ང་ཕོད་སྐུ་གྲོངས་སོང་།

ང་ཕོད་འདི་སྙིང་རེ་རྗེ།

དགའ་དུས་མཛུབ་མོ་བཙུགས་ནས་སྐྱོན་བརྗོད་བྱེད།།
སྡུག་དུས་མིག་ཆུ་བཏོན་ནས་ཞུ་བ་བྱེད།།
དགའ་སྐྱོ་འདྲེས་མའི་འོག་གི་མི་ཚེ་མཐར།།
འདོད་དང་མི་འདོད་རང་དབང་མེད་པ་ནི།།
འཆི་བདག་བཙན་པོ་ཟེར་སའི་འབོད་མཁན་ཞིག།
ལོ་ཡི་ཁྱད་པར་མེད་པར་འཁྲིད་དེ་འགྲོ།
དེ་རིང་འུ་ཚང་བོད་ཀྱི་རིགས་རུས་ཅན།།
ང་ཕོད་ཚེ་ལས་འདས་པའི་ཉིན་མོ་ལ།།
བཟང་ན་བཟང་རབས་མང་བོ་ག་ལེར་འོང་།།
ངན་ན་ངན་རབས་གཏམ་རྒྱུད་ག་ལེར་རྟོགས།།
དེ་ལས་ཁོང་གི་སྐུ་ཚེ་རྫོགས་པ་དེར།།
མི་རིགས་གཅིག་པའི་འདུ་ཤེས་ཟབ་མོའི་འོག།
མ་ཎི་རྐང་གཅིག་ཡིན་ཡང་བཏོན་ན་རེད།།
དྲ་ཐོག་འདི་ཡི་སྤུན་ཟླ་རྣམ་པ་ཚོ།།
རིགས་ཞེན་ཆེ་བ་སེམས་ཀྱི་དགའ་བཞིན་ཡོད།།
ཞིབ་དཔྱོད་ནན་ཏན་མེད་པ་སྐྱོ་གནས་ཡོད།།
གང་ལྟར་འདས་པོ་འདི་ཡི་རྣམ་ཤེས་དེ།།
ད་ལྟ་གར་འགྲོ་གར་འདུག་གནས་མེད་པར།།
འཛམ་གླིང་མི་ཡུལ་གྲལ་དུ་འཁྱམ་ཡོད་དུས།།
ཚང་མས་ཡག་ཉེས་གླེང་རྒྱུར་རེ་ཞིག་བཞོག།
འདི་ནི་བདག་གི་སེམས་ཀྱི་རེ་སྐུལ་ཡིན།།
སྤུན་ཟླ་རེ་ཟུང་ཁྲོ་ན་འཐོལ་ལོ་གཤེགས།།
སྡུག་དམོད་བྱེད་རྩིས་ཡོད་ན་རྗེས་སུ་བྱོས།།
བཟང་བསྟོད་བྱེད་འདོད་ཡོད་ན་ང་མི་མཁོ།།
ཡོད་ཚད་བོད་ཀྱི་མི་ལོ་བརྒྱ་ལོན་པའི།།
ང་ཕོད་འདས་པོ་དེ་ཉིད་སྙིང་རེ་རྗེ།།

ག་རེ་ག་རེ།ངས་མགོ་ཞེ་དྲག་མ་ཚེས་ཐལ།གསེར་རྟ་ཚུལ་ཁྲིམས་འོད་ཟེར་གྱིས་ལུང་འདྲ་ཞིག་འཁུར་འོང་ནས་ཨུ་ཚུགས་རྒྱག་སྟངས་འདི་ག་རེ་རེད།དགེ་བཤེས་བསྟན་བཀྲས་བཤད་པ་བཞིན་འདི་ལ་ཁུངས་མེད་པར་ང་ཕོད་རེད་ཟེར་ན་ཅི་རེད།ཨོ་ན་དེ་ཁྱོད་ལ་ཟེར་བ་རེད་ཅེས་ན་ཁྱོད་ཀྱིས་མིན་པའི་རྟགས་ཅི་ཞིག་ཡོད།དེ་འདྲ་མ་གནང་།བོད་མི་མང་གི་སྤྱི་འཐུས་ཤིག་ཡིན་པའི་ཁུལ་རེད་པཱ།

ཁ་ཤས་ཀྱིས་ཡག་རབས་དང་ཁ་ཤས་ཀྱིས་སྡུག་རབས་བཤད་ཀྱང་།གཙོ་བོ་དངོས་ཡོད་ཀྱི་ལོ་རྒྱུས་ལ་བསྟུན་དགོས་པ་རེད།གལ་སྲིད་ང་ཕོད་ཟེར་རྒྱུའི་མི་ཞིག་བོད་ལ་མ་སྐྱེས་པ་ཡིན་ན།ཨོ་ན་བོད་རང་བཙན་མི་ཤོར་བ་ཨེ་རེད།

བོད་རང་བཙན་ང་ཕོད་ཀྱིས་བཙོང་བ་རེད་ཟེར་ན།ང་ཚོས་ད་བར་དུ་མེ་མདའི་ཁ་ནས་བཞག་པར་སྒྲོག་པ་དེ་ལ་རང་བཞིན་གྱིས་འཁོར་གསུམ་ཞིག་འཁོར་བ་མ་རེད་དམ།

