དྲ་ཐོག་གི་བགྲོ་གླེང་།

ཕྱི་ཚེས་ ༡༢ ཉིན་ལྗང་རླུང་ཚགས་པར་གྱི་རྩོམ་སྒྲིག་པ་དང་འདི་ག་བོད་ཀྱི་དུས་བབ་ཟིན་བྲིས་པ་བོན་རྒྱ་བསྟན་འཛིན་རབ་རྒྱས་ལགས་ཀྱིས་གསལ་བསྒྲགས་སྤེལ་བ་ལྟར་ན། སང་ཉིན་ཕྱི་ཚེས་ ༡༧ ཉིན་སྤྱི་ནོར་༧གོང་ས་མཆོག་ལ་ཨ་རིའི་གྲོས་ཚོགས་ཀྱིས་གསེར་གྱི་རྟགས་མ་ཕུལ་བའི་དུས་ཆེན་དང་བསྟུན་ཏེ། དུས་བབ་ཟིན་བྲིས་ནང་གི་ཀ་ཆེན་བཞི་དང་སེང་ཆེན་བཞི་ཡི་གོ་སྒྲིག་འོག༼ གྲྭ་སྨྱོན་བསྟན་རབ་ཀྱི་སྦྲ་རྒན་ནག་ལྡང་ ༽(https://tibettimes.net/blogs.php?id=64) ཞེས་པའི་ནང་། དྲ་གྲོགས་ཡོངས་ལ་རང་མོས་བགྲོ་གླེང་གི་སྡིངས་ཆ་ཞིག་བསྐྲུན་རྒྱུ་ཡིན་པ་དང་། ཉིན་དེར་བགྲོ་གླེང་ལ་ཞུགས་མཁན་ཡོངས་ཀྱིས་བགྲོ་གླེང་བྱས་པའི་ཟིན་ཐོ་རྣམས་ལྗང་རླུང་ཚགས་པར་དང་ཅོང་བརྡ་ཚགས་པར་གཉིས་ནང་འགོད་འཆར་ཡོད་འདུག

ལྗང་རླུང་གི་རྩོམ་སྒྲིག་པ་བོན་རྒྱ་བསྟན་འཛིན་རབ་རྒྱས་ཀྱི་གསལ་བསྒྲགས་ནང་བཀོད་དོན། སྤྱི་ནོར༸གོང་ས༸སྐྱབས་མགོན་ཆེན་པོ་མཆོག་གིས་ཨ་རིའི་གསེར་གྱི་རྟགས་མ་བཞེས་པའི་ཉིན་མོ་སྟེ། སྤྱི་ལོ་ ༢༠༠༩ ཟླ་ ༡༠ ཚེས་ ༡༧ ཉིན་བོད་ཀྱི་དུས་བབ་དྲ་བའི་ཟིན་བྲིས་སྦྲ་རྒན་ནག་ལྡང་ནང་དུ་རང་མོས་བགྲོ་གླེང་ཞིག་གོ་སྒྲིག་ཞུ་བཞིན་ཡོད་ལ། གོ་སྒྲིག་པ་དུས་བབ་ཟིན་བྲིས་ནང་གི་ཀ་ཆེན་བཞི་དང་། སེང་ཆེན་བཞི་རུ་བསྒྲགས་པའི་མིང་ཐོག་ནས་བཀོད་སྒྲིག་ཞུ་བཞིན་ཡོད། བགྲོ་གླེང་འདིའི་བརྗོད་བྱ་ལ་དམིགས་བསལ་གྱི་ངོས་བཟུང་ཅི་ཡང་མེད། ཉིན་འདིའི་བགྲོ་གླེང་ཟིན་བྲིས་རྣམས་ལྗང་རླུང་ཚོགས་པས་གཙོ་གཉེར་གནང་བའི་ལྗང་རླུང་གསར་འཕྲིན་དང་