ལྷ་སའི་རྒྱ་མི་ཚོས་ཁ་སང་དེ་རིང་གི་ལྷ་ས་ནི་རྒྱ་ནག་གི་ལྷ་ས་རེད། ལྷ་སར་གནས་སྡོད་ཚང་མས་རྒྱ་སྐད་ཤེས་དགོས་པ་རེད་ཟེར་ནས་བོད་པ་ཚོར་ཚུར་བཀའ་བཀྱོན་གཏོང་གི་འདུག་ཟེར།
ལྷ་ས་ནི་ལོ་རེ་བཞིན་རྒྱ་རིགས་ཀྱིས་ཁེངས་བཞིན། རྒྱ་ནག་གི་ས་ཁུལ་རང་བཞིན་དུ་འགྱུར་བཞིན་ཡོད་ལ། བོད་རིགས་ཚོ་ཉིན་རེ་བཞིན་གྲོང་ཁྱེར་འདིའི་ལམ་ཁ་དང་ལས་ཀ་ཡོངས་རྫོགས་ལ་འབྲེལ་མེད་ནས་རྒྱུས་མེད་ཆགས་བཞིན་ཡོད་འདུག ཉེ་ཆར་རྒྱ་གཞུང་གིས་བོད་སྐྱོབ་ཁ་གཏད་རོགས་སྐྱོར་ཞེས་པ་ཞིག་བཤད་བཞིན་པ་ནི། བོད་རང་སྐྱོང་ལྗོངས་སུ་རྒྱ་རིགས་ཇེ་མང་དུ་གཏོང་ཐབས་ཤིག་ཡིན་སྟབས་བོད་མི་ཚོས་སྔར་ལས་ཀྱང་སེམས་ཁྲལ་བྱེད་བཞིན་ཡོད་འདུག
བོད་སྐྱོབ་རོགས་སྐྱོར་ཁ་གཏད་ནི་པེ་ཅིན་གྱིས་ལྷ་སར་ཁ་གཏད་དེ། རྒྱ་ནག་གི་གྲོང་ཁྱེར་ཞིག་དང་བོད་ཀྱི་གྲོང་ཁྱེར་རམ་གྲོང་གསེབ་ཁག་ཅིག་མཉམ་སྒྲིལ་གྱིས་སློབ་གསོ་དང་འཕྲོད་བསྟེན། གློག་འདོན་འཕྲུལ་ཆས། ཐོན་རྫས་འདྲ་མིན་གྱི་བཟོ་གྲྭ་གསར་འཛུགས་སོགས་ཀྱི་ཆེད་དུ་བསྒྲུབས་པ་ཞིག་ཡིན་ཞིང༌། དེ་དག་གི་ཆེད་ལས་ལག་རྩལ་མི་སྣ་ཚང་མ་རྒྱ་ནང་ནས་གཏོང་གི་ཡོད་འདུག རྒྱ་ནང་ནས་ཆེད་མངགས་ཀྱིས་བཏང་བའི་ལག་རྩལ་མི་སྣ་དེ་དག་བརྒྱུད་ནས་རྒྱ་མི་རིགས་ཀྱི་ངལ་རྩོལ་པ་མང་བོ་བོད་ཀྱི་ས་ཐོག་ཏུ་འབྱོར་བ་དང༌། ལག་རྩལ་མི་སྣ་དེ་དག་གིས་ཀྱང་ལས་ཀ་བྱེད་མཁན་རྒྱ་མི་ཁོ་ན་ལེན་པ་སོགས་ནི། ཀྲུང་དབྱང་གི་རྩ་བའི་དམིགས་ཡུལ་འགྲུབ་བྱེད་ཁོ་ན་མ་གཏོགས། དོན་དམ་གྱིས་བོད་ཀྱི་འཚོ་བ་དང་བོད་པའི་སེམས་ཁམས་ལ་རོགས་སྐྱོར་བྱེད་ཐུབ་ཀྱི་མེད།
གནས་ཚུལ་དེའི་ཐད་ལྷ་སར་གནས་སྡོད་བྱས་པའི་བོད་མི་ཞིག་གིས་འདི་ག་གསར་ཁང་ལ་བརྗོད་དོན། ལྷ་ས་ཁུལ་གྱི་གྲོང་གསེབ་ཁག་ཏུ། རྒྱ་ནག་གིས་བོད་སྐྱོབ་ཁ་གཏད་རོགས་སྐྱོར་ཞེས་པའི་ལས་འགུལ་དེ་ཤུགས་ཆེན་པོར་སྤེལ་བཞིན་ཡོད་པ་རེད། དེར་མཚུངས་ལྷ་ས་ཁུལ་དུ་རྒྱ་མི་ཡང་མང་བོ་སླེབས་ཀྱིན་འདུག དཔེར་ན། ལྷ་ས་ཁུལ་གྱི་རྫོང་ཁག་རེ་རེའི་ནང་ཁ་གཏད་རོགས་སྐྱོར་སྣ་མང་སྤེལ་གྱིན་ཡོད་པ་རེད། གློག་འདོན་འཕྲུལ་ཆས་དང་ཐོན་རྫས་འདྲ་མིན་བཟོ་སའི་བཟོ་གྲྭ་ལྟ་བུ་ཞིག་གསར་འཛུགས་གནང་ནས་དེའི་ནང་ལས་ཀ་བྱེད་མཁན། རྒྱ་མི་བརྒྱ་ཆའི་བརྒྱད་ཅུ་ཡོད་པ་རེད། བོད་པ་ཧ་ཅང་གི་ཉུང་ཉུང་རེད། ཕྱོགས་གཅིག་ནས་བོད་ལ་རོགས་སྐྱོར་བྱེད་ཀྱིན་ཡོད་པ་རེད་དེ། ཕྱོགས་གཞན་ཞིག་ནས་བོད་ཀྱི་ས་ཁུལ་ནས་ཐོན་པའི་ཐོན་རྫས་འདྲ་མིན། དཔེར་ན། འབྲི་མར་དང༌། ཞོ་འོ་མ། དབྱར་རྩྭ་དགུན་འབུ། སྨན་རྩྭ་སྣ་ཚོགས། ར་ལུག་གི་ཤ་དང་པགས་པ། གཡག་ཤ་དང་གོ་བ་སོགས་རྒྱ་མིས་ཕྱིར་ཚོང་བྱས་ནས་ཁེ་ཕོགས་ཆེན་པོ་ལེན་གྱིན་ཡོད་པ་རེད་ཟེར།
