ཟླ་འདིའི་ཚེས་ ༦ ཡས་མས་སུ་རྒྱ་གཞུང་གིས་རྔ་བ་སྒོ་མང་དགོན་པའི་ཨ་ལགས་འཇམ་དབྱངས་ཆོས་གྲགས་ལགས་འཛིན་བཟུང་བྱས་ཡོད་འདུག
ལོ་སྔོན་མའི་ཕྱི་ཟླ་ ༣ པ་ནས་བཟུང་། རྒྱ་གཞུང་གིས་ཨ་ལགས་འཇམ་དབྱངས་ཆོས་གྲགས་ལགས་འཛིན་བཟུང་བྱ་རྒྱུའི་བཀའ་རྒྱ་དང་བསྒྲགས་གཏམ་མང་བོ་སྤེལ་ཡོད་པར་མ་ཟད། ཁོང་རྩིས་སྤྲོད་བྱེད་མཁན་ཡོད་ན་རྔན་པ་སྤྲོད་རྒྱུ་ཡིན་ལུགས་སོགས་ཀྱི་གསལ་བསྒྲགས་ཀྱང་མང་བོ་བཀྲམས་ཡོད་འདུག
ཡིན་ནའང་། ཨ་ལགས་འཇམ་དབྱངས་ཆོས་གྲགས་ལགས་རྒྱ་གཞུང་གིས་ཉེས་མེད་ཁྲིམས་ཆད་དེར་གཡོལ་ཆེད་ལོ་སྔོན་མའི་གསུམ་པའི་འོས་ལངས་ཆེན་མོ་ནས་བཟུང་རི་སྒང་དང་ནགས་ཚལ་སོགས་སུ་གསང་ཉུལ་བྱས་ཏེ། ཕྱི་ཕྱོགས་སུ་འབྲོ་ཨེ་ཐུབ་ལ་ཐབས་ཤེས་མང་བོ་བྱས་ནས་བསྡད་ཀྱང་། རྒྱ་གཞུང་གིས་དམ་དྲག་འོག་ནས་ཐར་མ་ཐུབ་པར་བརྟེན། ཟླ་འདིའི་ཚེས་ ༦ ཡས་མས་སུ་ཁོང་རྔ་བ་རྫོང་ཉེན་རྟོག་ཁང་དུ་ཕྱིན་ནས་ཉེས་པ་ངོས་ལེན་བྱས་ཀྱང་། རྒྱ་གཞུང་གིས་ཁོང་ཐར་བར་མ་བཏང་བར་བཀག་ཉར་བྱས་ཡོད་འདུག
བོད་ནང་ནས་གནས་ཚུལ་མཁོ་སྤྲོད་པས་བརྗོད་པ་ལྟར་ན། ཨ་ལགས་འཇམ་དབྱངས་ཆོས་གྲགས་ལགས་ཉེ་ལམ་ཚེས་ ༦ ཡས་མས་སུ་རྔ་བ་རྫོང་ཉེན་རྟོག་ཁང་དུ་ཕེབས་ནས་ཉེས་པ་ངོས་ལེན་བྱས་ཡོད་ཀྱང་། རྒྱ་གཞུང་གིས་ཁོང་ཐར་བར་མ་བཏང་བར་ད་སྐབས་རྔ་བ་ཁུལ་གྱི་ཁྲིམས་ཁང་ནང་ཁྲིད་ཡོད་པ་དང་། ཁོང་ལ་གཉེན་ཉེ་དང་ནང་མི་སོགས་མི་གཅིག་ཀྱང་ཐུག་འཕྲད་བྱེད་དུ་མི་འཇུག་པར་མ་ཟད། རྔ་བ་ཁུལ་གྱི་ཁྲིམས་ཁང་གིས་རིང་མིན་ཁྲིམས་ཐག་གཅོད་རྒྱུ་ཡིན་ལུགས་ཀྱང་བརྗོད་ཡོད་འདུག
