དཀར་མཛེས་ཁུལ་དར་མདོ་འབྲིང་རིམ་མི་དམངས་ཁྲིམས་ཁང་གིས་བང་རི་རིན་པོ་ཆེར་མི་ལོ་ ༨ དང་ཟླ་བ་ ༦ གི་ཁྲིམས་ཐག་བཅད་འདུག
༢༠༠༩ ལོའི་ཕྱི་ཟླ་ ༡༢ ཚེས་ ༢༣ ཉིན་གྱི་ཞོགས་པར་ཁོང་ལ་ཁྲིམས་ཐག་གཅོད་སྐབས་ཁྲིམས་རྭའི་ནང་དེ་སྔོན་ཁོང་གིས་གླས་མྱོང་བའི་ཁྲིམས་རྩོད་པ་གཉིས་ཡོད་པ་དེ་ཡོང་གི་བཅུག་མེད་པར་མ་ཟད། ཁྲིམས་རྭའི་ནང་ཕྱོགས་གཅིག་ནས་མ་གཏོགས་བང་རི་རིན་པོ་ཆེའི་ཕྱོགས་ལ་སྐད་ཆ་བཤད་དབང་མེད་པ་བཟོས་ནས་ཁོང་གི་ཁ་གཏད་ཀྱི་ཕྱོགས་ཁག་དེས་གང་བཤད་ལྟར་ཁྲིམས་གཅོད་བྱས་ཡོད་འདུག
རྒྱ་ནག་གི་ཉེས་དོན་གཏུག་བཤེར་བཅའ་ཁྲིམས་ནང་གི་དོན་ཚན་ ༣༢ ནང་གསལ་ལྟར། ཉེས་ཅན་པ་དང་གྱོད་ཡ་རང་ཉིད་ཀྱིས་རང་ལ་དག་འབུད་བྱེད་པའི་ཐོབ་ཐང་རྩིས་མེད་དུ་བཏང་ནས་ཁྲིམས་ཐག་བཅད་ཡོད་པ་དང་། སྐབས་དེར་ཁོང་གི་ནང་མི་ལྔ་དྲུག་ཅིག་ཁྲིམས་རྭའི་ནང་ཡོང་བཅུག་ཡོད་ཀྱང་། ཁོང་ཚོར་སྐད་ཆ་གཅིག་ཀྱང་བཤད་དབང་མེད་པར་ཁྲིམས་ཐག་བཅད་ཡོད་འདུག བང་རི་རིན་པོ་ཆེ་ཁོང་ལ་དད་འདུན་ཡོད་པའི་རྒྱ་ཆེ་མི་མང་བརྒྱ་ཕྲག་འགའ་ཁྲིམས་རྭའི་ནང་ཞུགས་རྒྱུའི་རེ་འདུན་ཞུས་ཀྱང་མཐའ་མར་མི་གཅིག་ཀྱང་བཏང་མི་འདུག
བང་རི་རིན་པོ་ཆེ་ནི་ ༢༠༠༨ ལོའི་ཕྱི་ཟླ་ ༥ ཚེས་ ༤ ཉིན་རྒྱ་གཞུང་གིས་འཛིན་བཟུང་བྱས་ནས་བཙོན་ཁང་ནང་བཀག་འགོག་བྱས་ཡོད་པ་དང་། ཉེ་ལམ་དཀར་མཛེས་ཁུལ་འབྲིང་རིམ་མི་དམངས་ཁྲིམས་ཁང་གིས་ཁོང་ལ་ལོ་ ༨ དང་ཟླ་བ་ ༦ ཁྲིམས་ཐག་བཅད་ཡོད་ཀྱང་། ད་བར་རྒྱ་ནག་གིས་ཞིབ་བཤེར་ཐེངས་མང་བྱས་ཀྱང་། ཁོང་གིས་ནག་ཉེས་བསགས་པའི་བདེན་དཔང་འདི་རེད་ཟེར་བ་ཞིག་སྟོན་རྒྱུ་བྱུང་མི་འདུག
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
