ་ཆེ། ད་ནི་ཁྱེད་རང་གེ་སར་རྒྱལ་པོ་ཕེབས་སམ་སྙམ་པའི་ཚོར་བ་ཞིག་ཀྱང་དུས་མཉམ་དུ་སྐྱེས་སོང་། ད་ཆར་ང་སོག་པོ་ན་བ
འཆར་ཡན་སྒུག་སྟངས་དེ་གཞན་གང་ཡང་མིན། ད་ལྟའི་ང་ཚོའི་སྤྱི་ཚོགས་ཀྱི་གནས་སྟངས་དང་། བོད་མི་ཚོའི་བྱ་སྤྱོད། རྒྱ་ནག་གི་གནས་བབ་སོགས་ཕྱོགས་མང་ཞིག་ལ་སྔོན་དཔག་བྱས་པའི་མཐའ་སྡོམ་ཙམ་ཞིག་རེད།
ང་དང་ཁྱོད་ལྟ་བུའི་འཐབ་གྲོགས་ཚོས་བཙལ་ཟིན་པའི་དམིགས་ཡུལ་དེ་རྙེད་མེད་ལ། འཚོལ་མཁན་གྱི་གང་ཟག་རང་ཉིད་ཀྱང་བརླག་ལ་ཉེ་བའི་གནས་སྐབས་ཤིག་ཏུ་གྱུར་ཡོད་པ་མ་ཡིན་ནམ།།
ཨ་རོགས། བསེ་རུ་ཅན། འུ་ཚང་གི་ཤོར་ནོ་དེ་བསམ་བློ་ཞིག་བཏང་ན། བཤད་ནས་བཤད་ཚོད་ཡོད་པ་མ་རེད། ད་ཁྱོས་བཤད་པ་ལྟར། ད་དུང་གཞིས་བྱེས་ངོ་མ་ཐུག་པར་ལོ་ལྔ་བཅུར་སྒུག་དགོས་པའི་དབང་དུ་བྱས་ན་ཁྱོའི་འཆར་ཡུན་གྱི་སྒུག་སྟངས་ཞིག་ཤོད་དང་།
ཨོ་གོང་གི་ལ་གླུ་འདི་མི་ཉག་སྐལ་བཟང་ལ་བླངས་བ་ཡིན།
ལ་གླུ།
ས་སོག་པོའི་རྩེད་ར་ནང་ནས།།
སོག་མོ་གདན་གི་སྟེང་ནས།།
སོག་ཕྲུག་ཉི་མ་རང་ཤར།།
ལོ་དོ་ཚིགས་དབུས་ལ་མ་འགྲོ།།
འགང་མ་འགྲོ་ཟེར་ནི་མིན་འདྲ།།
ཡུལ་ཕ་མ་ལ་ཁའི་ཉི་མ།།
དགུང་ཉི་མ་བསྐྱར་ཤར་ཡོད་རུང་།།
དྲིན་ཕ་མར་བསྐྱར་ཐུག་དཀའ་གི།།
ཞེས་ལ་གླུ་འདིས་སྔོན་བསུས་ཏེ་ཁྱེད་ལ་འཚམས་འདྲི་ཡོད། ཨ་རོ། དེང་སང་ག་རེ་བྱེད་ཀྱིན་ཡོད། ས་སོག་པོའི་ལུང་པ་སྐྱིད་པོ་འདུག་གམ།
གཞན་ཁྱེད་ཀྱི་བསམ་ཚུལ་ཡག་པོ་འདུག་ཀྱང་། རྡོ་རིང་ཞིག་འཛུགས་ཐུབ་རྒྱུར་སེམས་ཐག་རེད།
ཀླུ་ཁམས་བྱམས་ལགས། འདི་ལྟ་བུའི་སྐྱ་ཐིག་དོན་ཚན་རེ་རེས་ངའི་ཡིད་དབང་འཕྲོག་སོང་། ཁོམ་པ་བྱུང་ན་ལུགས་སྲོལ་ལྟ་བུའི་འོག་ནས་ལྷ་རྒྱལ་རི་ལ་དོན་ཚན་༡༥ ཅན་གྱི་རྡོ་རིང་ཞིག་ལངས་ཐུབ་ན་ཡག་པོ་འདུག་སྙམ། རྡོ་ལ་རི་མོ་བཀོད་ཚར་བའི་རྗེས་ལ་རྡ་རམ་ས་ལའི་ཆར་རླུང་དང་རྒན་འཁོགས་དག་གིས་བསུབ་ཀྱང་བསུབ་ཐུབ་ཀྱིན་མ་རེད།
