བོད་དོན་དང་ཀ་ཐུ་མན་གྲུའི་ནང་བའི་དགོན་པ་རྣམས་ཀྱི་འབྲེལ་བ།

བལ་ཡུལ་གསང་བའི་ལས་ཁུངས་ཀྱིས་བལ་ཡུལ་ཀ་ཐུ་མན་གྲུའི་ལུང་གཞོངས་སུ་ཡོད་པའི་ ནང་བའི་དགོན་པ་ ༤༣ ནི་བོད་རང་དབང་གི་འཐབ་རྩོད་དང་རྒྱ་རྒོལ་གྱི་ལས་འགུལ་སོགས་སྲིད་དོན་གྱི་ཚོར་ ཤུགས་རྣོ་བའི་ལས་འགུལ་ནང་ཞུགས་མཁན་ཡིན་སྐོར་བལ་ཡུལ་ནང་སྲིད་ལྷན་ཁང་ལ་སྙན་ ཐོ་ཕུལ་འདུག

བལ་ཡུལ་གསང་བའི་ལས་ཁུངས་ཀྱིས་སྙན་ཐོ་འདི་བལ་ཡུལ་ནང་སྲིད་ལྷན་ཁང་ལ་ཕུལ་ཡོད་ཅིང་། ཀ་ཐུ་མན་གྲུར་ཡོད་པའི་དགོན་པ་ ༥༩ ལ་ཞིབ་འཇུག་བྱས་པའི་ཁྲོད་ནས་དགོན་པ་ ༤༣ ནི་དོགས་ཟོན་བྱ་དགོས་པའི་མིང་གཞུང་ནང་བཀོད་ཡོད་ལ། དེ་དག་གི་ཁྲོད་ནས་དགོན་པ་ ༧ ནི་ཧ་ཅང་ཚོར་ཤུགས་རྣོ་བའི་ཆབ་སྲིད་ཀྱི་ལས་འགུལ་ནང་ཞུགས་མཁན་གྲས་སུ་བགྲངས་ཡོད་འདུག

གསང་བའི་ལས་ཁུངས་ཀྱིས་བལ་ཡུལ་ནང་སྲིད་ལྷན་ཁང་སྙན་ཐོ་ཕུལ་དོན། དགོན་པ་ ༡༩ ཡིས་བོད་རང་དབང་གི་འཐབ་རྩོད་ལ་དངོས་ཤུགས་གང་རུང་ནས་རྒྱབ་སྐྱོར་དང་། ཡང་ན། དེའི་ནང་འཛུལ་ཞུགས་བྱེད་ཀྱིན་ཡོད་སྟབས་བལ་ཡུལ་གཞུང་གིས་དོགས་ཟོན་ནན་མོ་བྱ་དགོས་པར་བསྐུལ་མ་བཏང་ཡོད་ཚུལ་བལ་ཡུལ་ནང་སྲིད་ལྷན་ཁང་གི་མགྲིན་ཚབ་པ་ Mukunda Khanal ཡིས་བཤད་ཡོད་འདུག དགོན་པ་ཁག་ཅིག་ལ་གཟབ་ནན་གྱིས་ལྟ་རྟོག་བྱེད་ཀྱིན་ཡོད་ཟེར།

གོང་གསལ་མགྲིན་ཚབ་དེས་བཤད་དོན། ཕྱི་ཚེས་ ༡༠ ཉིན་ནི་ཏཱ་ལའི་བླ་མ་མཆོག་གིས་ནོ་སྦེལ་ཞི་བདེའི་གཟེངས་རྟགས་བཞེས་ཏེ་ལོ་ངོ་ ༢༠ འཁོར་བའི་དུས་དྲན་ཡིན་ལ། བོད་པ་ཚོས་ཉིན་འདིར་རྒྱ་རྒོལ་གྱི་ལས་འགུལ་སྤེལ་གྱིན་ཡོད་སྟབས་གཞུང་གིས་འདིའི་ཐད་སྔར་ལྷག་གི་ཉེན་ཟོན་བྱེད་བཞིན་ཡོད་ཟེར།

