མཌཇྲཀགཇགཇ་ཇགུ་ིྲགིུུཀཧ

དེ་རིང་ང་ཧང་སང་སོང༌།

ས་སྐྱ་བས་དབང་སྐྱུར་ལམ་ལུགས་ཀྱི་སྟོབས་ཤུགས་ཞིག་གིས་ཉམ་ཐག་པའི་ཇོ་ནང་བ་ཁོང་ཚོའི་མངའ་ཁོང་རེད་ཟེར། དེའི་ནང་མོ་ས་སྐྱ་བའི་འཐུས་མི་བཅུ་པོའི་དཔུང་པ་གཅིག་ཏུ་གཤིབ་སོང༌། ཁུང་མེད་ལུང་མེད་ལོ་རྒྱུས་རིང་དྲག་ཞིག་གི་དུས་ཚོད་རྫོགས་སོང༌། བཀའ་བརྒྱུད་པ་ཞིག་གིས་ཇོ་ནང་པར་དབང་ཚད་ཡོད་ལུགས་དང༌། ལོ་རྒྱུས་ཀྱི་རང་བཞིན་ཡོད་ལུགས་སྐོར་བཤད་སོང་ཡང༌། ས་སྐྱའི་འཐུས་མི་ཚེ་རིང་པོའི་གདོང་པ་དམར་པོར་ལོགས་ཏེ་ཁྱོད་ལ་ཆབས་སྲིད་ཀྱི་དགོས་དབང་དང་ཇོ་ནང་པའི་ཁྱི་རྒྱུགས་ཡིན་ཚུལ་གྱིས་ཁ་རྡུང་དྲག་པོ་བཏང་སོང༌། གཞན་ཆོས་སྡེ་ཡོངས་ཀྱི་འཐུས་པའི་ཡོངས་རྫོགས་རྒྱལ་བ་ཇོ་ནང་པར་སེམས་ཕྱོགས་འཁོར་ཡོད་ཀྱང་ལོ་རྒྱུས་ཀྱི་བརྒྱུད་རིམ་ལ་ཉམ་ཞུབ་མེད་པ་སོགས་ཀྱིས་བཏང་སྙོམ་སུ་ལུས་དགོས་བྱུང་སོང༌། བློ་ཕམ་པ་ཞིག་ལ་ཇོ་ནང་པས་འཐུས་མི་ཚང་མར་རྒྱབ་སྐྱོར་དགོས་པའི་འབོད་བསྐུལ་ཞིག་གི་ནང་དོན་ལ་ཐོབ་ཐང་མེད་པ་སོགས་ཀྱི་སྙན་ཞུ་ཞིག་ཕུལ་སོང་ཡང༌། ངས་བལྟས་ན་དེ་བས་ལོ་རྒྱུས་ཀྱི་བརྒྱུད་རིམ་ཕྱོགས་གཅིག་ཏུ་བསྒྲིག་པའི་དཔྱད་གཞི་ཡིག་ཆ་ཞིག་ཕུལ་ན་དན་དན་ཚང་མས་གྲོགས་བྱེད་པ་ལ་ཐེ་མེད་པའི་རྣམ་པ་མཐོང་སོང༌།

དེ་བདེན་གི་ཡ། ཇོ་ནང་ས་སྐྱའི་ཁོངས་ཡིན་ནི་མ་རེད། ས་ཇོ་གཉིས་ཀྱི་ལྟ་སྒོམ་སྤྱོད་གསུམ་དང་། གཞི་ལམ་འབྲས་གསུམ་བཅས་གཏན་ནས་མི་འདྲ་བ་མ་ཟད། ཆུང་ས་ནས་བཤད་ན། ཆོས་སྐྱོང་ཁག་ཀྱང་འདྲ་ནི་མ་རེད། ཇོ་ནང་པའི་ཆོས་སྐྱོང་གུར་ཞལ་རྣམ་གསུམ་དང་། མགོན་པོ་ཏྲཀ་ཤད། གཟའ་མཆོག་རཱ་ཧུ་ལ་བཅས་རེད།
ས་སྐྱའི་ཆོས་སྐྱོང་གི་གཙོ་བོ་དོལ་རྒྱལ་དང་འབའ་མོ་གཉིས་རེད། ད་དུང་དོལ་རྒྱལ་དང་འབའ་མོ་གཉིས་ཀྱིས་ས་སྐྱའི་བདག་ཆེན་ཅིག་ཅིག་མིག་མིག་གི་དྲུང་ནས་གཉེན་བསྒྲིགས་བྱས་འདུག རྗེས་སུ་ཁོ་གཉིས་བཟའ་འཐོར་བྱུང་རྗེས་དོལ་རྒྱལ་བདག་མེད་ལྟ་བུར་ལུས་སྐབས། དགེ་ལུགས་ཚང་གིས་བསྟེན་པ་རེད། དེ་ནས་བཟུང་ད་བར་དགེ་ལུགས་ཚང་གིས་ཆོས་སྐྱོང་གི་གཙོ་བོར་བསྟེན་ཡོད། ཡིན་ན་ཡང་དུས་ཕྱིས་༧གོང་ས་མཆོག་གིས་དོལ་རྒྱལ་དམ་བསྒྲགས་གནང་རྗེས་དགེ་ལུགས་ཚང་སྤྱི་ཡོངས་ནས་དོལ་རྒྱལ་དོར་ཡོད་པ་མངོན་གསལ་རེད། ཉུང་ཤས་ཤིག་གིས་ད་དུང་ཁྱི་རྒན་གྱི་རུས་སྒོང་བཞིན་དོར་ཐུབ་མེད།
ས་སྐྱ་བས་ཁ་ནས་དོལ་རྒྱལ་ལ་འབྲེལ་བ་མེད་ཅེས་ཤོད་བཞིན། ད་དུང་མག་པ་རྙིང་པའི་ཞེན་ཁོག་གིས་ལྐོག་ནས་བསྐང་གསོལ་བྱེད་ཀྱི་ཡོད་པ་ས་སྐྱ་རང་གི་གྲྭ་བ་ཞིག་གི་ངག་ལས་དངོས་སུ་ཐོས་མྱོང་། དེ་འདྲ་ཡིན་དུས་ཇོ་ནང་ས་སྐྱའི་ཁོངས་མིན་པ་གསལ་བོ་གསལ་སྐྱང་རེད།

༄༅།། ༧སྤྱི་ནོར་༧གོང་ས་༧སྐྱབས་མགོན་ཆེན་པོས་མཛད་པའི་ཇོ་ནང་བསྟན་པ་རྒྱས་པའི་སྨོན་ལམ་ཞེས་བྱ་བ་བཞུགས་སོ།།

༡ བགྲང་ཡས་བསྐལ་བར་ཐུགས་བསྐྱེད་ལེགས་གོམས་པས།།
མཐའ་ཡས་འགྲོ་བའི་རེ་སྐོང་དམ་ཆོས་ཆར།།
འབེབས་མཁས་མཉམ་མེད་ཤཱཀྱའི་དབང་པོ་ཡིས།།
འགྲོ་འདི་དགེ་ལེགས་དཔལ་གྱིས་བསྐྱང་དུ་གསོལ།།

༢ རིམ་གསུམ་ཆོས་ཀྱི་འཁོར་ལོའི་དགོངས་པའི་དོན།།
མཁས་དང་གྲུབ་བརྙེས་དུ་མས་བཀྲལ་བ་ལས།།
ཆོས་ཀྱི་སྒོ་མང་རབ་དབྱེའི་ཡ་གྱལ་གཅིག།
ཇོ་ནང་པ་ཡི་བསྟན་པ་རྒྱས་གྱུར་ཅིག།

༣ གངས་ལྗོངས་རྒྱལ་བསྟན་པདྨའི་ཚལ་ཡངས་པོར།།
བཤད་སྒྲུབ་ཆོས་ཚུལ་འདབ་བརྒྱ་གྲོལ་བའི་ཁྲོད།།
འཁོར་ལོ་ཐ་མའི་དགོངས་པ་རྩལ་བཏོན་པའི།།
ཇོ་ནང་པ་ཡི་བསྟན་པ་རྒྱས་གྱུར་ཅིག།

༤ མདོ་རྒྱུད་གཞན་དང་བཞད་སྲོལ་མི་འདྲ་བའི།།
ཤིང་རྟའི་སྲོལ་ཆེན་དུས་ཀྱི་འཁོར་ལོའི་རྒྱུད།།
མི་ཉམས་འཛིན་ཅིང་སྤེལ་བའི་བཀའ་བབས་པ།།
ཇོ་ནང་པ་ཡི་བསྟན་པ་རྒྱས་གྱུར་ཅིག།

༥ ཡུ་མོ་མི་བསྐྱོད་རྡོ་རྗེ་ནས་བཟུང་སྟེ།།
དོལ་བུ་བ་དང་ཀུན་དགའ་གྲོལ་བའི་མཆོག།
རྗེ་བཙུན་སྒྲོལ་མགོན་སོགས་ཀྱིས་ལེགས་སྤེལ་བའི།།
ཇོ་ནང་པ་ཡི་བསྟན་པ་རྒྱས་གྱུར་ཅིག།

༦ སྙིང་པོའི་མདོ་དང་ཀླུ་སྒྲུབ་གཞུང་གི་དོན།།
གཞི་འབྲས་དབྱེར་མེད་རྟག་བརྟན་བདེ་གཤེགས་སྙིང༌།།
ཡེ་ནས་བཞུགས་པའི་དོན་དམ་འགྲེལ་བའི་ཚུལ།།
ཇོ་ནང་པ་ཡི་བསྟན་པ་རྒྱས་གྱུར་ཅིག།

༧ མདོ་ཡི་ལྟ་བ་གཞན་སྟོང་དབུ་མ་དང༌།།
རྒྱུད་དོན་རྣལ་འབྱོར་དྲུག་གི་ཉམས་ལེན་གྱིས།།
ཆོས་སྐུ་མངོན་དུ་མཛད་པའི་བཞེད་སྲོལ་ཆེ།།
ཇོ་ནང་པ་ཡི་བསྟན་པ་རྒྱས་གྱུར་ཅིག།

༨ སྐྱབས་གནས་རྒྱལ་དང་རྒྱལ་སྲས་བྱིན་ཆེན་དང༌།།
ཆོས་ཉིད་དོན་དམ་འགྱུར་བ་མེད་པའི་སྟོབས།།
དཀར་ཕྱོགས་ལྷ་དང་བདག་ཅག་མོས་གུས་མཐུས།།
སྨོན་ལམ་འདི་བཏབ་ཇི་བཞིན་འགྲུབ་པར་ཤོག།
ཅེས་པ་འདི་ཡང་ཇོ་ནང་པའི་བསྟན་རྒྱས་སྨོན་ལམ་གསོལ་འདེབས་ཤིག་དགོས་ཞེས་མཁན་པོ་ངག་དབང་རྡོ་རྗེས་གཙོས་གཞིས་བྱེས་ཇོ་ནང་པ་སེར་སྐྱ་མི་མང་ཐུན་མོང་ནས་རྟེན་བཅས་བསྐུལ་བ་ལྟར་ཤཱཀྱའི་དགེ་སྦྱོང་བསྟན་འཛིན་རྒྱ་མཚོས། བོད་རྒྱལ་ལོ་ ༢༡༢༨ རབ་བྱུང་བཅུ་བདུན་པའི་ལྕགས་སྦྲུལ་ཟླ་ ༡༠ ཚེས་ ༨ ཕྱི་ལོ་ ༢༠༠༡ ཟླ་ ༡༡ ཚེས་ ༢༣ ཉིན་འཕགས་ཡུལ་ཧི་མ་ཅལ་མངའ་སྡེ་ཀང་ར་རྫོང་ཁོངས་དྷ་རམ་ས་ལ་ཐེག་ཆེན་ཆོས་གླིང་དུ་བྲིས་པ་དེ་དེ་བཞིན་དུ་འགྲུབ་པར་གྱུར་ཅིག།

སྨར་དྷིས་བཤད་པར་རྒྱུ་མཚན་ཏོག་ཙམ་འདུག དེ་ལས་གཞན་སྐྱེས་ཆེན་ཡིན་པའི་དབང་དུ་བཏང་ན་ང་ཚོའི་བོད་པའི་ཁ་རྒྱུན་ལ། གནམ་ལ་ཉི་མ་ཟླ་བ། ས་ལ་རྒྱལ་བ་པཎ་ཆེན། ཞེས་ཡོངས་སུ་གྲགས་པ་ལྟར་ཡིན་ཀྱང་པཎ་ཆེན་ཆུང་སྲིད་རིན་པོ་སོགས་ཁོང་ན་ཡང་ཨེ་ཡོད།

ཅིག།

དཔལ་ས་སྐྱ་པའི་ནང་ཚན་ཇོ་ནང་པའི་སྨོན་ལམ་ཚོགས་པ་དགའ་བསུ་ཞུ་