དུས་ངན་དེ་འདྲའི་སྐབས་ལ་ཡང་ས་གནས་སྲིད་གཞུང་གིས་ལྐོག་ཟ་རུལ་སུངས་ཀྱི་བྱ་སྤྱོད་ཐ་ཤལ་སྤེལ་འདུག
མིང་འདོན་འདོད་མེད་པའི་རེབ་གོང་གི་གནད་ཡོད་མི་སྣ་ཞིག་གིས་འདི་གར་གནས་ཚུལ་བཏང་དོན་ལྟར་ན། ཉེ་སྔོན་ཕྱི་ཟླ་༩ ཚེས་ ༡༣ ཉིན་གྱི་ཕྱི་དྲོའི་ཆུ་ཚོད་ ༧:༤༠ ཡས་མས་སུ་མདོ་སྨད་རེབ་གོང་རྐ་སར་གྲོང་སྡེར་རི་ཉིལ་གྱི་གོད་ཆག་བྱུང་སྐབས་དེར། རྐ་སར་དགོན་པའི་གྲྭ་བ་གཅིག་འདས་གྲོངས་སོང་བ་དང་། གྲྭ་ཤག་མང་པོ་ལ་གཏོར་སྐྱོན་ཐེབས་འདུག དུས་མཚུངས་གྲོང་སྡེའི་མ་ཎི་ཁང་ལ་ཡང་གཏོར་སྐྱོན་ཆེན་པོ་ཐེབས་པ་དང་། མི་ལ་རྨས་སྐྱོན་ཕོག་པ་སོགས་ཀྱི་གནོད་སྐྱོན་མི་ཉུང་བ་ཞིག་བྱུང་བར་བརྟེན། ས་གནས་མི་མང་རྣམས་གྲོང་སྡེའི་ཤར་ཕྱོགས་ཀྱི་མལ་ལེ་གཅིག་ཙམ་གྱི་མཚམས་སུ་ཉེན་གཡོལ་གནས་སྤོར་བྱེད་དགོས་བྱུང་འདུག རི་ཉིལ་བྱུང་བའི་རི་དེ་ལ་རྟ་འགྱིང་ལའམ། ཡོངས་གྲགས་སུ་ཧོར་ནག་རྟ་འགྱིང་ལ་ཟེར། གནས་ཚུལ་དེའི་དབང་གིས་མཚོ་སྔོན་ཞིང་ཆེན་དམངས་སྲིད་ལས་ཁུངས་ཀྱིས་རྐ་སར་གྲོང་སྡེར་རས་གུར་ ༣༠༠ དང་། ཉལ་གདན་ ༡༢༠༠ གྱོན་ཆས་ ༡༢༠༠ གྲོ་ཕྱེ་རྒྱ་མ་ ༤༠༠༠༠ བཅས་ཀྱི་རོགས་སྐྱོར་བྱས་ཡོད་ཚུལ་མཚོ་སྔོན་བརྙན་འཕྲིན་བརྒྱུད་ནས་གསལ་བསྒྲགས་སྤེལ་འདུག་ལ། ཕྱི་ཟླ་ ༩ ཚེས་ ༡༨ ཉིན་གྱི་ཟི་ལིང་དགོང་མོའི་ཚགས་པར་དང་། ཚེས་ ༡༩ ཉིན་གྱི་མཚོ་ནུབ་གྲོང་ཁྱེར་གྱི་ཚགས་པར་གཉིས་ཀྱི་ནང་དུ་ཡང་གོང་གསལ་རོགས་སྐྱོར་གྱི་གནས་ཚུལ་དེ་བཀོད་ཡོད་ཚུལ་བརྗོད། འོན་ཀྱང་འབྲེལ་ཡོད་མི་སྣ་ཁ་ཤས་རྐ་སར་གྲོང་སྡེར་དངོས་བསྐྱོད་ཐོག་ནས་འདྲི་གཅོད་རྒྱུས་ལོན་བྱུང་བ་ལྟར་ན། གནོད་འཚེ་ཐེབས་ཡུལ་གྱི་མི་དམངས་ལ་དངོས་སུ་ལག་འབྱོར་བྱུང་བ་ནི་རས་གུར་ ༡༢༠ དང་། ཉལ་གདན་ ༡༡༤༠ གྱོན་ཆས་ ༡༡༤༠ གྲོ་ཕྱེ་རྒྱ་མ་ ༡༠༠༠༠ མ་གཏོགས་མི་འདུག