གསང་བའི་ལས་ཁུངས་ཀྱི་སྙན་ཐོ་དེའི་ནང་དུ་བཀོད་དོན། ཀ་ཐུ་མན་གྲུའི་གྲོང་ཁྱེར་གྱི་མཐའ་རུ་ཡོད་པའི་དུང་དཀར་ཆོས་གླིང་དགོན་དུ་བོད་རང་དབང་འཐབ་རྩོད་ཀྱི་ལས་འགུལ་སྤེལ་གྱིན་པ་མ་ཟད། དགོན་པ་དེའི་ནང་ནས་གོ་མཚོན་ཡང་བརྙེད་སོན་བྱུང་བར་བཤད། ད་དུང་ཌག་ཤིན་ཀ་ལེ་ཞེས་པར་ཡོད་པའི་ཕུར་བ་གླིང་དགོན་པར་ནམ་རྒྱུན་བོད་རང་དབང་འཐབ་རྩོད་པ་རྣམས་སྐུང་ནས་བསྡད་ཡོད་ཚུལ་ཡང་བཤད་འདུག་པ་མ་ཟད། དགོན་པ་དེར་དོགས་ཟོན་ནན་མོ་བྱེད་ཀྱིན་ཡོད་ཚུལ་བཤད། དེ་བཞིན་མཆོད་རྟེན་གཡས་གཡོན་གྱི་བོད་མི་ཚོས་ཀོ་པན་དགོན་པ་དང་བསམ་བདེ་གླིང་དགོན་པའི་ནང་དུ་ཆབ་སྲིད་ཀྱི་ལས་འགུལ་སྤེལ་གྱིན་ཡོད་སྐོར་བཀོད་ཡོད་པ་རེད།
བལ་ཡུལ་ནང་བའི་མཐུན་ཚོགས་ཀྱི་སྤྱི་ཁྱབ་དྲུང་ཆེ་དང་ཀོ་པན་དགོན་པའི་འཛིན་སྐྱོང་གནང་མཁན་ཐུབ་བསྟན་འཇིགས་གྲོལ་ལགས་ཀྱིས་བཤད་དོན། ལོ་གསར་སོགས་ཀྱི་སྐབས་སུ་སྲོལ་རྒྱུན་ལྟར་ཉིན་བཞི་ནས་ལྔའི་བར་དུ་དུས་སྟོན་གྱི་མཛད་སྒོ་ཚུགས་སྲོལ་ཡོད་པ་རེད། ཡིན་ཡང་། ད་ལྟའི་བར་དུ་དགོན་པ་དེའི་ནང་ནས་རྒྱ་རྒོལ་གྱི་ལས་འགུལ་འདྲ་སྤེལ་མྱོང་མེད། མི་སྒེར་བ་རྣམས་ཀྱིས་ག་རེ་བྱེད་ཀྱིན་ཡོད་མེད་ནི་བཤད་ཁག་པོ་རེད། སྤྱིར་བལ་ཡུལ་གྱི་ནང་བ་རྣམས་ཀྱིས་རྒྱ་ནག་གཅིག་གི་སྲིད་བྱུས་རྒྱུན་འཛིན་བྱེད་བཞིན་ཡོད་ཅེས་བཤད་འདུག

གསང་བའི་ལས་ཁུངས་ཀྱི་སྙན་ཐོ་དེས་བསྟན་དོན། མཆོད་རྟེན་ཉེ་འཁྲིས་ཀྱི་མཁར་ནང་བཤད་སྒྲུབ་གླིང་དགོན་པའི་ནང་དུ་བོད་རང་དབང་གི་ལས་འགུལ་སྤེལ་གྱིན་ཡོད་ལ། ས་སྐྱ་དགོན་པ་དང་རི་རྒན་བཀྲ་ཤིས་དགོན་པའི་ནང་དུ་དམག་མིའི་གྱོན་ཆས་དང་གྲི། མདུང་ལ་སོགས་གོ་མཚོན་གཞན་པའི་རིགས་ཉར་ཡོད་ཚུལ་ཡང་བཤད་འདུག

