མདུན་ངོས།
About Us
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
No Result
ཆ་ཚང་གཟིགས།

སྐུ་ཉིད་གནམ་བདེ་སྒོ་མོ་ཆེའི་ཐང་ཆེན་ནས་འགྲེང་དུས། རྩོམ་སྒྲིག་པས།

བོད་ཀྱི་དུས་བབ།
༢༠༠༩/༡༡/༡༢
Share on FacebookShare on TwitterShare on EmailShare on Whatsapp
སྲིད་འཛིན་ཨོ་བྷ་མས་ཐེངས་དང་པོར་རྒྱ་ནག་ནང་གཟིགས་སྐོར་གནང་གིན་ཡོད། ཕྱོགས་གཞན་ནས་བཤད་ན། གཟིགས་སྐོར་འདི་ནི་ནོ་སྦེལ་ཞི་བདེའི་གཟེངས་རྟགས་བཞེས་མཁན་ཞིག་པེ་ཅིན་དུ་ཕེབས་པ་ཐོག་མ་དེའང་ཆགས་ཡོད།

དེང་སྐབས་སྲིད་དོན་དཔྱད་བརྗོད་པ་དག་གིས་ཨོ་བྷ་མའི་གཟིགས་སྐོར་གླེང་གི་ཡོད་རུང་། ཁོང་ཚོས་ཨ་རིའི་སྲིད་འཛིན་གྱི་འགན་བབ་མ་གཏོགས། ཁོང་ཉིད་ནོ་སྦེལ་ཞི་བདེའི་གཟེངས་རྟགས་བཞེས་མཁན་ཞིག་ཡིན་པའི་ཆ་ནས་གླེང་གིན་མེད།

དོན་དངོས་ཐོག ད་རེབ་ཨོ་བྷ་མ་མཆོག་གིས་འགན་བབ་གཉིས་ཀྱི་ཐོག་ནས་རྒྱ་ནག་གི་དཔོན་རིགས་ཚོར་གྲོས་མོལ་བྱེད་དགོས་ལ། གཅིག་ནི། ཨ་རིའི་སྲིད་འཛིན་གྱི་ངོས་ནས་ཨ་རི་དང་རྒྱ་ནག་གཉིས་ཀྱི་འབྲེལ་བའི་གནད་དོན་རིགས་ཡིན། གཞན་དེ་ནི་ཁོང་གིས་ནོ་སྦེལ་ཞི་བདེའི་གཟེངས་རྟགས་བཞེས་མཁན་ཞིག་གི་ངོས་ནས་རྒྱ་ནག་ནང་གི་འགྲོ་བ་མིའི་ཐོབ་ཐང་དང་། དམངས་གཙོ། མི་རིགས་ཀྱི་གནད་དོན། འཛམ་གླིང་ཞི་བདེ་སོགས་ཀྱི་སྐོར་གླེང་དགོས་ལ། ལྷག་པར་དུ་བོད་ཀྱི་གནད་དོན་ཐད་ནས་སྲིད་འཛིན་ཨོ་བྷ་མས་ཨ་རིའི་གཞུང་ལས་ཀྱང་༧གོང་ས་མཆོག་གི་སྐུ་ཚབ་ལྟ་བུ་ཞིག་གི་ངོས་ནས་གླེང་དགོས། དེའི་རྒྱུ་མཚན་ནི་ནོ་སྦེལ་ཞི་བདེའི་གཟེངས་རྟགས་བཞེས་མཁན་ཚོར་ཁོང་ཚོའི་ཐུན་མོང་གི་མཚན་གནས་རྗེས་འབྲེལ་དང་མཐུན་པའི་ཐུན་མོང་གི་འགན་ཁུར་ཡོད་པའི་རྐྱེན་གྱིས་ཡིན།