གནས་ཚུལ་མཁོ་སྤྲོད་པས་བརྗོད་དོན། ལྷ་སར་མཚོན་ན། པོ་ཏ་ལ་དང་གཙུག་ལག་ཁང་ནང་དུ་དོ་དམ་བྱེད་མཁན་དང༌། སྲུང་སྐྱོབ་བྱེད་མཁན་དེ་ཚོ་རྒྱ་མི་ཆགས་ཀྱིན་ཡོད་པ་རེད། ཁྲོམ་སྲང་ནས་ཅ་ལག་ཅིག་ཉོ་རྒྱུའི་ཐད་རྩོད་པ་ཤོར་བ་ཡིན་ནའང༌། རྒྱ་མི་དེ་ཚོ་སྔོན་མའི་རྒྱ་མི་ལས་ངར་ཆེ་བ་ཡོད་པ་རེད། བོད་པ་ཚོའི་ཐོག་ལ་ཚུར་སྡང་སྡུག་སྟོན་གྱིན་འདུག འདི་དག་ཚང་མ་རྒྱ་མི་མང་དུ་སོང་བའི་སྟོབས་ཤུགས་དང་ངར་ཤུགས་རེད། ལྷ་ས་ནས་བོད་པ་ཞིག་ལས་ཀ་འཚོལ་དུ་ཕྱིན་པ་ན་རག་ཁག་པོ་རེད། གང་ཡིན་ཟེར་ན། ལས་ཀ་བྱེད་ས་མང་ཤོས་རྒྱ་རིགས་ཀྱིས་གཉེར་ཡོད་པ་རེད། རྒྱ་སྐད་ཡག་པོ་མ་ཤེས་ན་མཐོང་ཆུང་བྱེད་ཀྱིན་འདུག རྒྱ་རྒན་དེ་ཚོས་ད་དུང་ཁ་རྒྱག་པ་འདི་འདྲ་བཤད་ཀྱིན་འདུག་ཟེར། ཁ་སང་དེ་རིང་གི་ལྷ་ས་ནི་རྒྱ་ནག་གི་ལྷ་ས་རེད། རྒྱ་སྐད་ཤེས་དགོས་པ་རེད་ཟེར་ནས་བོད་པ་ཚོར་ཚུར་སྡོམ་ཚིག་འཇོག་གི་འདུག་ཟེར།
ཨ་ཨ ཅི་འདྲའི་སེམས་སྐྱོ་ཞིང་ཚིག་པ་ཟ་བ་ལ། ད་དངོས་གནས་བརྙས་བཅོས་ལ་ཚོད་གཞི་ནས་མི་འཛིན་པ་རེད།
ང་ཚོ་བོད་མི་ཚོ་ལས་ལས་ངན་པའི་མི་ཞིག་འཛམ་གླིང་འདིར་མེད་པ་འདྲ། ད་ཅི་བྱེད།
དྲ་གྲོགས་ཚོའི་བསམ་ཚུལ་རྣམས་ཀློག་སྐབས་སེམས་གཏིང་ནས་སྐྱོ་ བྱུང་
དྲང་པོ་ཞུ་ན་ལྷ་སྲུང་མ་ཟེར་ཡ་དེ་ཚོ་མིའི་མ་འཇོན་ན་མཐུ་ནུས་ཟེར་ཡ་དེ་ཚོ་མེད་ཐག་ཆོད་རེད་། དྲ་གྲོགས་ཅོ་རི་ཁྱེད་ཀྱང་ཁག་མི་འདུག་། དུ་རུ་ཁ་འདི་ཚོས་མཛོ་་གསད་པའི་མི་ཚད་རྔ་མ་གནམ་ལ་འཁྱར་
ད་ཧ་ལམ་ཚར་ཚར་སོང་།
སེམས་ཤུགས་ཆག་སོང་།
དྲ་རོགས་ཚོར།དེ་ལྟར་ཡིན་ན་ང་ཚོས་ད་དུང་མགོ་སེར་ལ་སྐྱབས་བཅོལ་བ་དང་ལྷ་སྲུང་མ་ལ་རེ་བ་བྱེད་ན་ཅི་ཕན་ཨེ་ཡོང་།དེ་ལས་འཚེར་མེད་ཞུ་བ་ཞེས་པ་དེ་ཟུར་ལ་བཞག་ནས་འབར་རྫས་ཁ་ཤས་གཡུག་དགོས་པ་མ་རེད་དམ།
སྤྱིར་ངས་སྐད་ཆ་དེ་ཡི་མི་ཁ་ཤས་ལ་མ་བདེ་བ་ཡོང་སྲིད་ཀྱང་ངེད་རང་གི་ལུང་པ་ལེན་པ་ལ་ཁྲག་གཏོགས་ཙམ་མ་སྟན་ནས་ཕྲུ་གུ་ལ་བྱི་རི་སྤྲོད་པ་ནང་བཞིན་བྱ་མཁན་སུ་ཨེ་ཡོང་དྲན།ལྷག་པར་ང་འདྲ་བ་སོ་སྐྱེ་ཞིག་ལ་དེ་ལས་འཚེ་མེད་ཞུ་བ་ཟེར་ཡག་དེ་རྩ་ནས་ཡོང་ཡག་མི་འདུག།
སྡུག་ངལ་ཁ་ནས་ཐལ་སོང་བ་དགོངས་འགལ་མེད་པ་ཞུ།
མདོ་ན་ལག་ཤེས་མེད་པའི་མི་རྣམས་སྤྲང་ཁུག་དང་སྤྲང་དབྱུག་རེ་ཁུར་ནས་མ་ཎི་འདོན་བཞིན་ལྟོ་སློང་མཁན་འགྲོ་བ་ལས་རང་ཡུལ་རང་གིས་ཟིན་ཐུབ་པ་མི་སྲིད་པ་ཞིག་རེད་འདུག་སྙམ།