མདོ་དོན་ང་ཕོད་ཟེར་བའི་མི་རྒན་འདི་བཟང་རུང་ངན་རུང་བོད་གསར་རྙིང་དང་ཕྱི་ནང་གཉིས་ལ་རྒྱུས་མངའ་ཡོད་མཁན་དང་།བོད་ཤོར་སྐབས་ཀྱི་གནད་ཡོད་མི་སྣ་ཞིག་ཡིན་སྟབས།ཁོང་ནི་ལོ་རྒྱུས་ཀྱི་གླེགས་བམ་མེད་པ་ཆགས་པར་ངོས་འཛིན་བྱེད་ཆོག་པར་འདོད།ཁོང་འཇིག་རྟེན་དཀར་ངོགས་ན་ཡོད་དུས་ཁ་ནས་ཅི་ཞིག་ཐོན་ཡོད་མེད་ད་དུང་ང་ཚོར་རྒྱུས་མེད་ཡིན་ཨང་།

ང་ཚོས་ང་ཕོད་ལ་ལོས་བདའ་བྱས་པ་དང་དམའ་འབེབས་བྱས་པ་ནི་དོན་དུ་རང་ཉིད་ལ་དམའ་འབེབས་བྱེད་ཀྱིན་པ་དེའོ།།འདི་ལ་རྒྱུ་མཚན་ཡོད་དེ།ཁོང་གིས་མི་ལོ་ལྔ་བཅུའི་རིང་ལ་དགྱ་ནག་ལ་ཁ་གཡར་ནས་བོད་རང་གི་རིག་གཞུང་དང་ཆོས་ལུགས་ལ་བྱས་རྗེས་བཞག་ཡོད་པར་འདོད།སྔར་ཁོང་ཉིད་དགྱ་ནག་དབུས་ཆོས་དོན་གྱི་ཚོགས་གཙོ་ཡིན་དུས་ཇི་ལྟར་གཡུགས་ཚུལ་དང་ལྷག་པར་དུ་ཁ་ཆེའི་ཆོས་དཔོན་ཆོས་ཁོང་ལ་བསམ་འཆར་ཅི་ཞིག་ཕུལ་བའི་སྐོར་ཡོངས་གྲགས་ལྟ་བུ་ཞིག་ཡིན་ཨང་།

གང་ལྟར་ཁོས་དགྱ་ནག་ལ་ཁ་ཡག་ངོ་བསྟོད་ཙམ་བྱས་ཡོད་སྲིད།དེ་ཙམ་ནི་ང་ཚོའི་བློ་ངོར་མི་ཤོང་བ་ཅི་ཞིག་ཡོད།ཁོང་སྐུ་གྲོངས་པའི་སྐོར་ཙམ་ཐོས་མ་ཐག་ང་ཚོའི་ཅོལ་ཆུང་བ་ཁ་ཤད་རྡོ་ཚ་བོའི་སྟེང་གི་གྲོག་མར་གྱུར་བ་ནི་དངོས་གནས་ངོ་ཚ་དགོས་པ་རང་རེད།

གལ་སྲིད་ཁྱོད་ཚོས་ཁོང་གིས་༨༩ལོའི་དགྱ་གཞུང་གི་དཔོན་ངན་ཚོར་བོད་མི་རིགས་དང་ལྷག་དོན་བཙན་བྱོལ་གཞུང་གི་ཆེད་དུ་ཕུལ་སྙན་ཞུ་དེར་ཐེངས་གཅིག་ལྟོས་དང་།དེས་ཁྱོད་ཚོར་ཁོང་གི་སེམས་ཁོང་གི་ན་ཟུག་གསོན་པོ་མཐོང་དུ་འཇུག་ངེས།

དེ་མིན་ང་ཕོད་ཀྱི་མཛད་རྗེས་ཤེས་འདོད་ན་ཆུང་ཚེ་རིང་གི་《བོད་མི་མང་སྒྲོག་བྱེད་ཀྱི་ལྕགས་སྒྲོག》ཅེས་པའི་ཆེད་རྩོམ་ལ་ལྟོས་དང་ཧ་གོ་ངེས།

ཨ་གསར་ཅན་གྱི་གསར་བུ་ཚོ།གཞན་གྱི་མདུན་ནས་ངོ་ཚ་ཉོ་བཞིན་པ་ཤེས་ན་ལེགས།ཁ་སང་དགྱ་ནག་རྒྱལ་ཡོངས་ལ་ཁོང་སྐུ་གཤེགས་ཚུལ་སྒྲོགས་ཙམ་མ་གཏོགས་འདས་མཆོད་ཇི་ལྟར་བྱེད་ཀྱིན་ཡོད་མེད་དེར་བསམ་བློ་ཞིག་ཐོངས་དང་།གཞན་དཔོན་ཕྲན་ཐེབས་ཆག་ཅིག་ལ་དགྱ་གཞུང་ཅི་ལྟར་བྱེད་ཀྱིན་འདུགདེ་ནི་དགྱ་ནག་ཁོ་རང་ཚང་གི་ཁོག་གི་སྐྲན་ཞིག་ཡིན་པ་གསལ་བོ་ཡིན་མ་ཡིན་ནམ།

རང་དགར་མི་ལ་དམའ་འབེབས་པ་ནི་ཧ་ཅང་གི་ཅོལ་ཆུང་ངོ་།།

དྲ་གྲོགས་ཚོ། ང་ཕོད་ཤི་ཚར་སོང་། ཚེ་བརྟན་སྒྲོལ་མས་མྱ་ངན་གྱིས་གླུ་གཞས་ཤིག་འབུལ་རྒྱུ་རེད་ཟེར།