ཀླུ་མཁར་བྱམས་ལགས།
འདི་ལྟར་ཁྱོད་ཀྱིས་ལྟ་གྲུབ་ཅིག་གི་རྒྱབ་ལྗོངས་ཡོད་པའི་ཐོག་ནས་མི་སྐད་རེ་ཤོད་དུས་ངས་ཁྱོད་ལ་ཡིད་སྨོན་རེ་ཤོར་གྱིན་འདུག་ལ། ལྟ་གྲུབ་ལ་རྡོག་བརྗིས་གཏོང་མཁན་གྱི་གཞུང་ཞིག་ལ་འདི་ལྟར་ཁ་གཏད་རེ་གཅོག་གིན་སྡོད་དགོས་པ་འདི་མཐོང་སྐབས་སྙིང་རྗེ་ཞིག་ཀྱང་ངང་གིས་སྐྱེ་གིན་འདུག
གང་ལྟར་ད་བར་ང་ཚོར་ཐོབ་པ་དེ་གང་རེད་དམ་ཞེས་དྲི་བ་དྲིས་ན། ཐོབ་ཤོར་སྲང་ལ་འདེགས་སྐབས། ལྕི་ཡང་ཁྱད་པར་ཤུགས་ཆེ་ཡོད་པ་ཚང་མས་ཤེས་ཡོད་ཚོད་རེད། འོན་ཀྱང་། ཐོབ་ཤོར་གྱི་ཁྲོད་ནས་ང་ཚོ་འདི་ལྟར་མི་བཅུ་ལྔ་བཅུ་འདས་པའི་དུས་དྲན་ལ་སྲུང་བརྩི་བྱེད་རན་སོང་།
ངས་བལྟས་ན། འབྱུང་འགྱུར་གྱི་ལོ་ལྔ་བཅུའི་རྗེས་ལ་བོད་མི་བཙན་བྱོལ་དུ་གྱུར་ནས་ལོ་བརྒྱ་འཁོར་བའི་དུས་དྲན་ཞིག་སྲུང་བརྩི་བྱེད་དགོས་པ་ཞིག་ཡོང་གི་རེད་སྙམ་བཞིན་ཡོད། བོད་མི་ཚོ་དགོངས་འགལ་མེད་པ་ཞུ། རྣམ་རྟོག་དགྲ་ལ་མ་ལངས་རོགས། ངས་ད་དུང་ངའི་མི་ཚེ་འདི་གནས་མིན་མི་ཤེས་ཀྱང་། མི་ལྔ་བཅུ་ད་དུང་འདི་ལྟར་གཞིས་བྱེས་ཁ་ཐོར་གནས་དགོས་པའི་གནས་སྟངས་འདི་མུར་ལྷག་མི་ཡོང་ངམ་སྙམ་གྱིན་འདུག འདི་རང་ཉིད་ཀྱི་འཆར་ཡན་རེད།
ཨ་རོགས་ཚོ། ཨམ་སྐད་ལྟར་ན་ཚང་མས་ཉོན། ཡིག་ངོ་མི་ཆོད་མཁན་ཚོར་བསུ་མ་མེད།
དྲ་གྲོགས་ཚོ་རང་བཙན་གྱི་སྐྱ་ཐིག་ ༡༥ པའི་བོད་རྩོམ་དང་། རྒྱ་རྩོམ། དབྱིན་རྩོམ་ཚང་མ་ཡིག་འདིའི་སྟོད་དུ་ཁ་སྐོང་ནང་དྲ་འདྲེན་ Link བྱས་ཡོད་པས་དེར་གཟིགས་རོགས། མ་ཟད་འགྱུར་ལ་ཐུགས་གཟབ་གནོང་། མ་དག་ས་ཡོད་ན་དགོངས་ཚུལ་ལྷུགས་སྩོལ་ཡོང་བ་ཞུ།
