རོམ་གྲོང་ཁྱེར་དུ་འཚོགས་པའི་ཉིན་གཉིས་རིང་གི་འཛམ་གླིང་གྲོས་ཚོགས་འཐུས་མིའི་བོད་དོན་ཚོགས་ཆེན་དེ་ཕྱི་ཚེས་ ༡༩ ཉིན་མཇུག་སྒྲིལ་ཡོད་ལ། ཐེངས་འདིར་རྒྱལ་ཁབ་ ༢༩ ནས་གྲོས་ཚོགས་འཐུས་མི་ ༢༠༠ ཚོགས་ཞུགས་བྱས་འདུག
ཚོགས་ཆེན་འདི་གོ་སྒྲིག་གནང་མཁན་ནི་ཨི་ཊ་ལི་གྲོས་ཚོགས་འཐུས་མིའི་བོད་དོན་རྒྱབ་སྐྱོར་ཚོགས་པ་ཡིན་པ་དང་། ཚོགས་ཆེན་མགོ་འཛུགས་ཀྱི་ཉིན་མོར་ཨི་ཊ་ལིའི་གྲོས་ཚོགས་ཀྱི་བོད་དོན་རྒྱབ་སྐྱོར་ཚོགས་པའི་ཚོགས་གཙོ་སྐུ་ཞབས་མ་ཊོ་མ་ཁ་སི་མཆོག་གིས་གསུང་བཤད་གནང་དོན། ཨི་ཊ་ལི་ཡི་བཤད་རྒྱུན་ལ། སྡུག་རུས་དང་རྒྱུན་འཁྱོངས་ཡོད་ན། ཆུ་ཐིགས་པ་གཅིག་གིས་རྡོ་ལ་ཨི་ཁུང་འབིགས་ཟེར་སྲོལ་ཡོད། ང་ཚོས་སྔོན་མ་ནས་བོད་མི་རིགས་ཀྱི་འགྲོ་བ་མིའི་ཐོབ་ཐང་གི་འཐབ་རྩོད་ལ་རྒྱབ་སྐྱོར་གཙང་མ་ཡོད་སྟབས་དེ་རིང་གི་ཚོགས་ཆེན་འདི་བསྡུས་པ་ཡིན། འགྲོ་བ་མིའི་ཐོབ་ཐང་ནི་མི་སུ་ལའང་མེད་ཐབས་མེད་པ་ཞིག་ཡིན་ཅེས་འཛམ་གླིང་གྲོས་ཚོགས་འཐུས་མིའི་བོད་དོན་ཚོགས་ཆེན་གྱི་མཛད་སྒོའི་སྟེང་གསུང་བཤད་གནང་ཡོད། ཅེས་གསུངས་ཡོད།
བོད་མི་མང་སྤྱི་འཐུས་སྤེན་པ་ཚེ་རིང་ལགས་ཀྱིས་གསུངས་དོན། ཚོགས་ཆེན་འདིའི་སྟེང་དུ་ཨི་ཊ་ལི་ཡི་གྲོས་ཚོགས་འཐུས་མི་ཚུད་པའི་རྒྱལ་ཁབ་ ༢༩ ནས་ཕེབས་པའི་ཚོགས་ཞུགས་པ་ ༢༠༠ འདུག ངས་ཚོགས་ཞུགས་ཀྱི་གྲངས་འབོར་འདི་འཕར་བཞིན་པ་མཐོང་གི་འདུག རྒྱ་ནག་གཞུང་གིས་འཛམ་གླིང་གི་གྲོས་ཚོགས་འཐུས་མི་རེ་རེར་གནོན་ཤུགས་སྤྲད་དེ་ཚོགས་ཆེན་འདིར་ཞུགས་པར་དགག་པ་རྒྱག་གིན་ཡོད་པ་རེད། འདི་ནི་རྒྱ་ནག་ལ་རྒོལ་བའི་ཚོགས་འདུ་མ་རེད། བོད་དོན་འདི་ཞི་བདེའི་སྒོ་ནས་ཇི་ལྟར་སེལ་ཕྱོགས་ཀྱི་ཚོགས་འདུ་རེད། ང་ཚོས་ལག་ལེན་དངོས་ལ་བསྟུན་པའི་ཚོགས་འདུ་ཞིག་ལ་རེ་བ་རྒྱག་གི་ཡོད་ཅེས་གསུངས་ཡོད་པ་རེད།