དྲ་གྲོགས་བསེ་རུ་ལགས། གོང་གི་གསར་འགྱུར་དེ་སྔར་ནུབ་ཆུ་ཚོད་ ༨ དང་སྐར་མ་ ༢༥ སྟེངས་སྤེལ་བ་ཡིན། སྐབས་དེར་དྲ་རྒྱ་དོ་དམ་པ་ང་གཅིག་པུ་ཡིན། ངས་མུ་མཐུད་ལས་ཀ་བྱས་ཏེ་མདང་ནུབ་ཆུ་ཚོད་ ༣ དང་ཕྱེད་ཀའི་བར་བསྡད་པ་ཡིན། དེའི་བར་དུ་གསར་འགྱུར་དེ་ཀློག་གྲངས་ ༣༠༠ དང་མཆན་བུ་ ༤༠ ཙམ་ལ་སླེབས་སོང་མོད། སྐུ་ཉིད་ཀྱི་མཆན་བུ་ཞིག་མཐོང་མ་སོང་། མདང་ནུབ་འཕྱི་དྲགས་པའི་རྐྱེན་གྱིས་དེ་རིང་ཞོགས་པ་ལས་ཁུངས་སུ་བཅར་སྐབས་ཆུ་ཚོད་ ༡༠ དང་ཕྱེད་ཀ་རེད། སྐབས་དེར་ཀློག་གྲངས་ ༡༤༡༩ དང་། མཆན་བུ་ ༨༠ ལ་སླེབས་འདུག སྔར་ནུབ་ཆུ་ཚོད་ ༩ ནས་ད་ལྟའི་ཆུ་ཚོད་ ༡༢ བར་དུ་མཆན་བུ་གཅིག་ཀྱང་གསུབ་རྒྱུ་མ་བྱུང་། ཡང་གཅིག་བཤད་ན། དྲ་ཚིགས་སུ་ནང་འཛུལ་བྱས་ཏེ། སྡོད་ཡུན་རིང་དྲགས་ན་རང་འགུལ་གྱིས་ཕྱིར་འཕུད་བྱེད་སྟབས། ཉིད་ཀྱིས་མཆན་བུ་ཡར་སྤྲོད་བྱས་པ་འཐུས་ཚང་མ་ཆགས་པ་མིན་ནམ་སྙམ།

བོད་སྡེ་བ་གཞུང་རྒྱ་མི་གུང་ཁྲན་ལ་རྩིས་སྤྲད་པའི་ནག་ཉེས་ང་ཕོད་གཅིག་པོ་མ་རེད། སྐབས་དེའི་སྡེ་བ་གཞུང་གི་སྐུ་དྲག་ཚོ་རེད། དོན་ཚན་བཅུ་བདུན་ཅན་ཡང་སྐབས་དེའི་བོད་གཞུང་གིས་མ་འཇོན་པ་རེད་མ་གཏོགས་ང་ཕོད་གཅིག་པོ་བདུད་རྒན་རེད་དང་ཡང་ན་རྒྱུག་ཁྱི་རེད་ཟེར་ན་ལོ་རྒྱུལ་འཁྱོག་བཤད་ཁོ་ན་རེད། ང་ཕོད་རྒྱལ་ཚོང་བ་དང་རྒྱུག་ཁྱི་ཡིན་ན་སྐབས་དེའི་སྐུ་དྲག་ཚང་མ་རྒྱལ་ཚོང་བ་དང་རྒྱུག་ཁྱི་རེད་འདོད་བྱུང་།

དང་ཐོག་ངས་གནས་ཚུལ་འདི་ཐོས་མ་ཐག་སྐྱོ་གདུང་གི་མིག་ཆུ་མ་འབབ་ཀྱང་
དམིགས་གསལ་གྱི་ཚོར་བ་རྣོ་མོ་ཞིག་གིས་མ་བདེ་བར་བྱས་སོང་།
དེ་ནི་བོད་མི་རྒན་པ་ཞིག་གྲོངས་སོང་པས་ཡིན་པ་འདྲ།
ད་ལྟ་ངས་བསྟོད་སྨད་ཀྱི་སྐད་ཆ་གང་ཡང་བཤད་ཀྱིས་མིན་ལ་
གང་གི་བསམ་འཆར་བ་ཡོངས་ལ་རྒྱབ་སྐྱོབ་དང་ངོ་རྒོལ་གཉིས་ཀ་གང་ཡང་བྱེད་ཀྱི་མིན་