ཨ་རོགས་བཀྲིས་རྒྱ་མཚོ། ཁྱོད་འདི་ཨོ་སི་ཀྲོ་ལི་ཡའི་ཨ་མདོ་སྣ་བོ་ཆེ་ཡིན་ཚོད་ཡོད། ཡིན་ན་བདེ་མོ། ཁྱོས་བསམ་ཚུལ་ནང་བཙན་བྱོལ་གཞུང་གི་ལངས་ཕྱོགས་དང་། གཞིས་བྱེས་མི་དམངས་ཀྱི་འདོད་བློ་གང་ཡིན་གསལ་བོ་རྟོགས་དགོས་སྐོར་འཁོད་འདུག ངས་ད་ཆ་བཙན་བྱོལ་གཞུང་གི་ལངས་ཕྱོགས་དང་མི་དམངས་ཀྱི་མངོན་འདོད་གཉིས་རྒྱབ་འགལ་ཆགས་འགྲོ་གི་ཡོད་པ་ཞིག་མཐོང་གི་འདུག ཁྱོས་བལྟས་ན་ག་འདྲ་རེད། ད་དུང་མི་རབས་གསར་བ་དང་སྡེ་བ་གཞུང་གཉིས་ཀྱི་བར་ཐག་དེ་བས་རིང་ནི་རེད།
ཚེ་འཚོ་དང་། དཔལ་མཚོ་གཉིས་ལགས།
༡ རྩོམ་ཟེར་བ་འདི་རིགས་ཞེན་ཁོ་ན་དབང་གིས་ཀློག་རྒྱུ་ཞིག་མིན་མོད། ངས་རིག་ཞེན་ལས་རྒལ་བའི་རྩོམ་ཞིག་འབྲི་མ་ཐུབ་ཙང་ཁྱོད་ལ་ཅི་ཁག
༢ རེད་ཡ༌༌༌༌སྡེ་བས་འཁྲབ་ན་འཁྲབ། གཙོ་བོ་སོ་སོས་འཁྲབ་མི་ཉན།
ཚེ་འཚོ་དང་། དཔལ་མཚོ་གཉིས་ལགས།
༡ རྩོམ་ཟེར་བ་འདི་རིགས་ཞེན་ཁོ་ན་དབང་གིས་ཀློག་རྒྱུ་ཞིག་མིན་མོད། ངས་རིག་ཞེན་ལས་རྒལ་བའི་རྩོམ་ཞིག་འབྲི་མ་ཐུབ་ཙང་ཁྱོད་ལ་ཅི་ཁག
༢ རེད་ཡ༌༌༌༌སྡེ་བས་འཁྲབ་ན་འཁྲབ། གཙོ་བོ་སོ་སོས་འཁྲབ་མི་ཉན།
ང་མི་འཁྱམ་ལའང་བཤད་རྒྱུ་འགའ་ཡོད།
༡ སྙིགས་མའི་དུས་འདིར་མི་རིགས་གཞན་ཕར་ཟད། ད་སོ་སོའི་རིགས་ལའང་བོད་རང་བཙན་ཡིན་གི་ཡིན་རབས་བརྗོད་དགོས་ཚོད་འདུག་ད།
༢ ལམ་དབུ་མས་མ་འོངས་པར་གནས་སྟངས་ཤིག་ཐག་ཆོད་མིན་ལ་མ་བལྟས་པར། དེ་གདམ་ཁ་ཞིག་ཡིན་མ་ནོད། ང་ཚོར་གདམ་ག་དེ་གཅིག་པུ་ལས་མེད་དུས་ཚར་སོང་བ་རེད།
༣ ཁྱོད་འུ་གཉིས་ཀྱི་མི་ཐོག་འདིས་འདི་ཙམ་ཞིག་ལས་ལྕོགས་ཀྱང་། སྡེ་ཕྱི་རབས་པའི་འཇོན་ན་ཐང་མོ། དེ་བས་མི་རབས་ཕྱི་མའི་ལམ་ཁ་འགོག་དགོས་དོན་མི་འདུག ངས་འདས་དོན་དང་འབྱུང་འགྱུར་ཉིས་ཆར་བསྡོམས་བརྒྱབས་ན། སེམས་ཤི་གི་མེད་ད།
