མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

རེ་བ་དང་ཡིད་ཆེས་ཀྱིས་བརྟས་པའི་བོད་ཀྱི་མ་འོངས་པ། བསྟན་འཛིན་ཤེས་རབ།

བོད་ཀྱི་དུས་བབ།
༢༠༡༠/༠༢/༠༨
Share on FacebookShare on TwitterShare on EmailShare on Whatsapp

བསྟན་འཛིན་ཤེས་རབ།

ཞོགས་པ་སྔ་མོའི་ལྷོ་ཕྱོགས་ཀྱི་མཁའ་དབུགས་ནི་ཆེས་གཙང་ཞིང་བསིལ་བག་ལྡན་པ་ཞིག་རེད། ཚ་བ་དང་འུར་ཟིང་འཇགས་པའི་དུས་མཚམས་ཀྱི་ཁུག་སོ་འདིའི་ནང་ཕྱོགས་བཞི་མཚམས་བརྒྱད་ན་ལྗང་མདོག་གིས་བརྟས་པའི་ལྗོན་ཤིང་ཚོགས་ནི་སྟུག་པོར་གཟེངས་ཤིང་། ལམ་འགྲམ་གཡས་གཡོན་གྱི་འཇག་རྩའི་ཚོགས་ནི་ཞོགས་སྨུག་སྲབ་བུའི་ཀློང་ན་ཟིལ་བ་ཁྲོམ་མེར། ཅི་ཞིག་གིས་ལྷིང་འཇགས་ཀྱི་ཁོར་ཡུག་ཁད་ཀྱིས་དཀྲོགས་པར་སྐྲག་པ་དང་འདྲ་ལ་སྣུམ་རྫས་རླངས་འཁོར་རམ་འབག་གཙོག་ཅན་གྱི་འཕྲུལ་ཆས་གང་ཞིག་འོང་བར་དངངས་པ་དང་ཡང་ཀུན་ནས་མཚུངས། ང་དུས་རྒྱུན་དུས་ཚོད་འདི་དག་ཁྲོད་དུ་བྲེལ་བྲེལ་འཚབ་འཚབ་ཀྱི་ཕར་བསྐྱོད་ཅིང་ཚ་ཟེར་ངམ་ངམ་འབར་བའི་ཉིན་གུང་ཕྱིར་སླེབས་ཐེངས་རེར། གདོང་ལ་མ་བཅོས་ལྷུན་འགྲུབ་ཀྱི་འཛུམ་གྱིས་འཁྱུད་ཅིང་འཚོ་བའི་གཉའ་མནོན་གྱི་བསམ་བློས་བཙན་འཛུལ་མ་ཐེབས་པའི་དྭངས་གཙང་གི་བྱིས་པ་གཉིས་མཐོང་ཡོང། བྱིས་པ་དེ་གཉིས་ལས་གཅིག་ནི་ལོ་ན་བརྒྱད་དགུ་ཅན་གྱི་བུ་ཞིག་ཡིན་པ་དང་གཅིག་ནི་ལོ་ན་བཅུ་བཅུ་གཅིག་ཙམ་དུ་སོན་པའི་བུ་མོ་ཞིག་རེད། བྱིས་པ་འདི་གཉིས་ནི་རྡ་ཞོལ་བུ་ཁྱིམ་སློབ་གྲྭའི་སློབ་མ་ཡིན་ལ། ད་ལྟའི་སློབ་གྲྭའི་གུང་གསེང་གི་སྐབས་འདིར་གཉེན་ཉེ་ལག་གི་འབྲེལ་བ་ཅི་ཡང་མེད་པའི་གྲྭ་བ་ཞིག་གིས་འདི་ག་འབྲས་སྤུངས་སུ་གུང་གསེང་དུ་བླངས་འདུག

