རྒྱ་གར་གཞུང་གིས་ཐེངས་འདིའི་༸གོང་ས་མཆོག་གི་ཨ་རུ་ན་ཅཱལ་གྱི་མཛད་འཆར་སྐབས་ཕྱི་རྒྱལ་གྱི་གསར་འགོད་པ་རྣམས་བཀག་འགོག་བྱས་ཡོད་འདུག
ཕྱི་ཚེས་ ༥ ཉིན་གསར་ལམ་དུ་གནས་ཚུལ་སྤེལ་བ་ལྟར་ན། འདི་ཟླའི་ཚེས་ ༨ ཉིན་༸གོང་ས་མཆོག་རྒྱ་གར་ཨ་རུ་ན་ཅཱལ་མངའ་སྡེའི་མོན་རྟ་དབང་དུ་ཆིབས་བསྒྱུར་གནང་བའི་སྐབས་འདི་དང་བསྟུན། རྒྱ་གར་གཞུང་གིས་ཡུལ་དེར་ཕྱི་རྒྱལ་གྱི་གསར་འགོད་པ་དང་གསར་འགྱུར་བརྒྱུད་ལམ་ཁག་གི་འབྲེལ་མཐུད་པ་སོགས་ལ་ཐེངས་འདིའི་༸གོང་ས་མཆོག་གི་མཛད་འཕྲིན་སྐོར་གྱི་གནས་ཚུལ་མཁོ་སྒྲུབ་བྱ་མི་ཆོག་པའི་བཀོད་ཁྱབ་བཏང་ཡོད་པ་མ་ཟད། གནས་ཚུལ་མཁོ་སྒྲུབ་གནང་མཁན་ཚོར་དོགས་ཟོན་དང་སྟངས་འཛིན་ནན་མོ་བྱེད་ཀྱིན་ཡོད་འདུག
གནས་ཚུལ་འདིའི་ཐད་ཨེ་པེ་གསར་ཁང་གིས་གནས་ཚུལ་སྤེལ་དོན། ༸གོང་ས་ཏཱ་ལའི་བླ་མ་མཆོག་ཨ་རུ་ན་ཅཱལ་མངའ་སྡེ་ཁུལ་དུ་ཆིབས་བསྒྱུར་བསྐྱངས་བའི་སྐབས་འདིར་རྒྱ་གར་གཞུང་གིས། རྒྱ་གར་ནང་ཡོད་པའི་ཕྱི་རྒྱལ་གྱི་གསར་འགོད་པ་ཚོར་གནས་ཚུལ་མཁོ་སྒྲུབ་བྱ་རྒྱུར་བཀའ་ཁྲོལ་གནང་གིན་མེད་པ་མ་ཟད། དེ་སྔོན་བཀའ་ཁྲོལ་ཐོབ་ཟིན་པ་ཨེ་པེ་གསར་ཁང་གི་གསར་འགོད་པ་ ༢ དང་གསར་ཁང་གཞན་གྱི་གསར་འགོད་པ་ ༢ བཅས་ཀྱི་བཀའ་ཁྲོལ་ཡི་གེ་ཕྱིར་བསྡུ་བྱས་ཡོད་པའི་གནས་ཚུལ་བཀོད་འདུག་ལ། གནད་དོན་འདིའི་ཐད་རྒྱལ་ས་ལྡི་ལིར་རྟེན་གཞི་བྱས་པའི་ཕྱི་རྒྱལ་གསར་འགོད་མཐུན་ཚོགས་ཀྱི་ཚོགས་གཙོ་སྐུ་ཞབས་ཧེ་ཊར་ཊེ་མེན་སི་ཡིས་བརྗོད་དོན། ཐེངས་འདིའི་༸གོང་ས་ཏཱ་ལའི་བླ་མའི་ཨ་རུ་ན་ཅཱལ་མངའ་སྡེ་ཁུལ་གྱི་མཛད་འཆར་སྐབས་རྒྱ་གར་གཞུང་གིས་ཕྱི་རྒྱལ་གསར་འགོད་པ་ཚོར་གནས་ཚུལ་མཁོ་སྒྲུབ་ཀྱི་བཀའ་ཁྲོལ་ཕྱིར་འཐེན་བྱས་པ་དེ་ང་ཚོ་ཧང་སང་བ་དང་བློ་ཕམ་ཆེན་པོ་བྱུང་སྐྱེས་ཡོད་ཅེས་འགྲེལ་བརྗོད་གནང་འདུག་ལ། ད་ལྟའི་ཆར་རྒྱ་གར་གཞུང་ངོས་ནས་ཕྱི་རྒྱལ་གྱི་གསར་འགོད་པ་ཚོ་ཐེངས་འདིའི་༧གོང་ས་མཆོག་གི་ཆིབས་བསྒྱུར་གནང་ཡུལ་དུ་ཕེབས་ཆོག་མིན་གནས་ཚུལ་ཅི་ཡང་གསལ་བཤད་བྱས་མེད་པ་རེད།