ཨོ་རེད། ད་དུང་དབུ་མ་གསར་མ་ཚང་གི་སྐོར་རེད། མ་གཞི་དབུ་མ་གསར་རྙིང་གང་ཡིན་ཀྱང་རུང་། ད་ཆ་ལམ་འདི་ཚོང་པ་ཚོས་ལག་ཏུ་ཤོར་ཚར་ན་རེད། དཔེར་ན། གོམ་རིམ་ལ་མགོ་བདེ་འཁྲབ་མཁན་གྱི་ངོ་བཙོང་བ་ཚོ་ཕུད། ཁ་རྒྱ་ཡུལ་ལ་འཁོར་ནས་ཆོས་ཚོང་བརྒྱག་མཁན་གྱི་བླ་རྒན་ཚོ། ཡང་ཨ་རིའི་སོ་ཉུལ་དང་། རྒྱ་ནག་མཐབ་ཕྱོགས་གཅིག་གྱུར་ཁང་དང་མཉམ་པོར་རྒྱ་ནག་ནས་ཁེ་ལས་གཉེར་མཁན། འདི་ག་བཙན་བྱོལ་ནང་ཡོང་ནས་ཁ་ལ་བོད་བསྟན་སྲིད་ཀྱི་ལ་རྒྱ་གྱེར་མཁན།་མདོར་སྲིད་ཚོང་དང་ཁེ་ཚོང་མཉམ་པོ་གཉེར་མཁན་ཚོ་ཕུད། བཙན་བྱོལ་ནང་ཁེ་ཚོང་ཙག་ཙིག་བརྒྱབ་ནས་ཁ་བརྩགས་ཁ་ཤོས་ཡོད་མཁན་ཚོ་འང་ལམ་འདིར་སྤྲོ་སྣང་ཡོད་ཡ། མི་བདེན་ན་བལྟོས་ར། ད་དུང་དེ་དག་གི་ཁ་བཀོལ་འོག་འཚོ་མཁན་ཚོ་ར་ཡོད། ངས་ཁྱོ་མི་ཤེས། མདོར་ན་ལམ་དབུ་མ་གསར་བ་ཚང་ཡང་ཚོང་པ་ཚོས་སྐད་ཆ་རེད་ཡ། སོང་ཙང་དེའི་ཁྱོ་འཐིམ་བཅུག་པར་ཁག་མེད།
ཨ་རོགས་ཨ་འབྲུག ཁྱོ་བདེན་ནི་རེད། ངའི་སྐྱ་ཐིག་དེ་རང་བཙན་ལེན་སྟངས་དང་སྤྲོད་སྟངས་ཉིས་ཆ་ཡིན་བསམ་ཡོད་ལ། ངའི་སྐྱི་ཐིག་ནང་དུའང་རྒྱ་མིའི་རང་བཙན་སྤྲོད་སྟངས་མ་ཤེས་པར་མི་སྤྲོད་མདོག་མདོག་དང་། ང་ཚོས་ལེན་སྟངས་མ་ཤེས་པར་མི་དགོས་མདོག་མདོག་བྱེད་ཀྱིན་ཡོད་པ་རེད་ཅེས་གསལ་བོ་བཀོད་ཡོད།
དེ་སྔོན་ངས་ཁྱེད་ཀྱི་གདོང་ལ་བལྟས་ནས་ཁྱེད་ཀྱི་བསམ་ཚུལ་འདི་རང་བཙན་ལེན་སྟངས་ཤིག་མ་རེད་རང་བཙན་སྤྲོད་སྟངས་ཤིག་རེད་ཅེས་བཤད་མྱོང་ཡོད།
ངས་སྐབས་འདི་དག་ཏུ་ཁྱེད་སུ་ཞིག་གི་ཁ་གཏད་ཡིན་པ་ཡང་ཤེས་ཀྱི་མི་འདུག
འོན་ཀྱང་རིག་པའི་གཞུང་ལུགས་ནི་ཀླད་པ་སྟོང་བའི་ནང་དུ་བཟོ་ཐབས་མེད་པ་ཞིག་རེད། བསྒྲགས་གཏམ་སྤེལ་ན་ལོས་ཆོག རང་བཙན་ཞེས་པ་ནི་རིག་པའི་གཞུང་ལུགས་ཀྱི་ཐོག་ནས་རིགས་བསྒྲུབ་ཁུངས་སྐྱེལ་བྱེད་དགོས་པའི་འཇིག་རྟེན་ལྟ་ཚུལ་ལྟ་བུའི་མགོ་རྙོག་དང་གཏིང་ཟབ་ཅིག་མ་རེད།
ཀླུ་མཁར་བྱམས་ལགས།