ཨ་ལགས་འཇམ་དབྱངས་ཆོས་གྲགས་ལགས་རྒྱ་གཞུང་གིས་འཛིན་བཟུང་བྱེད་རྐྱེན་གཙོ་བོ་ནི། ལོ་སྔོན་མར་རྔ་བ་ཁུལ་སྒོ་མང་དགོན་པའི་ནང་གྲྭ་མང་གིས་རྒྱ་གཞུང་ལ་ངོ་རྒོལ་བྱས་པ་དེའི་མགོ་ཁྲིད་མཁན་ཁོང་ཡིན་པ་དང་། སྐབས་དེར་དྲག་ཆས་ཉེན་རྟོག་པ་ཡོང་ནས་ཁོང་གི་གྲྭ་ཤག་ནང་སྔོག་བཤེར་བྱེད་སྐབས། ཨ་ལགས་འཇམ་དབྱངས་ཆོས་གྲགས་ལགས་རྒྱ་གར་དུ་ཕེབས་ནས་༧གོང་ས་མཆོག་དང་མཉམ་དུ་སྐུ་པར་ཞིག་སྐྱོན་ཡོད་པ་དེའི་ནག་ཉེས་འོག་འཛིན་བཟུང་བྱས་པ་ཞིག་ཡིན་འདུག
ཨ་ལགས་འཇམ་དབྱངས་ཆོས་གྲགས་ལགས་ད་ལྟ་དགུང་ལོ་ ༢༨ ཡིན་ཞིང་། ཕ་ཡུལ་རྔ་བ་སྒོ་མང་མཐའ་བ་ནས་ཡིན་འདུག ཁོང་ཆུང་དུས་ནས་བཟུང་རྔ་བ་སྒོ་མང་དགོན་དུ་ཞུགས་ནས། ནང་ཆོས་དང་བོད་ཀྱི་ཐ་སྙད་རིག་གནས་སྐོར་ལ་སློབ་གཉེར་བྱས་ཡོད་པར་མ་ཟད། ལོ་འགའི་སྔོན་རྒྱ་གར་དུ་ཕེབས་ནས་༧གོང་ས་མཆོག་ལ་མཇལ་ཁ་ཞུས་རྗེས་ཕྱིར་བོད་དུ་ཕེབས་ཡོད་འདུག
ཞིང་མཆོག་ཐུགས་དམ་གནད་བསྐུལ།
སྔོན་བསྟན་པ་སྔ་དར་དུས་སུ། །
མགོན་ཨོ་རྒྱན་ཆེན་པོས་ཞལ་ནས། །
བོད་རྒྱལ་བློན་རྗེ་འབངས་ཡོངས་ལ། །
དུས་གཏན་དུ་སྐྱོང་ཞེས་གསུངས་པས། །
དེང་སྙིགས་མ་ལྔ་བདོའི་གཤམ་འདིར། །
རྒྱ་དམར་པོས་བོད་ཁམས་འཇོམས་ཤིང་། །
གདོན་དམ་སྲིའི་བསྟན་པ་རྒྱས་པས། །
བདུད་རྒྱལ་འགོངས་སྡེ་བཅས་ཆོམས་ཤིག།
བོད་བསྟན་སྲིད་ཡོངས་ཀྱི་སྤྱི་དགྲ། །
ལྷ་ཕྱག་ན་པདྨོའི་སྐུ་དགྲ། །
དཔལ་ཞྭ་སེར་བསྟན་པའི་སྒོས་དགྲ། །
བདུད་རྒྱལ་འགོངས་སྡེ་བཅས་ཆོམས་ཤིག
མདང་དགོང་མཚན་གུང་བོད་ནང་ནས་ཁ་པར་ཡོང་བ་ལྟར་ན།
ཨ་ལགས་འཇམ་དབྱངས་ད་ལྟ་བར་དུ་སྦས་གསང་བྱས་པའི་མི་རྩད་གཅོད་ཀྱིན་འདུག་ཟེར།
