ཉེ་ཆར་རྒྱ་གཞུང་གིས། སྤྲུལ་སྐུ་བསྟན་འཛིན་བདེ་ལེགས་ལ་མཇལ་འཕྲད་དུ་ཕྱིན་པའི་བོད་མི་ཁག་ཅིག་བཀག་ཉར་དང་གཅར་རྡུང་བྱས་འདུག བོད་མི་ཚོས་ང་ཚོ་ངོ་ལོག་རྒྱག་ཏུ་ཡོང་བ་མིན། སྤྲུལ་སྐུ་མཆོག་གློད་གྲོལ་གཏོང་བར་ཞུ་བ་འཐེན་དུ་ཡོང་བ་ཡིན་ཞེས་བཤད་འདུག
དེ་རིང་ཕྱི་དྲོ་འབྲས་སྤུངས་སྒོ་མང་གྲྭ་ཚང་གི་གྲྭ་ཉི་མ་དབང་ཕྱུག་དང་ཚེ་རིང་རྡོ་རྗེ་གཉིས་ཀྱིས་འདི་གའི་གསར་ཁང་ལ་གནས་ཚུལ་མཁོ་སྤྲོད་བྱས་པ་ལྟར་ན། ཕྱི་ཟླ་ ༡༢ པའི་ཚེས་མགོར་སྤྲུལ་སྐུ་བསྟན་འཛིན་བདེ་ལེགས་དང་འབྲེལ་བ་ཡོད་པའི་ཉག་ཆུ་རྫོང་ཁོངས་ཀྱི་ས་གནས་བོད་མི་ ༧ རྒྱ་ནག་ཁྲིན་ཏུའུ་གྲོང་ཁྱེར་གྱི་བཙོན་ཁང་དུ་ཡོད་པའི་སྤྲུལ་སྐུ་བསྟན་འཛིན་བདེ་ལེགས་ལ་མཇལ་འཕྲད་དུ་ཕྱིན་སྐབས། རྒྱ་གཞུང་གིས་མི་དེ་དག་ལ་མཇལ་འཕྲད་ཀྱི་གོ་སྐབས་སྤྲད་མེད་པ་མ་ཟད། ལམ་བར་ནས་འཇུས་ཏེ་བཀག་ཉར་བྱས་འདུག་ལ། ཕྱི་ཚེས་ ༥ ཉིན་ས་གནས་དེའི་བོད་མི་ ༩༠ ལྷག་རྫོང་ཐོག་ཏུ་ཕྱིན་ཏེ་ཐེངས་འདིར་མཇལ་འཕྲད་དུ་ཕྱིན་པའི་བོད་མི་དེ་དག་ནི་སྤྲུལ་སྐུ་བསྟན་འཛིན་བདེ་ལེགས་ལ་བདེ་སྡུག་ཞུ་ཆེད་དུ་སོང་བ་དང་ཁོང་ཚོར་མཇལ་འཕྲད་བྱེད་དུ་འཇུག་དགོས་པ། སྤྲུལ་སྐུ་བསྟན་འཛིན་བདེ་ལེགས་མཆོག་མྱུར་ཏུ་གློད་གྲོལ་གཏོང་དགོས་པའི་འབོད་སྐུལ་ཞུས་ཏེ་མཚན་མོ་དེར་དེ་གར་གནས་སྡོད་བྱས་ཡོད་ཀྱང་། ཕྱི་ཉིན་རྒྱ་གཞུང་གིས་བོད་མི་དེ་དག་འཛིན་བཟུང་བྱས་ཡོད་འདུག་ལ། འབྲེལ་ཡོད་མི་སྣ་ཞིག་གིས་བོད་མི་དེ་དག་འཛིན་བཟུང་གི་ཤུལ་ཏུ་ཁྲག་ཐིགས་ཟག་ཡོད་པ་མ་ཟད། སྦག་སྦག་བཅག་གཏོར་བྱས་ཡོད་ཚུལ་གསལ་བོར་མཐོང་ཡོད་འདུག འཛིན་བཟུང་བྱས་པའི་བོད་མི་དེ་དག་ནི། མགོ་ལོག་རྒ་བ་བློ་དོན་དང་ལྷ་མོ་དོན་སྡེ། རྒྱ་མེས་ཨ་ཤར། རག་ཤུལ་ངག་སྡེས། རྒྱལ་འཕྲིན། འབྲུག་རྒྱ་ཐར། ལུག་རྫི་ཨ་བྷི། རྡོ་རྗེ་མཁས་གྲུབ། རྒ་རྗེ་ཨ་ཕྱུག མཁས་པོ་ཚེ་རིང། སྙན་གྲགས། དབང་འགྱུར། ངག་དབང་ཆོས་གྲགས་བཅས་ཡིན་འདུག་ལ། ཁོང་ཚོར་གཅར་རྡུང་བྱས་ཏེ་རྨས་སྐྱོན་ཆབས་ཆེན་ཕོག་ཡོད་ཚུལ་འབྲེལ་ཡོད་མི་སྣས་ཤེས་རྟོགས་བྱུང་ཡོད་པ་རེད།