གོང་གི་བསམ་ཚུལ་མདོར་བསྡུས་འདི། ཁྱེད་རང་གི་ལྟ་ཚུལ་ལ་དགག་པ་བྱེད་ཆེད་དུ་མིན། ང་ཚོའི་བར་བསམ་ཚུལ་སྤེལ་རེས་ཀྱི་ཆེད་ཡིན། ང་ལ་མཚོན་ན། ད་ལྟ་ལས་འགུལ་ཁང་གསར་པ་ཞིག་གིས་དབུ་མའི་ལམ་གསར་པ་ཞིག་གླེང་གི་ཡོད་པ་དེ་ནི། ང་ཚོར་དགོས་པའི་དབུ་མའི་ལམ་དེ་མིན་པ་འདྲ་འདུག ང་ཚོའི་སྤྱི་ཚོགས་ནང་དབུ་མའི་ལམ་འདི་ཡང་གསལ་པོ་ཞིག་ཆགས་མི་འདུག གསལ་པོར་བཤད་ན། ད་ལྟ་གླེང་བཞིན་པའི་དབུ་མའི་ལམ་གསར་པ་འདིས། ད་ལྟའི་གནས་སྟངས་ཤོད་ཀྱི་མི་འདུག མ་འོངས་པའི་བོད་དེ་ཡང་གསལ་པོ་ཞིག་ཡིད་ལ་དྲན་པར་མུན་པ་ཞིག་འཐིབས་བཅུག་གི་འདུག དེ་ལ་ལྟ་ཚུལ་གང་ཡོད་ཤེས་འདོད་ཡོད།
ཀླུ་མཁར་བྱམས་ལགས།
ཁྱེད་རང་གི་དོན་ཚན་བཅོ་ལྔ་དེ་སྔོན་ནས་བཀླགས་ཟིན། བསམ་ཚུལ་སྙིང་རྗེ་བོ་ཞིག་བྲིས་ཡོད་པ་དེ་འང་གློག་ཀླད་ནང་ནས་སྔ་མོ་ནས་བརླག་ཚར་སོང། དེ་རིང་གི་འདི་ལྟར་བདག་པོ་ཞིག་ཡོད་སྙམ་མ་ཤར་ནས་ཡིན། ད་ནི་བདག་པོ་ཞིག་ཡོད་པ་དེ་ངོ་འཕྲོད། དེ་དུས་བྲིས་པའི་བསམ་ཚུལ་ནང་དོན་གནད་གསུམ་གླེང་ཡོད་པ་དེ་ད་ལྟ་སེམས་ན་འདུག དེ་གསུམ་ནི།
༡ སྔོན་བྱུང་ལོ་རྒྱུས་སྟེང་གི་བོད་དེ་རང་བཙན་གྱི་རྒྱལ་ཁབ་ཅིག་ཡིན་པའི་བདེན་པ་དེ་བོད་མི་ཚོས་ཤེས་ཀྱི་ཡོད་པ་རེད། དེ་ཡིན་སྟབས། བོད་ཀྱི་སྤྱི་ཚོགས་ནང་བོད་རང་བཙན་གྱི་ཁུངས་སྐྱེལ་བྱེད་མཁན་ཡང་ཡོང་གི་ཡོད་པ་དེ་ཚོ་ནི། དགོས་མཁོ་མེད་པ་ཞིག་མཐོང་གི་འདུག གང་གིས་ན། ང་ཚོས་རང་གི་ལོ་རྒྱུས་ཀྱི་བདེན་པ་དེ་ཤེས་ཀྱི་ཡོད་པ་རེད།
༢ དབུ་མའི་ལམ་ནི། ད་ལྟའི་བོད་ཀྱི་གནས་སྟངས་ལ་གཞིགས་ཏེ། མ་འོངས་པའི་གནས་སྟངས་ཐག་གཅོད་པར་གཏན་འབེབས་ཀྱི་ལམ་ཁ ཞིག་དང་འདམས་ཀ་ཞིག་ཆགས་ཡོད་པ་རེད། དེ་ནི་ད་ལྟའི་ང་ཚོའི་གནས་སྟངས་ཀྱིས་ལྕོགས་ཤོས་དང་འཚམ་ཤོས་ཀྱང་ཆགས་ཡོད་པ་རེད།