དྲ་གྲོགས་གཡག་སྡོམ་ལགས། ངེད་གཉིས་དབར་ལ་ར་འཕྲོད་རྒྱུ་ མེད་པ་འདི་ཁྱེད་ནས་རྦད་དེ་ཕྱོགས་ཞེན་གྱི་བསམ་བློ་བཏང་སྟེ་དགག་པ་རྒྱག་ཀྱང་བྱས་པ་དེ་ལས་བྱུང་བ་ རེད། ཁྱེད་ནས་གཡག་ཞར་བས་རྩ་ཟ་བ་ལྟར་གྱི་བྱེད་སྟངས་དེ་ཚོ་དོར་དགོས་ཀྱི་འདུག ང་ཕོད་དཔའ་བོ་བརྩི་དགོས་བཤད་མཁན་སུ་ཡང་མི་འདུག གང་ལྟར་དྲང་པོ་དང་བདེན་པའི་སྐད་ཆ་བཤད་སྟེ་ང་ པོད་ལ་ཡོད་པའི་བཟང་དགེ་སྐྱོན་ཆ་ཚང་མ་མཐོང་དགོས་ཀྱི་འདུག བཟང་ངན་ཕྱེ་ཤེས་ཀྱི་ཡོད་ན་ལས་རྒྱུ་འབྲས་ཀྱང་ཁས་བླངས་དགོས་ཀྱི་འདུག མི་ཞིག་གིས་ནོར་འཁྲུལ་ཤོར་ཡོད་ཚེ་ནོར་འཁྲུལ་དེ་དག་ལ་སྐྱོན་བརྗོད་དང་དགེ་མཚན་དེ་དག་བགྲང་དགོས་པ་ལས། བོད་མ་ིརིགས་དེ་ཁྱེད་ལྟ་བུ་ཚང་མ་ཕྱོགས་གཅིག་མ་གཏོགས་མ་མཐོང་མཁན་ཞིག་ཡིན་ཚེ་ཏན་ཏན་བཟང་ངན་མ་ཤེས་པའི་བླུན་པོ་འབའ་ཞིག་ཏུ་བརྩི་སྲིད་པ་རེད། སྔོན་གཤེགས་དཔའ་བོ་ཚོའི་རྣམ་ཤེས་ཀྱིས་ནམ་ཡིན་ཡང་བྱ་བ་དངོས་སུ་ལག་ལེན་བསྟར་ཏེ་ལས་དོན་གྲུབ་མཁན་ཞིག་ལ་རེ་བ་བྱེད་སྲིད་པ་ལས། ཁ་མཁས་པོས་གཞན་ལ་ཟུར་ཟ་ཁོ་ན་བྱས་ཏེ་རང་ཉིད་བགྲོད་པ་བགྲང་ཙམ་འཚོ་སྡོད་བྱེད་མཁན་དེ་ཚོ་མཐོང་དུས་ཁོང་ཚོས་སེམས་གཏིང་ནས་སྨྲེ་ངག་དང་ཡིད་སྐྱོ་སྲིད་པ་རེད། དེ་འདྲ་སོང་ཙང་སྔོན་གཤེགས་དཔའ་བོ་དེ་ཚོ་བཟང་ངན་དབྱེ་འབྱེད་ཤེས་མཁན་ཤ་སྟག་ཡིིན་སྟབས་ཁོང་ཚོས་གནས་ཚུལ་དངོས་ལ་ཞིབ་འཇུག་བྱས་རྗེས་བརྡ་ལན་བྱ་སྲིད་པ་རེད༎

དྲ་གྲོགས་བདེ་བ་ཅན་ལགས། མི་སྤྲོ་ལང་ཡོད་དུས་གསལ་བཤད་བྱས་པས་གོ་རྒྱུ་ཡོད་ནི་མ་རེད། དྲ་གྲོགས་གཡག་ལྡོམ་ལགས་ཚོད་ཚོད་ལ་ངར་བཞིན་པ་མ་གཏོགས་བསམ་བློ་གཞན་གཏོང་གིན་མི་འདུག་གཱ།
གསེར་རྟ་ཚུལ་ཁྲིམས་ལ་ཁ་ཆེའི་ཨ་ལ་ལྟ་བུའི་ལུང་བསྟན་འདི་མོ་འདི་བཤད་རྒྱུ་མང་ནི་རེད། ༸གོང་ས་མཆོག་གི་དབུ་མའི་ལམ་དེ་ཡང་སློབ་དཔོན་པད་མའི་ལུང་བསྟན་ཡིན་ཚུལ་ལ་སོགས་མང་ནི་རེད། ཀརྨ་པའི་གསུང་དེ་ཡང་ང་ཕོད་ཡིན་ལ་གཅིག་སྒྲུབས་དང་།
གནད་ཀྱི་དོན་པོ་བཤད་སྐབས་རང་གི་ཚོར་བའི་དབང་དུ་སོང་བ་ཡིན་ན་མ་རིག་རྨོངས་པས་སྒྲིབ་ཅེས་པ་དེ་རེད།
ད་ཅང་བཤད་ན་མི་འདོད་ཀི

ཡ་ཡ། དྲ་གྲོགས་ཚོ། ལ་ལས་ཆེས་དམའ་འབེབས་པ་དང་། རེ་འགས་ཆེས་བསྟོད་པ་གཉིས། ང་ཕོད་ངག་དབང་འཇིགས་མེད་ཀྱི་མི་ཚེའི་ལོ་རྒྱུས་ནང་བྱུང་ཡོད་པའི་གནས་ཚུལ་ཞིག་རེད། ཁོང་ལ་ཆབ་སྲིད་ཐོག་གི་ནོར་འཁྲུལ་ཡོད་ལ། བོད་མི་རིགས་ཀྱི་སྐད་ཡིག་སྦྱོང་སྤྱོད་སྤེལ་གསུམ་ཐད་འགྲུབ་འབྲས་ཀྱང་ཡོད། དེ་ནི་གོང་དུ་དྲ་གྲོགས་རྨེ་རུ་ལགས་ཀྱིས་གསུངས་པ་ལྟར། ཀུན་གཟིགས་མཆོག་གི་ལོ་རྒྱུས་ཞིབ་པར་བཀླགས་ན་ཤེས་ངེས་རེད། ཁོང་གི་རླབས་ཆེན་གྱི་གསུང་ཚིག་དེ་འདྲ་ཡོད་རབས་འདུག གཅིག་བྱས་ན་རྗེས་སོར་མཐོང་ངེས་རེད། ད་ལྟ་ཐག་གཅོད་སྔ་དྲག་རྒྱུ་མེད། མ་ཐར་ཡང་བོད་མི་ཞིག་དགྲོངས་པར་མྱ་ངན་ཞུ།

