༧གོང་ས་མཆོག་གི་ཝ་ཤིན་ཊོན་གྱི་ཆིབས་བསྒྱུར་གྱི་བདུན་ཕྲག་འགའི་རྗེས་དང་། ཨ་རྒྱ་གཉིས་ཀྱི་ཚོགས་འདུ་མ་ཚུགས་པའི་སྔོན་འདིར། ཨ་རིའི་ཕྱི་སྲིད་ལས་ཁུངས་ཀྱིས་སྙན་ཐོ་ཞིག་བཏོན་ཏེ། བོད་ནང་གི་ཆོས་ཕྱོགས་ཀྱི་འགོག་སྡོམ་ཚད་མཐོན་པོ་ཆགས་འདུག་ལ། རྒྱ་ནག་གཞུང་གིས་དགོན་སྡེ་ཁག་དང་ཆོས་ལུགས་ཀྱི་སྡེ་ཚན་ཁག་ལ་སྟངས་འཛིན་བྱེད་སྟངས་དེ་དམིགས་བསལ་གྱིས་དམ་པོ་ཡིན་པར་བཤད་འདུག
ཕྱི་ཚེས་ ༢༧ ཉིན་ཨ་རིའི་ཕྱི་སྲིད་དྲུང་ཆེ་ལྕམ་ཁི་ལིན་ཊོན་གྱིས་ ༢༠༠༩ ལོའི་རྒྱལ་སྤྱིའི་ཆོས་དད་རང་དབང་གི་སྙན་ཐོ་སྒྲོག་སྦྱང་བྱས་པའི་ནང་བཀོད་དོན། ཆོས་དད་རང་དབང་གི་གནད་དོན་ནི་ང་ཚོའི་ཕྱི་འབྲེལ་གྱི་རྩ་འཛིན་གལ་ཆེ་ཤོས་ཡིན། ཅེས་གསུངས་ལ། རྒྱལ་སྤྱིའི་བོད་དོན་ལས་འགུལ་ཁང་གིས་དུས་ཐོག་གི་སྙན་ཐོ་འདི་ལ་དགའ་བསུ་དང་འབྲེལ། སྙན་ཐོ་འདིས་འདས་པའི་ལོ་གཅིག་རིང་གི་བོད་ནང་གི་ཆོས་དད་རང་དབང་གི་དོན་རྐྱེན་དག་གི་རྒྱབ་ངོས་ཀྱི་གནད་དོན་དང་དོན་རྐྱེན་དག་ལ་སྤྱི་སྡོམ་གསལ་བོ་ཞིག་བརྒྱབས་ཡོད་པར་བཤད།
རྒྱལ་སྤྱིའི་བོད་དོན་ལས་འགུལ་ཁང་གི་སྲིད་གཞུང་འབྲེལ་མཐུད་འགན་འཛིན་ ཊོ་ཌེ་སི་ཐན་གྱིས་བཤད་དོན། སྙན་ཐོ་འདིས་བདུན་གསུམ་གྱི་ནང་ཚུད་སྲིད་འཛིན་ཨོ་བྷ་མ་པེ་ཅིན་དུ་ཕེབས་དུས་ཀྱི་བྱ་གཞག་གང་ཡིན་སྟོན་དགོས་ལ། གོ་སྐབས་འདི་དང་བསྟུན་ཏེ་སྲིད་འཛིན་ཨོ་བྷ་མས། ཨ་རིའི་གཞུང་ནི་རྒྱ་ནག་ནང་དུ་ཆོས་ལུགས་དད་མོས་ཀྱི་རང་དབང་རྩོད་ལེན་བྱེད་པར་ཁྲིམས་ཆད་ཕོག་མཁན་བོད་མི་རྣམས་དང་མི་རིགས་གཞན་རྣམས་ཀྱི་ཕྱོགས་སུ་ལངས་ཡོད་པ་བསྐྱར་དུ་གསལ་སྟོན་བྱ་དགོས་སྐོར་ཞུས་ཡོད་པ་རེད།
ཨ་རིའི་གཞུང་གི་སྙན་ཐོ་དེའི་ནང་དུ། བོད་ནང་གི་ཆོས་ལུགས་རང་དབང་ལ་དམ་དྲག་བྱས་པ་ཙམ་དུ་མ་ཟད། རྒྱ་ནག་གཞུང་གིས་བོད་བརྒྱུད་ནང་བསྟན་དང་ཏཱ་ལའི་བླ་མའི་འབྲེལ་བའི་ཐད་འཛིན་པའི་དོགས་ཟོན་དེ་མུ་མཐུད་ནས་ལྷག་ཡོད་ལ། རྒྱ་ནག་གིས་རང་གི་རྩ་ཁྲིམས་ནང་ཡོད་པའི་རྒྱུན་ལྡན་གྱི་ཆོས་ལུགས་བྱེད་སྒོ་ཙམ་ལ་མ་གཏོགས་སྲུང་སྐྱོབ་བྱས་མེད་པར་བཤད།
ཨ་རིའི་སྙན་ཐོ་དེའི་ནང་གི་སྤྱི་ཁོག་ལྟ་བུ་ནི། རྒྱ་ནག་གཞུང་གིས་བོད་བརྒྱུད་ནང་བསྟན་གྱི་སྲོལ་རྒྱུན་གྱི་ཚད་གཞིའི་ནང་དུ་བྱུས་གཏོགས་བྱས་ཏེ། དགོན་པ་དག་ནང་གི་དགེ་འདུན་པའི་ཞལ་གྲངས་ལ་ཚོད་འཛིན་དང་། དགེ་འདུན་པ་རྣམས་ཕྱོགས་ཕེབས་གནང་ཡུལ་གྱི་ས་ཆར་ཚོད་འཛིན། ཕྱི་རྒྱལ་བ་རྣམས་ལ་ཐོངས་མཆན་མི་སྤྲོད་པ་དང་སྐབས་རེར་རྫོང་གཅིག་གི་ནང་དུ་འགྲོ་བསྐྱོད་ཀྱི་ཆོག་མཆན་མི་སྤྲོད་པ། བོད་པའི་སྤྲུལ་སྐུ་ཆུང་ཆུང་ཚོར་སློབ་གསོའི་བརྒྱུད་སྐུལ་འོག་གཞུང་གི་ལངས་ཕྱོགས་སུ་བེད་སྤྱོད་བྱེད་པ། གཞུང་གི་ལས་བྱེད་རྣམས་ལ་རང་གི་བུ་ཕྲུག་རྣམས་ཆོས་ལུགས་ཀྱི་སློབ་གསོའི་ཕྱོགས་ནས་ཕྱིར་འཐེན་བྱ་རྒྱུའི་གནོན་ཤུགས་སྤྲོད་པ་སོགས་བཀོད་ཡོད་འདུག
སྙན་ཐོ་དེའི་ནང་དུ་ ༢༠༠༨ ལོའི་ཕྱི་ཟླ་ ༣ པའི་ཞི་བའི་ངོ་རྒོལ་དག་དང་དེའི་ཕན་གྱི་ངོ་རྒོལ། རྗེས་ཀྱི་ངོ་རྒོལ་དང་བཀག་ཉར། ཁྲིམས་གཅོད་ཅི་བྱུང་ཚང་མར་ཞིབ་ཆའི་བསྐྱར་ཞིབ་བྱས་ཡོད་ཅིང་། དེའི་ནང་དུ་ལོ་འདིའི་ཕྱི་ཟླ་ ༢ པའི་ནང་གི་ཞི་བའི་ངོ་རྒོལ་དང་། ཕྱི་ཟླ་གསུམ་པའི་ནང་དུ་ ༢༠༠༨ ཀྱི་ཞི་བའི་ངོ་རྒོལ་ལོ་གཅིག་འཁོར་བའི་རྗེས་དྲན་སོགས་ཀྱང་ཚུད་ཡོད།
མི་སྒེར་གྱི་གྱོད་དོན་སྐོར་ནས་ཕུར་བུ་རིན་པོ་ཆེ་གཙོས་པའི་དགེ་འདུན་པ་དང་བཙུན་མ། མི་སྐྱ་བཅས་ལ་མི་སྤྱོད་ལས་འདས་པའི་ཁྲིམས་གཅོད་བྱས་པ་སྟེ། གཅར་རྡུང་དང་དུས་ཡུན་རིང་པོར་ཟས་གཅོད། ཆུ་གཅོད། གཉིད་གཅོག་གི་ཉེས་ཁྲིམས་གཏོང་བ། འདྲི་བརྩད་སྐབས་སུ་མི་ཁག་ཅིག་འདས་གྲོངས་སུ་ཕྱིན་པའི་བེམ་པོ་རྣམས་ནང་མིར་རྩིས་སྤྲོད་མ་བྱས་པར་གསང་སྟབས་ཀྱིས་དུར་སྦས་བྱས་པ་ཡང་བཀོད་ཡོད་འདུག
དེ་བཞིན་དུ་ད་སྐབས་དགོན་པ་ཁག་གི་ནང་དུ་ཛ་དྲག་རྣམ་པར་ཡོད་པའི་རྒྱལ་གཅེས་ཆོས་གཅེས་ཀྱི་ཞིབ་ཕྲའི་འཕེལ་རིམ་དང་། དེ་དག་ད་སྐབས་དགོན་པ་དག་གི་ནང་དུ་རྒྱུན་ལྡན་གྱི་འཛིན་སྐྱོང་ཆ་ཤས་སུ་གྱུར་ཡོད་ཚུལ། བོད་མི་དཀྱུས་མ་རྣམས་ལ་༧གོང་ས་ཏཱ་ལའི་བླ་མ་དང་ཁོང་གིས་ངོས་འཛིན་གནང་བའི་པན་ཆེན་ཆོས་ཀྱི་ཉི་མ་མཆོག་གཉིས་ལ་དངོས་ཤུགས་གང་རུང་ནས་འབྲེལ་བ་ཡོད་པའི་དད་རྟེན་བཤམ་མི་ཆོག་པ་སོགས་བཀོད་ཡོད་པ་རེད།
དེ་ལྟར་རེད་དམ།
དོན་དམ་པའི་ཆོས་ཤིག་བྱེད་འདོད་ན་མ་འཐའ་ཡང་ཆོས་དེ་དངོས་ཟིན་དགོས།
ང་ཚོས་ཆོས་ནི་ཕྱག་སྐོར་ཙམ་ལ་གོ་བཞིན་ཡོད་པས་དེ་འདྲའི་ཆོས་ནི་བྱེད་ཆོག
ཀྱང་རང་དབང་ལས་གཞན་གྱི་ལྟ་ཕྱོགས་ནས་ངོ་མཚར་རྒྱུ་མེད།
སྤྱིར་བོད་ལ་རང་དབང་མེད་པ་ནི་བཟོད་མི་ཐུབ་པ་ལྟ་བུའི་སྡུག་བསྔལ་ཞིག་རེད།
དེའི་ཕྱིར་བོད་ནང་ལ་ཆོས་དད་རང་དབང་མེད་པ་དེ་ཡང་རྩོད་ལེན་བྱེད་དགོས་པ་ཞིག་
་པ་ཞིག་རེད། འོན་ཀྱང་བོད་མི་རང་ངོས་ནས་བཤད་ན་ཆོས་དད་རང་དབང་ཡོད་མེད་ལ་ཁྱད་པར་མེདྲ།
ང་ཚོས་ཆོས་མཐུན་གྱི་ལས་ཀ་ཞིག་བྱེད་མ་མྱོང་།
ཨ་རིས་རྒྱ་ནག་ལ་དམག་བརྒྱབས་ན་གནས་སྐབས་དཀའ་ངལ་ཡོང་ངེས་རེད་ཀྱང་མཐའ་མཇུག་འཛམ་གླིང་སྤྱིའི་བདེ་སྐྱེད་ཆེད་ཕན་ངེས་ཅན་རེད་ད།
གང་ལྟར་གུས་པ་དགའ་ཚོར་ཆེན་པོ་བྱུང།
དུས་རབས་ཉི་ཤུའི་སྨད་ནས་ད་བར་ནུབ་ཕྱོགས་རྒྱལ་ཁབ་ཚོར་གོམས་གཤིས་གསར་བ་ཞིག་འཇགས་ཡོད་པ་ནི་མཚམས་རེར་བོད་དོན་ལ་སྐད་ཅིག་ཙམ་གྱི་དགའ་སྤྱད་རེ་བཤད་བཞིན་དེ་ཡིན་པ་འདྲ།
ཀྲུང་གོའི་བོད་ལྗོངས་ཆ་འཕྲིན་ལྟེ་གནས་ལས།
ཚེས་༢༦ཉིན། ཨ་མེ་རི་ཁའི་རྒྱལ་སྲིད་སྤྱི་ཁྱབ་ཁང་གིས་《༢༠༠༩ལོའི་རྒྱལ་སྤྱིའི་ཆོས་ལུགས་རང་དབང་གི་སྙན་ཞུ》སྤེལ་ཞིང་། རྒྱལ་ཁབ་དང་ས་ཁུལ་༡༩༨ཀྱི་སྲིད་གཞུང་གིས་༢༠༠༨ལོའི་ཟླ་༧ཚེས་༡ཉིན་ནས་༢༠༠༩ལོའི་ཟླ་༦ཚེས་༣༠ཉིན་བར་གྱི་ཆོས་ལུགས་རང་དབང་ལ་སྲུང་སྐྱོབ་བྱས་པའི་སྐོར་གྱི་གནས་ཚུལ་ལ་གང་བྱུང་དུ་དཔྱད་བརྗོད་སྤེལ་ཡོད་པ་རེད།
ཨ་རིའི་རྒྱལ་སྲིད་སྤྱི་ཁྱབ་ཁང་གི་སྙན་ཞུ་དེའི་ནང་ཀྲུང་གོའི་ཆོས་ལུགས་རང་དབང་འགན་སྲུང་སྐོར་ལ་ཡར་ཐོན་ཡོད་པ་ཁས་ལེན་དང་། ཀྲུང་གོས་རྩ་ཁྲིམས་ཀྱི་ཐོག་ནས་རྒྱུན་ལྡན་གྱི་ཆོས་ལུགས་བྱ་འགུལ་ལ་སྲུང་སྐྱོབ་བྱས་ཡོད་པ་བཀོད་ཡོད་མོད། འོན་ཀྱང་སྙན་ཞུའི་ནང་ཀྲུང་གོ་མུ་མཐུད་དུ་“ཁྱད་དུ་དོ་སྣང་བྱེད་དགོས་པའི་རྒྱལ་ཁབ”ཀྱི་གྲས་སུ་བཞག་ཡོད་པ་མ་ཟད། ད་དུང་ཕྱི་རྒྱལ་སྨྱན་སྦྱོར་ཁག་གིས་སྤེལ་བའི་གསར་འགྱུར་དང་ཀྲུང་གོར་རྒོལ་བའི་ཚོགས་པ་ཁག་གིས་མཁོ་འདོན་བྱས་པའི་དོན་དངོས་དང་མི་མཐུན་པའི་གནས་ཚུལ་ཁག་རྒྱབ་རྟེན་དུ་བཅོལ་ཏེ། ཀྲུང་གོའི་སྲིད་གཞུང་གིས་བོད་ལྗོངས་དང་ཞིན་ཅང་སོགས་ས་ཁུལ་གྱི་སྤྱི་ཚོགས་བདེ་འཇགས་ལ་སྲུང་སྐྱོབ་དང་། རྒྱལ་ཁབ་ཀྱི་མངའ་ཁོངས་ཆ་ཚང་ལ་སྲུང་སྐྱོབ་བྱས་པའི་བྲང་བདེན་གྱི་བྱ་སྤྱོད་དག ཆོས་ལུགས་རང་དབང་གི་མགོ་གནོན་ཡིན་ཚུལ་གྱི་ལོག་བཤད་བྱས་ཡོད་པ་རེད།
ཀྲུང་གོའི་སྲིད་གཞུང་གིས་ཐེངས་མང་པོར་གསལ་བསྒྲགས་བྱས་ཡོད་པ་ནི། ཀྲུང་གོ་ནི་ཆོས་ལུགས་མང་པོ་མཉམ་དུ་གནས་པའི་རྒྱལ་ཁབ་ཅིག་ཡིན་ཞིང་། ཀྲུང་གོའི་རྩ་ཁྲིམས་ཀྱི་དོན་ཚན་སུམ་ཅུ་སོ་དྲུག་ནང་“ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་དམངས་ལ་ཆོས་ལུགས་དད་མོས་ཀྱི་རང་དབང་ཡོད”ཅེས་བཀོད་ཡོད་ལ། ཀྲུང་གོའི་སྤྱི་དམངས་ཀྱིས་རང་དབང་སྒོས་རང་ཉིད་དད་མོས་ཡོད་པའི་ཆོས་ལུགས་ལ་དད་པ་བྱས་ཆོག་པ་དང་། ཀྲུང་གོའི་སྲིད་གཞུང་གི་ཆོས་ལུགས་སྐོར་གྱི་ཁྲིམས་ལུགས་ལ་ཀྲུང་གོའི་མི་དམངས་ཀྱིས་རྒྱ་ཁྱབ་ཏུ་བརྩི་བཀུར་དང་རྒྱབ་སྐྱོར་བྱེད་བཞིན་ཡོད། ནུབ་ཕྱོགས་ཀྱི་རྒྱལ་ཁབ་འགའ་ཤས་ཀྱིས་ཆོས་ལུགས་ཀྱི་གནད་དོན་བེད་སྤྱད་དེ་རྒྱལ་ཁབ་གཞན་གྱི་ནང་སྲིད་ལ་ཐེ་གཏོགས་བྱེད་པ་དང་། རྒྱལ་ཁབ་གཞན་གྱི་ཆོས་ལུགས་སྐོར་ལ་མི་བཤད་དགུ་བཤད་བྱེད་པར་ཀྲུང་གོས་སྔ་མོ་ནས་བཟུང་མཐའ་གཅིག་ཏུ་རྒོལ་བ་བྱེད་ཀྱིན་ཡོད།
སྙན་ཞུ་དེའི་ནང་སྔར་བཞིན་འབར་མ་དང་། དབྱི་ལང་། བྱང་ཁོ་རེ་ཡ། ཨ་རབ། སུའུ་ཏན་སོགས་“ཁྱད་དུ་དོ་སྣང་བྱེད་དགོས་པའི”རྒྱལ་ཁབ་ཀྱི་གྲས་སུ་བཞག་ཡོད་པ་རེད།
ཨ་རིའི་རྒྱལ་སྲིད་སྤྱི་ཁྱབ་ཁང་གིས་༡༩༨༨ལོར་གྲོས་འཆམ་བྱུང་བའི་《རྒྱལ་སྤྱིའི་ཆོས་ལུགས་རང་དབང་གི་ཁྲིམས》ལྟར་ལོ་རེར་ཨ་རིའི་རྒྱལ་ཚོགས་ལ་རྒྱལ་སྤྱིའི་ཆོས་ལུགས་རང་དབང་སྐོར་གྱི་སྙན་ཞུ་འབུལ་གྱི་ཡོད། ཨ་རིའི་སྲིད་གཞུང་གིས་འགྲོ་བ་མིའི་ཐོབ་ཐང་ལ་ཁ་གཡར་ཞིང་ཆོས་ལུགས་བེད་སྤྱད་ནས་རྒྱལ་ཁབ་གཞན་གྱི་ནང་སྲིད་ལ་ཐེ་གཏོགས་བྱེད་བཞིན་པ་དེར་རྒྱལ་སྤྱིའི་སྟེང་ཡོངས་ཁྱབ་ཏུ་སྐྱོན་བརྗོད་བྱེད་ཀྱི་ཡོད།
བོད་མིར་ཆོས་དད་རང་དབང་མེད་པ་འཛམ་གླིང་རྒྱལ་ཁབ་ཀུན་གྱིས་ཤེས་གསལ་རེད། འོན་ཀྱང་དེར་སྐྱོན་བརྗོད་གནང་མཁན་ཨ་རི་ཙམ་ལས་མེད། གཞན་པ་རྒྱལ་ཁབ་རྣམས་རྒྱ་ནག་གི་སྟོབས་འབྱོར་སྐྲག་ནས་རེད། དཔེར་ན་དབྱིན་ཇི་སྲིད་གཞུང་ལྟོས་དང་།
ྸཨ་རི་བས་གཞི་ནས་བོད་དུ་ཆོས་དད་རང་དབང་མེད་པར་ངེས་ཤེས་རྙེད་ཡོད་ས་རེད། ཐེངས་འདིའི་སྙན་ཐོ་ལ་རྒྱ་ནག་གཞུང་ཕྱོགས་ནས་དོ་སྣང་དང་ངེས་ལེན་བྱེད་མི་བྱེད་གང་ཡིན་རུང། རང་རིགས་ལ་མཚོན་ན་དགའ་འོས་པ་ཤིག་རེད། གསར་འགོད་པས་སྙན་ཐོ་འདིའི་ཐད་ལ་རྒྱ་ནག་གིས་ཅི་ལྟར་བརྗོད་བཞིན་པའི་སྐོར་གསུང་རོགས།