འདི་ལས་གསལ་པོར་ཤེས་ཐུབ་པ་ནི་དུས་ངན་དེ་འདྲའི་སྐབས་ལ་ཡང་ས་གནས་སྲིད་གཞུང་གིས་ལྐོག་ཟ་རུལ་སུངས་ཀྱི་བྱ་སྤྱོད་ཐ་ཤལ་སྤེལ་འདུག་པ་དེ་རེད། རྐ་སར་གྲོང་སྡེ་ནི་རེབ་གོང་རོང་བོ་གྲོང་བརྡལ་གྱི་བྱང་ངོས་སུ་ཡོད་ཅིང་། རྐ་སར་དགོན་པར་གྲྭ་པ་ ༦༠ ལྷག་དང་། རྐ་སར་གྲོང་སྡེར་མི་གྲངས་ ༡༢༠༠ མ་ཟིན་ཙམ་ཡོད། རི་ཉིལ་གྱི་གནོད་འཚེ་ནི་ཉིན་གྲངས་མང་པོར་ཡང་ནས་ཡང་དུ་བྱུང་བར་བརྟེན། ད་ལྟ་ཡང་རྐ་སར་གྲོང་སྡེའི་མི་དམངས་ཡོངས་རས་གུར་ཁག་ནང་ཉེན་གཡོལ་ངང་བཟའ་བཏུང་རིགས་མཉམ་སྤྱོད་བྱེད་དགོས་པའི་ཐབས་སྐྱོའི་གནས་སུ་གྱར་འདུག་པ་དང་། ལྷག་པར་དུ་ད་ལྟའི་ཆར་ནམ་ཟླ་ནི་ཉིན་རེར་ཇེ་འཁྱག་ལ་འགྲོ་བཞིན་ཡོད་པའི་ཁར། དགུན་དུས་ཀྱང་སླེབས་ལ་ཉེ་བས་ཕྱོགས་གང་ཅིའི་ཐད་ནས་དཀའ་ངལ་དང་སེམས་ཁྲལ་འཕར་མ་ཞིག་འབྱུང་བཞིན་འདུག དེ་ལྟ་ན་ཡང་རྒྱ་ནག་གཞུང་ནས་རྐ་སར་གྲོང་སྡེའི་ཉམ་ངའི་གནས་སྟངས་འདི་ཐད་མ་འོངས་འཆར་འགོད་ཅི་ཡང་མེད་པ་དང་། ལྷག་དོན་དུ་ས་གནས་སྲིད་གཞུང་རང་གིས་སྐབས་བསྟུན་དགོས་ངེས་ཀྱི་རོགས་སྐྱོར་ཅི་ཡང་བྱས་མེད་པ་མ་ཟད། ད་དུང་གོད་ཆག་འདི་ལ་ཁ་གཡར་ཏེ་ས་ཁུལ་གཞན་ནས་རོགས་དངུལ་ཞལ་འདེབས་བསྡུ་ལེན་བྱས་ཡོད་རབས་བརྗོད་མཁན་མང་པོ་འདུག་ལ། གོང་གསལ་མཚོ་སྔོན་ཞིང་ཆེན་གྱི་རོགས་སྐྱོར་དངོས་རྫས་ཁག་གི་ཁོངས་ནས་ཀྱང་མང་པོ་ཞིག་ས་གནས་རང་གི་འགོ་ཁྲིད་ཁག་ཅིག་གིས་ལྐོག་ཟ་བྱས་འདུག་པ་བཅས་ནི་ཇི་འདྲའི་སྙིང་ལ་གཟན་པའི་བྱ་ངན་རུལ་སུངས་ཤིག་རེད་ཨང་།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ཁྱེད་ཚོ་གང་ཟེར་བཞིན་ཡོད་རྒྱ་ནག་གི་དཔོན་ངན་དེ་ཚོའི་ལས་འགན་ད་ག་རང་ཡིན་པ་ད་ོཆ་ཞི་ནས་ཤེས་སོང་ངམ།
གཡེར་ཁ་ཚ་ལགས།
འབྱོར་ལྡན་གཅིག་པོ་མ་རེད།ཁྱེད་ཀྱིས་དབུས་བོད་ཀྱི་གཞོན་ནུ་དང་བུད་མེད་ཚོགས་པ་གཉིས་ཀྱི་ད་ཡོད་ཚོགས་གཙོ་སོགས་ཀྱི་འཇོན་ཐང་དང།ལས་འགུལ་གྱི་གནས་སྟངས་དང་སོགས་ལ་གཅིག་བལྟས་ད།དེ་བཞིན་ད་ཡིན་ན་ས་གནས་ཚང་མ་དེ་འདྲ་པོ་རེད།དབུས་ས་ཡོངས་ལ་ད་ཡིན་ན་ཚང་མ་ཚར་འདུག།
ཟླ་འདིའི་ཚེས་༧ཉིན་བོད་ཀྱི་གཞོན་ནུ་ལྷན་ཚོགས་དབུ་བརྙེས་ནས་ལོ་ངོ་བཞི་བཅུ་འཁོར་བའི་དུས་སྟོན་གྱི་ཉིན་མོ་འདིར་སྐུ་མགྲོན་གཙོ་བོ་བོད་མི་དམངས་སྥྱི་མཐུས་ལྷན་ཚོགས་ཀྱིཚོགས་་གཙོ་རྒྱ་རི་སྒྲོལ་མ་གཙོ་བྱས་བའི་གཞོན་ནུ་ལྷན་ཚོགས་ཀྱི་ཚོགས་གཙོ་དང་།་་གཞུང་འབྲེལ་དང་གཞུང་འབྲེལ་མ་ཡིན་པའི་ཚོགས་གཙོ།་རྡ་ས་ས་ནས་རྒྱུན་ལས་ཀྱི་ཚོགས་གཙོ་བཅས་ཐེངས་འདིའི་མཛད་སྒོ་ལ་་བཅར་འདུག་་་་་་ཧ་ལས་བ་ཞིག་ལ་འབྱོར་ལྡན་ཟེར་ནས་རང་ཉིད་ཀྱི་མིང་འབྲི་མི་ཤེས་བ་ཞིག་གཞོན་ནུའི་ལས་བྱེད་ལ་བསྐོར་བཞག་བྱས་འདུག་་་་་་ངོ་མ་བོད་པ་ཚང་གི་བསོད་ནམས་སད་འདུག་་་ཚར་འདུག་་་་་་་་་་་་་ཚར་འདུག་་་་་་་་་་་བོད་པ་ཚང་ཚརའདུག་
རྒྱ་ནག་ལ་ལྐོག་ཟ་རུལ་སོང་ཡོད་རེད་ཟེར་བ་ལ་ཧ་ལས་ཡོད་མ་རེད། སྤྱང་ཀིས་ལུག་བསད་པ་དེ་བྱ་སྤྱོད་སྤྱིར་བཏང་བ་ཞིག་རེད།
དམ་པ་ཁོང་གི
རྒྱ་མིའི་ནང་ན་ད་ལྐོག་ཟ་རུལ་སོང་བ་ཡོད་ད་ཡོད། ༸གོང་ས་མཆོག་ལ་ཐལ་མོ་སྦྱོར་མཁན་ཚོའི་ནང་ན་དམ་པ་ཁོང་འཕྲིན་ལས་ལས་བྱུངབའི་དབུལ་སྐྱོབས་དངུལ་དག་ལྐོག་ཟ་བྱ་མཁན་ཡོད་ན་དེ་ནི་ཆོས་མེད་སྨྲ་བརྒྱ་ནག་དམར་ཤོག་ལས་ལྡབ་གྲངས་ལས་འདས་པའི་སྡིགས་ཉེས་རེད་ད
སྐྱག་གཟན། རོ་ས་འོག་ལ་འཇུག་རྒྱུ་དེ་ཚོ། ངོ་མ་བྱ་རྩོག་གི་ཡཱ།
ངོ་ཚ་རྒྱུ་མེད་ནི་དེ་ཚོར་མཐོང་ཆོས་མྱོང་འགྱུར་གྱི་ལས་ཤིག་སྨིན་ནས་བསམ་ཞིག་ཤེས་ཀི་བཅུག་ན་རེད།
བོད་ཀྱི་རྫོང་ཁུལ་ཁག་ཏུ་ངོ་མ་དེ་འདྲ་གནང་མཁན་ཉུང་ཉུང་མིན། དེ་དག་རྒྱ་ནག་སྲིད་གཞུང་གི་ཤེས་ཀྱི་མེད་པ་འདྲ་འདུག
སྤྱིར་བྱ་སྤྱོད་ངན་པར་རྩིས་ན་ཆོག་མོད། རྩད་གཅོད་བྱ་ཐུབ་མི་པ་ཞིག་ཀྱང་མ་རེད་སྙམ། དེང་སང་ངའི་ཕ་ཡུལ་མཚོ་སྔོན་ནའང་འདི་འདྲའི་བྱ་ངན་སྤྱོད་ངན་ཅན་འགའ་ཡོད་ཙིག་མོ། འོམ་ཀྱང་ག་ལེར་ལྷང་ལ་འབུད་ཀི་རེད། ལྟས་ངན་དེ་ཚོ།
ངོ་མ་བྱ་རྩོག་རེད།