ཆོས་ལུགས་ཀྱིས་སྡང་བའི་རྐྱེན་གྱིས་ལག་ཤེས་དར་མ་ཐུབ་པ།
ང་རང་ཚོའི་བོད་ཀྱི་ནང་ཆོས་ཀྱི་ལུགས་སྲོལ་ཡོད་པ་ཞིག་ལ་མི་ཞིག་དགེ་སློང་གི་སྡོམ་པ་སྒྲུབ་སྐབས་སུ་ཆ་རྐྱེན་ཚང་དགོས་པ་ནི།
ཤིང་བཟོ་ཡི་བུ་མིན་པ། མགལ་བ་ཡི་བུ་མིན་པ། ཤན་པ་ཡི་བུ་མིན་པ། གལ་སྲིད་མི་ཞིག་འདི་གསུམ་གང་རུང་གི་བུ་ཡིན་ན་རིགས་རུས་སྡུག་པ་དང་དགེ་སློང་གི་སྡོམ་པ་ཡང་མི་ཐོབ་པ་འདྲ།
འདིས་རྐྱེན་པས་བོད་ཀྱི་སྤྱི་ཚོགས་ནང་དུ་ལག་ཤེས་འདི་གསུམ་གང་རུང་ཡོད་པའི་མི་ལ་མཐོང་ཆུང་དང་རིགས་རུས་དམན་པ་འདོད་པ་མ་ཟད་མགལ་བའི་རིགས་རྒྱུད་མཉམ་དུ་གཞན་རྣམས་ཀྱིས་ཆང་ས་མི་རྒྱག་པ་དང་ཇ་ཞིག་ཀྱང་མཉམ་དུ་མི་འཐུང་བའི་ལུགས་སྲོལ་ཡོད།
ལུགས་སྲོལ་འདིས་རྐྱེན་གྱིས་བོད་མི་རིགས་ཀྱི་ནང་དུ་ལག་ཤེས་འདི་གསུམ་དར་རྒྱས་འགྲོ་མ་ཐུབ་པ་དང་ཤེས་མཁན་ཉུང་ཉུང་མ་གཏོགས་མེད་པས་རྒྱུ་མཚན་གྱིས་དེང་རབས་ཀྱི་ལག་ཤེས་པའི་རྗེས་སུ་མ་སླེབས་པ་རེད་སྙམ།
ལག་ཤེས་ཀྱི་རིག་གནས་འདི་གསུམ་ནི་རྒྱལ་ཁབ་ཤིག་དང་སྤྱི་ཚོགས་ཤིག་ལ་མེད་དུ་མི་རུང་བའི་རིག་གནས་ཤིག་ཡིན།
དཔེར་ན་ཤིང་བཟོ་དང་མགལ་བ་གཉིས་ཀྱི་ལག་ཤེས་ལ་བརྟེན་ནས་ཁང་པ་རྒྱག་དགོས་པ་དང་འཕྲུལ་ཆ་བཟོ་དགོས་པ་མ་ཟད་འཚོ་བའི་དགོས་མཁོ་མང་པོ་བཟོ་བསྐྲུན་བྱེད་དགོས་པ་ཞིག་རེད་འདོད།
མ་ཟད་དེང་སང་སེམས་ཕམ་དགོས་པ་ཞིག་ལ་བཙན་བྱོལ་སྤྱི་ཚོགས་ནང་དུ་བོད་མི་ཞིག་གིས་དྲང་བདེན་གྱི་ཐོག་ནས་རང་གི་ལག་ཤེས་ལ་བརྟེན་ནས་འཚོ་བ་བག་ལེབ་དང་ལ་ཕྭེན་བཙོངས་ནས་བསྐྱལ་སྐབས་སུ་མི་དེར་མཐོང་ཆུང་བྱེད་པ་དང་མི་དེའི་བུ་ཕྲུག་གཏན་སློབ་འགྲོ་དུས་སློབ་ཕྲུག་ཚོས་ཕྲུག་གུ་དེར་བག་ལེབ་དང་ལ་ཕྭེན་གྱི་མིང་ལྷག་བཏགས་ནས་མགོ་བོ་ཡར་འདེབས་མི་བཅུག་པ་འདི་ནི་ཅི་འདྲ་བའི་ལུགས་སྲོལ་སྡུག་པ་ལ་ཨང།
བོད་ཀྱི་ནང་ཆོས་ཀྱི་ལུགས་སྲོལ་འདིར་གསར་བརྗེ་བྱེད་ནས་དགེ་སློང་གི་སྡོམ་པ་སྒྲུབ་སྐབས་སུ་ཤིང་བཟོ་ཡི་བུ་དང་མགལ་བ་ཡི་བུ་ཤན་པའི་བུ་མ་ཡིན་ནམ་ཞེས་དྲི་བའི་ཚབ་ཏུ།
བོད་ཀྱི་དགོན་པ་གཏོར་བའི་བུ། རང་ཡུལ་དགྲ་ལག་བཞག་བའི་བུ། དགྲ་བོའི་རྒྱུག་ཁྱི་བྱས་པའི་བུ། བཙན་བྱོལ་གཞུང་དངུལ་ལྐོག་ཟ་བྱས་པའི་བུ། དོར་རྒྱལ་བརྟེན་པའི་བུ་བཅས་མ་ཡིན་ནམ་ཞེས་དྲི་བ་འདེབས་ན་ཡག་པོ་འདུག་སྙམ།