གཞན། ཚེ་རིང་དོན་འགྲུབ་དང་གདུགས་དཀར་ཚེ་རིང། བཙུན་མ་ཤེས་རབ་སྒྲོལ་མ་བཅས་བཙུན་མ་གསུམ་དང་བུད་མེད་གཅིག་བཅས་ཀྱང་རྔ་པ་བོད་རིགས་རང་སྐྱོང་ཁུལ་བརྒྱུད་དེ་སྤྲུལ་སྐུར་མཇལ་འཕྲད་ཆེད་བསྐྱོད་པར་རྒྱ་གཞུང་གིས་ཁོང་ཚོ་བཀག་ཉར་བྱས་ཡོད་སྟབས། ཉེ་ཆར་ནས་བཟུང་ཉག་ཆུ་རྫོང་ཐང་དཀར་མ་ས་གནས་ནས་མི་དམངས་ ༣༠༠ ལྷག་ཞང་སྲིད་གཞུང་གི་སྒོ་འགྲམ་དུ་ཕྱིན་ཏེ་སྤྲུལ་སྐུ་མཆོག་གློད་གྲོལ་གཏོང་དགོས་པའི་འབོད་སྐུལ་ཞུས་ཏེ་ཉིན་ ༣ འགྲོ་གི་ཡོད་འདུག་ལ། དེ་བཞིན་ཡུལ་དེའི་མགོ་ལོག་སྟོད་སྨད་བར་གསུམ་དང་ཉ་ཐ་ངོ་ས་གནས། འཇའ་སྐོར་རྡུང། མ་ར་ཚོ། ཚེ་མགོན་མ། སྐེ་ཆུ་ཁ། དེ་ཚ་བཅས་ས་གནས་མང་པོའི་མི་དམངས་འབོད་སྐུལ་ཞུ་སར་འགྲོ་གིན་ཡོད་པ་རེད། དེ་ལྟར་ནའང་། རྒྱ་གཞུང་གིས་ད་ལྟའི་ཆར་ས་གནས་གང་སར་དྲག་དམག་གིས་དཔུང་ངོམ་སྟེ། དམ་དྲག་ཤུགས་ཆེར་བྱེད་ཀྱིན་ཡོད་པ་མ་ཟད། རྒྱ་གཞུང་གིས་ལས་འགུལ་བ་ཚོར་ཁྱེད་ཚོས་ལས་འགུལ་མཚམས་འཇོག་བྱས་ཏེ་རང་སར་སོང་ན་ཡག་གི་རེད། དེ་མིན་རྗེས་སོར་འགྱོད་པ་སྐྱེས་གཞི་ཆགས་ཀྱི་རེད་ཅེས་བོད་མི་ཚོར་འཇིགས་སྐུལ་གཏོང་བཞིན་ཡོད་ཀྱང་། བོད་མི་ཚོས་ལག་གཉིས་ཐལ་མོ་སྦྱར་ཏེ་ང་ཚོས་ངོ་ལོག་བརྒྱབས་པ་མིན་པར་སྤྲུལ་སྐུ་གློད་གྲོལ་ལ་རེ་སྐུལ་ཞུ་གིན་ཡོད་ཅེས་འགྲེལ་བརྗོད་གནང་གི་ཡོད་ཀྱང་། ད་ལྟའི་ཆར་མཇུག་འབྲས་ཅི་བྱུང་གི་གནས་ཚུལ་གསལ་བོ་མི་འདུག་ཟེར།
