སོག་ཕྲུག་གླུ་བ་བཀྲ་ཤིས་དོན་འགྲུབ་ལ་ཆབ་སྲིད་དང་འབྲེལ་བའི་གཞས་བཏང་བའི་ཉེས་མིང་འོག་ལོ་གཅིག་དང་ཟླ་བདུན་ལྷག་གི་ཁྲིམས་ཐག་བཅད་འདུག
རྒྱལ་སྤྱིའི་བོད་དོན་ལས་འགུལ་ཁང་གིས་འདི་གའི་གསར་ཁང་ལ་གནས་ཚུལ་མཁོ་སྤྲོད་བྱས་པ་ལྟར་ན། མཚོ་སྔོན་ཞིང་ཆེན་རྨ་ལྷོ་སོག་རྫོང་ནས་ཡིན་པའི་གླུ་བ་བཀྲ་ཤིས་དོན་གྲུབ་ལགས་ཀྱིས། ཕྱི་ལོ་ ༢༠༠༨ ལོར་ཁོང་གི་རོགས་པ་སྐོར་ཞིག་དང་མཉམ་དུ་ ༼གཡུ་མཚོ་སྔོན་མོའི་རླབས་སྒྲ་ ༽ ཞེས་པའི་འོད་སྡེར་ཞིག་བཏོན་པའི་ནང་། ༼ ང་བརྒྱད་ལོ་དང་ཉིས་སྟོང་བརྒྱད་ལོ་ ༽ ཞེས་པའི་གཞས་ཞིག་བཏང་བར་རྒྱ་གཞུང་གིས་ཁོང་གི་གཞས་དེ་ཆབ་སྲིད་དང་འབྲེལ་བའི་གཞས་ཡིན་པར་ངོས་འཛིན་གྱིས་འོད་སྡེར་དེའི་ནང་དུ་འཇུག་པར་བཀག་འགོག་བྱས་ཡོད་པ་དང་། 
༢༠༠༩ ལོར་ཁོང་གིས་ཡང་བསྐྱར་ ༼ རྨ་ཁ་མེད་པའི་གཅར་རྡུང་ ༽ ཞེས་པའི་རྡུང་ལེན་འོད་སྡེར་ཞིག་གསར་དུ་བཏོན་པར་རྐྱེན་བྱས་ཏེ། ཁོང་ལ་སྔ་གཞུག་ཏུ་འོད་སྡེར་བཀྲམས་པར་བཀག་འགོག་དང་འཛིན་བཟུང་བྱ་རྒྱུའི་གསལ་བསྒྲགས་བྱས་སྟབས། ཁོང་རང་གི་ཕ་ཡུལ་ནས་འདུག་མ་ཐུབ་པར་ས་གནས་གཞན་པར་མྱུལ་ནས་འདུག་དགོས་བྱུང་ཡོད།
༢༠༠༩ ལོར་ཁོང་གིས་ཡང་བསྐྱར་ ༼ རྨ་ཁ་མེད་པའི་གཅར་རྡུང་ ༽ ཞེས་པའི་རྡུང་ལེན་འོད་སྡེར་ཞིག་གསར་དུ་བཏོན་པར་རྐྱེན་བྱས་ཏེ། ཁོང་ལ་སྔ་གཞུག་ཏུ་འོད་སྡེར་བཀྲམས་པར་བཀག་འགོག་དང་འཛིན་བཟུང་བྱ་རྒྱུའི་གསལ་བསྒྲགས་བྱས་སྟབས། ཁོང་རང་གི་ཕ་ཡུལ་ནས་འདུག་མ་ཐུབ་པར་ས་གནས་གཞན་པར་མྱུལ་ནས་འདུག་དགོས་བྱུང་ཡོད། ༢༠༠༩ ལོའི་ཕྱི་ཟླ་ ༡༢ པའི་ཚེས་ ༣ གྱི་དགོང་མོའི་དུས་ཚོད་ ༧ དང་ཕྱེད་ཀའི་སྟེང་ཟི་ལིང་གྲོང་ཁྱེར་གྱི་ཟ་ཁང་ཞིག་ཏུ་ཟ་མ་བཟའ་སྐབས། རྨ་ལྷོ་ཡུལ་རྒན་ནས་ཡོང་བའི་ཉེན་རྟོག་པ་གཉིས་ཀྱིས་རྒྱུ་མཚན་ཅི་ཡིན་འགྲེལ་བརྗོད་ཅི་ཡང་མེད་པར་འཛིན་བཟུང་བྱས་འདུག འཛིན་བཟུང་བྱས་རྗེས་ཟླ་ ༢ མ་ཟིན་ཙམ་ལ་ཟི་ལིང་གྲོང་ཁྱེར་གྱི་བཙོན་ཁང་ཞིག་ཏུ་བཀག་སྐྱིལ་བྱས་ཏེ་མནར་གཅོད་ཚད་མེད་བཏང་འདུག་ལ། སྐབས་དེ་དག་ཏུ་ནང་མི་སྤུན་ཟླ་དང་གཉེན་ཉེ་གྲོགས་པོ་སུ་ལའང་ཐུག་འཕྲད་བྱས་བཅུག་མི་འདུག་ཟེར། རྗེས་སུ་ཟི་ལིང་ནས་རྨ་ལྷོ་སོག་རྫོང་གི་བཙོན་ཁང་དུ་གནས་སྤར་སྐབས་གདོང་ཡོངས་ལ་རྨ་ཁ་བཟོས་ཡོད་ཚུལ་ཡང་བརྗོད་འདུག ཉེ་ཆར་སོག་རྫོང་མི་དམངས་ཁྲིམས་ཁང་གིས་ཁོང་ལ་ཆབ་སྲིད་དང་འབྲེལ་བའི་གཞས་བཏང་བའི་ཉེས་མིང་འོག་ལོ་ ༡ དང་ཟླ་ ༧ རིང་གི་བཙོན་འཇུག་ཁྲིམས་ཐག་བཅད་ཡོད་འདུག
གནས་ཚུལ་འབྲེལ་བརྗོད་པའི་མུ་མཐུད་བརྗོད་དོན། ཁོང་ལ་ཁྲིམས་བཅད་ཀྱི་ཚེ་གྲངས་གསལ་བོ་མི་ཤེས་ཀྱང་། བཀྲ་ཤིས་དོན་འགྲུབ་ལགས་ལ་ཁྲིམས་ཐག་མ་བཅད་པའི་ཡར་སྔོན་དུ་ཕ་རྒན་ལ་ཐུག་འཕྲད་ཀྱི་གོ་སྐབས་ཤིག་སྤྲད་ཡོད་ཚུལ་འདུག་ལ། ཁྲིམས་ཐག་བཅད་པའི་ཉིན་མོར་ཁོང་གི་ནང་མི་གཉེན་འབྲེལ་སོགས་མི་ ༤༠ ལྷག་ཡོང་ཡོད་ཀྱང་། ཡང་བསྐྱར་ཕ་རྒན་ལས་གཞན་སུ་གཅིག་ཀྱང་ཁྲིམས་རྭར་ཡོང་བཅུག་མེད་པ་དང་། ཁྲིམས་རྩོད་པ་སོགས་རྒྱབ་རྟེན་ཅི་ཡང་མེད་པའི་ཐོག་ཁོང་ལ་ཁྲིམས་ཆད་བྱས་ཡོད་ཚུལ་བརྗོད་བྱུང་།
ད་ལྟའི་ཆར་ཁོང་རྨ་ལྷོ་སོག་རྫོང་གི་བཙོན་ཁང་དུ་བཙོན་འཇུག་བྱས་ཡོད་པ་དང་། མི་སྣ་ཐུག་འཕྲད་ཀྱི་གོ་སྐབས་མེད་ནའང་ནམ་རྒྱུན་གྱི་གཟའ་ཕུར་བུ་ཉིན་ཟས་རིགས་སོགས་མཁོ་སྤྲོད་བྱེད་ཆོག་གི་ཡོད་པའི་གནས་ཚུལ་ཡང་འགྲེལ་བརྗོད་གནང་བྱུང།
ཨ་ཇོ་རྒྱང་ནས་མ་ཕེབས་དྲན་གདུང་གཅིག
མི་རིགས་མཐུན་སྒྲིལ་དམན་པ་སྐྱོ་སྡུག་གཉིས།
བོད་ལ་རང་དབང་མེད་པའི་བཙན་འཛུལ་གསུམ
འདི་གསུམ་རྨ་ཁ་མེད་པའི་གཅར་རྡུང་རེད།
ཕ་ནོར་ཕྱི་ལ་ཤོར་བའི་འགྱོད་པ་གཅིག
རང་བྱུང་གཏེར་ཁ་མ་དབང་སྡུག་བསྔལ་གཉིས།
རྩ་རྒྱུ་སྒོ་རྒྱུ་བཅད་པའི་ཐབས་ལམ་གསུམ།
འདི་གསུམ་རྨ་ཁ་མེད་པའི་གཅར་རྡུང་རེད།
ཕ་མའི་བྱམས་བརྩེ་མ་དབང་སྡུག་བསྔལ་གཅིག
ཕུ་ནུའི་ནང་གཏམ་མ་གོ་སྐྱོ་སྡུག་གཉིས།
རུ་སྡེ་འཕྱ་མྱོད་བྱེད་པའི་སེམས་སྡུག་གསུམ།
འདི་གསུམ་རྨ་ཁ་མེད་པའི་གཅར་རྡུང་རེད།
བོད་ནང་ནས་གླུ་འདི་ལྟ་བུ་མ་དགོས་མི་རིགས་ཀྱི་ཆེད་དུ་ཀུ་གཅིག་བཏབ་ན་ཡང་གཟི་བརྗེད་རེད། ཁོང་གི་གླུ་ཚིག་དག་དོ་རྡོར་གདན་ནས་རྒྱ་གར་འོད་སྡེར་བཙོང་མཁན་དག་གི་རྣ་་ལམ་དུ་འཇགས་ཡོད་ཁོ་ཐག་ཡིན།
ད་ལྟོས་དང་གནས་ཚུལ་དེ་གོ་མ་ཐག་ཏུ་ང་ཚོ་ཚང་མའི་སྙིང་ལ་ལྕགས་འཛེར་ཟུག་པ་ལྟ་བུ་ཞིག་མ་རེད་དམ། བོད་མི་ཞིག་གིས་གཞས་ཞིག་བཏང་ན་ལོ་ངོ་ཁ་ཤས་ལ་མུ་ནག་བཙན་ཁང་དུ་བཅུག་པ་མ་ཟད་བོད་མི་ཉེས་མེད་ལ་ཉེས་བཙུར་བྱས་འདུག
ད་ག་རེ་བྱས་ན་ལགས་ཚང་མའི་ཐུགས་བསམ་གནང་རོགས།
གླུ་བ་ཁོང་སྙིང་རེ་རྗེ།
དེ་དང་དེ་མཚུངས་ཀྱི་བོད་མི་ཉེས་མེད་ཚོ་ངོ་མ་སྙིང་རེ་རྗེ་ཡི་ནེ།
ལེགས་ཉེས་གང་བྱས་རུང་རྒྱ་ནག་གིས་དག་དག་བཟོ་གི་རེད།
ངོ་མ་བོད་མི་ཚོ་སྙིང་རེ་རྗེ།
གླུ་སྐད་སྙན་མོས་བོད་དོན་བླངས་སོང་།།
རྒྱ་དམར་གཞུང་གི་སྙིང་ལ་ཕོག་སོང་།།
གླུ་བ་གསར་བུ་རྒྱ་ཡིས་བཟུང་སོང་།།
ལོ་གཅིག་ཕྱེད་ཀྱིས་བཙོན་བཅུག་བྱས་སོང་།།
སྒང་བ་བོད་མིས་ཁྱོད་རང་ཤེས་སོང་།།
འཛམ་གླིང་ཡུལ་གྲུ་གང་སར་བསྒྲགས་སོང་།།
ཕ་རིང་བུ་ལ་བྱས་རྗེས་བཞག་སོང་།།
ཨ་མར་སྐྱེས་པའི་དོ་གོ་ཆོད་སོང་།།