དེང་སང་བོད་མི་སྐད་ཆ་བཤད་ཤེས་ཚོད་ཚང་མས་བོད་ཀྱི་མ་འོང་སོན་རྩ་རྣམས་ལ་བཟང་སྤྱོད་བསླབ་དགོས་འདུག་ཞེས་ཁ་ཡོད་ཚོད་ཐམས་ཅད་ཀྱིས་མ་ཎི་འདོན་པ་བཞིན་དུ་བཟང་སྤྱོད་དང་བཟང་སྤྱོད་ཞེས་འབོད་བཞིན་འདུག་ཀྱང་དོན་ལ་རང་གི་གཏན་སློབ་ཁག་གི་སློབ་མའི་ངན་སྤྱོད་དང་བོད་ཀྱི་ངན་སྲོལ་ཡང་ཤེས་ཀྱིན་མེད་པ་འདྲ།
གལ་སྲིད་འདི་འདྲ་བའི་ངན་སྲོལ་འདི་ཚོ་རྩ་བ་ནས་སྤངས་མ་ཐུབ་ན་དུས་ནམ་ཡང་བཟང་སྤྱོད་དར་མི་ཐུབ་ལ་བོད་མི་རིགས་ལ་དགོས་མཁོ་ཡོད་པའི་ལག་ཤེས་རིག་གནས་དེ་ལས་ཀྱང་ལེན་ག་ལ་ཐུབ།
བོད་མི་རིགས་ལ་དགོས་མཁོ་ཡོད་པའི་ལག་ཤེས་རིག་གནས་ལེན་མ་ཐུབ་ན་བོད་རང་བཙན་ཐོབ་ཀྱང་བོད་མི་ལ་བདེ་སྐྱིད་ལྡན་པའི་འཚོ་བ་ཞིག་དང་བོད་རྒྱལ་ཁབ་འདི་དཔལ་འབྱོར་ལྡན་པའི་རྒྱལ་ཁབ་ཤིག་བསྐྲུན་ཐུབ་ཐབས་མེད་སྙམ།
ངན་སྲོལ་ཕུགས་དུ་བསྐུངས་བའི་གངས་ཅན་པ།
བཟང་སྲོལ་དགོང་ལ་ཕྱར་བའི་གངས་ཅན་པ།
ལག་ཤེས་དགྲ་རུ་འཛིན་པའི་གངས་ཅན་པ།
བཟོ་རྩལ་མཐོང་ཆུང་བྱས་པའི་གངས་ཅན་པ།
རང་དོན་ཆུ་ལ་བསྐྱུར་བའི་གངས་ཅན་པ།
གཞན་དོན་སྲོག་ལས་གཅེས་པའི་གངས་ཅན་པ།
སྟོང་བསམ་བདེ་སྐྱིད་འདོད་པའི་གངས་ཅན་པ།
ས་མཐའི་ཅོ་རི་ང་ཡང་གངས་ཅན་པ།་་་་་་་་་་་་་་་་་དགེའོ།
སྟས་ངན་རྒྱ་རྒན་ཆ་བོ་ཧ་མི་གོ་རྒྱུ་ཡོད་ནི་མ་རུ་ར་ད་ཧམ་པ་ཆེ་གྲགས་ན་ཁོང་ཚོ་ར་བདེ་བོ་ཞིག་མི་ཡོང་བསམ་གྱི་འདུག ལྷ་ཆོས་སྐྱོངས་སྲུང་མ་སྤྱན་གྱིས་གཟིགས་རན། མཐུ་རྩལ་ཞིག་ཡོད་ན་སྟོན་རན། གཞིས་ལས་བོད་མི་དེ་ཚོ་སྙིང་རེ་རྗེ། ད་བོད་པ་ཚང་ལ་ཡོད་ན་ངོམས་རན་རེད།
ལོ་མང་བསགས་པའི་འབྲས་བུ་སྨོན་བཞིན་པ་འདི་ནི་བཅོས་ཐབས་མེད་གནད་དོན་ཞིག་ཡིན་པར་འདོད།
བོད་མི་རིགས་འདི་རྒྱ་མི་དང་མཉམ་དུ་རྩ་ཁྲིམས་གཅིག་གི་འོག་ཏུ་སྡོད་དགོས་དུས་མི་རིགས་གཉིས་ཀྱི་བར་སྐད་ཡིག་དང་ལག་ཤེས་རིག་གནས་བཅས་ཀྱི་ཧ་ཅང་ཁྱད་པར་ཆེན་བོ་ཡོད་པའི་རྐྱེན་གྱིས་རྒྱ་མི་ཁ་ཡ་འདུག་གིན་མེད་པ་རེད།
དཔེར་ན་བོད་ཀྱི་སྐད་ཡིག་ལྟ་བུ་ལ་མཚོན་ན་རྒྱ་མི་སྐད་ཡིག་ནང་དུ་ཡོད་པའི་དེང་རབས་གསར་པའི་ལག་ཤེས་རིག་གནས་རྣམས་བོད་ཀྱི་སྐད་ཡིག་ནང་དུ་མེད་པ་དང་བོད་མི་ལ་རྒྱ་མི་ནང་བཞིན་ལག་ཤེས་མེད་དུས་དངུལ་ཡོང་སའི་ལས་དཀའ་ཚང་མ་རྒྱ་མི་རྣམས་ཀྱིས་བྱས་འགྲོ་བ་དང་གཅིག
གཉིས་ནས་བོད་མི་རེ་གཉིས་ལ་དེང་རབས་གསར་པའི་ལག་ཤེས་རིག་གནས་ཡོད་པ་དེ་ཡང་རྒྱ་མི་སྐད་ཡིག་ནས་སློབ་སྦྱོང་བྱས་པ་རེད།
ང་རང་2006་ལ་བོད་དུ་འགྲོ་སྐབས་སུ་བོད་ཀྱི་གྲོང་ཁྱེར་རྣམས་ཀྱི་ནང་དུ་ཡོང་འབབ་ཡོད་པའི་ལས་དཀའ་ཚང་མ་རྒྱ་མི་རྣམས་ཀྱིས་བྱས་བཞིན་འདུག
དཔེར་ན་ཆུང་ས་ནས་ལྷམ་བཟོ་བ་དང་སྐྲ་ཁང་། ཟ་ཁང་། ཚོང་ཁང་། ཤིང་བཟོ། རྡོ་བཟོ། ལྕགས་བཟོ། ཚལ་བཙོང་བ། ཤ་བཙོང་བ། མདོ་ན་ཐམས་ཅད་ནས་ཐམས་ཅད་རྒྱ་མི་རྣམས་བྱས་ཀྱིན་འདུག
བོད་ཀྱི་སྐད་ཡིག་ཐོག་ནས་ཡོང་འབབ་ཡོད་པའི་ལས་དཀའ་བྱས་ཐུབ་ཀྱིན་ཕར་ཞོག་བོད་ཀྱི་རྒྱལ་ས་ལྷ་ས་སུ་ཟ་ཁང་ནས་ཁ་ལག་ཉོ་ཐུབ་ཀྱིན་མི་འདུག
ཆོས་ལུགས་ཀྱིས་གནད་ཤུགས་སྤྲོད་པར་བརྟེན་གྲོང་ཁྱེར་ནང་དུ་ཤ་རྒྱ་མ་གང་ལ་སྒོར་༡༠དང་འབྲོག་པའི་ས་ཁུལ་ལ་ཤ་རྒྱ་མ་གང་ལ་སྒོར་༡༡རེད་འདུག
ཤ་དེ་ནི་འབྲོག་པའི་དུར་འགྲོའི་ཤ་རེད་འདུག
འབྲོག་བླ་ཚོས་འཚི་མེད་ཞི་བའི་ལྟ་བ་ལག་ལེན་སྟར་ནས་འབྲོག་པ་རྣམས་ལ་སྲོག་གཅོད་སྤངས་ཆུགས་ནས་འབྲོག་པ་རྣམས་ཀྱིས་དུར་འགྲོ་བསད་ཀྱིན་མི་འདུག
དེ་བརྟེན་རྒྱ་མི་རྣམས་ལ་ཡོང་འབབ་ཡོད་པའི་ལས་གཅིག་ཐོབ་པ་རེད།
རྒྱ་མི་བོད་ཁུལ་དུ་མང་རུ་མང་རུ་འགྲོ་བའི་རྒྱུ་རྐྱེན་གཅིག་ནི་ཡོང་འབབ་ཡོད་པའི་ལས་དཀའ་ཡོད་པས་རྒྱུ་མཚན་གྱིས་རེད་འདུག
ལྟས་ངན་རེད།་་་་་རྒྱ་ནག་གི་དམིགས་ཡུལ་གཙོ་བོ་དེ་དངོས་སུ་ལག་བསྟར་བྱེད་རྒྱུ་འགོ་བཙུགས་པ་རེད། རིམ་གྱིས་བོད་ཁམས་ཡོངས་ལ་འདི་ལྟར་བྱེད་རྒྱུ་རེད་ཡ་་་་ང་ཚོས་ཀྱང་འདིའི་ཁ་གཏད་ཀྱི་ལས་དོན་ཞིག་གཞུང་སྒེར་དང་མི་བུ་རེ་རེའི་ངོས་ནས་གྲ་སྒྲིག་བྱ་དགོས་པ་ཧ་ཅང་གི་གལ་ཆེན་ཡིན།
ང་ཚོ་རང་དབང་ལུང་པར་གནས་སྡོད་བྱེད་མཁན་བོད་མི་དབུལ་ཕྱུག་ཡོངས་
རྫོགས་ཀྱིས་བོད་སྤྱི་བའི་གནས་དོན་ལ་བསམ་བློ་གཏོང་བའི་དུས་ལ་སླེབས་འདུག
ད་ནི་བོད་ཀྱི་རྒྱལ་ས་ལ་བོད་མི་བོད་སྐད་བཤད་མི་ཆོག་པའི་དུས་ལ་སླེབས་འདུག
ད་ང་ཚོས་བསམ་བློ་ཞིབ་ཚགས་གཏོང་དགོས་ཀྱི་འདུག
ལྷ་ས་་་་ངའི་སེམས་ནང་གི་གནས་མཆོག་
བུ་ངས་ཕ་མ་བྲལ་ནས་འོངས་དུས་་་་་ཉི་མ་ལྷ་སའི་ཞིང་དུ་་་
ཇོ་བོ་ཡིད་བཞིན་ནོར་བུའི་མདུན་དུ་་་་ཕ་མ་རྒན་རྒོན་གཉིས་ལ་
ཚེ་ཡི་བར་ཆད་མེད་ཅིང་ནད་མེད་བདེ་སྐྱིད་ཡོང་བར་་་གསོལ་བ་སྨོན་ལམ་བཏབ་ཡོད
པོ་ཏ་ལ་ཡི་རྩེ་ནས་་་་རྒྱལ་བའི་གསེར་ཁྲིའི་གམ་དུ
ང་དང་བོད་མི་་་་ཐག་རིང་ཡུལ་དུ་འགྲོ་ཡང་
ནམ་ཞིག་ལྷ་ལྡན་རྒྱལ་སར་་་་་་་་་་་ཉི་ཟླ་མཉམ་དུ་འཆར་འདྲ
གཞིས་བྱེས་མཉམ་འཛོམས་ཡོངས་བར་་་་་་་སྐྱབས་འཇུག་སྙིང་ནས་ཞུ་ཡོད
ནོར་གླིང་ཕོ་བྲང་ནང་དུ་་་་་རིགས་ཉུང་རིགས་དྭགས་གཙོད་འདྲ
བོད་མི་སྟོང་ལ་ཉེ་བའི་་་་ཉེས་ཁ་ཡོད་པར་བསམ་ནས
རང་དབང་བདེ་སྐྱིད་ཉི་མ་་་་མྱུར་དུ་ཤར་ན་བསམ་བྱུང
དེ་རིང་རྒྱལ་ས་ལྷ་སར་་་་་་དབྱངས་གསལ་སོ་བཞིའི་བོད་སྐད་