། ཕོ་ཉ་སྨྱུག་ཚོགས་ཀྱིས་གཙོ་གཉེར་གནང་བའི་ཅོང་བརྡ་ཚགས་པར་གཉིས་ཀྱི་སྟེང་འགོད་ཐབས་ལ་འབད་རྒྱུ་ཡིན། ཡིན་ནའང་། ང་ཚོའི་དམིགས་འབེན་གཙོ་བོ་ཞིག་སྟེ་དྲ་གྲོགས་ཚོའི་མཐུན་སྒྲིལ་ལ་གུས་བརྩི་གནང་ནས་ཉིན་འདིར་ཐལ་ཆ་ཅན་གྱི་མཆན་བྱུང་ན་ཐད་ཀར་གསུབ་རྒྱུ་ཡིན།  བགྲོ་གླེང་དངོས་གཞིའི་ཉིན་གྱི་ལས་རིམ་གཤམ་དུ་ཟུར་བཀོད་བྱས་པ་ལྟར་ཡིན་ལ། བཀྲ་ཤིས་པའི་ཉིན་མོ་འདིར་དྲ་གྲོགས་ཚང་མ་འཛུལ་ཞུགས་གནང་བའི་འབོད་སྐུལ་ནན་མོ་ཞུ་རྒྱུ་ཡིན། ཞེས་དང་།

འཚོགས་ཡུལ།             སྦྲ་རྒན་ནག་ལྡང་།
དུས་ཚོད།                  རྒྱ་གར་ནས་སྔ་དྲོ། ༩།༣༠ ནས་ཕྱི་དྲོ། ༦།༠༠
གཙོ་འགན་པ།            སེང་ཆེན་བཞི་དང་ཀ་ཆེན་བཞི།
འབྲེལ་བ་ཞུ་ཡུལ།          9882330506/      9816201183/   9916442227
                            tenrap2006@yahoo.com

སྤྱི་ལོ་༢༠༠༩ ཟླ༡༠ཚེས༡༧ཉིན་གྱི་དྲ་ཐོག་རང་མོས་བགྲོ་གླེང་གི་ལས་རིམ།
དང་པོ།     སྔ་དྲོ་༩།༣༠སྟེང་དྲ་གྲོགས་ཚང་མ་སྦྲ་རྒན་ནག་ལྡང་ནང་དུ་ལྷན་འཛོམས་གནང་རྒྱུ།
གཉིས་པ།    སྔ་དྲོ༩།༣༥ སྟེང་ཀ་ཆེན་ཨ་ཁུ་བོན་རྒྱ་ནས་བགྲོ་གླེང་གི་དམིགས་ཡུལ་སྐོར་ལ་གཏམ་བཤད་ཟིན་བྲིས་སྤེལ་རྒྱུ།
གསུམ་པ།    སྔ་དྲོ༩།༤༠ སྟེང་ནས་སེང་ཆེན་ལྷ་ཆབ་ལགས་ནས་བགྲོ་གླེང་དབུ་འཛུགས་ཀྱི་གཏམ་བཤད་ཟིན་བྲིས་སྤེལ་རྒྱུ།
བཞི་བ།     སེང་ཆེན་ཨ་རིག་དགེ་མཐོང་དང་། ཀ་ཆེན་ཨ་ཁུ་བོན་རྒྱ་གཉིས་ནས་ཞོགས་ཇ་འདེགས་འབུལ་ཞུ་རྒྱུ་།(གསོལ་ཇའི་དོད་དུ་ཟས་རིགས་ཀྱི་པར་རིས་དང་། དེ་མཚུངས་སྙན་ངག་དང་བཞད་གར་རྩོམ་རིག་སྤེལ་རྒྱུ)
ལྔ་བ།      ཆུ་ཚོད་༩།༤༠སྟེང་སེང་ཆེན་ཟ་ལེ་ཡིས་དབུ་བརྩམས་སྟེ་བགྲོ་གླེང་དངོས་གཞི་ལ་ཞུགས་རྒྱུ་དང་། སེང་ཆེན་ལྷ་ཆབ་དང་ཀ་ཆེན་བོན་རྒྱ་གཉིས་ནས་གཙོ་སྐྱོང་གནང་རྒྱུ།
དྲུག་པ།     ཆུ་ཚོད་༡༠།༤༠ནས་༡༠།༥༠བར་སྐར་མ་བཅུའི་རིང་བར་གསེང་དང་། ཀ་ཆེན་མེ་དང་སེང་ཆེན་གསར་བརྗེ་སྐྱབས་གཉིས་ནས་བར་གསེང་གསོལ་ཇ་འདེགས་འབུལ་ཞུ་རྒྱུ།
བདུན་པ།    ཆུད་ཚོད་༡༠།༥༠སྟེང་ཀ་ཆེན་མེ་ཡིས་དབུ་བརྩམས་སྟེ་བགྲོ་གླེང་དངོས་གཞི་ལ་ཞུགས་རྒྱུ་དང་། ཀ་ཆེན་སྤོབས་པ་དང་སེང་ཆེན་དགེ་མཐོང་གཉིས་ཀྱིས་གཙོ་སྐྱོང་བ་གནང་རྒྱུ།
བརྒྱད་པ།     ཆུ་ཚོད༡༢་སྟེང་སེང་ཆེན་ཟ་ལེ་ཡིས་ཉིན་གུང་གསོལ་ཚིགས་འདེགས་འབུལ་ཞུ་རྒྱུ།
ཆུ་ཚོད༡༢།༣༠ ནས་༢།༠༠བར་དུ་བར་གསེང་ཡིན།
དགུ་བ།      ཆུ་ཚོད།༢།༠༠ སྟེང་སེང་ཆེན་ལྷ་ཆབ་ནས་མགོ་བརྩམས་སྟེ་བགྲོ་གླེང་དངོས་སུ་དབུ་འཛུགས་ཞུ་རྒྱུ་དང་། སེང་ཆེན་ཟ་ལེ་དང་ཀ་ཆེན་བློ་རྒྱམ་གཉིས་ནས་གཙོ་སྐྱོང་བ་གནང་རྒྱུ།
བཅུ་བ།     ཆུ་ཚོད༣།༢༠ནས་༣།༣༠བར་བར་གསེང་དང་། ཀ་ཆེན་བློ་རྒྱམ་དང་ཀ་ཆེན་སྤོབས་པ་གཉིས་ནས་བར་གསེང་གསོལ་ཇ་འདེགས་འབུལ་ཞུ་རྒྱུ།
བཅུ་གཅིག  ཆུ་ཚོད་༣།༣༠ སྟེང་ཀ་ཆེན་བློ་རྒྱམ་གྱིས་དབུ་བ྆རྩམས་སྟེ་བགྲོ་གླེང་ལ་ཞུགས་རྒྱུ་དང་། སེང་ཆེན་གསར་བརྗེ་དང་སེང་ཆེན་དགེ་མཐོང་གཉིས་ནས་གཙོ་སྐྱོང་བ་གནང་རྒྱུ།
བཅུ་གཉིས།  ལྔ་དང་ཕྱེད་ཀའི་སྟེང་སེང་ཆེན་ཟ་ལེ་མཇུག་སྡོམ་གཏམ་བཤད་ཟིན་བྲིས་སྤེལ་རྒྱུ་དང་།
ཆུ་ཚོད༦།༤༠། སྟེང་ཀ་ཆེན་ཨ་ཁུ་བོན་རྒྱས་ཐུགས་རྗེ་ཆེ་ཞུ་བའི་ཟིན་བྲིས་སྤེལ་རྒྱུ། ཞེས་གསལ་འདུག

མཇུག་དུ་ཁོང་གིས་གསལ་བཤད་ཅིག་གནང་དོན། ད་ལྟའི་གནས་སྐབས་སུ་ང་རང་ཉིད་ཟིན་བྲིས་སྟེང་ལ་མང་པོ་ཞུགས་ཐུབ་ཀྱིན་མེད་ནའང་། དུས་བབ་དྲ་བ་འདིར་དྲ་གྲོགས་ཇེ་མང་དང་མཐུན་འབྲེལ་ཇེ་ཟབ་ལ་འགྲོ་གྱིན་ཡོད་པའི་སྣང་བ་ཞིག་ཕྱོགས་སྣ་སྒོར་མོ་ནས་སྤྲོད་ཀྱིན་འདུག་ལ། དེ་དང་མཉམ་དུ་དང་པོ་ང་མཐོ་ང་བརྗིད་དང་། ཁྱོད་རྒན་མོ་རྩོག་རབས། ཁྱོད་ཀྱི་ལག་པ་རིང་རབས་སོགས་ཀྱི་མཆན་བུ་དག་ཡང་ད་ལྟ་ཤུལ་མེད་རྗེས་མེད་དུ་འགྲོ་གྱིན་པ་དང་། ཆེས་དཔེ་ལེགས་ཅན་གྱི་ཟིན་བྲིས་པ་སྐོར་ཞིག་ཕྱིར་འཛུལ་ཞུགས་གནང་བ་སོགས་ནི། ང་ཚོའི་ཟིན་བྲིས་ར་བ་འདི་སྤུས་ཀ་ཇེ་ལེགས་སུ་སོང་བའི་ཡར་རྒྱས་ཀྱི་རྣམ་པ་ཞིག་ཡིན་ལ། ང་ཚོས་མུ་མཐུད་ནས་མཐུན་སྒྲིལ་ཇེ་དམ་དང་ཡར་རྒྱས་ཀྱི་ཕྱོགས་ལ་འབད་བརྩོན་བྱེད་དགོས་པ་ཞིག་ལ་བསམ་བློ་བཏང་ནས་ཆེས་སེམས་ཐག་ཉེ་བའི་དྲ་གྲོགས་ལྷ་ཆབ་དང་། ཟ་ལེ། དགེ་མཐོང་བཅས་ལ་ཁ་པར་བཏང་ནས་བགྲོ་གླེང་ལས་གཞི་འདི་བཀོད་སྒྲིག་བྱས་པ་ཡིན། ང་ཚོས་འདི་ལ་བགྲོ་གླེང་ཞེས་མིང་བཏགས་ཡོད་ནའང་དོན་དངོས་སུ་ང་ཚོས་དྲ་གྲོགས་རང་རང་གི་སེམས་གཏིང་གི་གཏམ་དམར་རྗེན་མ་དེ་སྙིང་ཉེ་བའི་དྲ་གྲོགས་ཚོར་བཤད་རྒྱུ་དང་། དེ་དང་འབྲེལ་ནས་ང་ཚོས་རང་གི་སྤྱི་ཚོགས་འདིའི་གནའ་སྔ་མོའི་དུས་ཀྱི་ཆོས་བརྒྱུད་ཕན་ཚུན་དང་ཆོལ་ཚན་ལུང་ཚན་གྱི་ནད་རྙིང་དག་གཏིང་བརྗེད་ཀྱིས་མཐུན་སྒྲིལ་དང་དྲང་བདེན་གྱི་ཕྱོགས་སུ་གོམ་པ་གཅིག་གཉིས་རེ་སྤོ་ཐུབ་ན་ཅི་མ་རུང་དང་། དྲ་བའི་རིག་གནས་འདི་ཡང་ཅུང་འཐུས་སྒོ་ཚང་བ་ཞིག་བྱུང་ན་སོགས་ཀྱི་ཆེད་དུ་གཟས་ཡོད། ཅེས་བཀོད་འདུག