བདེ་བ་ཅན་ལགས་ཀྱིས་གསུངས་པར་རྒྱུ་མཚན་དང་གནད་ལུགས་འདུག་ཁྱེད་ཀྱིས་ལོ་རྒྱུས་རིག་པའི་དཔྱད་ཞིབ་ཐོག་ནས་གསུངས་པར་རྒྱབ་སྐྱོར་ཞུ་རྒྱུ་ཡིན།

དེ་མིན་ཁོང་གི་བུ་ང་ཕོད་འཇིགས་མེད་གང་འདྲ་ཡིན་མིན་བརྗོད་མི་ཤེས་ཀྱང་། ཁོང་ཡང་བོད་ནས་ཡོང་སྟེ་རིམ་པས་རང་དབང་ལུང་པར་གནས་སྡོད་བྱ་མཁན་གྱི་བོད་རིགས་ཤེས་ཡོན་ཅན་པའི་གྲས་ནས་རང་དབང་ལུང་པའི་ནང་ལས་ཀ་བྱ་འདོད་ཡོད་པའི་མི་སྣའི་གྲས་ཤིག་ཡིན་པ་གསལ་པོ་རེད། དོན་དངོས་སུ་ལས་ཀ་གང་ཞིག་བྱ་གི་ཡོད་མེད་ལ་མ་ལྟོས་པར་ཨེ་ཤ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་གྱི་འགན་འཛིན་རེད། རླུང་འཕྲིན་དེས་སྔ་ལོའི་ཞི་རྒོལ་ཆེ་མོའི་རིང་གནས་ཚུལ་རྒྱུས་ལོན་བྱ་རྒྱུར་ནུས་པ་ཤུགས་ཆེ་ཐོན་པ་སོགས་ཁོང་གི་བྱས་རྗེས་སུ་མེད་ན། དེའི་ནང་ནོར་འཁྲུལ་བྱུང་བའི་རིགས་ཁོང་གི་སྐྱོན་དུ་སྤུངས་ཚེ་དེ་ནི་དྲང་བདེན་ཞིག་རྩ་བ་ནས་མ་རེད། བཙན་བྱོལ་ནང་ཁོང་ལ་ཤེས་ཡོན་ཅན་ཤར་ལྷོ་ཚེ་བརྟན་དབང་ཕྱུག་སོགས་ནས་རྒྱ་ཡིག་ཐོག་རྩོམ་ཡིག་དང་གསར་འགྱུར་ཐོག་མ་སྤེལ་བ་སོགས་ལས་དོན་ཁག་ཅིག་བྱས་ཡོད་པ་དེ་དག་ཀྱང་ལོ་རྒྱུས་སྟེང་ནས་བསུབ་ན་རྩ་བ་ནས་ཡོང་ཐབས་མེད། དེང་སྐབས་བོད་ནས་ཤེས་ཡོན་ཏོག་ཙམ་ཡོད་མཁན་མང་དག་ཞིག་ཡོད་བཞིན་ནའང་རང་ཉིད་ཀྱི་འདོད་བློ་མི་ཁེངས་པའི་དུས་གང་སར་འབྲེལ་བ་བྱས་ཏེ་རྒྱ་མི་དམར་པོའི་ལག་ཆར་གྱུར་ཏེ་བཙན་བྱོལ་བོད་གཞུང་ལ་དམའ་འབེབས་བྱེད་པའི་གཏམ་བརྗོད་དེ་འདྲ་ཁོང་ནས་སྤེལ་བ་ངས་མཐོང་མ་མྱོང་། གང་ལྟར་མྱུལ་མ་ཡིན་ཚེ་གང་ཞིག་བྱ་གི་ཡོད་མེད་གསལ་པོ་བཟོ་དགོས་ཀྱི་འདུག ང་ཕོད་གྲོངས་ཟིན་ཡང་། ང་ཕོད་ཀྱི་བུ་ཕྲུག་ང་ཕོད་ཚེ་བརྟན་སྒྲོལ་དཀར་དང༌། ང་ཕོད་མཐུ་སྟོབས་མཐུ་སྟོབས་རྡོ་རྗེ་སོགས་བོད་ནང་ད་དུང་ཡང་མཐོ་རིམ་མི་སྣའི་རྐུབ་སྟེགས་སྟེང་བསྡད་དེ་ནུས་པ་བཏོན་མཁན་ཡོད་འདུག་པས་དེ་དག་སེམས་ཤུགས་མ་ཆགས་པའི་ཆེད་བདེན་པ་བདེན་པར་བཞག་དགོས་པ་ལས་གང་ཟག་ལ་བལྟས་ཏེ་ཕྱོགས་ཞེན་ཁོ་ནས་སྐྱོན་འཛུགས་བྱས་ཚེ་དེ་ནི་དྲང་ བདེན་གྱི་བྱེད་སྟངས་ཤིག་རྩ་བ་ནས་མ་རེད༎

