བོད་གཞུང་དམངས་ཡོངས་ཀྱིས་བརྟན་བཞུགས་ཕུལ་བ།

༧གོང་ས་མཆོག་ལ་བསྟོད་ཚིག་ཁ་ཤས་ཤིག་འབྲི་བ་ལས།
ཁོང་གིས་བཀའ་སློབ་གང་གསུངས་པ་དེ་ཡི་ཁྲོད་ནས་ལག་ལེན་རེ་འཁེལ་ཐུབ་པ་ཡིན་ན། དེ་ནི་༧བླ་མའི་བརྟན་གཞུགས་དང་སློབ་མའི་མདུན་ལམ་ཡིན། དེ་མིན་ཁ་དང་ཁོག་པ་བར་ཐག་རིང་སོང་བ་ཡིན་ན། བརྟན་གཞུགས་ག་ཚོད་ཕུལ་ཡང་། ༧ཁོང་གི་ཐུགས་ཕམ་གསོ་བར་མི་ཕན་པ་ཡིན།

གང་ཐུགས་འཁྲུལ་བྲལ་བརྩེ་ཆེན་ཉིན་བྱེད་བརྒྱས།།
གང་འཚམས་གཞན་ཕན་འོད་སྣང་འབུམ་འགྱེད་པས།།
གང་ཞིག་སྨོན་ལོག་སྲིན་བྱས་མ་བཟོད་པར།།
གང་སྣང་ལོག་པར་ལྟ་ཞིང་ཆོ་ངེ་འདེབས།།

ཁྱོད་དབུགས་འབྱུང་རྔུབ་ཙམ་དང་སྐུ་ལུས་ཀྱི།།
བ་སྤུ་གཡོ་བའང་གཞན་ཕན་འབའ་ཞིག་འདིས།།
ཁྱོད་ལ་ཉེས་པའི་གོ་སྐབས་གཏན་ཟད་ཀྱང།།
ཁ་ཅིག་ཟས་གཙང་སྲས་ལ་ལག་སྐར་བཞིན།།

ཁྱོད་སྐུ་མཚན་དཔེ་འབར་བའི་གཟི་ཡིས་དྲེགས་པའི་འཁོར་ཚོགས་མོག་མོག་བསྒྱུར།།
ཁྱོད་གསུང་ལེགས་བཤད་ལུང་རིགས་དབྱར་རྔས་མཁས་རློམས་ཁེངས་པའི་ས་འཛིན་བསྙིལ།།
ཁྱོད་ཐུགས་སྒྲིབ་བྲལ་ཡེ་ཤེས་མེ་དཔུང་མཚན་འཛིན་ཚང་ཚིང་ལྷག་མེད་བསྲེགས།།
ཁྱོད་ཡོན་ཆ་ཙམ་དྲན་ཞིང་བརྗོད་ལའང་ཐ་མལ་བདག་ནི་ངལ་ཞིང་དུབ།།
ད་དུང་མཁའ་ཁྱབ་འགྲོ་རྣམས་མ་ཟད་པ།།
དེ་སྲིད་མགོན་ཁྱོད་ཐུགས་དམ་རྡོ་རྗེའི་ལྷུན།།
འགྱུར་མེད་འགྲོ་བ་སྤྱི་དང་གང་གི་ཞིང།།
བྷོ་ཊའི་སྣོད་བཅུད་རྟག་ཏུ་རྗེས་འཛིན་གསོལ།།

མ་རུང་སྐྱེ་བོས་ཅི་ཙམ་བསུན་གཙེར་ཡང།།
ཚད་མེད་རྣམ་བཞིའི་དེ་ལ་ལྷག་པར་བརྩེ།།
རྨད་བྱུང་གཞན་ཕན་མཛད་འཕྲིན་ས་གསུམ་ཁྱབ།།
འཛམ་གླིང་ཐུབ་པའི་རྒྱལ་ཚབ་རྟག་བརྟན་ཤོག།

དྲང་མོ་བཤད་ན་དེ་རིང་སེར་བྱེས་གྲྭ་ཚང་གི་ཞབས་བརྟན་ཉིན་གང་བོ་འཚོགས་སོང་། ཡིན་ནའང་ང་ཕྲན་ཚོགས་ལ་གཅིག་ཀྱང་འགྲོ་ཐུབ་མ་སོང་། འགྱོད་པ་ཡང་སྐྱེས་ཀི་མེད། ངས་ཞབས་བརྟན་ཟེར་བ་དེ་འདྲ་ཞིག་ལ་ངོས་འཛིན་གི་མེད། རང་ཉིད་ཀྱི་སེམས་ཁོང་ནས་འདི་ལྟར་འདོད་ཡོད། སྐུ་ཚེ་བསྐལ་བརྒྱར་བརྟན་ཅིང་། བཞེད་དོན་ལྷུག་འགྲུབ་ཡོང་བའི་སྨོན་ལམ་འདེབས།