དེ་བཞིན་དུ་༧གོང་ས་མཆོག་གིས་ཚོགས་ཆེན་སྟེང་གསུངས་དོན། ང་ཚོས་དཀའ་ཁག་གི་དུས་རིམ་ཞིག་བརྒྱུད་བཞིན་པའི་སྐབས་འདིར། མི་མང་པོ་ཞིག་གིས་ང་ཚོར་སེམས་ཁུར་བྱེད་པ་དང་རོགས་རམ་བྱེད་རྒྱུའི་འདོད་པ་བསྟན་ཡོང་གི་འདུག ངོས་ནས་དེ་རིང་འདིར་འཛོམས་ཏེ་བོད་དོན་འདི་སེལ་ཕྱོགས་ལ་ཅི་དགའ་གང་ལེགས་ཀྱི་གོ་བསྡུར་གནང་བར་ཕེབས་མཁན་ཁྱེད་ཅག་ཚང་མ་ལ་རྗེས་སུ་ཡི་རངས་ཞུ་གིན་ཡོད། ཁ་སང་ངོས་ནས་ཨི་ཊ་ལི་ནང་གི་རང་སྐྱོང་མངའ་ཁུལ་གཉིས་ནང་ལྟ་སྐོར་བྱས་པ་ཡིན། རང་སྐྱོང་ཁུལ་འདི་གཉིས་ལར་རང་དབང་གཙང་མ་འདུག ཡིན་ཡང་ཨི་ཊ་ལིའི་མངའ་འོག་ན་འདུག རྒྱ་ནག་གཞུང་གི་རྩ་ཁྲིམས་ནང་དུ་རང་དབང་གང་འཚམ་བཀོད་ཡོད་པ་རེད། གལ་སྲིད་རང་དབང་འདི་དག་ཡང་དག་པ་ཞིག་ལག་ལེན་བསྟར་བ་ཡིན་ན་གནས་སྟངས་ཚང་མ་ཡར་རྒྱས་ཡོང་གི་རེད། ཅེས་གསུངས་ཡོད་པ་རེད།
དྲ་གྲོགས་རྨོག་རིའི་སྐད་ཆ་དེས་ཏག་ཏག་བཙན་བྱོལ་ཚང་གི་གླུ་གཞས་ཤིག་དྲན་སོས་བྱུང་། སེམས་ཤུགས་མ་ཆགས་ཟེར་བའི་གཞས་འདི་མི་ལོ་ལྔ་བཅུར་བཏང་བ་དང་། འདི་ལྟ་བུའི་སློབ་གསོ་ཡང་མི་ལོ་ལྔ་བཅུར་མྱངས་པ་རེད། ད་ནས་བཟུང་མི་ལོ་ལྔ་བཅུའི་རྗེས་སུ་ང་ཤི་འགྲོ་གི་རེད་ལ། བཙན་བྱོལ་བོད་མི་ཟེར་བ་ཞིག་ཀྱང་ཡོད་མེད་སུས་བཤད་ཐུབ། དེ་བས་སེམས་ཤུགས་ཆགས་དང་མི་ཆགས་ཀྱི་དཔེ་ལ་རྡོ་ལ་ཨུ་ཁུང་གི་དཔེ་འདི་ང་ལ་མཚོན་ན་ཆེས་མི་འོས་པ་ཞིག་རེད་ཡཱ།
ལུང་རིགས་ལགས། གསར་འགྱུརསྒྱུར་བཞིན་པ་དེ་མགྱོགས་པོར་དྲ་ཐོག་ཏུ་འཇོག་རྒྱུར་སྒུག་ནས་ཡོད།
གྲོགས་པོ་ཚོ། འཛམ་གླིང་གྲོས་ཚོགས་འཐུས་མིའི་བོད་དོན་ཚོགས་ཆེན་སྟེང་གི་བསྒྲགས་གཏམ་དེ་དེ་རིང་ཞོགས་པར་དབྱིན་ཡིག་ནང་སྤེལ་འདུག འདི་གའི་གསར་འགོད་པས་བོད་ཡིག་ནང་བསྒྱུར་བཞིན་ཡོད་པས་གང་མྱུར་དྲ་ཐོག་ཏུ་འཇོག་ངེས་ཡིན།
ཨ་གངས་ཞེན་ལགས།་སྐུ་ཉིད་ལ་འཚམས་འདྲི་ཡོད།་་བོད་དོན་གྱི་ཚོགས་ཆེན་འདིའི་སྟེང་ང་ཚོའི་གྲོས་ཚོགས་ཀྱི་འཐུས་ཁ་ཤས་ཤིག་ཕེབས་སོང་།་་གཅིག་བྱས་ན་ཁོང་ཚོ་ཕྱིར་ཕེབས་པ་དང་གཏམ་བཟང་རེ་ཡང་ཡོད་སྲིད་པ་རེད།་་ང་ཚོས་རེ་སྒུག་བྱས་ཆོག