དྲ་གྲོགས་རྣམས་ཀྱིས་བསྟོད་སྨད་ལབ་ལྡུར་མང་བོ་ཞིག་བྱས་འདུག
རེད་དེ་ང་ཚོ་སུས་ཀྱང་ང་ཕོད་ངག་དབང་འཇིགས་མེད་མི་ཅི་འདྲ་ཡིན་མིན་ཁུང་འཆོལ་བའི་ཚོད་དཔག་ཞིག་བྱེད་ཐུབ་ཀྱི་མ་རེད། དེ་ནི་ཁོང་གིས་ཁ་གསལ་བའི་ལོ་རྒྱུས་མ་བཤད་པས་རེད་ལ། དེ་ནི་གནད་དོན་ཞིག་ཀྱང་རེད་སྙམ་བཞིན་ཡོད།

རེད་རེད གཡག་སྡོམ་ལགས ངོ་མ་རེད ཁོ་ཡི་ཡོད་ཚད་ནི་རང་ཉིད་ཀྱི་ཆེད་དུ་རེད། ད་དུང་རང་གི་བུ་དེ་བཙན་བལྱོ་དུ་གསང་མྱུལ་གཏོང་ཡོད་སྐད

ད་དུང་དོགས་ཟོན་བྱ་དགོས།

ཧོ དགེ་བཤེས་ལགས ཁྱེད་ཀྱིས་གསུང་པ་ལྟར་འགྲོ་བ་མི་ཞིག་ཡིན་པའི་ངོས་ནས་མ་ཎི་འདོན་འོས་པ་ལས་རྒྱ་གཅེས་པ་དང་རླབས་ཆེན་གྱི་མི་སྣ་ཡིན་པའི་ཆ་ནས་ཅི་ཡང་བྱ་རྒྱུ་མེད།

རྨི་རུ་་་་་་་་་་
་སྙིབ་སྟོབས་མེད་པ་ཁོ་་་་་་་་་་་་་་་་་་་་རྒྱ་མགོ་མཐོ་དུས་དང་བོད་མགོ་མཐོ་དུས་བོད་རེད། པཎ་ཆེན་བཞུགས་དུས་བོད་ལ་རེ་ཅུང་ཡོད་པ་རེད།དེ་དུས་བོད་ཕྱོགས་ལངས།ད་ལྟ་བོད་ལ་རེ་བ་མེད་པར་འྲ་མཐོང་དུ་རྒྱ་ཕྱོགས་ལངས།ནམ་ཡང་གཡོ་ཅན་དང་རྒལ་ཚིགས་མེ་པའི་མི་ཞིག་རེད།

གསེར་རྟ་ཚུལ་ཁྲིམས་འོད་ཟེར་ལགས། ལུང་བསྟན་འདི་འདྲ་ཞིག་གནང་ཡོད་ཚེ་ཏན་ཏན་མཐུ་དང་ནུས་པས་བསམ་གྱི་མི་ཁྱབ་པ་ཡོད་སྲིད་པས་མཐུ་ད་ནུས་པས་བདུད་འགོག་ཐབས་མ་གནང་བར་གང་དགའ་གང་འདོད་བྱ་བཅུག་དགོས་དོན་གང་ཡིན་ནམ། དེ་འདྲ་ཡིན་ཚེ་ལྷ་དང་བླ་མ་ཚོས་དད་ལྡན་མང་ཚོགས་ལ་ལུང་བསྟན་དང་བཀའ་ལུང་བསྐྱོན་ཏེ་དཔོན་དང་དམངས་དབར་ཡུན་རིང་ཞེ་འཁོན་སློང་བ་ལས་བྱང་ཆུབ་ཀྱིས་སེམས་སྒོམས་ཏེ་སྙིང་རྗེའི་ཐོག་ནས་བདུད་བརྟུལ་བའི་མཐུ
་མ་བཏང་བ་དེ་ལན་པ་སུ་ལ་བཙུགས་དགོས་པ་རེད་དམ།

གསེར་རྟ་ཚུལ་ཁྲིམས་འོད་ཟེར་གྱི་གཙོས་པའི་དྲ་གྲོགས་ཁག་ཅིག་ལ། ཁྱེད་ཚོས་ང་ཕོད་ས་དབང་ཆེན་མོས་བོད་བཙོངས་པའི་བརྒྱུད་རིམ་དེ་དག་རེ་རེ་བཞིན་འདིར་བགྲང་དང་། ང་ཚོས་གང་འདྲ་བྱས་ཏེ་བཙོངས་མེད་དེ་ཤེས་འདོད་འདུག གལ་སྲིད་ཆིངས་ཡིག་དོན་ཚན་བཅུ་བདུན་འདི་བཞག་སྟེ་བོད་བཙོངས་པ་རེད་ཟེར་ན་སྐབས་དེ་དུས་ཆིངས་ཡིག་དོན་ཚན་བཅུ་བདུན་འདི་མ་བཞག་པར་གཞན་པའི་ཐབས་ལམ་གང་ཞིག་བཏོན་ན་བོད་མ་ཤོར་བར་ལྷག་གི་རེད་དམ།

གཡག་ལྡོམ་གྱིས་གང་བཤད་དངོས་པོའི་གནས་ལུགས་དང་མཐུན་པས་ངས་རྒྱབ་སྐྱོར་ཡོད།

རྨེ་རུ་ ཁྱེད་ཀྱིས་ང་ཕོད་ཀྱི་བོད་ལ་ཕན་པའི་ལས་ཀ་གང་བྱས་གྲངས་ཀ་ཞིག་རྒྱག་དང་

བཀུར་འོས་གསར་རྟ་ཚུལ་ཁིམས་འོད་ཟེར་མཆོག་ནས་ལུང་འདི་དྲ་ཐོགས་སུ་དྲངས་པར་བཀའ་ཆེ།
དེ་མིན་བོད་མི་བླུན་པོ་རེ་ཟུང་གིས་རྒྱ་མིའི་ཁ་ལ་བདེན་པར་བཟུང་ནས་བདུད་རྒན་དེ་ལ་སྟོད་པ་བྱས་ཀྱིས་འདུག
དགྲ་བོར་སྟོད་པ་དང་དཔའ་བོ་ལ་སྨད་པ་འདི་བོད་མི་རིགས་ཀྱིས་ནམ་ཡང་བཟོད་ཐབས་མེད། རེད་པ།

བཀུར་འོས་སྤྱི་འཐུསམཆོ་གིས་གསུང་བ་ལས་ལྷག་པར་ང་ལ་ཞུ་རྒྱུཅང་མེད།འོན་ཀྱང་ད་བར་ང་ཕོད་མི་ཚེའི་རྒྱུད་རིམ་ནང་ཕྱིར་བལྟས་ཤིག་བྱེད་ན་བོད་རྒྱལ་ཁབ་ཚོང་པའི་ལས་ཀ་མ་གཏོགས་ཅང་བྱས་མེད། གལ་ཏེ་ཆོས་ལྡན་རྒྱལ་ཁབ་དེ་སྔར་བཞིན་ཡོད་ན་ཁོ་པ་ཚེ་ཁྲིམས་འགྲོ་དགོས་་པའི་ཉེས་པ་བསཻགས་ཡོད།

