འབྲེལ་ཡོད་ནས་འདི་གར་གནས་ཚུལ་མཁོ་སྤྲོད་བྱས་དོན་ལྟར་ན། ༢༠༠༩ ཟླ་ ༣ ཚེས་ ༢༤ ཉིན་དཀར་མཛེས་ས་ཁུལ་གྱི་བོད་མི་ཚོས་མི་རིགས་དང་རྒྱ་ཁབ་ཀྱི་དོན་དུ་རྒྱ་གཞུང་ལ་ཞི་བའི་ངོ་རྒོལ་བྱས་སྐབས། ཏྲེ་ཧོར་གྱི་བཙུན་མ་དབྱངས་སྐྱིད་སྒྲོལ་མ་དང་བཙུན་མ་བསོད་ནམས་དབྱངས་ཅན་གཉིས་ཀྱིས་གཅེས་པའི་ལུས་སྲོག་ལ་མ་འཛེམས་པར་དཀར་མཛེས་རྫོང་གི་ཁྲོམ་གཞུང་དུ་བུད་དེ། ངོ་རྒོལ་སྐད་འབོད་ཤུགས་ཆེན་བྱས་ཡོད་པ་དང་། སྐབས་དེར་ཁོང་གཉིས་ཀྱིས་༧རྒྱལ་བ་བསྟན་འཛིན་རྒྱ་མཚོ་སྐུ་ཚེ་ཁྲི་ལོ་བརྟན་པ་དང་བོད་ནང་གདན་འདྲེན་གང་མྱུར་ཞུ་དགོས། བོད་ནང་འགྲོ་བ་མིའི་ཐོབ་ཐང་དང་ཆོས་དད་རང་དབང་མི་འདུག ཅེས་འབོད་ཚིག་སྒྲོག་བཞིན་བོད་རང་བཙན་གྱི་ཡིག་ཆ་གཏོར་འགྲེམ་བྱས་སྐབས། དྲག་ཆས་མཚོན་ཆ་ཐོགས་པའི་རྒྱ་དམག་ ༥༠ ལྷག་ཡོང་སྟེ་ཉེས་རྡུང་ཚབས་ཆེན་གཏོང་བཞིན་རླངས་འཁོར་ནང་བཅུག་སྟེ་བཙན་ཁྲིད་བྱས་ཡོད་འདུག དེའི་རྗེས་ཉེན་རྟོག་པའི་རླངས་འཁོར་ཞིག་ཁོང་གི་ཁྱིམ་དུ་ཕྱིན་ཏེ། ༧གོང་ས་མཆོག་གི་སྐུ་པར་འཕྲོག་འཁྱེར་བྱས་ཡོད་པ་མ་ཟད། ངོ་ལོག་པ་དང་རྒྱལ་ཁབ་ཁ་བྲལ་གཏོང་མཁན། ཞེས་ནང་མི་ཚོར་འཇིགས་སྐུལ་བྱས་ཡོད་འདུག
ཟླ་ ༣ ཚེས་ ༢༥ ཉིན་གྱི་སྔ་དྲོ་ཡང་བསྐྱར་རྒྱ་དམག་གི་རླངས་འཁོར་གཉིས་ཡོང་སྟེ། སྤུན་མཆེད་ཚངས་དབྱངས་རྒྱ་མཚོ་ལ་འཕྲལ་དུ་དཀར་མཛེས་རྫོང་སྲིད་གཞུང་ལ་ཡོང་དགོས་པའི་བཙན་བཀའ་བཏང་ཡོད་པ་དང་། དེའི་རྗེས་དཀར་མཛེས་རྫོང་སྨན་སུང་གདོང་བཙོན་ཁང་གསར་པའི་ནང་། འདྲི་རྩད་བྱས་ཏེ་ལུས་ལ་ཆུ་ཚ་བོ་གཤོ་བ་སོགས་མི་སྤྱོད་ལས་འདས་པའི་མནར་གཅོད་བཏང་སྟེ། དམྱལ་བ་མི་ཡུལ་ནས་མྱངས་པ་ལྟ་བུའི་བསྡུག་བསྔལ་འོག ཟླ་བ་བཞིའི་རིང་དཀར་མཛེས་བཙོན་ཁང་ནང་བཞག་ཡོད་པ་དང་། ཉེ་ལམ་ཕྱི་ཟླ་ ༧ ནང་དཀར་མཛེས་རང་སྐྱོང་ཁུལ་འབྲིང་རིམ་མི་དམངས་ཁྲིམས་ཁང་དུ་ཁྲིད་ཡོད་ཀྱང་། ད་སྔ་ཁོང་གཉིས་ལ་ཁྲིམས་ཐག་བཅད་ཡོད་མི་འདུག