གོ་ཐོས་ལ་བྱིས་པ་འདི་གཉིས་ལས་བུ་མོ་དེ་ནི་ཨ་མདོའི་ཡུལ་ག་གེ་མོ་ཞིག་ནས་ཡིན་པ་དང་་བུ་དེ་ནི་བལ་བོ་དང་ཉེ་བའི་བོད་ཀྱི་ས་མཚམས་ཤིག་ནས་ཡིན་པར་བཤད། ཁོང་གཉིས་ལ་འདྲ་ས་ཞིག་ཡོད་པ་ནི་གཉིས་ཀ་དྭ་ཕྲུག་ཡིན་པ་དེ་རེད། གཞན་གྱིས་བཤད་པ་ལྟར་ན་ཁོང་གཉིས་ཀྱི་སྔོན་ཆད་ཀྱི་ལོ་རྒྱུས་ནི་ཧ་ཅང་ཡ་ང་ཞིང་སྙིང་རྗེ་བ་ཞིག་རེད་ཟེར། དེ་ཡང་ཡིན་ཏེ་དྭ་ཕྲུག་ཅིག་ལ་མཛེས་ཤིང་སྡུག་པའི་འཚོ་བའི་ལོ་རྒྱུས་ཤིག་ག་ལ་ཡོད།

དུས་ཚོད་འདི་དག་གི་ཁྲོད་ཁོང་གཉིས་ཀྱང་ཁོ་བོ་བཞིན་དུས་ཚོད་ཀྱི་འཁོར་བསྐྱོད་བར་ན་བྲེལ་བས་འདུར་བཞིན་འདུག་པ་དང་། མི་འདྲ་ས་ནི་ཁོང་གཉིས་སློབ་སྦྱོང་གིས་བྲེལ་འདུག་པ་དང་སེམས་ཁོང་ལ་ཡིད་ཆེས་དང་རེ་བས་ཁེངས་ཡོད་པ་དེ་རེད།

ལོ་རེའི་བོད་ཟླ་བཅུ་གཅིག་པའི་ཟླ་དཀྱིལ་ཙམ་དུ་དུས་རྒྱུན་སློབ་གྲྭ་ཁག་གིས་གུང་གསེང་གཏོང་གི་ཡོད་པ་དང་། གུང་གསེང་གི་དུས་ཚོད་སླེབས་ཐེངས་བཞིན་རྒྱ་གར་གྱི་ས་གནས་གང་རུང་ནས་སྐྱེས་པའི་སློབ་ཕྲུག་ཚོ་ནི་རང་རང་གི་ཕ་མ་ཡོང་སྟེ་བསུས་འགྲོ་བ་དང་། བོད་ནས་འབྱོར་བའི་སློབ་ཕྲུག་རྣམས་ནི་གུང་གསེང་དུ་འགྲོ་ཡུལ་དང་ལེན་མཁན་མེད་པ་རེད། ཁོང་ཚོའི་མང་བོ་ཞིག་ལ་གདན་ས་སོགས་ཀྱི་ནང་སྤུན་མཆེད་དང་ཤ་ཉེ་ལག་གིས་སྦྲེལ་བའམ་ཕ་ཡུལ་གཅིག་པས་སྦྲེལ་བའི་གྲྭ་བ་གང་འཚམ་ཡོད་མོད། ཁོང་ཚོ་ཡང་བསླབ་པ་སློབ་གཉེར་གྱིས་བྲེལ་བཞིན་པ་རྐྱང་ཡིན་པས། སློབ་ཕྲུག་དེ་དག་ཕར་བསྐྱལ་ཚུར་ལེན་བྱེད་རྒྱུའི་དུས་ཚོད་དང་འཚོ་བ་གོ་སྒྲིག་བྱེད་པའི་དངུལ་དེ་འདྲ་མང་བོ་ཞིག་ག་ལ་ཡོད། དེ་བས་སློབ་ཕྲུག་དེ་དག་གཞན་དག་སོང་ཤུལ་དུ་སེམས་པ་ཐང་དུ་ལྷུང་བཞིན་སྡོད་དགོས་བྱུང་གི་ཡོད།

རྒྱུས་མངའ་གསལ་བོ་མེད་མོད། གོ་ཐོས་ལ་ལོ་རེ་གཉིས་ཤིག་གི་གོང་ནས་བཟུང་གདན་ས་སོགས་སུ་སློབ་ཕྲུག་རྣམས་གུང་གསེང་དུ་སླེབས་ཚད་མང་དུ་སོང་ཡོད་པ་དང་། དེ་ནི་ཕྱིའི་རྒྱལ་ཁབ་དག་ཏུ་གནས་པའི་སྒེར་གྱི་ཚོགས་པ་དང་མི་སྒེར་གྱིས་མཐུན་རྐྱེན་སྦྱར་བས་ཡིན་སྐད།