བསེ་རུ་ལགས། ཁྱེད་ཀྱི་མཎི་བཀོད་པའང་བསུབ་ཀྱི་ཡོད་ཚེ་དེ་ནི་ཐབས་སྐྱོ་བའི་བྱ་སྟངས་ཞིག་མ་རེད་དམ། ང་ཚོས་བཙན་བྱོལ་སྤྱི་ཚོགས་ནང་ལས་ཀ་ཚང་མ་གང་ཟག་ལ་དམིགས་ཏེ་བྱེད་དགོས་པ་རེད་དམ། ག་དུས་ཡིན་ནའང་ཕྱོགས་ཞེན་གྱི་བསམ་བློ་འཁུར་ཏེ་མགོ་བོ་གནོན་གང་ཐུབ་བྱས་ཚེ་དེ་ནི་ཤེས་ཡོན་ལྡན་པའི་བྱ་སྟངས་ཤིག་མ་རེད། བོད་ཀྱི་བཀའ་ཟུར་ང་ཕོད་ངག་དབང་འཇིགས་མེད་ལ་བོད་མི་རིགས་ཐོག་བྱས་རྗེས་གང་ཡང་མེད་པའི་བདུད་དུ་བརྩི་བ་དང་མྱ་ངན་རྩ་བ་ནས་བྱ་རིན་མེད་པ་ཞིག་རེད་དམ། ཁོང་གི་འདས་ཟིན་པའི་ལོ་རྒྱུས་ལ་དཔྱད་ཞིབ་ནན་ཏན་བྱ་དགོས་ལ། ཁོང་ནས་ཕྱི་ལོ་བརྒྱད་བཅུའི་ནང་ཀུན་གཟིགས་པཎ་ཆེན་རིན་པོ་ཆེ་མཆོག་དང་ལྷན་དུ་བོད་ཀྱི་སྐད་ཡིག་ཡར་རྒྱས་གཏོང་ཕྱོགས་ཐད་ནུས་པ་གང་འདྲ་ཞིག་བཏོན་ཡོད་མེད་ཀུན་གཟིགས་པཎ་ཆེན་རིན་པོ་ཆེ་མཆོག་གི་བཀའ་སློབ་ལའང་ཚད་འཛིན་བྱ་མི་འོས་པ་དེ་འདྲ་ཨེ་ཡོད། གོང་དེར་དྲ་གྲོགས་གཅན་བཟོད་རྒྱམ་ལགས་ནས་གསུངས་པ་ལྟར་ལོ་རྒྱུས་ཀྱི་གལ་ཆེའི་གནས་ཚུལ་འགའ་རེར་ཐབས་མཁས་པོའི་ཐོག་ནས་དྲང་པོའི་གཞུང་བསྲངས་ཡོད་ལ། ང་ཚོས་འཛམ་གླིང་ཐོག་དུས་གཏན་དུ་ངོམས་བཞིན་པའི་ཕོ་བྲང་པོ་ཏཱ་ལའི་ཉམས་ཆགས་འཛུགས་སྐྲུན་སོགས་ཀྱི་ཐད་ཞལ་གསངས་པོའི་ཐོག་ནས་གླེང་སསློང་གནང་བ་སོགས་གང་ལྟར་ཁོང་གི་ལོ་རྒྱུས་ཞིབ་ལྟ་བྱས་ཚེ་དེ་ལྟ་བུའི་སྨྲས་ར་ཟུར་ཟ་བྱ་དགོས་པ་ཞིག་མཐོང་གི་མེད། ང་ཚོས་ལོ་གཉིས་ཙམ་གོང་དུ་བོད་མི་གསར་བརྗེ་བ་འབའ་པ་ཕུན་ཚོགས་དབང་རྒྱལ་ལགས་ཀྱི་ལོ་རྒྱུས་དེབ་འདི་བོད་ཡིག་ནང་མ་མཐོང་གོང་བོད་མི་ཚོས་ཁོང་ལ་གདེངས་འཇོག་གང་འདྲ་ཞིག་ཡོད་པ་རེད་དམ། ཁོང་བོད་མི་གུང་ཁྲན་ཏང་ཡོན་ཞིག་ཡིན་པར་ངོས་འཛིན་བྱ་གི་ཡོད་པ་རེད་དམ། རྒྱ་མི་གུང་ཁྲན་གྱི་ལམ་སྣེ་འཁྲིད་དེ་བོད་དུ་བཙན་འཛུལ་བར་གདན་འདྲེན་མཁན་ཞིག་ཏུ་ངོས་འཛིན་བྱ་གི་ཡོད་པ་མ་རེད་དམ། །ཁོང་གི་དེབ་བོད་ཡིག་ཐོག་ཐོན་རྗེས་ཁོང་ལ་འཛིན་པའི་ལྟ་སྟངས་ལ་འགྱུར་བ་གང་འདྲ་ཞིག་ཕྱིན་མ་སོང་ངམ། ང་ཕོད་ངག་དབང་འཇིགས་མེད་ལའང་ད་ེལྟ་བུའི་ལོ་རྒྱུས་ཀྱི་གྲུབ་ཆ་ཞིག་མེད་པ་རེད་དམ། ཁོང་གི་མི་ལོ་བརྒྱའི་རིང་གི་དར་མའི་དུས་ཚོད་འདི་བོད་གཞུང་གི་ཞབས་སྟེགས་ཐོག་ཞུགས་ཏེ་གཞུང་གི་ཞབས་ཞུ་གྲུབ་ཡོད་པ་དང་། ཁྱིམ་མཚེས་རྒྱ་ མི་དམར་པོས་དྲག་གནོན་བཙན་ཤུགས་བྱས་རྗེས་མཐོ་རིམ་མི་སྣ་སྤྱི་མཚུངས་དང་འདྲ་བར་གཞན་དབང་སྟབས་བསྟུན་གྱི་ལོ་ཟླའི་ནང་ཁོང་ནས་རང་ཉིད་ནས་ཐུབ་ཚོད་ཀྱིས་བོད་ཀྱི་སྐད་ཡིག་ཡར་རྒྱས་གཏོང་ཕྱོགས་སོགས་ཀྱི་ཐད་གལ་ཆེའི་ནུས་པ་བཏོན་ཡོད་པ་དེ་དག་ནག་བསུབ་ཏུ་བཏང་ན་རྩ་བ་ནས་མི་འགྲིག་པ་ཞིག་ཆགས་ཡོད། དེར་བརྟེན་ང་ཚོས་ཁོང་གི་ཆེད་དུ་མྱ་ངན་ཞུ་དགོས་ལ། མ་ཎིའང་འདོན་དགོས་ངེས་རེད། དེ་བས་ཀྱང་ཁོང་ནས་དེ་སྔའི་སྐུ་ཚབ་ཚོགས་པ་བོད་དུ་ཕེབས་སྐབས་སོགས་སུ་འབྲེལ་བ་བྱུང་མེད་པ་དང་བསམ་འཆར་ཕུལ་ཡོད་མ་རེད་ཅེས་སུས་ཧམ་བཤད་བྱ་ཐུབ་ཀྱི་རེད་དམ།

དེའི་དོན་ནི། ང་ཕོད་ལ་སྟོད་པས་མའོ་ལ་སྟོད་པ་ཤུགས་ཀྱིས་བསྒྲུབ་པ་ཡིན་མ་གོ་ཐལ།

ལོ་རྒྱུས་ལོ་རྒྱུས་། ལོ་རྒྱུས་ཀྱིས་ཁྱོད་དང་ང་ཕོད་ལ་ཁ་གྲགས་ནས་ཤི་ནས་ཀྱང་བོད་མི་རིགས་ཀྱི་དགྲ་བོར་གྱུར་བ་རེད།

ཆིངས་དོན་ལ་མཚན་རྟགས་མི་རྒྱག་རང་རྒྱག་བྱས་པ་ཡང་ང་ཕོད་ལན་པས་རེད་དམ། ཆིངས་ཡིག་དོན་ཚན་བཅུ་བདུན་དེ་ལ་ང་ཚོས་ཡོངས་གྲགས་ཀྱིས་”མེ་མདའི་ཁ་ནས་བཞག་པ་”ཟེར་གྱི་ཡོད་པ་མ་རེད་དམ། འདི་ཡང་ང་ཕོད་ཀྱིས་བཀོད་སྒྲིག་དང་ང་ཕོད་ཀྱི་མེ་མདའི་ཁ་ནས་བཞག་པ་རེད་དམ།