རྒྱ་ནག་གཞུང་གིས་ཨོ་བྷ་མ་༧གོང་ས་མཆོག་ལ་མཇལ་མི་ཆོག་པའི་ཉེན་བརྡ་བཏང་ཡོད་པ་དང་། ཏཱ་ལའི་བླ་མ་ནི་རྙོག་དྲ་སློང་མཁན་ཞིག་རེད་ཟེར། བཙན་བྱོལ་བོད་གཞུང་གིས་ཨ་རིའི་གཞུང་གིས་བོད་རྒྱ་འདུམ་འགྲིག་གི་ཐད་ནུས་པ་འདོན་གྱི་ཡོད་སྟབས་མཇལ་འཕྲད་དེ་ལ་ནོར་འཁྲུལ་ཅི་ཡང་མི་འདུག་ཟེར།
ཕྱི་ཚེས་ ༢ ཉིན་གྱི་གསར་འགོད་གསལ་བསྒྲགས་ཤིག་གི་སྐབས་རྒྱ་ནག་དབུས་འཐབ་ཕྱོགས་གཅིག་གྱུར་ཁང་གི་བློན་ཆེན་གཞོན་པ་ཀྲུའུ་ཝེ་ཆོན་གྱིས་བཤད་དོན། གལ་སྲིད་སྲིད་འཛིན་ཨོ་བྷ་མས་ཏཱ་ལའི་བླ་མར་མཇལ་འཕྲད་གནང་བ་ཡིན་ན་ཨ་རི་དང་རྒྱ་ནག་གཉིས་ཀྱི་སྲིད་དོན་གྱི་འབྲེལ་བར་གཏོར་སྐྱོན་ཆེན་པོ་འབྱུང་གི་རེད། ཁོང་གཉིས་མཇལ་འཕྲད་གནང་བ་ཡིན་ན་ང་ཚོའི་ཕྱོགས་ནས་དེ་ལ་དཔག་པའི་ཐག་གཅོད་བྱས་ཏེ། འབྲེལ་ཡོད་རྒྱལ་ཁབ་གཞན་པ་རྣམས་ལའང་ཁོང་ཚོའི་ནོར་འཁྲུལ་མཐོང་འཇུག་གི་ཡིན་ཅེས་བཤད་ཡོད་པ་རེད།
འདིའི་ཐད་བཙན་བྱོལ་བོད་གཞུང་གི་མགྲིན་ཚབ་པ་ཕྱི་དྲིལ་དྲུང་ཆེ་ཐུབ་བསྟན་བསམ་འཕེལ་ལགས་ཀྱིས་གསུངས་དོན། ང་ཚོའི་ལྟ་ཚུལ་ཡིན་ན། ཨ་རིའི་གཞུང་གི་བྱེད་ལས་གཙོ་བོ་ནི་རྒྱ་ནག་གཞུང་དང་༧གོང་ས་མཆོག་གི་སྐུ་ཚབ་ཚོའི་བར་དུ་དྲང་བདེན་དང་ལྷག་བསམ་ལྡན་པའི་གྲོས་མོལ་ཞིག་ཡོང་འཇུག་རྒྱུ་དེ་རེད། དེར་བརྟེན་༧གོང་ས་མཆོག་དང་སྲིད་འཛིན་ཨོ་བྷ་མ་རྣམ་གཉིས་ཀྱི་མཇལ་འཕྲད་དེ་ལ་ནོར་འཁྲུལ་ཡོད་པ་ཞིག་མཐོང་གི་མེད་ཅེས་དང་། ཨ་རིའི་གཞུང་གིས་ད་བར་དུ་༧གོང་ས་མཆོག་གི་དགོངས་གཞི་སྟེ། བོད་ཀྱི་གནད་དོན་ནི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ཀྱི་སྒྲོམ་གཞིའི་ནང་ནས་སེལ་རྒྱུར་རྒྱབ་སྐྱོར་གནང་གི་ཡོད་སྟབས། སྲིད་འཛིན་མཆོག་དང་༧གོང་ས་མཆོག་གི་མཇལ་འཕྲད་དེས་ཨ་རི་དང་རྒྱ་ནག་གི་སྲིད་དོན་གྱི་འབྲེལ་བར་གནོད་སྐྱོན་གཏོང་བ་ཞིག་མཐོང་གི་མེད་ཅེས་གསུངས་ཡོད་པ་རེད།
གཞན་ཡང་ཀྲུའུ་ཝེ་ཆོན་གྱིས་ཕྱི་ཚེས་ ༢ ཉིན་གྱི་གསར་འགོད་གསལ་བསྒྲགས་སྐབས་སུ་ཐེངས་འདིའི་སྐུ་ཚབ་རྣམས་དང་པེ་ཅིན་གྱི་འབྲེལ་མོལ་གྱི་གནས་སྟངས་སྐོར་ལ་བརྗོད་དོན། བོད་རྒྱའི་སྐུ་ཚབ་རྣམས་ཀྱི་གྲོས་མོལ་སྐབས་ཕྱོགས་གཉིས་ཀྱི་ལངས་ཕྱོགས་ཐོག་ལྟ་ཚུལ་མི་མཐུན་པོ་ཆེན་པོ་འདུག་ཅེས་དང་། ཏཱ་ལའི་བླ་མའི་སྐུ་ཚབ་ཀྱི་ཕྱོགས་ནས་སླར་ཡང་ཚད་མཐོའི་རང་སྐྱོང་གི་སྐོར་གླེང་གི་འདུག ཡིན་ཡང་། བོད་ཐོག་གི་རྒྱ་ནག་གི་བདག་དབང་ཐད་ནས་ང་ཚོའི་ལངས་ཕྱོགས་ལ་འགྱུར་བ་ཕྲན་བུ་ཙམ་ཡང་མེད་ཟེར་ལ། ཁོས་ཏཱ་ལའི་བླ་མ་ནི་རྙོག་དྲ་སློང་མཁན་ཞིག་ཡིན་པར་བཤད་པ་དང་སྦྲགས། ཁོང་གིས་འབྲེལ་མོལ་གྱི་ཕྱོགས་ནས་གྲུབ་འབྲས་ཤིག་འཐོན་རྒྱུར་རེ་བ་རྒྱག་གི་ཡོད་ཚེ། ཐོག་མར་རང་ཉིད་ཀྱིས་བཤད་བཞིན་པ་དང་སྒྲུབ་བཞིན་པ་གཉིས་ལ་ཞིབ་འཇུག་ཆ་ཚང་ཞིག་བྱས་ཤིང་། རང་གི་སྲིད་དོན་གྱི་ལངས་ཕྱོགས་ལ་དོན་དངོས་ཀྱི་ཡོ་བསྲང་བྱ་དགོས་པ་རེད་ཅེས་བཤད་འདུག
ཀྲུའུ་ཝེ་ཆོན་གྱིས་ཉིན་འདིར་ཕྱི་སྡོད་བོད་རིགས་ཚོར་ཉེན་བརྡ་བཏང་དོན། ཏཱ་ལའི་བླ་མ་ཡོད་མེད་གང་ལྟར་ཀྱང་། བོད་ཀྱིས་རང་གི་ལམ་ཁ་འདི་རྒྱུན་འཛིན་བྱེད་གི་རེད། ཏཱ་ལའི་བླ་མའི་སྐུ་ཚབ་ཚོས་ཏཱ་ལའི་བླ་མ་ནི་བོད་མི་རིགས་ཀྱི་ཁྲིམས་མཐུན་གྱི་སྐུ་ཚབ་ཡིན་ཅེས་ཨུ་ཚུགས་བརྒྱབས་པ་དང་ཀྲུང་དབྱང་མཉམ་དུ་བོད་ཀྱི་གནད་དོན་བཤད་ཀྱི་ཡིན་ཟེར་གི་འདུག ཏང་གིས་དབུ་ཁྲིད་པའི་ཀྲུང་གོ་དང་བོད་རང་སྐྱོང་ལྗོངས་ནི་བོད་མི་རིགས་ཀྱི་སྐུ་ཚབ་དངོས་ཡིན། དེར་བརྟེན་ཏཱ་ལའི་བླ་མའི་སྒེར་གྱི་སྐུ་ཚབ་དག་ལ་ང་ཚོའི་མཉམ་དུ་བོད་རང་སྐྱོང་ལྗོངས་ཀྱི་ལས་དོན་སྐོར་ལ་གྲོས་མོལ་བྱེད་པའུ་དབང་ཚད་ཡོད་པ་མ་རེད། ཁོང་ཚོ་ཏཱ་ལའི་བླ་མ་སྒེར་གྱི་སྐུ་ཚབ་ཡིན་སྟབས་ཁོང་ཚོས་ཏཱ་ལའི་བླ་མ་སྐུ་སྒེར་གྱི་གནད་དོན་དང་ཁོང་གི་ཉེ་འཁྲིས་ཀྱི་མི་དེ་དག་གི་གནས་སྟངས་བཤད་ཆོག་གི་རེད།
ང་ཚོའི་རེ་བ་ལ། ཏཱ་ལའི་བླ་མས་ཁོང་སྐུ་འཚོ་བཞུགས་ཀྱི་སྐབས་འདིར་ཁོང་རང་གི་ལས་དོན་རྣམས་ཐག་གཅོད་པ་དང་ཕྱི་རྒྱལ་ཞིག་ནས་སྐུ་མི་གྲོངས་པའི་རེ་བ་བྱེད་ཀྱིན་ཡོད་ཅེས་དང་། ཁོང་གི་རྗེས་འཇུག་པ་ཚོས་ཀྱང་ཏཱ་ལའི་བླ་མ་མི་བཞུགས་པའི་སྐབས་སུ་གང་འདྲ་ཆགས་མིན་ཐད་ལ་ད་ལྟ་ནས་བསམ་བློ་གཟབ་ནན་ཐོངས་དགོས་པ་རེད་ཅེས་སོགས་བརྗོད་ཡོད་པ་རེད།
སྐྱོན་མེད་ཞུ་ལོ་ཚོ་། བོད་དོན་དམའ་ས་ནས་འཐོ་སར་ཡར་ཡོང་བ་རེད་མ་གཏོགས་། འཐོ་ས་ནས་མར་ལྷུང་བ་མ་རེད་། རྒྱ་ནག་གི་དབང་ཤིག་འཐོ་ས་ནས་མར་ལྷུང་ཡོང་གི་ཡོད་པ་རེད་། ཨུ་དྲན་གི་སྔོན་མོ་མིང་ས་ཐོག་བྲིས་ན་སྲོག་ཐོག་ལ་བཏང་གི་ཡོད་པ་།
རྒྱ་མིའི་ལྟ་བ་མཁྲེགས་པའི་བྲག །
བོད་པའི་རེ་བ་ཐོད་པའི་ཤ །
ལོ་ངོ་བརྒྱ་ཡི་ཕྱི་རོལ་ཏུ། །
ཤ་ཡིས་བྲག་ལ་འབིག་པར་ཤོག ། ཅེས་ངས་བོད་རྒྱ་ཞི་མོལ་ཐེངས་་་་་བརྒྱ་པ་་་་་ལ་རེ་བ་དང་གསོལ་འདེབས་བྱེད་བཞིན་ཡོད།
ང་ཚོ་བོད་པའི་མི་ལས་ལྷག་པའི་བོད་པའི་ཁྱི་ཞིག་བྱུང་འདུག http://tibetanmastiff.com/main_files/breed_files/breed.htm
ཨ་ཤུ་རེ་གོ་་་་་་་མན་ཇི་ཊི་ལའི་ཁྲོམ་སྲང་དང་མེག་ལོའི་གཞོན་སྐྱེས་ཚོར་གཟིགས་དང་་་་་་་སྐུ་ཚབ་སླེབས་འདུག་ཅེས་བཤད་ཁུལ་བྱས་ན་་་་ཨ་ལེ་་་་ཟེར་བ་ལས་སེམས་ཚོར་ཞིག་རྦད་དེ་མི་འདུག་་་་་་དངོས་གནས་ཡིད་སྐྱོ་དགོས་པ་ཞིག་རེད་ཡ་་་་རྒྱ་ནག་གིས་སྤྱད་སྟངས་དང་་་བོད་ཕྲུག་ཚོའི་གྱིས་སྟངས་ལ་བལྟས་ན་ལྷག་པར་སེམས་འཚབ་ལངས་དགོས་པ་ཞིག་རེད་་་་་་་ང་ཚོ་ནུས་མེད་རེ་ཟུང་གིས་འདི་ལྟར་སེམས་ཁུར་དང་སྡུག་སྨྲེ་འདོན་པ་ལས་འབོད་ས་ཞིག་མི་འདུག་ཡ་་་་བོད་པ་ཚོ
ད་ལྟོས་དང་རྒྱ་ངན་ཚོས་ངན་གཡོ་བྱེད་སྟངས་མཐོང་གི་འདུག་གམ་་་་་་ནམ་ཡིན་ཡང་འདི་འདྲ་ཞིག་ལས་མེད་པས་ང་ཚོས་ཡང་དང་འོར་དུ་སྐུ་ཚབ་ཅེས་འབྲེལ་བ་མེད་པར་འབྲེལ་མོལ་བྱེད་མི་བཏང་ནས་ཅི་བྱེད་་་་་་ད་ཡིན་ན་ལམ་ཁ་གཞན་ཞིག་འཚོལ་དགོས་པ་རེད་་་་་་མི་རེར་སྲོག་རེ་ཡོད་པ་རེད་་་་་གང་ལྟར་འཆི་བ་ལ་སྔ་ཕྱི་ཞིག་ལས་མེད་པས་གཏོང་སར་ཐོན་དུས་ཐུབ་དགོས་པ་རེད། དངོས་གནས་ཡིན་དཱ
རྒྱ་དཔོན་འདི་ཚོས་ག་རེ་ཡིན་ཡང་བཤད་ངེས་རེད་ལ་ག་རེ་ཡིན་ཡང་བྱེད་ངེས་རེད། ཁོང་ཚོར་ཐོབ་དགོས་པ་དེ་ཚང་མ་ཐོབ་ཚར་བ་རེད། ད་ལས་སླ་བོ་གཏང་གི་མ་རེད། ཁོང་ཚོས་གང་ཐུབ་ཀྱིས་ང་ཚོ་གྲོགས་མེད་ཁེར་རྐྱང་དུ་ཕུད་ངེས་རེད་ལ་ཁོང་ཚོར་བློ་ཁོག་ཆེ་རུ་འགྲོ་བཞིན་པའི་རྣམ་འགྱུར་ཞིག་སྟོན་བཞིན་འདུག ཁག་ཡོད་པ་མ་རེད། ༧གོང་ས་མཆོག་གི་རྗེས་ལ་ང་ཚོས་ཁུངས་མི་འཁྱོལ་བ་ཁོང་ཚོས་ཚོད་དཔག་བྱེད་བཞིན་པ་རེད། ༢༠༠༩ལོའི་ང་ཚོའི་སྤྱི་འཐུས་གྲོས་ཚོགས་ཀྱི་གནས་སྟངས་འདི་གཅིག་པུའི་ཐོག་ནས་ཀྱང་ཁོང་ཚོར་བློ་ཁོག་ཅིག་འཕེལ་ཡོད་པ་རེད།
ད་ང་ཚོས་སེམས་ཤུགས་ཆགས་ཡ་གང་ཡང་ཡོད་པ་མ་རེད། ཚང་མས་ད་ལྟའི་དུས་ཚོད་འདི་བོད་སྣོད་བཅུད་ཆགས་འཇིག་གི་དུས་ཚོད་གཉན་འཕྲང་ཅན་ཞིག་ཡིན་པ་ཤེས་དགོས་ངེས་རེད། དེ་བཞིན་ང་ཚོས་ང་རང་ཚོར་འཁྲི་བའི་འགན་ཁུར་དགོས་པ་རེད། ང་ཚོས་བོད་མི་མང་སྤྱི་འཐུས་ཡག་པོ་ཞིག་འདེམས་དགོས་ངེས་རེད། རང་ཉིད་ཀྱི་ལྟོ་རྒྱབ་གཅིག་པུ་མ་གཏོགས་གང་ཡང་མི་དྲན་མཁན་དེ་ཚོས་སྤྱི་པ་ལ་ཕན་གྱི་མེད་པ་ཤེས་པར་བྱས་ཏེ། དེ་ཚོའི་རིགས་ང་ཚོས་སྤྱི་འཐུས་ནང་སླེབས་མ་ཐུབ་པ་བྱེད་དགོས་ངེས་རེད། དེ་བཞིན་ང་ཚོས་མང་གཙོ་དང།སྤྱི་ཚོགས་ཡར་རྒྱས་གཏང་དགོས་ངེས་རེད། ནང་ཁུལ་ཞེན་ཁོག་དང་། ཕྱོགས་རིས་བྱས་ནས་ང་ཚོར་གང་ཡང་ཐོབ་ཡོང་རྒྱུ་མེད་པ་ཚང་མས་ཤེས་པར་བྱོས། ང་ཚོས་སྤྱི་དོན་ཁོ་ནར་ཤུགས་རྒྱག་དགོས་པ་ཆགས་མི་འདུག་གམ། དེ་ལྟར་ང་ཚོས་ཁུངས་འཁྱོལ་བ་ཞིག་བྱེད་དགོས་ཡོད་པ་རེད།
ད་རྒྱ་རྒན་འདི་ཚོའི་ཁ་བཤད་སྔ་ཕྱི་འགལ་ལ་འདི་ཚོ་ལ་ཉན་ན་སྙིང་རླུང་ལངས་རྒྱུ་ལས་གཞན་ཅི་ཡོད།འདི་ཚོ་ལ་ངོ་ཚ་ཁྲེལ་གཞུང་ངོ་མ་མི་འདུག།
ཡིད་ཆེས་མེད་པའི་རེ་ཞིག་ཆགས་སོང།
ཡིད་ཆེས་མེད་པའི་རེ་སྒུག་ཞིག་མ་བྱས་ཐབས་མེད་རེད།
ད་གང་བྱེད་དགོས་སམ།ངོ་མ་བཟོད་ཐུབ་ཀྱི་མི་འདུག
རྒྱ་རི་ཕྱི་ལོ ༢༠༠༢ལོ་ནས་ཕྱི་ལོ ༢༠༡༠ལོར་སྐུ་ཚབ་གནང་བའི་འབྲས་བུ་བོད་དོན་ཏཱ་ལའི་ཅན་ནས་ཏཱ་ལའི་སྒེར་དོན་ཅན་ལ་བསྐུལ་འདེད་གནང་ཡོད་པས། བྱས་རྗེས་ཟེར་ན་འདི་འདྲ་དགོས། སྐུ་ཚབ་ཟེར་ན་འདི་འདྲ་དགོས། བོད་དོན་ཚར་རག་བར་དུ་སྐུ་ཚབ་གནང་བར་ཤོག བོད་པ་འཇིག་རག་བར་དུ་སྐུ་ཚབ་གནང་བར་ཤོག
ཀྲུའི་ཝེ་ཆོན་གྱིས་ཏཱ་ལའི་བླ་མའི་སྐུ་རྗེས་སུ་བོད་མི་སྐྱབས་བཅོལ་བར་དཀའ་ངལ་འཕྲལ་རྒྱུ་ཡིན་ཚུལ་གྱི་སེམས་འཁུར་དང་ཞེད་སྣང་བསྐུལ།
རྒྱ་བཙོག་ཚོ།་་མགོ་བོ་གྲི་ཁར་འཇོག་དགོས་ཀྱང་ང་ཚོ་བོད་རིགས་གཞོན་སྐྱེས་དཔུང་ཁག་གིས་ཕྱིར་བསྣུར་མི་བྱེད་ཐག་ཆོད་ཡིན།་
ཏཱ་ལའི་བླ་མའི་སྐུ་རྗེས་སུ་ང་ཚོས་རང་བཙན་གྱི་ལམ་བུ་འཚོལ།
ང་ཚོ་རང་བཙན་གྱི་ལམ་དུ་ཤར་བསྐྱོད་བྱེད།་
རྒྱ་རྒན་ཚོས་ཅི་ཙམ་གྱིས་གདུག་རྩུབ་ཀྱིས་རྣམ་འགྱུར་དང་།་གདུག་རྩུབ་ཀྱི་ཁ་བརྡུང་གཏོང་ན་ང་ཚོས་ཀྱང་དེ་ལས་མཁྲེགས་སུ་གཏོང་།
གུང་ཁྲན་ཚོགས་པའི་ཞིང་བྲན་ཡར་ལངས་ཀྱིས་གོ་མིན་ཏང་གི་སྟོབས་ཤུགས་རྩ་མེད་བཏང་བ་རེད།་
ང་ཚོ་བོད་རིགས་གསར་བའི་སྙིང་སྟོབས་གཅིག་བསྒྲིལ་གྱིས་རྒྱ་དམར་གུང་ཁྲན་ཕམ་པར་རྒྱག་་་་
གཞུང་དང་གཞུང་འབྲེལ་མ་ཡིན་པ་ཚང་མས་རྣམ་འགྱུར་དང་ལངས་ཕྱོགས་མཁྲེགས་སུ་ཐོངས།་
