སྐབས་བཞི་བའི་སྙན་ངག་འདུ་ཚོགས་ལང་ཚོའི་རྦབ་ཆུ། ཞེས་པ་དེ་ཉེ་ཆར་མཚོ་སྔོན་ཁྲི་ཤོར་རྒྱལ་མོའི་འགྲམ་ངོགས་ནས་ཚོགས་ཡོད་པ་དང་། སྐབས་དེར་བོད་ཁུལ་གྱི་སྙན་ངག་པ་དང་རྩོམ་པ་པོ་སྐོར་ཞིག་ལྷན་འཛོམས་ཀྱིས་སྙན་ངག་གྱེར་འདོན་དང་རྩོམ་རིག་བགྲོ་གླེང་སོགས་གནང་ཡོད་འདུག
བོད་ནང་གི་དྲ་གནས་སུ་བཀོད་པའི་གནས་ཚུལ་ལྟར་ན། ཕྱི་ཟླ་ ༡༡ ཚེས་ ༢༧ ནས་ ༢༩ བར་ཉིན་གསུམ་རིང་༼ སྐབས་བཞིོ་བའི་སྙན་ངག་འདུ་ཚོགས་ལང་ཚོའི་རྦབ་ཆུ་ ༽ཞེས་པ་དེ་མདོ་སྨད་མཚོ་སྔོན་པོའི་འགྲམ་ངོགས་ཀྱི་ནུབ་མཚོ་མཁར་གྲོང་ནས་ཚོགས་ཡོད་པ་དང་། སྐབས་དེར་བོད་ཆོལ་ཁ་གསུམ་གྱི་སྐད་དང་དབྱིན་སྐད་བཅས་ཀྱི་ཐོག་ནས་སྙན་ངག་གྱེན་འདོན་དང་། སྙན་ངག་གི་ནང་དོན་ཐོག་བགྲོ་གླེང་། སློབ་མ་ཚོས་རང་ཉིད་ཀྱི་རྩོམ་རིག་དང་སྒྱུ་རྩལ་ཐད་ཀྱི་ནུས་རྩལ་སོགས་ངོམ་ཡོད་འདུག ཚོགས་ཞུགས་སྐུ་མགྲོན་གཙོ་བོ་སྙན་ངག་པ་ལྗང་བུ་དང་གཅན་མེ་སྟག ཁྱུང་བཟང་། སྐྱབས་ཆེན་བདེ་གྲོལ། མཚོ་བུ་དགའ་བདེ། ཁྱུང་ཐར་རྒྱལ། མོག་ཟླ། མིག་དམར་གཡང་འཛོམས། མཛེས་སེ། ཁྲི་སེམས་དཔའ། མདའ་བཙན་པོ། དགེ་འདུན་ལྷུན་འགྲུབ། ཡེ་ཤེས་ལྷ་སྒྲོན། ཞོགས་ལྗང་། བོང་སྟག་རི་ལུ། ལྡོང་བུ། ཐབས་མཁས། ཀླུ་རྒྱལ་དོན་འགྲུབ། སེང་གེ་རྡོ་རྗེ། འབྲོག་པ་བསམ་གཏན། ཨ་ལོ་རིན་ཆེན་རྒྱལ་བོ། རྡོ་རྗེ་ཚེ་བརྟན། རྡོ་གྲགས། བསོད་ནམས་རྡོ་རྗེ་སོགས་ཡོད་ཅིང་། དེ་མིན་སྤྱི་ཚོགས་ཀྱི་ལས་རིགས་ཁག་གི་སྐུ་ཚབ་དང་སློབ་གྲྭ་ཁག་ཅིག་གི་དགེ་རྒན་བཅས་ཡོད་འདུག
