བསྟན་འཛིན་བཟང་མོས་སྐད་ཆ། {ཆ་བཞག་ན་ང་ཚོ་དབུས་གཙང་ཕྱོགས་ནས་བུ་མེད་ཚོར་དེ་འདྲའི་བསམ་ཆུལ་འཛིན་པའི་གོམས་སྲོལ་མི་འདུག་པས།བུ་མེད་ཚོས་ག་རེ་བྱེད་ན་ཆོག་སྙམ་པ་ཞིག་དང་།བུ་མེད་ཚོས་ཨ་རག་དང་ཐ་མ་འཐེན་པ་སོགས་བྱས་ནའང་མི་ཁ་ལ་ཞེ་དྲག་ཡོང་གི་མ་རེད།}
ཁོ་མོས་གོང་དུ་ཉིད་ཀྱིས་དྲི་བར་ལན་འདེབས་བྱས་པའི་ཁྲོད་དུ། དེ་འདྲ་ཞིག་གསུངས་འདུག ངས་ཀྱང་བོད་ཀྱི་བུད་མེད་ཀྱི་ཐོབ་ཐང་དང་འདྲ་མཉམ་ལ་དགའ་མཁན་ཁོ་མོ་ལྟ་བུ་མི་ཉུང་བ་ཞིག་གིས་དོན་དངོས་ཀྱི་འདྲ་མཉམ་དང་ཐོབ་ཐང་བུད་མེད་དག་གིས་ལེན་ཐུབ་ཀྱི་ཡོད་མེད་དེ་མི་གླེང་བ་དང་མི་སྒྲུབ་པར། དཔེར་ན་དཔེ་འཇག་འདི་ལྟ་བུ་ཞིག་བྱས་དེ་འོང་དུས། དངོས་ནས་ང་རང་གི་སེམས་སུ་ད་དུང་ཡང་སྐྱོ་སྣང་ཞིག་སྐྱེ་བཞིན་ཡོད། དེ་རིང་ང་རང་ཚུར་རླངས་འཁོར་ནང་དུ་ནང་དུ་ལོག་ཡོང་སྐབས། འགག་སྒོ་ཞིག་དུ་དམག་མི་ཁ་ཤས་ཤིག་འདུག་ལ། དེ་དག་གིས་རླུང་འཚུབ་དང་ཆར་ནག་གི་ཁྲོད་དུ་རང་གི་རྒྱལ་ཁབ་ཀྱི་བདེ་འཇག་ཆེད་དུ་རླངས་འཁོར་ཡོང་མཁན་དང་འགྲོ་མཁན་དག་ལ་ཞིབ་བཤེར་བྱེད་ཀྱི་འདུག དེ་ཡི་ཁྲོད་དུ་བུད་མེད་དམག་མི་ཡང་འདུག་པ་དེ་མཐོང་མ་ཐག ངས་བོད་ཀྱི་བུད་མེད་ཀྱི་ཐོབ་ཐང་རྩོད་མཁན་དེ་དག་གིས་འདི་ལྟར་བུ་དང་འདྲ་མཉམ་གྱི་ལས་ཀ་དག་ལ་ཞུགས་ཐུབ་ཀྱི་ཡོད་དམ་སྙམ་པ་ཞིག་དྲན་སོང་བ་དེ་འདི་རུ་དངོས་ནས་རན་པོ་འདུག
འདི་ལྟར། བོད་ཀྱི་བུད་མེད་དག་གིས་རང་བཞིན་ལྷན་སྐྱེས་ཟེར་བ་དེ་ལ་གཏན་ནས་ངོ་རྒོལ་བྱེད་མི་ཐུབ་སའི་འགག་སྒོ་རེ་ཟུང་ཞིག་ཡོད་པ་དེ་ཤེས་པའི་ཐོག་ནས་ཐོབ་ཐང་འདྲ་མཉམ་ཟེར་བ་དེ་ནི་ཅི་ལྟར་ལེན་དགོས་ཀྱི་ཡོད་མེད་སྐོར་ལ་བསམ་གཞིགས་ཤིག་བྱེད་ཐུབ་པ་ཡིན་ན་དངོས་ནས་ཡག་པོ་འདུག