ཧོར་མི་གྲོང་པའི་བཙུན་མ་དབྱངས་སྐྱིད་སྒྲོལ་མ་ལགས་ཀྱི་ཕའི་མིང་ལ་དགེ་འདུན་དར་རྒྱས་དང་མའི་མིང་ལ་པདྨ་མཁའ་འགྲོ་ཟེར་ཞིང་། རྒྱ་མཁའ་གྲོང་པའི་བཙུན་མ་བསོད་ནམས་དབྱངས་ཅན་ལགས་ཀྱི་ཕའི་མིང་ལ་བྱམས་པ་རྒྱ་མཚོ་དང་། མའི་མིང་ལ་གཡུ་སྒྲོན་ལྷ་མོ་ཞུ་བཞིན་ཡོད་འདུག
ཐོག་རྒོད་ལགས།
༸གོང་ས་མཆོག་གི་བཀའ་རྩོམ་འདིར་དྲངས་པ་ཤིན་ཏུ་མད་ཀྱང་།
དག་སྡེབ་ཉམས་སུ་བཅུག་ན། ཕན་པ་ལས་གནོད་པ་ཆེ་བས་དེ་དོན་ཐུགས་གཟབ་གནང་རོགས།།
མདོར་ན་བསྟན་འཛིན་ཆབ་སྲིད་རང་རིགས་སླད།།
གཅེས་པའི་ལུས་སྲོག་ལོངས་སྤྱོད་ཡོངས་བཏང་ནས།།
དཀའ་བ་བརྒྱ་ཕྲག་སྒྲུབ་པའི་སྐྱེ་བོ་རྣམས།།
གྲུ་འཛིན་མགོན་དེས་ཐུགས་རྗེས་སུ་བཟུང་དུ་གསོལ།།
རང་ནས་ཡིད་ལ་མནག་པའི་འདོད་པའི་དོན།།
ཡོངས་རྫོགས་བོད་ལྗོངས་རང་དབང་གཙང་མའི་དཔལ།།
ལྷུན་གྲུབ་ཆོས་སྲིད་ཟུང་འབྲེལ་དགའ་སྟོན་ལ།།
སྤྱོད་པའི་སྐལ་བཟང་མྱུར་བ་ཉིད་དུ་སྩོལ།།
སྨྲ་ཤེས་གོ་བ་ལོན་པའི་ལས་ཅན་ཡང་།།
བདེན་པ་བཤད་དབང་མེད་པའི་ལས་ངན་མ།།
ཁྲག་རྒྱུད་གཅིག་པའི་དཔའ་མོ་ཁྱེད་གཉིས་ཀྱི།།
སྙན་གྲགས་ཇོ་མོ་གླང་མའི་རྩེ་ན་འཕྱོ།།
གངས་ཅན་ཞིང་གི་ཆོས་སྲིད་བྱ་བའི་གདུགས། །འདེགས་པའི་སྲིད་ཞུར་གཏོགས་པའི་སྐྱེ་བོ་ཀུན། །ལྷག་བསམ་རྣམ་དཔྱོད་དཔུང་པ་རབ་བརྟན་ཅིང་། །སྐྱེ་ཀུན་ཕྱག་ན་པདྨོས་རྗེས་བཟུང་ཤོག །
བདེན་པའི་ང་རོ་སྒྲོག་པ་ཉེས་པར་བརྩི།།
མི་རིགས་ལ་རྒྱ་གླེང་མཁན་དགྲ་རུ་བལྟ།།
བོད་ཀྱི་མི་རིགས་བཤད་དུས་ཁ་བྲལ་ཟེར།།
འདི་དག་རྫོགས་པའི་དུས་ཤིག་ཅི་ལྟར་རྙེད།།
རྒྱ་ནག་གིས་མདུང་རྩེ་གཏོད་ས་གཙོ་བོ་བོད་པའི་གྲྭ་པ་དང་བཙུན་མ་རྣམས་ཡིན། དེ་དག་གིས་མི་རིགས་ཅུང་ཟད་ཕན་པ་བཏགས་པ་ཤེས་པས་ཡིན།
འདི་དག་བདེན་པ་ཡིན་ན་ངོ་ནས་བཟོད་ལྷག་བྲེལ།
དལ་འབྱོར་ལུས་རྟེན་གཤིན་རྗེའི་གྲོང་ཁྱེར་ན།།
མནར་གཅོད་གདུག་རྩུབ་འོག་ཏུ་གྱར་བ་འདི།།
བདེན་དོན་བླ་སྲོག་འཚོལ་བའི་སྙིང་སྟོབས་དང་།།
ལོ་རྒྱུས་རྨ་ཁ་བཅོས་པའི་ལྷ་རྗེ་ཡིན།།