༼ སྐབས་དང་པོའི་སྙན་ངག་འདུ་ཚོགས་ལང་ཚོའི་རྦབ་ཆུ ༽ དེ་དབྱངས་ཅན་མའི་སྒྱུ་རྩལ་གླིང་དང་མཉམ་འབྲེལ་ཐོག ཕྱི་ལོ་ ༢༠༠༣ ཟླ་ ༧ པར་མཚོ་སྔོན་ཟི་ལིང་གྲོང་ཁྱེར་ནས་ཚོགས་ཡོད་པ་དང་། སྐབས་དེར་སྐྱ་སེར་གཉིས་ཀས་བོད་ཆོལ་ཁ་གསུམ་གྱི་སྐད་ཀྱི་ཐོག་སྙན་ངག་གྱེར་འདོན་དང་། ཁམས་པའི་ཞབས་བྲོ་འཁྲབ་ཅིང་། ཨམ་སྐད་ཀྱི་གླུ་གཞས་ལེན་པ། དེང་རབས་མཚོན་དོན་རི་མོ་འགྲེམས་སྟོན། ལེགས་སྦྱར་གྱི་གསུང་བཤད་གནང་བ་སོགས་ཀྱི་བྱ་འགུལ་སྤེལ་ཡོད་འདུག
༼ སྐབས་གཉིས་པའི་སྙན་ངག་འདུ་ཚོགས་ལང་ཚོའི་རྦབ་ཆུ ༽དེ་མཚོ་སྔོན་རྩོམ་རིག་སྒྱུ་རྩལ་མཐུན་ཚོགས་དང་མཉམ་འབྲེལ་ཐོག ཕྱི་ལོ་ ༢༠༠༥ ཟླ་ ༦ ནང་མདོ་སྨད་མཚོ་སྔོན་པའི་འགྲམ་ངོགས་ནས་བསྐངས་ཤིང་། སྐབས་དེར་སྙན་ངག་པ་རྒན་དར་གཞོན་གསུམ་དང་ཉམས་ཞིབ། རྩོམ་སྒྲིག་པ། དཔྱད་བརྗོད་པ་སོགས་མཇལ་འཛོམས་ཐོག སློབ་འབྲིང་གི་དགེ་སློབ་ཚོས་བགྲོ་གླེང་དང་། འབྲོག་དམངས་ཚོས་གླུ་གཞས་འཁྲབ་སྟོན་སོགས་བྱས་ཡོད་འདུག
༼ སྐབས་གསུམ་པའི་སྙན་ངག་འདུ་ཚོགས་ལང་ཚོའི་རྦབ་ཆུ ༽དེ་མཆོད་མེ་བོད་ཀྱི་རྩོམ་རིག་དྲ་བ་དང་མཛོད་དགེ་སྟག་ཚང་དགོན་པ་གཉིས་མཉམ་འབྲེལ་ཐོག ཕྱི་ལོ་ ༢༠༠༧ ཟླ་ ༦ པར་ཀན་ལྷོ་རྨ་ཆུ་དང་མཛོད་དགེ་གཉིས་ནས་ཚོགས་ཡོད་པ་དང་། སྐབས་དེར་ས་ཁུལ་སོ་སོ་ནས་ཕེབས་པའི་སྙན་ངག་པ་ཚོས་སྙན་ངག་གྱེར་འདོན་དང་ལྷན་དུ་དེང་རབས་སྙན་ངག་དང་སྒྲ་སྙན་རྡུང་ལེན་བར་གྱི་འབྲེལ་བ། སློབ་གྲྭ་ཆུང་འབྲིང་གི་སློབ་མ་དང་སྙན་ངག་བར་གྱི་འབྲེལ་བ་བཅས་ལ་བགྲོ་གླེང་གནང་ཡོད་འདུག
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
སྐབས་གསུམ་པའི་སྙན་ངག་འདུ་ཚོགས་ལང་ཚོའི་རྦབ་ཆུ་གོ་སྒྲིག་གནང་མཁན་དང་། ཚོགས་ཞུགས་རྩོམ་པ་པོ་དང་། དཔྱད་བརྗོད་པ། དགེ་སློབ་ཚང་མར་འཚམས་འདྲིའི་བཀྲ་ཤིས་བདེ་ལེགས་ཞུ།
གུས་མོ་དུས་ནམ་ཡང་རྒྱབ་སྐྱོར་ཡོད།
ལང་ཚོའི་མཆཽད་པ་