དེ་མིན་བུད་ཀྱི་ཐོབ་ཐང་ཟེར་ནས་ཆང་འཐུང་། ཐ་མག་འཐེན། དུག་ཁབ་བརྒྱབ། དུག་རྫས་འཐེན། འཁྲིག་སྲེད་ཀྱི་འདོད་པ་ཁོ་ནའི་རིགས་ལ་འགྲན་པ་ཡིན་ན། དེ་ནི་རིགས་རྒྱུད་ཀྱི་གྱོང་རྒུད་དང་། བུད་མེད་རང་གི་མི་ཚེའི་ནང་དུ་ཆེས་མི་ཐེག་པའི་སྡུག་བསྔལ་ཞིག་གི་སྔོན་འགྲོ་ལས་གང་ཡང་མེད་པ་ཡིན། འདི་ནི་ངས་རང་རེའི་བོད་ཀྱི་བུད་མེད་དག་གི་དཀའ་སྡུག་ལ་བསམ་བློ་ཞིབ་དུ་བཏང་ནས་ཞུས་པ་ལས། བུད་མེད་དག་ལ་བུ་དང་འདྲ་མཉམ་གྱི་ཐོབ་ཐང་མ་རེག་ན་བསམ་ནས་གཏན་ནས་བྲིས་པ་མིན་ལ། བུད་མེད་དག་ལ་ཡང་དངོས་ནས་ཐོབ་ཐང་མ་སྤྲད་པར་མེད་པར། བུད་མེད་རང་ངོས་ནས་ཐོབ་ཐང་ལེན་དུས་སུ་ནོར་མི་ཉན་པའི་སྔོན་བརྡ་ཞིག་གི་རེ་སྐུལ་ཡིན་པ། འདི་ཀློག་མཁན་བུད་མེད་སུ་ཞིག་ནས་བུད་མེད་གཅིག་ནས་བཅུ་དང་། བཅུ་ནས་བརྒྱ། བརྒྱ་ནས་སྟོང་། སྟོང་ནས་ཁྲི་ཁ་བརྒྱུད་དེ། བོད་ཀྱི་བུད་མེད་ཡོངས་དང་། ནང་སྒོས་སུ་བུད་མེད་ཀྱི་ཐོབ་ཐང་དགོས་ཟེར་མཁན་དག་གི་སེམས་བསམ་པའི་གཏིང་ནས་བསམ་བློ་ཞིག་གཏོང་བར་སྐུལ་བ་ཡིན་ནོ།
ཅོ་རི་ཉི་མ་ལགས། ཁྱེད་རང་བདེན་པ་རེད། ངས་རང་གི་ནོར་འཁྲུལ་འདི་རང་གིས་ངེས་ཟིན་པའི་ཐོག་ནས་སྤུན་ཟླ་གཞན་དག་ཡང་ནོར་འཁྲུལ་འདི་ཡིས་རྗེས་སུ་མི་འགྲོ་བར་སྐུལ་བཞིན་ཡོད་པ་ལས། ང་རང་ནག་ཉེས་དང་ནོར་འཁྲུལ་མེད་མཁན་ཞིག་ཡིན་པར་དུས་རྟག་དུ་སྒྲུབ་མྱོང་མེད་ལ། འདོད་མྱོང་ཀྱང་མེད། ཁྱེད་རང་ལྟ་བུ་ཞིག་ཡིན་ན་དངོས་ནས་ང་རང་ལྟ་བུའི་རིགས་རྒྱུད་ཀྱི་ཞབས་འདྲེན་པ་དག་ལ་སྡུག་དམོད་བྱས་པ་ཡིན་ན་འགྲིག་གི་འདུག
བོད་ཀྱི་བུད་མེད་ལ་བརྩེ་སེམས་དང་དུང་ཞེན་ཡོད་ན་རང་ཉིད་ཀྱི་ལང་ཚོའི་མེ་ཏོག་དེ་རང་གི་ཤ་ཁྲག་གཅིག་པའི་བུ་མོ་ལ་མི་སྤྲད་མཁན་མི་ཁྱེད་ཡིན་ནནནནན།
ཁྱེད་རང་སྐྱེས་དམན་དཀར་པོ་ཞིག་གི་མཉམ་དུ་ཆང་ས་རྒྱག་ནས་བོད་ཀྱི་བུད་མེད་ཐོབ་ཐང་གླེང་ཡ་དབང་ཆ་སུ་སྤྲད་སོང་ངམ།
རང་ཉིད་བོད་ཀྱི་བུ་མོ་ཞིག་གི་མཉམ་དུ་ཆང་ས་རྒྱག་མཁན་ཞིག་ཡིན་ན། དངོས་གནས་རེད་ད།
