ཕྱི་ཟླ་ ༩ ཚེས་མགོ་ཞིག་ལ་རྔ་པ་རྨེའུ་རུ་མ་ནས་ཡིན་པའི་རྔ་པ་ཀིརྟི་དགོན་པའི་གྲྭ་བློ་བཟང་ཚེ་རིང༌། རང་ལོ་ ༢༧ ཡིན་པ་ཞིག་དང་། མཐའ་བ་གོང་མའི་བྱ་བརྩོན་ཚང་གི་ངག་དབང་རབ་རྒྱས། རང་ལོ་ ༢༧ ཙམ་ཡིན་པ་གཉིས་རྔ་པ་རྫོང་ཉེན་རྟོག་མི་སྣས་འཛིན་བཟུང་བྱས་ཡོད་པ་དང་། ད་ལྟ་ཁོང་གཉིས་ཀྱི་གནས་ཚུལ་གང་ཡང་ཤེས་རྟོགས་བྱུང་མི་འདུག ལོ་སྔོན་མའི་ཞི་རྒོལ་ཆེན་མོའི་རྗེས་རྒྱ་ནག་གིས་ཁོང་གཉིས་འཛིན་བཟུང་བྱ་ཆེད་རྩད་གཅོད་རིམ་པ་བྱས་ཀྱང་། ད་ལོའི་ཟླ་ ༧ བར་དུ་བྲོས་བྱོལ་གྱིས་རྒྱ་ལག་ཏུ་ཤོར་མེད་ནའང༌། ཟླ་ ༧ ཚེས་མགོར་རྒྱ་ནག་གཞུང་གི་མགོ་སྐོར་བསླུ་བྲིད་འོག་ཚུད་དེ་མགོ་བཏགས་བྱས་ཡོད། སྐབས་དེར་ཟླ་གཅིག་ལ་ཉེ་བར་བཀག་འགོག་བྱས་རྗེས་གློད་གྲོལ་བཏང་ཡོད་ཀྱང་ཉེ་ཆར་བསྐྱར་དུ་འཛིན་བཟུང་བྱས་འདུག
གཞན། རྔ་པ་རྨེའུ་རུ་མའི་རུ་ཆེན་དང་པོའི་འགོ་ཚེ་པེ་ཚང་གི་རང་ལོ་ ༣༠ ཡིན་པའི་བུ་མོ་མང་དགའ་དང་། རྨེའུ་རུ་མའི་རུ་ཆེན་གསུམ་པའི་མགོན་པོ་སྔོ་ར་ཚང་གི་རང་ལོ་ ༦༠ ཡིན་པའི་མགོན་པོ་སྔོ་ར། རྨེའུ་རུ་མའི་རུ་ཆེན་གསུམ་པའི་བསོད་ནམས་ཥ་རོ་ཚང་གི་རང་ལོ་ ༥༠ ཡིན་པའི་བསོད་ནམས་ཥ་རོ། རྨེའུ་རུ་མའི་རུ་ཆེན་གསུམ་པའི་ཆུ་བསོད་ཚང་གི་རང་ལོ་ ༤༨ ཡིན་པའི་ཆུ་བསོད་བཅས་ཀྱང་། ཟླ་ ༩ ཚེས་ ༢༧ ཡས་མས་སུ་རྨེའུ་རུ་མ་ནས་ཉེན་རྟོག་པས་འཛིན་བཟུང་བཀག་ཉར་བྱས་ཡོད་འདུག ཁོང་རྣམས་འཛིན་བཟུང་བྱས་དོན། རྒྱ་གཞུང་གིས་དེང་སྐབས་འབྲོག་སྡེ་རྨེའུ་རུ་མའི་ཞང་ཐོག་ལ་ཁྱིམ་ཚང་རེ་རེ་བཞིན་ཁང་པ་གསར་རྒྱག་བྱེད་དུ་བཅུག་ཡོད་པ་དང་། ཕྱི་ཟླ་ ༩ ཚེས་ ༢༧ ཡས་མས་སུ་ཁང་པ་དག་གི་སྟེང་དུ་རྒྱ་ནག་གི་དར་དམར་བསྒྲེངས་འཛུགས་བྱས་སྐབས། གོང་གི་མི་དེ་དག་གིས་ངོ་རྒོལ་བྱས་ཏེ་དར་དམར་བསྒྲེང་དུ་མ་བཅུག་པར་མར་གཡུག་པ་སོགས་བྱས་ཡོད་སྟབས། ཐེངས་འདིར་འཛིན་བཟུང་བྱས་པ་ཞིག་ཡིན་འདུག་ལ། འཛིན་བཟུང་སྐབས་མི་མང་གི་མཐོང་སར་གཅར་རྡུང་དྲག་པོ་བཏང་ཡོད་འདུག
ཁྱད་པར་གངས་ལྗོངས་ཆོས་ལྡན་སྐྱེ་འགྲོ་རྣམས།།
ནག་ཕྱོགས་ཀླ་ཀློའི་དཔུང་གིས་བརྩེ་མེད་དུ།།
ངན་རྒུ་འཇོམས་པའི་ཁྲག་དང་མཆི་མའི་རྒྱུན།།
མྱུན་དུ་ཆོད་པའི་ཐུགས་རྗེའི་མཐུ་དཔུང་སྐྱེད།།
བདེན་པའི་ང་རོ་སྒྲོག་པ་ཉེས་པར་བརྩི།།
མི་རིགས་ལ་རྒྱ་གླེང་མཁན་དགྲ་རུ་བལྟ།།
བོད་ཀྱི་མི་རིགས་བཤད་དུས་ཁ་བྲལ་ཟེར།།
འདི་དག་རྫོགས་པའི་དུས་ཤིག་ཅི་ལྟར་རྙེད།།
བསྟན་དང་བསྟན་འཛིན་ཆབ་སྲིད་རང་རིགས་སླད། །གཅེས་པའི་ལུས་སྲོག་ལོངས་སྤྱོད་ཡོངས་བཏང་སྟེ། །དཀའ་བ་བརྒྱ་ཕྲག་སྒྲུབ་པའི་སྐྱེས་བུ་རྣམས། །གྲུབ་འཛིན་མགོན་དེས་ཐུགས་རྗེས་སྐྱོང་བར་མཛོད། །
རྔ་བ་ནས་འདི་ལྟར་བོད་མི་དཔའ་བོ་རྒྱུན་ཆད་མེད། ན་ནིངས་བཞུར་བའི་བོད་མི་ཚོའི་ཟུངས་ཁྲག་ད་དུང་སྐམ་མེད་པས་རྔ་བ་ན་དཔའ་བོ་ལོས་མང་སྟེ་མང་དགོས་ངེས་རེད། ད་དུང་བོད་གངས་ཅན་ནས་བོད་ལ་ཞེན་པའི་བོད་ཀྱི་དཔའ་བོ་གཅིག་ཐོག་ཉིས་བརྩེགས་ཀྱིས་འཁྲུངས་ཡོང་གི་རེད། ན་ནིང་ནས་བཟུང་བོད་མི་སྐྱེས་སྚཀྱེས་ཚང་མ་བོད་ཀྱི་དཔའ་བོར་འགྱུར་ངེས་ཡིན་ལ། ཁོང་ཚོའི་ཟུངས་ཁྲག་ཀྱང་བོད་རྒྱལ་ཁབ་ཀྱི་དོན་དུ་བཞུར་གི་རེད། གཙང་ཆེན་ཁ་འབབ་བཞི་བོ་མ་སྐམ་གྱི་དབར་དུ། གངས་ཆེན་རི་རྒྱལ་ཏི་སེ་མ་བཞུས་ཀྱི་དབར་དུ། བོད་མི་རིགས་འདི་ཉམས་སྲིད་ཀི་མ་རེད།
དེང་གི་བོད་མི་ཚོས་རྒྱ་ནག་གི་རྒྱལ་དར་མིག་གི་མཐོང་འདོད་མེད་པའི་སྐབས་འདིར། རང་སྲིད་རང་སྐྱོང་ལ་སོགས་གང་ཞིག་ཐོབ་རྗེས། རྒྱ་ནག་གི་རྒྱལ་དར་བསྒྲེངས་ཏེ་རྒྱ་ནག་གི་རྒྱལ་གླུ་གཏོང་མཁན་བོད་མི་ཐོག་མ་དེ་སུ་ཡིན་ནམ། དེ་ནི་དེང་སྐབས་མཐོ་རི་མཐོ་ཚད་ནས་བོད་དོན་གླེང་མཁན་ཚོ་སྔོན་མ་མིན་ན་སུ་ཡིན་ཏེ་སུ་ཡང་མེད་དོ།། དེ་དུས་ང་འཇིག་རྟེན་འདི་ནས་ཤི་འཕོས་ཏེ། དགའ་ལྡན་སྐྱེས་ནས་ཡིད་དགའ་བར་བྱས་སྡོད་པའི་དུས་ཤིག་ཡིན་པར་སྨོན། དེ་མིན་ངའི་མི་ཚེའི་ནང་དུ་རྒྱ་ནག་གི་རྒྱལ་དར་འོག་ནས་མི་འདུག རྒྱ་ནག་གི་རྒྱལ་གླུ་མི་ལེན་པར་ཁས་བླངས་དམ་བཅས་ཡོད་པས་སོ།།ཧ་ཧ་ཧ་ཧ ཆང་འཐུང་གི་སྐད་ཆ་ཞིག་ལ་མི་རིག་ག
བོད་ནང་གི་རྒྱལ་གཅེས་པ་ཚོའི་སྐུ་ཚེ་ལ་བར་ཆད་མི་ཡོང་བར་སྨོན།