རྦབ་ཆཱུའི་ཟིལ་ཤུགས་
ཁྱོད་ཡང་ཡང་གཡོ་བར་སྨོན།
དེ་ལྟར་ཡིན་ན་ཟ་ལེ་རྒྱལ་གྱི་བསམ་འཆར་དེ་འགྲིག་འདུག
བོད་གཞུང་ཟློས་གར་འདིས་སྟོད་གཞས་མ་གཏོགས་གླུ་གཞས་གཞན་མི་གཏོང་ན་བོད་གཞུང་གི་མིང་ཁུར་ན་འགྲིག་གི་ཨེ་ཡོད། དྲྭ་གྲོགས་ཚོ་འདིའི་སྐོར་ཐུགས་སྣང་ཞིག་གནང་དང༌། ཁྱོད་ཚོས་ད་བར་དུ་ཟློས་གར་འདིས་ཁམས་དང་ཨ་མདོའི་གཞས་བཏང་བ་མཐོང་ཐོས་བྱུང་ངམ། གལ་སྲིད་བྱུང་ན་གསུང་རོགས་ཞུ།
ངོ་མ་བཟང་གི
ཀ་ལི་ཨ་ལི་སོ་བཞི་པོ།།
ཁ་བ་རི་པའི་སྐད་གདངས་ཡིན།།
དེ་ལ་ལོངས་སུ་སྤྱོད་རྒྱུ་ནི།།
བོད་པ་ངེད་ཚོའི་སྤོབས་པར་འདོད།།
ཕུན་སུམ་ཚོགས་པའི་སྐད་ཡིག།
ང་རོ་སྙན་པའི་སྐད་ཡིག།
འདུན་ལམ་མི་འདུག་མ་གསུང་།།
བཙལ་ནས་མེད་པ་ཨེ་ཡིན།།
ངོ་མ་ཡག་རེད།
དབྱངས་གསལ་སུམ་ཅུ་སོ་བཞི།།
གངས་ཅན་བོད་ཀྱི་སྐད་རེད།།
ཆོལ་གསུམ་སྐྱིད་སྡུག་གཅིག་རེད།།
ཤ་ཁྲག་གཅིག་པའི་སྤུན་རེད།།
གངས་ཅན་ས་ལྰའི་སྨན་ལྗོངས།།
ཡབ་མེས་བཟང་པོའི་གནས་རེད།།
ཆོས་རིག་ནོར་བུའི་གཏེར་རེད།།
འཛམ་གླིང་ཞི་བདེའི་གཞི་རེད།།
རང་དབང་ཡོད་ས་ན་བོད་ཡིག་ཚེ་སྲོག་རླུང་ཁ་ཡི་མར་མེ་བཞིན།
རང་དབང་མེད་ས་ན་བོད་ཡིག་གི་ཚེ་སྲོག་ཚེ་འབར་སྒྲོན་མེ་བཞིན།
དངོས་ནས་བོད་པ་འདི་ཚང་གི་ལས་དབང་ལ་མགོ་མཇུག་ལྡོག་འདུག
བོད་ནང་གི་རྒྱ་ཆེ་སྤུན་ཟླ་ཡོངས་ལ་སེམས་ཁོང་རུས་པའི་གཏིང་ནས་བཀའ་དྲིན་ཆེ་ཞུ།
སྐབས་གསུམ་པའི་སྙན་ངག་འདུ་ཚོགས་ལང་ཚོའི་རྦབ་ཆུ་གོ་སྒྲིག་གནང་མཁན་དང་། ཚོགས་ཞུགས་རྩོམ་པ་པོ་དང་། དཔྱད་བརྗོད་པ། དགེ་སློབ་ཚང་མར་འཚམས་འདྲིའི་བཀྲ་ཤིས་བདེ་ལེགས་ཞུ།
ཚེ་སྲོག་གི་ལང་ཚོ།
མདེལ་ཆར་གྱི་ཐུ་འོག་ན།
ཇི་སྲིད་འཚོ་བ་དེ་སྲིད་དུ།
སྡུག་བསྔལ་གྱི་འོ་དོད་ནམ་ཡང་ཆད་མི་སྲིད།།