ད་དུང་ཁོང་ལ་ལོ་ག་ཚོད་ཀྱི་ཁྲིམས་ཐག་གཅོད་རྒྱུ་ཡིན་མིན་ཐད་ཁོང་གི་ནང་མི་དང་གཉེན་མི་དགོན་པའི་གྲྭ་བ་ཚང་མ་བློ་འཚབ་སྐྱེས་ཀྱིན་འདུག་ཟེར།
གཞུང་དང་སྒེར་ཚོགས་ཟེར་ནས་ཁག་གཞན་ཞིག་ལ་མ་དཀྲི། འགན་དེ་རང་ཉིད་ལ་ཡང་ཡོད་པས་ངས་ཅི་ཞིག་བསྒྲུབ་ཐུབ་ཀྱི་འདུག་གམ་སྙམ་ནས་དང་པོ་རང་ངོས་བསམ་བློ་གཏོང་རྒྱུ་གལ་མི་ཆེའམ།
གཅིག་ཚབ་གཉིས་ཚབ་གཅིག་གི་བྱེད་ཐུབ་ཀྱི་ཡོད་ན་ནི། སྡུག་པ་ལས་ཅུང་དྲགས་མོད། རེད་དེ། རྒྱའི་སྲིད་གཞུང་གི་བྱེད་སྟངས་ནི་དེ་འདྲ་ཞིག་གཏན་ནས་མ་ཡིན་པར། ཁོང་ཚོས་དགོས་མཁོ་དངོས་དེ་འགྲུབ་དགོས་ཀྱི་ཡོད་པ་ཡིན་དུས། ད་དུང་། འུ་ཅག་བྱེས་པ་དག་གིས་རིག་རྒྱུ་དང་གོ་རྒྱུ་ཇེ་མང་དུ་འགྲོ་ངེས་ཡིན་པ་ལས། ཇེ་ཉུང་དུ་གཏན་ནས་འགྲོ་མི་སྲིད་པ་དེའི་ཕྱོགས་སུ་བྱེས་སུ་ཡོད་པའི་འུ་ཅག་གི་གཞུང་དང་སྒེར་ཚོགས་དེ་དག་གིས་གང་ཞིག་བྱེད་དགོས་མིན་ཐད་དུ་སྐད་ཆ་རེ་གོ་རྒྱུ་མེད་པ་དེ་ནི་དེ་བས་ཀྱང་ཡ་ང་བ་ཞིག་འདུག
སྔར་ལོའི་ཞི་རྒོལ་སྐབས་རྔ་པ་སྒོ་མང་དགོན་པའི་དགེ་འདུན་པ་ཚོའི་སྣེ་འཁྲིད་མཁན་སུ་ཡིན་རུང་། སྐབས་དེར་ངོས་ལེན་བྱེད་མཁན་ནི་གྲྭ་བཀྲ་ཚེ་དང་ཆོས་སྐྱོང་གཉིས་ཡིན་ལ། ད་ནི་ཨ་ལགས་འཇམ་དབྱངས་ཆོས་གྲགས་ཀྱིས་སྐབས་དེའི་མགོ་འཁྲིད་མཁན་ཁོང་ཡིན་པར་ངོས་ལེན་བྱས་ཏེ། ཉེན་རྟོག་ལས་ཁུངས་སུ་ཕྱིན་པར་བརྟེན། དགེ་འདུན་པ་གཞན་པ་གཉིས་གློད་དེ། ཨ་ལགསའཇམ་དབྱངས་ཆོས་གྲགས་འཇུས་པ་ལྟར་སྣང་།
བཙན་བྱོལ་སང་གི་མར་མེ་འཕྲེང་སྐོར་རེ་ཡང་གོ་རྒྱུ་མི་འདུག་་་ཡ་་་།