༧གོང་ས་མཆོག་ནེའུ་ཛི་ལན་ཌིར་ཕེབས་པ།

མཚོ་ཚང་བཀྲིས་ལགས། མི་ཉག་སྐལ་བཟང་དང་ཁྱེད་གཉིས་ལ་རྩོད་གཞི་ཞིག་ཡོད་ས་རེད་ངས་མི ་ཤེས་ འོན་ཀྱང་རྩོད་སློང་མཁན་དེ་ཁྱེད་རེད་། ད་ཁྱེད་གཉིས་མཚམས་འཇོག་རོགས། རྩ་བས་ངས་ཁྱེད་ཀྱི་ཤེས་ཡོན་ལ་བརྩི་སྐུར་ཡོད་མཁན་ཞིག་ཡིན་ ཁྱེད་ཀྱི་མཆན་ཀློག་ཡ་དགའ་པོ་ཡོད་།
བསེ་རུ་ནི་ ལྷག་བསམ་ཆེ་ཞིང་བསམ་ཚུལ་ དྲང་པོ་དང་། གཞན་ལ་དོན་མེད་ཚིག་མཚོན་མི་འདེབས་པ་ ལྷག་པར་དང་བླངས་དག་བཅོས་བྱེད་མཁན་ཞིག་ཡིན་པས་ང་ཁོང་ལ་གུས་ཤོས་དེ་ཡིན་བསམ་པ་ཡོད་། ད་ཐེངས་ཁྱེད་ཀྱིས་ཁོང་ལ་༼དགོས་པའི་དགྲ་ལ་ཡ་ལན་མེད་པར་མི་དགོས་ནང་ཁུལ་བཅོམ་དཀྲུགས་བྱེད་པ་ནི་ངོ་མ་སྙིང་རེ་རྗེ༽ཞེས་གསུངས་འདུག་པས་ང་འདྲོགས་སོང་། དྲ་རྒྱ་དེ་ནང་བོད་ཡིག་དགོས་པ་དྲ་གྲོགས་ཚང་མས་ཁ་གཅིག་གྲགས་རེད་འདུག་བ། ཁོང་གཉིས་ཀས་བགྲོ་གླེང་ཡག་པོ་གནང་གི་འདུག་བ།
གུས་པས་ནོར་འཁྲུལ་བཟོས་འདུག་ན་བཟོད་དུ་གསོལ།

ཨ་རོགས་མཚོ་ཚང་བཀྲ་མ་ཤིས་པ་ལགས། བཤད་མྱོང་བ་ནི་གངས་ཅན་བླ་མའི་ལག་པ་གཡས་པ་ལྟ་བུ་ཁོལ་ཚེ་ཚུལ་ཁྲིམས་སོགས་ཀྱིས་དངོས་ཡོད་ཀྱི་ལོ་རྒྱུས་ཕྲན་བུ་བཤད་མྱོང་། ཁྱེད་རང་ལ་ཕོག་ཡོད་པ་འདྲ། ད་ཡིན་ན་བཤད་ས་དང་ཕོག་ས་ནོར་མི་འདུག མདའ་འཕེན་ན་འབེན་ལ་ཕོག་དགོས། ཚིག་བཤད་ན་གནད་ལ་འཁེལ་དགོས།

སྤུན་ཟླ་ཚོ། དེ་རིང་ངས་བསྐྱར་དུ་༧གོང་ས་མཆོག་གི་ལོ་ངོ་དུ་མའི་གོང་དུ་གསུངས་པའི་བཀའ་སློབ་ཞིག་འདིར་དྲངས་ཆོག