རྒྱ་གར་ལ་ཡང་ངེས་གཏན་གྱི་རང་ཚུགས་ཤིག་མེད་ནོ་ངོ་མ་སྐྱོ་བོ་རེད།
དངོས་ནས་བཤད་ན་ད་ཐེངས་ཀྱི་༧གོང་ས་མཆོག་གི་ཆིབས་བསྒྱུར་འདི་བཤོལ་དགོས་པ་ཞིག་ཆགས་ཡོད། རྒྱ་གར་གཞུང་གིས་སྲིད་དོན་འཁྲབ་ནས་རྒྱ་ནག་ལ་ཁ་གཏད་ཅི་འདྲ་གཅོག་དགོས་ཚུལ་མ་ཤེས་པའི་དུས་འདིར་ཆིབས་བསྒྱུར་འདིས་ཁ་གཏད་གཅོག་ཏུ་བཅུག་ཡོད། ༧གོང་ས་མཆོག་གིས་གནས་སྟངས་འདི་མ་མཁྱེན་པ་ཞིག་གང་ནས་ཡིན། གནའ་ནས་ད་བར་དུ་ཆབ་སྲིད་ཐད་ལ་རྒྱ་དཀར་ནག་གཉིས་ཀར་བོད་ཐོག་ལྟ་ཚུལ་ལ་ཡང་ལྕི་ཅི་ཡང་མེད། གང་ལྟར་བོད་ཀྱི་ས་ཆ་ཞིག་ལ་རྒྱ་དཀར་ནག་གཉིས་ཀས་ཧམ་བཤད་བྱས་ན་མཇུག་འབྲས་བཟང་པོ་ཞིག་སྨིན་མི་སྲིད།
དོན་ངོ་མ་རྒྱ་གར་རྒྱ་ནག་ལ་སྐྲག་གིན་ཡོད་པ་གསལ་བོ་རེད། སྔོན་དམག་འཁྲུགས་ཐེངས་གཅིག་གིས་ཕམ་ཁ་དེ་ལ་སྔ་འདང་ཞིག་དང་འདི་ལོ་རྒྱ་ནག་གི་ར་ཤེས་ཡ་དང་མཉམ་དུ་དམང་སྦྱོང་སྣ་ཚོགས་དེ་མིན་གནམ་བདེ་སྒོ་མོའི་ཆེའི་ཐེངས་ཆེན་ནས་དམག་དཔུར་རུ་བསྒྲིགསཀྱི་རྫིག་ཉམས་དེ་ལ་ཕྱི་འདང་ཞིག་གིས་རྒྱ་གར་སྐྱག་པ་ཤོར་མ་ཤོར་གྱི་མཚམས་ལ་གཏུགས་ཚར་ཡོད་རེད།
འཛམ་གླིང་ནང་དམངས་གཙོ་མཚན་ཉིད་ཆ་ཚང་ཡོད་མཁན་རྒྱ་གར་ཡིན་ཞེས་ཆེར་ཆེར་སྒྲགས་པ་དེ་ད་་དོན་ལ་གནས་མ་སོང་གང་འདྲ་ཡིན་ན་ཀྲུང་སྒོར་མི་ཉུང་བ་ཞིག་རྒྱ་གར་གྱི་དཔོན་ཆེན་ཁག་གཅིག་གི་ཨ་བག་ནང་འཛུལ་པ་མིན་འགྲོ་སྙམ།
དམངས་གཙོའི་ཀ་བ་བཞི་པ་དེ་ད་རེས་རྒྱ་གར་དབུས་གཞུང་གིས་སྒོ་བརྒྱབ་ཡོད་པ་འདྲ། ༸གོང་ས་མཆོག་ཨ་རུ་ན་ཅར་ཆིབས་སྒྱུར་གནང་རྗེས་གནས་ཚུལ་ཇི་འབྱུང་ང་ཚོས་སྒུག་བསྡད་རྒྱུ་རེད།
རྒྱ་གར་གྱིས་ལྷ་ལྟ་བུ་ཞིག་ཡིན་འདོག་བྱེད་ཀྱིན་ཡོད་ཀྱང་རྒྱ་ནག་གིས་ཀླུ་ལྟ་བུའི་སྲིད་དོན་བཟུང་ཡོད་སྟབས་ད་རེས་ལྷ་ཀླུ་གཉིས་ཀྱི་ལྟ་གྲུབ་ལ་ལྟད་མོ་ཞིག་བལྟ་རྒྱུ་ཕྱིས་སུ་ལྷག་ཡོད།