རིག་འཛིན་ལགས། ཉིད་ནས་བསམ་ན་འུ་ཅག་བོད་ཀྱི་བུད་མེད་དག་ལ་ནུབ་ཕྱོགས་རྒྱལ་ཁབ་ཁག་གི་བུད་མེད་དག་ལ་ཐོབ་ཡོད་པའི་བུད་མེད་ཀྱི་ཐོབ་ཐང་གང་དག་ཞིག་ཐོབ་ཀྱི་མེད་པར་འདོད་ཀྱི་ཡོད་དམ། དེ་ཡི་སྐོར་ལ་ཅུང་རྒྱུས་མངའ་ཡོད་པ་ཡིན་ན་གསུང་རོགས། ངས་བལྟས་པ་ཡིན་ན་གནའ་དེང་གཉིས་ལ་བོད་ཀྱི་བུད་མེད་དག་ལ་ཐོབ་ཐང་མ་རེག་པ་མིན་པར། རང་གིས་ལེན་མ་ཐུབ་པ་དེ་གཅིག་བུས་མནར་འདུག་སྙམ་གྱི་ཡོད།
གནམ་ལྕགས་ལགས། དེང་སང་ལས་ཀ་མེད། མི་འགྱངས་པར་ལས་ཀ་ཞིག་འཚོལ་ངེས་ཡིན།
དུག་ཚེར་ལགས། ཉིད་ནས་དེ་ལྟར་འདོད་པ་དེར་དགའ་བོ་བྱུང་། ལྷག་པར་དུ་དུས་ཚོད་གང་ཡོད་ལ་ཕེབས་རྒྱུར་དགའ་བསུ་ཡོད། ང་ཚོས་གནས་ལུགས་བཤད་པ་ནས་གནས་ལུགས་པ་ཤེས་པ། ཤེས་པ་ནས་ལག་ལེན་གྱི་གོ་རིམ་དུ་འདེབས་པར་ཕྱོགས་གང་ཐུབ་ཅིག་བྱེད་ཡ་་་
ང་ཚོར་སྲོལ་རྒྱུན་གྱི་ངན་ཤུགས་ཆེ་དྲགས་པས་དེང་སང་ནུབ་ཕྱོགས་རྒྱལ་ཁབ་ཁག་གི་བུད་མེད་ནང་བཞིན་ང་ཚོའི་བུད་མེད་དག་ལ་དབང་ཚད་དང་ཐོབ་ཐང་རག་མེད་པ་གསལ་པོ་ཞེ་དྲགས་རེད་དྲན་བཞིན་ཡོད། འོན་ཀྱང་བུད་མེད་ཚོས་ཐོབ་ཐང་གཅིག་པོ་རྩོད་པར་མགོ་མི་འཁོར་ནས་་་་ལས་འགན་ཇི་ཡོད་ཞིབ་གཟིགས་གནང་སྟེ་་་སྒྲུབ་དགོས་པ་འདི་ཡང་གལ་གནད་ཆེ་ཤོས་གཅིག་སྙམ་་་་དམིགས་གསལ་ཞུ་ཡ་ཞིག་ལ་དྲྭ་གྲོགས་ཁྱེད་ངའི་ཟིན་བྲིས་སུ་ཡང་ཡང་ཕེབས་ཏེ་་་་ལེགས་ཉེས་ཀྱི་བཀའ་སློབ་ལམ་སྟོན་གང་མང་གནང་ཡོང་བའི་རེ་འབོད་ཤུགས་ཆེ་ཡོད།
གྲོགས་པོ། ད་སྐབས་ཁྱོད་ཀྱིས་ལས་ཀ་ག་རེ་བྱེད་ཀྱི་ཡོད།
ཨ་ཀུ་ཤ་ཁྲག་ལགས་ང་ཁྱོད་ཀྱི་དྲ་ཚུག་ནང་དུ་ག་དུས་ཡིན་ན་ཡང་ཡོང་གི་ཡོད་ཕ་ཆེར་གནས་ལུགས་འཆད་ཀྱིན་འདུག་བསམ་པའི་དགའ་སྣང་སྐྱེས་བྱུང་། མུ་མཐུད་ནས་གནས་ལུགས་ཀྱི་ལམ་དུ་ཤར་སྐྱོད་བྱེད་པའི་རེ་བ་ཡང་ཡོད།