ཇི་སྐད་དུ། རྒྱལ་ཚབ་རྭ་སྒྲེང་རིན་པོ་ཆེའི་ཞལ་སྔ་ནས།

ཚུལ་ཁྲིམས་རྩལ་རྫོགས་ཐུབ་བསྟན་གངས་ཀྱི་རིར།།
འགྱིང་བའི་ཏིང་འཛིན་གཡུ་རལ་ངོམ་བཞིན་ཏུ།།
ཤེས་རབ་གདོང་ལྔས་རྨོངས་པའི་ཀླད་པ་འགེམས།།
རྒྱལ་མཆོག་འཕྲོགས་བྱེད་དབང་པོ་ཞབས་བརྟན་ཤོག།

ཉམས་ཐག་སྨག་རུམ་འཐིབས་པའི་གངས་ཅན་འདིར།།
མགོན་ཁྱོད་ཐུགས་རྗེའི་སྒྲོན་མེ་འབར་བའི་གཟིས།།
ཕན་དང་བདེ་བའི་སྣང་བ་འགྱེད་བཞིན་དུ།།
སྲིད་ཞིའི་བར་དུ་མི་གཡོ་རྟག་བརྟན་ཤོག།
ཅེས་དང།

མགོན་མེད་གངས་ཅན་ཞིང་འདིའི་འགྲོ་བ་རྣམས།།
ཇི་སྲིད་འཁོར་བའི་ཕྱི་མཐའ་མ་རྫོགས་བར།།
དེ་སྲིད་མཚུངས་པ་མེད་པའི་གསང་གསུམ་གྱིས།།
སྡེ་བཞིའི་དཔལ་ལ་སྦྱོར་བཞིན་བརྟན་པར་བཞུགས།།

ཞེས་གསུངས་པ་ལྟར་༧གོང་ས་སྐྱབས་མགོན་ཆེན་པོའི་སྐུ་ཚེ་བསྐལ་བརྒྱར་བརྟན་ཞིང་རླབས་ཆེན་ཐུགས་བཞེད་ཟབ་མོ་མཐའ་དག་གེགས་མེད་ལེགས་འགྲུབས་ཡོང་བར་སྨོན།།

གསར་འགོད་པ་ལགས།

དེ་རིང་ཞོགས་པའི་བརྟན་བཞུགས་ཀྱི་གནས་ཚུལ་ཞིབ་རྒྱས་མགྱོགས་མྱུར་མཁོ་འདོན་གནང་བར་ཐུགས་རྗེ་ཆེ།་འོན་ཀྱང་མགྱོགས་ཚད་ལས་སྤུས་ཚད་ལེགས་པ་དགོས་པས།་ཡིག་ནོར་གང་ཙམ་འདུག་པ་དེ་དག་བཅོས་གནང་ཡོང་བ་ཞུ།

མཆོད་པའི་ནང་ནས་མཆོག་ཏུ་འགྱུར་བ་ནི་བཀའ་བཞིན་སྒྲུབ་པའི་མཆོད་པ་དེ་ཡིན་པས།་༸གོང་ས་མཆོག་གི་རླབས་ཆེན་གྱི་བཀའ་སློབ་རྣམས་རང་རིགས་སྐྱེ་བོའི་ཚོགས་ཀྱི་སྙིང་ཁའི་དབུས་སུ་བཅངས་ནས་ཉིན་རེའི་བྱ་བཞག་ཐད་གང་ཐུབ་ཀྱིས་ལག་ལེན་ལ་འབད་རྒྱུ་ནི་རང་གཞན་གཉིས་དང།་ཚེ་འདི་ཕྱི་གཉིས་ཀར་ཕན་པའི་དགོས་འདོད་ཀྱི་ནོར་བུ་གཅིག་མ་ཡིན་ནམ།
དེས་ན་གུས་པས་ལག་གཉིས་ཐལ་མོ་སྦྱར་ནས་དད་སེམས་ཀྱི་ཕྱུག་པའི་རང་རིགས་སྐྱེ་བུ་རྒན་གཞོན་ཡོངས་ལ་འབོད་བསྐུལ་ཞུ་རྒྱུར།ཁོང་གི་བཀའ་སློབ་ལ་དོ་སྣང་གིས་ལག་ལེན་བསྟར་གནང་ཡོང་བ་ཞུ།

༄༅། །ཕྱག་ན་པདྨོའི་བྱིན་རླབས་བདུད་རྩིའི་རྒྱུན།།
བདག་སོགས་སྙིང་གི་ཟུངས་སུ་རྟག་སྨིན་ཅིང་།།
བཀའ་བཞིན་སྒྲུབ་པའི་མཆོད་པས་རབ་བསྙེན་ནས།།
ཀུན་བཟང་སྤྱོད་མཆོག་རྒྱ་མཚོ་མཐར་ཕྱིན་ཤོག།

བརྟན་བཞུགས་ཀྱི་མཆོག་ནི་༸རྒྱལ་བས་ཅི་གསུང་བཀའ་སྒྲུབ་བྱ་རྒྱུ་དེ་ཡིན་པ་ཁོ་བོས་འདོད།།