ཉེ་ཆར་ནོ་སྦེལ་ཞི་བདེའི་གཟེངས་རྟགས་བཞེས་མཁན་དག་གིས་༧གོང་ས་མཆོག་གི་དབུ་མའི་ལམ་གྱི་དགོངས་གཞི་སྟེ། བོད་ལ་ཚད་མཐོའི་རང་སྐྱོང་རྩོད་ཀྱིན་པ་དེར་རྒྱབ་སྐྱོར་གྱི་བསྒྲགས་གཏམ་སྤེལ་བ་དང་། ཁོང་ཚོས་རྒྱབ་སྐྱོར་གྱི་བསྒྲགས་གཏམ་དེར་མཚན་རྟགས་བཀོད་དེ་༧གོང་ས་མཆོག་ལ་ཕུལ་ཡོད་པ་མ་ཟད། བོད་མི་རྣམས་ལ་ཁྲིམས་མཐུན་དང་ཚད་མཐོའི་རང་སྲིད་རང་སྐྱོང་ཞིག་ཡོང་བར་རྒྱ་ནག་གི་རྩ་ཁྲིམས་འོག་ནས་ལག་བསྟར་བྱེད་ཐུབ་པའི་ཁྲིམས་གཞི་བཟོ་རོགས་ཞེས་རྒྱ་ནག་གཞུང་ལ་འབོད་སྐུལ་ཞུས་ཡོད་པ་རེད། དེར་བརྟེན་ཨོ་བྷ་མ་མཆོག་གིས་༧གོང་ས་མཆོག་གཙོས་པའི་ནོ་སྦེལ་ཞི་བདེའི་གཟེངས་རྟགས་བཞེས་མཁན་འདི་དག་གི་སྐུ་ཚབ་གནང་སྟེ་རྒྱ་ནག་གཞུང་ལ་ཞུ་སྐུལ་འདི་ཁ་གསལ་དོན་གསལ་ཞིག་བཤད་འོས་པར་འདོད།

ལོ་འདི་ནི་རྒྱ་ནག་དམར་ཤོག་གཞུང་གིས་མི་འབོར་དུང་ཕྱུར་ ༡༣ ལ་དབང་བསྒྱུར་ནས་ལོ་ ༦༠ འཁོར་བ་དང་། ༧གོང་ས་མཆོག་བཙན་བྱོལ་དུཕེབས་ཏེ་ལོ་ ༥༠ འཁོར་བ་དང་བོད་མི་རིགས་ཀྱིས་མནར་གཅོད་མྱངས་ནས་ལོ་ ༥༠ འཁོར་བ། དེ་བཞིན་ ༢༠༠༨ ལོའི་ཞི་རྒོལ་ཆེན་མོ་བྱུང་ནས་ལོ་གཅིག་འཁོར་བ། པེ་ཅིན་གྱི་དྲུག་བཞིའི་དོན་རྐྱེན་སྐབས་སློབ་ཕྲུག་སྟོང་ཕྲག་བརྒལ་བ་དམར་གསོད་བཏང་སྟེ་ལོ་ ༢༠ འཁོར་བ་སོགས་ལོ་ཚིགས་ཀྱི་ངོས་ནས་ཀྱང་གལ་གནད་ཆེ་ལ། ཨོ་བྷ་མ་མཆོག་པེ་ཅིན་གྱི་གནམ་བདེ་སྒོ་མོ་ཆེའི་ཐང་ཆེན་བརྒྱུད་ནས་ཕེབས་སྐབས་ལོ་རྒྱུས་ཀྱི་དོན་རྐྱེན་འདི་དག་ངེས་པར་དྲན་དགོས་ལ། དྲན་པ་ཙམ་དུ་མ་ཟད་འདི་དག་ཐུགས་ལ་བཟུང་ནས་རྒྱ་ནག་གི་དབུ་ཁྲིད་ཚོར་ལོ་རྒྱུས་ཀྱི་ནག་ཉེས་འདི་དག་ཞུ་དགོས།