ནང་བའི་དགོན་པ་རྣམས་ལ་དོ་དམ་བྱེད་མཁན་ས་གནས་ལས་ཁུངས་ཀྱི་མི་སྣ་ཉི་མ་རྡོ་རྗེ་བླ་མ་ཡིས། དགོན་པ་རྣམས་ཐོག་མར་འཛུགས་བསྐྲུན་བྱེད་སྐབས་གཞན་གྱི་གནོད་པ་འགོག་ཆེད་དུ་གོ་མཚོན་རིགས་དགོན་པའི་རྩིགས་རྨང་གི་འོག་ཏུ་སྦས་སྲོལ་ཡོད་པ་རེད། ཡིན་ཡང་། དགོན་པ་འདི་དག་གི་ནང་དུ་བོད་རང་དབང་གི་ལས་འགུལ་སྤེལ་མཁན་ཡོད་པ་ཡང་དངོས་ཡོད་རེད། ལས་འགུལ་འདི་དག་སྤེལ་ས་ནི་བོད་པའི་བླ་མ་དག་གི་འཛིན་སྐྱོང་འོག་ཡོད་པའི་དགོན་པ་རྣམས་རེད། དགོན་པ་འདི་དག་གི་འཛིན་སྐྱོང་ལ་ནོར་འཁྲུལ་ཤོར་ཡོད་པ་རེད་ཅེས་དང་། ཀ་ཐུ་མན་གྲུར་ཡོད་པའི་དགོན་པ་ ༥༠ ལྷག་ནི་བོད་པའི་བླ་མ་དག་གི་འཛིན་སྐྱོང་འོག་ཡོད་པ་རེད་ཅེས་བཤད་འདུག

ཆབ་སྲིད་ཀྱི་ཚོར་ཤུགས་ཧ་ཅང་རྣོ་བའི་དགོན་པ་རྣམས་ནི། དུང་དཀར་ཆོས་གླིང་དགོན་པ་དང་ཧི་སི་རྣམ་གྲོལ་དགོན་པ། བསམ་བདེ་གླིང་དགོན་པ། མཁར་ནང་བཤད་སྒྲུབ་གླིང་དགོན་པ། འབྲུག་དགོན་པ། ཀོ་པན་དགོན་པ་བཅས་ཡིན་འདུག

གཤམ་གྱི་དགོན་པ་དག་གི་མིང་བོད་ཡིག་ནང་འབྲི་ཤེས་མཁན་ཡོད་ན་འོག་གི་མཆན་འགོད་སའི་ནང་འབྲི་རོགས།

Highly Sensitive Monasteries

: Dongak Choling, Hisinambdo, Sambdeling, Kaning Sedupaling (Seto Gumba), Sechen Monastery (Bhutan Gumba) and Kapan Monastery.


Sensitive Monasteries

: Nenda Tashi Choling, Regan Tashi CHoling, Shakya Thare Gumba, Karma Samtenaling, Kneghon Hodashaling Buddha Bihar, Kedong Thuwanchi Choling Aani, Dhilya Bhathapsang, Yaring, Tharmal Sangam Namgyaling Shakya Dharma Bihar, Nenang, urgen Choleng, Chupsang, Karmapa Thupten Choling (Bishwo Shanti Seto Gumba), Shyangkar, Chewang Gyang Chyub Gacha Naling, Pulahari (Pollari) and Copan Khanchayau Khaling Aani Gumba.



Monasteries that need monitoring: 

Chunghon Knangki Thonsaling Knagi, Lhundup Choling, Knamkha Chunjong, Samya Memorial Buddhist Bihar, Ugheren Ghamling Terma, Aryatara Aani, Pal Gheten Sadme Pema Choling, Karma Samdenling, Yanglasi, Pema Hosaling, Ugren Dorjecholing, Triten Knobumche Bonbo, Dhang Tashi Choling, Bouddha Dhyang Guthi, Mahayana Prakash Paldul Dharmalaya, Ghong Monastry Gumba, Choling Tashi Tamang, Sherpa Sewa Kendra (Sherpa Gumba) and Sangthok Palri Mingma Gumba.