སྤྲང་ཕྲུག་ལགས། སྤྲང་རྒན་ང་ཁྱེད་ཚང་དུ་ཡང་ཡང་ཡོང་ཁོ་ཐག་ཡིན། ཞོར་དུ་འོ་ཇ་རེ་གྲ་སྒྲིག་བྱོས། དེ་མིན་རྒན་པོ་ལོ་ལོན་ཞིག་རྩམ་སྐྱ་འགམ་ནས་ཤི་འདུག་ཟེར་ན་ཁྱེད་རང་གིས་མི་ཁ་རེད། ཧཧཧཧ
ཨ་ཁུ་ཤ་ཁྲག་
ཁོམ་པ་ཡོད་དུས་ངའི་རྩམ་ཁུག་དུ་རྩམ་སྐྱ་འགམ་དུ་ཤོག་
རྨེ་རུ་ལགས། བོད་ཀྱི་བུད་མེད་དག་གིས་དངོས་ནས་རང་མི་རིགས་ཀྱི་སྲོལ་རྒྱུན་ཁྲོད་དུ་དུས་གཏན་དུ་ཉམས་མི་རུང་བའི་བུད་མེད་དག་ལ་དགོས་པའི་བུད་མེད་ལས་བུའི་སྟེང་ན་མེད་པའི་ཡ་རབས་ཚུལ་མཐུན་གྱི་སྤྱོད་པ་དེ་དག་སྲུང་ཐུབ་པ་ཡིན་ན། ཐོབ་ཐང་འདྲ་མཉམ་ཟེར་ནས་སྐད་འབོད་བྱས་པ་ལས་ཀྱང་རྩ་ཆེན་དོན་ཆེན་དུ་མཐོང་གི་འདུག དེ་ཡིན་དུས་བོད་ཀྱི་བུད་མེད་དག་གིས་རང་རང་གི་ཐུབ་པ་གང་ཡོད་པ་དང་མི་ཐུབ་པ་གང་ཡིན་པ་ངོ་ཤེས་པའི་སྟེང་ནས་བོད་ཀྱི་ཨ་མ་ཞིག་གི་འགན་ལེན་བྱེད་ཐུབ་པ་ཡིན་ན་ཁྱིམ་ཚང་དུ་དྲོད་ཁོལ་ལྡན་ཞིང་། བྱིས་པ་དག་གི་སེམས་ཁམས་ལ་ཡང་རང་བཞིན་གྱིས་བག་ཆགས་བཟང་བོ་ཞིག་འཇོག་ཐུབ་རྒྱུར་གདོན་མི་ཟ་བ་ཞིག་རེད། གང་ལྟར། ཁྱེད་རང་འདིར་ཕེབས་ནས་བསམ་ཚུལ་གསུངས་པ་དེར་དགའ་ཡོད། ཡིད་འཕངས་པ་ཞིག་ལ་འུ་ཚང་གི་དྲ་ཐོག་འདིས་བུད་མེད་དེ་དག་ལ་གྲགས་འགུལ་གང་ཡང་མི་འདུག
བོད་ཀྱི་བུ་མེད་ཚོ་ལ་དམིགས་བསལ་ཐོབ་ཐང་མ་རེག་དེ་འདྲ་ཡོད་མི་སྲིད།ཕྱོགཡོངས་ས་ནས་བསམ་བློ་གཏང་ན་
ཕྱི་གླིང་རྒྱལ་ཁབ་གཞན་དང་བསྡུར་ན་ཕལ་ཆེར་བོད་རྒྱལ་ཁབ་ནི་ཕོ་མོ་འདྲ་མཉམ་ངོ་མ་རེད།དངོས་ནས་བོད་ཀྱི་བུ་མེད་ཚོས་
ཐོབ་ཐང་ལེན་སྟངས་མི་ནོར་གནང་དགོས།ཏོག་ཙམ་ནི་གཟུགས་ཕུང་ཆགས་སྟངས་ཁོ་ནའི་ཐོག་ལ་ཡང་ཁྱད་པར་ཡོད།
རུ་གསར་ཚང་ལགས། ཁྱེད་རང་བར་ནས་འཛུལ་འོང་དེ། ངེད་ཀྱི་བསམ་ཚུལ་དེར་གདེང་འཇོག་བྱས་པ་ཐུགས་རྗེ་ཆེ། དངོས་ནས་དེང་སང་བུད་མེད་དག་གིས་ཐོབ་ཐང་ནི་ལེན་དགོས་པ་ཞིག་ལས་གང་ལེན་དགོས་པ་དང་རང་གི་གང་འཇོན་མིན་ཞིག་ལས། ཅ་དངོས་བཞིན་ཚུར་སྤྲོད་དུ་ཡོང་མཁན་མེད་པ་གནའ་དེང་གཉིས་ལ་ཁྱད་པར་མེད་པ་ལས་དེང་སང་ཅུང་སྟབས་བདེ་རུ་ཕྱིན་ཡོད་པ་རེད།