ཐེངས་འདི་ནི་འཛམ་གླིང་མི་དམངས་ཀྱིས་ནོ་སྦེལ་ཞི་བདེའི་གཟེངས་རྟགས་བཞེས་མཁན་ཞིག་གི་འགན་བབ་དང་ནུས་པ། གནོན་ཤུགས་ངོ་མ་ཅི་ཙམ་ཡིན་པ་དང་། ལྷག་པར་དུ་ཨོ་བྷ་མ་མཆོག་ལ་ནོ་སྦེལ་ཞི་བདེའི་གཟེངས་རྟགས་ཕུལ་བ་འདི་མིང་དོན་མཚུངས་པ་ཞིག་ཡིན་མིན་གཞལ་རྒྱུའི་གོ་སྐབས་ཡག་ཤོས་ཡིན་ལ། ཨོ་བྷ་མ་མཆོག་གིས་ཀྱང་ཨ་རིའི་སྲིད་འཛིན་དང་ནོ་སྦེལ་ཞི་བདེའི་གཟེངས་རྟགས་བཞེས་མཁན་ཞིག དེ་བཞིན་དུ་ཡུན་རིང་འགྲོ་བ་མིའི་ཐོབ་ཐང་གི་ཐད་འཐབ་རྩོད་གནང་མཁན་སྐུ་ཞབས་མར་ཊིན་ལུ་ཐར་ཁིན་དང་མི་རིགས་ནག་པོ་དག་གི་སྐུ་ཚབ་གནང་སྟེ་ལོ་རྒྱུས་རང་བཞིན་གྱི་ཕྱག་རྗེས་འཇོག་རྒྱུའི་གོ་སྐབས་ཀྱང་ཡིན།

མཆན། 14

  1. འགྱུར་མེད says:
    ལོ་ 13 སྔོན།

    རང་གི་ཤ་ཕྲག་འདྲེས་པའིའདི་རུ་ཕེབས་པའི་སྤུན་ཟླ་ལྷུན་རྒྱས་ལགས་
    ཁྱེད་རྣམས་པས་གང་འདོད་ཀྱི་ཕྱག་ལས་སོགས་ལ་གུས་པསསྙིང་ནས་ཐུགས་ཆེ་ཞུ་རྒྱུ་ཡིན་ལ་ལས་གང་བྱས་ཀྱང་བདེན་པ་ལ་འབོད་དགོས་པས་རང་སྣང་གང་ཤར་དང་རང་ལ་ཕན་ཐོག་པའི་མི་དེརང་ཉིད་ལ་ཡག་ཙམ་ཡོད་ཀྱང་མི་གཞན་དེ་ལྟ་མིན་པ་ཐག་ཆོད། ལྷག་པར་དུ་རང་གཞུང་གི་སྤྱི་འཐུས་ལྷན་ཚོགས་ཀྱིས་་ཞབས་རྗེས་ནི་རང་གི་མི་ཚེ་འདི་ལ་ཟད་ཐུབ་མེད་ཞིག་ཡིན་ལ་ དཔལ་འབྱོར་ཡ་དཔལ་འབྱོར་ཡ་ ཁྱེད་ནི་འཇིག་རྟེན་འདིས་སྙོག་འཛིན་དུའོ་།།

    Reply
  2. སྐྱ་ཀ says:
    ལོ་ 13 སྔོན།

    གཞན་ཕན་བྱམས་སྙིང་ཞལ་ནས་གསུང་ན་ཡང་།
    དོན་གནད་ཐུག་དུས་རང་ལས་སུའང་མི་གཅེས།

    གཞན་ལ་རེ་བ་བྱེད་ནས་སྡད་སྡད་ནས།
    རང་ལ་ལུས་སྨད་སོན་མཁན་ཤམ་གོས་མེད།

    Reply
  3. gongkarsem says:
    ལོ་ 13 སྔོན།

    དྲ་གྲོགས་སྨར་དི་ལགས་ནི་འོ་ཚང་བོད་གཙང་མ་གཙང་ཀྱང་ཡིན་པ་ངེས་སོ།།
    གང་ཡིན་ཞེ་ན་རེ་བ་གིས་ཁེངས་འདུག།།།།
    རྗེས་ལུས་གི་རྣམ་པར་1