༣ རང་བཙན་ལེན་དགོས་པ་ལས་གཞན་གྱི་འདམས་ཀ་གང་གིས་ཀྱང་བོད་འདི་འགན་ལེན་ཐུབ་ཀྱི་མ་རེད་ཟེར་མཁན་ཡོད་པ་རེད། རང་བཙན་ནི་བོད་རྒྱ་ཆེའི་མི་མང་གི་འདོད་པ་མཐར་ཐུག་རེད་ཟེར་མཁན་ཡོད་པ་རེད། དེ་ནི་ཚད་མཐོ་ཤོས་ཀྱི་རེ་བ་རེད། ཡིན་ནའང་། ང་ཚོའི་རང་བཙན་ཇི་ལྟར་ཤོར་བ་དང་། དེའི་སྔ་རྗེས་ཀྱི་བོད་དེར་ཕྱིར་ལྟོས་ཤིག་བྱས་པ་ཡིན་ན། དེའི་སྟེང་། དེ་རིང་ཁ སང་གི་ང་ཚོའི་གནས་སྟངས་འདི་བསྡོམས་ནས་བལྟས་པ་ཡིན་ན། ད་གཟོད་ང་ཚོས་གང་ཞིག་ཐེག་ཐུབ་ཀྱི་ཡིན་མིན་དེ་གསལ་པོ་ཞིག་ཆགས་ཀྱི་རེད། དེ་ནས་གོམ་པ་གང་དུ་སྤོ་དགོས་པའང་ཤེས་ཀྱི་རེད།
འདི་དག་ནི་ངའི་བསམ་ཚུལ་སྙིང་རྗེ་པོ་དེའི་ནང་གི་གནད་དོན་ལྟེ་བ་གསུམ་ཡིན། ད་ལྟ་བསམ་ཚུལ་སྙིང་རྗེ་བོ་དེ་གློག་ཀླད་ནང་ནས་རྙེད་པའི་ཐབས་ཤེས་དང་རེ་བ་བྱེད་བཞིན་ཡོད། འཚོལ་བཞིན་ཡོད། རྙེད་པ་ཡིན་ན། འདིར་འགོད་རྩིས་ཀྱིས་ཡོད།
ཇོ་ཀླུ་མཁར་བྱམས་ཁྱེད་ཀྱི་བསམ་ཚུལ་ཡག་པོ་རེད།
ཡིན་ནའང་བཙན་བྱོལ་ལ་གནས་པས་བོད་མི་ཚོའི་ད་པར་དུ་གློག་སྙན་ག་འདྲ་བྱས་ནས་འཁྲབ་ཡོད་པ་ང་ལས་ཁྱེད་ལ་གལས་པོ་རེད།
སྐུ་ཞབས་ཀླུ་མཁར་ལགས། ཁྱོད་ཀྱི་རང་བཙན་སྐྱ་ཐིག་ཞེས་བའི་རྩོམ་ཡིག་འདི་རླབས་ཆེ་ལ་དོན་དང་ལྡན་པ་ཞིག་རེད། མ་གཞིར་བོད་མི་རིགས་ལ་རང་བཙན་མི་དགོས་བ་ག་ལ་ཡིན། འོན་ཀྱང་ང་ཚོའི་རང་བཙན་ནི་མཚོན་རྣོན་པོའི་ཁ་ཡི་སྦྲང་རྩི་བཞིན་ཡིན་པས་ལེན་མ་ཤེས་ན་ལྕེ་རྩེར་རྨ་མི་བཟོ་བའི་ངེས་བ་མེད།
དེར་བརྟེན་ཁྱོད་ཀྱི་དམགས་ཡུལ་འདིའི་ཁ་ཕྱོགས་བཙལ་དགོས་ན་བོད་ཕྱི་ནང་གཉིས་ཀྱི་མི་དམངས་ཀྱི་སེམས་ཀྱི་དམིགས་འདུན་དེ་ཅིས་ཀྱང་བཙལ་ཏེ་རྙེད་དགོས། དེར་མ་ཟད་དམིགས་བསལ་གྱིས་བཙན་བྱོལ་གཞུང་གི་ཆབ་སྲིད་ཀྱི་ལངས་ཕྱོགས་དང་མི་དམངས་ཀྱི་འདོད་བློ་གང་ཡིན་གསལ་བོར་རྟོགས་དགོས། འདི་ནི་ཁྱོད་སྐྱ་ཐིག་ནང་གི་ཡང་སྙིང་དུའང་འཛིན་ཆོག།