ཕུན་ཚོགས་ལགས། ཉིད་ནས་འགྲེལ་བཤད་གནང་བ་དེར་དགའ་ཡོད། འོན་ཀྱང་། ངས་དེ་དག་ཤེས་ཡོད་ལ། ལྷག་པར་དུ་ངས་རང་གི་དངོས་སུ་མིག་གི་མཐོང་བའི་བུད་མེད་ཀྱི་ཐོབ་ཐང་ལ་དགའ་མཁན་བཙན་བྱོལ་ནང་གི་བུད་མེད་མི་ཉུང་བ་ཞིག་གིས་ཐོབ་ཐང་ལེན་དགོས་ས་དག་ནས་ལེན་མ་ཤེས་པར། ཆང་རག་འཐུང་བ། ཐ་མག་འཐེན་པ། དུ་རྫས་རིགས་སྤྱོད་པ། དེང་རབས་འཁྲིག་སྲེད་ཀྱི་རིགས་ལ་གཡེང་ཆེ་བ་དེ་ཡི་རིགས་མཐོང་ནས་བུད་མེད་དག་ལ་སྔོན་བརྡ་ཞིག་བཏང་བ་དེ་ཡིན་ལགས།
རེད་ཡ། ཤ་ཁྲག་ལགས་ཀྱིས་གསུངས་པར་རྒྱུ་མཚན་འདུག དེང་སང་བུད་མེད་ཁ་ཤས་ཀྱིས་ང་ཚོས་ཀྱང་ཐ་མག་དང་ཆང་སོགས་འཐུང་མི་ཆོག་པ་ཅི་རེད། སྐྱེས་པ་ཚོས་འཐུང་ན་མ་རབས་རེད་ཟེར་གྱི་མི་འདུག འོན་ཀྱང་ང་ཚོས་འཐུང་ན་ཅིའི་ཕྱིར་མ་རབས་ཡིན་ནམ་ཟེར་བ་མང་ཞིང་། དེ་འདྲའི་དགོས་མེད་ཀྱི་ཐོབ་ཐང་རྩོད་མཁན་འདུག ཐོབ་ཐང་དགོས་ན་རང་ཉིད་ཀྱི་ནུས་པ་བཏོན་ནས་ལེན་ཤེས་དགོས་པ་རེད་མ་གཏོགས་ཁ་ནས་ཅིག་གིས་ང་ལ་ཐོབ་ཐང་སྤྲད་ཀྱི་མི་འདུག་དང་། འགའ་ཡིས་ངའི་ལམ་འགོད་རྩིས་བྱེད་ཀྱི་འདུག་སོགས་བཤད་ཅི་ཕན། སྐྱེས་པ་ཚོས་བུད་མེད་ལ་བརྙས་བཅོས་བྱེད་ཀྱི་འདུག་ཟེར་མཁན་ཧ་ཅང་མང་མོད། འོན་ཀྱང་བརྙས་བཅོས་བྱེད་ཐུབ་པ་དེ་སུས་ནོར་བ་རེད། དེ་བས་བརྙས་བཅོས་བྱེད་མི་ཐུབ་ཅིག་རང་ངོས་ནས་བཟོ་དགོས་པར་འདོད།
གཅན་བཟོད་རྒྱམ་ལགས། ད་རེབས་དངོས་ནས་བུད་མེད་སྐོར་ལ་རྒྱུས་ཤིག་ལོན་ཡོད་པ་འདྲ། ཨ་ལ་ཀུ་རེ་ཡིན། བདེན་པ་རེད། བུད་མེད་དེ་ཡི་རིགས་ཀྱིས་རང་གི་གང་བྱེད་པ་དང་གང་བྱེད་ནུས་པ་སོགས་ལ་གདེང་ཚོད་ཡོད་པས་རེད། འོན་ཀྱང་། ནམ་རྒྱུན་འུར་རྒྱག་བཞིན་པ་དེ་ཡི་རིགས་ཀྱིས་རང་གིས་གང་ཡང་མ་འཇོན་ཟེར་ན་འདྲ། ཕྲག་དོག་གི་རང་བཞིན་ཞིག་ལས་གང་ཡང་མིན་པ་ལྟ་བུ་མང་བོ་ཞིག་ཀྱང་མཐོང་རྒྱུ་ཡོད་པ་རེད།
གོང་གི་ལན་དེ་ལ་གོ་ཡང་བསྐྱར་ཅིག་བླངས་ན།ཁ་མོས་བརྗོད་འདོད་པ་ནི་བུ་མེད་ཚོ་རང་བཞིན་གྱི་ས་ངོ་ཚ་ཆེ་བ་དང་ཉམ་ཆུང་ཆུང་བྱེད་པ་སོགས་ནི་ལྷན་སྐྱེས་ཤིག་མ་རེད་ཟེར་འདོད་པ་དང་དེ་དག་ནི་མི་ཁ་དང་གོམས་སྲོལ་ཀྱིས་བཟོ་གི་འདུག་ཟེར་འདོད་ཀྱིས་དཔེ་དེ་དྲངས་པ་རེད་མོད།ཡང་ཕྱོགས་གཞན་ནས་གོ་བ་བླངས་ན་ཁྱོད་ཀྱི་སེམས་ཚོར་དེ་འདྲ་སློང་བྱེད་ཀྱི་བྱེད་རྐྱེན་དུའང་འགྱུར་ཆོག་ཆོག་རེད།
བུ་མེད་འདི་ཚོས་ཐོབ་ཐང་ལེན་ཤེས་མིན་ནི་ང་ཁོ་མོ་ཚོའི་གོ་རྟོགས་དང་ཤེས་ཚད་ལ་རག་ལས་ཡོད་པ་དང་།སྒོས་སུ་ཁོ་མོ་ཚོའི་དཀྱེལ་ཡངས་དང་རྣོ་བསམ་ཀྱི་འདུ་ཤེས་གོང་མཐོར་འགྲོ་སའི་ཀྱག་ཀྱོག་གི་ལམ་ཁ་དང་རྒྱུད་རིམ་ལ་རག་ལས་ཡོད་པས།ད་ནི་ཁོ་ཚོ་ཆེས་ྒནད་འགག་དང་ཉེན་ཁའི་ས་ཚིགས་སུ་སླེབས་འདུག་སྙམ་གྱི་འདུག
་ང་ཚོས་བུ་མེད་སྐོར་ཞིག་ལ་ཕོ་མོ་འདྲ་མཉམ་སྐོར་གྱི་སྐད་ཆ་བཤད་ཡོང་དུས།བུ་མེད་མང་པོ་ཞིག་གིས་ཐབ་ཚང་གི་ཟ་མ་བཟོ་མཚམས་བཞག་སྟེ་སྐྱེས་པ་ཚོ་འདེད་ཀྱིན་འདུག་ཟེར་བའི་སྐད་ཆའང་གོ་ཡོང་གི་འདུག་་་ཐོབ་ཐང་ཟེར་བའི་གོ་དོན་དེ་ཙམ་ལས་མི་འཇོག་པའི་བུ་མེད་ཚོ་ལ་ཐོབ་ཐང་གི་ལས་སྐལ་ཅི་ཡང་ཡོད་ས་མི་འགྲོ་གི་
སྐྱེས་པ་ཚོས་གང་བྱེད་ནུས་པའི་བུད་མེད་དེར་ཐོབ་སྟེར་མི་དགོས་ལ། དེ་ལྟ་བུའི་བུད་མེད་དེས་ང་ཚོ་བུད་མེད་ཚོར་ཐོབ་ཐང་མི་འདུག ཐོབ་ཐང་དགོས་ཀྱི་ཡོད་དེ་བས་ཀྱང་མི་ཟེར། དཔེར་ན་བོད་ཀྱི་བུད་མེད་རྩོམ་པ་མོ་ཚེ་རིང་འོད་ཟེར་ལྟ་བུ་རེད། ཐབ་རྩ་ནས་ཁྱོ་ཀ་དང་འཁྲིག་རྩོད་ཁོ་ན་བྱེད་བཞིན་བུད་མེད་གང་དེས་ནི་ནམ་རྒྱུན་ཕོ་མོ་འདྲ་མཉམ་དང་ཕོ་མཆོག་མོ་དམན་ཡིན་མིན་སོགས་ཀྱི་ལབ་རྡོལ་ཅ་ཅོ་རྒྱུན་པར་སྒྲོག