དྭ་ཕྲུག་འདི་གཉིས་ལ་མཚོན་ན། སློབ་གྲྭའི་གུང་གསེང་སྐབས་སློབ་གྲོགས་ཕལ་མོ་ཆེ་རང་རང་ས་ནས་གུང་གསེང་དུ་བཤར་སོང་བས། ཤུལ་དུ་ཁོང་གཉིས་གཅིག་པོ་ཡིད་སེམས་ཁོང་དུ་ཆུད་དེ་ཡོད་པ་དང་། ལྷག་དོན་བུ་མོ་དེ་སེམས་པ་ཕམ་དྲགས་རྐྱེན་སེམས་ནད་ཅན་དུ་འགྱུར་གྲབས་ཡོད་འདུག གནས་སྟངས་འདི་འདྲ་ཞིག་གི་སྐབས་སུ་འབྲས་སྤུངས་སྒོ་མང་གི་གྲྭ་བ་ཞིག་གིས་ཤེས་པས། ཁོང་གིས་ལས་གྲོགས་སྐོར་ཞིག་དང་གྲོས་བསྡུར་བགྱིས་ཏེ། ད་ནས་བཟུང་ཁོང་ཚོ་མི་རེས་སློབ་ཕྲུག་གཉིས་རེའི་གུང་གསེང་གི་འགན་དེ་འཁུར་རྒྱུ་བྱས་པ་དང་། སློབ་གྲྭའི་འབྲེལ་ཡོད་རྣམས་ལ་དེ་ལུགས་འགྲེལ་བརྗོད་དང་འབྲེལ་དགོངས་འཁྲོལ་ཞུས་ཏེ་འདི་ག་འབྲས་སྤུངས་སུ་ཁྲིད་ཡོང་འདུག དྭ་ཕྲུག་འདི་གཉིས་གུང་གསེང་དུ་སླེབས་རྗེས་གཅིག་ནས་ཤུལ་དུ་གཅིག་བུར་ཡུལ་ཡུལ་བོར་ལྷག་པའི་ཡིད་མུག་གི་འཚོ་བ་མྱོང་མ་དགོས་པ་དང་། གཉིས་ནས་ཁོར་ཡུག་དང་ཁོར་ཡུག་གི་མི་སྣའི་སྤྲོ་སྣང་དང་གཅེས་སྐྱོང་ཚོར་བ། གསུམ་ནས་འུར་འུར་ལང་ལོང་གིས་སློབ་གྲོགས་གཞན་དང་འདྲ་བར་དྲི་མས་མ་གོས་པའི་བོད་ཀྱི་འཚོ་བ་དང་དགོན་པའི་སློབ་གསོ་མྱངས་པ་བཅས་ཀྱིས། ད་ལྟ་ཁོང་གཉིས་ནི་སྔོན་གྱི་ཡིད་སེམས་ཁོང་དུ་ཆུད་པའི་དྭ་ཕྲུག་དེ་གཉིས་རེད་ཟེར་ན་རྣར་མི་འགྲོ་བའི་ཚད་དུ་གྱུར་འདུག ད་དུང་སྤྱིར་བཏང་གི་འཚོ་བའི་འགྲོ་འདུག་སོགས་ཀྱི་ཐད། བབ་ཆགས་དང་ལྷོད་ཡངས་ཀྱི་བྱ་སྤྱོད་ཅིག་ལྡན་པས། ཁོ་གཉིས་ནི་ཅི་འདྲའི་མི་རྒན་ཞིག་ལོས་ཡིན་སྙམ་པའི་སྣང་བ་ཡང་སྟེར།
འབྲས་སྤུངས་སྒོ་མང་གྲྭ་ཚང་ལ་དགོན་པ་དང་བར་ཐག་དེ་ཙམ་མི་རིང་བའི་འདབས་རོལ་ཏུ་མགྲོན་ཁང་ཞིག་ཡོད། དེ་ནི་ཆེད་དུ་ཕྱོགས་ནས་ཕེབས་ཡོང་བའི་མི་སྐྱ་མགྲོན་པོ་རྣམས་སྡོད་སར་བཟོས་པ་ཞིག་རེད། ལོ་ནམ་ཞིག་ནས་འགོ་བཙུགས་པ་མི་ཤེས་མོད། ད་ལྟ་དེའི་ནང་འབྲས་སྤུངས་སུ་གུང་གསེང་དུ་སླེབས་པའི་སློབ་ཕྲུག་ཡོངས་ལ་འཛིན་གྲྭ་ཞིག་ཚུགས་འདུག་པ་དང་། དེ་ནི་སློབ་ཕྲུག་གུང་གསེང་དུ་ལེན་མཁན་རྣམས་ཀྱིས་ཆེད་འཛུགས་བྱས་པ་ཞིག་རེད། འཛིན་གྲྭ་འདིར་སུམ་རྟགས་དག་གསུམ་དང་སྙན་ངག་སོགས་བོད་ཀྱི་ཐུན་མོང་རིག་གནས་དང་། ཡ་རབས་བཟང་སྤྱོད་ཀྱི་སློབ་གསོ། ནང་ཆོས་ཀྱི་རྨང་གཞིའི་རྒྱུན་ཤེས་། ལས་འབྲས་དང་གྲུབ་མཐའ་ངོ་སྤྲོད། རིགས་ལམ་གྱི་འགྲོ་སྟངས་སོགས་སློབ་ཀྱི་ཡོད་པ་དང་། རང་ཁོངས་དགེ་འདུན་པའི་ཁྲོད་ཀྱི་དྲག་གྲས་འདེམས་སྒྲིག་གིས་ཆེད་དུ་སློབ་ཁྲིད་ཀྱི་ཁུར་སྐྱོང་དུ་བཅུག་ཡོད་པ་རེད།