བདེ་བ་ཅན་མཆོག་ལགས།
ས་གནས་མི་མང་ལ་ཁ་ཡོད་ལག་ཡོད་ཀྱི་ཕན་ཐོགས་གྲུབ་མཁན་གྱི་གནད་ཡོད་མི་སྣ་དང་། ལྷག་པར་དུ་ཆོས་ལུགས་ཐད་དད་སེམས་དང་དགེ་ཕན་གྲུབ་པའི་མི་སྣ་གལ་ཆེའི་རིགས་ས་གནས་སུ་ཤུགས་རྐྱེན་ཆེ་ཙམ་ཡོད་པའི་དུས་སུ་ཉེས་པ་འདྲ་མིན་བཏགས་ཏེ་བཙོན་བཅུག་བྱེད་པའི་ལུགས་སྲོལ་འདི་ནི་རྒྱ་མི་དམར་པོ་བོད་དུ་ཐོག་མར་བཙན་འཛུལ་བྱ་སྐབས་ནས་ལག་བསྟར་བྱ་བཞིན་པའི་འཆར་གཞི་དང་དམིགས་ཡུལ་ངན་པ་ལྡན་པའི་བོད་མི་རྒྱལ་ཞེན་ཅན་རྣམས་རྩ་མེད་བཟོ་བའི་བྱ་ཐབས་ཤིག་ཡིན་པ་དེར་ང་ཚོ་བོད་མི་ཚོས་གདུང་ཤུགས་གཅིག་བསྒྲིལ་ཐོག་ནས་ངོ་རྒོལ་ཡོད༎ ཞེས་བྲིས་ཡོད་པར་གཞི་ན་ཁྱེད་ཀྱིས་ཀྱང་རྒྱ་ནག་གཞུང་གིས་བོད་ལ་ཕན་པའི་བོད་མི་ཚོར་དེ་འདྲ་བྱེད་བཞིན་ཡོད་པར་ཤེས་པ་འདྲ། དེ་འདྲ་ཡིན་དུས་ང་ཕོད་ལ་དེ་འདྲ་མི་ཡོང་བའི་རྒྱུ་མཚན་གྱིས་ཐོག་ནས་ཅི་ཞིག་བསྟན་གྱིན་འདུག་གམ།
མ་གཞི་ནས་བདེ་བ་ཅན་ཁྱེད་ཀྱིས་གསེར་རྟ་མཉམ་དུ་རྩོད་རྒྱག་པ་དེ་སྒེར་དོན་ཡིན་པ་འདྲ། རེད་པས།
དཀར་མཛེས་རྫོང་ཁུལ་དུ་ཡོད་པའི་སྤང་རི་རིན་པོ་ཆེ་མཆོག་ལ་རྒྱ་ནག་གཞུང་ནས་དྲང་བདེན་གྱི་ཁྲིམས་ལུགས་བརྒྱུད་ལམ་གང་ཡང་མེད་པར་ཁྲིམས་ཆད་ལོ་ 8་ བཏང་བ་ནི་ཤིན་ཏུ་མི་འོས་པ་ཞིག་རེད། རིན་པོ་ཆེ་མཆོག་ནི་ས་གནས་སུ་རྒན་གསོ་ཁང་དང་སྨན་ཁང་སོགས་འཛུགས་གཉེར་གནང་སྟེ་ས་གནས་མི་མང་ལ་ཁ་ཡོད་ལག་ཡོད་ཀྱི་ཕན་ཐོགས་གྲུབ་མཁནམ་ཞིག་ཡིན་འདུག་ལ། བཙུན་དགོན་གཉིས་ཙམ་གྱི་འཛིན་སྐྱོང་གནང་སྟེ་སློབ་གཉེར་བྱ་རྒྱུ་སོགས་གང་ཅིར་ཕན་ཐོགས་རྒྱ་ཆེ་གྲུབ་མཁན་ཞིག་ཡིན་སྟབས་རྒྱ་ནག་དམར་པོའི་གཞུང་གིས་དབང་འཛིན་པ་དེ་ཚོས་སྔ་ས་ནས་ནག་ཐིགས་བཙུགས་རྒྱུའི་གྲ་སྒྲིག་ཡོད་ཚོད་རེད། ལོ་སྔོན་མའི་ནང་ཁོང་གི་འཛིན་སྐྱོང་གནང་བཞིན་པའི་བཙུན་དགོན་གཉིས་ཀྱི་བཙུན་མ་ཚོས་བློ་སེམས་གཅིག་བསྒྲིལ་གྱིས་རྒྱ་ནག་གཞུང་ལ་མི་འདོད་པའི་ངོ་རྒོལ་གྱི་ལས་འགུལ་ཤུགས་ཆེ་སྤེལ་བར་བརྟེན་བཙུན་མ་ཁག་ཅིག་འཛིན་བཟུང་དང་ཉེས་བརྡུང་ཚད་མེད་བཏང་བ་མ་ཟད། རིན་པོ་ཆེ་མཆོག་ཀྱང་ཉེས་མེད་འཛིན་བཟུང་བྱས་ཏེ་མ་ཉེས་ཁ་གཡོག་གིས་གཞུང་གི་ས་ཆ་བདག་ཉར་བྱས་པ་སོགས་ཉེས་པ་འདྲ་མིན་བཏགས་ཏེ་བཀག་ཉར་བྱས་པའི་གནས་ཚུལ་བརྒྱུད་ལམ་ཁག་ནང་ཐོན་ཡོད། ཉེས་འཛུགས་བྱ་སྟངས་དེ་ནི་འདས་པའི་དུས་ཚོད་སི་ཁྲོན་ཞིང་ཆེན་དཀར་མཛེས་ས་ཁུལ་དུ་སྐུ་ཚེ་འདས་ཟིན་པ་དགེ་བཤེས་བསོད་ནམས་ཕུན་ཚོགས་དང༌། ད་ལྟ་བཙོན་དུ་ཡོད་བཞིན་པའི་ལི་ཐང་སྤྲུལ་སྐུ་བསྟན་འཛིན་ལེགས་རིན་པོ་ཆེ་མཆོག་སོགས་ལ་ཉེས་འཛུགས་བྱ་སྟངས་དང་ཧ་ཅང་འདྲ་པོ་ཡོད་ཅིང༌། ས་གནས་མི་མང་ལ་ཁ་ཡོད་ལག་ཡོད་ཀྱི་ཕན་ཐོགས་གྲུབ་མཁན་གྱི་གནད་ཡོད་མི་སྣ་དང་། ལྷག་པར་དུ་ཆོས་ལུགས་ཐད་དད་སེམས་དང་དགེ་ཕན་གྲུབ་པའི་མི་སྣ་གལ་ཆེའི་རིགས་ས་གནས་སུ་ཤུགས་རྐྱེན་ཆེ་ཙམ་ཡོད་པའི་དུས་སུ་ཉེས་པ་འདྲ་མིན་བཏགས་ཏེ་བཙོན་བཅུག་བྱེད་པའི་ལུགས་སྲོལ་འདི་ནི་རྒྱ་མི་དམར་པོ་བོད་དུ་ཐོག་མར་བཙན་འཛུལ་བྱ་སྐབས་ནས་ལག་བསྟར་བྱ་བཞིན་པའི་འཆར་གཞི་དང་དམིགས་ཡུལ་ངན་པ་ལྡན་པའི་བོད་མི་རྒྱལ་ཞེན་ཅན་རྣམས་རྩ་མེད་བཟོ་བའི་བྱ་ཐབས་ཤིག་ཡིན་པ་དེར་ང་ཚོ་བོད་མི་ཚོས་གདུང་ཤུགས་གཅིག་བསྒྲིལ་ཐོག་ནས་ངོ་རྒོལ་ཡོད༎ ༎
ད་ཡང་མི་གཉིས་ལ་ཁྲིམས་ཐག་བཅད་ཚར་འདུག་།
ཨ་ཛི་ད་ཅི་དྲགས།
བདེན་དཔང་མེད་པར་ཉམ་ཆུང་བོད་མི་བཙོན་འཇུག་བྱས་པ་ཇི་ཙམ་ཡོད་མེད་ང་ཚོས་ཚོད་དཔག་དཀའ་བའི་གནས་སུ་གྱར།