ཆེས་ཐ་མའི་འགྲོ་ལམ་ལ་བཅོས་རོགས
ཨ་ཚོགས་ཀླུ་མཁར་འབྱམས་ཁམས་བཟང་། བོད་རང་བཙན་གྱི་སྐྱ་ཐིག་དོན་ཚན་༡༥ ཞེས་པར་སེམས་གཏིང་ནས་བསམས་ན་ངོ་མ་མི་དགའ་མཁན་གྱི་བོད་པ་སུ་ཞིག་ཨེ་ཡོད་སྙམ།
ང་ཚོས་རླབས་ཆེན་བོད་བཙན་པོའི་དུས་རབས་ལ་གཞིགས་བཅོལ་ཏེ་ཆོལ་གསུམ་ས་ཡི་གོམ་བུ་གཅིག་ཏུ་བསྒྲིལ་ནས་སྐྱར་དྲན་དང་། སྐྱ་ཐིག སྐྱ་དར་བཅས་གསུམ་གྱི་དུས་རབས་གསར་པའི་འདུན་ལམ་ན་མི་རབས་གསར་པ་དག་གི་བཙན་པོའི་ཁ་ཕྱོགས་གཅིག་རང་དུ་མདུན་བསྐྱོད་ལྷོད་མེད་དང་། དཔའ་མཛངས་ལྡན་པ། མཐར་གཏུགས་པ་བཅས་ཀྱིས་འགྲོ་ལམ་རྒྱུན་འཁྱོངས་པ་ཞིག་ཅིའི་ཕྱིར་མི་བྱེད།
ཟང་ཟིང་གི་དཀྱིལ་ན་ཉམས་ཆགས་ཡོད་ལ། ཉམས་ཆགས་ཀྱི་འཁྲོད་ན་གོད་ཆགས་ཆེན་པོ་ཡོད། གོད་ཆགས་ཀྱི་རྐྱེན་ལས་དཀའ་སྡུག་བྱུང་ལ། དཀའ་ཐུབ་ཇི་ཙམ་མྱང་ན་དེ་ཙམ་གྱི་མྱོང་བ་ཟབ་མོ་ཞིག་ཐོབ་ཐུབ། དཀའ་སྡུག་ཙད་མེད་གཅིག་དང་མངོན་སུམ་གྱི་མྱོང་བ་དག་ལ་བརྟེན་ནས་མཐར་བཙན་པོའི་རྒྱལ་ཁ་ཞིག་ཡོད།
དེ་འདྲའི་འཕང་ཁ་ཞིག་གི་ཀློང་དཀྱིལ་ནས་ངེད་ཅག་བོད་རིགས་ཚང་ལའང་ཐ་ཆེས་ཐ་མའི་འྒརོ་ལམ་ཞིག་དང་། རྒྱལ་ཁ་ཆེན་པོ་ཞིག་ཅིའི་ཕྱིར་མི་འཐོབ་བམ།
དྲ་གྲོགས་ཚོ་རང་བཙན་གྱི་སྐྱ་ཐིག་ ༡༥ པ་དེ་རྩོམ་ཡིག་འདིའི་སྟོད་དུ་ཡིག་གཟུགས་སྔོན་པོའི་ནང་དུ་དྲ་འདྲེན་ Link བྱས་ཡོད་པས་དེར་གཟིགས་རོགས།
ཇོ་ཀླུ་མཁར་བྱམས་ལགས། སྐུ་ཉིད་ནི་དོན་དངོས་ཀྱི་སྤྱི་ཚོགས་ཞབས་ཞུ་པ་རེད་ལ་བོད་མིའི་གླེང་མཁན་ཞིག་རེད་ཞེས་ཕྲན་ནས་གོ་མྱོང་ཡོད། དེ་བས་རིགས་ཞེན་གྱིས་དབང་གི་གུས་མོས་ཀྱང་རྒྱུན་དུ་ཉིད་ཀྱི་ཆེད་རྩོམ་རྣམས་ཀློག་བཞིན་ཡོད།