ག་ས་ག་ནས་བོད་མི་ཡོད་དོ་ཅོག་གིས་ལྟད་མོ་བལྟས་ནས་བསྡད་པ་མིན་པར་ལས་འགུལ་ལ་མཉམ་ཞུགས་མ་ཐུབ་ཀྱང་མ་མཐར་ཡང་གདུང་སེམས་མཉམ་སྐྱེད་བྱེད་རྒྱུར་འབོད་སྐུལ་ཞུ་རྒྱུ་དང་། ས་གནས་རང་ན་ཡོད་པའིབོད་མིར་འབྲེལ་གཏུགས་བྱེད་ཐུབ་མཁན་ཚོས་སྐུལ་སློང་བྱས་ཏེ། རྒྱ་མིས་གདུག་རྩུབ་ཀྱི་བྱ་སྤྱོད་སྤེལ་བཞིན་པ་དག་པར་དང་། ཡང་ན་བརྙན་པར་དུ་བླངས་ནས་ཕྱི་ཕྱོགས་སུ་གཏོང་ཐབས་བྱེད་པར་དྲན་སྐུལ་བྱེད་ཐུབ་དགོས་ཤིང་། ཕྱི་ལོགས་སུ་ཡོད་པ་ཚོས་ཀྱང་དངོས་དཔང་དེ་དག་རྒྱ་ནག་ནང་ལོགས་ཀྱི་རྒྱ་རིགས་ཚོར་ངོ་སྤྲོད་དང་འགྲེལ་བཤད་བྱས་ནས་རྒྱ་རིགས་སྤྱི་དང་ལྷག་པར་རྒྱ་ནག་ནང་ལོགས་ཀྱི་རྒྱ་རིགས་ཚོར་གཞུང་གི་བྱེད་སྟངས་ངན་པའི་གདོང་རིས་གསལ་སྟོན་བྱེད་ཐུབ་ན་རང་གཞན་མཉམ་རུབ་ཀྱིས་རྒྱ་ནག་གུང་ཁྲན་ཏང་གི་ལོག་སྤྱོད་ལ་ཚོད་འཛིན་གང་འཚམ་བྱེད་ཐུབ་པར་སྙམ།
སེམས་པ་སྐྱོ་བའི་གླུ་འདི་ལེན་འདོད་ཀྱང་།།
གོ་བའི་མི་ཞིག་ས་སྟེང་འདི་རུ་མེད།།
རང་གི་དམིགས་ཡུལ་འདི་དག་སྒྲུབ་འདོད་ཀྱང་།།
མི་སྲོག་གཅིག་ལ་རིན་ཐང་མི་འདུག་གོ།
དེ་རིང་གི་ཉིན་མོ་འདི་མངོན་ནས་ཡིད་སྐྱོ་དགོས་པ་ཞིག་རེད་ལ། སེམས་ཤུགས་བསྐྱེད་དགོས་པ་ཞིག་ཀྱང་རེད། གང་ཡིན་ཟེར་ན།
དེང་སྐབས་མདོ་ཁམས་ལི་ཐང་འོ་ཐོག་སོགས་ཕྱོགས་གང་སར་ནས་བོད་མི་སྟོང་ཕྲག་དུ་མར་འདུས་འཛོམས་ཐོག་ནས་རྒྱ་མར་ཀླ་ཀློས་གདུག་རྩུབ་གྱི་འོག་ལུས་སྲོག་ལ་མི་འཛེམ་པར་མཆོག་སྤྲུལ་བསྟན་འཛིན་བདེ་ལེགས་མཆོག་ཀློད་གྲོལ་དགོས་ཞེས་ཞི་བའི་ཐོག་ངོ་རྒོལ་བྱེད་ནས་ཉིན་གྲངས་དུ་མའི་རིང་ཟས་ཀྱང་མི་བཟའ་བར་འགྲོ་བཞིན་ཡོད་པ་དེ་ལ་གདོང་སེམས་ཉམ་བསྐྱེད་ཡོད་ལ་སྔགས་བརྗོད་ཡང་ཡོད།
དཀོན་མཆོག་གི་མཁྱེན། མ་གཞི་ནས་དཀོན་མཆོག་ཁྱེད་རང་གི་མཁྱེན་གྱིན་ཡོད་དམ། དོན་དངོས་ཐོག་དཀོན་མཆོག་ཁྱོད་རང་ཡོད་ས་མ་རེད། དཀོན་མཆོག་གིས་ང་མགོ་བསྐོར་གཏོང་གིན་འདུག ངའི་གློ་སྙིང་འདར་གྱིན་འདར་གྱིན་ང་ཡང་ངུ་གིན་ཡོད། དཀོན་མཆོག་གསུམ་ངུ་གིན་ཡོད། ད་བྱུང་ན་འདྲ་མ་བྱུང་ན་འདྲ་ང་ཚོས་ཞི་དྲག་གཉིས་ཟུང་དུ་འབྲེལ་ནི་ཡར་ལངས་རན་འདུག