སྐབས་རེར་ང་རང་སེམས་པ་སྐྱོ་ཡི་འདུག ངའི་བསམ་བློ་ཤེས་དགོས་མཁན་དེ་ཚོ་བོད་པ་ཆགས་བསྡད་ཡོད་པ་རེད། མི་དགོས་མཁན་ཟེར་ན་འདྲ། དེ་ནི་ཕྱི་གླིང་བ་དེ་ཚོ་ཆགས་བསྡད་ཡོད་པ་རེད། ནམ་ཞིག་ང་མེད་ཉིན། ངས་ག་རེ་བསམ་པ་དང་ལོ་རྒྱུས་གང་ཡིན་སོགས་ཤེས་དགོས་བྱུང་ན། བོད་རང་གི་བྲིས་པའི་ལོ་རྒྱུས་ནང་དུ་ཡོད་རྒྱུ་མ་རེད། དབྱིན་ཡིག་གི་དཔེ་དེབ་དག་གི་ཁྲོད་ནས་བཙལ་དགོས་བྱུང་ས་རེད་ཅེས་གསུངས་པའི་བཀའ་སློབ་འདི་ནི། མགོ་ནས་༧གོང་ས་མཆོག་གི་མཚན་ཐོག་གི་དྲ་རྒྱ་སྒོ་འབྱེད་ཕྱེ་མཁན་གྱི་དཔལ་ལྡན་སྐུ་སྒེར་ཡིག་ཚང་གིས་ཀྱང་བཀའ་སློབ་འདི་མ་གསན་པ་ཞིག་ག་ལ་ཡིན་སྲིད། དངོས་ནས་༧གོང་ས་མཆོག་སྐུ་སྒེར་གྱི་མཛད་པ་འཕྲིན་ལས་གང་ཞིག་གནང་བའི་ཉིན་རེའི་མཛད་རིམ་ཁག་ཀྱང་ཤེས་དགོས་མཁན་དེ་ནི་བོད་རྒྱ་ཆེ་སེར་སྐྱ་མི་མང་ཆགས་ཡོད་དུས། བོད་ཕྱི་ནང་ལ་དབྱེ་བ་མེད་པར་འཛམ་གླིང་ཡུལ་གྲྭ་གང་སར་སྤུན་ཟླ་ཡོངས་ཀྱིས་རང་སྐད་ཐོག་ནས་ཀློག་རྒྱུ་ཡོད་པ་ཞིག་དངོས་ནས་ལོས་འདོད། རེད་དེ། སྐད་ཆ་དྲང་མོར་བཤད་ན་སྙིང་ལ་འཕོག་འགྲོ་བའི་གོང་གི་མི་ཆེན་དང་འོག་གི་ཞབས་འགྲེང་བ་དེ་ཚོ་བསམ་ནས་འདི་ཙམ་གྱིས་རེ་ཞིག་བཞག་པ་ཡིན།

གྲོགས་བསེ་རུ་ལགས། ང་ཚོས་དྲ་ཐོག་ན་དེའི་སྐོར་ཡང་ནས་བསྐྱར་དུ་གླེང་དགོས་པ་གལ་ཆེ་བ་དང་། བོད་ཀྱི་དུས་བབས་དང་བོད་ཀྱི་བང་ཆེན་སོགས་སུ་བགྲོ་གླེང་སོགས་བརྡ་ལན་སྤྲོད་དགོས་པ་ནི་རྩ་བའི་གནད་འགག་རེད། ང་ཚོས་སྐུ་སྒེར་ཡིག་ཚང་ངོ་མར་གནས་ལུགས་གསལ་འགྲེལ་ཞུ་ཐུབ་ན་ཡང་སྐུ་ངོ་ཁ་བདེ་ཚོས་དེ་ལས་ཀྱང་རྒྱུ་མཚན་ལྟར་སྣང་མང་བའི་གནས་ལུགས་གསལ་བཤད་ཀྱིས་ང་ཚོའི་རེ་བ་ཆུ་ནང་རྡོ་གཡུག་པ་དང་གཅིག་པ་རེད་བསམ་གྱིན་འདུག སྐད་ཆ་མང་པོ་དང་རྒྱབ་ལྗོངས་རྫིག་པོ་དགོས་མཁོ་མེད། བོད་པར་བོད་ཡིག་ཡོད་དགོས་པ་དང་བོད་པས་བོད་ཡིག་སྤྱོད་དགོས་པའི་གནད་འགག་དེ་ཡིན། བོད་ཀྱི་ཆེད་དུ་ཡིན་ན་བོད་ཡིག་ངེས་པར་དུ་ཡོད་དགོས་པ་དང་། བོད་ཀྱི་ཆེད་དུ་མིན་ན་ཚོང་རྫས་ལྟ་བུའི་དྲ་རྒྱ་འདི་དག་བེད་མེད་དུ་འཇོག་རོགས།

དྲ་གྲོགས་ཨ་ཆགས་ཚེ་རྡོར་ལགས། ཁྱེད་ཀྱིས་གསུངས་པ་ལྟར་འཛམ་གླིང་སྟོབས་ཆེན་རྒྱལ་ཁབ་ཚོའི་དབུ་ཁྲིད་ཚོས་བློ་ཁོག་ཆུང་དུ་འགྲོ་བཞིན་པ་དང་། མཁྱེན་གསལ་ལྟར་སྒུ་སྒེར་ཡིག་ཚང་གི་ལས་བྱེད་ཚོས་ཀྱང་བློ་ཁོག་ཆུང་དུ་འགྲོ་བཞིན་པའི་ཚོར་སྣང་བྱུང་། སྐུ་སྒེར་ཡིག་ཚང་གི་དྲ་རྒྱའི་སྟེང་དུ་བོད་ཡིག་མཐོང་རྒྱུ་མེད་པས་ཀྱང་གསལ་པོ་རེད། བོད་མི་མང་པོ་ཞིག་གིས་བློ་ཕམ་བྱས་དང་བྱེད་བཞིན་པ་རེད། བོད་ཡིག་ལ་འདི་འདྲའི་རིན་ཐང་མེད་པ་ཅི་ཡིན་ནམ། བོད་པར་བོད་ཡིག་མི་དགོས་པའི་དུས་ལ་བབས་ཡོད་པ་འདྲ།