ཕན་ཐོགས་མེད་པར་ཟེར་གྱིན་་་
ད་དུང་་་རྒྱ་མིས་ཧམ་པ་་་ལྕགས་ཕོ་རི་ལས་ཆེ་འདུག་་་་་
འོ་ཚོ་བོད་པ་ཚང་ལ་
རིགས་པའི་གཞུང་ལུགས་ཡོད་ན་་་་་རང་དབང་ཐབས་ལམ་ཡོད་ན་་
བོད་ལ་ལ་རྒྱ་ཡོད་ན་་་་ཚོགས་པ་སྐྱིད་སྡུག་ཡོད་ན་་་་་ཆོལ་ཁ་ཆོལ་ལུགས་ཡོད་ན་
མཁྱེན་ལྡན་མཁས་པ་་་་་་་འབྱོར་ལྡན་ཕྱུག་པོ་་་་་མཐུ་ལྡན་ལྷ་དང་བླ་མ་་་་་ཡོད་ཚད་འདི་རུ་འཛོམས་རོགས
བོད་དང་ལྷ་ས་སྐྱོབ་རོགས་་་་
ཉིན་གཅིག་ངའི་གྲོགས་པོ་ཤིག་དང་ལྷན་དུ་ལྷ་སའི་གཡས་གཡོན་ཚང་མར་མོ་ཊའི་ནང་སྤྲོ་འཆམ་དུ་འགྲོ་དུས་བོད་ལྗོངས་སློབ་གྲྭ་ཆེན་མོའི་ཉེ་འདབས་ཀྱི་ལམ་ཆེན་ཟུར་དུ་བོད་རིགས་ཀྱི་གཞང་ཁང་རེད་ཟེར་བའི་ཁང་པ་འགའ་ཤས་ཤིག་མ་གཏོགས་དེ་མིན་ལྷ་སའི་གཡས་གཡོན་གྱི་མཐའ་བསྐོར་ཡོངས་ལ་རྒྱ་མིའི་གཞང་ཁང་གིས་ཁེངས་ཡོད་པ་རེད་ཟེར།
ད་དུང་ལྷ་སའི་གཙང་པོའི་སྟེང་དུ་གསར་དུ་བཟོས་པའི་ཚོང་ཁང་དང་། ཇ་ཁང་། རོལ་རྩེད་ཁང་། ཞབས་བྲོ་ཁང་། སྤྲོ་སྐྱིད་ཁང་སོགས་ཚང་མ་རྒྱ་མིས་གཉེར་བཞིན་འདུག མ་ཟད་དེའི་ས་འོག་ཏུ་རྒྱ་མིའི་སྤྲོ་སྐྱིད་གཏོང་སའི་ཁང་ཆེན་ཞིག་ནང་རྒྱ་རིགས་བུད་མེད་ལོ་ན་ ༡༨ ནས་༢༥ མན་གྱི་བུད་མེད་གཞོན་ནུ་མས་གཞས་དང་། གླུ་ལེན། གྱོན་གོས་འགྲན་བསྡུར། ལུས་རྩལ། ཉམས་འགྱུར། སྒེག་ཉམས་སྣ་ཚོགས་སྟོན་མཁན་གྱི་རྒྱ་མོ་ན་གཞོན་མ་ ༨༠༠ ནས་༡༠༠༠ བར་ཡོད་རེད་ཟེར་ལ་ཁང་པ་དེའི་དེའི་ནང་དུ་འཛུལ་མ་ཐག་ཏུ་རྒྱ་སྒོར་༨༠༠ ཐམ་པ་སྤྲོད་དགོས་པ་དང་ནང་དུ་ཟ་བཏུང་དང་བུད་མེད་དེ་དག་རྩེད་འཇོར་རོལ་བའི་གླ་ཆར་རྒྱ་སྒོར་ ༥༠༠༠༠ ནས་ ༡༠༠༠༠ ཁྲི་གཅིག་བར་སྤྲོད་དགོས་པ་རེད་ཟེར་འགྲེལ་བཤད་བརྒྱབ་བྱུང་།
གནས་སྟངས་འདི་འདྲ་ཞིག་གི་ཐོག་ནས་བཤད་ན་ལྷ་ས་ནི་རྒྱ་མིའ་ལྷ་ས་རེད་ཅེས་ཟེར་ནའང་མི་ཆོག་པ་མི་འདུག་སྙམ་པ་ཞིག་ངའི་བློ་ལ་འཆར་བྱུང་།
བོད་རང་སྐྱོང་ལྗོངས་ཀྱི་ནང་དུ་བོད་མིའི་མི་འབོར་ ༢༠༠༨༠ ཁྲི་ཉིས་བརྒྱ་གྱ་བཅུ་ཡོད་ལ་གཞུང་གི་ཐོ་བཀོད་ལྟར་བྱས་ན་རྒྱ་མི་ ༨༠༠༠༠ ཁྲི་ཚོ་བརྒྱད་ལྷག་ཡོད་པ་རེད།
ཡིན་ནའང་ལྷ་ས་ནི་བོད་ཀྱི་རྒྱལ་ས་ཡིན་སྟབས་རྒྱ་མི་འདུས་སྡོད་བྱེད་ས་ཆ་ཤོས་དེ་རེད། དེ་བཞིན་ལྷོ་ས་ཁུལ། གཞི་རྩེ་ས་ཁུལ། ཉིང་ཁྲི་ས་ཁུལ། ཆབ་མདོ་ས་ཁུལ། མངའ་རིས་ས་ཁུལ། ཉིང་ཁྲི་ས་ཁུལ། ནག་ཆུ་ས་ཁུལབཅས་ལའང་རྒྱ་མི་འབོར་ཆེན་གནས་སྡོད་བྱེད་བཞིན་པ་རེད།
༢༠༠༦ ལོར་ངས་བོད་རང་སྐྱོང་ལྗོངས་ཀྱི་ས་ཁུལ་འགའ་ཤས་བསྐྱོད་མྱོང་། སྐབས་དེར་ལྷ་སར་གཞིགས་ན་བོད་རིགས་ལས་རྒྱ་རིགས་མང་ལ་བོད་རིགས་ཀྱི་གྲངས་འབོར་ཆེ་ས་ཁུལ་གཙུག་ལག་ཁང་གི་ཉེ་འཁྲིས་བར་བསྐོར་དང་། རྭ་མོ་ཆེ། ལྷ་ཀླུའི་གཞོལ་གྲོང་གསར་བཅས་རེད།
དེ་མིན་ནོར་བུ་གླིང་ཁ་དང་། འབྲས་སྤུངས་ཀྱི་མདའ། སེ་རྭ་ཉེ་འདབས། ལྷ་སའི་ས་ཁུལ་མང་ཆེ་བར་རྒྱ་མིས་དགང་འདུག ལྷག་དོན་ལས་རིགས་གང་འདྲ་ཞིག་ལ་བལྟས་ནའང་རྒྱ་ཆ་དགུ་བཅུ་ཙམ་རྒྱ་མིས་ཟིན་བཟུང་འདུག
དཔེར་ན། བོད་རང་སྐྱོང་ལྗོངས་ཀྱི་མགོ་ཁྲིད་མཐོ་ཤོས་རྒྱ་རིགས་ཀྲང་ཆིན་ལིང་ཡིན་ལ་ལས་ཁུངས་རིམ་པའི་མགོ་ཁྲིད་དང་དབང་ཆ་མཐོ་ཤོས་ཁག་མཚང་མ་རྒྱ་མིས་བཟུང་ཡོད། ལྷ་སའི་བར་བསྐོར་ལ་མཚོན་ན་ཚང་ཁང་དང་། ཁྲོམ་ས། ཚང་ཟོག་སོགས་ཀྱི་རྒྱ་ཆ་ ༦༠ ཙམ་རྒྱ་མིས་བཟུང་འདུག ལྷ་སའི་ཚལ་ཚོང་ཁང་། གྱོན་ཆས་ཚོང་ཁང་། ཟ་རིགས་ཚང་ཁང་། མགྲོན་ཁང་། ཟ་ཁང་། རྩེད་ཁང་། འཁྲུས་ཁང་། ཇ་ཁང་། ཙག་ཙིག་ཚང་ཁང་སོགས་མང་ཆེ་བ་རྒྱ་མི་རེད་འདུག
གླ་གཏོང་མོ་ཊ་ texi གཏོང་མཁན་དང་མོ་ཊའི་བདག་པོའི་རྒྱ་ཆ་ ༩༣ ཙམ་རྒྱ་མི་རེད་རླངས་འཁོར་བཟོ་བཅོས་ཁང་དང་། མོ་ཊ་འཁྲུ་ས་སོགས་ཀྱི་སྦྱིན་དབག་ཚང་མ་རྒྱ་རིགས་རེད་ལ་ལས་ཀ་བྱེད་མཁན་གྱི་གླ་པ་ནི་བོད་ཀྱི་གྲོང་གསེབ་ནས་སླེབས་པའི་ན་ཆུང་བུ་མོ་ཤ་སྟག་རེད་འདུག
ཕོ་བྲང་པོ་ཏྭ་ལའི་ཤར་ངོས་སུ་ཡོད་པའི་བོད་ཀྱི་གསོལ་མགྲོན་ཁང་ཆེན་སྟོབས་ཆེན་ཞིག་དང་། ལྗོངས་སྨན་རྩིས་ཁང་གི་ཉེ་འདབས་སུ་ཡོད་པའི་བོད་ཟས་ཁང་ཆེན་གཅིག ལྷ་ས་གཡག་མགྲོན་ཁང་གི་གཡོན་ངོས་སུ་ཡོད་པའི་བོད་ཟས་ཁང་ཅིག གཡུ་ཐོག་ཟམ་པའི་མདུན་ངོས་སུ་ཡོད་གསོ་མགྲོན་ཁང་ཆེན་པོ་གཅིག་བཅས་བོད་རིགས་ཀྱི་གཉེར་སྐྱོང་བྱེད་བཞིན་ཡོད་པ་ཆེས་ཉུང་ཤས་ཤིག་ལས་དེ་རིགས་རྒྱ་ཆ་ ༩༠ ལྷག་ཙམ་རྒྱ་རིགས་ཀྱིས་ཚང་གཉེར་བྱེད་བཞིན་འདུག
ཚང་གཉེར་དེ་དག་གི་ནང་དུ་གཡོགས་རྒྱུགས་མཁན་ནམ་གླ་པ་ཙལ་ཆེ་བ་བོད་རིགས་རེད་འདུག གྱོན་ཆས་ཚང་ཁང་གཅིག་བོད་རིགས་ན་གཞོན་མ་གཅིག་ལ་ངས་གླ་ཆ་ག་ཚོད་ཙམ་སྤྲོད་ཀྱིན་ཡོད་མེད་དྲིས་པར་བུ་མོ་དེས་ཉིན་མོའི་ཁ་ལག་ཕུད་ཟླ་རེར་རྒྱ་སྒོར་༨༥༠ ལས་མེད་ཟེར།
ཡང་མོ་ཊ་འཁྲུ་བའི་སྐབས་ཤིག་ལ་བོད་རིགས་ན་གཞོན་མ་གཅིག་ལ་གླ་ཆ་ག་ཚོད་ཡོད་སྐད་ཆ་དྲིས་པས་མོས་ང་རང་གྲོང་གསེབ་ནས་འདིར་གླ་གསོག་ཆེད་ཡོང་བ་ཡིན་བསྡད་ས་དང་། ལྟོ་ཆས་ཕུད་ཟླ་རེར་གླ་ཆ་སྒོར་ ༣༥༠ཡོད་ཟེར།
ལ༈་སའི་ནང་ཉིན་གྲངས་ ༡༥ ཙམ་གྱི་རིང་ལ་ངས་བོད་རིགས་གླ་གཏོང་མོ་ཊ་texi ནང་ཡར་མར་འགྲོ་སྡོད་ཆེ་ནའང་ག་དུས་ཡིན་ཀྱང་ང་ལ་རྒྱ་མི་ལས་བོད་རིགས་གཆིག་ཀྱང་ངོ་ཐུག་མ་བྱུང་སྟབས་ངས་སྤུན་ཉེ་གཅིག་ལ་བོད་རིགས་ཀྱི་གླ་གཏོང་མོ་ཊ་མེད་པ་རེད་དམ་ཞེས་དྲིས་དགོས་ཆགས་སྟབས་ཁོང་གིས་རེ་གཉིས་ཡོད་པ་རེད་ཟེར་ལན་སྟབས་མ་ཐག་ངའི་སེམས་ནང་སྐྱོ་ལ༈ང་ལྷང་གི་སྣང་ཞིག་བསྟེར་བྱུང་།
དུས་ཡུན་དེའི་རིང་ལྷ་སའི་ཁྲོམ་དང་། མཆོད་མཇལ། བོད་ཟས་ཁང་སོགས་ཀྱི་ནང་དུ་བོད་རིགས་ལྟོ་སློང་མཁན་གྱི་ཕྲུ་གུ་ཆུང་ཆུང་དང་། སྐྱེས་དམན་འགའ་ཤས་ཡང་མཐོང་བྱུང་ལ་སེམས་གཏིང་ནས་མི་གཟོད་པའི་ན་ཟུག་ཡང་དྲག་པོ་བསྟེར་བྱུང་ངས་དེའི་སྐོར་ལ་བསམ་བློ་གཏོང་སྐབས་ད་ལྟ་ཡང་སེམས་ནང་དངོས་གནས་སྐྱོ་ལྷང་ལྷང་ཞིག་ཡོང་གིན་འདུག
བོད་ས་ནས་བོད་མིས་བོད་སྐད་བཤད་མི་ཆོག མི་རིང་བར་བོད་ཁུལ་ནས་བོད་མི་བསྡོད་མི་ཆོག་ཡང་ཟེར་ས་རེད། ད་གང་དུ་འགྲོ་དགོས་པ་རེད། གནམ་སྔོན་པོ་མཁྱེན། གནམ་འོག་འདིས་བྱ་བ་སུས་ཇུས་འདོག་བྱེད་དགོས་པ་ཡིན་ནམ།
ལྷ་སའི་ཡུལ་མི་དང་ཕྱི་མིའི་རྒྱ་རིགས།
སེམས་ཤུགས་མ་ཆག་བོད་རིགས་ཚོ། །
རྒྱ་རིགས་ཉུང་ཤས་སྡོད་དུ་ཆུག །
འདོད་ཡོན་མ་གཡེང་ཤེས་རྒྱ་སློབས། །
ཕ་གཞིས་བུ་ཐོབ་ལས་འབྲས་ཡོད། །
གཞིས་བྱེས་མཛས་མཐུན་རྟག་བརྟན་ཤོག །
ལྷ་ས་རྒྱ་སར་འགྱུར། བོད་པ་རྒྱ་ལ་འགྱུར་བའི་འགྱུར་ལྡོག་འདི་དུས་ཚོད་སྔ་ཕྱིའི་གནད་དོན་ཙམ་མ་གཏོགས་སུས་ཀྱང་ཁ་བསྒྱུར་མི་གཏུབ་པའི་འགྱུར་བ་ཞིག་ཡིན། འཇིག་རྟེན་སྤྱིའི་འཕེལ་འགྲིབ་ཀྱི་སྣང་ཚུལ་ལ་བལྟས་ན་མི་རིགས་ཤིག་དར་བ་ནས་རྒུད་པར་ཕྱོགས་པའི་ངང་ཚུལ་འདིར་མིག་ཆུ་འདོན་དགོས་པའི་སྡུག་སྣང་ཞིག་བྱེད་རིན་ཡོད་དམ།
འགྱུར་ལྡོག་སྨྱོན་པ་འདིའི་སྣ་ཁ་ལོན་ཐབས་མེད་པའི་སྒྲུབ་བྱེད་གཅིག་ནི་བོད་རིགས་རང་ངོས་ནས་འགྱུར་ལྡོག་འདིར་ཕན་རྐྱེན་བསྐྲུན་བཞིན་པས་མི་ཚད་ད་དུང་འགྱུར་ལྡོག་འདིའི་འཕེལ་ཚད་ཇེ་མྱུར་དུ་གཏོང་བར་བསམ་བཞིན་ནམ་ཡང་ན་བསམ་བཞིན་མིན་པའི་རྒྱུ་རྐྱེན་བསྐྲུན་གྱི་འདུག
ད་དུང་ཡང་ང་ཚོས་རྒྱ་ནག་གི་ལྷ་ས་གཙང་མ་ཞིག་མ་ཆགས་པར་སྒུག་ནས་སྡོད་དགོས་རྒྱུ་ཨེ་ཡིན། ཡང་མིན་ན་་་་་་་་་་་་། ཨམ་མདོ་ཁུལ་གྱི་ཟི་ལིང་དང་ནག་གོར་མོ། ཁམས་ཁུལ་གྱི་རྒྱལ་ཐང་དང་མི་ལི། ད་དུང་ཡང་རྒྱ་ནག་གི་གྲོང་ཁྱེར་གཙང་མར་འགྱུར་ལ་ཉེ་བ་ཧ་ཅང་མང་།
རེད་རེད། དངོས་གནས་རྒྱ་ནག་གི་ལྷ་ས་ཆགས་ཀྱི་འདུག ད་ནི་ཅང་མི་འགོར་བར་བོད་པ་ཚོས་བོད་ས་ནས་གཅིན་པ་གཏོང་ས་ཡང་མི་རྙེད་རྒྱུའི་ཚད་ལ་ལྷུང་ས་རེད། དངོས་གནས་བཙན་འཛུལ་ཚད་བརྒལ་རེད་ཡ།