ལགས་སོ་ལགས། ང་ནི་ཀློག་མཁན་ཡག་པོ་ཞིག་ཡིན། དངོས་ནས་བཤད་དུས། རང་ཉིད་འདིའི་བསྐོར་ལ་དོ་སྣང་ཤུགས་ཆེན་ཡོད་མཁན་ཞིག་ལས་ཀླུ་མཁར་བྱམས་སྐུ་ཉིད་བཞིན་དུ་འདིའི་བསྐོར་ལ་ཞིབ་འཇུག་གང་ཙམ་བྱས་མྱོང་མཁན་དེ་འདྲ་ཞིག་གཏན་ནས་མིན་སྟབས། འདིའི་བསྐོར་ལ་ཞིབ་དུ་ཉན་ནས་རྗེས་སོར་བསམ་བློ་ཞིབ་དུ་གཏོང་རྒྱུ་ཞིག་ལས་དྲ་ཐོག་གི་ཐད་ཀར་བསམ་ཚུལ་འབྲི་ཐུབ་པ་ཞིག་མ་རེད། གང་ལྟར། སྐུ་ཉིད་ཀྱིས་ལོ་མང་རིང་དཀའ་ལས་བརྒྱབ་དེ་ཕྱག་ལས་གནང་བའི་ཉམ་མྱོང་གི་ཟིན་ཐོ་ཞིག་རེད་ཅེས་ཟེར་ན་མ་ཆོག་པ་མེད་པ་ལྟ་བུ་ཞིག་ཆགས་ཡོད་པ་ཡིན་དུས། ཀློག་མཁན་དག་གིས་ཀྱང་ཟ་དང་ཟུང་ཟ་མི་གནང་བར་ཞིབ་དུ་ཀློག་རྒྱུར་བདག་གིས་ཀྱང་རེ་བ་བྱེད་ཀྱི་ཡོད་ལ། ཉིད་ཀྱིས་ཀྱང་དྲི་བ་དྲི་ལན་གཡོལ་ཀྱོག་མེད་པར་གནང་ཐུབ་རྒྱུར་འབོད་སྐུལ་ཡོད། ཉེ་སྔོན་གྱི་ཁང་གསར་ཁྱེད་གཉིས་ཀྱི་ནང་རྩོད་ལྟ་བུར་མི་འགྱུར་བར་རེ་སྐུལ་ཞུ།
དྲ་གྲོགས་རྣམ་སླར་ཡང་རྒྱུར། སང་ཉིན་ནས་སྐྱ་ཐིག་དོན་ཚན་བཅོ་ལྔ་བ་བསམ་ཚུལ་ནང་འདིར་བཀོད་རྒྱུ་ཡིན་པས། དུས་ལྟར་བགྲོ་གླེང་ཡོང་བ་ཞུ།
ཡ་ཡ། བློ་གྲོས། རྒྱབ་ནས་སྐྱོར་བར་བཀའ་དྲིན་ཞུ། འོན་ཀྱང་ཉིད་ཀྱིས་འཛམ་གླིང་གི་འཕེལ་ཕྱོགས་ལ་བལྟ་དུས། ངའི་སྐྱ་ཐིག་ནང་ལྟར་འགྲོ་ས་ཞིག་མ་མཐོང་བ་ནི་གནད་འགག་གཙོ་བོ་རེད། ཡིན་ཡང་ང་སེམས་ཤུགས་ཆགས་མེད།
ཀླུ་མཁར་བྱམས་ལགས། སྐུ་ཉིད་ཀྱིས་བཏབ་པའི་སྐྱ་ཐིག་གམ་རྨིས་པའི་རྨི་ལམ་དེ་ཡིད་འོང་མཛེས་སྡུག་ལྡན་པ་ཞིག་འདུག་པས་ཧ་ཅང་དགའ་བོ་བྱུང་ལ་ཁྱེད་ལ་ཤ་ཚའམ་རྒྱབ་སྐྱོར་གྱི་སེམས་ཤུག་ཅིག་ཀྱང་སེམས་གཏིང་ནས་སྐྱེས་བྱུང་། ཡིན་ནའང་འཛམ་གླིང་གི་འགྱུར་འགྲོས་དང་དོན་དངོས་ལ་ཁ་མ་ཕྱོགས་ན་འགྲོ་ལམ་ཞིག་མེད་པའང་སྐུ་ཉིད་ནས་ངེས་པར་དུ་མཁྱེན་དགོས་ངེས་རེད།