ས་མཐར་གྱར་བས་ཡིན་ནམ། ཡང་ན་མཐོ་རིམ་སློབ་གསོ་མྱངས་པས་ཡིན། ད་ལྟ་སློབ་ཕྲུག་འདི་དག་ལ་དམིགས་བསལ་གྱི་ཁྱད་ཆོས་ཤིག་ཆགས་ཡོད་པ་ནི། གཞིས་ཆགས་ཀྱི་ཕྲུ་གུ་ཚོ་དང་བསྡུར་ཐབས་མེད་པར་འགན་འཁུར་གྱི་བསམ་བློ་དང་འདུ་ཤེས་ཤིག་འཚར་ལོངས་འབྱུང་གི་ཡོད་པ་དང་། ཕྲུ་གུ་ཆུང་བ་ལོ་བདུན་བརྒྱད་ནས་ཆེ་བ་ལོ་བཅོ་ལྔ་བཅུ་དྲུག་ཅན་འདི་ཚོ་གཤིས་རྒྱུད་ཡ་མ་བརླ་རུ་གྱུར་པའི་གཞིས་ཆགས་ཚོའི་རྒྱ་གར་གཤིས་རྒྱུད་ཀྱི་ཤུགས་རྐྱེན་ལས་ཚུར་དྲངས་ཏེ་སླར་བོད་ཀྱི་གཤིས་ཀའི་སྣུམ་གྱིས་ཟིན་གྱིན་པ་དེ་རེད།

ཁོང་ཚོ་གདན་ས་སོགས་སུ་སླེབས་རྗེས། སླད་མེད་དྭངས་གཙང་དང་བྱམས་སྙིང་རྗེ། རིས་མེད་ཀྱི་བརྩེ་བ་བཅས་ཀྱི་ཁོར་ཡུག་ཁྲོད་འཇིག་རྟེན་གཞན་ཞིག་ཏུ་སླེབས་འདྲའི་ཚོར་བས་བཟི་བ་དང་ཆབས་ཅིག བོད་ཀྱི་ཐུན་མོང་མ་ཡིན་པའི་ཧུར་བརྩོན་དང་བརྟན་ཚུགས་ཀྱི་གཤིས་ཀ་བགོས་ལ། གནས་ལུགས་ཀྱི་སྒོ་ཅི་ཡང་གཏན་ཚིགས་དང་རྒྱུ་མཚན་གྱིས་འཚོལ་བའི་རིགས་ལམ་གྱི་རྣམ་བཞག་དེ་མཐོང་བས། སྔར་ནས་ཡང་ཡང་རྣ་ཐོས་ཡོད་རུང་ངེས་ཤེས་སྐྱེས་མ་མྱོང་ཞིང་རྩ་ཆེན་ཡིན་ཞེས་པའི་བོད་ཀྱི་ཐུན་མོང་མ་ཡིན་པའི་རིག་གནས་ལ་ངེས་པ་རེ་རྙེད་ཡོད།

༧ གོང་ས་མཆོག་གིས་དུས་རྒྱུན་དུ་། བོད་མི་ལ་བོད་མིའི་གཤིས་རྒྱུད་དགོས། ཡ་རབས་བཟང་སྤྱོད་དགོས། གཞན་ཕན་ལྷག་བསམ་དགོས། རིག་གནས་ཤེས་བྱ་དགོས། སློབ་ཕྲུག་ཚོས་བོད་ཀྱི་རིག་གནས་སློབས། བོད་གཤིས་ཟུངས། རིགས་ལམ་སློབས་གསུངས་པ་བཞིན། གོང་གསེང་དུ་སླེབས་པའི་སློབ་ཕྲུག་འདི་ཚོའི་ཟླ་གཅིག་ལྷག་གི་གུང་གསེང་གི་དུས་ཚོད་འདི་ནི་མ་སྒྲིག་ལྷུན་གྱིས་གྲུབ་པ་ལྟར། ༧གོང་ས་མཆོག་གི་དཀའ་དགོངས་དེ་དག་དངོས་སུ་ལག་ལེན་དུ་བསྟར་བའི་གོ་སྐབས་ཤིག་ཏུ་གྱུར་ཡོད། སྤྱིར་ན་སློབ་གྲྭ་དངོས་གཞིའི་ཁོངས་སུ་ཡང་བཀའ་དགོངས་དེ་བཞིན་སྒྲུབ་ཀྱི་མེད་པ་མིན་མོད། ཁོར་ཡུག་དང་ཆེད་སྦྱོང་སློབ་ཚན་སོགས་ཀྱི་དབང་གིས་དེ་ཙམ་གྱི་སྤུས་དག་པོ་དང་གཏིང་ཟབ་པོ་ཞིག་ཡོང་མི་ཐུབ་པ་ནི་སུ་ལ་ཡང་ལེ་ཁག་དཀྲི་ས་མེད་པའི་དོན་ཞིག་ཡིན།

རིག་པ་གཞོན་པའི་དུས་ན་སློབ། །ཅེས་པ་ལྟར་ཡུལ་སྲོལ་གོམས་གཤིས་ཀྱང་སོགས་ཀྱང་དེ་བཞིན་ལོས་ཡིན། ད་ཆ་ང་ཚོར་རེ་བ་ཞིག་ཡོད་པ་ནི་ང་ཚོའི་མ་འོངས་པའི་གསོན་རྩ་སྟེ་བོད་ཕྲུག་འདི་ཚོ་བོད་མི་ཚད་ལྡན་ཏག་ཏག་ཞིག་ཏུ་འགྱུར་རྒྱུ་དེ་ཡིན་པས། དེ་ལ་གོ་སྐབས་ནམ་ཡོད་ལ་བརླན་གྱིས་བརླན་ཞིང་སྣུམ་གྱིས་གསོ་དགོས་པ་ལོས་ཡིན།

བྲེལ་བྲེལ་འཚབ་འཚབ་ཀྱི་འཚོ་བའི་དུས་ཚོད་འདི་དག་ཁྲོད། གུང་གསེང་དུ་སླེབས་པའི་སློབ་ཕྲུག་ཚོར་སྒྲིག་པའི་གོ་སྒྲིག་དང་ཁོང་ཚོའི་འགྱུར་བ་དེ་མཐོང་ཡོང་སྐབས། བདག་གི་སེམས་ཁོང་སྤྲོ་བས་བརྟས་ཤིང་། སྤོབས་པ་དང་སེམས་ཤུགས་ཀྱིས་མ་འོངས་པའི་བོད་དང་དེའི་འདུན་ལམ་ལ་རེ་བ་དང་ཡིད་ཆེས་ཀྱིས་ཁེངས་བྱུང་།

འབྲེལ་ཡོད་གསར་འགྱུར།

Advertisement for App

༸གོང་ས་རྒྱལ་བ་རིན་པོ་ཆེ་མཆོག་དགུང་གྲངས་ ༩༠ ལ་ཕེབས་པའི་སྐུའི་འཁྲུངས་སྐར་ལ་འཚམས་འདྲི་ཞུ།

ཆུ་ཚོད་ ༡༧ སྔོན་ལ།
Photo Credit: The European Parliament
༸གོང་ས་མཆོག གསར་འགྱུར།

རྒྱ་ནག་གཞུང་གིས་སྐུའི་ཡང་སྲིད་ལ་ཐེ་ཇུས་བྱེད་མཚམས་འཇོག་དགོས་པའི་སྐུལ་མ་བྱས།  

ཆུ་ཚོད་ ༡༨ སྔོན་ལ།
བོད་མིའི་སྒྲིག་འཛུགས་ཀྱིས་གཞིས་བྱེས་བོད་མི་ཡོངས་ཀྱི་ཚབ་ཞུས་ཏེ་༧གོང་ས་མཆོག་ལ་བརྟན་བཞུགས་བསྟར་འབུལ་ཞུས། དགའ་ལྡན་ཕོ་བྲང་གི་སྐུ་པར། ༢༠༢༥།༠༧།༠༥
༸གོང་ས་མཆོག གསར་འགྱུར།

བོད་མིའི་སྒྲིག་འཛུགས་ཀྱིས་གཞིས་བྱེས་བོད་མི་ཡོངས་ཀྱི་ཚབ་ཞུས་ཏེ་༧གོང་ས་མཆོག་ལ་བརྟན་བཞུགས་བསྟར་འབུལ་ཞུས།

ཆུ་ཚོད་ ༢༠ སྔོན་ལ།
The BBC visited the Kirti monastery in Aba as the Dalai Lama turned 90
Mobile App

༧སྐུའི་གོ་སྟོན་དང་འབྲེལ་བོད་ནང་དུ་དམ་དྲག་ཤུགས་ཆེན་བྱེད་བཞིན་འདུག

༢༠༢༥/༠༧/༠༤
རྒྱ་གཞུང་གིས་རེབ་གོང་གི་དྲུག་པའི་ཀླུ་རོལ་གྱི་དུས་ཆེན་བཀག་འགོག་བྱས་འདུག ལྷ་སྲས་བསོད་ནམས་ཀྱི་པར། ༢༠༢༥།༧།༤
Mobile App

རྒྱ་གཞུང་གིས་རེབ་གོང་གི་དྲུག་པའི་ཀླུ་རོལ་གྱི་དུས་ཆེན་བཀག་འགོག་བྱས་འདུག

༢༠༢༥/༠༧/༠༤
༧གོང་ས་མཆོག་ལ་ཆོས་ཚོགས་ཐེངས་བཅོ་ལྔ་བའི་ཐོག་སྤྱི་མོས་གཏན་འབེབས་བྱུང་བའི་གྲོས་ཆོད་ཁག་སྙན་སེང་ཞུས། དགའ་ལྡན་ཕོ་བྲང་གི་སྐུ་པར། ༢༠༢༥།༧།༤
༸གོང་ས་མཆོག གསར་འགྱུར།

༧གོང་ས་མཆོག་ལ་ཆོས་ཚོགས་ཐེངས་བཅོ་ལྔ་བའི་ཐོག་སྤྱི་མོས་གཏན་འབེབས་བྱུང་བའི་གྲོས་ཆོད་ཁག་སྙན་སེང་ཞུས།

༢༠༢༥/༠༧/༠༤

མཆན། 6

  1. བསྟན་འཛིན་ཤེས་རབ། says:
    ལོ་ 15 སྔོན།

    དྲ་གྲོགས་རྣམ་པ་ཚོ། རང་རང་གི་ཚོར་བ་དང་ཚོད་དཔག་ཡན་གར་བ་དེ་ཚོ་ཁྱེར་ཡོང་སྟེ་གཞན་གྱི་རྩོམ་ཡིག་ལ་བཤགས་བཅོས་མ་གནང་རོགས། མི་སྒེར་གྱི་དོན་གནད་གླེང་ཚེ་ཁོ་བོའི་ཟིན་བྲིས་ནང་ཕེབས་རོགས། མ་གཞི་ད་ནས་བཟུང་ཁོ་བོ་ཟིན་བྲིས་སོགས་ཀྱི་ནང་ཡོང་མིན་མི་ཤེས་མོད། གང་ལྟར་ཕྱི་རོལ་ཏུ་མི་སྒེར་གྱི་སྐོར་མ་གླེང་རོགས་ཞེས་རེ་སྐུལ་ཞུ་བ་ལགས།

    Reply
  2. རི་བོང། says:
    ལོ་ 15 སྔོན།

    བསྟན་འཛིན་ཤེས་རབ་ལགས།
    ཨ་ཁུ་དགེ་མཐོང་གི་གཏོར་མ་དེ་ཁྱེད་ཀྱི་ཞབས་བརྟན་ཆགས་པ་འདྲ། བཤད་ས་བུ་མོ་དང་། ཉན་ས་མནའ་མ་ཡིན་ཁོས་ལོས་ཤེས། ཐད་ཀར་གཏུག་རེས་མ་བྱས་པ་འགྲིག་གི དགོངས་ཚུལ་ལ་རྒྱབ་སྐྱོར་ཡོད། མ་ཟད་ཁྱོད་ལ་ལོ་རྔ་ཟླ་རྔ་འདིར་གཏོར་ཟོར་རྣོན་པོ་དེ། མི་ཟུག་པའི་ཆེད་དུ་ངས་ཁོ་ལ་ཆ་གསུམ་ཞིག་གཡུགས་ཡོད། དེ་མཁྱེན་སོང་ངམ།

    Reply
  3. བྱམས་རྒྱལ། says:
    ལོ་ 15 སྔོན།

    བདེན་བདེན་
    དགེ་མཐོང་བཤད་ན་དགེ་བཐོང་བདེན།
    བསྟན་འཛིན་བཤད་ན་བསྟན་འཛིན་བདེན།
    དེས་ན་ད་ལན་ཁྱེད་གཉིས་ལ།
    ལྔ་བཅུ་ལྔ་བཅུ་གཟིངས་རྟགས་ཡོད་།

    Reply
  4. desey says:
    ལོ་ 15 སྔོན།

    ཕན་ཚུན་ལ་རོགས་རམ་གནང་བར་བསྔགས་བརྗོད་ཞུ།

    Reply
  5. སྤྲང་ཕྲུག says:
    ལོ་ 15 སྔོན།

    ཁྱེད་ཀྱི་རྩོམ་ཡིག་འདི་བསམ་བཞིན་དུ་ཨ་ཁུ་དགེ་མཐོང་ལ་བྲིས་ནི་ཡིན་ས་རེད།
    ཁ་སང་གི་ཁྱེད་གཉིས་ཀྱི་རྩོད་གཞི་རུ་ཁྱེད་གཉིས་ཀ་འགྲིག་འདུག
    གཅིག་གིས་ཡག་ས་ཞིག་ནས་གླེང་བ་རེད་ལ་
    གཞན་དེས་སྡུག་ས་ཞིག་ནས་བཤད་ནི་རེད་

    Reply
  6. བཀྲ་ཤིས་སྒྲོལ་མ། says:
    ལོ་ 15 སྔོན།

    རེ་བ་དང་ཡིད་ཆེས་ཡོད་པ་ཧ་ཅང་བཟང་གི། མི་ཞིག་ལ་རེ་བ་དང་ཡིད་ཆེས་མེད་པའི་དུས་སྐབས་ཤིག་ཤར་རྒྱུ་ཡོད་པ་རེད། དུས་དེར་སླེབས་དུས་ཚང་མ་ཚར་ཡོད་པ་རེད། དེའི་ཕྱིར་ཁྱོད་ལ་རེ་བ་དང་ཡིད་ཆེས་འདི་འདྲ་ཡོད་པ་བཟང་གི། འོན་ཀྱང་རེ་བ་འཛིན་སྟངས་དང་ཆེས་སླེབས་སྟངས་ཀྱི་ཐད་ནས་ད་དུང་བསམ་དགོས་པ་ཡོད་ཚོད་འདུག

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese