ང་ཚོའི་འཁྲབ་སྟོན་གྱི་དམིགས་ཡུལ་ནི་མི་རིགས་འདིར་དངོས་སུ་བྱུང་བའི་གོད་ཆག་དེ་བཙན་བྱོལ་གྱི་གཞོན་སྐྱེས་གང་མང་ཞིག་ལ་ངོ་སྤྲོད་དང་རྩ་དོན་དང་རིག་གཞུང་སྲུང་སྐྱོབ་ལ་རང་ནུས་གང་ཡོད་འདོན་དགོས་པའི་འབོད་སྐུལ་བྱ་ཆེད་ཡིན་ཟེར།
ཕྱི་ཚེས་ ༢ ཉིན་གྱི་དགོང་མོ་ནས་བཟུང་འཁྲབ་སྟོན་པ་སོ་ལྔ་ལས་གྲུབ་པའི་བོད་མིའི་སྐྱིད་སྡུག་མཉམ་མྱོང་ཚོགས་པའི་འཁྲབ་སྟོན་པ་རྣམས་ཟླ་གཅིག་རིང་ལྷོ་ཕྱོགས་སུ་འཁྲབ་སྟོན་ལ་འགྲོ་འཆར་ཡོད་པའི་སྐོར་བརྗོད་ཀྱིན་ཡོད་སྟབས། འདི་གའི་གསར་འགོད་པས་ཚོགས་པ་འདིའི་ཨམ་སྐད་ཀྱི་མདོ་འཛིན་པ་དང་གནས་ཚུལ་འགྲེལ་བརྗོད་པ་བསྟན་འཛིན་ལགས་སུ་བཀའ་འདྲི་ཞུས་པར། ཁོང་གིས། ཐེངས་སྔོན་མོའི་འཁྲབ་སྟོན་གྱི་བརྒྱུད་རིམ་དང་འབྲེལ་བརྗོད་དོན། ཕྱི་ལོ་ ༢༠༠༩ ལོའི་ཕྱི་ཟླ་ ༡༢ པའི་ཚེས་ ༡༠ ཉིན་གྱི་དགོང་མོ་ང་ཚོས་༧གོང་ས་མཆོག་གིས་ནོ་སྦེལ་ཞི་བདེའི་གཟེངས་རྟགས་བཞེས་པ་དང་རྒྱལ་སྤྱིའི་འགྲོ་བ་མིའི་ཐོབ་ཐང་གི་ཉིན་མོ་དང་སྟབས་བསྟུན་ཏེ། ༢༠༠༨ ལོར་གཞིས་བཞུགས་བོད་མི་ཚོས་རྒྱ་གཞུང་ལ་ངོ་རྒོལ་བྱས་སྐབས། རྒྱ་ནག་དྲག་ཆས་དམག་མིས་བོད་མི་སེར་སྐྱ་དང་ཕོ་མོ་དབྱེར་མེད་ལ་མནར་གཅོད་བཏང་བའི་སྣང་བརྙན་མཐའ་དག་དངོས་མྱོང་བདེན་པ་ར་སྤྲོད་ཅེས་པའི་གཏམ་བརྗོད་རིང་མོའི་ལམ་ནས་བོད་གཞུང་ཟློས་གར་ཚོགས་ཁང་དུ་འཁྲབ་སྟོན་ཐོག་མ་བྱས་པ་རེད། སྐབས་དེར་བཙན་བྱོལ་བོད་གཞུང་དམངས་གཙོའི་ཀ་བ་གསུམ་གྱི་མཛད་གཙོ་དབུས་པའི་གནད་ཡོད་མི་སྣས་རྒྱབ་སྐྱོར་དང་མང་ཚོགས་ཀྱི་དགའ་བསུ་ཆེན་པོ་ཐོབ་སོང་ལ། ང་ཚོའི་དབུ་འཁྲིད་རྣམ་གཉིས་དང་འཁྲབ་སྟོན་པ་དག་ལ་མཚོན་ནའང་རང་ཉིད་ཀྱི་དཀའ་སྡུག་གི་འབྲས་བུ་ཉག་ཅིག་ཏུ་སེམས་ཏེ་མུ་མཐུད་ཧུར་བརྩོན་བྱེད་ཀྱིན་ཡོད་པ་རེད། ཐེངས་འདིར་ང་ཚོས་ཟླ་གཅིག་གུང་གསེང་གི་དུས་ཚོད་བེད་སྤྱད་དེ་ལྷོ་ཕྱོགས་ཀྱི་སེ་འབྲས་དགེ་གསུམ་གཙོས་པའི་བོད་པའི་གཞིས་ཆགས་ཁུལ་སོགས་ས་གནས་བདུན་ལ་འགྲོ་འཆར་ཡོད། ཐེངས་འདིར་ང་ཚོ་ལྷོ་ཕྱོགས་སུ་འགྲོ་དགོས་པའི་དམིགས་ཡུལ་གཙོ་བོ། ང་ཚོ་བོད་མི་རིགས་ལ་འདི་འདྲའི་གོད་ཆག་ཅིག་བྱུང་བ་དེ་བཙན་བྱོལ་གྱི་རྒན་རབས་པ་ཚོས་ཤེས་རྟོགས་བྱུང་ཡོད་ཀྱང་། གཞོན་སྐྱེས་གང་མང་ཞིག་གིས་ད་ལྟའི་ཆར་ཡང་ཤེས་རྟོགས་འབྱུང་གི་མེད་སྟབས། ང་ཚོས་ཐེངས་འདིའི་འཁྲབ་སྟོན་བརྒྱུད་བོད་ནང་གི་དངོས་ཡོད་གནས་སྟངས་འགྲེལ་བཤད་དང་། བཙན་བྱོལ་དུ་འབྱོར་དགོས་པའི་རྒྱུ་རྐྱེན་སོགས་ར་འཕྲོད་པར་བྱ་རྒྱུ་དང་། ལྷག་པར་ ༢༠༠༨ ལོར་གཞིས་སྡོད་བོད་མི་ཚོར་རྒྱ་གཞུང་གིས་དངོས་སུ་ལག་བསྟར་བྱས་པའི་དྲག་གནོན་དང་གདུག་རྩུབ་ཀྱི་བྱ་སྤྱོད་གང་འདྲ་ཞིག་སྤེལ་ཡོད་མིན་སོགས་གཏམ་བརྗོད་ཀྱི་ལམ་ནས་ངོ་སྤྲོད་བྱས་ཏེ། བོད་པའི་གཞོན་སྐྱེས་གང་མང་ལ་སེམས་ཤུགས་དང་སྤོབས་པ་བསྐྱེད་དུ་འཇུག་རྒྱུ་དང་། དེ་མིན་ཕ་མེས་ཡང་མེས་ནས་དར་བའི་བོད་ཆོལ་ཁ་གསུམ་གྱི་སྲོལ་རྒྱུན་གྱི་གོན་པ་གོན་སྟངས་དང་རྩེད་རིགས། མི་རིགས་ཀྱི་ལ་རྒྱ་སྐོར་གྱི་གཞས་སྣ་སོགས་འཁྲབ་སྟོན་བྱས་ཏེ་བོད་ཀྱི་སྲོལ་རྒྱུན་བཟང་བོ་རྒྱུད་འཛིན་དང་རིག་གཞུང་ལ་དོ་སྣང་བྱ་དགོས་པའི་འབོད་སྐུལ་བྱ་ཆེད་ཡིན་ལ། འཁྲབ་སྟོན་གྱི་ལེ་ཚན་ཁག་ཀྱང་མི་རིགས་རང་གི་ཁྱད་ཆོས་ལྡན་པའི་རིག་གཞུང་འཁྲབ་སྟོན་ཁོ་ན་གྲ་སྒྲིག་བྱས་ཡོད་ཅེས་བརྗོད་བྱུང་།
བོད་མིའི་སྐྱིད་སྡུག་མཉམ་མྱོང་ཅེས་པའི་ཚོགས་པ་འདི་ནི། ཕྱི་ལོ་ ༢༠༠༩ ལོའི་ནང་ཁམས་དཀར་མཛེས་ནས་ཡིན་ཞིང་། ༢༠༠༨ ལོའི་ཞི་རྒོལ་ཁྲོད་དངོས་སུ་ཞུགས་མྱོང་མཁན་གྱི་ཆབ་སྲིད་བཙོན་པ་མགོན་པོ་དང་ཚེ་རིང་རྡོ་རྗེ་རྣམ་གཉིས་གཙོས། ཤེས་རབ་དགའ་ཚལ་སློབ་གླིང་གི་དང་བླངས་འཁྲབ་སྟོན་པ་ ༢༥ བཅས་ཁྱོན་མི་ ༣༥ ལས་གྲུབ་པའི་ཚོགས་པ་ཞིག་ཡིན་པ་དང་། ༢༠༠༩ ལོའི་ཕྱི་ཟླ་ ༡༢ པའི་ཚེས་ ༡༠ ཉིན་ཟླ་གཅིག་རིང་གི་སློབ་གསེང་གི་སྦྱོང་བརྡར་ཁྲོད་ཀྱི་འཁྲབ་སྟོན་ཐོག་མ་བོད་གཞུང་ཟློས་གར་དུ་བྱས་ཡོད་འདུག་ལ། ཐེངས་འདིར་ཟླ་གཅིག་རིང་ལྷོ་ཕྱོགས་ཀྱི་དགོན་སྡེ་ཁག་དང་གཞིས་གྲོང་ཁག་ཏུ་འཁྲབ་སྟོན་བྱ་འཆར་ཡོད་པ་རེད།
རེད།
འཁྲབ་སྟོན་གླུ་སྒར་སྒྱུ་རྩལ་ལ་མི་རྣམས་ཀྱི་མིག་དབང་དང་ཡིད་དབང་ཅིག་ཅར་དུ་འཕྲོག་ཱཐུབ་པའི་ནུས་ཤུགས་ཡོད་པས་དེ་དག་བོད་ནང་གི་དངོས་ཡོད་གནས་ཚུལ་དང།འདས་པའི་དུས་སུ་བོད་མི་རིགས་འདིར་བྱུང་བའི་ཆག་སྒོ་ཆེན་པོ་དེ་དག་དང་འབྲེལ་བའི་སྒོ་ནས་གླུ་སྒར་འཁྲབ་སྟོན་སྤྱན་བསྟར་གཟིགས་འབུལ་ཞུ་ཐུབ་ན་བོད་ཀྱི་རྩ་ཆེ་ལ་རིན་ཐང་ཅན་གྱི་ཐུན་མིན་རིག་གཞུང་དང།་བོད་དོན་ཁྱབ་བསྒྲགས་འགྲོ་འགྱར་ཕན་འབྲས་རླབས་པོ་ཆེ་ཡོད་པ་དངོས་ཡོད་བདེན་པའི་གནས་ཚུལ་རེད།་
གནས་ཚུལ་འགྲེལ་བརྗོད་པ་བསྟན་འཛིན་ལགས་སུ།
དུས་བབ་གསར་འགོད་པས་སྐུ་ཉིད་ལ་བཅར་འདྲི་ཞུ་སྐབས་ཉིད་ཀྱིས་དེ་ལྟར་གསུངས་འདུག་་
༼། ཐེངས་འདིར་ང་ཚོ་ལྷོ་ཕྱོགས་སུ་འགྲོ་དགོས་པའི་དམིགས་ཡུལ་གཙོ་བོ། ང་ཚོ་བོད་མི་རིགས་ལ་འདི་འདྲའི་གོད་ཆག་ཅིག་བྱུང་བ་དེ་བཙན་བྱོལ་གྱི་རྒན་རབས་པ་ཚོས་ཤེས་རྟོགས་བྱུང་ཡོད་ཀྱང་། གཞོན་སྐྱེས་གང་མང་ཞིག་གིས་ད་ལྟའི་ཆར་ཡང་ཤེས་རྟོགས་འབྱུང་གི་མེད་སྟབས། ང་ཚོས་ཐེངས་འདིའི་འཁྲབ་སྟོན་བརྒྱུད་བོད་ནང་གི་དངོས་ཡོད་གནས་སྟངས་འགྲེལ་བཤད་དང་། བཙན་བྱོལ་དུ་འབྱོར་དགོས་པའི་རྒྱུ་རྐྱེན་སོགས་ར་འཕྲོད་པར་བྱ་རྒྱུ་དང་།༽་ཞེས་བཙན་བྱོལ་ནང་གི་གཞོན་སྐྱེས་རྣམས་ལ་མཐོང་ཆུང་ངམ།་སྣང་ཆུང་ཧ་ལས་པ་གནང་འདུག་
དེ་ནི་ཕལ་ཆེར་ཁྱེད་ཀྱིས་དུས་རྒྱུན་དུ་ཐུགས་སྣང་མ་གནང་བའི་སྐད་ཆ་ཞིག་མ་ཡིན་ནམ་སྙམ།་་བོད་ཕྱི་ནང་ལ་གནས་པའི་གཞོན་སྐྱེས་རྣམས་ལ་བོད་མི་རིགས་ཀྱི་གནས་སྟངས་ཐད་ཤེས་རྟོགས་དང་ལག་ལེན་གཉིས་ལྡན་པ་འགྲེལ་བརྗོད་མང་པོ་མི་དགོས་པར།་་སྐུ་ཉིད་ཀྱིས་ཕྱི་ལོ་་༢༠༠༨་ལོའི་གསུམ་དུས་གསུང་འཕྲིན་ནང་བལྟས་ན་ཞིབ་པར་མཁྱེན་ངེས།
མདོར་ན།་ཁྱེད་རང་ལས་འགུལ་བ་ཞིག་ཡིན་པའི་ཆ་ནས་ཕྱིས་སུ་གསར་འགྱུར་བརྒྱུད་ལམ་འདྲ་མིན་ནས་བཅར་འདྲི་ཞུ་ངེས་པས།་་དེ་དུས་གནད་དུ་སྨིན་པའི་བཀའ་མོལ་གནང་གལ་ཆེ་སྙམ།་།་་།།
ག་དུས་ཕེབས་ཉི་ཡིན་ལག་
ངས་གཡང་སྐྱབས་རྒྱལ་ལ་མོས་མཐུན་ཡོད་རྒྱ་རི་བློ་གྲོས་རྒྱ་མཚོ་དང་ངག་ཕོད་གཉིས་བྱ་བ་སྒྲུབ་ལུག་ཞེ་དྲག་འདྲ་གི་ཡ།
ཡང་ཉི་མ་གཅིག་ལ་གྲོས་མཐུན་དོན་ཚན་༡༧་མིན་ཡང་༡༠་རྩམ་ལ་ས་རྟག་རྒྱག་མི་ཡོང་ན་བསམ་ནས་སེམས་ནང་ལ་རྔམ་སྤྲག་སྐྱེ་གི་
ཞོར་དུ་རྒྱ་མི་ལ་སྤྲེད་ལེད་ཧ་ཧ་་ད་བྱས་ན་སྐུ་ཚབ་དེ་ཚོ་སྔོན་མ་དང་གཅིག་པ་
ཐུགས་རྗེ་ཆེ།
ཁྱེད་རྣམས་པས་འདི་འདྲ་བའི་སྐུ་ལས་སྤྱོན་ནས་ང་དང་ང་འདྲ་བའི་བོག་རིག་ཡིན་ཡང་བོད་དོན་མི་ཤེས་པའི་གླེན་པ་དག་གི་མིག་གི་ལམ་དུ་བོད་ནང་གི་གནས་ཚུལ་ངོ་མ་ཞིག་འཁྲབ་སྟོན་བྱེད་པར་ལ་ངས་སྒུག་གི་ཡིན་།
འཁྲབ་སྟོན་གྱི་དམིགས་ཡུལ་འགྲུབ་པ་གནང་རོགས་གནང་།
འཁྲབ་སྟོན་དེ་བརྒྱུད་ནས། རང་རེའི་རྗེས་རབས་པ་དག་གིས་བོད་འདི་སྐྱོབས་དགོས་ན། བོད་མི་རང་ཉིད་འགུལ་དགོས་པ་དེ་དྲན་སྐུལ་བྱེད་ཐུབ་པར་སྨོན། ཁྱེད་ཅག་གི་བྱ་བ་ལམ་འགྲོ་ཡོང་བར་སྨོན།
ཤེས་རབ་དགའ་ཚལ་སློབ་གླིང་ན་གཡག་གི་འོ་མ་བཞོ་མཁན་མེད་པར་ངས་ཁག་ཐག་བྱེད་ཐུབ། འཁྲབ་སྟོན་ཡག་པོ་ཡོང་བར་སྨོན།
རིག་གནས་ཆུང་བ་ལྔའི་ནང་ནས་ཟློས་གར་བེད་སྤྱོད་བྱས་ནས་མི་རིགས་ཀྱི་ཞབས་འདེགས་ཞུ་བ་ནི་ཤིན་ཏུ་ནས་མཛེས་རྒྱན་དུ་གྱུར་པས་ཐལ་མོ་ཡུན་རིང་བརྡབ་འོས་པའི་གནས་སོ།
ཡག་པོ་རེད
འཁྲབ་སྟོན་པ་རྣམས་ལ་རྒྱབ་སྐྱོར་ཞུས་པ་ཡིན་ཅིང་། རྒྱབ་ལྗོངས་ཀྱི་བཀོད་པ་སོགས་བཟོ་རོགས་བྱས་པ་ཡིན། https://tibettimes.net/wordpress/blogs.php?id=66&post_id=5919 འོན་ཀྱང་ཁོང་རྣམ་པས་འཁྲབ་སྟོན་གནང་སྐབས་ ༢༠༠༨ ལོར་བོད་ནང་དུ་སྐད་འབོད་གནང་བའི་ཁོངས་ནས་བོད་རང་བཙན་གཙང་མ་ཡིན། རྒྱ་དམར་བོད་ནས་ཕར་རྒྱུགས་ཤིག་ཅེས་པའི་ཚིག་དེ་གཉིས་བེད་སྤྱོད་རྩ་བ་ནས་གནང་གི་མི་འདུག་པས་གཞིས་བཞུགས་བོད་མིའི་ཞི་བའི་སྐད་འབོད་ཀྱི་བྱུང་རིམ་ངོ་མ་མཚོན་ཐུབ་པ་ཞིག་མཐོང་མ་སོང་།
གཤམ་ལ་བཀོད་པའི་བསམ་ཚུལ་དེ་ནི་བོད་མི་མང་སྤྱི་འཐུས་གསེར་རྟ་ཚུལ་ཁྲིམས་ལགས་ཀྱིས་བོད་ཀྱི་བང་ཆེན་ནང་ཟིན་བྲིས་སུ་སྤེལ་བའི་ཆ་ཤས་ཤིག་རེད། ད་ལན་ཁོང་རྣམ་པ་ཡང་བསྐྱར་འཁྲབ་སྟོན་ལ་ཕེབས་ཀྱི་ཡོད་སྟབས་ཁོང་གི་རྡ་ས་ཟློས་གར་དུ་གཟིགས་སྐབས་བྱུང་བའི་དགོངས་ཚུལ་འདི་མཁྱེན་རྟོགས་ཡོང་བ་བྱེད་དགོས་པ་གཞིས་ལུས་རྒྱ་ཆེའི་མི་མང་གི་ཚབ་བྱེད་ཀྱི་ཡོད་མེད་ཀྱི་གནད་དོན་དང་འབྲེལ་བ་འདུག་སྙམ།
ཁོང་གིས་བྲིས་དོན། ངས་བལྟས་ན་གཏམ་བརྗོད་དེའི་ནང་དུ་ངོ་རྒོལ་སྐད་འབོད་ཀྱི་རྣམ་པ་འཁྲབ་སྟོན་བྱས་པ་སྔ་ཕྱི་ཁག་མང་པོ་འདུག་ཀྱང། ༢༠༠༨ ལོར་བོད་ནང་དུ་ཡོངས་གྲགས་སུ་གྱུར་པའི་འབོད་ཚིག་གཅིག་གཏན་ནས་ཐོས་རྒྱུ་མི་འདུག དེ་ནི་བོད་རང་བཙན་གཙང་མ་ཡིན། རྒྱ་མི་བོད་ནས་ཕར་རྒྱུགས་ཤིག ཅེས་པ་དེ་རེད། དོན་དངོས་ཁོང་རྣམས་ལ་མཚོན་ན་བོད་ནང་དུ་དངོས་སུ་ལས་འགུལ་ཁྲོད་ཞུགས་ཡོད་པས། སྐབས་དེ་དུས་བོད་རང་བཙན་གཙང་མ་ཡིན་ཞེས་པ་དེ་བརྗོད་མྱོང་མེད་དམ། བོད་ནང་ནས་བཀྲམ་པའི་སྦྱར་ཡིག་ཁག་གི་ནང་དུ་བོད་རང་བཙན་གཙང་མ་ཡིན་པ་ཞེས་བྲིས་པ་དེ་པར་བརྒྱབ་ནས་ཁྲ་ལམ་མེར་ལོ་སྔོན་མ་ནས་བཙན་བྱོལ་ནང་ཡོངས་གྲགས་སུ་གྱུར་ཟིན་ལ། ཡུལ་ལུང་སོ་སོའི་མི་རྣམས་ཀྱིས་གསར་འགྱུར་མཁོ་སྤྲོད་བྱེད་པའི་སྐབས་ཀྱང་བོད་རང་བཙན་གཙང་མ་ཡིན་ཞེས་སོགས། སྐད་འབོད་བརྒྱབ་འདུག་ཅེས་ཡིག་ངག་གཉིས་ནས་བརྗོད་མཁན་ཧ་ཅང་མང་པོ་འདུག ད་རེས་བོད་ནང་གི་དངོས་ཡོད་གནས་ཚུལ་མཚོན་པའི་འཁྲབ་སྟོན་བྲོ་བ་ཅན་དེའི་ནང་དུ་བོད་རང་བཙན་གཙང་མ་ཡིན་ཞེས་པའི་སྐད་འབོད་གཏན་ནས་མེད་པ་འདིས་ལོ་སྔོན་མའི་གནས་ཚུལ་དག་ཁུངས་ལྡན་ཡིན་མིན་གྱི་དྲི་བ་ཞིག་རང་བཞིན་གྱིས་སླེབས་ཀྱི་འདུག བོད་ནང་ནས་ཡིག་ཆ་འགྲེམས་སྤེལ་བྱས་པ་འདིར་འབྱོར་བ་རྣམས་ཀྱང་ཚད་ག་འདྲ་ཞིག་ཏུ་ལྷུང་སོང་བ་རེད། ཅེས་པ་འདི་དྲི་རྟགས་ཤིག་ཏུ་གྱུར་འདུག
མང་པོ་ཞིག་དགོངས་པ་འགལ་མདོག་ཁ་པོ་རེད། ཡིན་ནའང་སྐད་ཆ་འདི་འདྲ་བདེན་མིན་ཁུངས་འདེད་བྱེད་རྒྱུ་ཧ་ཅང་གལ་ཆེ་བ་རེད། དྲ་གྲོགས་གནས་ཚང་ལགས་ཀྱིས་འདྲེན་བཀོད་བྱས་པ་དང་། གཡང་སྐྱབས་རྒྱལ་གྱིས་ཁ་བརྡ་དྲ་ཚིགས་སུ་གཤམ་གྱི་བཀའ་མོལ་དེ་བཤད་པ་ལས་འཕྲོས་པའི་བསམ་ཚུལ་འགའ།
དམིགས་བསལ་སྐུ་ཚབ་རྒྱ་རི་རིན་པོ་ཆེས་གསུང་བཤད་གནང་སྟེ། “༡༩༤༩ ཡར་སྔོན་དུ་ཨ་མདོ་ཡོངས་དང་ཁམས་ཀྱི་ཕྱེད་དེ་རྒྱ་ཁོངས་རེད་”ཅེས་བཤད་ནས་དབུ་མའི་ལམ་གྱི་སྲིད་བྱུས་འདིས་ངོ་མ་བཤད་ན་”ཁྲིམས་མཐུན་དུ་མེད་པའི་བོད་ཀྱི་ས་ཁུལ་དགོས་པའི་”དགོས་འདུན་བཏོན་ཡོད་པ་དང་། “དབུ་མའི་ལམ་”ལ་ཆག་ཡངས་གང་ཡང་གཏོང་ཐབས་མེད་པ་ལ་བརྟེན་ནས་བོད་རྒྱའི་འབྲེལ་མོལ་དང་ཞི་མོལ་ལ་ལམ་ལྷོང་མ་བྱུང་ལུགས་བཤད་སོང་ཟེར། གུང་ཁྲན་གྱིས་འབྲེལ་མོལ་ལམ་ལྷོང་མ་བྱུང་བའི་ཁག་འགེལ་དེ་བོད་གཞུང་ལ་བཀལ་བའི་ཐོག་ ང་ཚོའི་སྐུ་ཚབ་ཀྱིས་ཀྱང་ལམ་ལྷོང་མ་བྱུང་བའི་ཁག་འགེལ་དེ་ང་ཚོར་བཀལ་བ་འདི་འདྲ་ནི་ཡིན་མི་སྲིད་པ་ཞིག་རེད་བསམས་ནས་སྙིང་རླུང་སྟོད་ལ་འཚངས། ཅེས་དྲངས་འདུག
གཡང་སྐྱབས་རྒྱལ་གྱིས་བཤད་པར་ཁུངས་ལུང་ཡོད་ན་དངོས་འབྲེལ་བཟོད་སྒོམ་བྱེད་ཐབས་བྲལ་བ་ཞིག་རེད། ང་ཚོས་ངེས་པར་ཐེར་འདོན་བྱེད་དགོས་པ་རེད། ང་ཚོ་དྲ་གྲོགས་ཚོ་ཡིན་ནའང་གནས་ཚུལ་འདི་དེ་མུར་འཇོག་མི་རུང་བའི་བསམ་ཚུལ་འདོན་དགོས་པ་རེད། ཡིན་ནའང་དང་པོ་གཡང་སྐྱབས་རྒྱལ་ལགས་ཀྱིས་གནས་ཚུལ་འདི་ཁུངས་སྐྱེལ་བྱེད་དགོས་པ་རེད། དེ་མིན་སྐད་ཆ་འདི་འདྲ་བཤད་སོང་ཟེར་བ་དང་། ལབ་ཀྱི་འདུག་ཟེར་བ། ཡིན་ས་རེད་ཟེར་བ་སོགས་ནི་ཕུ་ནུ་ནང་དཀྲུགས་ཀྱི་བཀའ་མོལ་རེད། ཁུངས་ལུང་ཡོད་རྒྱུ་རེད་བསམ་གྱི་འདུག ཁུངས་ལུང་འགོད་རྒྱུ་མེད་ན་བཀའ་མོལ་འདི་རྒྱ་མིའི་སོ་པའི་བྱེད་ལས་ཤིག་ལ་ངོས་འཛིན་མི་བྱེད་ཐབས་མེད་རེད། ང་ཚོས་སྐད་ཆའི་ཁུངས་ལུང་ལ་ཆ་འཇོག་བྱེད་ཀྱི་རེད་མ་གཏོགས་ཟེར་སྐད་དང་། ཐོས་སྐད་སོགས་ལ་ཆ་འཇོག་བྱེད་ཐབས་ཡོད་མ་རེད།
གཡང་སྐྱབས་རྒྱལ་ལགས། བཀའ་མོལ་འདི་ལ་ཁུངས་སྐྱེལ་བྱེད་རོགས།