ངའི་སྤུན་ཟླ་ཚོར་དེ་འདྲའི་ཚོད་མེད་རྡུང་རྡེག་ཤ་སྟག་གཏོང་དང་བཏང་དགོས་པ་ཅི་ཡིན་ནམ། ལུང་པ་མི་འདྲ་བ་དང་རྒྱལ་ཁབ་མི་འདྲ་བར་ཡོད་པའི་བོད་རིགས་ཡོད་དོ་ཅོག་རྣམས་རྡོག་རྩ་གཅིག་ཏུ་སྒྲིལ་ནས་ཡིད་གདུང་བའི་སྡུག་སྐད་རྒྱག་རོགས། འུ་ཐུག་པའི་སྨྲེ་སྔགས་སྒྲོག་རོགས།
དེ་རིང་གི་གསར་འགྱུར་འདི་ཀློག་དུས་་མིག་ཆུ་ལ་རང་དབང་མི་འདུག་བོད་ལ་ཡོད་པའིཤ་ཕྲག་གཅིག་པའི་བོད་རིགས་རྣམས་ཀྱི་ཚེ་སྲོག་སྐྱབས་མ་ཐུབ་པ་བློ་ཕམ་ཆེན་པོ་ཡོད།
རྟའུ་ཉི་མ་གྲགས་པ་མཆོག་གིས་ང་ཚོར་བཞག་པའི་ཁས་ཆེན་དེ་སུད་སི་བོད་རིགས་མི་དམངས་ཀྱིས་ཕྱི་ཟླ༡༢ཚེས་༡༠ཉིན་འགྲོ་བ་མིའི་ཐོབ་ཐང་ཉིན་མོར་འཛམ་གླིང་མཉམ་འབྲེལ་རྒྱལ་ཚོགས་ཀྱི་ལས་ཁུངས་ཡོད་སར་རྗི་ནེས་ཝ་གྲོང་ཁྱེར་ནང་དུ་སྡུག་སྐད་འབོད་སྐབས་སུ་ང་ཅོ་རིས་སྡུག་འབོད་བྱ་རྒྱུ་ཡིན།
བོད་ལ་ཡོད་པའི་བོད་རིགས་སྤུན་ཟླ་རྣམས་ཀྱི་ཚེ་སྲོག་སྐྱབས་མ་ཐུབ་པ་དེར་ང་ཅོ་རིས་དགོངས་དག་ཞུ་རྒྱུ་དང་མ་འོང་ཚེ་སྲོག་ལ་བདག་གཅེས་གནང་རོགས་ཞེས་རེ་བ་ཞུ་རྒྱུ་ཡིན།
སྐྱིད་སྡུག་མཉམ་མྱོང་གིས་རྒྱལ་ཁ་ཐོབ་པ་ཤོག
སྡོམ་རྩ་གཅིག་སྒྲིལ་གྱིས་ནུབ་པ་ཐོན་པ་ཤོག
ད་ཡང་། བོད་མི་བརྒྱ་ཕྲག་ཁ་ཤས། རྒྱ་ནག་གི་བཤས་རྭར་ཚུད་འདུག་ཤ་ཚ། མིག་བཙུམ་སྟེ་བོད་མི་ཁ་ཤས་ཕྱི་མའི་ལམ་དུ་བཏང་གི་རེད། གཟབ་ཙམ་གནང་རོགས་ཞུ། རྒྱ་ནག་ནི་འཛམ་གླིང་གི་སྟེང་དུ་གདུག་རྩུབ་ཅན་གྱི་རྒྱལ་ཁབ་ཆེས་སྡུག་ཤོས་དེ་རེད་དོ།།
ཉམ་ཆུང་བོད་མི་རྣམས་ཀྱི་སྐྱིད་སྡུག་དེར།
སྐུ་ངོ་རྒྱུ་ངོམས་ཅན་ཚོས་ཨེ་མཐོང་ལགས།
ཉམ་ཆུང་བོད་མི་རྣམས་ཀྱི་ཚེ་སྲོག་དེར།
བླ་སྤྲུལ་སྙིང་རྗེ་ཅན་ཚོས་ཨེ་མཐོང་ལགས།
རྒྱ་རིགས་སྤུན་ཟླ་བརྩེ་བའི་ཏྭ་ལ་ལགས།
བོད་མི་ཉམ་ཆུང་བརྩེ་སེམས་ཨེ་ཡོད་ལགས།
རྒྱ་མི་མནའ་མ་ལེན་རྒྱ་ལོ་ལགས།
ཉམ་ཆུང་བོད་མི་ཚེ་སྲོག་ཨེ་མཐོང་ལགས