སེམས་ཤུགས་མ་ཆག་་་་
ད་བོད་རྒྱ་འབྲེལ་མོལ་སྐུ་ཚབ་རྣམས་ཀྱིས་གསར་འགོད་གསལ་བསྒྲགས་གནང་བཞིན་འདུག
ང་ཚོ་ལ་འཇར་རྒྱའི་དམག་འཁྲུག་ལྟ་བུའི་དམག་འཁྲུག་ཅིག་དང་། པིན་ལ་ཏིང་ལྟ་བུའི་དྲག་སྤྱོད་པ་ཞིག་ཡོད་ན་ཅི་མ་རུང་། ཤི་རེ་ཁོ། ངོ་མ་ཡིན།
ངོ་མ་འདུག་གི་མ་བཅུག་བ་རེད། མི་ཚང་མར་སྲོག་གཅིག་རེ་ཡོད་པ་རེད། ད་ཚང་མས་གྲ་སྒྲིག་བྱེད། བརྒྱ་འཆི་ཐུབ་ས་ནས་གཅིག་འཆི་མི་ཐུབ་པ་ཅི་ཡོད།
ཤུ་རེ་ཁོ། སྟོབས་ཤུགས་ཞིག་ཡོད་ཀྱི་ན། བོང་བུ་མི་འགྲོ་དབྱུག་པ་འགྲོ་ཟེར་བ་བཞིན་རྒྱ་དམར་འདི་ཚང་ལ་བཅའ་རྒྱུ་ཞིག་ཡོད་མོད། ད་ནི་སྟོབས་ནི་མེད། རོགས་ནི་མེད། དབང་ནི་མེད། དཔུང་ནི་མེད། ད་ཡིན་ན་མེད་མེད་མེད་མེད་མེདམེད་མེད་མེད་མེད་མེདམེད་མེད་མེད་མེད་མེདམེད་མེད་མེད་མེད་མེདམེད་མེད་མེད་མེད་མེདམེད་མེད་མེད་མེད་མེདམེད་མེད་མེད་མེད་མེདམེད་མེད་མེད་མེད་མེདམེད་མེད་མེད་མེད་མེདམེད་མེད་མེད་མེད་མེད
ད་ཅི་ཡང་བྱེད་ཐུབ་རྒྱུ་མ་རེད་ཡ།
བོད་ཀྱི་ཁ་དཔེར།
གཏམ་ཨ་ཕས་བཤད་རྒྱུ་ཨ་མས།།
ཁྱི་བདག་པོས་བཀག་རྒྱུ་མགྲོན་པོས།།
ཟེར་བ་དང་གཅིག་མཚུངས་རེད་མི་འདུག་གམ།་གོང་གི་གནས་ཚུལ་གྱི་འཇུག་དེར་དེ་ལྟར་འཁོད་འདུག་པར་གཟིགས་དང་་༼ང་ཚོའི་རེ་བ་ལ། ཏཱ་ལའི་བླ་མས་ཁོང་སྐུ་འཚོ་བཞུགས་ཀྱི་སྐབས་འདིར་ཁོང་རང་གི་ལས་དོན་རྣམས་ཐག་གཅོད་པ་དང་ཕྱི་རྒྱལ་ཞིག་ནས་སྐུ་མི་གྲོངས་པའི་རེ་བ་བྱེད་ཀྱིན་ཡོད་༽་ཅེས་གསལ་འདུག་ཀྱང།་་་དོན་དུ་༸གོང་ས་མཆོག་ལ་ཕྱག་ལས་གནང་མི་འཇུག་མཁན་སུ་རེད་དམ།ཁོང་མི་ལོ་ལྔ་བཅུའི་རིང་རང་ཡུལ་དུ་ཕེབས་མི་བཅུག་པར་གཞན་ཡུལ་དུ་གྱུར་བཅུག་མཁན་སུ་རེད་དམ།
དྲ་གྲོགས་ཚོ་ཐུགས་བསམ་བཞེས་དང།་་
ད་ལྟ་སྐུ་ཚབ་ཚོའི་གསར་འགོད་གསལ་བསྒྲགས་སྤེལ་གྲབས་འདུག་པས་དེ་ཙམ་ཡིན།
་ཐུགས་རྗེ་ཆེ།