བློ་བྷེ་ལགས།་་བཀྲ་ཤིས་བདེ་ལེགས་ཞུ།་་་སེམས་ཤུགས་མ་ཆགས།་་༸གོང་ས་མཆོག་དགུང་གྲངས་བདུན་ཅུ་དོན་བཞི་རེད།་ད་དུང་འང་ཉིན་ལ་མཚན་སྦྲེལ་ཏེ་མཛད་འཕྲིན་ཇི་ལྟར་སྐྱོང་གིན་འདུག་་གཞིས་ལུས་རྒྱ་ཆེའི་མི་མང་ཚོས་རེ་བ་དང་ཡིད་ཆེས་ག་ཚོད་ཅིག་ང་ཚོར་གནང་གིན་ཡོད་རེད།་་་འདི་ཚང་མར་བསམ་བློ་རེ་ཐོངས་དང་འཁྱག་ས་ནས་འཕག་འཚག་རྒྱག་ན་འདོད་པའི་སེམས་ཤུགས་སྐྱེས་ཀྱིན་རེད།་་
ཁྲིམས་དཔོན་བཟོད་རྒྱམ་ལགས།་་་བཀྲིས་བདེ་ལེགས་ཞུ།
ཆུ་ཐིགས་ཀྱིས་རྡོ་ལ་ཨི་ཁུང་འབིགས་པ་ནི་སེམས་ཤུགས་ཀྱི་དཔེ་མཚོན་ཙམ་རེད།་་ངོ་མ་ང་ཚོ་བོད་མི་མི་རེ་ངོ་རེ་ནས་དོན་དག་གང་ལ་ཐུག་ཀྱང་རྒྱལ་ཞེན་དང་ལ་རྒྱ་མི་འདོར་བའི་བསམ་བློ་རེ་གཏོང་ཐུབ་ན་རྡོ་ལ་ཨི་ཁུང་འབིགས་མ་ཐུབ་ཀྱང་རྡོ་བ་རློམ་པ་བཟོ་ཐུབ་ངེས་རེད།་་་
སུ་ལའང་གཏམ་བཤད་ན་མི་འདོད་ཀི འཁྱག་ནི་ཟིག་གིས
ཆུ་ཐིགས་ཤིག་གིས་རྡོ་ལ་ཨུ་ཁུང་ཕུག་དགོས་ན་རྫོགས་ཐབས་མེད་པའི་ཆུ་ཐིགས་ཤིག་དང་ཟད་ཐབས་མེད་པའི་དུས་ཚོད་ཅིག་དགོས་པ་རེད། དེ་མིན་ན་ཆུ་ཆཏིགས་ཤིག་གིས་རྡོ་ལ་ཨུ་ཁུང་ཕུག་ཟེར་བ་ནི་གཏམ་དཔེ་ཙམ་ལས། དྲ་གྲོགས་ཚོས་སོམས་དང་། ཆུ་ཐིགས་ཤིག་གིས་རྡོ་ལ་ཨུ་ཁུང་བརྟོལ་དགོས་ན། དུས་ཡུན་ག་ཙམ་ཞིག་དགོས་ནི་རེད། བོད་མི་རིགས་འདི་ཚར་ས་རེད་འདོད་ཀི
ཆུ་ཐིགས་ཤིག་གིས་རྡོ་ལ་ཨུ་ཁུང་ཕུག་ཐུབ་མིན་དེ་ང་ཚོ་བོད་རྒྱའི་གནད་དོན་ལ་སྦྱར་ནས་འདུག་རྒྱུ་ཡིན་ས་རེད། ཕྱོགས་གཅིག་ནས་འདུག་ཁོམ་མེད་ཀི བོད་མི་རིགས་རིག་གཞུང་དང་བཅས་པ་རྒྱ་ལ་བསྒྱུར་བཞིན་པར་བློ་འཚབ་ཡོད་པ་དང་། ཡང་ཕྱོགས་གཅིག་ནས་བཟོད་སྒོམ་དང་ངང་རྒྱུན་རིང་དགོས་པ་ཆུ་ཐིགས་ཤིག་གིས་རྡོ་ལ་ཨུ་ཁུང་ཕུག་ཐུབ་ཀི་རེད་ཟེར་པ་སོགས་དཔེ་དྲངས་ཏེ་བཤད་ཀིན་འདུག ད་ང་འདྲ་བླུན་དྲག་པས་ཡིན་ནམ། གང་ལྟར་གོ་བ་མི་ལོན་གི སྒུག་དགོས་ན་སྒུག་དགོས་ཞེས་ཀ་གསལ་ན་ཡག་གི་རེད། བོད་ནང་གི་མནར་གཅོད་ལའང་བསམ་བློ་ཞིག་གཏོང་ལོས་དགོས། རྒྱ་ནག་གིས་བོད་མིར་སྡུག་སྦྱོང་མནར་གཅོད་གཏོང་བཞིན་པར་སྒུག་དང་ཟེར་བ་སོགས་གཡོལ་ས་ཡོད་ནི་མ་རེད། དེ་མཚམས་མ་བཞག་ན་ང་ཚོས་འདི་ནས་སྒུག་དགོས་མིན་དང་ངང་རྒྱུན་རིང་དགོས་སྐོར་རྐྱང་བཤད་ཀྱང་ཕན་མི་ཐོགས་པ་མིག་མཐོང་ལག་ཟིན་རེད།