    Reply
  4. gongkarsem says:
    ལོ་ 13 སྔོན།

    ཡ་བདེ་མོ་རྩོམ་བསྒྲིགས་པ་ལ།
    ང་རང་ནི་མི་ཉམས་ཆུང་ཞིག་ཡིན།
    ཁྱེད་ལ་དྲི་བ་ཞིག་ཡོད། དེ་ལ་ལན་གང་མྱུར་གནང་རོགས།
    སྔོན་ས་སྐྱ་པའི་སྲིད་དབང་ཟིན་པས་སྐབས་ཆོས་སྲིད་ཟུང་འབྲེལ་དང་ད་ལྟ་བཙན་བྱོལ་གཞུང་གི་གནང་བཞིན་པ་ཆོས་སྲིད་ཟུང་འབྲེལ་དབར་ཁྱད་པར་འདུག་གམ་མི་འདུག

    Reply
  5. ཧོར་བུ་ཡེ་ཤེས says:
    ལོ་ 13 སྔོན།

    བོད།ཤ་ཁྲག།རུས་གསུམ་ལགས་ཀྱིས་གསུངས་པ་དེ་ངོ་མ་རེད།

    Reply
  6. འཁྱམས་པོ། says:
    ལོ་ 13 སྔོན།

    རེད་འཛམ་གླིང་གི་ཡུལ་གྲུ་གང་རུང་རེ་ན་མི་འབོར་མི་ཉུང་པ་རེས་འདི་ལྟར་ཨོ་བྷ་མ་ཞེས་་་་རེ་བའི་རི་བོ་ཨུ་ཚུགས་ཀྱིས་ད་དུང་ཡང་བང་བསྡད་ཡོད་པ་བཞིན་འུ་ཅག་བོད་པ་ཚང་ཡང་དེས་གྲས་སུ་འདུག
    ཨོ་བྷ་མ་ ཁོའི་ཞི་བདེ་གཟེངས་དེ་ལ་མི་མང་ཕལ་ཆེ་བ་ཞིག་གིས་ཧང་སངས་པའི་ནམ་པ་ཐོན་ཡོད་པ་རེད་ལ་གླེང་སློང་ཡང་དེ་ཙམ་ཞིག་ཡོད་པ་རེད།
    མདོར་རྩ་བཤད་ན་ཁོ་ཞི་བདེའི་གཟེངས་རྟགས་བཞེས་མཁན་ཞིག་ལ་འདོད་མཁན་དཀོན་པོ་རེད། ངས་ཀྱང་ཁོ་ཞི་བདེའི་གཟེངས་རྟགས་བཞེས་མཁན་ཞིག་ལ་འདོད་ཀྱིན་མེད་མ་ཟད་ཁོ་ལ་རེ་རྒྱག་པ་དེའང་འདྲེ་མོར་བུ་བཅོལགྱི་དཔེ་ལས་ཡོད་པ་མ་རེད་འདོད།
    བོད་པ་ཚང་འདི་ཁེ་མཚར་འདུག་ཨ་རུ་ལ་རེ་བ་བརྒྱབ་པ་དེ་ཐེངས་དང་པོ་མ་རེད་ལ་ཨ་རུས་བོད་ཕོངས་པ་དེའང་ཐེངས་གཅིག་མིན། ད་དུང་ཡང་རྨི་ལམ་ཡག་གི་ཟེར་ནས་གཉིད་འདུག

    Reply
  7. ནོར་བུ་གླིང་ཁ། says:
    ལོ་ 13 སྔོན།

    མོན་གྷོ་གཞིས་ཆགས་དགོན་སྡེ་ཐུན་མོང་གི༎
    དམ་ཕྲུག་ས་རྟགས་ཕབ་པའི་ཞུ་ཡིག་ནང་༎
    ཁྱེད་ཀྱི་མཛད་རྗེས་སྤྱི་འཐུས་ལྷན་ཁང་བརྒྱུད༎
    རྒྱལ་ཕམ་ལྟད་མོ་རྒྱལ་ཁམས་ཡོངས་ལ་གྲགས།།
    གསེར་རྟ་ཚུལ་ཁྲིམས་འོད་ཟེར་གྱི་ཉེ་ཆར་མཛད་རྗེས་ལ་བསྔགས་པ།

    Reply
  8. ནོར་བུ་གླིང་ཁ། says:
    ལོ་ 13 སྔོན།

    དྲྭ་གྲོགས་འདོད་ལྷའི་སྲས་ལགས། ཉིན་ལྟར་དུས་བབ་ཀྱི་དྲྭ་རྒྱ་སྒོ་ཕྱེས་རྗེས་ཐོག་མར་ཁྱེད་ཀྱི་ཟིན་བྲིས་ནང་ཐེངས་རེ་འཛུལ་བཞིན་ཡོད་ཀྱང་ཁྱེད་ཀྱི་སྐད་ཆ་གསར་པ་གང་ཡང་མ་མཐོང༌། རྗེས་སུ་མིང་དོན་མཚུངས་པའི་སྐད་ཆ་སྟེ། ཀུན་གྱིས་ཁ་ནས་སྨྲོས་པར་དཀའ་ཞིང་། སེམས་ནས་རྟག་ཏུ་ཉར་བའི་གནས་ལུགས་དེ་ང་ཚོའི་མིག་སྔར་གྱེར་རོགས་ཞུ།།

    Reply
  9. རུ་དམ་ལུང་གི་བུ། says:
    ལོ་ 13 སྔོན།

    དུས་བབས་ཚགས་ཤོག དུས་བབས་དྲ་རྒྱ་ལ་བཅོས་རོགས་ཞུ།

    Reply
  10. རུ་དམ་ལུང་གི་བུ། says:
    ལོ་ 13 སྔོན།

    དྲ་བདག་ལགས། དུས་བབས་ཚགས་ཤོག་འདིར་ང་ཚོས་ཟིན་བྲིས་སམ་བསམ་ཚུལ་གང་ལྟར་སྤེལ་དགོས། ལགས།

    Reply
  11. jamyang says:
    ལོ་ 13 སྔོན།

    ད་ལེན་ཨ་རིའི་སྲིད་འཛིན་མཆོག་རྒྱ་ནག་ཏུ་ཕེབས་རྒྱུ་དེ་ནི་ཨ་རི་དང་རྒྱ་ནག་དབར་གྱི་ཚོང་འབྲེལ་དང།་་འཛམ་གླིང་གནམ་གཤིས་འགྱུར་ལྡོག་་དེ་བཞིན་འཛམ་གླིང་གི་ད་ལྟའི་དཔལ་འབྱོར་གྱི་ཛ་དྲག་སོགས་ཡར་རྒྱས་གཏོང་ཕྱོགས་ཀྱི་སྐོར་ལ་བཀའ་མོལ་གཙོ་བོ་གནང་སྟེ་རྒྱ་ནག་དང་འབྲེལ་བ་དམ་འཛིན་བྱེད་རྒྱུ་ལས།་་་་་་བོད་དང་ཤིན་བྱང་སོགས་ཀྱི་སྐོར་དང་འགྲོ་བ་མིའི་ཐོབ་ཐང་སོགས་ཀྱི་སྐོར་ལ་དེ་ཙམ་གྱི་ཤུགས་རྒྱགས་རྒྱུ་མ་རེད་སྙམས།་གལ་སྲིད་ཨ་རིའི་དཔལ་འབྱོར་གྱི་གནས་སྟངས་དང་ཁ་ཆེའི་རྒྱལ་ཁབ་ཀྱི་ནང་ལ་དམག་གི་ནུས་ཤུགས་བཏོན་དགོས་མེད་ན་རྒྱ་ནག་ལ་རྫིགས་གཏམ་ཤོད་ངེས་རེད།

