སྐབས་དང་པོའི་གཞུང་བརྒྱའི་བགྲོ་གླེང་རྟགས་མའི་མི་རིགས་རིག་གནས་དར་སྤེལ་དཔྱད་གླེང་ཚོགས་ཆེན་དེ་མཚོ་སྔོན་ཟི་ལིང་དུ་ཚོགས་ཏེ། བོད་ཀྱི་རིག་གནས་དར་སྤེལ་དང་མི་རིགས་མཐུན་སྒྲིལ། སློབ་གསོ་གོང་སྤེལ། འཛམ་གླིང་ཞི་བདེ་བཅས་ཀྱི་བརྗོད་གཞིའི་ཐོག་བགྲོ་གླེང་དང་གནང་ཡོད་པ་མ་ཟད། མཁས་དབང་ཁག་ཅིག་ལ་རིམ་པ་མི་འདྲ་བའི་བྱ་དགའི་རྟགས་མའང་བསྩལ་ཡོད་འདུག
ཐེངས་འདིའི་ཚོགས་ཆེན་གོ་སྒྲིག་གནང་མཁན་ཙོང་ཁའི་མདའ་འཕེན་གླུ་གར་ལྷན་ཚོགས་དང་། མཚོ་སྔོན་གངས་རྩེན་རིག་གནས་ཁྱབ་སྤེལ་འགན་ལེན་སྤྱི་གཉེར་ཁང་། གཞུང་བརྒྱའི་བགྲོ་གླེང་རྩོམ་སྒྲིག་ཁང་བཅས་ཀྱིས་མཉམ་དུ་སྒྲུབ་པ་ཞིག་ཡིན་ཞིང་། ཉིན་དེར་ཀན་ལྷོ་མི་རིགས་དགེ་ཐོན་སློབ་གྲྭའི་སློབ་དཔོན་ཆེན་མོ་བསེ་ཚང་བློ་བཟང་དཔལ་ལྡན་དང་། སེ་ར་དགོན་པའི་དགེ་བཤེས་ཟླ་གྲགས། དེ་བཞིན་རྫོང་དང་ཁུལ་རིམ་པའི་མི་རིགས་སློབ་གསོ་སྡེ་ཁག་དག་གིས་ཐེངས་འདིའི་དཔྱད་གླེང་ཚོགས་ཆེན་ལ་ཆེད་དུ་རྟེན་འབྲེལ་ཞུ་ཡིག་ཕུལ་ཡོད་པ་དང་། གཞུང་བརྒྱའི་བགྲོ་གླེང་རྩོམ་སྒྲིག་ཁང་གི་གཙོ་སྒྲིག་པ་སྤྲིན་གྱི་མེ་ཏོག་ལགས་ཀྱིས་རེ་རེ་བཞིན་སྒྲོག་སྦྱོང་གནང་ཡོད་འདུག ཚོགས་ཆེན་སྟེང་། མཁན་པོ་ཚུལ་ཁྲིམས་བློ་གྲོས་དང་བཀྲ་ཤིས་ཟླ་བ། ལྕགས་ཐར་རྒྱལ། ལྡོང་ཡོན་ཏན་རྒྱ་མཚོ་སོགས་མདོ་དབུས་ཁམས་གསུམ་གྱི་མཁས་པ་གྲགས་ཆེན་ཁག་ཅིག་གིས་བོད་ཀྱི་རིག་གནས་དར་སྤེལ་དང་མི་རིགས་མཐུན་སྒྲིལ། སློབ་གསོ་གོང་འཕེལ། འཛམ་གླིང་ཞི་བདེ་བཅས་ཀྱི་བརྗོད་གཞིའི་ཐོག་གཏམ་བཤད་དང་འཆད་ཁྲིད་བྱས་ཡོད་འདུག
གཞུང་བརྒྱའི་བགྲོ་གླེང་རྟགས་མའི་མི་རིགས་རིག་གནས་དར་སྤེལ་དཔྱད་གླེང་ཚོགས་ཆེན་གྱི་མཇུག་བསྡོམས་ཉིན་གྱི་ཕྱི་དྲོར་ཀན་ལྷོ་གཙོས་མི་རིགས་དགེ་ཐོན་སློབ་གྲྭའི་སློབ་དཔོན་ཆེན་མོ་བསེ་ཚང་བློ་བཟང་དཔལ་ལྡན་དང་། ནུབ་བྱང་མི་རིགས་སློབ་ཆེན་བོད་སྐད་ཡིག་སྡེ་ཁག་གི་སློབ་དཔོན་དོར་ཞི་གདོང་དྲུག་སྙེམས་བློ། གསེར་རྟ་བླ་རོང་ལྔ་རིགས་ནང་བསྟན་སློབ་གྲྭའི་སློབ་དཔོན་མཁན་པོ་ཚུལ་ཁྲིམས་བློ་གྲོས་བཅས་གསུམ་ལ་ཕུལ་བྱུང་མཁས་དབང་བྱ་དགའ་བསྩལ་ཡོད་པ་དང་། དགེ་བཤེས་བློ་བཟང་ལུང་རྟོགས་དམ་ཆོས་རྒྱ་མཚོ་དང་། ཧྰུང་ཀར་རྡོ་རྗེ། འཇིགས་མེད་རྒྱལ་མཚན། ལྕགས་ཐར་རྒྱལ། བྱ་ཁྱུང་སངས་རྒྱས། ཨ་ལགས་ལུང་རིགས། བཀྲ་ཤིས་ཟླ་བ་བཅས་མི་བདུན་ལ་ཕུལ་བྱུང་སློབ་གསོའི་བྱ་དགའ་བསྩལ་ཡོད་འདུག གཞན། རྨེ་སྤྲུལ་བསྟན་འཛིན་རྒྱ་མཚོ་དང་། སངས་རྒྱས་རྒྱལ། ལྡོང་ཡོན་ཏན་རྒྱ་མཚོ། གཅན་རོང་བསྟན་འཛིན། བསམ་འགྲུབ་ཚེ་རིང་། ལྷ་ལྡན་བཅས་མི་དྲུག་ལ་གཞུང་བརྒྱའི་བགྲོ་གླེང་དུས་དེབ་ཀྱི་ཕུལ་བྱུང་རྩོམ་རིག་བྱ་དགའ་བཅས་བསྩལ་ཡོད་འདུག
འདི་ནི་ང་ཚོའི་སྤྲོ་སེམས་དགོང་དུ་འཕུར་བའི་དུས་བཟང་ཡིནལ།
ལྔ་རིག་གི་དྲོད་ཁོལ་འཚོལ་བའི་རྗེད་མེད་ཀྱི་དན་རྟགས་ཀྱང་ཡིན།
གོ་སྒྲིག་གནང་མཁན་དང་ཚོགས་ཞུགས་པ་ཚང་མ་ལ་བཀྲ་་་་ཤིས་བདེ་ལེགས་ཞུ།
བརྗོད་གཞི་ཡང་རྒྱ་ཇེ་ཆེ་དང་ཇེ་ལེགས་སུ་འགྲོ་བཞིན་འདུག འོན་ཀྱང་མཁས་པ་རྒན་རབས་པ་རྣམས་རྫོགས་འགྲོ་གི་ཡོད་པ་ཞིག་མཐོང་གི་འདུག་ལ། དབུས་གཙང་ཁུལ་ནས་ཀྱང་འདིའི་ནང་སུ་སླེབས་མེད་པ་འདྲ། མ་ཡོད་པ་ཡིན་ནམ།
ཁོང་རྣམ་པས་བོད་ཀྱི་ཤེས་རིག་ཉམས་པ་སོར་ཆུད་དང་མི་ཉམས་གོང་འཕེལ་གྱི་ལས་མཛད་རྗེས་རླབས་ཆེན་གནང་བའི་མཛད་པ་ལ་མངོན་པར་བསྟོད་དོ།།
མུ་ནས་མུ་མཐུད་དེ་འདི་ལྟར་གནང་བར་མཛོད་ཅིག
མཁས་དབང་ཚུལ་བློ་ཁོང་སྐུ་པར་ནང་ནས་མཇལ་ཐེངས་གཉིས་པ་དེ་ཡིན་བྱས་ན་ཁོང་ལ་གོ་སྐབས་འདིའི་རྒྱུད་ནས་བཀྲ་ཤིས་བདེ་ལེགས་ཞུས་འདོད་སྐྱེས
སླར་ཡང་རྒྱལ་བསྟན་མི་རོ་རྨང་ནས་གསོལ་ཐུག་པས་རེ་བ་ཡོད་
ངོ་མ་དགའ་འོས་པའི་གཏམ་བཟང་ཞིག་རེད། ཁ་བྲོ། བཀའ་ཤིས།
ངེད་ཅག་བོད་པ་ཚང་ལ་འདི་འདྲའི་འི་རླབས་ཆེ་བའི་རིག་གཞུང་ཟབ་མོ་ཞིག་ཡོད་སྟབས་འཛམ་གླིང་འདིའི་སྟེང་གངས་ཅན་བོད་རིགས་ཚོར་འདུན་ལམ་ཡངས་ཤིང་རྒྱ་ཆེ་བ་ཞིག་འདུག
འདི་ནི་ངེས་པར་དགའ་འོས་པའི་ཤིས་འཕྲིན་བཟང་བོ་ཞིག་རེད།
ངས་བཅོས་མིན་སེམས་ཁོང་ནས་བཀྲ་ཤིས་བདེ་ལེགས་གྲངས་མེད་ཞུ།
ངོ་མ་ཡག་པོ་རེད།
འགྲོ་བ་ཅི་སྲིད་གནས་གྱུར་པ།།
དེ་སྲིད་དག་ནི་གནས་གྱུར་ཅིག།
མཁས་དབང་ཚུལ་ཁྲིམས་བློ་གྲོས་མཆོག་ལ་ཕྱག་འཚལ་ལོ།།
ཨ་ཧོ། གོང་ནས་གོང་དུ་འཕེལ་བར་གྱུར་ཅིག
ཨེ་མ་ཧོ་བསྐལ་པ་བཟང་།
གངས་ཅན་ཤེས་རིག་གི་ཉི་མ་ཆེན་པོ་མི་ནུབ་པར་གྱུར་ཅིག།
མངོན་པར་བསྟོད།