རང་མ་འགུལ་ན་གཞན་ལ་རེ་བ་བྱེད་པ་དེ་ནི་ནམ་ཡང་རང་ཤི་རྒྱག་པའི་སྔ་རྟས་ལས་གང་ཡང་མེད་པ་ཡིན་དུས། བོད་ནས་འགུལ་བསྐྱོད་བྱས་པ་མང་མེད་ན་ཉུང་མེད་ལ། བྱེས་སུ་བཤད་རྒྱུ་མང་མེད་ན་ཉུང་མེད།
སྔོན་ཆད་ང་རང་བོད་ནས་གསར་དུ་འབྱོར་ཞིང་གསར་འབྱོར་སློབ་གྲར་ཡུན་ཙམ་བསྡད་མྱོང་། སྐབས་དེར་ང་རང་གསར་འབྱོར་སློབ་གྲའི་ཉེ་འཁོར་གྱི་ཤིང་སྡོང་རིང་པོ་ཞིག་གི་འོག་ཏུ་བསམ་བློ་ཞིག་གཏོང་ནས་སྡོད་སྐབས་ཤིང་སྡོང་རྩེ་ནས་བྱིའུ་ཞིག་གིས་ངའི་མགོ་ལ་སྐྱག་པ་ཞིག་བཏང་མྱོང་། ངའི་བསམས་པར་རྒྱ་གར་གྱི་བྱ་དང་བྱིའུ་ཚོས་ཀྱང་མི་ཉམ་ཆུང་ལ་མཐོང་ཆུང་དང་ཁྱད་གསོད་བྱེད་ཀྱིན་འདུག་བསམས་མྱོང་། དེ་བཞིན་སྟོབས་ཆེན་རྒྱལ་ཁབ་ཚོས་བོད་དོན་དེ་བཞིན་རྒྱ་ནག་གིས་སྟོབས་འབྱོར་དང་དབང་ཤུགས་ཁོ་ནའི་གཞན་དབང་སྟབས་སྟུན་གྱིས་བོད་རིགས་ཉམ་ཆུང་ཚོ་ཁོང་ཚོའི་རྐང་རྩེད་སྤོ་ལོ་རང་རེད། ད་ནི་ང་ཚོ་ང་རང་ཚོར་སྙིང་རྗེ་བྱེད་རན་འདུག ང་ཚོ་ང་རང་ཚོར་བྱམས་པ་སྒོམ་རན་འདུག ང་ཚོ་ང་རང་ཚོ་འགུལ་རན་འདུག
ྐྱ བོད་དོན་རྒྱབ་སྒྱོར་བ་རྣམས་ལ་སེམས་གཏང་ནས་ཐུགས་རྗེས་ཆེ་ཞུ། ང་ཚོའི་སྤྱི་མཐུས་ཚོ་གྲགས་འགུལ་ཅི་ཡང་མི་འདུག་ག་རེ་ཡིན་ན། ཁ་སང་ཨོ་བྷ་མའི་བོད་རྒྱ་ནག་གི་ཆ་ཤེས་ཡིན་ཞེས་ཁས་བླངས་དུས་འུ་ཚོའི་སྤྱི་མཐུས་ཚོ་ལབ་ཡ་གླེང་ཡ་གང་ཡང་མི་འདུག ། གཉིད་ཁུག་སོང་བ་ཡིན་ནམ།
བོད་དོན་རྒྱབ་སྐྱོ་ཚོགས་པའི་ཚོགས་གཙོ་ཁོང་ལ་སྙིང་དབུས་ནས་འཚམས་འདྲི་
ཡོད། མ་འོངས་པ་མུ་ཐུད་རྒྱབ་སྐྐྱོ་གནང་རྒྱུ་རེ་བ་ཡོད།
ཆུ་ཐིགས་ཤིག་གིས་རྡོ་ལ་ཨི་ཁུང་འབིགས་ཐུབཅེས་གསུངས་པནི་བདནེརེད།
(- ,A$?- >A$- $A?- hR- =- AA- #%- :2A$?- 9J<- 2- /A- 2.J/- 0-