    Reply
  12. བོད། ཤ་ཁྲག་རུས་གསུམ། says:
    ལོ་ 13 སྔོན།

    ང་ཚོས་ཁོ་ལ་བལྟས་ནས་འདུག ཉན་ནས་འདུག སྒུག་ནས་འདུག རྒྱའི་དཔོན་ངན་དེ་དག་གི་གཡོ་འོག་ནས་ཁོ་ལ་དམིགས་བསལ་གྱིས་བྱས་རྗེས་འཇོག་པའི་གོ་སྐབས་ཤིག་ཕལ་ཆེར་རེག་མི་སྲིད་ཅེས་བཤད་ཀྱང་། སྐད་ཆ་འདི་སྔ་མི་སྲིད་པ་ཡིན།

    Reply
  13. སྨར་དྷི་ཟེར། says:
    ལོ་ 13 སྔོན།

    བདུན་ཕྲག་རྗེས་མ་ནོར་བེད་ཞི་བདེ་གཟེངས་རྟགས་བཞེས་མཁན་ཨ་རི་སྲིད་
    འཛིན་མཆོག་རྒྱ་ནག་ལ་ཕེབས་པ་དགའ་བསུ་ཞུ །
    བོད་དོན་ལ་དམིགས་གསལ་གྱི་འགུལ་སྐྱོད་ཞིག་ཐེབས་ཐུབ་པའི་རེ་བ་ཡོད་།

    Reply
  14. ལྷོ་ཕྲུག་སྣ་བོ་ཆེ། says:
    ལོ་ 13 སྔོན།

    སྲིད་འཛིན་ཨོ་བྷ་མས་ཨ་རིའི་སྲིད་འཛིན་དང་ཞི་བདེའི་སྣེ་འཁྲིད་མི་སྣ་ཞིག་གི་ལྡོག་ཆ་ནས་བོད་དོན་ཐད་གླེང་སློང་བྱེད་དགོས་པ་གལ་ཆེ་ལས་༸གོང་ས་མཆོག་གི་སྐུ་ཚབ་ཀྱི་རྣམ་པ་འཛིན་རྒྱུ་འདི་ཆབ་སྲིད་ཀྱི་ཐད་ནས་གལ་ཆེན་མ་རེད། ཡིན་ན་ཡང་འགྲོ་བ་མིའི་བཟང་སྤྱོད་ཀྱི་ཐད་ནས་གལ་ཆེན་ཡིན་སྲིད།

    ལོ་རྒྱུས་ཀྱི་ཐོག་ནས་དབང་འཛིན་མི་སྣ་ཕན་ཚུན་གྱི་མཇལ་མོལ་དང་ཐུག་འཕྲད་ཀྱིས་བོད་དོན་ཐད་དོན་ཕན་ལྡན་པའི་འཕོ་འགྱུར་ཇི་བྱུང་སྐོར་རྟོག་ཞིབ་ཅིག་བྱེད་དགོས་པའི་དུས་སུ་བསླེབས་ཡོད་པ་དང་ང་ཚོས་བརྒྱུད་ལམ་འདི་འདྲའི་རིགས་ལ་རེ་སྒུག་གི་གདེངས་འཇོག་ཆེན་པོ་ཞིག་མུ་མཐུད་བྱ་རྒྱུར་འོས་བབ་ཡོད་མེད་ཐད་ལ་ཡང་བསམ་བློ་ཞིག་གཏོང་རན་འདུག

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist