ངོས་རང་ལོ་ ༧༤ ཡིན། ངོས་ཀྱིས་སྐྱིད་སྡུག་གི་ཉམས་མྱོང་སྣ་ཚོགས་བརྒྱུད་ཡོད། ཁྱེད་རང་ཚོས་ངོས་ལ་མགྲོན་འབོད་བྱས་པ་ལྟར་ངོས་རང་འཛམ་གླིང་གི་ས་ཕྱོགས་གང་སར་ཕྱིན་ནས་རང་གི་མི་ཚེའི་ནང་གང་བྱུང་བའི་ཉམས་མྱོང་གཞན་ལ་བརྗེ་ལེན་བྱེད་ཀྱིན་ཡོད། ཅེས་༧གོང་ས་མཆོག་གིས་ཉི་ཧོང་ནང་པའི་དད་ལྡན་པ་རྣམས་ལ་གསུངས་ཡོད།
ཕྱི་ཚེས་ ༣༡ ཉིན་༧གོང་ས་མཆོག་གིས་ཉི་ཧོང་གི་རྒྱལ་སའི་ཀོལ་ཀི་གྷན་ཚོགས་ཁང་དུ་དད་ལྡན་ཆོས་ཞུ་བ་མི་གྲངས་ ༥༠༠༠ ལྷག་ལ་རྗེ་རིན་པོ་ཆེས་མཛད་པའི་ལམ་གཙོ་རྣམ་གསུམ་དང་སེམས་བསྐྱེད་ཀྱི་གསུང་ཆོས་བསྩལ་ཡོད། སྐབས་དེར་༧གོང་ས་མཆོག་གིས་དད་ལྡན་ཆོས་ཞུ་བ་ཚོར་ལམ་སྟོན་བཀའ་སློབ་གནང་དོན། སེམས་པ་བཟང་པོ་བྱེད་རྒྱུ་དེ་ལུས་སེམས་གཉིས་ཀར་བདེ་ཐང་ཡོང་བར་གལ་ཆེན་ཆགས་ཡོད་ཀྱང་། དེ་རིང་ཁ་སང་ཚན་རིག་པ་ཚོས་ཁོང་ཁྲོ་དང་ཞེ་སྣང། འདོད་རྔམ། དེ་བཞིན་ཕྲག་དོག ཉོན་མོངས་བཅས་པ་དེའི་རིགས་ཀྱིས་གཟུགས་པོའི་ནང་གི་ནད་གཞི་སྔོན་འགོག་བྱེད་མཁན་དེ་དག་གི་ཟུངས་བཅུད་ཉམས་ཞན་གཏོང་གི་ཡོད་པ་གསལ་བཤད་བྱས་ཡོད། བདེ་སྐྱིད་སྐྲུན་རྒྱུར་སྨན་ཁབ་དེ་འདྲ་མེད། ང་དང་ཁྱེད་ཅེས་པའི་བསམ་པའི་བར་ཐག་དེ་ཉུང་དུ་གཏོང་ཐུབ་པ་ཡིན་ན་བདེ་སྐྱིད་ཡོང་གི་རེད། ཅེས་དང་། ཡང་ཁོང་ཉིད་ནས་འཛམ་གླིང་གི་ཆོས་ལུགས་ཁག་གིས་ཞི་བདེ་སྐྲུན་པའི་ནུས་པ་དང་ནམ་རྒྱུན་གྱི་མིའི་བྱ་སྤྱོད་མ་རུང་བ་སོགས་ལ་བྱམས་པ་སྒོམ་དགོས་པའི་ལམ་སྟོན་བཀའ་སློབ་གནང་ཡོད་པ་དང་། ཕྱི་ཚེས་ ༢ ཉིན་༧གོང་ས་མཆོག་ནས་ཉི་ཧོང་གི་གྲོང་ཁྱེར་ཏཱ་ཀ་མཱ་སའི་ཤི་ཀོལ་ Takamatsu ShikokuI གླིང་ཕྲན་གྱི་གནའ་བོའི་ནང་པའི་དགོན་པ་ཧ་གུ་ཇི་ཞེས་པའི་དགེ་འདུན་པ་རྣམས་ཀྱིས་ཇི་ལྟར་གསོལ་འདེབས་ཞུས་པ་བཞིན་ཞབས་སོར་བཀོད་ཡོད་པ་དང་། ཁུལ་དེར་༧གོང་ས་མཆོག་དང་བཙན་བྱོལ་དུ་འབྱོར་ནས་མི་ལོ་ ༥༠ འཁོར་བ་དང་བོད་མིའི་དཀའ་སྡུག་རྗེས་དྲན་ཆེད་རྣམ་རྒྱལ་མཆོད་རྟེན་གསར་བ་ཞིག་བཞེངས་ཡོད་པ་དེར་རབ་གནས་མཛད་ཡོད་པ་དང་། ཉི་ཧོང་ནང་པའི་མཐུན་ཚོགས་ཀྱི་ཚོགས་གཙོ་སྐུ་ཞབས་མཱ་སུ་ན་ག་དང་། ཧ་གུ་ཇིའི་ནང་པའི་དགོན་པའི་མཁན་པོ་རྣམ་གཉིས་ནས་༧གོང་ས་མཆོག་ས་གནས་དེར་ཆིབས་བསྒྱུར་བསྐྱངས་པར་ཐུགས་རྗེ་བཀའ་དྲིན་ཞུས་པ་མ་ཟད། མ་འོངས་པར་མུ་མཐུད་ཆིབས་བསྒྱུར་གནང་རྒྱུའི་གསོལ་འདེབས་སྨོན་ལམ་ཞུས་ཡོད་འདུག སྐབས་དེར་༧གོང་ས་མཆོག་གིས་གསུངས་དོན། ངོས་རང་ལོ་ ༧༤ ཡིན། ངོས་ཀྱིས་སྐྱིད་སྡུག་གི་ཉམས་མྱོང་སྣ་ཚོགས་བརྒྱུད་ཡོད། ཁྱེད་རང་ཚོས་ངོས་ལ་མགྲོན་འབོད་བྱས་པ་ལྟར་ངོས་རང་འཛམ་གླིང་གི་ས་ཕྱོགས་གང་སར་ཕྱིན་ནས་རང་གི་མི་ཚེའི་ནང་གང་བྱུང་བའི་ཉམས་མྱོང་གཞན་ལ་བརྗེ་ལེན་བྱེད་ཀྱིན་ཡོད། ཅེས་ལམ་སྟོན་བཀའ་སློབ་གནང་ཡོད་པ་རེད།
ཐེངས་འདི་ནི་༧གོང་ས་མཆོག་ཉི་ཧོང་དུ་ཕེབས་ཐེངས་ ༡༣ པ་དེ་ཆགས་ཡོད་པ་དང་། ༢༠༠༧ ལོར་ཉི་ཧོང་དུ་ཞབས་སོར་འཁོད་སྐབས་༧གོང་ས་མཆོག་ད་ལྟའི་སྲིད་བློན་ཧ་ཏོ་ཡ་མཆོག་དང་འཕྲད་གནང་ཡོད་པ་མ་ཟད། སྐབས་དེར་སྲིད་བློན་མཆོག་དང་སྤྱི་ཁྱབ་དྲུང་ཆེ་རྣམ་གཉིས་ནས་བོད་ལ་ཆེས་མཐོའི་རང་སྐྱོང་ཡོང་བར་རྒྱབ་སྐྱོར་ཞུས་ཡོད་ལ། ཐེངས་འདིར་ཡང་སྲིད་བློན་ཧ་ཏོ་ཡ་མཆོག་ནས་༧གོང་ས་མཆོག་ཉི་ཧོང་དུ་ཕེབས་པར་དགའ་བསུའི་འཚམས་འཕྲིན་དང་མ་འོངས་པར་༧གོང་ས་མཆོག་ལ་མཇལ་འཕྲད་དང་བོད་མི་མང་ལ་རྒྱབ་སྐྱོར་བྱ་རྒྱུ་ཡིན། ཅེས་གསུངས་ཡོད་པ་རེད། ཐེངས་འདིར་༧གོང་ས་མཆོག་ནས་ཉི་ཧོང་ནང་ཉིན་གྲངས་ ༨ རིང་མཛད་འཕྲིན་བསྐྱངས་རྒྱུ་ཡིན་འདུག་ལ། ཟླ་འདིའི་ཕྱི་ཚེས་ ༨ ནས་ ༡༥ བར་མོན་རྟ་དབང་ནང་ཆིབས་བསྒྱུར་གནང་འཆར་ཡོད་པ་རེད།
བཀའ་བློན་ཁྲི་པ་ཡབ་གཞིས་ཀྱི་མི་ཡིན་དགོས་དོན་ཡོད་མ་རེད།ཡབ་གཞིས་ཤིག་གིས་བཀའ་ཁྲི་གནང་ན་རྒྱ་མིས་སྐྱོན་བརྗོད་བྱེད་ངེས་དང།ང་རང་ཚོའི་ནང་ཁུལ་ལས་མ་དག་པ་དེ་ཚོས་སྐྱོན་བརྗོད་བྱེད་མཁན་གང་མང་འདུག སྔ་མ་རྒྱལ་ལོ་དོན་འགྲུབ་ཀྱིས་བཀའ་ཁྲི་གནང་སྐབས་ལས་ཀ་བྱེད་མ་བཅུག་པར་བཀའ་ཁྲི་ནས་དགོངས་པ་ཞུ་དགོས་བྱུང་བ་དེ་འདྲ་རེད།
དེས་ན་ཡབ་གཞིས་ཡིན་དགོས་མི་འདུག
༧གོང་ས་མཆོག་གི་བཀའ་ཡག་པོ་སྒྲུབ་མཁན་ཞིག་ཡིན་ན་དེས་འགྲིགས་པ་རེད།འོན་ཀྱང་ད་ལྟའི་ཟམ་གདོང་གིས་མགོ་བདེ་པོ་རྐྱང་མ་གཏོགས་ལས་ཀ་ཡག་པོ་བྱེད་མི་འདུག་པ་ཚང་མས་མཐོང་ས་རང་རེད།
ད་ལྟའི་བཀའ་བློན་ནང་བཀའ་ཁྲིའི་ཁྱད་ཆོས་ཚང་པའི་མི་རྐང་གཅིག་ཡོད་པ་རེད།
དེ་བདེ་སྲུང་བཀའ་བློན་འབྲོང་ཆུང་དངོས་གྲུབ་རང་རེད།
ཁོང་དངོས་གནས་ཧ་ཅང་ཡག་པོ་ཡོད་རེད།ཁོང་ལ་ཆོལ་ཁ་ཆོས་ལུགས་དང་གསར་འབྱོར་རྙིང་འབྱོར་སོགས་ཀྱི་ཁྱད་པར་མེད་པ་རེད།
ཤེས་འཇོན་གཉིས་ལྡན་རེད།
ཡིན་ན་ཡང་ཁོང་བཀའ་ཁྲིའི་འོས་གཞིས་ནང་ཙམ་ལ་སླེབས་ཐུབ་གི་མ་རེད།ཁོང་རང་ལས་ཀ་ཧུར་ཐག་བྱེད་པ་ཙམ་ལས་འཇོན་མདོགས་མི་གནང་པས་རེད།
ཚེ་རིང་ཕུན་ཚོགས་དང།ཐུབ་བསྟན་ལུང་རིགས་གཉིས་ལ་མཚོན་ན་དཔོན་ཉམས་སྟོན་རྒྱུར་དགའ་བ་ཙམ་ལས་གཞན་གང་ཡང་མི་འདུག་ག
ལྟོས་དང་བཀའ་ཁྲིའི་འོས་གཞིས་ནང་ཡོད་པ་དེ་ཚོ་མི་རྩ་མ་ཚང་པ་གང་མང་སླེབས་འདུག
གྱུར་ཅིག་ལ་བཅོས་རོགས་གནང་།
བོད་གཞུང་གི་དྲ་གནས་ལྟར་ན་ཉི་ཧོང་གི་དད་ལྡན་མི་གྲངས་ལྔ་སྟོང་གསུམ་བརྒྱ་ལྷག་ཞབས་བཅར་ཞུས་སྐོར་འཁོད་འདུག
༸ གོང་ས་མཆོག་གིས་ད་དུང་ངོས་ཀྱིས་རང་བཙན་རྩོད་ཀྱིན་མེད་ལ་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ཀྱི་སྒྲོམ་གཞིའི་ནང་མིང་དོན་མཚུངས་པའི་རང་སྲིད་རང་སྐྱོང་ཞིག་འཚོལ་གྱིན་ཡོད་ཅེས་བཀའ་སློབ་ནན་མོ་གནང་འདུག
རབ་འབྱམས་རྒྱལ་བ་ཀུན་གྱི་མཛད་པའི་འཁུར། །སྙིང་སྟོབས་ཕྲག་པར་བཟུང་བའི་རླབས་ཆེན་གྱི། །འཕྲིན་ལས་ཀུན་ཕན་ནམ་མཁའི་སྙིང་པོ་ཅན། །བཞེད་པ་ཇི་བཞིན་ལྷུན་གྱིས་འགྲུབ་རྒྱུར་ཅིག །
ཚང་མ་ལོས་ཁ་ཡག་མ་བཤད། དེ་ལས་ཡབ་གཞིས་ཀྱི་མི་ཞིག་མ་འོངས་བཀའ་ཁྲིར་གདམ་ག་བྱས་ནས་བཞེད་དོན་མཐའ་འཁྱོངས་ཡོང་བར་རོགས་འདེགས་བྱེད་རོགས། གལ་སྲིད་དེ་འདྲ་ཙམ་ཡང་བསྒྲུབ་མི་ཐུབ་ན། ཁ་ནང་གི་དད་པ་ཙམ་ལ་ཕན་ཁེ་སྤུ་ཙམ་ཡང་ཡོད་པ་མ་རེད། དེ་འདྲ་ཞིག་མ་རེད་དམ།
གངས་རི་རྭ་བའི་བསྐོར་བའི་ཞིང་ཁམས་སུ།།
ཕན་དང་བདེ་བ་མ་ལུས་འབྱུང་བའི་གནས།།
སྤྱན་རས་གཟིགས་དབང་བསྟན་འཛིན་རྒྱ་མཚོ་ཡིས།།
ཞབས་པད་སྲིད་མཐའི་བར་དུ་བརྟན་གྱུར་ཅིག།
སྐྱབས་སུ་མཆི